الواجبات والتمارين ( للمستوى الثاني فقط ) [الأرشيف] - ملتقى طلاب وطالبات جامعة الملك فيصل,جامعة الدمام

✶ جُمان ✶

2010- 10- 25, 09:46 PM

أتمنى يتثبت الموضوع عشان يصير مرجع لواجبات المستوى الثاني

الاخوات والاخوان مستوى الثاني اللي تابع المحاضرات المسجلة والا لقى في خانة الواجبات

والتمارين واجب لأي مادة مستوى ثاني ياليت يتعاون معانا ويحط المادة( يعني اسم المادة ) وأسئلتها لنا

وبيكون مشكور ويعطيه العافية ,,

وهذا مراعاة لظروف بعضنا فيه نااس ماشاء الله عليهم بيكونون متابعين المحاضرات أول بأول

لكن فيه ناااس بتكون متأخرة شوي ,,, ومثل ماأنتم عارفين هالحين فيه درجاات على التمارين والواجب ..

اتمنى التفاعل ,, والله في عون العبد مادام العبد في عون أخيه

وبالتوفيق للجميع .

عـــــ بـنـت ـــــز&

2010- 10- 25, 11:23 PM

في واجب النحو 1

نبهتني عليه الاخت حلا دنيتي , الله يوفقها

ومعاه الحل ,,,,

رحـآل

2010- 10- 25, 11:39 PM

يعطيك العافيه وهذا الموضوع المفروض يتثبت ويتم تحديثه مع كل واجب جديد لأي مادة تخص مستوى ثاني ، وكذلك يجب وضع موضوع مشابة لمواد مستوى أول ويتثبت عشان ما تروح علينا واجبات ما حليناها أو ما درينا عنها ، خصوصا بعد ما صارت محسوبه من ضمن الدرجة النهائية!!!

الله يوفق الجميع وييسر علينا الفهم والحفظ والمذاكره ،،

رغووودة

2010- 10- 26, 12:21 AM

لازم يثبت الموضوع عشان يكون مرجع للكل ويكون متجدد اشكرك ع موضوعك الأكثر من رائع
جزاك الله خير

Misho

2010- 10- 26, 01:03 AM

جوميه
الله يجزاك خير
فكره رائعه ومفيده جدا

:
:
المطلوب واجب نحو فقط حاليا!!
:
:

ياريت يكون فيه تعاون بالواجبات والتمارين
ونتمنى تثيبت الموضوع
ألف شكر
وبالتوفيق للجميع

hayoona

2010- 10- 26, 01:04 AM

:(164):يسلموووووووو على التعاون مشكورين جدجد وموضوع رائع يستحق التقدير والشكر

رنجه

2010- 10- 26, 01:11 AM

يسلمو جومــــــــــــــيه على الفكره وجت بوقتها ........وياريت يتثبت الموضوع وحتى لو ماتثبت بنرفعه للفايده امممممممممممممممم عندنا واجب النحو بس ولا بعد في شي ثاني والله البلاك ماصار يفتح عدل والدوام ضغطه زاد واي جديد ياليتكم تفيدونا فيه ومشكورين مقدمااا امممممممممممم

Dima

2010- 10- 26, 02:35 AM

فكرة حلوة اختي جومية
من عيوني اثبته لكم
عشان الكل يستفسد:(204):
موفقة

رنجه

2010- 10- 26, 05:34 AM

فكرة حلوة اختي جومية
من عيوني اثبته لكم
عشان الكل يستفسد:(204):
موفقة

عساج على القوووه فديتج

A7la Malak

2010- 10- 26, 05:43 AM

جد رووعه الفكـــــره ...
يعطيكي العافيه حبيبتي .......

فيصل العربي

2010- 10- 26, 01:36 PM

فيه واجب في نحو 2 شيكوا على البلاك

ناصر12

2010- 10- 26, 06:22 PM

عسى ربي يخلي حلا دنيتي ناصر ما قصرت

✶ جُمان ✶

2010- 10- 26, 07:54 PM

للجميع ... شكرا لكم

dyma مشكورة على التثبيت وأتمنى الفائدة للجميع

وبالتوفيق

هاني الشهري

2010- 10- 26, 10:46 PM

الله يسعدك جوميه
فكره رائعه حيل
ومفيده الله يجزاك خير يارب
خالص إمتناني لك غاليتي
دمتي بحفظ الرحمن

ممنوع اللمس

2010- 10- 27, 01:27 PM

يلوووووووومووووووني فيك
مشكوووووووووووووووووووره على هالفكرة تريحنا كثير
:783:

جوآهر 2010

2010- 10- 27, 08:26 PM

عساكم ع القوه

روووز الدوحة

2010- 10- 27, 08:51 PM

يعطيج العافية حبووبة

ام ساره ووجدان

2010- 10- 27, 10:48 PM

ماقصرتي وشكرا ياقلبو:g23:

ام ساره ووجدان

2010- 10- 27, 10:49 PM

الحين مانزل لنا الا واجب النحو ياصبايا وشباب ؟؟؟؟؟؟؟؟؟؟؟؟

التــنيـــن

2010- 10- 28, 06:37 AM

يااخوان شيكت على البورد ولا حصلت الواجب وش السالفه

رنجه

2010- 10- 28, 08:46 AM

الواجب انتهت فترته اتوقع بس اذا نزل شي جديد بلغوا بعض وحلوه بوقته وشاركو بالمنتدى الحوار امممممممممم

بَياضْ~

2010- 10- 28, 09:44 AM

الله يحرم يمينك عن النآر يآرب
موضوع مهم
الله يجعل مسآعيك في موازين حسناتك

بَياضْ~

2010- 10- 28, 09:52 AM

شكل الواجب خلاص طار :d1:

شوفوا وش طلع

حل واجب(وليكوناً)
إعراب (ليكوناً) في قوله تعالى"ليسجننّ وليكوناً من الصاغرين" فعل مضارع مبني على الفتح لاتصاله بنون التوكيد.
أما لماذا نون الفعل والأفعال لتنون، فهذا ليس تنويناً وإنما هي نون التوكيد الخفيفة وكتبت على صورة ألف مراعاة لحالة الوقف حيث يوقف عليها ألفا كما يوقف على تنوين النصب، تقول: رأيت زيداً يمشي، فإذا وقفت على زيد قلت: رأيت زيدا

بَياضْ~

2010- 10- 28, 10:02 AM

اللي حمل الواجب يجيب لنا هنا عشان يمكن يجينا في الاختبار:(159):

رواسـي

2010- 10- 28, 11:59 AM

الواجب حق النحو كان /

بين الحالات التي يستتر فيها الضمير وجوبـاَ مع ذكر أمثلة ؟

<< لكـن مو موجود اللحيـن .. شكـلهـ أنتهـى الوقت :(175):

+ المهمـ يـآحلووويـن .. فيهـ فقرة صغيروونــه للمحاضرة الثالثهـ لمـادة الاحصـاء
هي فقرة د .. والدكتور قـال " ايـه رايكو نخليــة واجب ؟ " << داخـل المحاضرة قـالهـا ^^

<< بس اللحيـن دخلنـا على المحاضرة الرابعه وعينــا خير ..! مدري الوقت انتهـى وإلا لا :mh318:

moone

2010- 10- 28, 02:42 PM

الله يعطيكم العافيه بس ممكن تقولون لي كيف طريقه ارسال الواجبات ؟؟

ممنوع اللمس

2010- 10- 28, 06:24 PM

نفس السؤال
وشولون نرسله
سؤال يسدح نفسه
وش الطريقه

fatimah_t

2010- 10- 29, 12:59 AM

انا ما ارسلت ولا واجب يعني راحوا علي؟؟ ولا باقي في مجال ارسل شيء؟ اليوم الجمعه دخلنا تقريبا تاريخ21 زو القعده

✶ جُمان ✶

2010- 10- 29, 01:13 PM

الانجليزي قراءة قال فيه فقرات حلوها أنتم صفحة 13 فقرة 4 و 5 بس ماقال أرسلوها

اللي حاب يحلها براحته ,,, والأفضل نحلها يمكن ييجيب منها بالاختبار

غيوره على الدين

2010- 10- 29, 04:49 PM

مشكوريييييييييييييين الله يعطيكم العافيه

مشاعر صادقة

2010- 10- 30, 06:29 PM

يسعد مساكم
الواجب اللي نزل للنحو هذا تسالي بس:m1asmilies-com:
لسا ماجاء الواجب الفعلي حسب كلام الدكتور في المحاضرة المباشرة هناك واجبين طوال هم المطلوبين
سيتم وضعه على كلامه في الأسبوع القادم وأرساله بملف مرفق على أيميل الدكتور المطلوب الآن لتعم الفائدة للجميع ،،،يشرح لنا واحد مت الأعضاء العسل:(204): كيفية عمل ملف مرفق وكيفية أرسال ايميل بالصور لو أمكن لأن كثير من الطلاب والطالبات حايسين بهذه النقطة :oao: ويعطيكم العافي وبالتوفيق

**تكفيني الذكرى**

2010- 10- 30, 09:55 PM

مشكوررررررررررررررررررررررررررين ع هالجهود المبذوله

الفلكي

2010- 10- 31, 02:26 PM

:150:بس اتمنى ان مايكتب في الموضوع سوا الواجب او الحل

بَياضْ~

2010- 10- 31, 07:56 PM

يالله والله اكبر عقده النحو حتى الانجليزي يهون عنده
الله يسسهل لنا يارب ..وبأذن الله مانتعثر بأول الطريق=)

المسا77فر

2010- 11- 1, 06:36 PM

بصراحة جاي متأخر جدا ولا جبت خبر الواجب اللي معطيناه في النحو .
بصراحة لابد الواحد يشيك كل شوي وربي انها شغلة ذا الواجب

ابورحاب

2010- 11- 2, 09:30 AM

عساج على القوووه فديتج

على عنده الواجبات يرسلها على وشكرا

✶ جُمان ✶

2010- 11- 2, 03:14 PM

:hiat::hiat::hiat:

أول الواجبات نزل لمادة الانجليزي كتابة

والواجب حاط الدكتور مساعدة انه نستعين بالمحتوى ومحدد أي جزء من المحاضرة

وآخر موعد لاسال الواجب هو 24 /12 /1431

هاني الشهري

2010- 11- 3, 01:30 AM

جومية وفقك الله أختي الغاليه
وجزاك عنا ألف خير
خالص إمتناني لك

نسيم*

2010- 11- 3, 02:25 AM

:hiat::hiat::hiat:

أول الواجبات نزل لمادة الانجليزي كتابة

والواجب حاط الدكتور مساعدة انه نستعين بالمحتوى ومحدد أي جزء من المحاضرة

وآخر موعد لاسال الواجب هو 24 /12 /1431

بعد العيد إن شاء الله سيتم الإرسال

يعطيك العافيه

شيهانة

2010- 11- 3, 06:02 AM

لا يفوتكم الحقوا واااجب الانجلش كتاااابة

الاستاذ نزل 3 اسئلة وطلب مننا نحلهاااا

يالله خلونا نعين ونعاااون ونشرح لبعض ( وين ابومها + ذكية مئة بالمية + رواسي )

الله يجزاااكم الجنة نريد شرح لانة فيه ناااس شغلتها نسخ ولصق

لازم نوضح لهم المطلوووووب

لاتنسوني من دعااائكم بالتوفيق ولكم بالمثل

رواسـي

2010- 11- 3, 05:41 PM

هـلآ وغـلآ فيك غنـآتـي ..

آمري .. ترانـي موجودهـ ^ ^

أي شىء مو فـاهمينهـ .. إن شـاء نوضح لبعض

موفقيــن ..~

ومشكورهـ أختـي جوميـة على التنبيــة =]

موفقيـن يآرب

الم الصمت

2010- 11- 4, 04:47 PM

الله يعطيك العافيه

حمودي M

2010- 11- 4, 04:48 PM

مراااااااحب كيفكم؟ الحين الواجبات ذي للطالبات فقط او الطلاب معهم .......

واذا ماعليكم امر نزلزوا جدول المحاضرات المباشر ه لااني ماحضرت ولا شي ودمتم باالف خيرررررر

✶ جُمان ✶

2010- 11- 4, 07:07 PM

مراااااااحب كيفكم؟ الحين الواجبات ذي للطالبات فقط او الطلاب معهم .......

واذا ماعليكم امر نزلزوا جدول المحاضرات المباشر ه لااني ماحضرت ولا شي ودمتم باالف خيرررررر

واجب الأنجليزي كتابة ذا للطالبات

بس اذا أنت مسجل نفس المادة انجليزي كتابة ادخل على البلاك بورد وبتطلع لك المقرارات الدراسية , وبعدها اختار الانجليزي كتابة وبيطلع لك ايقونات منها أيقونة الواجب والتمارين ...

وبعدها اختار هالأيقونة بيطلع لك الواجب حل الواجب وآخر موعد محدده دكتور المادة هو 24 /12 /1431

وبالنسبة للمحاضرات المباشرة اللي طافتك بيتم تسجيلها ووضعها في اللاك بورد مع المحاضرات المسجلة , وهالحين بالبلاك بورد تم وضع محاضرة الدكتور النجار المباشرة مسجلة

واللي يبغى يحفظها او يستمع لها في نفس اللحظة له الخيار ...

وبالتوفيق ....

سو**سو

2010- 11- 5, 01:46 AM

نزل واجب غير الانجليزي ؟؟

HUNTER999

2010- 11- 5, 10:57 AM

مشكورين على الموضوع

منت فاهــم

2010- 11- 5, 11:59 PM

سلام عليكم ورحمة الله..
اتمنى نتساعد على حل الواجب حتى يسهل على الجميع وتعم الفائده

amazing

2010- 11- 6, 10:20 AM

الله يعطيك العافية من جد كنت محتاجة موضوع زي كذا خصوصا اني اشتغل و متأخرة واااجد في المحاضرات و الله ابلشونا بها الواجبات و المحاضرات المباشرة لي للحين مو فاهمة ايش سالفتها و ما حضرت ولا وحدة منها يا ليت لي عنده علم بالمحاضرات المباشرة يقولي شلون يعرف وقتها بالضبط عشان على الاقل احاول احضر وحدة او ثنتين بلييييز

غلا شمر

2010- 11- 6, 03:56 PM

يوووه وش سالفه المحاضرات المباشره عليها درجات قروشونا والله

طيب الواجبات نرسلها بعد العيد

سيسولوجي

2010- 11- 6, 05:43 PM

يوووه وش سالفه المحاضرات المباشره عليها درجات قروشونا والله

طيب الواجبات نرسلها بعد العيد

هلا بالغلا
بالنسبة للمحاضرات المباشرة إي نعم عليها درجات 10% والمشاركة في منتدى الحوار كذلك عليها 10% وحل الواجبات "الحد الأدنى واجبين في كل مادة" كذلك عليه 10%
بس لازم تنتبهي إلى أن كل واجب له وقته الخاص فمو شرط بعد العيد يمكن يكون قبل

أتمنى إني أفتدك
:(204):

جذآآآآبه

2010- 11- 6, 06:48 PM

الله يعين حل الانجليزي سهل اعتقد كله من معلوماتنا العامه بس المشكله في الكتابه :(204):

منت فاهــم

2010- 11- 7, 10:27 PM

ياشباب ممكن احد يضع لنا الحل هنا بليييييييييييييز
والاشياء اللي فيها اسامينا نكملها بأنفسنا

وهذا الواجب الجزء الاول:
المطلوب كتابة فقرة تقدم فيها معلومات عن نفسك، كالاسم والعمر والمدينة التي تسكن فيها والحالة الاجتماعية والعمل والهوايات، والنشاطات التي تمارسها في إجازة نهاية الأسبوع، الخ (يجب أن لا تزيد الفقرة عن الفراغ المخصص فيما يلي.)

وهذا الجزء الثاني:
المطلوب كتابة 3 جمل لوصف منزلك. يمكن الاستعانة بالشريحتين 20، 21 من المحاضرة الثانية.

وهذا الجزء الثالث:
تخيل أنك جالس الآن في حديقة عامة، واكتب 3 جمل تصف ما يحدث من حولك. يمكن الاستعانة بالشريحتين 14، 15 من المحاضرة الرابعة.

وبالتوفيق انشالله

fatimah_t

2010- 11- 8, 04:13 PM

انا عندي مادة النحو 1 ما ارسلته لو الحين برسله يحسب لي او لا؟

يعني فاتنيفي لا في وقت ارسله لاني شفت الدكتور حله خلاص؟

✶ جُمان ✶

2010- 11- 8, 09:58 PM

خلاص واجب الانجليزي كتابة لاترسلونه

تغيرت طريقة الأسئلة بتكون صح وخطأ وعن طريق البلاك بورد

ولسى مانزل أي واجب مكتوب قريبا

جذآآآآبه

2010- 11- 8, 10:17 PM

جوميه حتى النحو بعد او لا ؟؟ وربي قروشو مخنا بهالتغييييرات:mh12:

✶ جُمان ✶

2010- 11- 8, 10:50 PM

جوميه حتى النحو بعد او لا ؟؟ وربي قروشو مخنا بهالتغييييرات:mh12:

التغيير لكل المواد وعشان تتأكدين ادخلي البلاك بورد

وشوفي ايقونة الواجبات والتمارين وشوفي الواجب الأول بيطلع غير متاح الآن

كافيين

2010- 11- 10, 01:11 PM

ممكن نعرف اكثر عن الواجبات

لان فيه تعديلات حصلت من ناحية الاسئلة

وماندري عن الواجبات اللي سبق وارسلناها

هل تعتمدها الجامعه ولا الاسئلة الجديده اللي ع شكل خيارات

اتمنى اللي عنده معلومات يفيدنا اكثر

واخر موعد لارسال الواجبات

تمنياتي لكم بالتوفيق

عشق القصيد

2010- 11- 10, 09:59 PM

http://www.ckfu.org/vb/t115636.html

هنا حل الانقليزي
الخمسه ان شاء الله بالجيب :oao:
الله يوفقكم

✶ جُمان ✶

2010- 11- 11, 02:24 PM

انتبهوا يابنات ترا ترتيب الأسئلة بالأنجليزي كتابة يختلف عن بعض يعني كل طالب يختلف عن الثاني بترتيب الأسئلة فقط

افهموا حل الأسئلة اللي حطته بنت عز الله يجزاها خير واكتبوه بورقه ثم ابدأوا بحل الأسئلة وطابقوه مع الورقة

يعني لاتستعجلون

بالتوفيق .
:oao:

ذكيه ميه بالميه

2010- 11- 11, 08:29 PM

Manal.87

2010- 11- 11, 10:22 PM

في هذا الملف يوجد به الاسئله كامله مع الاجوبه للتمرين الأول في مادة الانجليزي كتابه

الاسئله للشباب والبنات نفسها مافي فرق اللهم ترتيب خيارات الاجوبه فقط

تحياتي لكم :119:

والحمد لله جبت 5 من 5 في اجاباتي

الله يوفقكم

لا تستعجلوا بالحل

تفضلوا الملف في الاسفل

السلام عليكم ورحمه الله وبركاته
جزاك الله خيرر ربي يوفقك وييسر لك يارب
عسى للجنه من غير حساب :)
اخذت 5 من 5 بس الترتيب يفرق لازم اشوياآ تركيز

ورد بشوك

2010- 11- 12, 02:04 AM

شبااااااااب و شبااات :mh001:
نزل واااجب الاحصاء:106:

طالبة اجتماع

2010- 11- 12, 02:11 AM

جزاكم الله خير

مماقصرتواااا

**تكفيني الذكرى**

2010- 11- 12, 03:27 AM

مين حل واجب الاحصاء :(107):
ويقلونا ويش الاسئله مو راضي يفتح معي الموقع ولا اعرف ويش سالفه
احد حل الواجب ولا لسه :Cry111:

ذكيه ميه بالميه

2010- 11- 12, 08:43 AM

ان شاء الله بحلّه وبحط حلّه هنا "الاحصاء " زي الانجليزي كتابه بإذن الله

تحياتي لكم:)

توأم أنوشآ

2010- 11- 12, 10:33 AM

مين حل واجب الاحصاء :(107):
ويقلونا ويش الاسئله مو راضي يفتح معي الموقع ولا اعرف ويش سالفه
احد حل الواجب ولا لسه :cry111:حل واجب الاحصاء

هو العلم الذس يبحث في استقراء النتائج واتخاذ القرارات .إجابة
علم الإستدلال الإحصائي .

هي عملية إيجاد قيم لمقاييس تتحدد قيمها من البيانات الخاصة بظاهرة معينة وتُعطي بعض الدلالات عن تلك الظاهرة .إجابة
. تحليل البيانات .

وزن البطاطس (بالطن) الذي تنتجه مزارع معينة خلال سنة معينة هو :إجابة
متغير كمي متصل .

في البيانات الكمية المتصلة تكون كثافة تكرار أي فئة هي :إجابة
خارج قسمة تكرار الفئة على طولها .

الوسيط لمجموعة من البيانات المرتبة ترتيباً تصاعدياً أو تنازلياً هو :إجابة
قيمة تقسم مجموعة البيانات إلى مجموعتين متساويتين في العدد .

والحمدالله حصلت ع خمس درجات

لاتنسوني من دعواتكم الطيبه

صمت الكـــوפ•

2010- 11- 12, 12:54 PM

انا واجب الانجليزي كتابه نفسه الاول عندي ماتغير اما هذا الخيارات ماطلع عندي فيه احد مثلي وشنو اسوي ومتى اخر موعد تسليمه اخاف يفوتني :bawling:

تكفووووون طمنوني

المهندس9

2010- 11- 12, 03:30 PM

معذره ما عرفت احط رابط الحل

المهندس9

2010- 11- 12, 05:55 PM

السلام عليكم
اليكم واجب الأحصاء

اضغط هنا (http://www.**********/vb/showthread.php?t=2015)

شيهانة

2010- 11- 12, 09:20 PM

انا بعد نفس المشكلة مو راااضي

الانجلش كتابة طلع لي نفس الواجب القديم

وش اسوووي

اراسل الدكتور

؟؟؟؟؟

صمت الكـــوפ•

2010- 11- 13, 11:08 AM

انا بعد نفس المشكلة مو راااضي

الانجلش كتابة طلع لي نفس الواجب القديم

وش اسوووي

اراسل الدكتور

؟؟؟؟؟

خبريني شنو يصير معك اذا راسلتي الدكتور والله خايفه يروح علينا وحنا ماسوينا شي :Cry111:

قمر شمر

2010- 11- 21, 10:24 PM

السؤال 1

في البيانات الكمية المتصلة تكون كثافة تكرار أي فئة هي :

إجابة a.خارج قسمة تكرار الفئة على طولها .
b.خارج قسمة تكرار الفئة على مجموع التكرارات .
C.خارج قسمة الحد الأعلى للفئة على حدها الأدنى .
D.خارج قسمة الحد الأدنى للفئة على حدها الأعلى .

1 درجات

السؤال 2

وزن البطاطس (بالطن) الذي تنتجه مزارع معينة خلال سنة معينة هو :

إجابة a.متغير نوعي .
B.متغير كمي متقطع .
C.متغير كمي متصل .
d.خلاف ذلك .

1 درجات

السؤال 3

الوسيط لمجموعة من البيانات المرتبة ترتيباً تصاعدياً أو تنازلياً هو :

إجابة a.أكثر قيم البيانات تكراراً .
B.الفرق بين أكبر قيمة في البيانات وأصغر قيمة بها .
C.قيمة تقسم مجموعة البيانات إلى مجموعتين متساويتين في العدد .

d.مجموع قيم البيانات مقسومة على عددها .

1 درجات

السؤال 4

هو العلم الذس يبحث في استقراء النتائج واتخاذ القرارات .

إجابة a.علم الإحصاء الوصفي .
B.علم تكنولوجيا المعلومات .
C.علم الإستدلال الإحصائي .
D.علم تقنية المعلومات .

1 درجات

السؤال 5

................. هي عملية إيجاد قيم لمقاييس تتحدد قيمها من البيانات الخاصة بظاهرة معينة وتُعطي بعض الدلالات عن تلك الظاهرة .

إجابة a.تنظيم وعرض البيانات .
B.جمع البيانات .
C.استقراء النتائج واتخاذ القرارات .
D.تحليل البيانات .

الحمد الله جبت 5 من 5
من اول محاوله
الله يعطي دكتور الف عافيه