English 101

[Nada Mohammed]

السلام عليكم و رحمة الله و بركاته

انا حبيت اساعدكم في الانجلش و اقولكم كل شي عنه

اولا طريقة المذاكره :

اولا الحل عندكم موعند الدكتور ,, مهما حذف و قلل الدراسه انتوا الحل منكم مو منه

لا تعقدو نفسكم في الانجلش و تقولو عنه صعب ,, لانه مره سهل

لا تقولو عشاني شاطره في الانجلش اقول كذا -___- ,, بس الواحد لا يعقد نفسه في اي شي بحياتو عشان يعرف ينجح و يرتقي

و ترا الانجلش يبغالو بالكثير يوميين زي العسل ,,

اقولكم كييف


تمسكوو الانجليزي (( محتوى المقرر)) حق كل المحاضرات

الي يعرف انجلش و الانجلش حقوو كويس يذاكر و يقرا و يفهم و لا يكابر عالماده

اما الي ما يعرف

يجي و يقرا المحتوى بالانجلش و يدرب نفسوو و بعدين يخش

هالموقع

http://translate.google.com.sa/#en|ar|

ويعتمد على نفسه و يترجم كل كلمه ما يعرف معناها ((لان ما في وقت اترجم و في مواد انا متأخره فيها ))

و كويس تعتمدو على نفسكم في شي ,, ريااضه للاصابع و للعين و للمخ عشاان تعرفو كلام جديد

اما القواعد ,, هنا نسوي لها ستوب الموضوع حق الانجلش حق رمز احنا شارحين الين المحاضره الرابعه

كان هناك الاعتماد على الله ثم علينا , اما هنا الاعتماد على الله ثم كل واحد على نفسو

تيجي عن القاعده عند الفقره الي ما فهمتها و ترجع للمحاضره حقتها قدمها الين ما توصل عند الفقره الي ما فهمتها بعدين اسمع الشرح

ما فهمتها تعال و حط الي ما فهمتها و انا اشرح اي شي

كذا انا حليت لكم اي مشكله في الانجلش

ما عليكم الا انكم تشدو حيلكم لان ما في حلاوة بدون نار و لا معجنات بدون فرن :(269):

الكلمات >> عندكم جوجول ترانسليت ,, ترانسليت يعني ترجمه

و تترجمو الكلمات الي ما تعرفوها

والقاعدات ترجعو للمحاضره ,, ما فهمتو ترجعو للمنتدى هنا

و ان شاءالله الكل الـ A+

[لاكوست]

يعطيكـ العافيه

ماتقصرين

بعد أذنكـ كبرت الخط شوي لأنه صغير مره

[Nada Mohammed]

خذ راحتك :53:

[ملاذ الصمت]

ألف شكر
ماااااااااااااقصرتي

[ملاذ الصمت]

لو سمحتي ندو حابه تشرحيلي القواعد في المحاضره الثامنه اللي تتكلم عن
Many,a few,few,طبعا اللي تتعلق بالااسماء المعدوده وغير المعدوده
ومتى نستخدمها
أنلحس عقلي :Cry111:
ذاكرتها بس لمن أرجع أحل الأسئله اللي بعدها
احس القاعده في وادي والأجابه في وادي
أتمنى تفهميني كيف جت الأجابات في الأسئله على أي أساس
والله أدري مو فاضيه لنا بس مانزلت سؤالي ألا بعد ماعجزت:mh318:
وياويلكم لو واحد يضحك على سؤالي:mad:
خصوصا الفاهمين

[ǺĽ ẕeeห]

ماتقصرين حبيبة البي "

[Nada Mohammed]

لو سمحتي ندو حابه تشرحيلي القواعد في المحاضره الثامنه اللي تتكلم عن
Many,a few,few,طبعا اللي تتعلق بالااسماء المعدوده وغير المعدوده
ومتى نستخدمها
أنلحس عقلي :Cry111:
ذاكرتها بس لمن أرجع أحل الأسئله اللي بعدها
احس القاعده في وادي والأجابه في وادي
أتمنى تفهميني كيف جت الأجابات في الأسئله على أي أساس
والله أدري مو فاضيه لنا بس مانزلت سؤالي ألا بعد ماعجزت:mh318:
وياويلكم لو واحد يضحك على سؤالي:mad:
خصوصا الفاهمين

لا محد بيضحك عليكي الي يضحك عليكي اذبحوو :41jg:

و يا حبيبتي انتي تأمريييين بأي سؤال و في اي وقت

وهذا الشرح :

Many , a few , few , some , several = used before countable nouns
countable nouns ,,, nouns that can be singular and plural
example: boy , car , door , page , girl , house .....etc

يقولك هنا , some, several , many ,a few , few تستخدم قبل الاسماء القابله للعد
القابله للعد التي ممكن ان تأتي منها كلمتا مفرده و جمع
مثال على الاسماء القابله للعد: ولد , سياره , باب , صفحه , بنت , بيت .... الخ

much , a little , little , some = used before uncountable nouns
uncountable nouns ,, nouns that don't have singular or plural forms
example: water , sugar , snow , money , food , milk .... etc

هنا much , a little , little , some = تستخدم قبل الاسماء الغير معدودة
لأسماء التي ليس لديها أشكال المفرد أو الجمع
مثال : ماء , سكر , ثلج , مال , اكل , حليب

A , An , each , every = used before singular nouns

A , An , each , every = تستخدم قبل الاسماء المفرده

any = used in negative an questions

any = تستخدم في النفي و الاسئله

some= used when we offer something

some= تستخدم عندما نعرض شيئاً

examples = امثلة
1

I was very hungry .I ate ........ food
الخيارات هي : many , little , much , a few
بعد الفراغ عندنا كلمه food = أكل و الاكل غير معدود
فحنستخدم شي مع الاسماء الغير قبله للعد much او little لانهم جايين في الخيارات

بس ايش الاصح فيهم هي much يعني كثير لان مكتوب i was very hungry = انا كنت مره جوعان


2

students will pass the test. it is very easy...........
الخيارات : a few , some , a few , many

بعد الفراغ جاتنا كلمة students = طلاب او طالبات ,, الطلاب شي معدود الي الفصل او في المدرسه او الجامعه كل الطلاب معدودين

فحنختار شي يجي مع المعدود الي هوا many , a few , few هذا الي موجود في الخيارات

بس نفهم الجمله يقولك students will pass the test . it is very easy = طلاب حيعدو الاختبار ز هوا مره سهل
يعني حيعدو طلاب كثير فحنختار many = كثير

3
fortunately ............ people died in the terrible accident
الخيارات: a many , some , few, a few
لحسن الحظ ........ الناس الي ماتت في الحادث الرهيب
هنا people = الناس شي معدود حنختار many , a few ,few
ما حنختار many = كثير
يبقى لنا a few , few ايش حنختااااااااار :biggrin:

a few = بعض - بضعة ,,, few = بعض - قليل - قلة

الجمله تقولك انه لحسن الحظ في ناس ماتت في الحادث حنختار few لان قله ما حنفرح اذا ما توا ناس كثير ف ماتو ناس قليل نقول الحمدلله افتكينا منهم >> تمزح :cheese:

4
he was very happy , he won ........ money in the project
الخيارات : many , much , little , a few
يقولكم هوا كان مره فرحاان و هوا فاز ...... فلوس في المشروع

الفلوس شي غير معدود يعني حنختار much or little
و يقولك هوا مرره فرحاان يعني اخذ فلوس كثير اكيد فالجواب حيكون much و دامها فلوس مشروع يعني كثيره

5

student should have he textbooks.........
الخيارات : many , some , every , all
الطالب لازم يمتلك الكتب المدرسية
شوفو الخيارات ,,, many = للجمع , some = للغير معدود ,, all = الجميع

و هوا اصلا طالب واحد ,, و every تستخد قبل المفرد فنختارها لانها المناسبة

6

....... i didn't like the food , i ate

الخيارات: much , many , little , few

انا ما عجبني الاكل و انا اكلت .... > اذا ما عجبني الاكل اكيد اني باكل شوي مو كثير

و الاكل شي غير معدود يعني حنختار ,, little

7
I read ........ books about English literature

الخيارات: a little , several , much , every

a little , much = للغير المعدود ,,, every = للاسماء المفرده

و احنا عندنا كتب يعني جمع و معدود حنستخدم several

8

I haven't seen ........ students at university on friday

الخيارات : many , some , any , a few

في نفي في الجمله قبل الفراغ نختار على طوول any مع النفي

و ان شاءالله اني ساعدتك

[ملاذ الصمت]

ياااااقلبي ألف شكر:love080::love080:
والله توني فهمت
من جد ماشاءالله شرحك رائع:d5:
أش رايك تدرسين بدال الدكتور ,على الأقل بتوصلين لنا المعلومه صح
مااااتقصرين كفيتي ووفيتي
جزاك الله خير ويارب +a

[ملاذ الصمت]

بعد أذنك Nada Mohammed
شوفوا الرابط هذا حطيته هنا عشان الكل يستفيد
شرح أخت فيزيائيه من قسم التربيه الخاصه للقطع
وأتمنى الكل يستفيد
دعواااتكم لي
http://www.ckfu.org/vb/t126721.html

[Nada Mohammed]

الحمدلله عجبك الشرح و فهمتييه :71: اي خدمه ثانيه انا موجوده و ما عندي مانع اشرح بدال الدكتور لو بدون راتب :love080: و عادي الموضوع موضوعك