لطلاب وطالبات الرياض إدارة اعمال ( انتساب ) المستوى الأول جميع ملخصات المقررات في

[أمير المشاعر]

السلام عليكم ورحمه الله وبركاته
من لا يشكر الناس لا يشكر الله
شكرا لكم إدارة المنتدى
شكرا لكم أخواني وأخواتي اصحاب الجهد الرائع في ملتقى طلاب وطالبات جامعه الملك فيصل ومنتدى النقاشات
شكرا لكم أخواننا واخواتنا في المستوى الثاني الذين قدموا لنا في المستوى الأول
كل ما نحتاجه واستفدنا من خبرتهم
شكرا لكل من صخر جهده ووقته في تنزيل محتوى المقررات المطلوبه والملخصات للمستوى الاول
شكرا خاص ومن أعماق القلب
الى مشرفين ومشرفات قسم إدارة أعمال
الأخ @ الشمالي @ ... الأخت دفئ المشاعر
ابو فهد 100 ... أم خاااالد
/
هديتي لكم ... المتواضعة
أخواني وأخواتي طلاب وطالبات الانتساب إدارة أعمال المستوى الأول
في الرياض
توفير جميع محتوى المقررات إدارة أعمال المستوى الأول
الإدارة .. القانون ... المحاسبه .. الرياضيات .. الاقتصاد الجزئي
مع بعض ملخصات المحاضرات لكل ماده ...
وبعض النماذج عن اسئلة الاختبارات
ملاحظة / يوجد الأجزاء المطلوبة مصوره من كتاب القانون
ومرفق يفيدكم طلاب وطالبات المستوى الأول
في مركز الصعب للطباعة والتصوير
حي الخليج تقاطع شارع ابي سعيد الخدري ( الكهرباء سابقا ) مع شارع الحسين بن علي
مقابل هرفي
وضعته من أجلكم ... وتستاهلون أكثر
سعر تكلفة الطباعة مناسب .. مع التغليف سلك ..
متمني للجميع التوفيق والنجاح
للاستفسار
لا تنسوني من صالح دعائكم

[L U X U R Y]

جزآآآك الله خير ..
وبميزاااان حسناااتك

[Ŝђấ₥ş]

جزاك الله خير اي مدينه اخوي ؟!

[الإبتسامة صدقه]

ربي يرضى عليك والله انك ما قصرت

[فتى مطير]

جزاك الله خير اي مدينه اخوي ؟!

جزاك الله الف خير يا امير المشاعر
يقصد مدينه الرياض :mh001:

[أمير المشاعر]

مرحبااااااااااااااااااااا
سعدت بمروركم
الملخصات موجوده
في الرياض
كماهو واضح في العنوان

[ام خالد 2010]

يعطيك ربي الف عافيه ..

بس ليتك مو حاط الرقم الشخصي ..

ممنوع وانا اختك .

لو تشيله يكون افضل .. عشان الموضوع ماينحذف .

واكتفي فقط برقم المكتبه .. اكون شاكره لك .

لان وضع الارقام مخالف لانظمة المنتدى .. حتى لو كنت راعي فضل ..

والعذر والسموحه منك اخوي.

[ام خالد 2010]

ياليت الحين تسوي تعديل على موضوعك وتشيل الرقم .. استناك عشان مابلغ عنه .

............>> من اليوم صايره دوريه .

[naagde]

احلا موضوع والله هذا الشغل المضبوط :(204):
تسلم يالغالي

[أمير المشاعر]

هههههههههههههههههههههههههههههههههههه
تم عمل التعديل
الله يرج شيطانك أم خاااااااالد

[ام خالد 2010]

هههههههههههههههههههههههههه

الحين اقدر اقولك .. يعطيك ربي الف عافيه على التعديل .

وبعدين دام انك عدلت فيه .. كان حطيت لي شكر خاص وانا اختك .............>>لاتسويهاا:mh35:

الا شكلك دعيت علي .

بس والله هذي القوانين .. وموصينا عليها . ماباليد حيله .

[لافندر]

:)
الله يوفقك يارب
وجزاك الله خير

[أبو رائد]

الله يوفقك ويجزاك خير هذا اللي كنت أتمناه القاها
في الرياض كل الملخصات والمحتوى ..
لكن .. ياليت توصف لي وصف شيّاب ..
أنا جاي من الشمال مع الدائري الشرقي ..
مع أي مخرج أطلع .. و وين بالضبط الله يحفظك .. ويوفقك .

[L U X U R Y]

أم خالد اشوفك صايرة الساهر :(164):

[a b o a w a d]

الله يبارك فيك ويكثر من امثالك الف الف شكر

[a b o a w a d]

ولعيون اهل الخرج استاذن اخوي ( امير ) باخذ نسخة وبحطها لهم في مكتبه و ينتفعون منها ان شاء الله

وبيكون هذا ان شاء الله يوم السبت القادم بحطها لهم في مكتبة الاشراق امتداد شارع الستين جنوباً قبل مستوصف الخرج الاهلي وباتوفيق للجميع

[pink diamond]

الله يعطيك العافيه
وقريبه بعد تسلم

[صدى السراب]

جزآآآك الله خير ..
وبميزاااان حسناااتك :(204):

[أوفى الخلق]

الله يجزاك خير ويكثر من امثالك

يعني ملخصات للمواد الـ 5 صح ؟

^
مو مصدق
:(164):

[ابوعمار]

الله يعطيك العافية
بس ممكن رقم التلفون المركز

[الدقدق]

الله يعطيك العافية ويكفينا شر ام خالد :oao:

[❥~ Eman]

،
أمير المشآعر


يعطيك الف ع ـآفيه على ذا المجهود
لكن عندي استفسار بيسط وارجو الرد عليه بأقرب فرصه
الملخصات الي بالمكتبه لمن ؟؟
لأني طبعة بعض الملخصات مثلاُ : مادة المحاسبه لـ محمد بوموزه والقآنون لـ محمد بوموزه
ممكن تفيدنا ملخصات المواد الي بالمكتبه لمين علشان ما تعنى والقاء نفس الي عندي

،

[ام خالد 2010]

الله يعطيك العافية ويكفينا شر ام خالد :oao:
:oao:

[حميدي 1]

جزاك الله كل خير عمل موفق وجهد مقدر لاحرمك الله الأجر وأمدك بالصحة والعافية على ماقمت به 0

[أمير المشاعر]

الله يوفقك ويجزاك خير هذا اللي كنت أتمناه القاها



في الرياض كل الملخصات والمحتوى ..

لكن .. ياليت توصف لي وصف شيّاب ..
أنا جاي من الشمال مع الدائري الشرقي ..
مع أي مخرج أطلع .. و وين بالضبط الله يحفظك .. ويوفقك .








العنوان .... مركز الصعب للطباعه والتصوير
مخرج 10 من الدائري

طريق الملك عبدالله في اتجاه الشرق
أول اشارة تتعداها ...
ثاني اشارة تدخل يمين في نهاية الشارع تقاطعه مع شارع ابي سعيد الخدري

تحصل مركز الصعب على يسارك ...مقابل هرفي

[أمير المشاعر]

ولعيون اهل الخرج استاذن اخوي ( امير ) باخذ نسخة وبحطها لهم في مكتبه و ينتفعون منها ان شاء الله



وبيكون هذا ان شاء الله يوم السبت القادم بحطها لهم في مكتبة الاشراق امتداد شارع الستين جنوباً قبل مستوصف الخرج الاهلي وباتوفيق للجميع




تسلم الله يعطيك العافية
نريد كل من يحتاج الى الملخصات تصل له في أي مدينه في المملكة
بتعاون الجميع

شكري وتقديري

[أمير المشاعر]

الله يعطيك العافية ويكفينا شر ام خالد :oao:

اللهم آمين هههههههههههه

أم خالد تمثل فرد من أفراد الشعوب العربيه

ومشكلتنا نحن العرب

وهذا هو السبب لعد م تقدمنا خطوات نحو الاما م ونحن في القرن الحادى والعشرون ؟!

ننظر الى الجانب السلبي دائما !!!!
ونهمل الجوانب الإيجابية الأخرى !!!

[أمير المشاعر]

،
أمير المشآعر


يعطيك الف ع ـآفيه على ذا المجهود
لكن عندي استفسار بيسط وارجو الرد عليه بأقرب فرصه
الملخصات الي بالمكتبه لمن ؟؟
لأني طبعة بعض الملخصات مثلاُ : مادة المحاسبه لـ محمد بوموزه والقآنون لـ محمد بوموزه
ممكن تفيدنا ملخصات المواد الي بالمكتبه لمين علشان ما تعنى والقاء نفس الي عندي

،





مرحباااااااااااااا
طبعا الملخصات تختلف وكلها ومن خلال مراجعه شامله لجميع المخلصات الموجودة في الملتقى ... تغطى المحتوى والمقرر

ومدام عندك ملخلصات
شدي حيلك
وتابعي محاضرات مع الدكتور


وبالتوفيق والنجاح

[❥~ Eman]

،
أمير المشآعر


للأسف ما لقيت من كلامك جواب
الملخصات الي بالمكتب من كاتبها من مسويها يعني
محمد بوموزه ولا ابن الاجواد ولا فهد الشمري
^ سؤالي واضح ، انت مودي ملخصات ولا تعرف لمين !!
اكيد بتعرف ملخصات القانون من مسويها ملخصاتها الاقتصاد من مسويها
فهمت !! ولا اوضح اكثر !!
،

[ملك آلرومآنسية]

جزاك الله خير أخوي
وفي ميزان حسناتك
لاكن حنا بالشرقيه
أحسب في روابط تحميل لها
عموما ماقصرت ياخيو

[حلمي الامل]

الله يجزاك خير ويكثر من امثالك

يعني ملخصات للمواد الـ 5 صح ؟

^
مو مصدق
:(164):


هههههههههههههههه يعني ماروح اليوم للمكتبه اللي بمخرج 15:mh318:

[بو الياس]

اللهم آمين هههههههههههه

أم خالد تمثل فرد من أفراد الشعوب العربيه

ومشكلتنا نحن العرب

وهذا هو السبب لعد م تقدمنا خطوات نحو الاما م ونحن في القرن الحادى والعشرون ؟!

ننظر الى الجانب السلبي دائما !!!!

ونهمل الجوانب الإيجابية الأخرى !!!


صح لســــــانك ...

كلام كبير ... وتفكير إيجابـــي ...

أؤيد الفكر البناء .. من دون الدخول في النيات ...

والله عليـــم بالنيات ...

[أوفى الخلق]

هههههههههههههههه يعني ماروح اليوم للمكتبه اللي بمخرج 15:mh318:


لا لاتروحين مافيها الا الرياضيات كامل

والمحاسبه محاظرتين بس :(177):

خلي المشوار للروضه ملخصات كامله لجميع المواد :m07:

موفقه

[basha 2009]

يسلمؤؤؤؤؤؤؤؤؤؤؤؤؤ:(204):


لاهنت والله يسعدك :mh318:

[MODI2009]

يسلمووووووووووو امير ... اشهد انك امير

هذا الكلام اية ياشباب خلونا كذا نتعاون ونكون حلوين مع بعض

الف شكررررررررررررررررررر ماقصرت :(156)::049::(204):

[alsubeaei1]

أخوي امير المشاعر

شكرآ لك من القلب على هذاء العمل الرائع يامير انت ونعم الامير

[تايهـ ودلوني]

بوووورك فيك ياعسل

[منصور ابوطالب]

بعـــــــــــد التحية ..

والصلاة والسلام علي اشرف المرسلين سيدنا محمد صلي الله عليه وسلم,,,
أوجه شكري الخاص الي اخواني واخواتي طلاب وطالبات كلية ادارة الاعمال _ مستوي ااول
وجدير بالذكر الاخوة والاخوات المشرفين الذين افدونا بمكان المراجع والمحاضرات وحتوي المقررات + ملخصات المحاضرات لكل مادة + اختبارات وتمارين تفيدنا جميعا

وتحياتي لهم جميعاً بلا استثني .. واتمني لهمولنا وللجميع التوفيق والنجاح



اخوكم منصور ابوطالب

[ام خالد 2010]

اللهم آمين هههههههههههه

أم خالد تمثل فرد من أفراد الشعوب العربيه

ومشكلتنا نحن العرب

وهذا هو السبب لعد م تقدمنا خطوات نحو الاما م ونحن في القرن الحادى والعشرون ؟!

ننظر الى الجانب السلبي دائما !!!!

ونهمل الجوانب الإيجابية الأخرى !!!


شوف وانا اختك ..

لو كل واحد منا يلتزم بقوانين المكان الي هو فيه .. صدقني كان تقدمنا على الشعوب الغربيه ..

بس مشكلة العرب .. خالف تعرف .. وكل ممنوع مرغوب . هذي هي قوانينهم للاسف .

وبعدين الي خلانا ننظر للجانب السلبي دائما .. هم نفسهم العرب .
والجوانب الايجابيه .. الي يستغلها 1% , خصوصا شبابنا الله يهديهم .

انا لو بقعد اتكلم عن هالجانب والله ماخلصنا .

[ام خالد 2010]

صح لســــــانك ...

كلام كبير ... وتفكير إيجابـــي ...

أؤيد الفكر البناء .. من دون الدخول في النيات ...

والله عليـــم بالنيات ...

انما الاعمال بالنيات .. ولكل امرء مانوى ..

[ولد العاصمه]

ام خاالد الرجال حااط رقمه مو عشاان يرقم

عشاان اللي يتنح يدق عليه ويستفسر منه

واللي تبي الترقيم تلبس لثاام وعبايه مخصر وتروح اقرب مول وتحصل ستين رقم الله يهداتس ياوخيتي بس !!!

لاهنت ياراعي الموضوع نسيت اسمك !!

عجزاان لايرجع يشوف الاسم

[ام خالد 2010]

ام خاالد الرجال حااط رقمه مو عشاان يرقم

عشاان اللي يتنح يدق عليه ويستفسر منه

واللي تبي الترقيم تلبس لثاام وعبايه مخصر وتروح اقرب مول وتحصل ستين رقم الله يهداتس ياوخيتي بس !!!

لاهنت ياراعي الموضوع نسيت اسمك !!

عجزاان لايرجع يشوف الاسم

وانا ماقلت انه يبي يرقم ..

انا كل الي سويته .. اني طبقت قوانين المنتدى وبس ..

وهي ممنوع وضع الارقام والايميلات الخاصه .. ولازم نبلغ عنها . .

لاني لو مانصحته .. دايركت موضوعه راح يعتبر مخالف وينحذف بدون سابق انذار ..

هذا جزاي يعني ..

[مالي حيله]

ماعليك امر اخوي ممكن تحط نسخ عن مكتبة العبيكان قبل سلام مول
انا من خارج الرياض واقرب شي لي العبيكان
وياجماعه ابي كتب وين لقيتوها
ومشكور وماقصرت:sdfgdsf:

[حلمي الامل]

لا لاتروحين مافيها الا الرياضيات كامل

والمحاسبه محاظرتين بس :(177):

خلي المشوار للروضه ملخصات كامله لجميع المواد :m07:

موفقه


رحت واخذتها امس
شكراااا


وبروح الليله للي في الشرق

يسلمو اوفى الخلق

[أوفى الخلق]

رحت واخذتها امس
شكراااا


وبروح الليله للي في الشرق

يسلمو اوفى الخلق

العفو خيتو

الله يوفقك ويوفقنا يارب

:(204):

[ابومشاري2008]

ماعليك امر اخوي ممكن تحط نسخ عن مكتبة العبيكان قبل سلام مول
انا من خارج الرياض واقرب شي لي العبيكان
وياجماعه ابي كتب وين لقيتوها
ومشكور وماقصرت:sdfgdsf:

انا بكره بروح اجيبها وانشاء الله احطلك نسخه في مكتبة العبيكان الي على طريق المدينه


ويعطيك العافيه اخوي امير المشاعر على الموضوع الرائع

[❥~ Eman]

،
أمير المشآعر


للأسف ما لقيت من كلامك جواب
الملخصات الي بالمكتب من كاتبها من مسويها يعني
محمد بوموزه ولا ابن الاجواد ولا فهد الشمري
^ سؤالي واضح ، انت مودي ملخصات ولا تعرف لمين !!
اكيد بتعرف ملخصات القانون من مسويها ملخصاتها الاقتصاد من مسويها
فهمت !! ولا اوضح اكثر !!
،
!

[أوفى الخلق]

!



والله كنت متحمس اشتري الملخصات

بس شفت ردك وسؤالك قلت اصبر

امير المشاعر انتظر ردك
وبكم سعر الملخصات كامل ؟

[أمير المشاعر]

،

أمير المشآعر


للأسف ما لقيت من كلامك جواب
الملخصات الي بالمكتب من كاتبها من مسويها يعني
محمد بوموزه ولا ابن الاجواد ولا فهد الشمري
^ سؤالي واضح ، انت مودي ملخصات ولا تعرف لمين !!
اكيد بتعرف ملخصات القانون من مسويها ملخصاتها الاقتصاد من مسويها
فهمت !! ولا اوضح اكثر !!
،
!




مرحبااااااااااا اختى
الملخصات المشار لهااااا
فيه أكثر من ملخص لك ماده لكل من بو موزه ... ابن الاجواد .. الشمري

جوابي ....
اذا كنتي تملكين ملخصات عندك
لا تكثر عليك الملخصات ...
والنتيجه واحده ....

وبالتوفيق والنجاح

[أوفى الخلق]

طيب ماودك ترد علينا بكم سعرها :(154):

[أمير المشاعر]

والله كنت متحمس اشتري الملخصات




بس شفت ردك وسؤالك قلت اصبر


امير المشاعر انتظر ردك

وبكم سعر الملخصات كامل ؟



مرحباااااااااا اخوي

يمكنك الاطلاع عليها كاملة قبل الشراء
أنا وضعتها من أجلكم
سعر التصوير
14 ورقه بريال ... التغليف سلك المذكره 4 ريال

تحيااااااااتي

[❥~ Eman]

مرحبااااااااااا اختى

الملخصات المشار لهااااا
فيه أكثر من ملخص لك ماده لكل من بو موزه ... ابن الاجواد .. الشمري

جوابي ....
اذا كنتي تملكين ملخصات عندك
لا تكثر عليك الملخصات ...
والنتيجه واحده ....


وبالتوفيق والنجاح





،


أمير المشآعر

على كل حال يعطيك العافيه
مافي الا اروح واشوف كل ماده ومن الي مسوي ملخصها

،

[أمير المشاعر]

طيب ماودك ترد علينا بكم سعرها :(154):


هههههههههههههههههههههههه
خلاصنا من الرقم ورجعنا الى السعر ؟؟؟؟؟؟؟؟

انا فاعل خير ومتبرع لكم بوضع نسخه لتصوير فقط
المذكرات اللي أذاكر منها
السعر عند مركز الصعب

دمتم بخير

[أوفى الخلق]

هههههههههههههههههههههههه
خلاصنا من الرقم ورجعنا الى السعر ؟؟؟؟؟؟؟؟

انا فاعل خير ومتبرع لكم بوضع نسخه لتصوير فقط
المذكرات اللي أذاكر منها
السعر عند مركز الصعب


دمتم بخير



لانك كتبت في نهايه الموضوع
سعر تكلفة الطباعة مناسب .. مع التغليف سلك ..
وقلت اسال عن السعر يمكن عنده علم

مشكور اخوي ~

[طـلال العــز]

الله يجزاك خير
جهد تشكر عليه


تقبل مروري

[الصبح الجديد]

جزاك الله الف الف خير

[بن منبه العالمي]

الله يعطيك العافية يا امير المشاعر


بس جميع الكتب كلها ملخصة يعني ما نذاكر الا منها وشكرااا

[أوفى الخلق]

انا مريت اليوم المكتبه

اخذت لي ملخص وفتحته وقريته حصلت كلها اساله بس

ولا قدرت اشوف الباقين شوي زحمه بالمحل :(177):

مدري هل الباقين اساله ولا كيف ؟

[مـح ـمد]

وانا اشكر الاخ

ومتبرع اوصل الى اي احد يبي من القصيم
انا مستعد اوصل له

وربع تساعدو مارسبو:(164):

[Abu Sadeem]

الله يجزاك كل خير

[حلمي الامل]

انا اخذت الملخصات من مركز الصعب

طلعت علي بـــ 75 ريال

والله ضاق صدري من الخوف مالي نفس اذاكر:s9: خايفه

[بن منبه العالمي]

يا حلمي الامل جميع الملخصات كلها 75 ريال وهل الملخصات كاملة لجميع المنهج


افيدنا الله يجزاك خيرررررررر

[حلمي الامل]

يا حلمي الامل جميع الملخصات كلها 75 ريال وهل الملخصات كاملة لجميع المنهج


افيدنا الله يجزاك خيرررررررر


ايه الحمد لله
توني اطلعت ماعليها تقريبا حلوه وشامله وراح تكفي مع المحاضرات المسجله
وتراها يعني نقراها ونفهمها خاصه اذا كنت من اللي يحب الفهم

على العموم ترى المكتبه زحمه مليانه الحق عليها
واذا انت من سكان الشمال فانا ان شاء الله اليومين الجايه بحطها بمكتبه شمال الرياض
الله يوفقك ويوفقنا امين

[شاعر قديم]

ايه الحمد لله
توني اطلعت ماعليها تقريبا حلوه وشامله وراح تكفي مع المحاضرات المسجله
وتراها يعني نقراها ونفهمها خاصه اذا كنت من اللي يحب الفهم

على العموم ترى المكتبه زحمه مليانه الحق عليها
واذا انت من سكان الشمال فانا ان شاء الله اليومين الجايه بحطها بمكتبه شمال الرياض
الله يوفقك ويوفقنا امين


متى تحطي الملخصات؟
و ياليت تكون في مكتبه مشهوره و معروفه لسهولة التعرف على موقعها:(204)::oao:
مع شكري لك مقدمآ:(164):

[شاعر قديم]

انا بكره بروح اجيبها وانشاء الله احطلك نسخه في مكتبة العبيكان الي على طريق المدينه


ويعطيك العافيه اخوي امير المشاعر على الموضوع الرائع


هل يوجد ملخصات كامله و لكل المواد قريب من الظهرة البديعه :049:

[حلمي الامل]

هل يوجد ملخصات كامله و لكل المواد قريب من الظهرة البديعه :049:


يابعدك الحين تبيها بالشمال والا بظهره البديعه؟؟؟؟؟؟؟؟؟؟:hhheeeart4:

[مالي حيله]

اخوي حطيت الملخصات في العبيكان على شارع المدينة
انتظر وصولها >>>الله يسعدك
:(159):

[zaman alsamat]

كنت افكر اطلع للرياض اشتريها

بس مدام ابو عواد تزهل يجيبها للخرج

الله يسهل دربه ويوفقه ويجعلها في ميزان حسناته

بس سوال هل نكتفى بالملخصات هذي فقط بدون ما نشتري الكتب

اتمنى الرد الوافي وخاصه من الخبرات امثال ام خالد جعلها الله لنا ذخرا

كل التقدير والاحترام للجميع

[ام خالد 2010]

كنت افكر اطلع للرياض اشتريها

بس مدام ابو عواد تزهل يجيبها للخرج

الله يسهل دربه ويوفقه ويجعلها في ميزان حسناته

بس سوال هل نكتفى بالملخصات هذي فقط بدون ما نشتري الكتب

اتمنى الرد الوافي وخاصه من الخبرات امثال ام خالد جعلها الله لنا ذخرا

كل التقدير والاحترام للجميع

يعطيك ربي الف عافيه على الاطراء الحلو .. وان شاء الله اكون عند حسن ظنكم ..

اذا تبي نصيحتي .. ابتعد عن الملخصات . نهائيا واكتفي بالمحاضره المسجله والمحتوى . والكتاب لو توفر .. ولو ماتووفر عادي .

[ھډۄء ٲڼٽۍ☺]

يعطيك أإلف أإلف عأإفيه مأإ قصصرت وربي ..

[العازم]

اتمنى ان يتعاون الجميع لكي يتم توزيع تلك الملخصات على مراكز الطباعه او المكتبات الموجوده في احياء مدينه الرياض في الشمال او الغرب او الشمال ..حتى يتسنى لكلا منا الحصول عليها كلا حسب سكنه وبكل سهوله ويسر وله منا الدعاء ..دمتم برعايه الله

[بن منبه العالمي]

ايه الحمد لله
توني اطلعت ماعليها تقريبا حلوه وشامله وراح تكفي مع المحاضرات المسجله
وتراها يعني نقراها ونفهمها خاصه اذا كنت من اللي يحب الفهم

على العموم ترى المكتبه زحمه مليانه الحق عليها
واذا انت من سكان الشمال فانا ان شاء الله اليومين الجايه بحطها بمكتبه شمال الرياض
الله يوفقك ويوفقنا امين

الله يعطيك العافية يا خوي حلم الامل وشكر لك


بس يا ليت تنزلها باسرع ما يمكن عشان نبي نذاكر ونشد حيلنا اهع

بس نزلها بالشمال او وسط الرياض وافدنا بسرعه

[أوفى الخلق]

يعطيك ربي الف عافيه على الاطراء الحلو .. وان شاء الله اكون عند حسن ظنكم ..

اذا تبي نصيحتي .. ابتعد عن الملخصات . نهائيا واكتفي بالمحاضره المسجله والمحتوى . والكتاب لو توفر .. ولو ماتووفر عادي .


اختي ام خالد
على حسب ماسمعت ان الملخصات اللي بالمكتبه
هي نفسها اللي في البلاك

يعني الافضل الواحد يشتريها
ويتابع مع الدكتور في المحاضرات المسجله .

[حلمي الامل]

الله يعطيك العافية يا خوي حلم الامل وشكر لك


بس يا ليت تنزلها باسرع ما يمكن عشان نبي نذاكر ونشد حيلنا اهع

بس نزلها بالشمال او وسط الرياض وافدنا بسرعه



هههههههههه طيب يالشيخ
<<<< تراني انثى ماتشوف الورده :g19:
الله يوفقنا ان شاء الله

[أمير المشاعر]

السلام عليكم ورحمه الله وبركاته
ان شاء الله الجميع بخير وعافيه
متمني للجميع التوفيق والنجاح

تم تنــــــزيـــــــل الجزء الثـــاني
محاسبة ... رياضيات
وبعض ملخلصات الاقتصاد الجزئي
وبعض ملخلصات الرياضيات


خالص تحياتي