تسجيل الدخول

مشاهدة النسخة كاملة : بهديك طعنه .. مـن بقايـا طعونـك

كاتم العبرات
2008- 4- 22, 08:16 AM
:Cry111::Cry111::Cry111:



لا جيت ابنسى واتراجـع واسامحـك
صاحن جروحي واشتكن لي طعونـك


كلك خيانه قول .. وشلـون ابمنحـك
وش موقفك من شخص دايم يخونك !!


اكبرخطا.. لو جيت يمـك اصالحـك
اول تحـوّل .. لاتـغـرّك إلحـونـك


اللي تقوله صح .. لو كنـت جارحـك
(مير) انت غارق للاسف في ظنونـك


وصفك نسيته بس .. باقي ملامحـك
بنهيـك وانهـي بالنهايـه جنـونـك


ماتستحـق امـد (كفـي) واصافحـك
مثلك غلط عمري وابحيـا .. بدونـك


لعبـت دورك شاهـداتٍ مسـارحـك
خدعتنـي واظهـرت خافـي فنونـك


كنت اعتقد .. قلبي هو ابرز مطامحك
اللي يبيـع النـاس لجلـه يصونـك


تعبت اسوق الشوق يمك واصارحـك
اخلصت لك بالحب .. شوفت عيونـك


لكن خسارة صرت غايـة مصالحـك
ياليتنـي ماجيـت ..لحظـه بكونـك


بالامس كنت بنشوة الحب .. امازحك
اخيـل برقـك واتحـرى مـزونـك


واليوم من صفحة حياتي .. ابمسحـك
هديت صرحـك ثـم طاحـت ركونـك


ولابي عيوني لـو تصـورت تلمحـك
اعلنت موتك .. وانسجن لي كفونـك


وان جيت تطلب .. ترتجيني اسامحك
بهديك طعنه .. مـن بقايـا طعونـك
عبير
2008- 4- 22, 04:46 PM
:mh19::mh19:

كاتم العبرات

كلماتك جدا مؤثرة

وتحيا اليد الي كتبتها

تحياتي لك
الموت البطيء
2008- 4- 23, 03:42 AM
صح لسانك

كلمات قويه

الله يحفظك
تشكر كاتم على الطرح
كاتم العبرات
2008- 4- 23, 06:01 AM
:c8::c8::c8:

عبير الورد

حظورك هو المؤثر و الفعال

يسلمووووو ع تواجدك المميز



الحب العذري

هلا و الله بصديقي

منور الموضوع بحظورك و يسلموووووووووو
لحن..
2008- 4- 23, 12:32 PM
="6"]مشكوووووووور كاتم على القصيده الحلووووه..:d5:[/COLOR]
كاتم العبرات
2008- 4- 23, 01:02 PM
:c8::c8::c8:


لحن الحياة

منورة بتواجدك الحلووو والمميز
WeD
2008- 4- 25, 04:00 AM
لحظه ترى ماجيت اقـدم أعـذار
لحظه وبعده سـوي اللـي تسويـن
لحظه بصحح بيننا بعض الأفكـار
لحظه بقول حاجه قبل ما تروحيـن
لا تحسبيني بأنثر الدمـع وأنهـار
و إلا بترجى و أطلبك ما تروحيـن
روحي عسى دربك بساتين وأزهار
روحي وغيري بالمخاليـق تلقيـن
صحيح لك بالقلب حشمه ومقـدار
لاكن شسوي لـك إذا مـا تحسيـن
قلبي لا منه عشق حيـل مـدرار
و من الغلا عنـدي يكفـي ملاييـن
لي قلب يحبك بالجفا صار جبـار
أقدر أفارق و أهجـرك لا تخافيـن
يا بنت أنا لي عزتي و بآخذ بالثار
و بأنصحك لا رحتي إصحي تنادين
ماني براجع لا تقولي وش صـار
لا تسألينـي ليـه أنتـي تعرفيـن
يا مـا عطيـت لغيابـك أعـذار
أقدر أفارقك قلـت لـك لا تحديـن
و ألحين لو تنهمر عيونك أمطـار
ما أرجـع لـو بحبـي تجاهريـن





مداخلة متواضعة اتمنى ان ترقى لمستوى قلمك الجميل


سلمت يداك

و لاتحرمنا جديدك
كاتم العبرات
2008- 4- 25, 10:19 AM
:c8::c8::c8:

ود الودود


مداخلتك أرتقت العلالي و المجد

فكانت الروح للقصيدة إلي كتبتها

وكما تعرفين لا فائدة للجسد بدون روح


ود الودود


لا أعرف كيف أصف روعة قصيدتك

لأني امام عظمتك الشعرية أقف مكتوف الايدي

ولكن راح أقول كما قلتي

روحي عسى دربك بساتين وأزهار
RtooSH
2008- 4- 26, 01:21 AM
وان جيـت تطلـب .. ترتجيني اسامحـك ،،، بهديـك طعنـه من بقايـا طعـونك
اللـه اللـه اللـه

مرارة خيـانه وعتـب محـب وعذوبـة كلمـات ، تسلـم يمينـك كـاتم العبـرات

رااائـع عسـاك دوم متـألق كذا

تحيـتي .. اخـوك رتـوش
كاتم العبرات
2008- 4- 26, 05:55 AM
:c8::c8::c8:

هلا و غلا ومراحب

بأخوي رتوش


منور الموضوع بحظورك المميز

يسلموووووووووو خيوووووووو