اللي حصل جميع الكتب يدخل [الأرشيف] - ملتقى طلاب وطالبات جامعة الملك فيصل,جامعة الدمام

مشاهدة النسخة كاملة : اللي حصل جميع الكتب يدخل

ياقوته

2010- 10- 6, 09:57 PM

السلام عليكم

انا رحت جرير الدمام اللي على الكورنيش والحمد الله حصلت

كتب الاداره والاعمال ومبادى الاقتصاد الجزئي ومبادىء المحاسبه1

لاكن مبادىء القانون غير موجود وقال لي انه اسبوع الجاي بيوصل

ومبادىء الرياضيات غير موجود ومنقطع من سنتين

الحين انا ابي الكتاب وين القاه اللي حصلو الكتب ياريت تساعدووووني

ولكم جزيل الشكررر

زيزو إبراهيم

2010- 10- 6, 10:40 PM

والله انش اشطر مني اجل انا للحين ولا شي

روحي العبيكان

تفاصيل صغيرة

2010- 10- 6, 10:48 PM

مكتبة المتنبي فيها كلللل الكتب انا خذتهم منها

تايهـ ودلوني

2010- 10- 6, 11:14 PM

ياحلوين قلنا من اول جميع الكتب في مكتبة المتنبي ...

ياقوته

2010- 10- 6, 11:39 PM

مشكووورين يعطيكم العافيه

مجنونتها

2010- 10- 6, 11:51 PM

مكتبه المتنبي

احســـاس

2010- 10- 7, 12:11 AM

مكتبة المتنبي صحيح فيها كل الكتب اخذتها اليوم ..

والحمدلله ...

سحر الخيال

2010- 10- 7, 12:43 AM

ممكن أحد يقولي بكم أسعار الكتب ؟؟

مدام ناصر

2010- 10- 7, 11:22 AM

اختي روحي للمتنبي كل الكتب موجودة عندهم تقريبا بـ 320
موفقة

GIЯᄂ

2010- 10- 7, 11:36 AM

المتنبي كل الكتب فيها :(204):

أنور جنبي

2010- 10- 7, 11:58 AM

ممكن احد يوصف وين مكتبة المتنبي ؟ و يعطيكم العافية

silent-dream

2010- 10- 7, 12:12 PM

ياقوته!
انا خذيت كل الكتب مره وحده من مكتبة المتنبي اللي في الدمام

:150: روحي هالمكتبه وان شاء الله تحصلين اللي ناقصك

silent-dream

2010- 10- 7, 12:22 PM

ممكن احد يوصف وين مكتبة المتنبي ؟ و يعطيكم العافية

اخوي انور : انا مااعرف بالضبط وين بس يمكن افيدك بشي بسيط

المتنبي من جهة شارع الخزان اللي بالدمام طيب
وتجيك المكتبه في شارع اسمه شارع خالد وبس

:hhheeeart4: احم وان شااء الله احد غيري يفيدك

أشواااااق

2010- 10- 7, 12:35 PM

موفقين ~:(204):

أنور جنبي

2010- 10- 8, 02:02 PM

اخوي انور : انا مااعرف بالضبط وين بس يمكن افيدك بشي بسيط

المتنبي من جهة شارع الخزان اللي بالدمام طيب
وتجيك المكتبه في شارع اسمه شارع خالد وبس

:hhheeeart4: احم وان شااء الله احد غيري يفيدك

مشكورة دريم

أنا للأسف ما أدل بالدمام واجد، لكن بحثت بالنت و لقيت الوصل التالي

الدمام مكتبة المتنبي وهي اكبر مكتبة من ناحية توفر الكتب وتقع على شارع المستشفى القريب من مستشفى المركزي

وهذا صفحتهم على الفيس بوك
http://www.facebook.com/pages/mktbt-almtnby-baldmam/148751465145255

وهذي الخريطة من ويكيمابيا
http://wikimapia.org/13466376/ar/%D9%85%D9%83%D8%AA%D8%A8%D8%A9-%D8%A7%D9%84%D9%85%D8%AA%D9%86%D8%A8%D9%8A

وهذا التلفون

مكتبة المتنبي - الدمام
8413000 - 8411395

وصف آخر

الدمام - حي البادية
امتداد شارع المستشفى المركزي - بين مكتبة المريخ وقصر ابن جلوي القديم
وقرب اشارة المرور الواقعة على تقاطع شارع المستشفى وشارع الخزان

مشكورة و ماقصرتي

أنور جنبي

2010- 10- 9, 01:51 AM

السلام عليكم

اليوم فرفرت حتى دخت ولا ليت المكتبة بحاول بكرة ان شاء الله ، عموما لقيت وصف على النت حبيت اشارككم للفائدة

توجه إلى مستشفى الدمام المركزي
خل المستشفى على يمينك ومن عند الإشارة لف يمين بتجيك إشارة لمن يريد
أن يلف يسير روح مع الإشارة ولف يسار
كامل أي دوران على شكل u
ثم بيجيك شارع عام على اليمين لف على
اليمين وأدخل الشارع. هذا هو شارع المتنبي
روح سيدا إلى أن ترى المكتبة على
اليمين
و وصف آخر

من جهة ملعب الدمام خل الملعب
على يسارك وأمش سيدا إلى الإشارة
ولف يسار من عند مجمع الواحة وأكمل سيدا بجيك دوار وبعد الدوار سيدا
بعد الدوار كمل سيدا ( عفواً : لف يسار
مع الدوار ومن بعد الدوار كمل سيدا )
هذا هو شارع المستشفى من الطرف الآخر
كمل مع الشارع سيدا وبعد عدة إشارات
راح تشوف المكتبة على اليسار

وصف آخر

موقع مكتبة المتنبي بالدمام - شارع الملك خالد المتقاطع مع شارع الخزان .

احســـاس

2010- 10- 9, 06:14 PM

أنور جنبي

2010- 10- 11, 09:21 PM

ان اوصفلك بالتمام ...

تمر من نفس اشلارع الي فيه الشراع مول كل احد يعرفه اسال عن مجمع الشراع مول ...

المهم لو وصلت عند الشراع مول بيكون على طريق واحد رايح بس (سيد واحد)

راح توصل لاشارة وانت واقف عند الاشارة الي بعد الشراع مول اول اشارة طالع على يدك اليسار

بتشوف زحمة السيارات واقفة عند مكتبة المتنبي

ماعليك الا انك تدخل يسار من الاشارة وتوقف باقرب موقف على اليمين والمكتبة واضحة قدامك ...

وسلامتك

يعني بالعربي

مجمع الشراع مول - الاشارة الي بعد المجمع - تدخل يسار والمكتبة عندك ...

وسلاااااااااامتكم

الله يرحم والديك و يستر عليك ، تصدق قاعد أفرفر هناك أدور على المكتبة و شوفت الشراع ، ولما طفشت رجعت للشراع و صرفت المساء هناك، سبحان الله و المكتبة فركة كعب وانا مو داري

مشكور يا غالي على الوصف و صدق من قال أهل الدمام أدرى بشعابها

أبو يـام

2010- 10- 11, 09:34 PM

شباب وبنات

ممكن تقولون لنا اي طبعه نشتري حصلت اكثر من طبعه

شنو اللي مقرر علينا ...؟

ياليت اللي اشترا يصور أشكال الكتب عشان نقدر نشتري مثلها

فيصـلي الهـوى

2010- 10- 11, 09:35 PM

مشكوووورين ان شاء الله بعد بكره وانا مشتري الكتب كلها

موفقين حبايبي

بس لاتشترون الكتب وتنسونها بالدولاب :(164):

أنور جنبي

2010- 10- 11, 11:13 PM

شباب وبنات

ممكن تقولون لنا اي طبعه نشتري حصلت اكثر من طبعه

شنو اللي مقرر علينا ...؟

ياليت اللي اشترا يصور أشكال الكتب عشان نقدر نشتري مثلها

ابو يام شوف الوصلة الي تحت

http://www.ckfu.org/vb/1502462-post7.html

ام علاوي2009

2010- 10- 12, 12:26 AM

انا رحت جرير الي بالخبر وحصلت دارة اعمال بس الباقي مافي خخخ :(177):
ورحت لعبيكان ولا وحد حصلت >> الي بالدمام
ورحت المتنبي المعفنه << انا تدرجة بالمكتب من الكشخه الى لمعفنه :049:
ولاكان عندي كاش ولا هم عندهم دفع بالبطاقه ولا شفت صراف قريب ولاشريت شي :)

ياقوته

2010- 10- 13, 06:16 AM

الحمد الله حصلت اللي ناقصني من مكتبة المتنبي

اشكرك اخوي انور جنبي اخذت الوصف المكتوب

السواق ماخلى منطقه مادخلها بس في الاخير وصلت خخخخ

وبالنسبه للطبعات انتبهو لهذا الشي انا كتابي الاقتصاد ناقص منه الفصل الثالث والطبعه اللي عندي 2005
بس مادري شنو الطبعه اللي يبغونها علينا

كتابي اسمه مبادىء الاقتصاد الجزي والكلي

والكتاب اللي يبغونه الاقتصاد الجزئي يوم اشتريه مانتبهت لهذي النقطه

لني شفت المؤلف نفس بعض

L U X U R Y

2010- 10- 13, 06:38 AM

يآقوته فيه موضوع مثبت عن الكتب وأشكالها ,
خذي لك فكرة عن شكل الاقتصاااد وشوفي اذا مثله أو لا :(154):

الـكـاسـر

2010- 10- 13, 06:39 AM

المتنبي احصل عندهم كل الكتب

وبكم

ياقوته

2010- 10- 13, 08:54 AM

luxury كتاب الاقتصاد اللي عندي صورته نفس اللي في الموضوع المثبت

الكاسر هذي اسعار الكتب

65 اقتصاد
80 المحاسبه
60 القانون
35 رياضيات
89 الاداره والاعمال

ياقوته

2010- 10- 13, 08:57 AM

نسيت اقولك انا اخذت الاقتصاد والمحاسبه و الاداره من جرير فما ادري عن اسعارهم في المتنبي