عاجل بخصوص اختبار كفايات المعلمين اللي ما اختبر يلحق
 

بسم الله الرحمن الرحيم
الاخوة الكرام
السلام عليكم ورحمة الله وبركاته
اتصلت يوم الاربعاء على مركز قياس وسألتهم عن اختبار كفايات المعلمين وقال لي ان التقديم انتهى والناس اختبرت ولا فيه اختبار الا السنة الجاية بعدها طلب رقم الهوية وسألني انت متخرج قلت له لا بس هذا اخر فصل قال خلاص سجلت بياناتك واحتمال راح يكون فيه اختبار استثنائي متى ما اكتمل العدد وراح نبلغك برسالة على جوالك المسجل عندنا بعدها سألته عن التخصص قالي ايوه مطلوب واخذ كل بيانتي فيا اخوان اللي فاته الاختبار المرة الاولى لا يفوته المرة هذي وسارعوا بالاتصال على الرقم الخاص بالطلاب
01/4909090
و يارب سهل

رد: عاجل بخصوص اختبار كفايات المعلمين اللي ما اختبر يلحق
 

وعليكم والسلام ورحمة الله وبركاته

يعطيك العافيه ياماجد ع التنويه

بس ابي اعرف كم مدة صلاحية نتيجة الاختبار يعني سنه او اكثر


بالتوفيق:2:

رد: عاجل بخصوص اختبار كفايات المعلمين اللي ما اختبر يلحق
 

اللي قريته في المنتدى هنا ان صلاحية الاختبار 3سنوات بس المشكلة مو هنا المشكلة انك لو اختبرت وما نجحت في الاختبار ما تختبر الا السنة اللي بعدها انا لو كنت اعرف النظام هذا كان اختبرت كل سنة اختبار لكن ألحين لو اختبرت وما عديت اجلس سنة انتظر وانا متخرج انا اشوف اللي عنده فرصة يختبر كل سنة يختبر.

رد: عاجل بخصوص اختبار كفايات المعلمين اللي ما اختبر يلحق
 

اجل انا يوم السبت بتصل عليهم

وبسجل اسمي

صحيح لو تجيب العيد ما راح تختبر الا السنه الي بعدها

بس تجيب درجة 50 تنجح

ان شاء الله تتيسر الامور

لاهنت

رد: عاجل بخصوص اختبار كفايات المعلمين اللي ما اختبر يلحق
 

الف شكر اخوي ماجد على التنبيه وان شاء الله نتصل عليهم يوم السبت ونسجل

رد: عاجل بخصوص اختبار كفايات المعلمين اللي ما اختبر يلحق
 

مشكور خيي ماجد على التنبيه

ان شاء الله نكلمهم هذا الاسبوع

والله الموفق :16:

رد: عاجل بخصوص اختبار كفايات المعلمين اللي ما اختبر يلحق
 

بتوفيق

رد: عاجل بخصوص اختبار كفايات المعلمين اللي ما اختبر يلحق
 

يعني البنات مالهم اختبار ولا شلون ..!!

رد: عاجل بخصوص اختبار كفايات المعلمين اللي ما اختبر يلحق
 

اكيد لهم اختبار كان اختبارهم قريب قبل اسبوع تقريبا ادخلي ع موقع قياس وشوفي

رد: عاجل بخصوص اختبار كفايات المعلمين اللي ما اختبر يلحق
 

لا قصدي اعاده اختبار ؟؟

رد: عاجل بخصوص اختبار كفايات المعلمين اللي ما اختبر يلحق
 

صباح الخير
توني مكلمهم يقول اختبارك القادم السنه الجايه
قلت طيب سجل رقمي عندك يمكن يعقد اختبار
قال يخوي موصحيح هالكلام ولافيه اختبار ثاني
الأمور ذي من الوزارة مو من عندنا
هذا ماحصل عند اتصالي بمركز قياس

رد: عاجل بخصوص اختبار كفايات المعلمين اللي ما اختبر يلحق
 

السلام عليكم ورحمة الله وبركاته

وانا توي مكلمهم قال مافيه شي حاليا قلت طيب سجل رقمي اذا فتحتو استثناء او شي تبلغوني

قال ياخوي مافيه شي هذي كلها من عند الوزاره اذا قالت افتحو تسجيل فتحنا

قلت طيب يعطيك العافيه وقفلت :42:

رد: عاجل بخصوص اختبار كفايات المعلمين اللي ما اختبر يلحق
 

وسئلته عن مدة صلاحية نتيجة الاختبار قال 3 سنوات

رد: عاجل بخصوص اختبار كفايات المعلمين اللي ما اختبر يلحق
 

آفا والله يا إخوان انا كلمتهم يوم الأربعاء الماضي وطلب السجل المدني حقي وأخذ كل بياناتي من نفسه هو اللي طلبها وقال لي ان راح توصلني رسالة على جوالي اذا فيه اي جديد زي ما وضحت لكم في الموضوع ممكن الموظف اللي رد عليكم مو فاهم او حتى ممكن اللي رد علي انا بس هذا اللي حصل معي.
جربوا اتصلوا مره ثانية

رد: عاجل بخصوص اختبار كفايات المعلمين اللي ما اختبر يلحق
 

أختي اللي قريته في موقع قياس ان مالك الا اختبار واحد في السنه لو ما عديتيه ما تختبرين الا السنة اللي بعدها حتى لو كانت اختبارين في السنة

رد: عاجل بخصوص اختبار كفايات المعلمين اللي ما اختبر يلحق
 

اخوي اكيد نقدر نختيبر لو باقي لنا كورسين ماخلصناهم ياليت يكون صحيح

رد: عاجل بخصوص اختبار كفايات المعلمين اللي ما اختبر يلحق
 

حتى أنا نفس الكلام ردوا علي بالحرف الواحد

رد: عاجل بخصوص اختبار كفايات المعلمين اللي ما اختبر يلحق
 

السلام عليكم
انا من مستوى الخامس
حسب المعلومات امس اتصلت بالقياس ، قلت ابي اسجل اختي متخرجه من قبل 3 سنوات وفاتت الاختبار القياس الجامعيه ، فقالو تسجيل القياس يوم 1/7 ويبدا الاختبار شهر 8 ،
فا قلت احنا نرفض نطلع طالبه ببطاقة الوطنيه وجوار السفر هل نعطيهم كرت العايله ،
لان ما نقبل الاشياء بسبب العادات والتقايلد ولنا الاحترام بالاهل

فرد علي
قال فيه اختيار بطاقة الذكبة (( البصمة ))
لما تسجل بالبدايه اختر بصمة الذكيه يطلع لك الاستماره عب الاستماره ث اطبع منه ثم اختم من نفس الاختبار ، بس يكون قبل الاختبار بيوم
لان البصمه يبيله يوم فقط


واي اسنفسار انا موجود بالمستوى الخامس

رد: عاجل بخصوص اختبار كفايات المعلمين اللي ما اختبر يلحق
 

فيه فرق بين اختبار القياس الجامعيين واختبار كفايات المعلمين

رد: عاجل بخصوص اختبار كفايات المعلمين اللي ما اختبر يلحق
 

يوجد 3 اختبارات في صفحه قياس
1- اختبار كفايات معلمين ومعلمات <~ هذا للي يبغى يقدم على جداره وتوظيف
2- اختبار كفايات الجامعيين <~ هذا للي يبغى يكمل دراسات عليا ماجستير ودكتوراه
3- اختبار stebكفايات لغه انجليزيه <~ هذا للي بغى يقدم على وظائف قطاع خاص يشترطون لغه E


اتمنى افدتكم وهذا رابط يشرح جميع الاختبارات الي معتمدتها قياس
بس حاليا مافي الا 3 اختبارات

http://www.qiyas.sa/About/YearlyRepo...1432_1433.aspx

موفقين

رد: عاجل بخصوص اختبار كفايات المعلمين اللي ما اختبر يلحق
 

يا اخوي ترى كل الموظفين حق القياس كل يجيب براسه نظامه
ترى جربت الاتصال منه
كل موظف غير كلامه ، اليوم يعلمك باي شيء منه ولما تتصل بعده يغلمك الموظف غير نظام الموظف الاول
يعني بالعربي الموظف حق قياس نظامهم يجيبون من راسهم

رد: عاجل بخصوص اختبار كفايات المعلمين اللي ما اختبر يلحق
 

رد: عاجل بخصوص اختبار كفايات المعلمين اللي ما اختبر يلحق
 

الله يجزاكم خير جميعاً

رد: عاجل بخصوص اختبار كفايات المعلمين اللي ما اختبر يلحق
 

تقريبا نفس الكلام اللي قالوه لي