طالبات العلوم<<بخصوص اختبار الاحياء

[طيف ابتسامة]

السلام عليكم ورحمة الله وبركاته


مساء\صبااح الخير<<كلا على حسب وقته

اخباركم وش مسوين؟؟

عساكم بخير وتونستو بالعطلة؟؟

عاد اللحين جانا الجد واللعب اتركوه عنكم

الزبدة اللي عندي ياطويلين العمر ماهيب زبدة لوربك
البلا انها زبدة الدكتورة الهام هع

بنات عندي لكم فووكرة
ووش رايكم كل وحدة تدخل من بنات العلوم
تقولنا الجزئية اللي درستها
وتكتب لنا الاسئلة المهمه واللي اذكرتها الدكتوره دايم باسئلتها للبنات
ولاتنسون الرسومات والمقارانات<<<انا ان شاء الله بجيبها من صديقتي وبنزلها لكم لاني بصراحة مو متاكدة منها

وباذن اللة اذا خلصت الجزئية اللي بايدي بدخل وبقول لكم الاسئلة اللي حسيت انها مهمه مع اجوبتها

بس مو معناته ماتدرسون الا هي خخخ وبعدين تقولون طيف ابتسامة قالت
ومنها ننفع بعضنا ونفيد البنات اللي مايحضرون اوراحت عليهم محاضرات بسبب الظروف


وبليز ابي تفاعل مثل ما انا راح افيدكم ابيكم تفيدوني ونكون بايد وحده

اذا استفدنا من تجمعنا بمادة الاحياء

ان شاء الله نكررها بكل ماة راح نختبر فيها

اوووقي حبيبات قلبي

اللة يوفقكم ويقدم لكم اللي فيه الخير

سي يو:(204):

[امليـ]

اوك بالنسسسبه لي حابه الموضوع وحابه كمان اساعد وانزل الي درسته
والاشياء المهمه
بس انا المحاضره الاولى مو موجوده عندي
ياريت بس تعطوني عنوانها
عن ايش تتكلم
وبسسسس ...!

[طيف ابتسامة]

هلا املي نورتينا

المحاظرة الاولى تتكلم عن الشكل الظاهري للنباتات الزهرية

وتقريبا تشمل من الصفحة 9 الى الصفحة 11 من الكتاب

واي سؤال حنا حاضرين


وبما انك بديتي بالجزئية الاولى انا عندي اسئلة يارب تعرفين حلها

س1\قارني بين الجذور المساعدة والجذور التمثيلية؟؟<<<اذكر ان الدكتورة اسئلتني عنه وجاوبت بس اللحين مو ذاكرة الجواب

س2\الرسمات اللي تبين اشكال قاعدة النصل او القمة او الحافة نحفظها وراح يجي منها بالاختبار ولالا؟؟


هذا اللي في بالي حاليا

اتمنى النفاعل

[طيف ابتسامة]

اسئلة اختبار الشهري للعام الماضي<<<ساعدوني على ايجاد الحلول لو ممكن

السؤال الاول:
أ\ماهي اعضاء التكاثر الجنسي في النبات الزهري ومما تتكون؟
ب\قارني بين نبات ذو فلقتين وذو فلقة واحدة من حيث المجموع الجذري وترتيب الاوراق على الساق ونوع الورقة ونظام التعرق مع ذكر مثال لكل منهما؟

السؤال الثاني:
أ\مما يتكون النسيج الانشائي القمي للجذر؟
ب\قارني بين التركيب الداخلي لورقة ذو فلقتين وذو فلقة واحدة؟

السؤال الثالث:
أ\ ماهي الممالك الخمسة؟
ب\ماهي الانسجة الوعائية؟وماوظيفتها؟وما أنواعها؟

السؤال الرابع:
أ\وضحي مع الرسم تركيب الخلية النباتية مع ذكر المكونات الحية والمكونات غير الحية للخلية؟


<<بصراحة في اسئلة ماتوقعت تجيبها لنا وجابتها للعام الماضي مثل رسمت الخلية

انا كل ماعرفت حل سؤال بدخل وبكتبه لكم واذا كان طويل بحدد لكم رقم الصفحه بالكتاب اووقي

ادعوا لي تكفووون
:mh12:

[امليـ]

برب بجيب الملآزم :biggrin:

[امليـ]

س1\قارني بين الجذور المساعدة والجذور التمثيلية؟؟<<<اذكر ان الدكتورة اسئلتني عنه وجاوبت بس اللحين مو ذاكرة الجواب



حيآتي طيف لقيتها بـ ص 22 / 25>> بس مو متأكده اذا كان تاجواب غلط ياريت حد يصححه ليا

التمثيليه / بعضها تكون خضراء لـ احتوائها على اليخضور , تستطيع القيام بعملية البناء الضوئي .
المساعده / تخرج من العقد الاسفلى للسوق وتصل للأرض و تخترقها , تساعد على تثبيت النبات
.

[امليـ]

أ\ماهي اعضاء التكاثر الجنسي في النبات الزهري ومما تتكون؟



ص 11

محيط الكأس / محيط التويج / محيط الطلع / محيط المتاع
.

[امليـ]

السؤال الثاني:
أ\مما يتكون النسيج الانشائي القمي للجذر؟
منشأ البشره / منشأ القشره / منشأ الحزم الوعائيه / منشأ القلنسوه .
ب\قارني بين التركيب الداخلي لورقة ذو فلقتين وذو فلقة واحدة؟
....

السؤال الثالث:
أ\ ماهي الممالك الخمسة؟
البدائيات / الطلائعيات / الفطريات / المملكه النباتيه / المملكه الحيوانيه .
ب\ماهي الانسجة الوعائية؟وماوظيفتها؟وما أنواعها؟
بكتب لك الموجود عندي
خشب
[ القصيبات ~> الحمايه , الدعامه والصلآبه للنبات ..] + [ الاوعيه ~> الدعامه , توصيل الماء والاملاح من الجذر للساق ] + [ الياف الخشب ~> السسسلآمه والدعامه للنبات ] + [ برنشيمة الخشب ~> توصيل الماء والاملآح , تخزين الغذاء ]

لحاء
[ الانابيب الغرباليه ~> توصيل الغذاء المجهز الى باقي اجزاء النبات ] + [ الخلايا المرافقه ~> يسسسسآعد على عملية توصيل الغذاء ] + [ برنشيمة اللحآء ~> توصيل الغذاء المجهز , تخزين الغذاء ] + [ الياف اللحاء ~> الدعامه للنبات ]

الحزم الوعائيه
حزم قطريه
حزم متصله ~> جانبيه / ذات جانبين / مركزيه
الجانبيه ~> مفتوحه / مغلقه
دعوآتكم ياعسسسسلز

[ماغيرتني دنيتي]

الله يجزاكم كل خير ...وبالنسبه لرسمات هي حددتها معنا وهي
1-ساق ذوفلقه 2-ساق ذوفلقتين 3-الخليه النباتيه 4-جذر ذوفلقه 5- جذر ذوفلقتين 6-ورقة ذوفلقه 7- ورقة ذو فلقتين
والله يوفقكن وادعولي

[ترآنيمـ الروح..}]

وعليكم السلام ورحمة الله,,

لاتخـافون يابنات اسئلة الدكتوره إلهام حييل واضحه وسهله مرره

بس أنتو ركزوا وأنتوا تذاكروا,,

بالتوفيق ياااااااااااااااااارب..

[امليـ]

بنات توي خلصت مذاكر بس باقيلي جزئية الجذور
بصرآحه سسسسهل ولـ الله الحمد
وفعلآ أ/ الهآم اسئلتها واضحه وقليله
بالتوفيق حبيباتي
حاولوا تخلصون بسسسرعه قبل يوم الجمعه
حتى تسترخون قبل الاختبار وتتخلصوا من الضغوط
وربي يسهل عليكم
.

[ترفٌ مخمليْ ●•]

بكرر طلبي هنا
لعلي اجد من يساعدني :Cry111:


مرحبا بنوتات
صبايا وعجايز :mh001:

بنات انا رياضيات بس علي مادة احياء :Cry111:
ولا اعرف بنات من السنة التحضيرية

بنات عفيه ابي ملزمة احياء كاملة
ولا عليكم امر تحط لي وحده نسخه بمكتبة
وانا اقول لها خاص با اسم منو تحطها
وروح انا اخذها :mh12:

تكفووون مالي الا انتوا
انا قبل العطلة ماكنت احضر بسبب التعارض
وع اخر اسبوع كنت بحضر محاظرة واطلب من وحده
لكني غبت :Cry111:

عفيه بنااات الله يوفقها يارب
اللي تحط لي نسخه بمكتبة
ولو تقدر اليوووم اكون لها شااااااااااااااااااااااااااااااااكرة
ولها دعوووووووووة من اقصى القلب والله

تكفووون نخيتكم يانشميات :Cry111:

[طيف ابتسامة]

املي ما شاء اللة عليج جزئية حلوة
اذا ماعليك امر بليز اكتبي الاسئلة اللي دايم تكررها الهام بالمحاضرة ؟؟

كنشات وربي كان ودي اساعدك بس اخواني وابوي مسافرين ماعندنا احد كبير يسوق سياره

بنات تكفون ساعدووها

قلبو واذا ابد ما لقيتي حد يودي لك المكتبة مري علي البيت وربي لاعطيك اياه تصورينها بس ترجعينها بنفس اليوم خخخخ

وانا يوم رحت المكتبة يوم الاحد قال لي بيحاول يصور نسخ لبكرة قصدة الاثنين

يعني اللحين ان شاء الله تلقين عنده نسخ روحي مرة ثانية


وربي يكتب لنا اللي فية الخير

[طيف ابتسامة]

سؤااال:

لماذا سميت الشبكة الاندوبلازمية بهذا الاسم؟؟

<<<ابي الجواب مو رقم الصفحه انا قريته بس ماعرفت اطلع الزبدة للاجابة:mad:

سؤال ثاااااني

لماذا تعرف الفجوات بالفجوات العصارية؟؟<<يمكن تكون الاجابة بصفحة 84 بالله تكدو لي منها

[امليـ]

طيف اسئلتك قالتها الأستاآذه بالمحاضره
بصرآحه ماقد سمعتها تقول ومو موجوده عندي بالدفتر ..!!
اما بالنسبه لـ اسئلتها
اكيد مااعرف وش تجيب
بس اتوقع
[ جدول مقارنه + رسسسم + وكم سؤال ع الطآير . ]
بالتوفيق للجميع .

[طيف ابتسامة]

بنات شعبة 3 و4

اذا ماعليكم امر ابي اسئلة اللي تجيبها لكم الدكتورة بالاختبارات القصيرة؟؟


بليز لا تبخلون علينا فيها


ووبس

[طيف ابتسامة]

من الا سئلة اللي جابتها لشعبة 1 و2

قارني بين الفلقة الواحدة والفلقتين؟؟

وعددي انواع البلاستيدات مع ذكر وظيفتها؟؟

عددي انواع الانسجة النباتيه مع شرح واحد منها؟؟

ارسمي التركيب الداخلي للجذر ذو فلقتين مع الشرح؟؟

<<هذا اللي اذكرة اذا في اظافه حياكم

[ترفٌ مخمليْ ●•]

انا نويت اتوكل ع ربي
واذاكر من ملازمي
بس ابي اعرف من وين الى وين

انا عندي الملزمة الاولى " الموجز في علم النبات العام "
هذي كلها اذاكرها ولا لا..؟

وهل في ملزمة غيرها اذاكرها
اذا في
قولوا لي من صفحة كم الى كم

ولاهنتوا كولياتكون
:Cry111:

[ماغيرتني دنيتي]

انا نويت اتوكل ع ربي
واذاكر من ملازمي
بس ابي اعرف من وين الى وين

انا عندي الملزمة الاولى " الموجز في علم النبات العام "
هذي كلها اذاكرها ولا لا..؟

وهل في ملزمة غيرها اذاكرها
اذا في
قولوا لي من صفحة كم الى كم

ولاهنتوا كولياتكون
:cry111:
الملزمه موجوده بشعاع القدس و اذا كنتي من البنات اللي شروها بئول اسبوع قالته فهي ناقصه لازم ترجعين المكتبه وتجيبينها كامله انا اليوم جبتها كامله
وبالنسبه للمذاكره اللي موجود بالدفتر نفسه اللي بالملزمه لاكن الملزمه دش والدفتر ملخص والله يوفقك واتركي عنك التوتر

[طيف ابتسامة]

الاختبار تقريبا الى الصفحة 170


الله يوفقكم

بنات المحتويات احية للخلية النباتيه كم عددها وبليز عددوها<<لان الكتاب اكثر من اللي بالدفتر وبعضها مذكورة بالدفتر وماهي بالكتاب

:mh12:

[امليـ]

تقريبا 11
الشبكه الاندوبلازمه
الغشاء البروتوبلازمي
الميتوكندريا
اجسام جولجي
النواه
البلاستيدات
السنتروسوم
اليزوسوم
الانابيب الدقيقه
الخيوط الدقيقه واعتقد الرايبوزمات
اما الغير حيه فهي / الـ فجوه العصاريه , النقر , البلورات , الجدار الخلوي

[طيف ابتسامة]

اضافة للعشرة اللي كتبتيهم السيتوبلازم <<<باخذ اللي كتبتيهم وبتوكل على الله

يسلمو املي يعطيك ربي الف عافيه:d5:

[طيف ابتسامة]

ب\ماهي الانسجة الوعائية؟وماوظيفتها؟وما أنواعها؟





يااويلي دخت من الدرااسة اووف نعب


بنات ابليز انواع الانسجة هي الي تقصد فيها انواع الحزم الوعائية ولالا؟؟

واذا لا شنو انواع الانسجة الوعائية؟؟

:bawling:

[امليـ]

يب هي نفسها
الاوعيه هي عباره عن تراكيب متصله ببعضها البعض لتشكل نسيج توصيلي تعمل على توصيل الغذاء
>>> التعريف ماحفظته نصاً
اللحاء ~> طبعا اللحاء يعمل على نقل الغذاء المجهز من الاوراق الي مناطق التخزين و مناطق النمو كـ البرآعم .
والخشب ~> توصيل الغذاء من الجذور الى الساق ثم الوراق

اللحاء يتكون من / الانابيب الغرباليه و الخلايا المرافقه و برنشيمة اللحاء و الياف اللحاء
اما الخشب فيتكون من / القصيبات و برنسيمة الخشب والياف الخشب و والاوعيه الخشبيه
وسسسسسسلآمتك :biggrin:

[طيف ابتسامة]

يعني اللي افهمه منك ان انواعها
هذي

اللحاء يتكون من / الانابيب الغرباليه و الخلايا المرافقه و برنشيمة اللحاء و الياف اللحاء
اما الخشب فيتكون من / القصيبات و برنسيمة الخشب والياف الخشب و والاوعيه الخشبيه



يسلموو قلبي تعبتك معي

[امليـ]

موفقه ياغلآ
هذا الي كاتبته بالدفتر وقالته أ/ إلهآم
موفقين :)

[امليـ]

بنات بششششروا كيف الامتحان
حلو صح ...!

[طيف ابتسامة]

هو حلو بس يقههر

انا شرح الاطوار ماكتبته

والمقارنه هع كلها خطا مانتبهت انها تبي تبع الساق وكتبت لها المقارنه العامة

وتحورات الساق ماكتبتها

بس والباقي ان شاء الله صح
يعني نظمن كم درجه <<<هع ماقدرت اووزع الدرجات على الاسئلة

[ماغيرتني دنيتي]

من ناحيتي خبصت على كيف كيفكم ....
.... اليوم وينكن ماشفتك احتري احد يناديني طيف ابتسامه ولا اميلـ
ابد ولا وحده لازم الاثنين اشوفكن ...اوكي ..

[امليـ]

كان نفسسسي انادي طيف ابتسىمه بس خفت اتفشششل
ههههههههههه
بنآت انتو اختبرتوآ بأي قآعه
انا القاعه الأخيره ...!
وبعدين ليش مو حالين عدل هاااااااااااااااااااه
بصراحه الهاام الله يعطيها العافيه
توقعت تصعبه علينآ
بس الحمدلله :119:
تعوضونها ان شالله :)

[طيف ابتسامة]

الله يجزاكم كل خير ...وبالنسبه لرسمات هي حددتها معنا وهي
1-ساق ذوفلقه 2-ساق ذوفلقتين 3-الخليه النباتيه 4-جذر ذوفلقه 5- جذر ذوفلقتين 6-ورقة ذوفلقه 7- ورقة ذو فلقتين
والله يوفقكن وادعولي


بالاضافة الخلية الحيوانية
والخلية العصبية
العضلة القلبية


هذا اللي اعرفه واللي تعرف زيادة تنورنا
:119:

[dark girl♠]

بعد عمرري طيووف الله يوفقك ان شاءالله شدي حيلك :)

[ترفٌ مخمليْ ●•]

يافديت قليبك والله :love080:
تسسلمين ماتقصرين:106::106:

[طيف ابتسامة]

الله يسلمكم كلكم

ااممم عندي اسئلة الاختبار النهائي تبع السنه اللي طافت

بس بنزلها لكم بعد ما اجمع اسئلة اختباراتها كلم الشهرية والنهائية

اووكي

[فتاة الاحياء]

وعليكم السلام :لا تخافي من ااسألة الدكتوره إليهام جدا واظح واسألتها حلوه حيل الي تقول هو الي يجي اتمنى انها تدرسني انا اذكر بعض اسألة العام الي جباتها مقارنه بين الخليه الحيوانيه والنباتيه مع الرسم واذكري مكونات الكأس والله لوعندي الكتب كان اذكروش جابت


الله يوفقكم ويسهل الاختبارات

فتاة الإحياء

[ترفٌ مخمليْ ●•]

حبيت اساعدك طيووفه
بنزل اختبار الفاينل حقنا العام
وانتي عليك الشهر حقكم :oao:
وووووو اذا تعرفين احد كان غايب با امتحان الاحياء الشهر
وعاده ..عفييه جيبي الاسئله اسئلة الاعاده ..


** اسئلة اختبار الفاينل **

السؤال الاول :.
أ- ماهي انواع الانقسام الخلوي ؟ مع شرح اطوار الانقسام غير المباشر.؟
ب- قارني بين الخلايا حقيقة الانوية وبدائية الانوية .؟
ج- ماهي وظائف الدم .؟

السؤال الثاني :.
أ- ماهي مناطق تكوين المجموع الجذري ؟ وماهي وظيفه الجذر.؟
ب- وضحي مع الرسم تركيب الخليه الحيوانيه .؟ ثم قارني بين الخليه الحيوانيه والنباتيه.؟
ج- ماهي انواع الخلايا العصبيه حسب تركيبها .؟

السؤال الثالث :.
أ- ماهي انواع الغدد حسب طريقة اخراجها لافرازاتها .؟
ب- اذكري صفات الساق (انواعها).؟ مع ذكر وظائف الساق.؟
ج- اكملي مكان النقط بالاجابة المناسبة :.
1- تنقسم الانسجه الهيكلية الى نوعين هما ...................... و....................
2- الخلايا الصارية هي المسئولة عن تكوين مادة .............و...............و............
3- انواع النسيج الغضروفي هي ............و...........و.............و...........
4- المادة الخلالية في الانسجه الوعائية هي مادة ...........

السؤال الرابع :.
أ- ضعي علامة (صح) امام العبارة الصحيحه وعلامة (خطأ) امام العبارة الخاطئة :..
1- جسم بار يوجد في انوية الخلايا المذكرة فقط (.....)
2-العضلة القلبيه هي عضلة لا ارادايه (.......)
3-البلاستيدات عديمة اللون هي الموجودة في السوق تحت الارض كالدرنه (........)
4-تعتبر الليسوسومات هي مركز تخزين الطاقه في الخلية (.......)
5- تقوم السوق الهوائية بوظيفة تخزين الغذاء والاكثار الخضري (........)
ب- ماهي الثغور.؟ ومما تتكون .؟ وماوظيفتها .؟ مع شرح ميكانيكية فتح وغلق الثغور.؟
ج- اذكري العوامل المؤثرة على تكوين العظم.؟

[ترفٌ مخمليْ ●•]

وهذي اسئلة اختبار العملي الفاينل


تكلمي بالتفصيل عن كل مما يأتي :.

1- تركيب الخلية العصبيه

2- التركيب الداخلي لورقة ذو فلقتين

3- تركيب العضلة القلبيه

4- التركيب الداخلي لجذر ذو فلقتين


دعووووووووووووواتكم لي
اني انجح وافتك من هالمادة :Cry111:

[شهقة فرح]

ثاااااااااااانكس...بنااااات ...وربي استفددت كثييير..
الله يوفقكم وين ماترووحون..
:love080::love080::love080:

[طيف ابتسامة]

:(177):- ماهي انواع الغدد حسب طريقة اخراجها لافرازاتها .؟


هي اللي تقصد فيها الغدد الخارجية اللي تكون من تصنيف الانسجة الغدية تبع الانسجة الافرازية؟؟

[طيف ابتسامة]

:mh12: بنااااااااااات خاااايفه


تدرووون تو فتحت اسئلة الاختبار تبع العام الماضي

يويلي احس اني مو مذاكرة شي كل تعبي راح بلاش

اخاف بوقت الاختبار يصير معي ككذا وما اذكر شي


بليز ادعولي انجح بس ابي النجاح بس

:Cry111:

الله يوفقكم كلكم يااارب

[dark girl♠]

:mh12: بنااااااااااات خاااايفه


تدرووون تو فتحت اسئلة الاختبار تبع العام الماضي

يويلي احس اني مو مذاكرة شي كل تعبي راح بلاش

اخاف بوقت الاختبار يصير معي ككذا وما اذكر شي


بليز ادعولي انجح بس ابي النجاح بس

:Cry111:

الله يوفقكم كلكم يااارب

حيااتي طيووفه الله يوفقك ويوفقناا
تبون الصراحه مابي اشووف اسئله الاختبارات النهيائيه حق العام عشاان مااتخربط واخااف
واجييب ام العييد :mh12:

[nobby girl]

مسسسسآء الجوووري...

كيفكم يآحلوين!وكيف إختبآرآتكم!

بصرآحه حآبه أشكركم الأسئله اللي نزلتوهآ مررآ فآدتنآ <<ولو انهآ متأخره :biggrin:

الله يوفقكم ويفتح عليكم من اوسع ابوابه..