تعالوا أنصحوني وشوروا علي محتاره والوقت رااااح علي .......

[رنو]

السلام عليكم ورحمة الله وبركاته


كيف الحال عساكم طيبين وبخير ياوجيه الخير .....

حبيت أستفسر منكم كم إستفسار غاثني وأبي مشورتكم

أنا موادي 7

التلاوة والتجويد
القراءة والمحادثه
أنجليزي قراءة
النحو1
مبادئ الإداره
مبادئ الأحصاء
مهارات التعلم والتفكير

الزبده من هالكلام أنا موب كل المحاظرات المسجله حظرتها
وأفكر بيني وبين نفسي أني بذاكر من المحتوى لأني الحمدلله طبعتهم وخلصت ...

محتاره لازم أتابع المحاظرات ولا موب لازم...........

أشيروا علي وش الماده اللي تحتاج متابعه مع الدكتوور مع العلم اني حاولت احظر للأحصاء محاظراته بس للأسف إذا وصلت نص المحاظره فصل ورجع ثاني مررره وهكذا يعني بس تظييع وقت ع الفاضي ودي أذاكر من المحتوى وارتاااااااااااااااااااح ...

والسؤال الثاني اللي ذاكر الأحصاء هل وجد صعوبه مثل اللي حصل معي أحس الماده دسسمه والدكتوور معلوماته كثيره مرررررررررررررررره ...وإذا عندكم ملخص إحصاء جيبوه لي ...


أنتظركم
محبتكم في الله

رنـــــــــــو

[أبو عبدالله13]

اعتقد لازم تسمعي المحاضرات الخاصة للاحصاء والادارة والنحو1

[معسولة المبسم]

وعليكم السلآم ورحمة الله وبركاته
بخير الله يسلمك رنو
شوفي مادة القراءه والمحادثه ومهارات التعلم لاتفكرين تحضرينها أبدآ
اللي ضروروي تحضرينها <<الأنقلش +التجويد لأن فيه أحكام :119:
والنحو <<أكيــــــــد لازم تحضرين محاضراته ولأ شلون بتفهمين القاعدآت
<<إلا إذا كنتي دآآفورهـ :53:

[حلا دنيتي]

انصحك تشوفين نحاضرات ( النحو + الإحصاء ) >> التلاوه ماقد اخذتها للحين

خلصي هالمادتين و اذا لقيتي وقت شوفي غيرهاا

مباادئ الإحصاء جداً حلوووه احنا استصعبناااهاا مثلكم بس الدكتور ماقصر صح ان شرحه ينّوم بس يفهّم

حملّي محاضراته و شوفيهاا و ترى حذف لناا جداول و عطانا أسئلة مراجعه نصهاا جت بالاختبار

بالتوفيق

[my Dreams]

خلصي الاحصاء والنحو وذاكري من المحتوى الباقي سهل بعد ما تخلصي النحو ةالاحصاء ذاكري الانجلش انصحك خلي ثلاثة ايام لكل مادة الاحصاء والنحو والانجلش

[ام رركاز]

شوفي حبيتي انصحك تحضرين التلاوة والتجويد+ مهارات التعلم والتفكير

بس النحو1 راح تفهمينه من محتوي كذلك القراءة والمحادثه ومبادئ الاداره أما انجليزي قراءه والاحصاء ماخذيتهاا

بالتوفيق

[RoshoF]

الإحصآء آحــلىْ ىْ ىْ مآده :biggrin:

مع إني مآ كنت بآلعتهآ بالبدآيهـ بس ترى آكثر شيْ حـفظ

إطبعيْ المحتوىْ وإحفـظيْ مآ يحتآج تطآلعين محآضرآته

الليْ لـزووم تشوفين المحآضرآت ( التلاوه - المحـو ) <<< متعمده تحطهآ محـوو :biggrin:

[نبـراس شمـر]

.

.

اسمعي كلامي وماعليك من احد .. صدقيني ولا ماده تحتاج انك تحضرينها , لانها ببساطه كلها حفظ ماهي فهم عشان لازم يكون فيه احد يشرحله ,
ذاكري من المحتوى بس خليك مركزه شوي وراح تشوفين بنفسك



موفقه يارب

[رنو]

ياملا العافيه كل أبوكم اللي جابوكم

...


ودي أرد عليكم كل أبوكم وأشكركم بس والله مايمدي

المهم ياملا العافيه نصايح بالصميـــم الله لايخليني برووح أذاكر الأحصاء من الأسئلة اللي نزلها دكتورنا

كل شي فيها مراجعه وأسئله ,,,

ومادة التلاوة خلصت 10 محاظرات بقت اربع بخلصهن وأرتاااح

وبالننسبه لمهارات التعلم الدكتووور راعي قرق مايقضي حتسيه بحاول أذاكر من المحتوى

وبالنسبه للقراءة والمحادثه يعجبني أسلوبه لو أسمعه بنجح

وبالنسبه لمبادئ الأداره عاد متمضحلتن سالفته <<<<أتحدااكم تفهمون وش قلت
ألمهم أنه ماينفع معه لامحاظرات ولا كتاب ولامحتوى كل شي به متبجس بالمختصر يدبل التسبد

شكلي بذاكر من أسئلة أخونا الساحر ماشاء الله أسألته كثيره وحلوه

أما بالنسبه لمادة النحو يبيله تمقل بالمحاظرات زين مازين

أما الأنجليزي متكلتن على الله ثم على المدرسه بس يبيلي من يترجملي كلامها لأنه نصه ماينفهم

......................

وسلامتكم كل أبوكم <<<<ماسكه على هالكلمه اليوم

رنــــــــــــــو <<<<أختكم كل ألبوكم اللي جابوكم

[بدويه]

انتي وفهمك يا رنو

أنا عني الاحصاء ضروري مليون في المية لازم احضره وملاحظات وقلق واحفظ بعد وف الاخير طلعت حلوة لأني تعبت عليها
التلاوة ليتني حضرتها كلها مع الدكتور كان جبت علامة أحسن من اللي جبتها
النحو لازم ولابد و كل الاشياء اللي تلزمك تشوفينها النحو =حفظ+فهم
والانجليزي بعد لازم تحضرينه
الباقي أتوقع تقدرين تاخذينه محتوى وبس