طلب مساعده

[عذبة الخاطر]

:sdfgdsf::sdfgdsf::sdfgdsf:السلام عليكم
ياليت تتكرموا علي وتعطوني معلومات عن معهد السباعي للبنات في الرياض بحسناته وسيئته
لاني حالياً ادرس فيه قسم الصيدلة
ارجوكم لاتهملو سؤالي وشاكرة لكم

[★ NiGhT AnGeL ★]

و عليكم لسلام

حبيبتي عذبة الخاطر
ملتقى معهد السباعي توّه جديد .. و إلى الآن ما نشرنا الملتقى بين طلابه و طالباته

أنصحك تزورين موقع معهد السباعي و رايح تستفيدين منه ..
و برضو زوري موقع الهيئة السعودية للتخصصات الصحية عشان تعرفين إذا معترف به أو لا ..

[saud077]

والله يا اخت عذبه نصيحتي لك انك لا تدخلي ولامعهد خاص نهائي لعدة اسباب:bngo12:

الشهاده هي دبلوم
واذا تبي تكملي دراسه ما تعترف فيها الوزارة لانها مو من كليه حكوميه :Cry111:

ف نصيحه لك ادرسي في الخارج وارجعي ببكالوريا افضل لك
انا من طلاب معهد السباعي والآن اطبق المستوى الخامس
صراحه التوظيف صعب نظرا للأعداد الهائلة اللي تخرجو وكمان صعوبه اختبار الهيئة الصحية يعني قليلين اللي ينجحوا
احنا نقول ان شاء الله ننجح بس المشكله لو بكمل بكالوريا لازم ابدأ من جديد يعني الدبلوم هذا كأني ما درسته وال50.000 الف راحت هدر

هذي نصيحتي لك وان شاء الله اكون افدتك واذا عندك اي استفسار انا حاضر
تقبلي تحياتي
:d5::d5:

سعود

[وليد الشمالي]

مع احترامي لك اخوي 007 :no2:

كلامك كلة غلط *غلط :103:

1)مش التوظيف اللي قليل بالعكس الكفائة هي اللي قليلة
لأن المستشفى يسويلك اختبار اسمة اختبار التوظيف يتكون من اللغة الانجليزية وجيب 60% فما فوق وتعيينك في المخباة فقط لااكثر ولا اقل (واحد يجيب معدل ضعيف ويطالب بالتوظيف) :017:
ياخي من حقهم مايوظفون تبغاهم يعطون الواحد مسئولية مو قدها :c8: مستحيل وخصوصا اذا كان صحي حتى الواسطة ماتنفع لانها حياة مرضى بين ايديك :089:

2)بالنسبة لاكمال البكلوريس تقدر تكمل وبكل بساطة اذا جبت معدل محترم
لان معهد السباعي معترف من جامعة كامبردج البريطانية اعرف ثلاثة من طلاب فرع المدينة ابتعثوا لكندا وواحد في بريطانيا المعهد نفسة خلص اوراقهم ومعاملاتهم يعني ابتعاث عن طريق المعهد لانهم طلاب مجتهدين ومايضيعون الدرجات:d5:

3)معهد السباعي اقوى المعاهد اعتماد
مو مصدق اسئل الهيئة الصحية للتخصصات الطبية:150:

3) الخمسين الف ماراحت هدر انت اللي ضيعتها ولا تضحك على نفسك


ويا اخت عذبة الخاطر : اذا كنتي طالبة مجتهدة وعندك طموح توكلي على الله وكملي المشوار والله يوفقك

وانت يا ياجيمس بوند راجع نفسك قبل مايوقع الفاس بالراس

[saud077]

اخوي وليد انا احب اطمنك اني طالب مجتهد صحيح انو الدفعه اللي معاي ما ف راسه شي وعلى قولك الصحه اهم شيء ما ينلعب بصحه الانسان

اخوي من قريب تم اعتماد شهادات الدبلوم الأهلي بشرط ان يجتاز الطالب اختبار الهيئة
طيب اذا اجتاز الاختبار بإذن الله ونوى انه يقدم للبعثه
اذا كانت الشروط زي السنه اللي فاتت عز الله اننا رحنا وطي
المعدل يبون 4,50 من 5 والعمر لا يتجاوز 25 وانه يكون الدبلوم حكومي

يعني من جد شروط تعجيزيه وفوق هذا كله الدول اشوفها صعبه جدا
اليابان وكوريا الجنوبيه والصين يعني طلاب البكالوريا والماستر يختارون الدول اللي يبونها وحنا طلاب الدبلوم لنا 3 دول فقط
وكمان الدراسه تكون بلغه اهل البلد يعني انا رايح اليابان ادخل معهد لغه ياباني

نسيت اقولك انو معدلي 4,36
وان شاء الله اتمنى اكمل دراستي بالخارج

[saud077]

بس اخوي ما قلت لي اصدقائك اللي تعرفهم ابتعثو على حسابهم الخاص ولا بعثه ولا على حساب المعهد
هنا السؤال

[وليد الشمالي]

الشروط هاذي مو صحيحة ابدا ولا تسمع كلام الناس راح تتعب اسئل السفارة المسؤلة عن الابتعاث فقط

**لاتدرس في اليابان ولا غيرة:089:

الدكتور زهير احمد السباعي فتح كلية السباعي في المدينة المنورة والسنة الجاية راح تبدا الدروس المبنى جاهز طبعا لان حاليا يجهزون المعدات الطبية :d5:

*المعلومة هاذي ماسمعتها في التلفزيون والانترنت المعلومة هاذي قالها لي الدكتور زهير السباعي نفسة لانة جا زيارة لمعهد السباعي قبل شهر وجلس مع الطلاب وكان عددنا 6 فقط وتكلم معنا كأنة يعرفنا من زمان ماشاء الله علية انسان محترم وعلى فكرة عمرة 70 سنة


مدة الدراسة فيها سنتين ونصف طبعا بعد الدبوم وتتخرج بعدها بكلوريوس صيدلة يعني صيدلي بالقانون:d5:

طبعا على حسابك الخاص :017:

اهم شروط القبول
1)المعدل لايقل عن 3,50
2)اجتياز اختبار اللغة الانجليزية

[وليد الشمالي]

الابتعاث مايطلق على اللي يدفع فلوس

يعني على حساب الحكومة

[saud077]

اخوي وليد انا اسمع عن كلية السباعي من قبل ما ادخل وانا اتذكر اعطوا لاخوي ورقه استبيان اذا تبي تكمل الدراسه ولا لا وهل تؤيد فكره انك تدرس في كلية السباعي

وبالنسبه للدكتور زهير الحق ينقال رجال ما تمل منه وكان لي الشرف اني جلست معاه وقتها كان في مؤتمر في المركز الطبي الدولي في جده وكان موضوع المحاضره عن جمعيه تعزيز الصحه اللي هو عضو في الجمعيه وكان في ضيوف ودكاتره من الخارج

وجينا المؤتمر بدعوه منه عشان يعرفنا على الدكاتره ويقولهم هذول طلابي


وبالنسبه لسؤالك عن البعثه هي عن طريق وزارة التعليم العالي مو اروح بلد الإبتعاث وعن معادلة الدبلوم ترى دول قليلة جدا وان كانت لا تذكر اذا تبي تعادلك شيء تعادل السنه التأهيليه بس يعني اللي درسته ما استفدت منه شيء

على العموم انا بنتظر المرحلة الخامسه والله يسوي اللي فيه الخير واتمنى ان الشروط يخففوها عنا ويكون طلاب الدبلوم لهم نصيب

يا ليت اخوي نتعرف على بعض اكثر بس ما اقدر ارسل رساله خاصه عشان قانون المنتدى لازم يكون لك 30 مشاركه
موفق اخوي وآسف على الاطالة

[][غربة مشاعر][]

معهد الساعي شهادة معتمده

وانا انتظر اخلص السمستر الرابع وبقدم على بعثه

[saud077]

الله يسمع منك يا غربه المشاعر وانا ودي اقدم على بعثه بس ان شاء الله اخلص اختبار الهيئة في شهر 5

[وليد الشمالي]

لو سمحت افهمني:

اذا رحت لوزارة التعليم العالي وقلتلهم ابغى اقدم على طلب ابتعاث راح يقولون لك ايش الدول اللي المتاح لك اكمال دراستك فيها
ايش راح تقول :c8:

اولا)بعد ماتنهي دراستك في المعهد المعهد نفسة راح يحدد لك الدول المتاح لك الكمال البكلوريوس فيها وهي حاليا (كندا,استراليا*للتمريض*,بريطانيا) وطبعاً وين تبي تروح ؟ اكيد للسفارة المسؤلة عن الابتعاث وبس ليش تروح للوزراة وتعب نفسك

ثانيا) لا معادلة ولاشي*بس راح تزود سنة كاملة عليك يعني راح يدرسونك سنة كاملة لغة انجليزية فقط*
واللي قال اللي درستة يروح ولاشي هذا معلوماتة ضعيفة للاسف

وبالطبع انا مؤيد اكمال الدراسة بكلية السباعي لعدة اسباب اهمها:
1)اختصار سنة كاملة
2)تتخلص من تعقيد الاجانب
3)انك تكون داخل بلدك وهذا اهم شي

وانتهينا من الموضوع
وانشاء الله راح نتعرف على بعض اكثر (وياريت تقولي انت في اي معهد)

[saud077]

ايه اخوي والله من كثر المعلومات صرت ما ادري اسمع من مين
انا اخوي من معهد السباعي فرع جده بس منتظر اختبار الهيئة الله يعديني على خير

هذا ايميلي ويا ليت نتواصل مع بعض
batta3777@hotmail.com

[][غربة مشاعر][]

التقديم للبعثه في شهر 7 ميلادي للي حاب يبتعث

ويحطون لك 20 دوله وانت تختار

بس المعدلات كل سنه يغيرونهاا

يعني ماتدري يمكن السنه هذي يحطون اقل من اربع تجلس بالسعوديه :119:

[saud077]

اختي غربه انتي متأكده من الكلام هذا
يعني طلاب الدبلوم يقدرون يقدموا على البعثه
لانو حسب ما قريت انو التقديم شهر 7 هجري
والشروط زي ما انتي شايفه من جد تعجيزيه
الله ييسرها لنا

[][غربة مشاعر][]

انا متاكده مليوووووووون بالميه ان طلاب السباعي وطالباته يقدرون يكملون خارج المملكه في بنات عندنا العام قدمووا وكلهم مشاء الله انقبلوا

[saud077]

الله يسمع منك يا رب
ان شاء الله برنامج خادم الحرمين الشريفين للأبتعاث الخارجي ينزل شهر 7 ونشوف الشروط
يالله يسرها لنا من عند يا رب

[وليد الشمالي]

واحد من اقاربي قدم على برنامج الملك عبدالله قالوا له انتظر السنة القادمة او اللي بعدها

لان راح يكون فيها مفاضلة

*برنامج الملك عبدالله يبعث كل سنة 15000 طالب

[كريزي مشاعر]

يعطيكم العافيه آخوواني

وآنا من ناحيتي يا عذبــه اشووف معهد السبااعي من آقوى المعاهد الآهليه اللي تخررج


دفعآآت ,, ومن نااحية البنآت ما تووقع بتطوول بتعيينها يعني شهرين بالكثير



ومن ناحية أختباار الهيئه سمعت غنهم خلااص كنسلووهـ من كلام اصحآبي


وهم بعـد مشرفنا بالمعــهد بس مادري الله آعلم


وثآني شي من احية الابتعاث تقدرين تبتعثين بس شدي حيـلك


واخوي اللي يقوول درااستنا السنتين ترووح هبااء منثوورا


لا يوازون لك السنتين وهذي مستفسر عنها بمنتدى مبتعث


فيه طلاب هنآك يدرسون بالخارج وبيني وبينهم اتصال



بس ماقول إلا توكلي على الله وشدي حيــلك


تقبلي كــل الووود

[ليالي الرياض]

الله يسهل ويوفق الجميع