استفسار بخصوص الإنسحاب

[منتسب ولكن..!]

السلام عليكم ورحمة الله

يا إخوان سجلت بالجامعة وتم قبولي ولله الحمد
لكن حدثت لي ظروف بالعمل منعتني من إني أكمل المشوار حالياً
فسؤالي كيف انسحب وكيف يرجعون لي الرسوم والملف !!أنا من الرياض..
وفي نفس الوقت متردد وأبي رايكم ..
هل تنصحوني أنسحب وأعاود التسجيل متى ما تحسن الوضع
أو إني أقدم اعتذار مع إني مو عارف كيف الاعتذار وهل يقبلون أي سبب! وهل هو سنة أو ترم وهل الرسوم ترجع أوكيف !!

من عنده خبر يفيدني والله يجزاكم الجنة,,

[(بسبوسة)]

طيب ايش الي مانعك حاول انك تكمل والله حرام تفوتك سنة


:d1::d1::d1::d1::d1::d1::d1::d1::d1::d1:

[رنجه]

والله ودي تكمل تو احنا بالبدايه و الامتحانات بشهر2باقي عليها اكثير يعني يمكن تتعدل الظروف امممممممممم واذا مصمم اجل ترم بس لا تأجل سنه حرام تضيع عليك
ولاتنسحب ابد ابد ابد
ادخل بوابة الانتساب المطور جامعه الملك فيصل من محرك البحث قوقل وبعدها الخدمات الطلابيه حط رقمك الجامعي والرقم السري وبعدها اختار الايقونه اللي تبيها واكتب عذرك مع التأجيل بس لاتنسحب دير بالك اممممممممممم ولاتستعجل الحين يمكن مع الايام تضبط الامور وتكمل

[منتسب ولكن..!]

يعني الأفضل أقدم اعتذار بس !

[نسيم*]

ايه إعتذار أحسن ماتدري يمكن بعد نظام الجامعة يتغير ويصير صعب في القبول بعد سنه سنتين الله أعلم والفلوس ماراح تضيع بس قدم إعتذار ترم,,

[رنجه]

الافضل كذا أخوي ولاتنسحب وربي يسهل امورك

[نسيم*]

أو خل قرارك قبل الإختبارات بشهر وحاول تدرس باللي تقدر عليه الحين ترى الوقت طويل يمكن يمديك....

[أبو سلطآن]

ايه إعتذار أحسن ماتدري يمكن بعد نظام الجامعة يتغير ويصير صعب في القبول بعد سنه سنتين الله أعلم والفلوس ماراح تضيع بس قدم إعتذار ترم,,

آنـا مؤيد هالقرار ، آفضل لك ....

[منتسب ولكن..!]

يعطيكم العافية

قدمت الاعتذار والله يكتب اللي فيه خير

[منتسب ولكن..!]

يا اخوان قدمت اعتذار لكن إلى الآن الحالة فعال ما ادري كيف أعرف إنه وصل لهم اعتذاري ! وافقوا أو لا !!

[منتسب ولكن..!]

الحمد لله تمت الموافقة على اعتذاري لكن حاب أسأل عن المبلغ هل يرجعونه لي أو يبقى عندهم
ويكون للفصل القادم يالييييت تفيدوني الله يعطيييكم العافية

[منتسب ولكن..!]

يا شباب أفيدوني ..أرسلت لهم ايميل وما أحد رد