د/ ـأحمد
2010- 11- 8, 08:44 PM
السلام عليكم ورحمة الله وبركاته
أهلا وسهلا بكم جميعا بنوتات وشنبات ,, وكل ماهو آت آت
بداية نعتذر لكم على إطالة الموضوع وعدم تجزئته ( مشوار التجزأة ) http://www.kyfee.com/vb/images/smilies/13.gif
قال أحد السلف الصالح : لو أعلم بأنّ لي دعوة مستجابة لجعلتها لوليّ الأمر !
ولا أجدني مستغربا من كلامه _ رحمه الله _ , فبصلاح وليّ الأمر يصلح المجتمع بأسره , وبفساده ينتشر الفساد لما يعود بالضرر على المجتمعات !
............................
عاد أنا يا مكلّمكم دايم أفكّر لو تكون لي دعوة مستجابة وش راح أختار ؟
لأني بصراحة راح أحتار بالإختيار , لكن بعد موقف حصل راح أطلب عدم تكرار سفري لأي مدينة بسيارتي بمعيّة الماما فاطمة والعمّة منيرة الله يعطيهم الصحة والعافية http://www.kyfee.com/vb/images/smilies/12.gif
قبل فترة قريبة أراد الله أن أسافر لمدينة الرياض لحضور مناسبة عائلية بمعيّة الحسناوتين فقط لا غير
وبيني وبينكم لولا وجود نظام ساهر كنت ناوي أوصل للرياض بأسرع مايمكن تجنّبا للمأزق
لكن وأعوذ بالله من لكن قدّر الله أن يكون الوصول بعد قرابة الأربع ساعات ( وياليل خبّرني عن أمر المعاناة )
.............................
بعد ما مسكنا الخط على بركة الله وتهرّبا من السوالف اللي ماتوكّل عيش
شغّلت لهم قرآن بصوت القارئ الوالد _ علي الحذيفي _ يطوّلي بعمره عشان ينامون دايركت
بعد دقائق أشوف رأس الوالدة مدنّق وسدحت له المرتبة عشان يجوز له الوضع
أما العمّة فما جاه النوم , وما غير تطلطل يمين ويسار تقل مروحة قعّاديّة
واللي يشوفه تطلطل يقول الطريق كلّه طبيعة وجنّة الله في أرضه !
فقطعت هواجيسه , وقلت : والله يالنوم بالسيارة يعطي الواحد جو ثاني ( فاشل بالتلميح )
قالت : لا يمكن أنام والسيارة تمشي , أخاف يجينا شئ الله لا يقوله !
يوم عرفت إن الوضع مايبشّر بالخير , سكّرت المسجّل , والمشكلة ماكو سواليف تقطع الوقت , لأننا من النوع اللي يتقن الإنصات أكثر من الكلام
وعلى قولة العمّة تبرّر الموقف : إن الإنسان له أذنين ولسان واحد ( لا يغرّكم شكله , تراه مثقّفة )
وراح كل الطريق والعمّة ماغير تكلّم بالجوّال على عياله ( قوموا , ناموا , صلّوا .. , وعلى هالمنوال )
وبعد ساعتين تقريبا , والهواجيس عامله عمايله , فجأة قالت العمّة : أنت الحين وينك ؟ ,, قلت : باقي 170 كيلو تقريبا
ولعلّه طلعت تكلّم ولده بالجوّال ( كمان ياليل خرني عن امر المعاناة )
وبصراحه مدري ليش بعض الأمّهات والأبّهات لاجاء يكلّم بالجوّال على عياله مايسلّم , وعلى طول يبدأ بالأوامر , وينهي المكالمة بدون إحم ولا دستور !
عاد وهي تكلّم جلست توصّي ولده على أخوانه ( تقل نبي نهاجر , مشكلة الواحد لا صار ماطلع من ديرته عقب شهر العسل ) http://www.kyfee.com/vb/images/smilies/13.gif
..........................
يوم أنهت المكالمة جلست تضحك علي وتستهتربي , عاد أنا كل شئ يهون عندي إلا شوفة العمّة تتريق علي ( لعيون الحجازيين )
فحبّيت أضيّع السالفة , فقلتله : على طاري الضحك والسخرية ليش حنّا شعب لا شفنا أي تطوّر أو إختراع جديد نجلس نسخر ونستهتر ونحاول نقلّل منه ؟
يوم شفت العمّة بالمراية تهز راسه عرفت إنه مندمجه مع الموضوع
فقلت : بسألك ياعمّتي , من هو النبيّ اللي بنى سفينة ويعتبر أول من إخترعه ؟
قالت : والله علمي علمك ياولد أخوي ( بذمّتك ترجي منه جواب ؟)
أوّل من بنى السفينة نوح عليه السلام , ويوم شافوه قومه بدو يستهزأون منه ويشكّكون بعقله !
وإلى يومنا هذا وبناء السفن موجودة واستفدنا منه رغم السخرية في البداية !
وعيسى عليه السلام أوّل من علّمنا الطب , وإدريس عليه السلام أوّل من علّمنا الخياطة , وعلى هذا فقس ( قصدي فقيسي , لأني جالس أسولف مع العمّة ) http://www.kyfee.com/vb/images/smilies/13.gif
...............................
وكل الإرشادات اللي اتخذناه وتعلّمناه من الأنبياء _ عليهم السلام _ إستفدنا منه بتطوّر العلم والتعليم وهذا من فضل ربّي !
لكن يا عمّتي ( فيه أحمس ؟) فيه نبي من الأنبياء عليهم السلام أرشدنا لشئ وما استفدنا منه , وكلّي أمل بأن يولد عندنا مع تقدّم تطوّر العلم
بهاللحظات نظرت بالمراية لعلّي ماشفت راس العمّة , وبالأخير تصير منسدحة وبسابع نومة ( وياليل خبّرني عن أمر المعاناة )
لكن الحمد لله ماخيّب الله حماسي , لأن الماما كانت قايمة وسمعت كل النقاش
فقلت : ياميمتي نبي الله سليمان _ عليه السلام _ تكلّم مع الحيوانات ( النمل والهدهد ) , وبإذن الله راح يتطوّر العلم عندنا بالمستقبل وراح نعرف لغة الحيوانات وخوذي سوالف معهن
قالت : ياوليدي , أنت بك قلّ صح ؟ ,, قلت : لا والله بكامل عافيتي بس أبطينا ماوصلنا للرياض http://www.kyfee.com/vb/images/smilies/13.gif
قالت : كلام النبي للحيوانات معجزة وانتبه لطريقك لانصدم
قلت : طيّب بناء نوح _ عليه السلام _ للسفينة معجزة , ومع ذلك شفنا من يبني السفينة إلى يومك
يوم ضاقت الوسيعة بأميمتي , قالت : اللي تبيه يصير ( تبي تنهي السالفة ) , فعرفت إنّه ودّه تسولف فعطيته المايك
قالت المامي : تصدّق أوّل ماطلع عندنا الرادو لاشافوه رجال الهيئة يحكمون على الرادو بالجلد حتى الكسر قدّام الناس http://www.kyfee.com/vb/images/smilies/13.gif
ويوم طلع السيكل , بدو الرضعان يخافون منه ويسمونه ( حصان إبليس ) , واللي يبي ياخذ سيكله للمزرعه يغطّيه ببطانيّة عشان محد يشوفه ويرتاع !
قلت : العلم نور , والجهل ظلام ( أذكره مكتوبه بجدار مدرستنا )
..............................................
بس بيني وبينكم أمنيتي أسولف مع الحيوانات لأن به ديك بحوش البيت مقلقلن راحتي بكل وقت يذّن ( صبح وليل وضحاوية , ولا يتسلّط إلا وقت النوم )
ختاما : معذرة على الإطالة بكلام خارج عن الموضوع ولكن من باب الفرفشة أحببت أن يكون كذلك
ولا داعي لوجود الهمسة , فمن البداهة أنّي لا أستغني عن نسج الخيال http://www.kyfee.com/vb/images/smilies/12.gif
أرق التحايا والتقدير
ـأحمد ..
أهلا وسهلا بكم جميعا بنوتات وشنبات ,, وكل ماهو آت آت
بداية نعتذر لكم على إطالة الموضوع وعدم تجزئته ( مشوار التجزأة ) http://www.kyfee.com/vb/images/smilies/13.gif
قال أحد السلف الصالح : لو أعلم بأنّ لي دعوة مستجابة لجعلتها لوليّ الأمر !
ولا أجدني مستغربا من كلامه _ رحمه الله _ , فبصلاح وليّ الأمر يصلح المجتمع بأسره , وبفساده ينتشر الفساد لما يعود بالضرر على المجتمعات !
............................
عاد أنا يا مكلّمكم دايم أفكّر لو تكون لي دعوة مستجابة وش راح أختار ؟
لأني بصراحة راح أحتار بالإختيار , لكن بعد موقف حصل راح أطلب عدم تكرار سفري لأي مدينة بسيارتي بمعيّة الماما فاطمة والعمّة منيرة الله يعطيهم الصحة والعافية http://www.kyfee.com/vb/images/smilies/12.gif
قبل فترة قريبة أراد الله أن أسافر لمدينة الرياض لحضور مناسبة عائلية بمعيّة الحسناوتين فقط لا غير
وبيني وبينكم لولا وجود نظام ساهر كنت ناوي أوصل للرياض بأسرع مايمكن تجنّبا للمأزق
لكن وأعوذ بالله من لكن قدّر الله أن يكون الوصول بعد قرابة الأربع ساعات ( وياليل خبّرني عن أمر المعاناة )
.............................
بعد ما مسكنا الخط على بركة الله وتهرّبا من السوالف اللي ماتوكّل عيش
شغّلت لهم قرآن بصوت القارئ الوالد _ علي الحذيفي _ يطوّلي بعمره عشان ينامون دايركت
بعد دقائق أشوف رأس الوالدة مدنّق وسدحت له المرتبة عشان يجوز له الوضع
أما العمّة فما جاه النوم , وما غير تطلطل يمين ويسار تقل مروحة قعّاديّة
واللي يشوفه تطلطل يقول الطريق كلّه طبيعة وجنّة الله في أرضه !
فقطعت هواجيسه , وقلت : والله يالنوم بالسيارة يعطي الواحد جو ثاني ( فاشل بالتلميح )
قالت : لا يمكن أنام والسيارة تمشي , أخاف يجينا شئ الله لا يقوله !
يوم عرفت إن الوضع مايبشّر بالخير , سكّرت المسجّل , والمشكلة ماكو سواليف تقطع الوقت , لأننا من النوع اللي يتقن الإنصات أكثر من الكلام
وعلى قولة العمّة تبرّر الموقف : إن الإنسان له أذنين ولسان واحد ( لا يغرّكم شكله , تراه مثقّفة )
وراح كل الطريق والعمّة ماغير تكلّم بالجوّال على عياله ( قوموا , ناموا , صلّوا .. , وعلى هالمنوال )
وبعد ساعتين تقريبا , والهواجيس عامله عمايله , فجأة قالت العمّة : أنت الحين وينك ؟ ,, قلت : باقي 170 كيلو تقريبا
ولعلّه طلعت تكلّم ولده بالجوّال ( كمان ياليل خرني عن امر المعاناة )
وبصراحه مدري ليش بعض الأمّهات والأبّهات لاجاء يكلّم بالجوّال على عياله مايسلّم , وعلى طول يبدأ بالأوامر , وينهي المكالمة بدون إحم ولا دستور !
عاد وهي تكلّم جلست توصّي ولده على أخوانه ( تقل نبي نهاجر , مشكلة الواحد لا صار ماطلع من ديرته عقب شهر العسل ) http://www.kyfee.com/vb/images/smilies/13.gif
..........................
يوم أنهت المكالمة جلست تضحك علي وتستهتربي , عاد أنا كل شئ يهون عندي إلا شوفة العمّة تتريق علي ( لعيون الحجازيين )
فحبّيت أضيّع السالفة , فقلتله : على طاري الضحك والسخرية ليش حنّا شعب لا شفنا أي تطوّر أو إختراع جديد نجلس نسخر ونستهتر ونحاول نقلّل منه ؟
يوم شفت العمّة بالمراية تهز راسه عرفت إنه مندمجه مع الموضوع
فقلت : بسألك ياعمّتي , من هو النبيّ اللي بنى سفينة ويعتبر أول من إخترعه ؟
قالت : والله علمي علمك ياولد أخوي ( بذمّتك ترجي منه جواب ؟)
أوّل من بنى السفينة نوح عليه السلام , ويوم شافوه قومه بدو يستهزأون منه ويشكّكون بعقله !
وإلى يومنا هذا وبناء السفن موجودة واستفدنا منه رغم السخرية في البداية !
وعيسى عليه السلام أوّل من علّمنا الطب , وإدريس عليه السلام أوّل من علّمنا الخياطة , وعلى هذا فقس ( قصدي فقيسي , لأني جالس أسولف مع العمّة ) http://www.kyfee.com/vb/images/smilies/13.gif
...............................
وكل الإرشادات اللي اتخذناه وتعلّمناه من الأنبياء _ عليهم السلام _ إستفدنا منه بتطوّر العلم والتعليم وهذا من فضل ربّي !
لكن يا عمّتي ( فيه أحمس ؟) فيه نبي من الأنبياء عليهم السلام أرشدنا لشئ وما استفدنا منه , وكلّي أمل بأن يولد عندنا مع تقدّم تطوّر العلم
بهاللحظات نظرت بالمراية لعلّي ماشفت راس العمّة , وبالأخير تصير منسدحة وبسابع نومة ( وياليل خبّرني عن أمر المعاناة )
لكن الحمد لله ماخيّب الله حماسي , لأن الماما كانت قايمة وسمعت كل النقاش
فقلت : ياميمتي نبي الله سليمان _ عليه السلام _ تكلّم مع الحيوانات ( النمل والهدهد ) , وبإذن الله راح يتطوّر العلم عندنا بالمستقبل وراح نعرف لغة الحيوانات وخوذي سوالف معهن
قالت : ياوليدي , أنت بك قلّ صح ؟ ,, قلت : لا والله بكامل عافيتي بس أبطينا ماوصلنا للرياض http://www.kyfee.com/vb/images/smilies/13.gif
قالت : كلام النبي للحيوانات معجزة وانتبه لطريقك لانصدم
قلت : طيّب بناء نوح _ عليه السلام _ للسفينة معجزة , ومع ذلك شفنا من يبني السفينة إلى يومك
يوم ضاقت الوسيعة بأميمتي , قالت : اللي تبيه يصير ( تبي تنهي السالفة ) , فعرفت إنّه ودّه تسولف فعطيته المايك
قالت المامي : تصدّق أوّل ماطلع عندنا الرادو لاشافوه رجال الهيئة يحكمون على الرادو بالجلد حتى الكسر قدّام الناس http://www.kyfee.com/vb/images/smilies/13.gif
ويوم طلع السيكل , بدو الرضعان يخافون منه ويسمونه ( حصان إبليس ) , واللي يبي ياخذ سيكله للمزرعه يغطّيه ببطانيّة عشان محد يشوفه ويرتاع !
قلت : العلم نور , والجهل ظلام ( أذكره مكتوبه بجدار مدرستنا )
..............................................
بس بيني وبينكم أمنيتي أسولف مع الحيوانات لأن به ديك بحوش البيت مقلقلن راحتي بكل وقت يذّن ( صبح وليل وضحاوية , ولا يتسلّط إلا وقت النوم )
ختاما : معذرة على الإطالة بكلام خارج عن الموضوع ولكن من باب الفرفشة أحببت أن يكون كذلك
ولا داعي لوجود الهمسة , فمن البداهة أنّي لا أستغني عن نسج الخيال http://www.kyfee.com/vb/images/smilies/12.gif
أرق التحايا والتقدير
ـأحمد ..