أتمنى تكون سنة دراسية حلوة للجميع ^-^

[وردة محبوبي]

السلام عليكم ورحمة الله وبركاته

كيفكم و أخباركم إن شاء الله تكونوا بخير وصحة وسلامة ورايقيين

حبيت احط لكم اقوال تعطي دافع معنوي لكل عرقلة تصادفنا في مسيرتنا الدراسية
مثلاً بنات لا سمح الله إذا فشلتي بتقديم إختبار او اي فشل يصادفك بحياتك
لآ توقفي مكانك وتذكري هذي المقولات اللي تقول ...
ما الفشل إلا هزيمة مؤقتة تخلق لك فرص النجاح ...
إذا لم تفشل ، فلن تعمل بجد .
الهروب هو السبب الوحيد في الفشل ، لذا فإنك تفشل طالما لم تتوقف عن المحاولة .

وإلا وش رايك حلوه المقولات صح
مهما فشلتي بيشتد عودك وبتتحدي هذا الفشل وبتواصلي وبترجعي انسانة ناجحة ..حطي هذا الكلام في بالك ولاتنسينها طيب

ـــــــــــ

ومثلاً طلبت الدكتورة تقدمين بحث أوعي تعتمدي على غيرك او تاخذين تعب غيرك باردة مبردة
اطلبي منها تساعدك لكن لآ تاخذين تعبها كآمل ..إنتِ طالبة جآمعية ووصلتي لمرحلة تقدرين
تعتمدين على نفسك وتبحثين وتنقحين في البحث بعد,لآزم تحسين بقيمة تعبك ونجاحك وتفتخرين بنفسك
وبجهودك ..
وهذي مقولة .. إن ما تحصل عليه من دون جهد أو ثمن ليس له قيمة .

ــــــــــــ

عندي سؤال بنات
ليش ندرس ؟
أكيد كل وحدة فينا عندها هدف تبي توصل له بالنهاية صح ..؟
شوفوا هذي المقولات الدُرر و تشجعوا
ليست الأهداف ضرورية لتحفيزنا فحسب ، بل هي أساسية فعلاً لبقائنا على قيد الحياة (روبرت شولر) ..
إنسان بدون هدف كسفينة بدون دفة كلاهما سوف ينتهي به الأمر على الصخور ( توماس كارليل )

ــــــــ


النجآح شيء رائع وله نشوة فرح متميزة .. أحياناً إذا خذينآ نتيجتنا والنتيجة حلوه تشوفون نفسكم تناططون لا شعورياً
وودكم تبكوون من الفرحة .. وانتُ تجلسون رايحين للكلية حطوا في بالكم هذي المقولة تبرد القلب
إن السعادة تكمن في متعة الإنجاز ونشوة المجهود المبدع...

ــــــــــ

بكرة راح نتخرج تعرفون الحياة مملة اذا كانت فقط اكل ونوم وقعدة وفي الحركة بركة ،وماتتخيلون نفسكم بعد الاجازة قاعدين بالبيت بدون حركة صح
فلازم نزرع للمستقبل نضمن مستقبل جميل
شوفوا هذي المقولة يمكن تعجبكم
اغرس اليوم شجره تنم في ظلها غداً ..

ــــــــــــــــ

وبالنهاية حبيت أحط مقولتين عجبوني كثيــــــــــــــــــــر
وياليت تكتبونهم ببداية دفتر محاضراتكم
1-الوطنية لا تكفي وحدها ’ ينبغي ألا نضمر حقدا أو مرارة اتجاه أيً كان .
2-لآ يصل الناس إلى حديقة النجاح دون أن يمروا بمحطات الفشل والتعب واليأس،وصاحب الإرادة القوية لا يطيل الوقوف في هذه المحطات.



وبالتوفيق وأتمنى من كل قلبي تكون سنة دراسية حلوة للجميع

أحبكم في الله :mh318:

[القصواء]

كلام جميل ومحفز جدا

اشكرك عزيزتي :)

الله يوفقنا جميعا ويكلل عامنا بالنجاح والتوفيق يارب

[عشـقَ !]

يعطيك إلعآفيه على هآلطرح




1-الوطنية لا تكفي وحدها ’ ينبغي ألا نضمر حقدا أو مرارة اتجاه أيً كان .



إذآ سلموآ إلنآس منك
مآسلمتي منهم :(154):

عسسآهآ سنه حلوه ورآحة بآل لي ولكم جميعاً

[أستبرق]

وردة محبوبي انتي:(204):
ويآرب تكون سنة خير علينا يارب

[طآلبة طموحه|~]

كلمآإت رآئعة من قلم رآآآئع فعلاً...
أشكركـِ غآليتي على آلنزٍف آلرآئع..\دمتِ ودآم قلمكـِ
ينزف كل جديـد..,’,
تحيآإتي...
طآلبة طموحه|~

[Asrar09]

وااااااي من جد كلام محفز الله يحفظ يآأآأآأآأرب وييسر لك حبوبه ....

[ميشـgg]

كلمـــآت مبدعه من إنسآنه رآئعه:(204):


يعطيـــك آلف عـــآفيه لآ عدمنــــــــــــــآك

[بنت غير]

بارك الله فيك..

كلام مشجع ومطعم بمقولات رائعة ودافعة للنجاح..

لا عدمناكِ..

.
.

سنة دراسية جميلة وموفقة أتمناها للجميع..

.
.

[قصة حب]

مشكووووووووووورة يالغلا (وردة محبوبي) على هالكلام الرائع والمميز والمحفز جدا.

واتمنى من كل البنات يفهمون هالكلام عدل ويحطونه في بالهم دائما.

والله أي إنسانة في الدنيا ماعندها هدف تعتبر لاشئ.

لازم نسعى ونهتم بدراستنا ونجتهد وننجح ونتخرج وبإذن الله تعالى راح نحقق اهدافنا يارب.

وابي أقول لكل البنات إن إذا سمعنا من أي أحد يقولون لنا كلية الآداب بتتخرجين وبتقعدين ومافي مجالات ومافي مستقبل وتتعبين روحك وتدرسين ومادري ويش ووووو............


اتمنى مااحد يسمع لهالناس الللي تقول كذا > يكفيكم إنكم انقبلتوا وفي ملايين من الناس ماانقبلوا بالكلية ويكفيكم إنكم بتآخذون شهادة جامعة مو شهادة كلية وحطوا في بالكم إن إذا تخرجتي في مليون وظيفة بإمكانك تشتغلين فيها مثل مدرسة > مو شرط بمدرسة حكومية تقدرين بمدرسة خاصة أو مراقبة بمدرسة أو بكلية أو سكرتيرة أو كاتبة أو أو ..... وغيرها كثير.

وثانيا في بعض البنات يقولون اللي العام وقبل العام تخرجوا وماتوظفوا> طيب اللي تخرجوا وماتوظفوا هل قدموا في أماكن فيها وظايف أو لا؟

وبعدين ماعليك إلا من نفسك حتى لو صحيح في بنات تخرجوا وماتوظفوا يمكن أنتي دفعتك تتخرجين وتلاقين وظايف كثيرة وتحتارين تختارين شنو.

انا أحس إن كل شئ في وقته حلو.

خلونا نخلص إن شاء الله السنة ونتخرج وبعدين نفكر بالوظائف وبإذن الله كل وحدة بتلاقي الوظيفة اللي تبيها.


وإن شاء الله سنة دراسية حلوة وموفقة ياااااااااااااااارب.


وحاولوا تذاكرون وتجدون شوي.


مع تحياتي لكم.

قصة حب

[وردة محبوبي]

بنات وجـــــــــــــــــــــودكم هنا أحــــلى
وكلامكم عسل الله يوفقكم


مشكــورين على المشاركة ^-^


لكم ..:(315):

[روح مهزومة]

وردة محبوبي

بصراحة جبتيها عدل بلسم على قلبك يارب

قصة حب
جبتيها على الجرح جعل كل جروحك تطيب

موفقين يارب

[بتوته الدلع]

مشكوره ورده محبوبى وجزاج الله خير
واحلى تحفيز دمتى بما تقدمين مميزه :140: لج