تم قبولي اليوم برساله

[FEDERER]

السلام عليكم

مااحب اطول عليكم
انا تلقيت رساله اليوم تفيدني اني تم قبولي بنظام الانتساب المطور
وللعلم انه برمضان تم رفض قبولي باجامعه
ورساله اخرى برقمي الجامعي
وفيد انه لازم اكمل اجراءات قبولي قبل 27/10
اتمنى افادتي
سؤال اخر
عن ارسال الشهادة الثانويه الاصل مع اني خايف انها تضيع بالبريد
تكفون افيدوني
وسؤال اخير مو الدراسه بداية الان

[@Ahmed@]

طيب وين المشكلة !!!

تم قبولك الان ... لازم تخلص اجرائاتك قبل المده الي حددوها

عشان ما يروح القبول

بالتوفيق :106:

[طالب vip]

الف مبروووك عقبال التخرج يارب

لا ان شاء الله شهادتك ماتضيع كل الطلاب ارسلوا
يمديك ان شاء الله تلحق على الدراسه
بتوفيق للجميع

[الفهّــاد]

نفس الرسالة وصلتني قبل ساعة تقريبآ

مع انه في رمضان..طلعت النتيجة انه لم يتم قبولي..!!!

طيب ما يمدي...وسؤال /ما هي الخطوة القادمة؟!!

[ملكه الأنآقهـ]

هذا الموضوع للطلبة الجدد فقط

إذا ظهرت نتيجة قبولك في نظام الإنتساب المطور ؛ يجب عليك اتباع خطوات التسديد وإرسال الوثائق للجامعة.

( لاحظ أن هذه الخطوات لازم تنفذها في الوقت المحدد اللي تعلن عنه الجامعة ، إذا فاتك الوقت وماسددت أو ما أرسلت الوثائق في الوقت المحدد يتم إلغاء قبولك )


كيف أعرف الوقت اللي محددته الجامعة لهذه الخطوات ؟

من خلال التقويم الزمني وهو مهم جدا في كل أمورك الأكاديمية ، كل شي في الجامعة محدد بوقت

وراح أحط لك رابط التقويم الزمني في نهاية المشاركة .

ــــــــ

الآن الخطوات التي تتبعها بعد ظهور نتيجة قبولك هي:


1- طباعة نموذج البريد الممتاز ونموذج تسديد الرسوم ( من الصفحة اللي فيها نتيجة القبول هنا (http://www3.kfu.edu.sa/e-gate_1431_1/adm_result_1431_1_Entisap.asp))


2- التوجه لأي فرع من فروع بنك الرياض ( فقط بنك الرياض وليس بنك آخر ) وسداد المبلغ المطلوب منك ( نموذج تسديد الرسوم اللي انت طبعته مكتوب فيه المبلغ المطلوب منك ورقم حساب الجامعة ) ولما تسدد تحتفظ بالوصل المختوم اللي تاخذه من البنك كإثبات انك سددت .


3- تجهز الوثائق اللي طالبتها الجامعة وهي:



* أصل الشهادة الثانوية ( أصل الشهادة الثانوية وليس شهادة دبلوم أو أي مؤهل آخر )

* صورة من بطاقة الأحوال المدنية للطالب/الطالبة (أو صورة من بطاقة العائلة للطالبة التي لاتملك بطاقة الأحوال المدنية ).

* صورة شخصية واحدة مقاس 4×6 للطلاب فقط ( يعني الذكور فقط هم اللي مطلوب عليهم صورة ولازم تكون مقاس 4×6 ، أما الإناث مو مطلوب عليهم يرسلون صورة )

* صورة من الإقامة بالنسبة للطلاب والطالبات الغير سعوديين.

* نموذج البريد الممتاز (اللي انت طبعته من صفحة نتائج القبول)

* أصل سند الإيداع من بنك الرياض بمبلغ الرسوم الدراسية .



4 - تاخذ الوثائق اللي كتبتها لك في رقم 3 مع وصل السداد اللي أخته من البنك وتروح أي فرع من فروع البريد الممتاز ، وتقدمه لهم وهم يحطونه لك في ظرف ويرسلونه للجامعة مجاناً على حساب الجامعة .

ــــــــــ

وفيه حاجة مهمة لازم تحرص عليها سواء انت اللي وديت الوثائق هذي للبريد أو أحد بالنيابة عنك :


لما تسلم الوثائق هذي للبريد ؛ راح يعطيك البريد إيصال ( يعني ورقة تثبت إنك سلمت البريد أوراقك كاملة ) هذي الورقة تحتفظ فيها بحيث انك أولا تحفظ فيها حقك انك سلمتهم الوثائق الأصل ، وثانياً انك تقدر من خلال الورقة هذي انك تتأكد بعد كم يوم ان أوراقك وصلت للجامعة أو ماوصلت .

كيف تتأكد ان أوراقك وصلت للجامعة ؟

تدخل على رابط البريد الممتاز

فيه خدمة على موقعهم اسمها ( تقفي الأثر )

تكتب الرقم اللي عندك على الإيصال ( الإيصال اللي أخذته من البريد ) ، تكتبه في الخانة المخصصة على موقعهم وراح تعرف إذا الجامعة وصلتهم أوراقك واستلموها أو لا .

موقع البريد الممتاز هنا (http://www.sp.com.sa/Arabic/EMS/Pages/default.aspx)

ـــــــــــ

التقويم الزمني للطلبة الجدد هنا (http://www.kfu.edu.sa/ar/Deans/elearning/Pages/cond.aspx)



تعليمات سداد الرسوم للجدد هنا (http://www.kfu.edu.sa/ar/Deans/elearning/Pages/fee2.aspx)



تعليمات إرسال الوثائق للجدد هنا (http://www.kfu.edu.sa/ar/Deans/elearning/Pages/send_docs.aspx)

ــــــــــــــ

طيب انت الحين سددت الرسوم وأرسلت الوثائق ، وش باقي عليك ؟

تنتظر لحد ما الجامعة تصرف لك رقم سري ، وبيكون عندك ( الرقم الجامعي + الرقم السري ) تستخدمهم لحد ما تتخرج بإذن الله . وبدون هذي الأرقام ماراح تقدر تدرس .

لأنها مطلوبة منك في الدخول على موقع المحاضارات ، وشهادة التعريف ، وتسجيل المواد ، والإيميل الجامعي وكل أمورك في الجامعة تكون باستخدام الرقم الجامعي والرقم السري .


من وين أحصل على الرقم السري ومتى ؟


يتم الإعلان عن صرف الأرقام السرية للطلبة على هذا الرابط هنا (http://www.kfu.edu.sa/ar/Deans/elearning/Pages/new_students.aspx)


تدخل باستمرار على الموقع أعلاه وراح تكون فيه أيقونة خاصة للأرقام السرية للطلبة الجدد .

وبهذا تكون استكملت إجراءات القبول والتسجيل وماعليك إلا بدء الدراسة .


^
^
^ منقووول من بآدره الأخت رنجه ^_^


آتمنى آفدتكم =) ويلالالالالالا عجلووو لاتضيعوآ الفرصه


بالتوووفيق:g29:

[maij]

السلام عليكم ورحمة الله وبركاته

نفس الشي انا جاني قبول اليوم على تخصص اللغة الأنجليزية بالجوال بعد ماتم اشعاري برمضان بعدم القبول

ولكن المشكلة هنا عند الدخول على صفحة طباعة سداد الرسوم وارسال الوثائق تظهر الصفحة فاضية يعني لابيانات ( مشكلة رقم 1 )

المشكلة الثانية : ابلغت بالرقم الجامعي ولكن الرقم السري لم يسجل وبحسب الموقع سيكون لاحقا

فهل من مفيد عن هذه النماذج وماذا لو لم تظهر ببيانات القبول ماهو الحل ؟؟

افيدونا يااهل الخبرة

والسلام !!

[ملكه الأنآقهـ]

http://www.ckfu.org/vb/t97607.html

:(204):

[FEDERER]

يعطيكم العافيه
طيب ياملكة الاناقه
انا ان شاء الله بكرا بالكثير يوم الاثنين
هل يمدي تاصل بالبريد قبل يوم الاربعاء لأنهم محددين 27/10 اخر موعد حسب الرساله

سؤال/ هل الشهاده للانتساب بالجامعه تعادل الشهاده الجامعيه العاديه بكالورويس

[العسبلي]

وانا ابشركم جاتني رساله اليوم

اللهم لك الحمد

والف مبروك للي انقبلوا وعقبال باقي الشباب والبنات اللي ماانقبلوا

[ريتش]

مبروووووووووووووووووك وعقبال التخرج

[ملكه الأنآقهـ]

يعطيكم العافيه
طيب ياملكة الاناقه
انا ان شاء الله بكرا بالكثير يوم الاثنين
هل يمدي تاصل بالبريد قبل يوم الاربعاء لأنهم محددين 27/10 اخر موعد حسب الرساله


إن شاااء الله توصل لايهمك دآمهم قالوا آخر يوم يستلم الاوراق البريد 27 معنآتهآ فيه فرصه قدامك بس فيه عيب واحد ان المحاظرات بتتراكم عليكم شوي ^^

شد حيلك بالتوفييق
سؤال/ هل الشهاده للانتساب بالجامعه تعادل الشهاده الجامعيه العاديه بكالورويس

مآعنندي عللم ! سوري

[توولين]

موفق بإذن الله ...

[YASSER-14]

مشكوررة اختي ملكة الأناقة
شرح جميل جداً
بالأمس تم قبولي.. واليوم الحمدلله خلصت جميع إجراءات القبول
وبانتظار الرقم السري.. وشكراً

[أوراق منثورة]

السلام عليكم ورحمة الله وبركاته

نفس الشي انا جاني قبول اليوم على تخصص اللغة الأنجليزية بالجوال بعد ماتم اشعاري برمضان بعدم القبول

ولكن المشكلة هنا عند الدخول على صفحة طباعة سداد الرسوم وارسال الوثائق تظهر الصفحة فاضية يعني لابيانات ( مشكلة رقم 1 )

المشكلة الثانية : ابلغت بالرقم الجامعي ولكن الرقم السري لم يسجل وبحسب الموقع سيكون لاحقا

فهل من مفيد عن هذه النماذج وماذا لو لم تظهر ببيانات القبول ماهو الحل ؟؟

افيدونا يااهل الخبرة

والسلام !!

اول شيء مبروووووك .. القبوول ..

المشكله الأولى من المتصفح عندك .. الصفحه تطلع فااضيه ..

المشكله الثاانيه < ما فيه مشكله لأن الكل زيك .. بس بعد ما تدفع وترسل اوراقك < وتتاكد من وصولها رااح .. يعطووك الرقم السري.. .. < حنا تونا امس طلعنا الرقم السري ..

رح لحق على عمرك واطبعهم عند اي مكان قريب منك << بسرعه .. اخاف يغيروون راايهم خخخ :mh01:

امزح


<< بالتووفيق ..

[FEDERER]

مشكورين
الان انا سددت
بس لما ارسلها بالبريد بظرف هل اكتب على الظرف شي
يعني صندوق بريد اي شي
مدري شكتب عليه

[أوراق منثورة]

مشكورين
الان انا سددت
بس لما ارسلها بالبريد بظرف هل اكتب على الظرف شي
يعني صندوق بريد اي شي
مدري شكتب عليه
لآا ما تكتتب اي شيء انت بس سلم الأوراق للموضف حق البريد وهو راح يرتب لك الأوراق ورااح يحطهاا بظرف ..

بالتووفيق .. :o2:

[FEDERER]

مشكوورره
بس خايف انه مايعرف رقم صندوقهم:(164):
ثاني شي انا ان شاء الله برسلها بكرا
وبسافر ان شاء الله يوم الاربعاء واحتمال اجي اخر الاسبوع الجاي
لازم اتابع معهم وادخل اذا ارسلو الرقم السري او عادي لو تاخرت وماخذت الرقم السري

[Only Dreams]

مشكوورره
بس خايف انه مايعرف رقم صندوقهم:(164):
ثاني شي انا ان شاء الله برسلها بكرا
وبسافر ان شاء الله يوم الاربعاء واحتمال اجي اخر الاسبوع الجاي
لازم اتابع معهم وادخل اذا ارسلو الرقم السري او عادي لو تاخرت وماخذت الرقم السري

في قسم خاص بالبريد الممتاز ,,, من اجل اجرائات الجامعه ,,, وعندهم كل البيانات ,,, لاتخاف كل شي في السليم ,,,وثانيشي لو صار ماصار البريديعطوك ورقه تثبت انك سلمتهم الاوراق ,,,

سافر تروحي وتجي بالسلامه يااارب ,,, اهم شي ترسل الأوراق ,,, ولو تجي الشهر الجاي ,,, المشكلة الوحيده انك راح تتراكم عليك المحاظرات ,,,

بعد مايوصوا اوراقك يفعلوا الرقم السري تبعك ,,,تبيتاخده تبي ماتاخده ,,, بتاخده اليوم لو بكره ,,, كل شي راجع لك ,,, اهم شي عندهم تقرقشهم بالفلووووس ,,,

اتمنى اكون افدتك ,,,بالتوفيق للجميع يااااارب ,,,

[FEDERER]

مشكووور
يعني اهم حاجه مايقولون ماخذت الرقم السري ولا كملت الاجراءات
واذا على المحاضرات مو مشكله اسبوع ماراح تفرق ان شاء الله

[المظيبري]

مشكورين على المعلومات
انا من زمان جتني رساله بس بسدد باكر ان شاء الله
بس صراحه بالنسبة لتأخير المحاضرات

بتطول قصدكم ورايح اجل يصير لخبطه الله يعين

[Only Dreams]

مشكووور
يعني اهم حاجه مايقولون ماخذت الرقم السري ولا كملت الاجراءات
واذا على المحاضرات مو مشكله اسبوع ماراح تفرق ان شاء الله

الاجرائات هي انك ترسل الاوراق وتسدد الفلوووس ,,,

وبعدها كم اجراء فيه بعد الرمز السري ,,, فيه تحديث بياناتك ,,, وفيه تحط مكان عملك وكم شغله ,,, وتخش بعد على ايقونه تسيل المقررات وبعدها اللي ماسجلوا المواد وتسجل موادك بحيث تحط صح وتقديم الطلب ,,, عشان ينزلون على البلاك بووورد ,,, بس بصراحه هالأيقونه لها وقت لو لا ,,, يعني اذا رسلوا لك الرمز السري خش خمس دقايق وسوي ده كله ,,, والمحاظرات خلها وقت ماتبي ,,, بالتوفيق ياااارب ,,,

[FEDERER]

مشكور اخوي
الحمد لله سددت
وبرسلها بكرا ان شاء الله
واعتبرها اني ارسلت
وسافرت وجيت بعد اسبوع وهم مرسلين الرقم السري مثلا السبت الجاي في مشكله؟