بنات جغرافيا المستوى الثالث دخلوا تكفون

[خطوة خجل]

السلام عليكم .,,,
بنات تكفون داخله ع الله ثم عليكم يابنات الاجاويد
قسم جغرافيا المستوى الثالث يقولون في امتحانات بتبدأ يوم السبت امتحانات وش هي شهريه ولا كيف؟؟
انا ما اقدر اجي للكليه لسبب ظرف صحي وعندي اجازه رسميه اقدر امتحنهم بعد الاجازه تكفون ساعدوني وربي حايسه ولاني عارفه شي واني بهم مايعلم به إلا رب العالمين
ردو علي تكفووون عسى ربي يساعدكم ويسهل اموركم

[(بطاريه منتهية)]

انا مااعرف بس اذا كان عندك عذر مقنع يقبلونه بس اذا كان اي عذر لا
موافقه اختي:(204):
بس ع الاختبارات مااعرف

[celina]

اكيد اختبارات اعمال سنه

ايه قلبو عادي


انا مره بأختبار نهائي غبت وجبت عذر طبي من مستشفى " حكومي " وافقو عليه عادي واختبرت

اذا اعمال سنه بسيطه قدمي العذر للدكتوره وهي بتتفهم


وواضح ان عندك ظرف مانعك

والله يسهل عليك ويهونها يارب ويوفقك

[مياسي]

اختبارات اعمال السنه امره سهل

ودام عندك عذر طبي ان شاء الله يقبلونه


والاختبارات تحدد على حسب الدكتوره

بس دايم يسير فيه اختبار للمعتذرات بعدييين تحدده الدكتوره على حسب البنات وكذا


موفقه يااارب

[خطوة خجل]

الله يطمنكم ويجبر بخاطركم يابنات الاجاويد
بس ابي احد يساعدني بتأشير الكتب والمحاضرات تكفون ساعدوني
عارفه كثرت عليكم بس وربي ما اعرف احد بالجامعه يساعدني الله يجزاكم خير

[celina]

حبيبتي عادي انتي لاداومتي خذي من البنات ترى مايقصرون
مو شرط تعرفينهم


وللاسف انا سنه ثالث " مستوى خامس "
يعني مااقدر افيدك

[غروك وغيروك]

اختبارت اعمال السنه:mh318::mh318::mh318::mh318:
والعذر لازم اكون من مستشفى حكوميه
مستشفى خاصه مايقبلووو مجربه لان ماقبلوا العذر