صراحة دورت معلومات عن أسماء الكتب ومؤلفيها لمواد المستوى الأول ولا لقيت شي

[New Vision]

سلام عليكم..


أنا إنجليزي مستوى أول.. أبي فزعتكم..


صراحة دورت معلومات عن أسماء الكتب ومؤلفيها لمواد المستوى الأول ولا لقيت شي (ماعدا علم الاجتماع: مبادئ علم الإجتماع ــ د. طلعت إبراهيم لطفي)


الي عنده فكره يفيدنا جزاه الله خير :)

[my Dreams]

انا مستوى ثاني بس يوم كنا بمستوى اول ما احد طلب كتب الا علم الاجتماع واللغة الانجليزية وهما موجودانا بالعبيكان والانجلش اسمه نورث ستار لون ازرق او بنفسجي حوله يعني بس عن نفسي ما شريت شيء واعتمدت بعد الله على الملخصات من هذا المنتدى الرائع بالتوفيق اخوي

[حلا دنيتي]

مثل ماقالك اخوي ,,

مذاكرة مآدة مبادئ علم الإجتماع من الكتآب و التحديد مع الدكتور

بالتوفيق

[صوت الرياض]

ان كنت في الرياض اقدر اساعدك بعناويين مكتبات تجد الكتب لديهم

[smell of flower]

ياليت ياخوي ياصوت الرياض تفيدني بمكتبات بالرياض اقدر القى فيها اللي يساعدنا احس اني حايسه بدون كتب انا بمسوي اول الله يعطيك العافيه

[صوت الرياض]

ياليت ياخوي ياصوت الرياض تفيدني بمكتبات بالرياض اقدر القى فيها اللي يساعدنا احس اني حايسه بدون كتب انا بمسوي اول الله يعطيك العافيه


سجلي عندك

(الكتاب المستعمل)



1-الدايري الشرقي مخرج 15 مقابل اسواق نجد من الجنوب(اكثر من محل)

2-الروضه شارع الكهرباء تقاطع خالد بن الوليد

3-طريق الملك عبدالله بعد التخصصي بإتجاه الغرب

4-مكتبه لا اتذكر اسمها فيها اغلب كتب الانجليزي بالتحديد تقع على شارع الجامعه بالملز على اليمين للمتجهين غربا مقابل رعاية الشباب او قبلها او بعدها تقريبا

5-مخرج 14 بالقرب من سوق الجمله

بعد نهاية الترم واجتياز الماده يمكنك اعادة الكتاب وبيعه عليهم وشراء كتب الترم اللي بعده الى ان تتخرج. يتعاملون بشكل اكبر مع طلاب جامعة الامام وجامعة الملك سعود

تحياتي للجميع

[لبنونه]

وفى الحساااا طيب ماتعرف ياخوى مكتبة