تسجيل الدخول

مشاهدة النسخة كاملة : مادة الانجليزي !!

نبضة قلب
2010- 10- 4, 10:02 AM
بسم الله الرحمن الرحيم

السلام عليكم ورحمة الله وبركاته

يعطيكم العافيه مادري وش السالفه انا علمي بكلية الاداب ومافيه انجليزي عندي

واسمع انه فيه طلاب عندهم انجليزي

كيف يعني حتى الترم الثاني مابدرس انجليزي كيف اتخصص انجليزي

ياريت اي احد عنده معلومات يخبرنا هل يعني بندرسه الترم الثاني ؟؟
Cu2E MoOn
2010- 10- 4, 02:36 PM
وعليكم السلام ورحمة الله وبركاته

يا هلا اختي

اعذريني والله ماعندي خلفيه بالموضوع

بس ماحبيت ادخل وما ارد

اتمنى تلاقي الاجابه من الباقي

ربي يوفقك
عفوية انثى
2010- 10- 4, 03:39 PM
انا الحين سنة ثانيه تخصص انجليزي لكن السنة الماظيه كنا احنا الي نسوي الجدول مو مثلكم الحين طباعه ومرتب ..

وللأسف ما سجلت لي الانجليزي لاني ما انتبهت انه موجود ..
ولا اخذته الا الترم الثاني ... اتمنى تتأكدين من وجوده ..

لكن عادي اذا سويتي مثلي ان شالله مرح يأثر وبالنسبه للتخصص رح يسوون لك اختبار قياس لمستواك في الترم الثاني وعلى اساسه والمعدل اللي اخذتيه رح تنقبلين ان شالله ..

اتمنى افدتك خيتي ..

تقبلي ودي ^_^
نبضة قلب
2010- 10- 10, 06:59 PM
مشكورين ماتقصرون ربي يوفقكم

عفوية انثى بالنسبه لنا احنا سنه تحضيريه مانقدر نسوي الجدول على كيفنا ولا نقدر نغيره

قالوا لي البنات الترم الثاني تنزل لنا مواد انجليزي وان شاء الله ينزل لنا انجليزي

لاني انا بجد احب انجليزي ومادخلت هالكليه الا عشان الانجليزي

دعواتكم لي :)
النايفه الدوسري
2010- 10- 10, 09:18 PM
نبضة قلب

انتي مثلي ابغى ادرس انجليزي بس ما حطووه لي بالجدول ومثلك عارفه ما نقدر نغير

فــ السمستر الثاني انتي لك الحريه في ترتيب جدولك :(204):

بالتوفيق يالغلا:mh318:
الروح الدلوعه
2010- 10- 13, 03:41 PM
بنات ردوا علي تدرسوون ادب انجليزي لو لغة انجلييزيه .. وهل تخصصاتكمـ اكثر من الدمام ؟
علاوووي
2010- 10- 17, 10:24 AM
السلام عليكم ورحمة الله وبركاته
انا مستجد واذا ابقى اتخصص انجليزي
كيف في السمستر الثاني او الثالث
وكيف انشط
ابقاكم تعلموني
تكفووون
:oao:
صالح77
2010- 10- 17, 01:15 PM
بنات ردوا علي تدرسوون ادب انجليزي لو لغة انجلييزيه .. وهل تخصصاتكمـ اكثر من الدمام ؟


التخصص شامل كل شي من أدب واستيعاب واستماع وغيره


مافهمت الشطر الثاني من سؤالك يعني قصدك تخصصات الكلية

عل العموم مادري شنو تخصصات الدمام


بس احنا تخصصات الآداب عندنا

دراسات إسلامية وعربي وانجليزي وتاريخ وجغرافيا وعلم اجتماع


السلام عليكم ورحمة الله وبركاته
انا مستجد واذا ابقى اتخصص انجليزي
كيف في السمستر الثاني او الثالث
وكيف انشط
ابقاكم تعلموني
تكفووون
:oao:

التقديم على التخصص في السمستر الثاني

ودراسة التخصص في السمستر الثالث