طلاب القصيم يوجد مقترح

[ابومحمدالمضيبري]

اخواني واخواتي من سكان منطقة القصيم وماجاورها المنتسبين لهذا اصرح اشامخ 00000 فيه عندي مقترح بخصوص المذكرات والكتب 0000 ياليت لو نتفق ونوحد مكتبه توجد عندها جميع من يملك او يجد ملخصات للمقررات ودمتم سالميين

[roro4]

ياررريت وانا معك :(204):

[القبطـان]

ياريت وانا كمان معكم قلبا وقالبا

[المظيبري]

الله يوفقكم

فكره رائعه

تحياتي لك

[#saif#]

im two

[مدرب خالدالمشوح]

وأنا معكم والله يوفق الجميع للي فيه مصلحة للجميع وياليت أي شي مذكرات مقرارات كتب ملخصات وغيره
:oao:

[ايوزياد]

وانا معكم

شدوو حيلكم والله يوفق الجميع يارب :049:

:783:

[ناصرالشريف]

وانا معكم يا اخوان ..والله يقويكم..وموفقين انشالله..بس بعرف وين يختبرون بالقصيم..لئني من سكان الرياض ولا عندي خلفيه عن موقع الاختبار بالقصيم

[دمعه صامته]

لو سمحت من وين حصلت على الكتب لاني ماحصلت انا الى الحين وانا من بريده وشكرا :24_asmilies-com:

[ابومحمدالمضيبري]

ألاخوه وللأخوات الشكر مصل لكم

جميعا علا تفاعلكم =..بخصوص توحيد المكتبه

بس الآن ياليت نتفق اي مكتبه تشوفون انها مناسبه

؟؟؟؟؟ وابشرو الأمور طيبه والملخصات تجيكم اول بأول
وفقكم الله ................بخصوص من يسأل عن تحديد مكان الاختبارات لم اعلم عن مكانها ياليت من يعرف عنها شى .... يوضح المكان

[حياة الروووح]

وانا بعد معكم ..التوفيق للجميع ,,

[حياة الروووح]

لو سمحت من وين حصلت على الكتب لاني ماحصلت انا الى الحين وانا من بريده وشكرا :24_asmilies-com:

هلابك اختي دمعه صامته ..

انا بعد ماشريت الكتب اللي حصلهم ببريده يعطينا خبر ..

تحياااااتي,,

[roro4]

شفو العبيكان عنده كتب الانجليزي والكتب الثانيه يقول يطلبها

[roro4]

وانا معكم يا اخوان ..والله يقويكم..وموفقين انشالله..بس بعرف وين يختبرون بالقصيم..لئني من سكان الرياض ولا عندي خلفيه عن موقع الاختبار بالقصيم

مركز الاختبارات كليات بريده الاهليه هذا قبل بس مدري يغيرونه او لا

[roro4]

ألاخوه وللأخوات الشكر مصل لكم

جميعا علا تفاعلكم =..بخصوص توحيد المكتبه

بس الآن ياليت نتفق اي مكتبه تشوفون انها مناسبه

؟؟؟؟؟ وابشرو الأمور طيبه والملخصات تجيكم اول بأول
وفقكم الله ................بخصوص من يسأل عن تحديد مكان الاختبارات لم اعلم عن مكانها ياليت من يعرف عنها شى .... يوضح المكان

ياريت كل واحد يقول بالضبط وين ساكن عشان تكون قريبه لنا كلنا
انا من عنيزه وعادي اروح بريده :mh318:

[SMART.BOoOY]

me too

انا معكم قلبً وقالباً

بالتوفيق للجميع

[عادل الحربي]

انا من بريده ,,,

وياليت الملخصات و الكتب أو المحتوى يكون عند مكتبة المتخصص في بريده بجوار كليات البنات سابقاً

أو أي مكتبه كبيرة أو مركز تصوير يكون معروف

بعدين من اللي بيجيب الكتب !!!

لفيت مكتبات القصيم كلها حتى المكتبة العامة وما حصلت شئ


(( مستوى ثالث ))

[حياة الروووح]

لوسمحتم سووووري تو انتبه للموضوع انتم تتكلموا عن اي تخصص ,,ياليت احد يفيدني ,,

[ناصرالشريف]

جميع التخصصات اكيد.

[االواشي]

ياليت وانا معكم

[االواشي]

مكتبة الايضاااااااح وش رايكم اللي بالاسكااااااااااااااان طريق عمر بن الخطاب

[zanan]

انا معكم من عنيزه :(164):

[ابو مدري]

حددو المكتبة قبل لا يضيع الوقت علينا
انا معكم والله يوفق الجميع
بالنسبة لمركز الاختبار في القصيم يقال والعلم عند الله
مقر الكلية الاهلية في بريدة /الدايري الغربي بجوار كبري الحمر.
والله أعلم
ملاحظة:
مكان الاختبار ليس متأكد منة100%

[شــــوق]

وانا معاكم ان شاء الله

انا تربية خاصه مستوى اول وعندي بس ثلاث ملازم

1- مقدمة في التربيه الخاصه .... دكتور المادة مجدي الشحات
2- الصحه واللياقه .... دكتور الماده عبدالحكيم المطر
3- التحرير العربي .... دكتور المادة عبدالعزيز الحليبي


على فكره انا ماجبتهم من اي مكتبه انا لقيت روابط الكتب هنا بالمنتدى وطبعتهم بحاول اجيب لكم الروابط


ياللا سي يو

[شــــوق]

ياجماعه نسيت اقولكم

ليه ماتجيبون لكم طابعة ليزر وتطبعوا ملازمكم فالبيت وبلاش منها حوسة المكاتب صدقوني بترتاحوا كثير

طابعتي انا hp laserjet 1300 ومرتااااااااااااااحه كثير منها

احب اقولكم ان قدامكم اربع سنوات ... يعني ثمان مستويات يعني ثمان مرات حوسه بالمكتبات ووجع راس وفرفره بالسياره وياريت الكل منا بمحافظه وحده لااااا متشتتين اللي فبريده واللي فعنيزه واللي فالبكيريه وياللااااا عددوا ... تخيلتوا التردد من محافظه لمحافظه وياللا فيها تخلص ملزمتك باليوم اللي يحددونه وفيها ماتخلص يعني يواعدونك بيوم معين وبالاخير اذا تعنيت يقولوا لك والله ماخلصت واذا تخانقت معاهم يقولوا لك طق راسك فالجدار .. بس بطريقه مهذبه :(164):

هذي الطابعه بتوفر عليكم وقت ومال وجهد
والله الطابعه ما اذكر بكم شاريتها .. بس اذا فكرتوا فيها طابعه ليزر يعني ماتحتاجوا تشتروا الوان طابعه كل شوي وبتشتروا بس اوراق طباعه بـ15 ريال بسسسس


سووا مثلي اطبعوا كل ملازمكم بهذي الطابعه وكل وحده اعزلوها لحالها عشان ماتتلخبط اوراق الملازم وبس ودوها للمكتبه عشان يحطوا لها السيبرينق والغلاف ... ومن بعدها ذااااااااااااااااكروا والي ينجح ينجح واللي يرسب يستاهل :mh01:

[تركي بن عبدالله]

انا من المجمعه وانظم معكم لان اختياري لمركز الاختبار بالقصيم


بخصوص المقررات الافضل تطبعها من الموقع يوفر الجهد والمال

[شــــوق]

هذا رابط كتاب الانجليزي الله يجزاه خير اللي نزله <<< بس انا افضل تشترونه لانه 554 صفحه:(154): وتلاقونه بجرير والعبيكان
http://www.ckfu.org/vb/t107808.html


هذا رابط لمحتوى الصحه واللياقه ... انتبهوا انا قلت محتوى يعني شرائح البور بوينت فقط مو ملزمه انتبهوا هو قال فيه ملزمه تذاكروا منها مع المحتوى بس عاد انتم تأكدوا منه من خلال مراسلته بالايميل الجامعي <<<<< تلاقون المطلوب بالرد رقم 3

http://www.ckfu.org/vb/t108137.html



وهذا رابط فيه ملخصات للمواد والجزئين من ملزمة الصحه واللياقه بس باقي جزئين ثانيات

http://www.ckfu.org/vb/t106798.html


وهذا رابط الايميل الجامعي ... طريقته انكم اذا دخلتوا للبلاك بورد ورحتوا للماده بتلاقون عناوين للدكتور من ضمهم عنوان الايميل تبعه ماعيكم الا انكم تنسخونه وتحطونه بخانه مكتوب عندها to وكلمة (( سبجكت )) يعني موضوع الرساله ... بس اول ماتفتحوا الرابط بيجيكم اسم المستخدم وكلمة المرور بس بالانجلش مكتوب
عاد اكتبوا رقمكم الجامعي وكلمة المرور الخاصه فيكم

http://webmail.kfu.edu.sa/uwc/auth
عاد انا اذا شفت شي جديد جبته لكم يالقصمان <<< احلفي يالايرانيه :lllolll:
وااااااااه تعبت وانا اكتب :mh35:

[#saif#]

انا مع الاخت نونا 1 :(204):

ليش الغربله والتعب كل واحد يطبع وانتهينا :(156):

[zanan]

الي اعرفه ان كتاب الانجليزي north star والا كل تخصص لهم كتاب ؟؟

[#saif#]

انتبهو من بعض الاعضاء الله يهديهم يخسرونكم ورق وحبر بعض الملازم تختلف !! ومشاوير للمكاتب تصدقون احد الاعضاء قال الكتاب المطلوب للانقلش اسمه نورث ستار ورحت واشتريته وبالاخر الدكتور طلب كتاب ثاني فالحذر ثم الحذر في ناس توهق:mh01:

[#saif#]

الي اعرفه ان كتاب الانجليزي north star والا كل تخصص لهم كتاب ؟؟



ادخل على محتوى المقرر وشوف الدكتور ايش طالب . زي ماقالت الاخت نونا طالب باسيك قرامار

[roro4]

انا عن نفسي افضل القاه مطبوعه مكتبه ولا حوسة الطابعه ووياريت تكون المكتبه االلي قال عليها الاخ بالاسكان

[zanan]

مير ماشفنا الدكتور للحين انت خله يجي بسلامته ويصير خير

[roro4]

مير ماشفنا الدكتور للحين انت خله يجي بسلامته ويصير خير

لسى الدكتور منزل اسماء المراجع والكتب شيك واللي يشريهم يبلغنا

[شــــوق]

مير ماشفنا الدكتور للحين انت خله يجي بسلامته ويصير خير


هههههههههه اهم شي كلمة (( مير ))

الدكتور طلب مننا كتاب basic english grammar

بس انتبهوا لازم يكون مكتوب على الكتاب (( الطبعه الثالثه )) يعني third edition
طبعا لون الكتاب احمر


على فكره فيه احد يقول انه طلب كتاب ثاني مع هذا الكتاب ولونه اصفر بس الصراحه انا ماشفته من ظمن المطلوبات بمستند الوورد اللي منزله .... ماادري ليه بعض الاعضاء يشوفوا اشياء انا ما اشوفها




رورو صدقيني بتتعبي مع المكتبات

[شــــوق]

ابشركم مايحتاج تشتروا كتاب الانجليزي

يكتفى بالمحتوى فقققققققققققط

وهذا نص الملاحظه الي كاتبها الدكتور

· ملاحظة هامة جدا:
1. في حالة عدم توفر الكتاب المقرر يمكن للاخوة الطلبة الرجوع الى اي مرجع يحتوي على الموضوعات المطلوبة او الاعتماد على ملخص وشرح المحاضرات المسجلة حيث سيتم عرض توضيح وشرح للمادة حسب الوضوعات والخطة مرة اسبوعيا وسيتم تزويد الطلبة بنماذج وتدريبات وتمارين مفيدة

مع امنياتنا للجميع بالتوفيق والنجاح
مدرس المقرر: د. غسان نايفة



وه بس وه ماصدقت انه طاح عني هالكتاب

ياللا عاد مافيه اسهل من كذا شدوا حيلكم وادرسوا يوميا عشان ترسخ فبالكم اللغه وعلى فكره الاختبار عليه 70 درجه والثلاثين الباقيه بناخذها من خلال المشاركه والحظور .. اعتقد انها حظور المحاظرات المباشره

عموما انا براسل الدكتور وارجع لكم

[roro4]

الكتاب الاصفر موجود من ضمن مستند الورد وكل الكتب موجوده بالعبيكان :mh318:
والمكتبه احسها افضل لان الواحد مايدري عن ظروفه وانا هالحين محتاسسسسسسه من الطابعات :(154):

[zanan]

هههههههههه اهم شي كلمة (( مير ))

الدكتور طلب مننا كتاب basic english grammar

بس انتبهوا لازم يكون مكتوب على الكتاب (( الطبعه الثالثه )) يعني third edition
طبعا لون الكتاب احمر


على فكره فيه احد يقول انه طلب كتاب ثاني مع هذا الكتاب ولونه اصفر بس الصراحه انا ماشفته من ظمن المطلوبات بمستند الوورد اللي منزله .... ماادري ليه بعض الاعضاء يشوفوا اشياء انا ما اشوفها




رورو صدقيني بتتعبي مع المكتبات

ههههههههههههههههههه

خبرك ( مير ) ماركه مسجله بأسمنا :(164):

انصحك تشترين الكتاب صراحه . انا تصفحت الكتاب مفيد جدا للمبتدئين بالانجليزي واسهل

كثير من الكتاب الاول north star .

بالتوفيق

[شــــوق]

والله النعمه جايه لحد عندي تبغاني ارفسها هههه

هو بنفسه قال اللي مايحصل الكتاب يكتفي بالمحتوى ..تبغاني اروح ابهذل عمري بكتاب من 500 صفحه <<< احلف عاااااااد

وانا لما قال كذا صراحه ارتحت كثير ... وشوله اشتري كتاب ماراح افتحه اببببد :(164):


تصدق عدد صفحاته ذكرتني بالدليل الاصفر ههههههههههههههه:lllolll:

[zanan]

القصد انك تستفيدين منه صدقيني مفيد جدا مو للدراسه بس

[شــــوق]

ان شاااااااااااااء الله بشتريه بس مو الحين

[SMART.BOoOY]

طيب شباب ادارة الاعمال اشوفهم نايمين زيي هههههههههههههههه

ياشباب وش نسوي ؟؟؟؟

ياليت احد ينزل كتب ادارة الاعمال وحنا نطبعها عادي >>> عنده طابعة :(156):

[شــــوق]

ابحث عن كتب ادارة الاعمال عن طريق محرك البحث بالمنتدى بكتابة اسم كل كتاب

او نزل موضوع واطلب فيه المساعده من الاعضاء وهم ماراح يقصرون معك

[SMART.BOoOY]

اهلين \ نونا 1

مافي مشاكل انا ابي الفائدة لي وللاخوان في ادارة الاعمال وجميع التخصصات

انا الحمد لله اموري تمام بس فيه اخوان محتاسين شوي :(156):

بالتوفيق ...

[شــــوق]

ان شاء الله يقرون ردي ويطبقونه وبإذن لله تتسهل امورهم

وانت بدورك انك تنبههم كيف طريقة البحث عن الملازم والمحتوى والمراجع المطلوبه


وان شاء الله ماقدامكم الا التوفيق والتفوق والنجاح بأذن واحد احد