بليييز ابي مساعدتكم

[نبع الجود]

حبيت اسأل اذا يمكن اني أدرس بكلية المجتمع على حسابي او لا ؟

[|..الندى..|]

كلية المجتمع بالقطيف لا تستطيعين لكن

هناك في الجامعة يوجد كلية الدراسات التطبيقية وخدمة المجتمع

تستطيعي الدراسة على حسابك

[نبع الجود]

مشكوره اختي الندى بس لوسمحتي كيف اقدر اسجل او وين وكم تدفعي للدراسه؟

[بـــو أحــمــد]

نبع الجود
التسجيل للفصل الدراسي الثاني في كلية الدراسات التطبيقة و خدمة المجتمع يكون عن طريق إرسال الوالد الله يحفظه أو أخوك الكبير إلى الجامعة و بالتحديد إلى كلية الدراسات التطبيقية و خدمة المجتمع
لا أدري إذا كان التسجيل إلى الآن مستمر او لا .. و لكن بإمكانك التأكد ..

الدراسة في كلية الدراسات التطبيقية و خدمة المجتمع تمون على حسابك لمدة سنتين
و إذا جبتي معدل 2.75 من 5 خلال هالسنتين .. بإمكانك تكملين دراستك مجاناً في كلية العلوم الإدارية و التخطيط و لمدة سنتين
و برضو يعطونك مكافأة خلاب فترة دراستك في كلية العلوم الإدارية و التخطيط .. و تحصلين على درجة البكالوريوس

عموماً ،،
أنصحك ترسلين الوالد الله يحفظه بأسرع وقت لكلية الدراسات التطبيقية و خدمة المجتمع ، سواء بالدمام أو الأحساء
و رايح يعرف منهم كل شي بخصوص الدراسة و طريقتها و برضو الرسوم و غيرها ..

[نبع الجود]

مشكوووووووووور بس انا تخصصي ادبي ونسبتي 82% ومافي اي مكان يقبلني ومليت من جلسة البيت اذا عندك اي معلومات اتمنى ماتبخل علينا :Cry111:

[بـــو أحــمــد]

نبع الجود
هم يقبلون أدبي .. و نسبتك لا بأس بها
و لا تنسين أن الواسطات تسوي المستحيل ...

توكلي على الله و ارسلي الوالد الله يحفظه عشان يروح الكلية و يسألهم بأسرع وقت قبل لا يطير عليكِ التسجيل
لأنه مش مضمون .. خصوصاً إذا اكتمل العدد .. رايح يقفون التسجيل و ينتهي

[نبع الجود]

تعبناك معنا بكثره الاسئله بس وين مكان التسجيل بالضبظ ؟

[بـــو أحــمــد]

نبع الجود
التسجيل يكون في الكلية نفسها ..
كلية الدراسات التطبيقية و خدمة المجتمع