مهم يابنات الرياض ادخلوووو ,,

[ليلة جمر]

السلام عليكم ورحمة الله وبركاته


يابنات الرياض ممكن تساعدوني وخليكم جنبي جاوبو على اسئلتي

لا تهملوني بليز عندى بعض الاسئله ومحد يقدر يجاوب عليها الا انتم


اول شي انا محتاره بين جامعه الامام وبين الملك فيصل ولا ادري وش الازين والاحسن دراسة انتساب انتم وش تنصحوني يعني تحسون انفسكم مرتاحين بجامعه الملك فيصل ولا فيها بهذله ؟؟


طيب انا لما اختار التخصص اللي ابيه علطول راح انقبل فيه ولا يحطوني على كيفهم ؟؟


طيب هل شهاده الثانويه لها دخل باختيار التخصصات يعني انا مثلا نسبتي يوم تخرجت 79 وش التخصص اللي يقبلوني فيه ولا مايهتمون بهالامور ؟؟؟

هل التسجيل فيها بهذله يعني روحه وجيه للدمام ولا كيف ؟؟؟


ومتى يفتحون باب التسجيل للترم الثاني ووش شروطهم والاوراق اللي راح ارسلها لهم ؟؟

بليز جاوبوني الله يجزاكم الجنه

وخليكم بالقرب لان عندي اسئله كثيره ببالي واي سؤال راح احطه بالهالموضوع

[ليلة جمر]

؟؟؟؟؟؟؟؟؟؟؟؟؟؟؟


:d1:

[miss..sara]

اول شي انا مو من الرياض بس عندي اجوبه لبعض اسئلتك


السلام عليكم ورحمة الله وبركاته




يابنات الرياض ممكن تساعدوني وخليكم جنبي جاوبو على اسئلتي

لا تهملوني بليز عندى بعض الاسئله ومحد يقدر يجاوب عليها الا انتم


اول شي انا محتاره بين جامعه الامام وبين الملك فيصل ولا ادري وش الازين والاحسن دراسة انتساب انتم وش تنصحوني يعني تحسون انفسكم مرتاحين بجامعه الملك فيصل ولا فيها بهذله ؟؟


طيب انا لما اختار التخصص اللي ابيه علطول راح انقبل فيه ولا يحطوني على كيفهم ؟؟

يقبلونك على طول الا ادارة اعمال بنسبه

طيب هل شهاده الثانويه لها دخل باختيار التخصصات يعني انا مثلا نسبتي يوم تخرجت 79 وش التخصص اللي يقبلوني فيه ولا مايهتمون بهالامور ؟؟؟

لا مايهتموون يقبلون في كل التخصصات باي نسبه ماعدا ادارة اعمال بنسبه معينه ماتذكر كم بالضبط
هل التسجيل فيها بهذله يعني روحه وجيه للدمام ولا كيف ؟؟؟
تختبرين في الرياض

ومتى يفتحون باب التسجيل للترم الثاني ووش شروطهم والاوراق اللي راح ارسلها لهم ؟؟

ماحددو كتى التسجيل و الاوراق المطلوبه شهادة الثانويه الاصل وشهادة حسن سيره وسلوك
بليز جاوبوني الله يجزاكم الجنه


وخليكم بالقرب لان عندي اسئله كثيره ببالي واي سؤال راح احطه بالهالموضوع



هذا اللي اعرفه امنى اني افدتك

[wojod]

ماقصرت اختي ( يارب سهل ) كفت ووفت بس بقولك الي عندي


جامعة الملك فيصل تهبل والدراسه بعد حلوه هذا الي شفته ...

واذا اخترتي تخصص يقبلونك في ان شاءلله انا على طول وافقو على طلبي واكيد يوافقون عليك لان اغلبنا كذا ...

واكيد النسبه يهتمون فيها بس وضعهم زين اهم شي يعرفون الرقم بس ماعليهم كم النسبه ... >> اظن ماابي اورط احد

والتسجيل بالنت وكل شي بالنت بس الاختبار يسون مركز بالرياض ونختبر ..

اما تسجيل الترم الثاني ان شاءلله يفيدك احد غيري لاني مااعرف في اي وقت ...

والله يوفقك ويوفق الجميع ..

[B-A-D-E-R]

اول شي انا محتاره بين جامعه الامام وبين الملك فيصل ولا ادري وش الازين والاحسن دراسة انتساب انتم وش تنصحوني يعني تحسون انفسكم مرتاحين بجامعه الملك فيصل ولا فيها بهذله ؟؟






آســف على التطفل برغم من ان الاسئلة موجهه للبنات فقط
ولكن من باب التنبيه على هذه النقطه فقط
بنسبه لجامعة الإمام الإنتساب فيها تعليم عن بعد وحتى الان لم يتم الإعتراف به والتعليم العالي يومهم ب10 سنوات يعني ليش تسجلين على أمل الإعتراف وعندك خيار جامعت الملك فيصل .
جامعة الملك فيصل معترف فيها لأنها انتساب ويكتب في الشهاده انتساب فقط ولكن لخدمة الطلاب ولتواصل معهم تم وضع محاضرات والجداول والتواصل عن طريق النت

[ليلة جمر]

لا مايهتموون يقبلون في كل التخصصات باي نسبه ماعدا ادارة اعمال بنسبه معينه ماتذكر كم بالضبط



حلوووو ريحتيني كثير جزاك الله خير

لان بصراحه ودي ادخل تربيه خاصه


طيب ماعليه ممكن اعرف الرسوووم كم بالتربيه الخاصه ؟؟؟

[ليلة جمر]

واكيد النسبه يهتمون فيها بس وضعهم زين اهم شي يعرفون الرقم بس ماعليهم كم النسبه



اي رقم ؟؟؟؟

طيب ممكن تعطيني رابط التسجيل لو سمحتي ؟؟؟

وجزاك الله الف خير

[ليلة جمر]

آســف على التطفل برغم من ان الاسئلة موجهه للبنات فقط
ولكن من باب التنبيه على هذه النقطه فقط
بنسبه لجامعة الإمام الإنتساب فيها تعليم عن بعد وحتى الان لم يتم الإعتراف به والتعليم العالي يومهم ب10 سنوات يعني ليش تسجلين على أمل الإعتراف وعندك خيار جامعت الملك فيصل .
جامعة الملك فيصل معترف فيها لأنها انتساب ويكتب في الشهاده انتساب فقط ولكن لخدمة الطلاب ولتواصل معهم تم وضع محاضرات والجداول والتواصل عن طريق النت



انا موضوعي مو بس للبنات حتى الاولاد اللي من الرياض اذا بيفيدوني ويعلموني حياااهم



توني ادري ان الامااام مو معترف فيها ..

طيب شهاداتكم اللي بجامعه فيصل معترف فيها لدرجة اني اقدر اكمل ماجستير ودكتوراه ان شاء الله ولا مااقدر ؟؟


طيب انا اخاف يبهذلوني روحه وجيه ولا اقدر اسجل وادرس واخذ شهادتي وانا بالريااض مااروح لهم ؟؟



ومشكووور ماقصرت جزاك ربي الف خير

[سمسونه]

هلا اختي حبيت اقولك انو صحيح الرقم السري ماوصلني للحين بس انو القبول المبدئي جالي.. وفي ادارة اعمال علما انو نسبتي اقل منك .. يعني ما اعتقد انو النسبه لها علاقه..

الا اذا كانو يناظرون سنة التخرج لان انا خريجه قديمه

[ساره العلي]

فرق كبير
جامعة فيصل افضل بكثير من كل النواحي
والتخصصات للانتساب المطور اكثر من الامام
ومايحتاج تروحين وتجين كل شي تسوينه من النت باستثناء الاختبار
الاغلب هنا تم قبولهم على رغبتهم الاولى وانا نفس الشي
وبالتوفيق

[B-A-D-E-R]

انا موضوعي مو بس للبنات حتى الاولاد اللي من الرياض اذا بيفيدوني ويعلموني حياااهم



توني ادري ان الامااام مو معترف فيها ..

طيب شهاداتكم اللي بجامعه فيصل معترف فيها لدرجة اني اقدر اكمل ماجستير ودكتوراه ان شاء الله ولا مااقدر ؟؟


طيب انا اخاف يبهذلوني روحه وجيه ولا اقدر اسجل وادرس واخذ شهادتي وانا بالريااض مااروح لهم ؟؟



ومشكووور ماقصرت جزاك ربي الف خير

ان شاء الله انه معترف فيها لانهم على كلام الطلاب الي سبقونا وكلام احد الدكاتره انهم يكتبون (انتساب) وهذا معترف فيه من التعليم العالي وديوان الخدمه المدنيه ..
اما التعليم عن بعد فانا متأكد انه غير معترف به حتي الان وهم يدرسون موضوعه ولكن لمذا تدرسين على امل وانت عندك خيار آخر معترف فيه مثل جامعة الملك فيصل.


اما يبهذولنك في الروحه والجيه ماعتقد .... لاني انا كذلك من منطقة الرياض وكل الي سويته دخلت الموقع وسجلت وعبيت بياناتي وشيكت على يوزري في موعهم والقى فيه كل المعلومات ..

اما بخصوص سنة التخرج والنسبه انتي اتكلى على الله وسجلي بالتخصص الي تبينه ةعندك خيار ثاني حطي فيه اي تخصص آخر ...
عموماً انا خريج قديم وموظف ولكن طمعاً في إكمال الدراسه سجلت في الجامعة ونسبتي دمار بيني وبينك وحتى النتايج في رمضان لم يتم قبولي وقبل اسبوعين وصلتني رساله بقبولي المبدئي و إكمال اوراقي وارسالها لهم بالبريد الممتاز والحمد الله اكملت الاوراق وسددت المبلغ وتم قبولي واعطائي رقم سري ...
يعني لارحت ولا جيت في مكاني ووقت الإختبارات تقدرين تختبرين في الرياض على حسب ماسمعت مو لازم في الاحساء اما الشهادات واستلامها مادري بس ماتفرق اذا وقفت على الشهادة ..
لكن نصيحه لوجه الله اعزمي امرك وسجلي والله يوفقك ان شاء الله .

[ليلة جمر]

هلا اختي حبيت اقولك انو صحيح الرقم السري ماوصلني للحين بس انو القبول المبدئي جالي.. وفي ادارة اعمال علما انو نسبتي اقل منك .. يعني ما اعتقد انو النسبه لها علاقه..

الا اذا كانو يناظرون سنة التخرج لان انا خريجه قديمه



اهاااااا

طيب وش قصدك بالرقم السري يعني قصدك الرقم الجامعي ؟؟؟

[ليلة جمر]

فرق كبير
جامعة فيصل افضل بكثير من كل النواحي
والتخصصات للانتساب المطور اكثر من الامام
ومايحتاج تروحين وتجين كل شي تسوينه من النت باستثناء الاختبار
الاغلب هنا تم قبولهم على رغبتهم الاولى وانا نفس الشي
وبالتوفيق


طيب شكرا لك كثيرررر

طيب ابغا موقع للتسجيل لو سمحتي وحابه اعرف التسجيل للترم الثاني متى ؟؟

وحابه اعرف انا ادفع الرسوم بعدين اعبي البيانات ولا اعبي وبعدين ادفع الرسووم ؟؟


وياليت احد يعلمني كيفيت ارسال شهادتي وكيفيه دفع الرسوم باي صرافه وكيف طريقتهم ؟؟


بليززز انا محتاجه كثبر اعرف يعني بجد انا مااعرف اي شي عن الانتساب المطور

ساعدوني الله يوفقكم

[ليلة جمر]

ان شاء الله انه معترف فيها لانهم على كلام الطلاب الي سبقونا وكلام احد الدكاتره انهم يكتبون (انتساب) وهذا معترف فيه من التعليم العالي وديوان الخدمه المدنيه ..

اما التعليم عن بعد فانا متأكد انه غير معترف به حتي الان وهم يدرسون موضوعه ولكن لمذا تدرسين على امل وانت عندك خيار آخر معترف فيه مثل جامعة الملك فيصل.


اما يبهذولنك في الروحه والجيه ماعتقد .... لاني انا كذلك من منطقة الرياض وكل الي سويته دخلت الموقع وسجلت وعبيت بياناتي وشيكت على يوزري في موعهم والقى فيه كل المعلومات ..

اما بخصوص سنة التخرج والنسبه انتي اتكلى على الله وسجلي بالتخصص الي تبينه ةعندك خيار ثاني حطي فيه اي تخصص آخر ...
عموماً انا خريج قديم وموظف ولكن طمعاً في إكمال الدراسه سجلت في الجامعة ونسبتي دمار بيني وبينك وحتى النتايج في رمضان لم يتم قبولي وقبل اسبوعين وصلتني رساله بقبولي المبدئي و إكمال اوراقي وارسالها لهم بالبريد الممتاز والحمد الله اكملت الاوراق وسددت المبلغ وتم قبولي واعطائي رقم سري ...
يعني لارحت ولا جيت في مكاني ووقت الإختبارات تقدرين تختبرين في الرياض على حسب ماسمعت مو لازم في الاحساء اما الشهادات واستلامها مادري بس ماتفرق اذا وقفت على الشهادة ..

لكن نصيحه لوجه الله اعزمي امرك وسجلي والله يوفقك ان شاء الله .




طيب ممكن تعطيني الموقع اللي سجلت منه ؟؟؟


طيب فيه سؤال مره مهم


عندهم بنظام الانتساب المطور انذارات وحرمانات في المواد ولا مافيه هالشي ؟؟؟


لاني انا بجد متعقده كثير من قصه الانذارات والحرمانات علشان كذا مايصلح لي الا الانتساب


طيب اذا هم يعطون انذارات على اي اساااس يعطوننا وحنى مانحضر ؟؟؟


بليز جاوبو على اسئلتي

[جنتي أومي]

الملك فيصل بلا مناااااازع افضل
من نواحي كثيره كثره الاقسام
تقدري تختبري باى منطقه بالمملكه طبعا مدن الرئيسيه وبعض المحافظات مو شرط تروحي للاحساء
ارخص من الامام
افضل من ناحيه طوالى تدرسين بدون ماتمرين بدوره تاهيليه تاخذ منك ترم
انا كنت بجامعه الامام عن بعد ودفعت وحضرت كم محاضره بعده انسحبت ماحبيتهاااااااااا
اقسامهم شوي
فمادري عنك استخيري وبعده قرري

[ليلة جمر]

8


شكرا لك كثير

وجزاك الله الف خير

[ليلة جمر]

ممكن لو سمحتووو تجاوبوني على ا سئلتي اللي ذكرتهااا




لان عندي اسئله غيرهااا :mh318:


لو ابدخل ان شاء الله تربيه خاصه هل بيكون هناك دراسه في الصيف ولا مايكون ؟؟ ولا على حسب تواجد الطلاب والدكاتره ؟؟؟ طيب احنا تجمعنا وطالبنا بترم صيفي وبصوت واحد اكيد ماراح يعيون ؟؟



طيب ممكن اعرف التربيه الخاصه فيها سنه تحضيريه او مواد اعداد عااام او دوره تاهيليه ؟؟؟


ممكن اعرف هل يوجد بالتربيه الخاصه ماده انجليزي << لاني بجد اكره الانجليزي ومحد ضيعني غيرها ؟؟


طيب ممكن اعرف وش هي المواد الخارجيه اللي بالتربيه الخاصه ؟؟؟ يعني وش المواد اللي مفروض ادرسها ولا لها علاقه بمواد التربيه الخاصه مثل (كيمياء ,, فيزياء .. نحو,,دين .. اي شي ؟؟هل يوجد وماهي



اعذروني بليززز وجاوبوني والله هالاسئله مره مهمه بالنسبه لي