لازم نلقى حل لمشكلة درجات حضور المحاضرات المباشرة

[تفاصيل صغيرة]

مرتفع ضغطي و حاسة ان هالمشكلة اذا ما انحلت راح تدمر الكل وتضيع مستقبلنا

والله العظيم اللي قاعد يصير هذا عيب
نظام عقيم فاشل لو تدخل على اسخف مواقع الالعاب والا اي شات تافه عليه ضغط اكبر من الضغط اللي على البلاك بورد يدخل المستخدم بسهولة وبدون مشاكل
على اعتبار ان ثلاث ارباع الانتساب شباب ومنتهية محاضرتهم قبلنا هذا اذا كانوا كلهم قدروا يحضرون على اساس تقسيمهم لمجموعات
عددنا اقل بكثير لانهم ماتعبوا نفسهم وحطونا في مجموعات عشان يخف الضغط
انواع الاستهتار والسخافة
باسلوبهم قاعدين يفضحون فشل النظام بلعبة رمي ابرة في كومة قش والشاطر اللي يجيبها له هدية 10 درجات
لي اربع ساعات وانا مستعدة ومجهزة نفسي و مأجلة كثير من التزامتي ومسؤولياتي عشان مااضيع على نفسي حقي بالمحاضرة المباشرة
في النهاية القى نفسي وغيري كثير نفس الوضع
نترجى صفحات تعيسة تعطينا مجال ندخل لبرنامج اشبه بالشات ومو قادرين
برافو ياجامعتنا المحترمة .. وبرافو يامسؤولين على اتخاذ القرارات اللي مالها وصف الا انها عشوائية وبدون تفكير وتقدير للمنتسبين
المضحك المبكي ان المحاضرة الاولى لمادة الادارة
المادة اللي تتحدث عن التخطيط والادارة .. وانه لاااااامكان للعشوائية في العمل
ونلقى ان العشوائية سيدة الموقف اليوم ,, وشختك بختك حظك نصيبك ,, اللي يقدر يدخل ياخذ عشرة
واللي مايقدر ,, يروح ينتحر !!
قهر لما تكون عشر درجات معلقة بيد الحظ
لالك فيها يد ولا تقدر تسوي شي
غير انك قاعد وتتفرج على التعليم وهو مطور كيف شكله وهو يلعب بحسبتك



لازم نطااااالب بإلغاء العشر درجات اللي على حضور المحاضرة المباشرة وتقسيمها بين الواجب وتفاعل المنتدى
طيب لاتقسمونها بالنص
خلوا على الواجب 20 و المنتدى 10
معليه زيدوا الواجب بدال واجبين خلوها ثلاثة والا اربعة بندبر عمرنا اللي يلقى وقت بيحل واللي مايلقى فيه من يساعده
وفكونا ما سالفة المحاضرة المباشرة
مااااااااااالها داعي
اجبار الطلبة على الحضور مباشر والنظام فاشل بهذي الدرجة قرار مافيه مسؤولية واعتباطي يوضح ان عقلية اللي اقترح هالاقتراح عقلية ماتستحق تكون في موضع اصدار قرارات ..
انا آآسفة على هالكلام بس هذا اللي يظهر لي من هالفكرة ..
باقي التقسيم على التفاعل في منتدى الحوار سواء مشاركة او اطلاع وكذلك موضوع الواجب ممتازة وفي صالحنا ومشكورين عليها
بس ليت اللي اقترح فكرة المباشرة شرب قهوته وراح بيتهم وهو ساكت الله يصلحه


هذا غير الفوضى في الاعلان عنها
وين الاعلان على البلاك بورد؟؟؟؟
مو معقولة ماينزلون الاعلان بالمكان المناسب , اجل حاطينها بموقع الجامعة؟؟؟؟؟؟
انا عن نفسي افتح صفحة التعليم المطور واضغط ايقونة البلاك بورد وخلاص
الوضع الطبيعي ان اعلان مثل هذا المفروض يتواجد في مكانه المناسب ( البلاك بورد )

فاضية اقعد ادور وين الاعلانات الجديدة على موقع الجامعة ؟؟
الاعلانات الجديدة بموقع الجامعة المفروض انها تعني الكل بشكل عام من تسجيل لجداول لتحديد تواريخ .. الخ
اما اعلانات من هالنوع ؟؟؟؟؟؟ مكانها الطبيعي صفحة المادة نفسها او لوحة الاعلانات الموجودة بالبلاك بورد

لولا الله ثم المنتدى والله مادريت عنها واكيد نفس حالتي كثير
ليه بعض الطلبة دفعوا 15 ريال sms ولا ارسلولهم مسجات؟؟
وبعدين دااااام ان الموضوع كله تجريبي
ياجماعة عطونا خبر ......... قولوا تجريبي
حتى لو انه مو تجريبي قولوا تجريبي عساكم ترقعونها
اما استخدام اسلوب حرق الاعصاب وفتح مجال التخمينات بين الطلبة والطالبات كل واحد يبدع بالافكار وينزل مواضيع يحوس الدنيا بدون ما ادارة الجامعة يتنازلون ويوضحون الامور في الوقت المناسب !!
هذا اسلوب ناس قاعدة تجرب وقع قرارتها على الاخرين بدون هدف
مدري متى بيفهمون ان الانتساب نظام يخدم المشغوليييييييييين
مو من حقهم يتخذون قرارات فجائية بدون تنظيم ... لااااا ويحاسبونك عليها بعد

اذا استمر وضع العشر درجات على المحاضرة المباشرة بهالشكل الفوضوي بكمل هالترم واختبر ان شاء الله واحول على اي جامعة ثانية سواء الملك سعود او الملك عبدالعزيز

مهما كان وضعهم سيء ماراح يكون اسوء من العشوائية والفوضى اللي صارت واللي بتصير على روسنا الايام الجاية
بما انهم مجهزين العذر مسبقا وهو انه نظام جديد يحتاج لوقت
دام انه يحتاج وقت خذوا وقتكم براحتكم ولاتبلشون الناس وتجمعون ملايين وتستمرون في الفوضى

لازم نلقى حل لازم لازم لااااازم .. اللي يقدر يسوي شي لايتردد . ايميلات واتصالات واللي يقدر يوصل بنفسه للجامعة ويقابل احد يحل هالموضوع


استغفر الله العظيم واتوب اليه

[فراشة حائرة]

حسبي الله ونعم الوكيل الله يفرجها

[L U X U R Y]

كل الكلام هذا , سوي له كوبي , وقوليه للعميد يوم الخميس راح يكون لنا معه لقاء مباشر :mh318:

هنا لاتتعبين نفسك وتدورين حل :(164):

بالتوفيق حيآتي

[كتكوته88]

راي من راي الي فوقي :(156):

[تفاصيل صغيرة]

كل الكلام هذا , سوي له كوبي , وقوليه للعميد يوم الخميس راح يكون لنا معه لقاء مباشر :mh318:

هنا لاتتعبين نفسك وتدورين حل :(164):

بالتوفيق حيآتي


لوكجري لاتقولين لقاء مباشر نفس نظام اليوم :(154):
مافي امل اوصله هههههههههههههههه
وبعدين تعالي ياقلبي شكرا جزيلا على الخبر
مادريت عنه الا منك :mh01:


ياحياة الشقاااااا

[L U X U R Y]

ههههههه , تفائلي بالخير يً غلآي , ربك بيفرجها ان شاء الله :111::mh318:

[فوفو الشرقية]

اي والله انك صادقه اصلا فاتتني اليوم مادريت انو فيه محاضره الله يعين صعبه هالمحاضرة المباشره لا سمح الله قطع النت يعني راحت الدرجات عسى ماشر ويسلمو على الموضوع تفاصيل

[^(شمعة وفا)^]

http://www.oga2.com/upfiles/6QJ15449.gif

[تفاصيل صغيرة]

الله يفرجها ويسهل امورنا
ولدي اليوم مادريت عنه الا وهو نايم بدون عشا
انتبهت الساعة تسعة لقيته ياعمري نايم :(154):

لاحول ولاقوة الا بالله ... يارب انت القادر على كل شي

[ليندوو]

والله كلامك في محله بس اش بيدنا نعمل كل مكان الا مايكون في السيء والجيد وفي النهايه القافله تسير وماحد عندك

[Messi الجامعه]

الله يسهل ان شاء الله

[بنوتة الشمال]

معك حق ف لي قلتيه أختي وحنى معك بس وش الحل والقلا يوم الخميس مع العميد سااعه كم ؟؟؟

[فارس الشمري]

بسم الله الرحمن الرحيم

السلام على الجميع انشاءلله طيبين وبصحة وعافية

صراحة انا انصدمت من سالفة هالدرجات توني اعرف ان فيه واجبات وحضور محاضرات و .....

لا بعد وعليهن درجات

بس استفسار ليه حنا انتظام ولا انتساب واجبات وحضور وتسجيل ودرجات عاد

وش بقى لطلاب الانتظام حنا زين سجلنا بالمنتدى علشان نسمع هالاخبار هالحلوة ؟

انا اعرف كثير من الطلاب والطالبات مالهم بموقع الجامعة ولا يعرفون حتى الكمبيوتر شلون تبونهم يحلون

واجبات ودرجات وحضور لو يبونها سجلو انتظام وخلصو لكن :hhheeeart4:

[أم ليــــان]

معك حق بالكلام اللي قلتيه

بس بعد لا تنسوون انها ماراح تكون المحاضره الوحيده للماده هالترم ونامل ان شا الله انه الجايات افضل :(177):

ويتم تدارك الوضع اللي صار اليوم غير كذا انه الدكتور اساسا ماحضر

الي الثاني ال 10 مو كلها على المحاضره المباشره موزعه بينها وبين المحاضرات المسجله بمجرد ماتحملينها

تحسب لك

[L U X U R Y]

http://www.ckfu.org/vb/t111014.html

[خالد القحطاني]

المصيبه فينا حنا الي دوامنا 12 ساعه مره ليل ومره نهار كيف تقدر تحظر المحاظره المباشره ؟؟

ياليت الي بيقابل الدكتور النجار يوم الخميس تشرحون له ذا النقطه ؟؟

[A L S h o u q]

بس مافمت هالحين بكا فيه محاضره والا لا ...؟
وبالنسبه لكلامك انا معك :(204):
يحطونها ع الواجبات افضل من هالمباشرهـ

وبالتوفيق ؟؟

[عَ ـبثْ]

المحاضره المباشره كانت اليوم

على حسب علمي انها الاربعاء

.

.

[روعة جنوني]

اولا

اشكرلا كاتبة الموضوع واهنئها على اختيار الالفاظ الراقيه

والتي تنم عن فكر متسع ورأي سديد

بصراحه
اجدت في طرح القضيه بشكل اثار اجعابي بك

فشكرا لقلمك على ابداعه

امابالنسبه للقضيه نفسها

فأتمنى ان يطلع عليها اصحاب الاختصاص

واتمنى ان تحرك بعض من همتهم تجاهنا

ابدعت يا تفاصيل صغيره

[@ابونهار@]

مشاء الله عليك كل ذا و تفاصيل صغيره لازم نكك يتغير هههه الله يعطيك العافيه والله اني حاس فيك بس لا تخافين لان الموضوع عاااام للكل والجميع والنسبه الاكبر ماقدرت تدخل واكيد هم عارفين الحاجه ذي وسعي صدرك وانشاء الله بتزين الأمور .

بس صراحه افحمتيهم :(204): هههه

[تفاصيل صغيرة]

ألف شكر لكل اللي ردوا ورفعوا الموضوع الله يجزاكم خير ويوفقكم


اي والله انك صادقه اصلا فاتتني اليوم مادريت انو فيه محاضره الله يعين صعبه هالمحاضرة المباشره لا سمح الله قطع النت يعني راحت الدرجات عسى ماشر ويسلمو على الموضوع تفاصيللو المشكلة تتعلق بانقطاع النت اهون بكثير من اللي قاعد يصير
لو انقطع النت قولي حالة مؤقتة , وحالة فردية خاصة بالشخص نفسه
صحيح خارجة عن ارادته بس يقدر يتصرف
وان صارت مرة ماتصير كل مرة يعني اذا خسرتي درجة تقدرين تضمنين باقي الدرجات بباقي المحاضرات
ومجرد دخولك للمحاضرة المباشرة تتسجل لك الدرجة حتى لو طلعتي وماكملتي
او دخلتي دقيقتين وفصل عندك وطلعتي

اما اللي يصير ... ماله اسم الا انه استخفاف بالعقول
الله يصبر اللي ماله حظ .. وياكثرهم





والله كلامك في محله بس اش بيدنا نعمل كل مكان الا مايكون في السيء والجيد وفي النهايه القافله تسير وماحد عندكلازم نسوي شي يا اختي مو معقولة نتعود على حالة السكوت ونتحسب الله في الظالم وبس
لايغير الله مابقوم حتى يغيروا ما بأنفسهم
على الاقل نطالب بتعديل الوضع بطريقة مناسبة للطرفين ..
نجري اتصالات ونرسل ايميلات و نكلم الدكاترة , نسوي اي شي ولا نقعد ساكتين
راضيين وشاكرين لقرار وضع درجات على الواجب و التفاعل بمنتدى الحوار الخاص بكل مادة
بس حضور محاضرة مباشرة والنظام فيه مشاكل بهالدرجة ؟؟
قرار غير مسؤول اطلاقا ..



معك حق ف لي قلتيه أختي وحنى معك بس وش الحل والقلا يوم الخميس مع العميد سااعه كم ؟؟؟انا ماعندي خبر الساعم كم
بس اقولها لك بصراحة ... هاللقاء اللي بيصير اذا صار بنفس نظام المحاضرات المباشرة انسي نقدر نوصل للعميد ونتكلم
واذا وصلنا ... ماراح يتغير شي بمجرد كلام بنص ساعة
الموضوع محتاج اكثر من طريقة للتغيير

[تفاصيل صغيرة]

بسم الله الرحمن الرحيم

السلام على الجميع انشاءلله طيبين وبصحة وعافية

صراحة انا انصدمت من سالفة هالدرجات توني اعرف ان فيه واجبات وحضور محاضرات و .....

لا بعد وعليهن درجات

بس استفسار ليه حنا انتظام ولا انتساب واجبات وحضور وتسجيل ودرجات عاد

وش بقى لطلاب الانتظام حنا زين سجلنا بالمنتدى علشان نسمع هالاخبار هالحلوة ؟

انا اعرف كثير من الطلاب والطالبات مالهم بموقع الجامعة ولا يعرفون حتى الكمبيوتر شلون تبونهم يحلون

واجبات ودرجات وحضور لو يبونها سجلو انتظام وخلصو لكن :hhheeeart4:

المفروض اننا انتساب
لكن الله يجزاهم خير فكروا بطريقة تساعدنا باكتساب درجات غير الاختبار
وطريقة الواجب بتساعدنا بالمذاكرة كثير و فيها تمرين حلو للذاكرة ان الواحد بعد مايذاكر يحاول يجاوب على الاسئلة من حفظه
واللي مايقدر وماعنده وقت , المتواجدين بالمنتدى جزاهم الله خير مايقصرون
بتلقى اللي يساعدك ويعطيك الواجب جاهز ماعليك الا تنسخ وترسل
واللي مايعرفون للكمبيوتر بيتعلمون مع الوقت مافيها شي , وبتلقى مواضيع فيها طريقة ارسال الواجب
اما حضور المحاضرات المباشرة ........ فكرة سخيفة مالها داعي ابدااا
على الاقل لين يصير نظام البلاك بورد كفو لمثل هالقرار

اما حاليا ... ابدا مو مقبول

[تفاصيل صغيرة]

معك حق بالكلام اللي قلتيه

بس بعد لا تنسوون انها ماراح تكون المحاضره الوحيده للماده هالترم ونامل ان شا الله انه الجايات افضل :(177):

ويتم تدارك الوضع اللي صار اليوم غير كذا انه الدكتور اساسا ماحضر

الي الثاني ال 10 مو كلها على المحاضره المباشره موزعه بينها وبين المحاضرات المسجله بمجرد ماتحملينها

تحسب لك

هذا انتي قلتيها .. ماراح تكون المحاضرة الوحيدة للمادة هالترم
ولاحظي ان نفس الحالة تنطبق على باقي المواد
خمس مواد ولكل مادة عشر درجات ... شي جميييييل
خمسين درجة راحت ادراج الرياح
تخيلي لو استمر الوضع بنفس الرداءة والسوء على كل المحاضرات ؟؟؟؟؟
على فكرة العشر درجات كاتبين بوضوح انها على حضور المحاضرات المباشرة
وتحميل المحاضرات المسجلة والمحتوى والتفاعل مع المنتدى هذي لحالها

نشوف كيف الوضع مع محاضرة اليوم الله يستر

[تفاصيل صغيرة]

المصيبه فينا حنا الي دوامنا 12 ساعه مره ليل ومره نهار كيف تقدر تحظر المحاظره المباشره ؟؟

ياليت الي بيقابل الدكتور النجار يوم الخميس تشرحون له ذا النقطه ؟؟

قلت لكم قرار اعتباطي مافيه مسؤولية ولا تقدير
معروف ان الانتساب نظام يخدم ويساعد الاشخاص الغير قادرين على الالتزام بالانتظام
نظام يساعد المشغولين و يعطيهم مجال يقسمون وقتهم بالطريقة اللي تناسبهم
ويوم الاختبارات مجبورين يرتبون وقتهم مسبقا لهذي الفترة
والكل يقدر يضبط وضعه و يتجهز و يقدم الاختبار في الايام المحددة
انت مشكلتك دوامك مرة ليل ومرة نهار وغيرك عنده دوامين باليوم
وشبه مستحيل يكون موجود بنفس وقت المباشر
واللي مثل حالتي عندي شغلي الخاص متى بقابله بالله ؟
بغينا الشهادة فايدة الواحد يتعلم كيف يكبر شغله وشكلها خراب بيوت

[تفاصيل صغيرة]

بس مافمت هالحين بكا فيه محاضره والا لا ...؟
وبالنسبه لكلامك انا معك http://www.ckfu.org/vb/images/smilies/%28204%29.gif
يحطونها ع الواجبات افضل من هالمباشرهـ

وبالتوفيق ؟؟






المحاضره المباشره كانت اليوم

على حسب علمي انها الاربعاء




المباشرة امس واليوم وبكرة وللأسف انا شبه متأكدة ان المشكلة مازالت قائمة وماراح نقدر نحضر :(154):

[تفاصيل صغيرة]

اولا

اشكرلا كاتبة الموضوع واهنئها على اختيار الالفاظ الراقيه

والتي تنم عن فكر متسع ورأي سديد

بصراحه
اجدت في طرح القضيه بشكل اثار اجعابي بك

فشكرا لقلمك على ابداعه

امابالنسبه للقضيه نفسها

فأتمنى ان يطلع عليها اصحاب الاختصاص

واتمنى ان تحرك بعض من همتهم تجاهنا

ابدعت يا تفاصيل صغيره


ممتنة لمرورك الجميل ياروعة

اتمنى كل شخص يقدر يسوي شي مايتردد
انا عن نفسي منتظرة لبكرة
اشوف لو ماضبط وضع البلاك بورد مع المحاضرات المباشرة
وضياع محاضرة اليوم وبكرة اضافة لمحاضرة امس
برفع شكوى
و برسل ايميلات للدكاترة
و اي رقم يطيح بيدي لاحد من المسؤولين بجننه اتصالات بإذن الله تعالى

[تفاصيل صغيرة]

مشاء الله عليك كل ذا و تفاصيل صغيره لازم نكك يتغير هههه الله يعطيك العافيه والله اني حاس فيك بس لا تخافين لان الموضوع عاااام للكل والجميع والنسبه الاكبر ماقدرت تدخل واكيد هم عارفين الحاجه ذي وسعي صدرك وانشاء الله بتزين الأمور .

بس صراحه افحمتيهم :(204): هههه

ههههههههه بغيره لتفاصيل مزعجة
ياخوي والله شي يقهر
واللي يقهر اكثر انه عام
يعني لو بتقول انها مشكلة تخص مجموعة نقول الأمر لله و فيه أمل الوضع يتعدل
بس عموميته بهذا الشكل فيها اجحاف كبير و استهتار واستخفاف بالعقول بطريقة مستفزة في حال استمرت المشكلة وماتعدلت مع انها المفروض مضبطينها من زمان
لان فيه طلبة سابقينا وعانوا من تعليق البلاك بورد والمحاضرات المفروض انها مشاكل قديمة انحلت وانتهت
وبعدين ترى المشكلة تافهة
يعني حقيقي والله لو تدخل اي برنامج شات فاشل والا اي موقع العاب ماتلقى الهبل اللي يصير مع البلاك بورد
هذا مو موقع خاص نقدر نلقى عذر لصاحبه ان ماعنده امكانيات
ميزانية ضخمة وارقام خيالية رسوم دافعينها المنتسبين معقولة ماقدروا يتغلبون على مشكلة من هالنوع ؟؟؟
كذا الواحد يشيل هم السنوات الجاية والمفاجآت المتوقعة اللي احتمال كبير تنسف كل مخططات واهداف راسمها كل طالب وطالبة بسبب الفوضوية والاستهتار

[a11]

ياتفاصيل خل نكون واقعيين الجامعه اكيد ماراح تخصم الدرجات هذي وآنا متأكد انهم ماحطوها الا انها لمصلحتنا يعني لو اختبرتي وماحليتي زين مثلا الله لايقوله تتوقعين ماراح يعطونك هذي الدرجات هذي اتوقعها بحسن نيه انهم بيساعدونا فيها انشاءالله وبعدين لو كنتي برى البيت مثلا خلي اختك ولا اخوك يدخل عالمحاضره ويخلي الصفحه مفتوحه راح يضرك بشي ؟؟؟
وبعدين لما ترجعين وتبين تشوفيتها باي وقت روحيي للمحاضرات المسجله

وبالنسبه للنقل يعني ممكن تنقلين للملك عبدالعزيز ( الجامعه ) اذا تتكلمين عن الاداره هناك الاداره فاشله بما تحمله الكلمه من معنى ( بتجربه شخصيه ) دخلت عالموقع عالنت ( موقع جامعة الملك عبدالعزيز )
وقدمت على ادارة اعمال ردو علي بالقبول وقالولي ادفع وارسل اوراقك ودفعت وارسلت اوراقي يوم بدت الدراسه رحت هناك على اني جديد وابي اعرف كل شي رحت مالقيت اسمي في ادارة اعمال :( قال لي الموظف روح تأكد من الجهاز وين قبلوك فيه يوم رحت تتوقعين وين قبلوني اقسم بالله للغه عربيه وآدابها :) هذا مو فشل ذريع هذا اسمه استهبااااااااااال دخلت عالعميد قالي والله ياولدي دحين المقاعد كلها فل ؟؟؟؟ حجز طيران !! لكن انتا جيب معدل في الترم الاول فوق 3 واطلب تحويل ؟؟؟ قلتله عطوني فلوسي ياا ،،،،،،، شكلكم عرفتو الكلمه اقسم بالله هذا الكلام الي قلته كله صحيح انتبهي لاتنصدمين :) والملك عبدالعزيز ماععندهم اي محاضرات مشروحه :)

[تفاصيل صغيرة]

ياتفاصيل خل نكون واقعيين الجامعه اكيد ماراح تخصم الدرجات هذي وآنا متأكد انهم ماحطوها الا انها لمصلحتنا يعني لو اختبرتي وماحليتي زين مثلا الله لايقوله تتوقعين ماراح يعطونك هذي الدرجات هذي اتوقعها بحسن نيه انهم بيساعدونا فيها انشاءالله وبعدين لو كنتي برى البيت مثلا خلي اختك ولا اخوك يدخل عالمحاضره ويخلي الصفحه مفتوحه راح يضرك بشي ؟؟؟
وبعدين لما ترجعين وتبين تشوفيتها باي وقت روحيي للمحاضرات المسجله

وبالنسبه للنقل يعني ممكن تنقلين للملك عيدالعزيز ( الجامعه ) اذا تتكلمين عن الاداره هناك الاداره فاشله بما تحمله الكلمه من معنى ( بتجربه شخصيه ) دخلت عالموقع عالنت ( موقع جامعة الملك عبدالعزيز )
وقدمت على ادارة اعمال ردو علي بالقبول وقالولي ادفع وارسل اوراقك ودفعت وارسلت اوراقي يوم بدت الدراسه رحت هناك على اني جديد وابي اعرف كل شي رحت مالقيت اسمي في ادارة اعمال :( قال لي الموظف روح تأكد من الجهاز وين قبلوك فيه يوم رحت تتوقعين وين قبلوني اقسم بالله للغه عربيه وآدابها :) هذا مو فشل ذريع هذا اسمه استهبااااااااااال دخلت عاعميد قالي والله ياولدي دالحين المقاعد كلها فل ؟؟؟؟ حجز طيران !! لكن انتا جيب معدل في الترم الاول فوق 3 واطلب تحويل ؟؟؟ قلتله عطوني فلوسي ياا ،،،،،،، شكلكم عرفتو الكلمه اقسم باله هذا الكلام الي قلته كله صحيح انتبهي لاتنصدمين :)





هههههههههههههههههههههه الله يوسع صدرك بالعافية
لا ما انصدمت عادي الواحد اذا عصب يقول كل شي
امس من قوة التعصيب قمت اتنافض وجاني صداع
لاني ماسكة نفسي ما ابي احط حرتي باي احد بالبيت حرام مالهم ذنب
اما لو طلعت حرتي كنت قلت كلام ياسلااام هههههه

اجل بلغي فكرة الانتقال لجامعة الملك عبدالعزيز دامها كذا
والله ياخوي ادري ان الانتساب في كل مكان مشاكله كثير وحالة المنتسبين تعيسة لابعد حد والشكوى لله مالنا الا هو



ثاني شي برجع لكلامك من بدايته ... انت لو قريت كلامي بتلقى اني قلت شكرا جزيلا للقرار
ونزلت قبل امس موضوع عن نفس القرار وقلت انه في مصلحتنا والله يجزاهم خير على جهودهم

بس تخوفت من سالفة المحاضرات المباشرة ومع ذلك تفائلت خير وقلت ان شاء الله نقدر نحضرها كلنا

انصدم ثاني يوم بالحالة اللي كنت متخوفة منها
واتمنى من كل قلبي ان المشكلة تنحل لعدة اسباب اهمها الدرجات العشر اللي عليها
و لان المحاضرة المباشرة بتساعدنا في طرح الاسئلة على الدكتور ويستفيد من الاجابة كل الحاضرين
انا مو مشكلتي اني بكون بالبيت او لا وقتها
ان شاء الله ببذل جهدي اني اكون موجودة هذا التزامي ناحية نفسي
وماراح اضيعه ان شاء الله
المشكلة مو مشكلة احد يشغل الجهاز لي ويفتح المحاضرة وانا مو موجودة
المشكلة (((( هل ))) اقدر ادخل على المحاضرة او يصير اللي صار امس كل شوي تعليق وايرور ولاقدرت ادخلها ابد

ابسط حقوقنا نستفيد من هذي المحاضرة حتى لو ماعليها العشر درجات
ويارب يكون كلامك هو اللي بيصير انهم مايخصمون الدرجات

[a11]

ياتفاصيل لاتخافين اذا مره حاولتي تدخلين المحاضره وقالك ايرور ولا اي شي يعني بالعربي فيه مشكله من الجامعه نفسها وقتها اقولك تطمني راح تاخذين علامتك كامله لان الجامعه تعرف مليون بالميه ان المشكله من عندهم ،وراح يعطونك الدرجه الكامله ان شاءالله

[تفاصيل صغيرة]

بعد مليون محاولة و بعد مايأست
النظام تكرم وتعطف وتلطف ودخلني على المباشرة
لقيت برنامج الماسنجر احسن منه
صورة الدكتور ابيض واسود كأنه طالع من فيلم لألفريد هيتشكوك من قبل الحرب العالمية الثانية

لا والجميل في كل هذا
المفاجآت اللطيفة في كلامه
يقول ........ المشاركة في المنتدى الزامية
كل مرة تشاركين تحسب لك نقطة
ياسلااااام
ابداااع منقطع النظير
على بالي مجرد الاطلاع كافي
اثر السالفة فيها تفرغ للمنتدى او بالاصح اخذ وقت من وقت المذاكرة واقضيه مع المنتدى
يعني اترك اللي وراي واتفرغ للمنتدى واكتب ردود واسئلة حتى وانا ماعندي سالفة
لازم اشارك في تسلية الدكتور والطالبات وانكت لهم واسأل اسئلة غبية مالها داعي عشان اخذ النقاط
حمدلله والشكر .. دراسة والا اكشط واربح ؟؟؟؟؟؟؟؟:mad: