لكل من عرف حلمي الامل ارجو الدخول

[حلمي الامل]

السلام عليكم
صبحكم الله بالخير جميعاً


ارجوا انو مايكون ازعجتكم لكني صراحه مادري ايش اقولكم

الزبده وخلاصه الموضوع اني ماعاد اقدر اكمل الجامعه
احس اني تنحت وغير كذا ماقدرت اركز في المذاكره
اصلا مو قادره اركز في حياتي

ارجو ان ايامي السابقه اللي عرفتوا فيها حلمي الامل ماتكون ضايقتكم
وارجو ان تسامحوني
واستروا ماواجهتوا

وجعلكم تجيبون ارقى الدرجااااااااات وتنجحون :119:

كنت هنا في يوم من الايام وارافقكم
ولاانسى السيد بلاكي الموقر في انه هو المسبب الرئيسي لترك الدراسه
لااخفيكم سراً<<<<<<<< متعوب عليها
اني من جد ضايق صدري عشان اني بترك وحلم ابوي فيني اني اكمل

سامحني يابوي ودي ارفع راسك مثل اخواني
ودي تشوفني مثل ماودك

بس ماقدرت
امس مو مثل ا ليوم
وللحين اقول ان حلمي كبير وحلمي الامل
وراح احقق حلمي
وبيجي هاليوم اللي اشوفه قدامي بإذن الله تعالى


دمتم بخير جميعاً



مع السلامه:53:

[قمر السعودية ~]

يؤؤؤ الله يهديك بس
وش تتركين وما تتركين ؟؟
المشاااكل موجوده بكل الجامعاات وترى تعتبر جامعتنا من اهووون الجامعات بالمشآكل
من واقع تجربه
انا درست سنه بجامعه قبل هذي وربي بغت تطلع لي قرووون كل يوم اصبح اهلي بصيآح وامسيهم بصيآح :71:
وترى حطييييهاا ببالك غيرك كثييييييييييييييير يتمنون يكونون بمكانك

اقول اعقلي وذاكري وارفعي راس اهلك يالغلا وحققي حلم ابوك الله يحفظه

[علي السحيمي]

هذا هروووب

مازال قدام

الطموح والصبر

كل شىء متوفر ومازل هناك ايام باقيه

اكوني اكثر تفائل اختى لاتتركي حلم ابيك

لا تأخرى الحلم اكثر من اللازم نحن هنا


نتعاون لتحقيق امل وحلم كوني معنا لاتتركينا

ترى الاختبارات باقيه عليها ومافي شىء يستاهل

وانشاء الامور كلها تنحل

اسمعي نصيحه أخوك وكملي

اتمني لك التوفيق :119:

[عزتي بسمو ذاتي]

لااااااااااااااااااااااااااااااا اختي لاتتركييييييييييين الجامعه
كملي وادعي ربي انه ييسر لك
هذي جامعتنا مثل ماقالت اختي اهون الجامعات مشاكل وانا مجربه انا طالعه من جامعه كنت منتظمه وشفت فيها الشششين
بسس قلت بكمل مهما صار ودخلت مطور
صح فيه اشياء شوي متعبه بسس اهون بكثيييييييييير من غيرها
كوني اقووووى من كل ششي
حققي هدفك
واسعدي والدك
وحنا معك كلنا هنا نتعاون لان الكل هنا حاااسين في بعض
استخيري قبل تطلعين
هذي حياتك اتعبي نفسسك بششي هادف
ترا وقت فراغنا كبيييير ولازم نكمل ونتخرج
تناسسي التعب
وتذكري بكرا وش بكون لك
وثقي بالله ولاتتحطمييين
انا عندي مواد علميه مثل منتي عارفه وانا قسم ادبي
لكن احاول لان حطيت ببالي مافيه شي صعب
اتمنى انك ماتتسرعيين
وثقي بالله وادعيييه ان ييسر لك
وبالتوفييييييييييق للجميييع يارب
اختك
:love080:

[فيصل الشعلان]

نصيحه كملي وجربي حظك صدقيني لو انك مافتحتي ولا ماااده

يمديك والله يمديك غيرك كثيييييييييير للحين مايدرون وش محتوى المواد

كبري عقلك شوي ولاتنسحبين ع اخرها

الموضوع سهل لاتصعبينه ع نفسكـ

[ابو نايف2004]

اختي الكريمة / اخواني الكرام

السلام عليكم ورحمة الله وبركاته،

تدرون وش مشكلتنا اللي الاحظها في 70% من الناس المشكلة هي الإنهزامية والخوف والإستهانه بقدراتنا. تصدقين عاد موضوعك حصل في وقت انا فيه عندي مشكلة بالعمل وهي ان اسم القبيلة وقف عائق اني انقل لوظيفة افضل والمشكلة من قبيلي اخر. طيب انا الان استقيل واجلس واحط يدي على خدي واقول انا ما اقدر اكمل خلاص تنحت. طبعاً لا وألف لا. والآن انتي اختي واسمحي لي يعطونك 30 درجة على طبق من ذهب وانتي تقولي ما اقدر اكمل ولو قالوا لك الإختبار من 100 درجة وما جبتي درجة النجاح اللي هي 60 درجة مش قهر. اختي اعيدي ترتيب اوراقك وتوكلي على الله قبل البشر ثم على مجهودك. اضعف الإيمان حاولي حتى فترة الإختبارات وادخلي الإختبار وشوفي كيف بيكون معدلك. لإنك في كلى الحالتين خسرانه حيث انهم ما راح يردون لك فلوسك ولا انتي اللي جربتي نفسك.

ملاحظة: انا دوامي من 7:30 وحتى 4:00 العصر وموافقة الشركة على اني اجازة يوم الإختبار فقط والآيام اللي بينها اداوم. وش رايك؟؟؟؟؟؟؟؟؟؟؟

نصيحة اخ مرمطته الحياة لا تنسحبين وخليك قد التحدي.

وفقنا الله واياك لما يحب ويرضى

[خاطفة الانظار]

أختي الغاليه
اسمك جميل ويعبر عن الامل والتفاؤل
ويجب ان تكوني كذالك
الحياه صعبه ولاكن بقليل من الصبر والاجتهاد يكون النجاح
فكري في ابوك وحلمه بك
وكوني مثل ما يبغى
فكري في نفسك وطوري من ذاتك وقدراتك
صدقيني ان جلست في البيت مده طويله بعد الثانوي كثير ناس من حولي تغيرت حياتهم وانا مكاني مافيه شيء تغير في حياتي وهاذي السنه قررت اني اواجه كل صعوبات الحياه واكمل تعليمي وهاذي فرصتي الوحيده ولازم اكون قدها وابذل كل اللي في وسعي واترك الباقي على الله
اتمنى تراجعين نفسك كثير ولا تستعلجين في قرارك واستخيري
وبإذن الله كل أمورك تتيسر
وفقك الله وسدد على درب الخير طريقك

[دلوعة الخليج]

اسمك ما يدل على انك انهزاميه وسريعة الاستسلام

كلنا عندنا ظروف وضغوط لكن لابد نفكر بعقل اشوي

العمر يمضي والحين يمكن ظروفك تسمح تكملين

بس بعدين ما تعرفين وش تجد من ظروف وتتحسفين على ضياع الفرصة

والفرصة تمر مر السحاب ضغطي على نفسك يوم ويومين وبعدها امورك راح تتسهل

ولا تحطين في بالك عقلي تنح ولا اقدر لانك بجد راح تحبطين وخصوصاً ان العقل يترجم

كل ما يقال قولي انا بكمل وقادرة واليوم استيعابي افضل وراح تشوفين انه بجد افضل

فكري كويس ولا تتسرعين

[عيونك دنيتي..]~]

ششوفي ياااختي انا مااعرفك ..ومن قسسسم ثاااني ..
بسس لفتني الموضووع وجيت اقراه..
لاا تنسحبين والله العظييييم ان يمديك تخلصين وتنجحين حتى بأسبوعين يمديك تخلصين المواد كلها
بسس شدي الهمه واعزززمي وربي بسهلها انتي خلصي هالتررم وبعدين قرري اذا تنسحبين او لا ..
واالله يكتب لك الي فيه الخيرر..
وانتي بمثابة اختي واتمنى لك كل خير والله يقدم لك الي فيه الخير..:119:
اختك..
انتصصار..:106::love080:

[هشام 2010]

أضم صوتي لأخواني وأخواتي

فكري بالموضوع أكثر

ومابعد التعب الا الراحة

تمنياتي لك بالتوفيق

[وديني لعيونك]

أختي
فيه بيت يقول

يامدور الهين ترا الكايد احلى


فيه موظفين وموظفين وطلاب وناس دوامتهم تعب ومازالو مصرين يخلصون
جامعتنا وفرت اشياء كثيره لرغباتنا يكفي 30 درجه بين يديننا
هذي كنز
كلنا نتعب ونكره انفسنا احيانا بس لولا الامل بالله ماكان كملنا
اتركي الاحباط والانهزاميه واجلسي بينك وبين نفسك وحددي اهدافك وطموحاتك
ارفعي راااس ابوك اللي تعب عشانك وامنيته يفرح بنجاحك باقي وقت تشدين حيلك فيه
اذا انتي تحبينه كملي

[M7TAR]

اختي حلم الامل
بصراحه معك حق البلاك بورد يجيب المرض المزمن ولكن
انتي تتبعين هواك فارجو من هواك ان يغير مساره الذي هو سبب اتجاهك الان
كلنا ما قدرنا نفتح البلاك بورد ويجب لنا المرض لكن مشكله تقنيه ولازم نصبر عليها
انا وجت الوقت المناسب للبلاك بورد الساعه الواحده صباحا يفتح وتسولفين وتستمتعين
فيه الى الساعه الثالثه صباحه لانه ما يعطي وجه دايم يحقله الكل محتاج له :(284):
اختي الفاضله
انتي استمريتي كل هذا الوقت ويوم جينا للنهايه تنسحبين :mh12:
هنا انتي خسرانه من الناحيتين الماليه والعلميه :(107):
ارجو منك ان تتحملين شوي وتكملين هاليومين الباقيه وبعدين قرري ياباي يا تكملين
وصدقيني رح تكملين لكن الان تواجهين ضغط نفسي وخوف طبيعي :hhheeeart4:وكلنا نمر فيه
هذا الخوف يجي دايم قبل ايام الاختبارات بقتره كله توتر نفسي فقط
اغلبنا موظف ولا عنده اجازه ومهبل فيه البلاك بورد وبرضو مصر على انه يكمل وينجز
اقول وبكل صراحه خلي عنك لعب ودلع البنات خليك بنت ((قدعه :d5:)) زي البنات الباقيات مشاء الله
صحصحي يا بنت انتي بلاشي من اللعب الفاضي :oao:<<<<<<<<قلب مصري الاخ


امنيتي لكي التوفيق

[Miss Lambert]

أختي
فيه بيت يقول

يامدور الهين ترا الكايد احلى


فيه موظفين وموظفين وطلاب وناس دوامتهم تعب ومازالو مصرين يخلصون
جامعتنا وفرت اشياء كثيره لرغباتنا يكفي 30 درجه بين يديننا
هذي كنز
كلنا نتعب ونكره انفسنا احيانا بس لولا الامل بالله ماكان كملنا
اتركي الاحباط والانهزاميه واجلسي بينك وبين نفسك وحددي اهدافك وطموحاتك
ارفعي راااس ابوك اللي تعب عشانك وامنيته يفرح بنجاحك باقي وقت تشدين حيلك فيه
اذا انتي تحبينه كملي


كلام جميل لاتتسرعي ترى بالعجله الندامه انتي اخذي نفس يومين ارتاحي:(204): هاثم ادخلي
الدنيا ما تسوى ونتي قاعده بالبيت:(177):

اجل ليش مسميه نفسك بالاسم عشان تتحطمين ولا تتفائلين

تقبلي مروري:106:

[سعد الساهر]

:Cry111: تكفين لا لالالالاتسوينها لالالالا ما اقدر

حاولي علشاني ان شاالله بتنجحين

[احساس الغروب]

ذاكروا والباقي على الله
انا متاكده الله مايترك عبده المؤمن ثقو بالله بس

[شمعه أمل]

والله انكم بالفعل اخوان واخوات


ومن هنا نطلق حمله لالالالالا للهروب والتراجع


ونعم نعم للمواصله والأمل


وياااااااحنا ياااا البلاك

خخخخخخخخخخخخخ



حبيبتي اعتبريه تحددي


وانتي ماترضين بالهزيمه ابدا


يالله خلك قوووويه وشربي ريد بول وقدمي الاختبارات

هههههههههههه

ربي يوفقك ويسهل لك دروبك

[A L M a i s t R o]

بكون قاسي معاك وبأختصار لك كل الكلام

اتمنى ان تضعي معرفك((حلمي الامل)) في مزبلة التاريخ..أنتي لاتستحقينة فعلاً

ضاع طموحك اولاً وطموح اباك ثانياً..بسبب انهزاميتك ونظرتك السلبية واختلاق الاعذار الواهية

قال بلاك بورد قال:017:

^
^
^
^

اعيدي ترتيب اوراقك..لازال للمجد بقية:d5:

[Ŗφđч]

هلا خيتووو

فدييتج لا تتسرعيييين وتطلعييين

زي مااقاالوا البنااات كلنا نعاني من مشااكل البلاك ويرتفع ضغطنا ونكره انفسنا
وحتى البجي نبجي

لكن وربي كل هذا يهووون قدام تحقييقج للهدف اللي تطمحيين له في باااالج

المفروض دامج حااطه حلم في بالج تحققينه لو مهما يصيييير لج

صلي ع النبي وهدي نفسج وان شالله خييييييير :119:

وبالتوفيييق :106:

[ولد حبيل]

أن اقول صلي صلاة الستخارة وكتلي علي الله

[لاشيء يستحق]

ماقصروا الإخوان

انا بقول لك هذا البيت بسسس


لا تحسبن المجد تمرا انت آكله...لن تبلغ المجد حتى تلعق الصبر :106:

[яαησσѕнα]

وربي كفويتو ووفيتوو يأحلى قسم بالدوونيا :53:

حلمي الامل استخيري ربك
اللحين على وجه امتحانات وتوك جايه تنسحبي

مثل ماقالو لك خواتي واخواني


اتعبي شوي وبترتاااحي كثير
واذا جاز لك الوضع السمستر الجاي كملي مووو اللحين تنسحبين

وبالتوفيدز :106:

[فراشة حائرة]

اختي حلمي الامل نصيحة مني اكملي ارفعي راس ابوووك فيك لاتخيبين املهم فيك طيب ايش اقوول لك عن نفسي بيت وعيال وناس داخلة وناس خارجة وتعب وارهاق ومسؤولية كبيرة على عاتقي لكن من اجل النجاح والشهادة الي ترفع الراس اااتحمل كل شي وكل شي يهون فكري وصلي واستخيري ربك لالاتتسرعين

[لبى قلبي90]

وينها وينهاااا جيبوووهااا لي ابذبحهااا يكفي خبيطي المفهي احل عنه واسوي كل شي مو ناااقص الا اتلثم وامتحن ~>> موافقين يالربع :cool:

بس جد بصيح من هالسالفه :Cry111:

مافي شي صعب كنت مثلج بالبديه والحين بتخرج :smile:
وياحلات التخرج
الله يوفقكم وابقي مكانج بلا هياااط

اذا تبين اساعدج مو مشكله:(204):
واذا تبين اشرح لج انت وخبيطي مو مشكله ~>> قولي قسم هع

[aa2aa]

اختي الحياة فيها عقبات كثيرة لازم الواحد او الوحدة تتجاوزها

والله يوفق الجميع

[SMART.BOoOY]

تعآآلي تعآآآلي

وش تتركين ليش طيب صعب يعني ندري فيه صعوبة كلنا يعني كلنا نترك الجامعة بالله هذا حل


هذا مستقبل والله مستقبل وتخصص حلو بل رائع والاختبارات كلها اختيارات يعني راح تمشين

غصب طيب . :hahahahahah:

مع احترامي قرار :mh12:


:biggrin:

[أبو رائد]

لا تستعجلين في هذا القرار
وبعدين وش انتي خسرانه خذي الدنيا بالطول وبالعرض ..
لو رسبتي في اي مادة في هذا الترم لا قدر الله شيلي معك المواد وعلى الترم الثاني ..
واللي ما يخلص اليوم يخلص بكره :064:

[حلمي الامل]

:bawling::bawling:

كلكم على عيني وراسي بس
مادري وش اقولكم
مو ضعف ولاهو استسلام
هي ظروف الوقت

تخيلو انا جنيت على نفسي

يعني اختاري
ياعملك
او دراستك
وقت الاختبار مو في صالحي
من 3 ونص وانا ادخل البيت في هالوقت
والاقي كل امور البيت مرميه على كتافي لا وهذا مابعد اعرست
الدوام عيوا يعطوني اجازه
من يوديني للاختبار
يالله بالحسره اعطوني اجازه شهر عشان اسافر لظروف علاج لي
وش رايكم بالله
عطوني حل

والله كل ماشفت حافز من اي شخص هنا بالمنتدى
ناس مايعرفوني
وناس ماعرفهم
والله بكيت
وانقهرت

كل ماقلت يابنت الدنيا بتزين
انصكت الدنيا بوجهي

حسبي الله على من كان السبب

:icon9:

لكن صدقوني بحاول بكل جهد

والله لو على حساب نفسي بس :icon9:عشان ابوي
وعشانكم انتم

الله ييسرها وبس

تكفون بس مابي منكم الا الدعاء
الله يوفقنا كلنا اجمعين

[ابواياد]

* تمنع مواضيع اعلان الإنسحاب وترك الدراسة لما لها تأثير سئ على معنويات الطلاب والطالبات الآخرين وايضاً لافائدة من طرحها.
...........

[بناس]

ششكرا ادمن على التنبيه


والله يكون بعونك اختي

[لاكوست]

ماقصرو معكـ الأعضاء

وأتمنى انكـ تراجعين نفسكـ

وقبل كل شئ الدراسة ماتجي بالساهل مافي شئ بلحياة يجي بسهوله