أبي أنسحب وماراح أسامحك يادكتور عبدالله النجار ....

[ابن الشمال]

إحترموا مواعيدكم وإحترموا أشغالنا وضروفنا يادكتور
أنا سجلت في الجامعة حسب ضروفي وإمكانيتي

تتغنون بتطور التعليم المستمر والإنتساب وأنتم لاتحترمون مواعديكم


يادكتور أنا مادخلت الإنتساب إلإ إن عندي أشغال وعندي ضروف تمنعني أدخل الإنتظام
وأنا قبل ما أدخل الجامعة إطلعت على التقويم الزمني
ورتبت أموري حسب الجدول الزمني في الموقع

الي نعرفه إن الإختبارات في 4/2
http://img651.imageshack.us/img651/5193/202020202020.png
http://www.kfu.edu.sa/ar/Deans/elearning/Pages/calender.aspx

وقبل أيام سمعنا عن تقديم الإختبارات ليوم 2/2
بدون أدنى إحترام لنا ..

وين الإحترافية يادكتور وين إحترام المواعيد ؟
أنا واحد من آلاف الطلاب الي تفاجئوا بمواعيد الإختبارات ..

وعن نفسي يادكتور أنا عندي عرس في يوم 2/2
وأنا نشرت دعوات وكروت لحفل الزفاف ومافيه حل إلا أني أنسحب
لإن الدكتور مايتجاوب معي لا عن طريق الهاتف ولا الإيميل


أنا بنسحب وماراح أسامحك يادكتور
خسرت فلوس وخسرت وقت كثير في المذاكرة
قدمت مواعيد كثيره وآخرت غيرها


وماقول إلى حسبي الله ونعم الوكيل ..

[VICTORY]

لاحول ولا قوه الا بالله

[*مريم*]

إستخير قبل وتقدر تغيب عن الاختبآر وبعدين تقدم العذر ونزل موضوعك بالنقآش والنجآر رآح يتجآوي معك بأذن الله

[¬»ģє6άř●●]

الله يبدل الأحوآل..

[.:نونا:.]

لا لا لا ماله داعي تكبر الموضوع بهالطريقه

انت الحين رحت للخطه الزمنيه .. طيب شيكت على جدول اختباراتك

http://del.kfu.edu.sa/entisab_app/index.asp

ادخل من هنا على الخدمات الطلابيه وروح على طباعة جدول الاختبارات

وشوف جدولك ومتى اول يوم اختبارات

انا اتوقع ان بما انك مستوى اول راح يكون يوم السبت 4/2

وانتظر وش يطلع معاك هدي ترى الموضوع ما يستاهل

:biggrin:

[7kaya]

اذكر الله اخوي وصل ع النبي
عندك اختبار عقيده يوم 2-2 وتقدر تعتذر وتكلم النجار
و3-2 ماعندك اختبار
اعتبر حالك بدأت اختبار 4 -2 يكون عندك انجلش وفقه
الله يساعدك ويسهل امورك

والف الف مبروك
:106:

+ الانسحاب مو حل
فكر لبعد سنين وانت رافع الشهاده ومبسووط
:106:

[غربة الخاطر]

الله يســــهلها لك , ولجميع المسلمين ,,

الخيـره فيما اختاره الله ,,

[الفراوله 1]

الله يوفقك وييسر امرك ويكتب لك الي فيه الخيرررر


وصراحه انت صاددددق بكل شي ربي ينظر في حالنا

[كلك حركات]

المسامح كريم

وبعدين الخدمات الطلابيه فيها اعتذار عن الاختبار

الله يهيدك بس

[هاديه بطبعي]

مكبرين المووضووع حبتيين مااشوف جامعه تعطي وجه كثر جامعتنا

وبسس

[مصممه]

الله يوفقك
قدم اعتذار عن الاختبار
وماراح يروح عليك شي بإذن الله

[عبدالعزيز المقبل]

الي نعرفه إن الإختبارات في 4/2 http://img651.imageshack.us/img651/5193/202020202020.png
http://www.kfu.edu.sa/ar/deans/elearning/pages/calender.aspx

وقبل أيام سمعنا عن تقديم الإختبارات ليوم 2/2
بدون أدنى إحترام لنا ..



اخي ابن الشمال
مو دفاع عن الجامعة
لكن - مع تقديري - انت من ينبغي عليه إعادة حساباته

فكلا الأمرين
الزواج
الاختبارات
يحتاجان بال رائق و ذهن صافي
والجمع بينهما كما فعلت أنت مشكلة
ومالفارق الذي صنعه تقديم يومين ؟

أعتقد أن تأجيل ترم والتفرغ ما لايقل عن اسبوع مع زوجتك أفضل
والله أسأل أن يبارك لكما وفيكما
زواج سعيد..

[طموح فتاه]

اعتذر عن الاختبار

[ابن الشمال]

[/center]



اخي ابن الشمال
مو دفاع عن الجامعة
لكن - مع تقديري - انت من ينبغي عليه إعادة حساباته

فكلا الأمرين
الزواج
الاختبارات
يحتاجان بال رائق و ذهن صافي
والجمع بينهما كما فعلت أنت مشكلة
ومالفارق الذي صنعه تقديم يومين ؟

أعتقد أن تأجيل ترم والتفرغ ما لايقل عن اسبوع مع زوجتك أفضل
والله أسأل أن يبارك لكما وفيكما
زواج سعيد..


الله يسعد أيامك أخوي عبدالعزيز المقبل
أنت صادق في كل شيء
أنا كان زواجي في آخر ذي الحجه
وحصلت ضروف أجبرتني على تأخيره
ومع ضغوط الإختبارات للمنتضمين
بالإضافة إلى بعض الضروف
إضطريت أن أضع حفل الزفاف قبل الإختبار بيومين
وأنا قاعد أذاكر لي فتره عشان أتفرغ لزواجي في أيام الإختبارات
ولا يبقى لي سوى المراجعه

شكراً لمداخلتك أخوي
وأنا ماطلبت سوى إحترام المواعيد
وصراحه أستغرب من الي يقول مكبر الموضوع
يعني لو الي يقول كذا صار معه نفس الموقف كان أزعج الدنيا

ياناس .. أنا محترم المواعيد
أنا والله تركت جامعة الملك عبدالعزيز وجيت لجامعة الملك فيصل عشان كل شيء واضح
وأهم شيء التقويم الزمني عشان أرتب أموري
أنا موضف وعندي أشغال كثيره وحاب آتعلم
ولو ماني حاب أتعلم وآخذ شهادة بس كان رحت لجامعة الملك عبدالعزيز
وأخذت الشهادة وبدون مذاكره بعد

وأتمنى من الإخوان والأخوات الي يقول قدم إعتذار
يفيدني بالطريقة لإني حاولت أتواصل مع أي مسئول في عمادة التعليم عن بعد وماقدرت
عشان كذا كتبت الموضوع

الله يعين بس

[كلك حركات]

تخيل بس تخيل الحين تروح تقدم اعتذار وتقوله انا عندي زواج
وهو شاف ذا الموضوع او احد لدكاتره كلمه عنه
بيعرفونك ع طووول
لان الجامعه تمر الملتقى وتشوف المواضيع <<< تلايط بس :lllolll:
والله يعينك

وبنساعدك وانا اخوك ولا يهمك

[ابن الشمال]

تخيل بس تخيل الحين تروح تقدم اعتذار وتقوله انا عندي زواج
وهو شاف ذا الموضوع او احد لدكاتره كلمه عنه
بيعرفونك ع طووول
لان الجامعه تمر الملتقى وتشوف المواضيع
والله يعينك

وبنساعدك وانا اخوك ولا يهمك


بيني وبينهم الباري الحسيب الحق الوكيل

[كلك حركات]

كفوووووووووووووو يابن الشمال :d5:

[قلبي معآك]

ياخوي لا تنسحب ولا شي
أول شي ألف مبرووك والله يوفقك :biggrin:

ثاني شي اعتذر عن الاختبار وبس مالها داعي تنسحب
والله اهم شي بهالزمن شهادة الواحد

وعسى الله ييسرلك امرك

[مسكّ]

الصراحه انصدمت صدمه قويه انها يوم الخميس
والله حتى عندي عرس ولد عمي ومتحضرتله من شهورررررررررررر و:Cry111:اخر يكون وقت الاختبار
يعني يوم الخميس اجازه وكلن لاهي بحياته يجوووون يحطوووون اختبارات:Cry111: ليش لش ليش ليش

كان ودي يكون الاختبار الصبح عشان احضر العرس بس باليل فالغيت العرس عشان الاختبار

الله كريم وهونها وتهون يااخوي :icon9:

[ابن الشمال]

طيب كيف طريقة الإعتذار نورنا الله ينور دربكم

[مسكّ]

اف مبررررررررررررررررررررررررروك مبرووووووووووووووووووووووووووووووووك مبروووووووووووووووووووووووووووووووووك:mh001::mh001 ::mh001::mh001::mh001::mh001:

[ابن الشمال]

اف مبررررررررررررررررررررررررروك مبرووووووووووووووووووووووووووووووووك مبروووووووووووووووووووووووووووووووووك:mh001::mh001 ::mh001::mh001::mh001::mh001:

مسكّ ماهو وقته الله يسعدك

[my Dreams]

اولا بارك الله لك وبارك عليك وجمع بينكما في خير
ثانيا : لاتنسحب وانا اخوك المادة الي ما تحضر اختبارها قدم عذرها بعدين وراح تنعاد لك مع بداية الترم القادم باذن الله تعالى وفقك الله ونفع بك ويسر امورك ورزقك بالذرية الصالحة وجعل لك من كل هم فرجا ومن كل ضيق مخرجا

[ابن الشمال]

اولا بارك الله لك وبارك عليك وجمع بينكما في خير
ثانيا : لاتنسحب وانا اخوك المادة الي ما تحضر اختبارها قدم عذرها بعدين وراح تنعاد لك مع بداية الترم القادم باذن الله تعالى وفقك الله ونفع بك ويسر امورك ورزقك بالذرية الصالحة وجعل لك من كل هم فرجا ومن كل ضيق مخرجا

طيب طريقة الإعتذار كيف ؟

[¬»ģє6άř●●]

إن شآء الله كل شئ وله حل..

[Heart story]

اولا الف مبروك
ثانيا غيب عن الامتحان وبعد انتهاء الاختبارات باسبوع او اسبوعين بيفتحون ايقونه تقديم الاعذار وفيها طريقة تقديم العذر طبعا ترسل عذرك مثلا صوره من صك الزواج بتاريخ الاختبار وصوره من الدعوات واكتب معروض اشرح فيه الموضوع
تمام كذا وارفقها بملف مضغوط وارسلها عن طريق ايقونة تقديم الاعذار
بعدها بشهر او شهرين يفتحون ايقونة قبول العذر شوف قبولو عذرك او لا؟؟
اذا لا
اتصل على الدكتور مصلح وراح يعطيك رقم فاكس ارسل عليه نسخه من الاوراق الي ارسلتها للجامعة
وخليك متابع معاه الين تتاكد ان الامور مشت
وراح يقول لك روح امتحن مع المستوى الي فيه الماده زي العقيده مثلا مع مستوى اول بتلاقي اسمك في الكشف
لكن ماراح تنزل لك الماده في البلاك بورد لان تعبر الماده باقيه فلوسها من المستوى الاول يعني احتفظ في كل المحاضرات المسجله والمحتوى عندك ع الجهاز
وهذه كل المسأله
توكل على الله وطنش الماده وعيش ليلتك بالطول والعرض
على فكره انا غبت العام الماضي في العقيده رغم استعدادي للماده والحين راح اختبرها مع المستوى الاول

اوكيشن
اتمنى اني افدتك
هذا رقم الدكتور مصلح 0534513395 اتصل عليه وقله مشكلتك تراه متعاون كثير
وهذا سكرتيره في حالة لو مارد الدكتور 0507937304

[{ نُ }..]

روح الخدمات الطلابيه وشوف

[الجنوبيه]

مافيه شي يستاهل الزعل ياأخي رتب امورك وإن شاء الله ربي يسهلها لك ومبروك الفرح مقدماً.:106:

[¬»ģє6άř●●]

هيرت ستوري مااقصرت كفت ووفت..

[my Dreams]

طيب طريقة الإعتذار كيف ؟

الاخت هرت ستوري كفت ووفت في الرد نعم كما قالت بالضبط

[متعب الرياض]

ياقلبي عليك يابن الشمال .. شفت شلون ربي فرج همك ..

يالله قم واسجد شكر لله

[عاشق الطموح]

أولاً يابن الشمال طال عمرك ومن المؤكد بأني لا أعرفك ولا أنت تعرفني ولكننا ولله الحمد مجبولين على فعل وحب الخير لبعضنا وهذا أصل العرب ، يقول الشاعر إن صدر الشمالي ما يضيق بساع وأنت ماتستاهل العميله انك تزعل وتنسحب وتضيع رسومك والسبب هنا يومين بس الفرق وعاد الرجل لابد يتغلب على ظروفه مهما كانت وأنت كفو وقد المهمات الصعبه إما مدامت بإختبارت وجامعه ماتستاهل الزعل أو غيره .
نصيحتي لك من أخ وأعتبره أخوك الصغير إنك ما تنسحب ولا مايحزنون وربما يكون إختبارك يوم السبت وإن فاتك الإختبار تعوض الترم القادم .
أتمنى قبول كلامي بصدر رحب ولك التوفيق والسداد إنشاء الله وترى الإنسان مسيًر ماهو مخيًرفي هالحياه .

[ضاري الشمال]

ياهلا وغلا بكـ ابن الشماااااال .... ليش الزعل ليش الانسحاب ياخي ماتستاهل كل هذا , فيه حل مثل ماتفضلوا الاخوان فووووق اعتذر عن ماده وحده ومش امورك هالترم اما الانسحاب انسه وانا اخوكـــ ,,,, والدكتور النجار تراه مجتهد والله ومعنااااا بس ياخي بعض الانظمه تجيه من فووووووق ... وبالنسبه لاختلاف المواعيد وسحبه بعض الدكاتره علينا في المباشر هذي الامور ان شاء الله انها تعدل في المستقبل , ولعلمك الجامعه جديده على برنامج الانتساب المطور فهم كل يوم يطورررون انظمتهم وعساها تكون من صالحنااااا .....

لالالالالالالالالالالالالالالالالالا تنسحب ...... على البركه الزوااااج<<< مو وقته صح :017:.. مثل ماقالوا :ماهم الا هم العرس ولا وجع الا وجع الضرس <<<< يبي يصعبها عليكــ ... الله ييسر اموركـ

[New Vision]

:106:ألف مبروك الزواج وبالتوفيق ان شاء الله:106:

أول شي أنا صراحة ضد مبدأ أنه يكون فيه اختبارات أو محاضرات مباشرة أو أي شيء يومي الخميس والجمعة لأنها ايام اجازة رسمية ومن حق الطالب يتمتع فيها

ثاني شيء أخوي معليش.. لنفترض أن الوضع مثل ماكان وبدأت الاختبارات يوم السبت 4/2 بيكون لك يومين متزوج !! ما اتوقع أنك بتكون فاضي لإختبارات!! وبمزاج رايق لها!! حتى ولو بعد أسبوع!!

وأنا مع الأخ الي قال أنك بحاجة لترتيب جدولك بشكل افضل..

وجهة نظري أنك تنسحب لأنك حتى لو تقدمت للاختبارات بيكون بالك مشغول بشيء ثاني وممكن يأثر عليك..
لكن ما ادري كيف وضع الانسحاب وهل يترتب عليه شيء معين؟

هذا رأيي.. وأتمنى لك التوفيق في حياتك الأسرية والعلمية والعملية :smile:

[Lady Picaso]

السلام عليكم ورحمه الله وبركاته

انا نفس مشكلتك زواج اخوي راح يكون الخميس وتفاجات ان الاختبارات يوم 2/2 علما بان كنت مخططه اموري ومجهزتها على اساس للجدول الزمني بالموقع وان الاختبارات بتكون يوم السبت 4/2 بالنسه لي انا استخرت والي الان ماقررت ايش اسوي اخاف اني اجازف واندم في يوم الاختبار ويصير بالي مو معاي خصوصا ان اهلي مررره معتمدين على في الزواج

بس والله يااخوي ترا مو حل انك تنسحب حرام انت بديت في الشي حرام انك ماتكمل فيه وهي فرصه ماتتعوض واذا سحبت ماتقدر ترجع مره ثانيه فكر زين ولا تنفعل.... احسن حل انك تستخير وتقدم عذر في ماده واحده وعادي كمل باقي الايام طبيعي وهذا الي بسويه انا الله يوفقك ويسهل اموري يارب ويوفق الجميع

[shammakl]

مسأله معقده والله مالومه اني خيرتك فاختاري

[ابوالجوهره]

من حقك اخوي و انا معك في كل كلمه قلتها واهم شيء يحترمون مواعيدهم ويعرفون اننا قبل الدخول في الجامعة ما كان عندنا خبر في واجبات ولا حضور محاضرات ولا غيرهـ مو مسئلة تغيير موعد اختبار وبس الموضوع اكبر بكثير من كذا ....

[اااهمس]

الله يعينا ويصبرنا ع بلوانا
وينجحنا يااااااااااارب

[ام الحلوين]

الشكووووووووووووووه لله
اقولك اخووووووووووووووووووووي عادي طيب مافرقت يومين اوكي لا تداوم اول يوم الاختبارات وجيب لهم عذر وكرت الدعوه حق زواجك وبكذا راح يعيدون لك الاختبااااااااااااااار قبل الترم الثاااااااني :Cry111:
ربي يسعدك ويوفقك

[عطرالوفاء]

اول شي الف مبروك:mh001:
ثاني شي الحين ليه تكبرون المواضيع :cool:
في شي اسمه تأجيل وبعدين اشلون تهاوش على يوم تقدم
وانت وراك زواج يعني شهر عسلك بيكون كله مذاكره مثلا الوضع كله مو بيوم تقدم أو تأخر
ثاني شي اذا كان زواج غيرك فكل الموضوع ساعه الاختبار ادخل اختبر واطلع
وكان عندنا طول الترم وقت للمذاكره
وكل شي متسهل
وواضح ليه تبون كل شي بالسهل يجيكم
لازم تعب هذا مستقبل
مو عشان زواج او زعلانين انه يوم خميس وقت اختبار
واجازه ومن هالكلام الواحد يشوف مستقبله واذا ماتعب لشي لنفسه
ماحد راح يتعب عشانه
وتقبل مروري هذي مجرد وجهة نظر
والتوفيق للجميع:106::106::106:

[قمر شمر]

من وجهة نظري الشخصيه تقول جتك ضروف واجلت كان اجلتها مره وحده وخليتها بعطلة الربيع لان ناس مدارس وجامعات يعني مره لوقت مو مناسب حق عروس
وكان افضل لك انك تفرغ اسبوعين الاجازه وتسافر شهر عسل وتكون ماجز من دوام والجامعه


يعني انت رتبت امورك لكن مو بشكل صحيح هذا راي وتقبله

[عبدالعزيز المقبل]

الله يسعد أيامك أخوي عبدالعزيز المقبل
أنت صادق في كل شيء
أنا كان زواجي في آخر ذي الحجه
وحصلت ضروف أجبرتني على تأخيره
ومع ضغوط الإختبارات للمنتضمين
بالإضافة إلى بعض الضروف
إضطريت أن أضع حفل الزفاف قبل الإختبار بيومين
وأنا قاعد أذاكر لي فتره عشان أتفرغ لزواجي في أيام الإختبارات
ولا يبقى لي سوى المراجعه

شكراً لمداخلتك أخوي
وأنا ماطلبت سوى إحترام المواعيد
وصراحه أستغرب من الي يقول مكبر الموضوع
يعني لو الي يقول كذا صار معه نفس الموقف كان أزعج الدنيا

ياناس .. أنا محترم المواعيد
أنا والله تركت جامعة الملك عبدالعزيز وجيت لجامعة الملك فيصل عشان كل شيء واضح
وأهم شيء التقويم الزمني عشان أرتب أموري
أنا موضف وعندي أشغال كثيره وحاب آتعلم
ولو ماني حاب أتعلم وآخذ شهادة بس كان رحت لجامعة الملك عبدالعزيز
وأخذت الشهادة وبدون مذاكره بعد

وأتمنى من الإخوان والأخوات الي يقول قدم إعتذار
يفيدني بالطريقة لإني حاولت أتواصل مع أي مسئول في عمادة التعليم عن بعد وماقدرت
عشان كذا كتبت الموضوع

الله يعين بس

اخي العزيز انا - علم الله - متعاطف معك
لكن وانا خوك
بالوضع الي انت فيه (اختبار او زواج) لازم واحد منهم يتأجل .. سواء التزمت الجامعة بموعدها المعلن السابق للاختبار او ما التزمت

وأعتقد أن الفصل الدراسي في حالتك أولى بالتأجيل طالما التزمت أدبيا مع أرحامك بموعد 2-2
لأنو أصلا مش معقول انك تتزوج وبعد زواجك بيومين تخش على اختبارات
كذا بتظلم عروسك الي تحتاج لوجودك بقربها في أولى أيام زواجكم
وليس من الإنصاف أنك تتركها وتقول عندي اختبار بروح اذاكر..

أجل ترم ومبروك الزواج مقدما والله يجعل في ناصية كلا منكما الخير للآخر..

التأجيل عن طريق الخدمات الطلابية حاليا ما تشتغل...

موفق..

[طالبه جامعيه E]

ياليت بيدي شي بس لاتنسحب لاتنسحب

[ابواياد]

قوانين الملتقى تمنع مثل هذه المواضيع
* تمنع مواضيع اعلان الإنسحاب وترك الدراسة لما لها من تأثير سئ على معنويات الطلاب والطالبات الآخرين وايضاً لافائدة من طرحها.