ملتقى طلاب وطالبات جامعة الملك فيصل,جامعة الدمام

ملتقى طلاب وطالبات جامعة الملك فيصل,جامعة الدمام (https://vb.ckfu.org/)
-   مواد مشتركة - ارشيف تربية خاصة المستوى 8 (https://vb.ckfu.org/f415)
-   -   نداء للطلاب اللي اختبرو كفايات المعلمين .. (https://vb.ckfu.org/t422558.html)

رضاك يارب وجنتك 2013- 1- 27 09:45 PM
نداء للطلاب اللي اختبرو كفايات المعلمين ..
 
السلام عليكم

حبيت اسأل الطلاب اللي اختبرو اختبار كفايات المعلمين بقياس ..

هل انتم متاكدين ان درجة الاختبار تنحسب للي ع وشك تخرج ؟؟ لاني قريت اكثر من موضوع يقولون نتيجة هالاختبار ماتنحسب الا اللي معه وثيقته ومسجل بجداره !!

وياليت تتكلمون لنا عن الاختبار
من ناحية السهوله والصعوبه ومن ناحية الوقت وهل لاحظتو تكرار بعض الاسئله الموجوده بالنت ؟؟

وشكراً للجميع :16:

MISS EAMA 2013- 1- 27 10:19 PM
رد: نداء للطلاب اللي اختبرو كفايات المعلمين ..
 
أختي بموقع القياس كاتبين اللي متوقع تخرجهم هذي السنه يختبرون هذا الاختبار .. يعني أحنا من ضمنهم أن شاء الله
وياليت فعلاً أحد يفيدنا من ناحية الأسئلة

رضاك يارب وجنتك 2013- 1- 27 10:58 PM
رد: نداء للطلاب اللي اختبرو كفايات المعلمين ..
 
اتمنى

لكن كذا شخص بالنت وبتويتر يستفسرون ويقولون لا بس اللي سجلو بجداره !
شكلهم كتبو اللي متوقع تخرجهم وتحسفو :28:

لكن الله يكتب اللي فيه خير :29:

سويت خوخيتا 2013- 1- 28 01:33 AM
رد: نداء للطلاب اللي اختبرو كفايات المعلمين ..
 
سؤال للطلاب؟
مانوع الاسئلة وكيف مستوى الصعوبة
ماهي اغلب نوع من الاسئله

لاني سجلت في اختبار الكفايات للمعلمات الدفعة الاولى ومتخوفة من الاسئلة لاني ماسبق اختبرت قدرات او تحصيلي


واتمنى احد الاخوان اللي اختبروا يفيدوني
ولكم جزيل الشكر والامتنان

لمسه حنان 2013- 1- 28 02:07 AM
رد: نداء للطلاب اللي اختبرو كفايات المعلمين ..
 
حبيت اسال
انا اللي اعرفه انا الاختبار فقط للطلاب صح ولا افدويني جزاكم الله خير

رضاك يارب وجنتك 2013- 1- 28 02:16 AM
رد: نداء للطلاب اللي اختبرو كفايات المعلمين ..
 
ايه اختي للطلاب
وهذاي السنه فتحوه للطالبات :22:

أسير بلآ قيود 2013- 1- 28 02:20 AM
رد: نداء للطلاب اللي اختبرو كفايات المعلمين ..
 


طيب متى يبدى التسجيل في الاختبار

MISS EAMA 2013- 1- 28 05:44 AM
رد: نداء للطلاب اللي اختبرو كفايات المعلمين ..
 
اقتباس:
المشاركة الأصلية كتبت بواسطة رضاك يارب وجنتك (المشاركة 8195019)
اتمنى

لكن كذا شخص بالنت وبتويتر يستفسرون ويقولون لا بس اللي سجلو بجداره !
شكلهم كتبو اللي متوقع تخرجهم وتحسفو :28:

لكن الله يكتب اللي فيه خير :29:
و الله ما عندي فكرة بس حتى أختي اللي تخرجت هالسنه بتختبره مع أنها ما سجلت بجداره .. يعني هل مفترض فيها تسجل بجداره بالأول و لا كيف ..
الله يكتب لنا جميعاً اللي فيه الخير و ييسر لنا أمورنا

سهم السهم 2013- 1- 28 06:08 AM
رد: نداء للطلاب اللي اختبرو كفايات المعلمين ..
 
اختبرت ولا عديت لأنة صعب ويعتمد على تخصصك


ودخلت الأختبار وماتخرجت لأن متوقع تخرجك

ومدة وثيقة القياس 3 سنوات واذا عدت 3 سنوات وماقدمت بالخدمة المدنية وانتهت مدتة تختبر من جديد

قـف و نـاظـر 2013- 1- 28 06:45 AM
رد: نداء للطلاب اللي اختبرو كفايات المعلمين ..
 
^^^

كم قيمة الأختبار .. وكم سؤال .. انا اختبر القياس الي بعد الثانوية والله اني ما استفدت منه بس قلنا بنسجل بالجامعة وهيك شغلات بس ربي ما كتب لان الدراسة الا الحين ..

بالتوفيق للجميع

انا بختبرهه اذا ربي يسر السنه الجايه

رضاك يارب وجنتك 2013- 1- 28 02:53 PM
رد: نداء للطلاب اللي اختبرو كفايات المعلمين ..
 
اقتباس:
المشاركة الأصلية كتبت بواسطة miss eama (المشاركة 8198359)
و الله ما عندي فكرة بس حتى أختي اللي تخرجت هالسنه بتختبره مع أنها ما سجلت بجداره .. يعني هل مفترض فيها تسجل بجداره بالأول و لا كيف ..
الله يكتب لنا جميعاً اللي فيه الخير و ييسر لنا أمورنا
والله يابعد عمري ماادري بس اتصلو ع مركز قياس
920001170
واستفسرو منهم شخصياً ، وتراهم مايردون بسرعه يعني خليه يدق لين يفصل من حاله واذا ماردو دقي مره ثانيه:36:

رضاك يارب وجنتك 2013- 1- 28 02:55 PM
رد: نداء للطلاب اللي اختبرو كفايات المعلمين ..
 
اقتباس:
المشاركة الأصلية كتبت بواسطة قـف و نـاظـر (المشاركة 8198569)
^^^

كم قيمة الأختبار .. وكم سؤال .. انا اختبر القياس الي بعد الثانوية والله اني ما استفدت منه بس قلنا بنسجل بالجامعة وهيك شغلات بس ربي ما كتب لان الدراسة الا الحين ..

بالتوفيق للجميع

انا بختبرهه اذا ربي يسر السنه الجايه
قيمته 200 ريال
والظاهر 110 اسئله

MISS EAMA 2013- 1- 28 04:21 PM
رد: نداء للطلاب اللي اختبرو كفايات المعلمين ..
 
اقتباس:
المشاركة الأصلية كتبت بواسطة رضاك يارب وجنتك (المشاركة 8201454)
والله يابعد عمري ماادري بس اتصلو ع مركز قياس
920001170
واستفسرو منهم شخصياً ، وتراهم مايردون بسرعه يعني خليه يدق لين يفصل من حاله واذا ماردو دقي مره ثانيه:36:
الله يعطيك العافية ياقلبي .. و أتوقع جدارة يكون حق اللي يسجلون حق التوظيف يعني المفترض الاختبار يكون قبله .. و مشكورة ما قصرتي

أبداع القلم 2013- 1- 28 09:48 PM
رد: نداء للطلاب اللي اختبرو كفايات المعلمين ..
 
:8: احس انهم بالامتحان (( القياس )) مايبون احد يتوظف بصراحه ليه الامتحان ليه ولازم القياس بفلو س الطلاب الي متخرجين من الثانويه 100 ريال وقياس المعلمين 200 ريال ... انا مو من مبداء فلوس ؟؟؟
ليه هالظلم ليه هالا!!!!!!!! يعني انا متخرج وبمعدل كويس ماني كفؤ ليه :32:

اناااا من سمعت هالخبر قررت اني لاتخرجت اتوظف بالمدارس الاهليه والمعاهد :28:


الله يكون بالعون:7:

متي التقديـــــــــــــــــــــــم للامتحان :42::20:

اخت مصعب 2013- 1- 28 10:43 PM
رد: نداء للطلاب اللي اختبرو كفايات المعلمين ..
 
الي عنده حساب بتويتر يكتب قياس واساله ويردون عليك

اخت مصعب 2013- 1- 28 10:43 PM
رد: نداء للطلاب اللي اختبرو كفايات المعلمين ..
 
موفقين يارب:1::1:

اهـــم 001 2013- 1- 29 12:17 AM
رد: نداء للطلاب اللي اختبرو كفايات المعلمين ..
 
الله يعينكم كل يوم نظام جديد
على كل الاحوال ...اللى تسجل تختار خريجه هذا العام ....لان خلاص نهايه هذا العام تخرجكم ... زي ماسويت انا اختبرت يوم الخميس مع اول اختبار لنا بالجامعه يومها
المهم الاسئله تطمنوا سهله جدا للي تخصصهم تربيه خاصه
انا تخصصي صعوبات تعلم .... كل الاسئله اللي جت مرت عليه ولكن بصراحه للاسف كنت اظن اجيب 90 اقل شي لاني كنت ظامن اني حليت وجبت ااقل بكثييييييييير
المهم
يجي دفتر الاسئله باربعه اقسام ..ملونه كل قسم لوون وكل قسم يحتوي 30 سؤال ..وبعضها اكثر
مدة كل قسم 30 دقيقه ....اذا انتهى الوقت الكل يرفع يده ولايكتب اي شي... ثم يشعلون توقيت القسم الثني وتبدى الحل ....طبعا المراقبين يعرفون انت بااي قسم ع باللون المفتوح عندك وممنوع ترجع للقسم السابق من الاسئله

الاسئله كانت مابين املاء ونحو ورياضيات وتخصص ...وهذي بعض الاسئله اللى اذكرها تقريبا ....وللاسف كنت بكتب موضوع بوقتها لاني باقي متذكر الاسئله بس مافضيت ..الحين بحاول اتذكر بعضها

1-يكتب مثلا نص ويقول وش النهايه المفروض تنكتب بين الجمله والجمله الثانيه... مثلا نقطه .. او فاصله او فاصله منقوطه.
2- يكتب املاء مثلا الكلمه الصحيحه واحده من الاتي عصا عصى عصي ....يعني كلمة عصى بايش تنكتب بالاف المقصوره والا الالف العاديه وهيك >>تروني صفر بالاملاء هع

3- يكتب كلمه ويقول وش المرادف لها مثلا ظلام :- عتمه او شي زي كذا زي هذي الاسئله ان شاء الله مامن خوف
4- سؤال يقول لديك غرفة طولها 4*4 تريد تغطيها باالكامل بسراميك طول السراميك .80 * 0.80 سم ...كم تحتاج من السراميك لتغطية الغرفه؟!! ع ماذكر زي كذا السؤال .... انا قمت رسمت مربع 4 في 4 وقسمته صغير صغير ع انها سراميك هع ...اللى شاطر بالرياضيات ماعنده مشكله

4- يجيك اسئلة بالرياضيات عن الدائرة والقطر
5- الجمع والضرب والقسمه
5- جاب سؤال عن المنوال والمتوسط الحسابي
6- جاب سؤال في التخصص عن عدد حالات التربيه الخاصه المعتمده بالنظام الامريكي 11 والا 13 ...10 ..9
7- نسبة ذكاء ذوي الاعاقه العقليه المتوسطه 25% او 50% او 90%
8--جاب سؤال ..يقول وجدت مجموعه من الطلاب يوجهون لطالب كلمات غير اخلاقيه ..ماذا تفعل؟! 1- تعاقبهم 2- تنصحهم بان لايكرروا هذا الفعل 3- تنصح الطالب بعدم مواجه هذه المجموعه ..... اممم معليش شي زي كذا

والله حاليا ماقدر اجمع بس لو تذكرت شي رجعت لهووون:9:

D.j!Nn 2013- 1- 29 12:40 AM
رد: نداء للطلاب اللي اختبرو كفايات المعلمين ..
 
عز الله جبناا العيد دام هذي اسألتهم ..
وانا اقرا احين حسيت فيني صعوبات تعلم < هه

يعطيك 1000 عافيةة خيو وماقصرت

نمارق هل 2013- 1- 29 09:17 AM
رد: نداء للطلاب اللي اختبرو كفايات المعلمين ..
 
طيب بسأل ..
إذا اختبرت الحين,, وحبيت اختبر مره ثانيه بالدفعه الثانيه علشان ازيد درجتي ,, نفس طريقة اختبار القياس,,
عادي؟؟

طيب عادي اسجل اختبار قياس الجامعيين؟ واختبار كفايات المعلمين؟؟ بنفس الوقت.

اللي عنده معلومه يفيدنا,,:29:
الله يجزاه خير,,

نبرﻫ هادئه 2013- 1- 29 03:55 PM
رد: نداء للطلاب اللي اختبرو كفايات المعلمين ..
 
الله يعطيك العافيه اخوي اهم

حاول تتذكر بعد اسئله

رضاك يارب وجنتك 2013- 1- 29 05:08 PM
رد: نداء للطلاب اللي اختبرو كفايات المعلمين ..
 
اخوي اهم ١
يعني ماحطيت انك ع وشك تخرج حطيت متخرج ؟
طيب بالنسبه للمعدل وش حطيت ؟ حطيت اخر معدل وصلته والا كيف ؟؟

رضاك يارب وجنتك 2013- 1- 29 09:56 PM
رد: نداء للطلاب اللي اختبرو كفايات المعلمين ..
 
قريت بحساب قياس في تويتر أنه نحط المعدل التقريبي
طيب أنا الحين بعدل معدلي ولاقدرت نهائي !!

وش السواة:12:

deema ^^ 2013- 1- 30 12:36 PM
رد: نداء للطلاب اللي اختبرو كفايات المعلمين ..
 
بليييييز احد يفهمني وش سالفة الاختبار هذا :6::6:

نجمة المساء 2013- 1- 30 04:15 PM
رد: نداء للطلاب اللي اختبرو كفايات المعلمين ..
 
طيب لو جبت درجة مو عالية الله لا يقدر

اقدر اعيد الاختبار اخر السنة ولا متي ينعاد هاذا الاختبار

لامــــــــار 2013- 1- 31 12:57 AM
رد: نداء للطلاب اللي اختبرو كفايات المعلمين ..
 
اقتباس:
المشاركة الأصلية كتبت بواسطة نجمة المساء (المشاركة 8219198)
طيب لو جبت درجة مو عالية الله لا يقدر

اقدر اعيد الاختبار اخر السنة ولا متي ينعاد هاذا الاختبار
الي عنده فكره يرد علينا جزاكم الله خير

MISS EAMA 2013- 1- 31 12:18 PM
رد: نداء للطلاب اللي اختبرو كفايات المعلمين ..
 
اقتباس:
المشاركة الأصلية كتبت بواسطة نجمة المساء (المشاركة 8219198)
طيب لو جبت درجة مو عالية الله لا يقدر

اقدر اعيد الاختبار اخر السنة ولا متي ينعاد هاذا الاختبار
الاختبار يكون مرة وحدة بالسنة تقدرين تعيدينه السنة القادمة

اخت مصعب 2013- 1- 31 03:40 PM
رد: نداء للطلاب اللي اختبرو كفايات المعلمين ..
 
بالسنه مره تختبرين ولازم تجيبين 50 وفوق وتدخلين بجداره للتوظيف

غصون الازهار 2013- 1- 31 03:52 PM
رد: نداء للطلاب اللي اختبرو كفايات المعلمين ..
 
حرااااام عليهم شو هالقرارا ت تعجيزيه :24::12:

دلع فوشيه 2013- 1- 31 07:59 PM
رد: نداء للطلاب اللي اختبرو كفايات المعلمين ..
 
ان شاءالله احلها على م سبق دراسته

بس المشكلة الرياضيات بجيب صفررر مع مرتبةة الشرف

*_*

دلع فوشيه 2013- 1- 31 08:02 PM
رد: نداء للطلاب اللي اختبرو كفايات المعلمين ..
 
عندي استفسار كذا

الحين انا بالمستوى السابع بعد العيد ابدء تطبيق ان شاءالله

اختبر الحين يصير لو جبت نسبة مش كويسه اعيد السنه الجديده بعد التطبيق يعني اتخرج

؟؟

haneen@ 2013- 2- 2 05:41 PM
رد: نداء للطلاب اللي اختبرو كفايات المعلمين ..
 
السلام عليكم
ايش الفرق بين قياس الجامعين و كفايات المعلمين ؟
عادي اختبر الاثنين في نفس الوقت؟ ووش الاهم فيهم ؟

حمودلي 2013- 2- 5 05:10 PM
رد: نداء للطلاب اللي اختبرو كفايات المعلمين ..
 
الحمدلله اختبرت معاهم هذه السنه وعديت وكنت عارف اخطائي يا اخوان واخوات لا تخافون من الاختبار انا عن نفسي كنت متخوف يحتاج تركيز يعني يعطيك سؤال ويبغى جوابه الاصح من بينها والله بعض المسائل ما تحتاج ولا ثواني لكن علشان الخوف والارتباك من الوقت لانه محدد لكل مجموعه فيجعلك ما تركز وتحس انك تشوف حاجه غريبه انا عن نفسي كنت اترك السؤال الصعب واروح للبسيط وارجع للصعب ويسهل عليه لاني ريحت نفسي من عدد من الاسلة ...

المهم تراهم ركزو من ناحية التخصص على اعداد برامج تربوية وطرق التدريس ...

من ناحية اللغوية ركزو على الهمزان مثلا الهمزة المتطرفه تكون في اول والا اخر وهكذا يعني بصراحه مادة اللغة العربية للمعلم التربية الخاصة مهمهة ...

العددية هذه على شطاراتك في الدراسة كيف فهمك للمسالة جمع ومتوسط حسابي وهكذا ...

:2:اسال الله لي ولكم التوفيق وحسن الختام آآآمين:2:

رضاك يارب وجنتك 2013- 2- 5 06:19 PM
رد: نداء للطلاب اللي اختبرو كفايات المعلمين ..
 
الله يجزاك الجنه ووالديك بجد محتاجين نقرا تجارب اللي قبلنا :16:

طيب اخوي كم سؤال ع كل من التربوي والعددي واللغوي والتخصصي ؟؟ لاني سمعت يقولون متفاوت

طفر 2013- 2- 5 07:25 PM
رد: نداء للطلاب اللي اختبرو كفايات المعلمين ..
 
انا طالب من المستوى الخامس
حسب لمعلومات اللي سمعت منه
ان اختبار القياس رسومه 200 ريال ، وعدد الاسئله 100 سؤال ، كل سؤال له درجه ، والاسئله كله عن المواد اللي مرت عليكم بالمستويات ( 1-2-3-4-5-6-7)

يعني فيه الاسئله من الاحصاء حق المستوى الاول ..................الخ

اما الجداره - طلب للتوظيف فقط

وانشا الله يكون سهله الاختبارات القياس



واتمنى لكم التوفيق والنجاح:2::43::1:

صوصة123 2013- 2- 5 09:25 PM
رد: نداء للطلاب اللي اختبرو كفايات المعلمين ..
 
الله يستر

نبي تجارب الاعضاء من اللي اختبروا

خاصه ان كل التخصصات متوافره بالنت ماعدا صعوبات التعلم

فياليت اللي اختبروا صعوبات هالسنه يتذكروا الاسئله لاني اتوقع بتكون نفسها لنا ان شاء الله

عبدالله الحسن 2013- 2- 13 05:28 AM
رد: نداء للطلاب اللي اختبرو كفايات المعلمين ..
 
تقدرون تختبرون أكثر من مره مافي مشكله لان ٢٠٠ريال هذي ل ختبارين وتقدر تحول رصيدك المتبقي ل أي شخص ثاني قبل انتهى مدة ٥ سنوات تقريبا وتقدر تختبر في أي اختبار بشرط اختيار خريج السنه حتى لو كنت موش خريج لان مدة صلاحية الاختبار ٣سنوات وبالنسبة للمعدل وضع المعدل الحالي لك وبالتوفيق للجميع

لولي 2 2013- 2- 13 05:47 AM
رد: نداء للطلاب اللي اختبرو كفايات المعلمين ..
 
حبيت اسأل هل انتهى التسجيل ؟؟؟

الســــلطان 2013- 2- 13 06:55 AM
رد: نداء للطلاب اللي اختبرو كفايات المعلمين ..
 
هذا رابط مواعيد التسجيل
http://www.qiyas.sa/ApplicantsServic.../redirect.aspx

صوصة123 2013- 2- 14 12:47 PM
رد: نداء للطلاب اللي اختبرو كفايات المعلمين ..
 
اقتباس:
المشاركة الأصلية كتبت بواسطة اهـــم 001 (المشاركة 8206291)
الله يعينكم كل يوم نظام جديد
على كل الاحوال ...اللى تسجل تختار خريجه هذا العام ....لان خلاص نهايه هذا العام تخرجكم ... زي ماسويت انا اختبرت يوم الخميس مع اول اختبار لنا بالجامعه يومها
المهم الاسئله تطمنوا سهله جدا للي تخصصهم تربيه خاصه
انا تخصصي صعوبات تعلم .... كل الاسئله اللي جت مرت عليه ولكن بصراحه للاسف كنت اظن اجيب 90 اقل شي لاني كنت ظامن اني حليت وجبت ااقل بكثييييييييير
المهم
يجي دفتر الاسئله باربعه اقسام ..ملونه كل قسم لوون وكل قسم يحتوي 30 سؤال ..وبعضها اكثر
مدة كل قسم 30 دقيقه ....اذا انتهى الوقت الكل يرفع يده ولايكتب اي شي... ثم يشعلون توقيت القسم الثني وتبدى الحل ....طبعا المراقبين يعرفون انت بااي قسم ع باللون المفتوح عندك وممنوع ترجع للقسم السابق من الاسئله

الاسئله كانت مابين املاء ونحو ورياضيات وتخصص ...وهذي بعض الاسئله اللى اذكرها تقريبا ....وللاسف كنت بكتب موضوع بوقتها لاني باقي متذكر الاسئله بس مافضيت ..الحين بحاول اتذكر بعضها

1-يكتب مثلا نص ويقول وش النهايه المفروض تنكتب بين الجمله والجمله الثانيه... مثلا نقطه .. او فاصله او فاصله منقوطه.
2- يكتب املاء مثلا الكلمه الصحيحه واحده من الاتي عصا عصى عصي ....يعني كلمة عصى بايش تنكتب بالاف المقصوره والا الالف العاديه وهيك >>تروني صفر بالاملاء هع

3- يكتب كلمه ويقول وش المرادف لها مثلا ظلام :- عتمه او شي زي كذا زي هذي الاسئله ان شاء الله مامن خوف
4- سؤال يقول لديك غرفة طولها 4*4 تريد تغطيها باالكامل بسراميك طول السراميك .80 * 0.80 سم ...كم تحتاج من السراميك لتغطية الغرفه؟!! ع ماذكر زي كذا السؤال .... انا قمت رسمت مربع 4 في 4 وقسمته صغير صغير ع انها سراميك هع ...اللى شاطر بالرياضيات ماعنده مشكله

4- يجيك اسئلة بالرياضيات عن الدائرة والقطر
5- الجمع والضرب والقسمه
5- جاب سؤال عن المنوال والمتوسط الحسابي
6- جاب سؤال في التخصص عن عدد حالات التربيه الخاصه المعتمده بالنظام الامريكي 11 والا 13 ...10 ..9
7- نسبة ذكاء ذوي الاعاقه العقليه المتوسطه 25% او 50% او 90%
8--جاب سؤال ..يقول وجدت مجموعه من الطلاب يوجهون لطالب كلمات غير اخلاقيه ..ماذا تفعل؟! 1- تعاقبهم 2- تنصحهم بان لايكرروا هذا الفعل 3- تنصح الطالب بعدم مواجه هذه المجموعه ..... اممم معليش شي زي كذا

والله حاليا ماقدر اجمع بس لو تذكرت شي رجعت لهووون:9:


ياليت احد يجاوب مشكوووووووور


All times are GMT +3. الوقت الآن حسب توقيت السعودية: 05:28 PM.

Powered by vBulletin® Version 3.8.7, Copyright ©2000 - 2025, Jelsoft Enterprises Ltd.
Content Relevant URLs by vBSEO 3.6.1 جامعة الملك الفيصل,جامعة الدمام

Adsense Management by Losha

المواضيع والمشاركات في الملتقى تمثل اصحابها.
يوجد في الملتقى تطوير وبرمجيات خاصة حقوقها خاصة بالملتقى
ملتزمون بحذف اي مادة فيها انتهاك للحقوق الفكرية بشرط مراسلتنا من مالك المادة او وكيل عنه