استشاره من طلاب الانجليزي ... فضلا لا أمرا ...

[أسيــــره. ']

فضلا لا أمرا
سجلت الترم هذا واخترت لغه انجليزيه وإن شاء الله ربي يتمم لي

سؤالي .
أنا مستواي بالانجليزي مش اوكيه يعني شبه متوسط هل هذا الشيء بيأثر علي
وش تنصحوني اسوي . هل أثقف نفسي بالانجليزي أكثر وإلا الايام الجايه كفيله
بتطويري .... أتمنى ماتبخلوا علي ... وجزاكم الله خير مقدما ....

[منتسب انجليزي]

^_^

اهلين طالبة

اذا لك رغبه وناويه بجد يعني انك تطوري نفسك والله الانجليزي سهل بس يبي لها اهتمام

ما ادري وش ازيدد لكن عسى فالنا وفالك التوفيق

واكيد شي اكثر من حلو انك تطوري نفسك راح تلاحظي مع الايام ان مستواك تحسن لكن لاتقولين اخليها بعدين من الحين اجتهدي وشدي حيلك وراح توصلين ان شاء الله

[ابوشاهين]

اللغه الأنجليزيه ماهي صعبه بس يبيلها فهم وحفظ ....

حاولي تطوري نفسك في اللغه ....

فيه في youtube مقاطع تعليم لغة إنجليزيه ..

YouTube - ‫ظƒظٹظپ طھطھط¹ظ„ظ… ط¥ظ†ط¬ظ„ظٹط²ظٹ ط¨ط³ظ‡ظˆظ„ط© How To Learn English‬‎ (http://www.youtube.com/watch?v=E6l4tbvqYEI)

هذا المقطع في مدرس اسمه أبو عمر طريقة في الشرح حلوه ومفهومه أنصحك تتابعين كل حلقاته

انا عن نفسي تابعت كل حلقاته

[ثفوي]

اي والله صاجين ترا الانجليزي ماده وايد حلوهـ ومطلوبه بحياتنا شدي حيلج وترا ماكو شي صعب وثقفي نفسسج ترا فرصه ويت لعندج لاتروح منج :106::119: ابدي من الصفر الين ماتصيرين تغردين :(284): بالانجليزي والله يوفقج ويوفقنا يارب:119::mh318:

[قمر شمر]

طور نفسك وكل شي بيجي سهل عقبها وربي يسهل لك ولكل يارب

[متعلم]

والله انا انصح اي واحد يختار التخصص اللي يهواه, وبكذا يجيب معدل كويس علشان المستقبل ما ينفع فيه الا المعدل المرتفع

[أسيــــره. ']

عن جد ماقصرتوا وافيتوا وكفيتوا ... ماأدري وشلون أشكركم .... الحين مسويه لي كورس بسيط
لحفظ الكلمات ... يعني حاجه كذا ... أشكركم من صميم قلبي ... وعساكم على القوه ....

[MANSOUR]

مشكور ابو شاهين

[ابوشاهين]

مشكور ابو شاهين

أهلين وسهلين

العفو ماسوينا الا الواجب

بشرني أخبار كندااا

[الفاتنه~]

يعطيك العافيه ابو شاهين من جد هذا شرحه ممتاز وبسرعه ينفهم ماشاء الله والمعلومات تركز ..
الله يوفقه ويجزاه كل خير ..

طالبة انتساب م

الطلاب ما قصروا بس جد كثير يقولون صعبه
لكن اللي يحب الشي وعنده هدف راح وصل ويصير التخصص سهل عنده

انا عندي اخوي كان ولا يدبر شي بالانجلش كانت اضعف ماده عنده
بس انقبل في جامعة البترول وكلها انقلش مجبور يتعلم
وابوي جاب له معلمين وشرا كتب ومافيه فايده
لكن لما هو بنفسه اجتهد نفع
يقول كنت اسمع السوالف واترجمها في بالي لما اكون بأي مكان معاي نوته وقلم
كل ما اترجم الكلام وتطلع كلمه مو عارف اترجمها بالانقلش
اكتبها واذا جيت اذاكر اترجم كل الكلمات اللي كتبتها في اليوم
ومع الترجمه والممارسه في حياته اليوميه صار تمام في الانجلش
الحين اي شي انجليزي مو فاهمينه او مو عارفين معاه نروح له ..

[أسيــــره. ']

يعطيك ألف عافيه أبو شاهين ... كنت أمس مره مشغوله مع أبو عمر ... تابعت حلقاته الي باليوتيوب كلها
وماأدري فيه غيرها ... ولكن إذا تعرفون موقع أو كتاب يعلم مفردات إنجليزيه ... من النت ماأقدر أبيها مطبوعه زي كتاب
ملزمه ... ويعطيكم ألف عافيه ... أنا مو بس احب الانجليزي ... أنا مصره أثبت لنفسي إني قادره على تخطئ كل المصاعب ... ومافيه شيء مستحيل إلي تعلموا مش أحسن مني ...

[ابوشاهين]

العفو ما سويت الا المواجب

هو فعلا رجل موهوب ويوصل المعلومه بشكل سريع .....

[روبينيا]

هلا طالبة انتساب شوفي انا مثلك سجلت الترم هذا وباذن الله ننقبل انا وانتي وكل وحده مسجله
المهم لغتي مو تمام متوسطه ويمكن اقل بس من اربع شهور كنت احاول رفع نفسي باللغه الانجليزيه مادخلت دورات لكن اعتمدت على نفسي طبعت اهم 500 كلمه انجليزيه
وبتداءت بحفظها لان اهم شي لتعلم اللغه الانجليزيه وهذا رايي انا وبخبرتي انك تحفظين كلمات وبعدها جمل وبعدها تدرسين قواعد اللغه وتقرين كثييير وتسمعين اخبار او اي شي انجليزي
المهم انا وصلت الحمد لله 300 كلمه انجليزيه حفظتها وراح استمر واشتريت كتاب من جرير رووعه اسمه (جذور وكلمات الطريقه الذكيه لزيادة مفرداتك الانجليزيه )فيه 2000 كلمه انجليزيه وتحت كل كلمه صوره معبره له وهذي طريقه سريعه بالحفظ انك تربطين الكلمه بصوره بذهنك وراح تبقى بذاكرتك وماتنسينها ياليت عندي اسكنر كان مسحته ونزلته هنا للاستفاده بسس ماعندي :g2:.
ابدئي الحين واحفظي كلمات وردديها طول اليوم وكل كلمه دخليها بجمله او مشهد تمثلينه خخخ
اهم شي تركز ببالك وبكذا الدارسه ان شاء الله راح تسهل معاك :oao:

[خالد فيصل]

لا تحطمين نفسك انا كنت ميح باللغه واللحين الحمدلله بعض البرامج على بعض التشجيع والحمدلله وشدي حيلك وفالك التوفيق:oao:

[أسيــــره. ']

مشكوره روبينيا انا فعلا بديت أحفظ كلمات ونفس الوقت أخذ من دروس القواعد أما الجمل من فتره طرت على بالي وصرت استخدمها كثير في كلامي أحس فادتني أكثر ... أسمع أناشيد انجليزيه ... أتابع البرامج الانجليزيه .... ومشكوره على اسم الكتاب وإن شاء الله اشتريه ...

[أسيــــره. ']

أشكرك أخ خالد عطيتني دافع قوي ... كثير ناس حطموني بس أنا مصره ... والله في اسبوع تغيرت ... تحسنت لغتي
بالانجليزي ... من كثر ماحفظت كلمات وجمل ... الله يوفق الجميع ... وادعو لي بالتوفيق

[أم احمد و داحم]

انا نفس الشي سجلت بالقسم وانا مش اوكي بس حابه اني اتعلم اللغه وربي يوفقنا

[أبو جنىE]

الله يوفقك

[أبو جنىE]

بالمذاكره مافيه شي صعب
بالتوفيق

[s.alrashedi]

ياليت طلاب الإنجليزي يكون لهم برنامج خاص

حتى نستفيد كلنا

الله يوفق الجميع