طريقة حلوة للدراسة

[M.D]

تحية طيبة للجميع ..

هذا الموضوع .. دائما .. يخطر على بالي .. وكثيرا ما كنت أضع بعض النقاط في ذهني لترتيب الموضوع ...

وسأحاول كتابة ما استطعت كتابته جاهدة .. وأتمنى من الجميع الإضافة إن وجد في الموضوع نقص أو خطأ إملائية ..

وأكثر شيء دعاني لكتابة الموضوع .. هو معاناة الأخوان المستجداين في كتابة المحاضرات

سأكتب ما حاولت استحضاره .. وبالله التوفيق

أولاً .. الأرزاق مقسمة بيد الله ....

يعني فيه ناس ربي رزقهم السرعة في الكتابة وفيه ناس .. ربي مارزقهم السرعة في الكتابة ..
بس ترا الكل .. الكل .. الكل .. بالتدريب والمحاولة والإصرار يستطيع أن يصل إلى مرحلة السرعة في الكتابة ..

* لا تحاول إنك تعتمد على غيرك في أخذ المحاضرات وتصويرها .. وتكون عالة على غيرك .. وتصير الشخص مع الزمن يتهرب منك ...

* حاول كتابة المحاضرات إنتِ بنفسك ... والنقص كمليه من أي أحد ...

* إذا كتبت المحاضرة .. لا تكتب بالرصاص.. لا تكتب بالرصاص

اكتب بالقلم الأزرق على طول .. وياريت يكون سائل .. لأن القلم السائل سريع في الكتابة ولا يحتاج ضغظ على القلم مثل الجاف .. لأن الجاف .. ما يظهر كما ينبغي إلا إذا ظغط عليه .. ومع الوقت تفتر إيدك بسرعه ..

بس السائل .. أسرع وأخف
:(286):.
وأنا أقول لا تكتبين بالرصاص .. لأن الدفتر في النهاية راح يصير شلكه زي ( الكشكول) وكل دفتر يعكس شخصية صاحبته .. لا مانع من الكتابة بالرصاص المحاضرة الأولى من كل مادة .. بس عشان تعرف كيف طريقة الكتابة وطريقة الأستاذة او الدكتور في التنقيل .. وبعد كذا حبري على طول بدون الكتابة بالرصاص ..


في بعض الاخوان يكتبون المحاضرات بالرصاص .. وأحيانا المحاضرة يكون مدتها 3 ساعات ..

وإذا راح البيت جلس 3 ساعات يبييض المحاضرة ويحبرها... واليوم الواحد على الأقل 4 ساعات محاضرات في الكلية ..

يعني معقول إنه يكتب المحاضرات في الكلية 4 ساعات .. وإذا راح البيت صار يحبرها 4 ساعات ثانية ....

طبعاً .. اللي يسوي كذا .. ماراح يكون عنده وقت يذاكر .. ولا يرفه عن نفسه شوي .. ولا يلخص المواد .. ولا يحضر ولا يراجع .. عشان كذا اللي أقل منهم ذكاء .. قدروا يسوون كل هذا .. والشخص اللي يكتب صار وظيفته طول اليوم نفس وظيفة ( الآلة الكاتبة) .. :



* لا تحاول إنه يكون لك دفتر واحد تجميع فيه كل المواد ...
هذا الشي ما أنصحك فيه لعدة أسباب :

- لأن الدفتر المقسم يكون مقسم 5 أقسام وعدد الورقات 200 ورقة .. يعني القسم الواحد راح يكون فيه 40 ورقة ..

وهذا قلييييل مرررة وراح تتطر إنك تكمل كل مادة في دفتر خارجي ..!!
وهذا تشتت

من البداية خلي لكل مادة دفتر أبو 100

- السبب الثاني .. لو انسرق الدفتر لا قدر الله أو انشق .. أو ضاع .. أو أحد طلبة منك الدفتر .. .. ما تظيع كل المواد عليك ..
ولو كان دفتر خاص بمادة وحدة كان راحت عليك مادة وحدة بس ..

* لا تكتب في أي مادة في الدفتر على وجه الورقة وظهرها ..
لأنك راح تستخدمين القلم السائل .. والسائل يطبع على الورقة ..
ولأن المرحلة الجامعية تحتاج تكتبين كل شي .. وفيه أشياء تتنقل وفيه أشياء تنشرح ..

اللي يتنقل دااااااااااااااائما خليه على يدك اليسار .. والإضافات والملاحظات .. وبعض الشرح والتوضيح البسيط خليه على يدك اليمين .. وهذا الأسلوب اتبع حتى لو صرت ماجستير أو دكتوراه ..

بهذي الطريقة تعرف وش اللي نقلتكم إياه الدكتورة و وش اللي إنت أضفته وشرحته ووضحته ..

* رتب دفترك .. وخليه يفتح النفس .. هذا الشي يسهل لك المذاكرة .. ويسهل لك إنك تتذكر شكل الورقة في الإختبار ..:

بعد كل فقرة وفقرة اتركي سطر ..
والعناوين خليها بلون مخالف ... واضح .. ولا تتكلفين و تستخدمين الألوان في الدفتر مثل الأصفر والبرتقالي .. في النهاية يسير ساااااااااااااااطع .. وتحتاج نظارة شمسية عشان تشوف !!!!

يكفي أربع ألوان رسمية ..
قبل كل عنوان خلي سطر فاضي ..

خلي العنوان الكبيرة بلون واحد
والعناوين الفرعية بلون واحد ..

يمكن تحوس شوي في الترتيب في البداية وبالذات إن الدكتور تنقل بسرعة أو تتكلم بسرعة ..

بس عادي ..

مع الزمن راح تتنظمن أكثر وراح تتعود ..
بس
إبد بداية سليمة .. ولو حصل إنك اتبعت نظام قديم .. حاول إعادة ترتيب نفسك من غير ما تعيدين شي ..

يعني المحاضرات اللي كتبتها .. لا تعيديها .. لأنك أصلا راح تخلها في ورق خارجي للإستعداد للإختبار ..
بس من بداية المحاضرة الجديدة ابد نظم نفسك ..

* وقت التنقيل اكتبي مع الدكتورة .. وإذا فاتك شي وقفة شوي وعيد من جديد

* المفروض بعد كتابة المحاضرة .. ترجع وتقر وش كتبت .. لأنك مع التنقيل السريع وملاحقة شرح الدكتور راح تكتشف إنك دمجت أكثر من شي في كلمة وحدة .. حاول تصلحينها في نفس اليوم .. وتضيف بعض الإضافات اللي توضح وتشرح لك بعض النقاط الصعبة ..

ولو تأخرت للأسبوع الذي يليه .. مارح تتذكر أي شي .. وراح يبقى النقص ..وراح تفوتك فوائد كثير كان من الممكن إضافتها للشرح :33_asmilies-com:..!

* إذا كان استخدام الألوان للعناوين الجانبية يأخرك عن الكتابة بسرعة ...
استخدم قلمين فقط ...

الأزرق لكل الكلام والرصاص للعناوين الجانبية
وهذا الشي أهون من إنك تكب المحاضرة كاملة بالرصاص وتحبرها في وقت يقدر بـ 4 ساعات ..

* بعد كل محاضرة اترك ورقة فارغة .. وإذا جاءت المحاضرة اللتي تليها وكانت الأستاذ تسأل أسئلة مشاركة عن الدرس اللي راح .. اكتب هذي الأسئلة في هذي الصفحة الفارغة ..
وإذا جاء وقت الإستعداد للإختبار ... وشفتي كيف طريقة الأستاذ في طرح الأسئلة راح تفيدك هذي الأسئلة في فهم طريقة الأستاذة في طرح الأسئلة وراح تتوقع كيف تجي الأسئلة وتكتشف وش الاشياء اللي ركزت عليها الأستاذ .. وبتلاحظ إن نفسها راح ينعاد في الإختبار !!

في الختام :

* لا تخلي نهاية هذا الجهد هو ( الزبالة) ...

كل كلمة كتبتها في السنة الأولى .. راح ترجع لها وتحتاجها في السنة الرابعة ..

وما أبالغ لو قلت لك .. لو تخصص في مرحلة الماجستير أو الدكتوراه في نفس قسمك .. راح ترجع كــــــــــــــــــل اللي درسته ... !!



هذا اللي قدرت إني أحصره وأكتبه .. ويمكن غيري يكون عنده خبره أكثر ومعلومات أكثر .. وياريت كل وحد و حدة تضيف إضافة يمكن أنا نسيتها أو غفلت عنها ..

وإن شاء الله إني أكون أضفت إضافة جميلة .. تستفيدون منها في حياتكم العلمية ..

أتمنى للجميع ... علم نافع ..وعمل صالح .. وعمل بما تعلمناه ...

منقول......

M.D!

[عبير الصمت]

كلام جميل جداا .. يعطيك العافيه على المعلومات ..

[نايف ابوفارس]

كلام رائع بس انا من الناس اللي امل بسرعه من المذاكره ولا ادري وشو الحل

[ahmad732]

موضوع مهم ورائع اشكرك عليه

هالسوال في بالي منذ مده طويله وخاصه اني منقطع انقطاع تام عن الدراسه والمذاكره

اما الان فقد خلصت اشغالي واريد ان ابدا اراجع واذاكر


لكن لما رجعت للمنتدي شفت نفسي زي الاطرش في الزفه وخاصه اسمع ان في محاضرات مباشره وماا دري شنو قصتها؟وهل يوجد واجبات؟

اما بالنسبه للكتب فما ادري اذا كان في كتب او لا؟

ارجو الاهتمام بالموضوع وياليت الشباب اللي بدوا وعرفوا السالفه يعلمونا من غير امر


اشكركم جميعاوخاصه صاحبه الموضوع

[Red.Ro0ose]

يعطيك العافيـــــــــــــهـ على الموضوع
من جــد كلامكـ درر ماقصرت أخــــوي

[M.D]

بنسبة للكتب ما نقدر نستغني عنها وهي موجوده في العبيكان وجرير ,,,,
و الواجبات موجودة ف كل مادة بس مدري اذا ضرورية ولا لا:150:
والله يوفق الجميع,,,,,

[M.D]

و المحاضرات المباشرة تسجل اذا ما قدرت تحضرها ف لا تشيل هم ...

[miss roo7]

مشكـــــــــوور يعطيكم الف عافيـــــــــــــه:(204):

[حفيدة شاعر]

موضوع مهم ورائع اشكرك عليه

هالسوال في بالي منذ مده طويله وخاصه اني منقطع انقطاع تام عن الدراسه والمذاكره

اما الان فقد خلصت اشغالي واريد ان ابدا اراجع واذاكر


لكن لما رجعت للمنتدي شفت نفسي زي الاطرش في الزفه وخاصه اسمع ان في محاضرات مباشره وماا دري شنو قصتها؟وهل يوجد واجبات؟المحاضرات المباشرة مهمه وعليها درجات لاكن اذا فاتتك عادي شوفها مسجله وتاخذ الدرجه
الواجبات مهمه حلها ولكل ماده واجبين انت مطالب بحلها وارسالها قبل نهايه المده

اما بالنسبه للكتب فما ادري اذا كان في كتب او لا؟
ما اقدر افيدك عن الكتب لان تخصصي غير عن تخصصك

ارجو الاهتمام بالموضوع وياليت الشباب اللي بدوا وعرفوا السالفه يعلمونا من غير امر


اشكركم جميعاوخاصه صاحبه الموضوع
وبس الله يوفقكم

[ahmad732]

بنسبة للكتب ما نقدر نستغني عنها وهي موجوده في العبيكان وجرير ,,,,
و الواجبات موجودة ف كل مادة بس مدري اذا ضرورية ولا لا:150:
والله يوفق الجميع,,,,,


طيب سوال ؟

هل الكتاب يغني عن المحاضره ؟

وعالاقل من شنو راح تجي الاسئله ؟ المحاضره او الكتاب؟

وبالنسبه للكتب ما ادري كم اسعارها هل هي غاليه مع العلم اني اداره اعمال؟

شكرا واسف للاطاله

[قمر الكون]

:p

الله يعطيكـ العافيييييهـ

ماقصرت :(204):...

[القادم أحلا]

شكرا

[M.D]

هنا جواب كل الاسئلة
http://www.kfu.edu.sa/ar/Deans/elearning/Lists/kfuAnnouncements/DispForm.aspx?ID=51

[Green Ribbon]

مشكوووووور عالموضوع الراائع:m29asmilies-com:

[M.D]

لازم تحضر المحاضرة وتجيب الكتاب وتحل الواجبات وترسلها للمدرس المادة :nono:
ولازم تسلم الواجبات قبل نهاية الترم وعليها درجات ودخولك للمحاضر على البلاك بورد يسجل اكتروني ...
وسعر الكتاب مو غالي ... واسف اذا نسيت شي:mh12:

[ahmad732]

:s13:يعطيك العافيه

[ahmad732]

هل تسجيل المحاضره او متابعتها يجب ان يكون مباشرا حتي تحسب الدرجه ام لا يشترط ذلك الشي ؟

يعني حتي لو احمل المحاضره واتابعها في مابعد ستحسب الدرجه ؟ والف شكر :s9:

[الم الصمت]

مشكووووووور
يعطيك العافيه:(204):

[ذكريني ترى انسى]

ربي يعطيك العافيه ويوفقك