جميع استفساراتكم عن الجامعة هنا .. مجابة

[مرآة ذاته ..]

السلام عليكم و رحمة الله و بركاته ،،

الموضوع باين من عنوانه ،، هالموضوع راح أخصصه للرد على استفسارتكم بخصوص الجامعة العربية المفتوحة ..

لا تترددون بالسؤال ..

...


موفقين

[زائرة مهتمة]

وعليكم السلام والرحمة

مشكور اخوي عالمساعدة مقدما

في البداية حبيت اسال عن برنامج ( الدبلوم العام في التربية ) مو التربية الخاصة ..

هل الدراسة فيه بالعربي او بالانجليزي ؟

وقبل ماتجاوب انا بنت مو ولد يعني بتجاوب على اساس القسم الخاص بالبنات .. عُـلم ؟

2 / كم الرسوم الخاص بالبرنامج ؟ وكيف نظامهم وطريقة الدراسة فيها تحديدا ؟

3 / ماهي الاوراق المطلوبة عند التسجيل ؟ وقبل ذلك امتى يبتدي التسجيل الى السنة الجديدة 2011 ؟

اكتفى بهالقدر من الاسئلة عشان تقدر تجاوب عليها .. واذا صار عندي كم سؤال راح ارجع اسالك مرة ثانية

تحملني اشوي .. لاني كثيرة الاسئلة ..

موفق ان شاء الله ...

[مرآة ذاته ..]

أهلاً زائرة ،،

أتشرف بخدمتكم ،،

و إستفسارتك بعضها الإجابات عندي .. و البعض لازم أعرضها على المختصين في التخصص

لأني ما عندي خلفية في برنامج الدبلوم التربوي ..

فإنتظري عودتي بعد الإستطلاع من المختصين عندنا بالجامعة

^^

وفقتم ..

[مرآة ذاته ..]

راح أجاوبك بالمعلومات الي عندي عن الدبلوم التربوي ..

إلى أن تتوفر لذي الأجوبة من المختصين ..

بالنسبة لسؤالك:

هل الدراسة فيه بالعربي او بالانجليزي ؟

اللغة هي العربيــة ..

2 / كم الرسوم الخاص بالبرنامج ؟ وكيف نظامهم وطريقة الدراسة فيها تحديدا ؟

البرنامج ككل ما أعرف كم يكلف بس أتوقع المواد تتفاوت أسعارها على عدد الساعات ..

هذا مثل ما درست أنا يعني الثلاث ساعت مش مثل الثمان ساعات .. الخ

بس أكيد في سعر تقديري للبرنامج بس إن شاء الله يجيني الرد على السعر ،،

أما بالنسبة للنظام فنظام الجامعة مفتوح يعني الحظور راح يكون مفتوح إلا أن هالفترة في تشديد ع الحضور

بالإضافة إلى السهولة و المرونة في جدولة البرنامج كيف تشآئين ،،

.....

بالنسبة للأوراق .. إن شاء الله يجيني الرد ..

أما بالنسبة للتسجيل راح يكون بإذن الله

بداية فترة تسجيل المقررات الدراسية
السبت
5 إلى 2011/2/16

2-13 ربيع الأول 1432

[مرآة ذاته ..]

عودة ،،

الدراسة راح تتطلب فصلين دراسيين ..

الرسوم قيمتها 4500 للترم الواحد بمجموع 9000 للسنة الدراسية كاملة وجميع كتب المناهج تسلم من الجامعه وبالعربي لكن الترم الثاني مناهج وطرق التدريس تاخذيها على حسب قسمك مثلاً وحده قسمها انجليزي تاخذ المادة بالانجليزي مو بالعربي وكل شخص على حسب قسمه


بالنسبة لنظام الدوام إسبوع و إسبوع و إنتِ تختارين الوقت و بإمكانك تخليها الأربعاء عصراً و الخميس طبعاً لو عندك إلتزامات أخرى .. :)

بخصوص الأرراق ،، أوراق التسجيل المطلوب أول شي تقدمي طلب التحاق من الإنترنت وتاخذي الرقم المرجعي أو إطبعي الإستمارة .. وصورة من وثيقة التخرج وصورتين من الهوية وصورتين شخصية

و فيك تبدي من الترم القادم ،،

......

أتمنى قدمت لك شيء مفيد .. :106:

[زائرة مهتمة]

مشكور اخوي وماقصرت عساك على القوة دووم

كفيت ووفيت .. ربي يوفقك في حياتك

نرجع لاسئلتي والله يعينك عليي ..

هل اقدم طلب في النت بالاول عشان اخد الرقم قبل ماروح اسجل في 2 - 13 ربيع او بعد ؟

وبالنسبة للرسوم ندفع كاش لو بالاقساط اقصد في الترم الواحد مو في السنة ؟

القسم الخاص بالبنات وين يكون بالضبط ؟ واي مكتب نروح عشان نقدم اوراقنا ونسجل ؟

ماعلي يمكن تقول اسئلتي عبيطة اشوي .. بس لاني مترددة اشوي وحاسة نفسي ضايعه

مو عارفه من وين ابتدي والا وين اروح بالضبط ؟ :mh12:

وسوال لك شخصيا بما انك درست فيها .. هل نظامهم ودراستهم صعبة والا زينة وتقدر تعدي ؟

واجباتهم شلون صايرة ؟ وكيف اسلوبهم فيها ؟ لو تقدر تعطيني مثال عشان اخد خلفية ..

مع اني شاطرة الا اني لما قريت عنها بصراحة جتني رهبة .. ابي شي يطمني ويشجعني

دعواتي لك بالتوفيق وفي الانتظار ..

[مرآة ذاته ..]

مشكور اخوي وماقصرت عساك على القوة دووم

كفيت ووفيت .. ربي يوفقك في حياتكالعفو ،، و لو ما سويت شيء واجبنا ..

يوفق الجميع يارب ..

هل اقدم طلب في النت بالاول عشان اخد الرقم قبل ماروح اسجل في 2 - 13 ربيع او بعد ؟بالضبط تقدري لو من الآن تقدمي الطلب و تحتفظي فيه كمرجع لك و بأي وقت تروحي تقدمي ،،

أهم شيء يكون عندك مرجع إنك قدمتي معلوماتك للسستم ،،

وبالنسبة للرسوم ندفع كاش لو بالاقساط اقصد في الترم الواحد مو في السنة ؟قبل كان فيه نظام التقسيط ،، بس الحين ما أظن لأن الجامعة متغلية شوي .. :biggrin:

الجامعة لاقية حضور كبير و كثيف .. و ما أظن الحين يتعاملون بنظام التقسيط ..

القسم الخاص بالبنات وين يكون بالضبط ؟ واي مكتب نروح عشان نقدم اوراقنا ونسجل ؟مبنى الجامعة في الدمام .. هو للنساء و للرجال ..

المبنى جديد و منظم ،، يكون بالقرب من دوار التميمي وين معهد المواساة و كلية الغد .. و التميمي حولهم موب بعيدة ..

بالنسبة للمكتب وقت ما يبدأ التسجيل رأول ما تدخلي الجامعة بلتقين أوراق مدون فيها مكاتب التقديم

ما راح تضيعين مثلاً :hahahahahah:

ماعلي يمكن تقول اسئلتي عبيطة اشوي .. بس لاني مترددة اشوي وحاسة نفسي ضايعه

مو عارفه من وين ابتدي والا وين اروح بالضبط ؟ :mh12:شيء طبيعي الواحد لازم يفكر و يحسبها قبل لا يسجل ،،

بس نصيحة شيء فيه علم موب خسرانة لو تعلمتيه ..

وسوال لك شخصيا بما انك درست فيها .. هل نظامهم ودراستهم صعبة والا زينة وتقدر تعدي ؟

مع اني شاطرة الا اني لما قريت عنها بصراحة جتني رهبة .. ابي شي يطمني ويشجعنيأنا أدرس تخصص ITC و التخصص بدون مبالغة حلو و لذيذ .. لكنه و للأمانة صعب

لأن المنهج الي أدرسه منهج بريطاني .. مش عربي

المناهج حلوة و الجامعة نظامها مميز تعلمك شلون تتعب على نفسك ..

لازم تقدم أعمال و تقدم إختبارات .. بصراحه أنا بالنسبة لي زحمة في زحمة

و حقيقة بدون مبالغة الجامعة تأسس الواحد تأسيس عميق

و أهم شيء أنها تعلمك كيف تتعلم ..

أي كيف تعلم نفسك بنفسك .. مش أستاذ يعلمك .. لأنها تعطيك أعمال تسويها و الأعمال تتطلب جهد ..

بالنسبة لك أظنك بتدرسي دبلوم تربوي و ما راح تدرسي مواد غير عربية ..

و أتوقع إني شفت الخطة الدراسية للدبلوم التربوي .. شكلها ممتعة ..

^^

أتمنى كلامي يحفزك لتدرسي و تواصلي

مو تآخذيه من باب ثاني :106:

[زائرة مهتمة]

العفو ،، و لو ما سويت شيء واجبنا ..

يوفق الجميع يارب ..


مبنى الجامعة في الدمام .. هو للنساء و للرجال ..

^^



يعني الجامعة فيها اختلاط ؟!!! والا كيف بالضبط ؟

[مرآة ذاته ..]

يعني الجامعة فيها اختلاط ؟!!! والا كيف بالضبط ؟

ههههههههه

ضحكتيني .. وش إختلاطه :hahahahahah:

المبنى واحد لكن جزء منه للطالبات و جزء لنا الطلاب ..

مش مختلطة ..:lllolll:

[زائرة مهتمة]

ههههههههه

ضحكتيني .. وش إختلاطه :hahahahahah:

المبنى واحد لكن جزء منه للطالبات و جزء لنا الطلاب ..

مش مختلطة ..:lllolll:

هع ^ ـــــ * :mh318: كسحــة .. خجلتني وش دراني اني ؟ مو اقولك تايهة مو عارفه شي

ماعلينا .. قول لي الجامعة معترفة فيها من قبل الخدمة المدنية ومعتمدة في التقديم على

الوظايف لو لا ؟

ماابى اقدم وادرس واتعب نفسي على الفاضي لان في الاخير ابى شهادتي تصير تربوية وبس

[::طموح::]

السلام عليكم

حبيت اسأل الجامعه العربيه فيها دبلومات او دورات انجليزي او حاسب ؟

شكراً أخي ,,

[مرآة ذاته ..]

هع ^ ـــــ * :mh318: كسحــة .. خجلتني وش دراني اني ؟ مو اقولك تايهة مو عارفه شي

ماعلينا .. قول لي الجامعة معترفة فيها من قبل الخدمة المدنية ومعتمدة في التقديم على

الوظايف لو لا ؟

ماابى اقدم وادرس واتعب نفسي على الفاضي لان في الاخير ابى شهادتي تصير تربوية وبس

.. من جد كسحة ..

بالله إختلاط و بالسعودية .. :53:

...

الجامعة معترف فيها في التخصصات التالية:

(برنامج تقنية المعلومات والحاسوب ، الدبلوم العام في التربية ، إدارة الأعمال)

و البقية في طريق للإعتراف حسب الكلام جاري العمل عليها ..

و هالشيء .. من الموقع الرسمي لوزارة التعليم العالي

موقع الوزارة .. الجامعات الموصى بها (http://www.mohe.gov.sa/ar/studyinside/Private-higher-Education/Pages/listphe.aspx)

: )

و إن شاء الله ما يضيع تعبك .. و إذا فكرتي تسجلي و تخرجتي لا تنسينا من الحلآ .. ترى إنتوا كريمين و حنا نستاهل

:33_asmilies-com:

[مرآة ذاته ..]

السلام عليكم

حبيت اسأل الجامعه العربيه فيها دبلومات او دورات انجليزي او حاسب ؟

شكراً أخي ,,



و عليكم السلام و رحمة الله و بركاته ،،

حاسوب لا ما عندها كورسات .. عندها تخصص حاسوب أي بكلوريوس ..

: )

..

أما اللغة الإنجليزية عندها دورات مكثفة في الإنجليزي .. بمعدل 100 ساعة حضور ..

بس أظن لازم تسجلي كأنك بتسجي في الجامعة و تدرسيهم بس ما هم ظمن خطة الدراسة

هم فقط للأشخاص الضعيفين في اللغة .. و هم تقريباً ثلاث دورات مختلفة

بس حقيقة كانت غالية بس مدري الحين كم صارت أسعارهم ،،

كان قبل الكورس يوصل تقريباً بـ 2500 إلى 3000


: )

[@like moon@]

في ماستر بالجامعة :g2: خويتي تبي تدرس عندكم ممكن تفيدوني

[مرآة ذاته ..]

في ماستر بالجامعة :g2: خويتي تبي تدرس عندكم ممكن تفيدوني
للأسف لا ما بها ماستر //

أتمنى تكون الجامعة من ضمن خططها المستقبلية الماستر ،،

....

في بالبحرين ماستر بالجامعة الماليزية المفتوحة ..

: )

[::طموح::]

و عليكم السلام و رحمة الله و بركاته ،،

حاسوب لا ما عندها كورسات .. عندها تخصص حاسوب أي بكلوريوس ..

: )

..

أما اللغة الإنجليزية عندها دورات مكثفة في الإنجليزي .. بمعدل 100 ساعة حضور ..

بس أظن لازم تسجلي كأنك بتسجي في الجامعة و تدرسيهم بس ما هم ظمن خطة الدراسة

هم فقط للأشخاص الضعيفين في اللغة .. و هم تقريباً ثلاث دورات مختلفة

بس حقيقة كانت غالية بس مدري الحين كم صارت أسعارهم ،،

كان قبل الكورس يوصل تقريباً بـ 2500 إلى 3000


: )

مشكور ما قصرت الله يعطيك العافيه ,,

[مرآة ذاته ..]

مشكور ما قصرت الله يعطيك العافيه ,,

يعافينا و يعافيك ..:106:

[زائرة مهتمة]

مشكور اخوي وماقصرت

عساك عالقوة دووم

بس انت متاكد انها معترف فيها 100 % ؟ !!! لان لما دخلت موقع الوزارة مكتوب الجامعة العربية فرع الرياض

فقط .. هل يعني ان فرع الدمام مو من ضمن الجامعات المعترف فيها ؟ >> ابى جواب اكيد مو يمكن وسمعت

واحتمال ومادري شنو .. الخ

وسؤال اخير ... رحم الله والدينا ووالديك .. في بعض المصطلحات الخاصة بالجامعة مي مفهومة مثل //

وش معنى اسبوعي الحذف والاضافة ؟

بــــانـــتــظار الــرد مشكـورا ... واســتـر على ماواجــهــت ...:oao:

[مرآة ذاته ..]

أهلاً زائرة ..

كثيري من هالدعوات ترانا محتاجين .. :(204):


....

بالنسبة لمعترف فيها فأكيد 100%

فرع الرياض المعترف فيه و الفروع الأقليمية تابعة له ،،

بمعنى لما تتخرجي يعطونك الشهادة من فرع الرياض ... باسم فرع الرياض

فلا تحاتين من هالناحية ..

.......

بالنسبة لإسبوع الحذف و الإضافة ..

هالإسبوع تقدر فيه تحذف المواد أو تعدل بحيث يرجع لك المبلغ أو جزء من المبلغ

على حسب المدة الي مشيت فيها في السمستر

بعد إسبوع معين ما راح يرجعون عليك أي مبلغ لو حذف أو سويت دروب للمادة

: )

......

و أي شيء حاضرين و بالخدمة ..

[RMDrmd333]

[align=center]
حبيت اسأل .... مافي فرع للجامعه بالاحساء؟؟:000:
وغير كذى ... انا عندي دبلوم حاسب من جامعة فيصل ... اقدر اسجل بالجامعه المفتوحه واسوي معادله للمواد واكمل باكلريوس؟؟؟ وهل دراسة الحاسب بالعربي ولا بالانجلش؟؟
:(269): طولت عليكم
كم تكلفة الرسوم لداسة بكلريوس الحاسب؟؟:(107):

[مرآة ذاته ..]

[align=center]
حبيت اسأل .... مافي فرع للجامعه بالاحساء؟؟:000:
وغير كذى ... انا عندي دبلوم حاسب من جامعة فيصل ... اقدر اسجل بالجامعه المفتوحه واسوي معادله للمواد واكمل باكلريوس؟؟؟ وهل دراسة الحاسب بالعربي ولا بالانجلش؟؟
:(269): طولت عليكم
كم تكلفة الرسوم لداسة بكلريوس الحاسب؟؟:(107):

يوجد فرع بالأحساء .. و هو قبل قرع الدمام كان موجود

....

نعم يعادلون لك المواد .. بمعدل 18 ساعة دراسية ..

...

التكلفة كاملة و الله ما أقدر أقدرها لكن كل ترم على حسب المواد الي بتنزليها ...

يعني من 4 إلى 5 آلاف .. إذا بتنزلي ساعات كثيرة

و يقل لو سجلتي ساعات قليلة

: )

و الدراسة بالإنجليزي .. منهج الجامعة الإبريطانية المفتوحة

^^

[RMDrmd333]

شكرا ع الرد ....
بس ممكن اعرف وين موقعها بالضبط بالاحساء....؟؟ وكيف اقدر اسجل... هل التسجيل مفتوح حاليأ...؟؟ كم رقم تلفونهم؟؟؟
وغير كذا ... انا دراستي دبلوم حاسب بالعربي,يعني مافي مشكله ااكمل دراسه عندهم وانا دراستي بالعربي قبل ....؟؟؟
:mh12: وهل الشهادة معتمده (معترف فيها)...؟؟؟؟

[مرآة ذاته ..]

شكرا ع الرد ....
بس ممكن اعرف وين موقعها بالضبط بالاحساء....؟؟ وكيف اقدر اسجل... هل التسجيل مفتوح حاليأ...؟؟ كم رقم تلفونهم؟؟؟
وغير كذا ... انا دراستي دبلوم حاسب بالعربي,يعني مافي مشكله ااكمل دراسه عندهم وانا دراستي بالعربي قبل ....؟؟؟
:mh12: وهل الشهادة معتمده (معترف فيها)...؟؟؟؟

الجامعة مكانها بالأحساء

تصير على طريق الأستاذ الرياضي .. مقابل جامعة الملك فيصل

أرقامهم ،، 5880111 أو 5887620

تقدري تسجلي و تحجزي لك رقم .. إلى أن يبدأ التقديم و هو تقريباً في بداية ربيع ،،

حالياً سجلي إلكترونياً و خلي معك نسخة من ورقة التقديم و بعدين لما يحين وقت التقديم

تودي الورقة مع المستلزمات الي بيطلبوها ،،

أكيد عادي تدرسي تى لو كنتِ دارسة عربي ،، بس ببداية بتدرسي مواد إنجليزي

إذا إنجليزيتك ضعيفه عساس تقوية لك ..

لأن دراستك بتكون فقط بالإنجليزي ..

...

الشهادة معترف فيها قسم تقنية الملعومات و الحاسوب ..

الشهادة معتمد ..

...

و بخدمتكم بأي سؤال ..

[RMDrmd333]

تقدري تسجلي و تحجزي لك رقم .. إلى أن يبدأ التقديم و هو تقريباً في بداية ربيع ،،

حالياً سجلي إلكترونياً و خلي معك نسخة من ورقة التقديم و بعدين لما يحين وقت التقديم

تودي الورقة مع المستلزمات الي بيطلبوها ،،




شكراً ... جعله الله في ميزان حسناتك
بس ممكن رابط التسجيل؟؟ لأني دخلت ع موقع الجامعه ومالقيت رابط التسجيل الالكتروني

[زائرة مهتمة]

اخوي ... رابط التسجيل مو مفعل ليش ياترى ؟

يمكن لان التسجيل ماابتدا لسى ؟ ....

فكيف تقول نسجل ونحجز لنا رقم قبل مايبدا التقديم ؟!!!

بانتظار التوضيح لنا مشكورا ...

[مرآة ذاته ..]

شكراً ... جعله الله في ميزان حسناتك
بس ممكن رابط التسجيل؟؟ لأني دخلت ع موقع الجامعه ومالقيت رابط التسجيل الالكتروني

أعتذر على التأخير في الرد .. و ذلك لقرب الإختبارات ..

دعواتكم ،،

: (

.....

بالنسبة للتسجيل للأسف الجامعة قامت تتغلى أول كان على طول مفتوح تقدر تحجز رقم و بداية التسجيل تقدم أوراقك

بس الحين راح يفتح مع بداية التسجيل ...

: )

......

كم عمرك أختي ..؟

لأن في نظام جديد بخصوص الأعمار ،،

[مرآة ذاته ..]

اخوي ... رابط التسجيل مو مفعل ليش ياترى ؟

يمكن لان التسجيل ماابتدا لسى ؟ ....

فكيف تقول نسجل ونحجز لنا رقم قبل مايبدا التقديم ؟!!!

بانتظار التوضيح لنا مشكورا ...

أعتذر لكم ،،

سابقاً كان النظام كذا ،، بس الآن لأن الجامعة تلقى زحف كبير و إقبال كثيف عليها

فتفتح التسجيل بحدود فترة التسجيل ،،،

.....

و أعتذر مرة أخرى

[RMDrmd333]

كم عمرك أختي ..؟

لأن في نظام جديد بخصوص الأعمار ،،

تتكلم بجد...!!؟ :(107):
اكيد تمزح, على العموم انا من مواليد 1411هـ

[مرآة ذاته ..]

تتكلم بجد...!!؟ :(107):
اكيد تمزح, على العموم انا من مواليد 1411هـ

ما أمزح في قرار غبي أصدر من بداية هالسنة ..

و هو انهم ما يقبلون الي أعمارهم أقل من 25 سنــة ..

و هذا الخبر ..

< بناء على تعليمات وزارة التعليم العالي فإن الجامعة العربية المفتوحة – فرع المملكة العربية السعودية-
ستتوقف عن قبول الطلبة السعوديين الذين تقل اعمارهم عن خمسة وعشرين عاما وذلك ابتداءً من العام الدراسي القادم (2010-2011) >

بس مع بداية التسجيل قدمي أوراقك .. و سجلي عادي

لأن حسب ما حصل الترم الي طاف .. صارت في استثناءات .. أي قبلوا البعض

فأتوقع لو تقدمي تمشي معــاك .. جربي موب خسرانة ..

هم بياخذون ملفك و بيقولوا لك بنتصل لك لو قبلناك ..

......

بس أنا لما قدمت ما كان في هالنظام .. حقيقة دمروا العالم بهذا النظام

بس الي سجلوا قبل هم الي كسبوها :d

الله يسامح وزارة التعليم مستقعدهـ للجامعة ،،،

[جوري نجد]

اي صح حصل استثناءات وقبلوا عدد معين عمرهم اقل من 25

[مرآة ذاته ..]

اي صح حصل استثناءات وقبلوا عدد معين عمرهم اقل من 25

ما شاء الله متابعة للجامعة و تعرف التفاصيل ليه أجل أنا هنا

مالي مكان بينكم .. :biggrin:

[جوري نجد]

لا افا شدعوه:53:
وجودك يضيف للقسم بس حبيت ااكد المعلومه :(204):

[RMDrmd333]

أخوي مرأة ذاته...
مكن سؤال شخصي..؟؟؟ بأي فرع من الجامعه المفتوحه تدرس؟؟؟:000: لقااافه
لأني سمعت انو الفرع الي بالحسا .... سمعته سيئه مررره من حيث(( المعامله ولاسلوب , والمبنى)), أو هاذي معلومه قديمه, والحين تغير الوضع؟؟ولا وضع البنات يختلف عن وضع الأولاد؟؟؟

:000: ادري اسالتي كثيره , وهذرتي اكثر, بس لازم اتعرف ع الجامعه الي بلتحق فيها(^_~)

[مرآة ذاته ..]

لا افا شدعوه:53:
وجودك يضيف للقسم بس حبيت ااكد المعلومه :(204):

أتشرف بتواجدي بينكم ،،

:119:

[مرآة ذاته ..]

أخوي مرأة ذاته...
مكن سؤال شخصي..؟؟؟ بأي فرع من الجامعه المفتوحه تدرس؟؟؟:000: لقااافه
لأني سمعت انو الفرع الي بالحسا .... سمعته سيئه مررره من حيث(( المعامله ولاسلوب , والمبنى)), أو هاذي معلومه قديمه, والحين تغير الوضع؟؟ولا وضع البنات يختلف عن وضع الأولاد؟؟؟

:000: ادري اسالتي كثيره , وهذرتي اكثر, بس لازم اتعرف ع الجامعه الي بلتحق فيها(^_~)

مرأة ..!!

:33_asmilies-com:

......

أدرس بفرع الدمـــام .. أقرب لي له ،،

:hahahahahah:

فرع الأحساء و الله أعرف أشخاص درسوا فيــه .. و ما أظنه سيء لدرجة كبيرة ..

و بعدين بشكل عام لا تقارني فرع الدمام بفرع الأحساء ..

لأن فرع الدمام الحين أكبر و الإقبال عليه أكبر فالإهتمام أكيد أكبر

بس للأمانه ما سمعت عن فرع الأحساء الكلام الي قلتيه ،،

بس لو تبيني أسأل أنا حاضر .. أعرف حد يدرس هناك يمكن يفيدني

...

فرع الأحساء يمكن فيه سلبيه أنا أعرفها

و هي إن لما تتعمق في التخصص نظراً لعدم وجود عدد كثير يدرس معاك مواد التخصص فبعض المواد ما يفتحون لها شعبة ..

لأن الطلاب الي يواصلون داخل التخصص قليل فتلقى إثنين، ثلاثة يدرسون مواد التخصص

فصعب يفتحوا لهم شعبة .. و هم إثنين

يقولوا لهم إلتحقوا بفرع الدمام في هالمادة .. و أنا عندي أشخاص الحين يدرسون معي

نفس هالحركة ما عندهم شعبة فيدخلون معنا بنفس الشعبة ..

:)

....

لا شدعـــوة .. إسلي لما يفضى راسك ..

و حياك الله معنا مقدماً .. و أبي حلاوة التخرج من الحين

:53:

[L,v]

طيب متى يبدا التسجيل ...

وانا كنت دارسه في كلية الاداب هل يعاادلون لي :mh12:


بليز لاهنتي ردي علي انتظرك

[مرآة ذاته ..]

بداية فترة تسجيل المقررات الدراسية
السبت
5 إلى 2011/2/16

2-13 ربيع الأول 1432

....

مخلصة الكلية ..؟ و إذا لا .. كم ساعة إجتزتي ..؟

إذا مخلصة يعادلون لكـ بمقدار 18 ساعة دراسية ..

^^

إذا مخلصة عدد ساعات معينة فهم يعادلون لك بس لو كانت كثيرة أكيد

...

بالنهاية أنا شنب .. :064:

[زائرة مهتمة]

عادت لك المزعجة من جديد .. هع اقصد الزائرة المهتمة

قريت فوق عن موضوع المعادلة ... وابيك توضح لي اكثر .. وتحديدا فيما حالتي انا شخصيا

انا مخلصة كلية ... يعادلون لي ؟ وبمقدار كم ساعة يعادلون لي بما اني خريجة اداب ؟

وعادت الغبية الذكية باسئلتها ... وش معنى المعادلة تحديدا ؟ :000: يعني يخصموا من المواد المقررة علي

والا شلون ؟ ياريت تشرحي لي اكثر .. .:mh318: >> قولي عن المعادلة بالتفصيل الممل ..شلون تصير بالضبط :oao:

واذا بقدم ... اقدم بوثيقة الكلية صح مو الثانوي ؟ ...

في الانــتـــظار ...

[مرآة ذاته ..]

عادت لك المزعجة من جديد .. هع اقصد الزائرة المهتمة

قريت فوق عن موضوع المعادلة ... وابيك توضح لي اكثر .. وتحديدا فيما حالتي انا شخصيا

انا مخلصة كلية ... يعادلون لي ؟ وبمقدار كم ساعة يعادلون لي بما اني خريجة اداب ؟

وعادت الغبية الذكية باسئلتها ... وش معنى المعادلة تحديدا ؟ :000: يعني يخصموا من المواد المقررة علي

والا شلون ؟ ياريت تشرحي لي اكثر .. . :mh318: >> قولي عن المعادلة بالتفصيل الممل ..شلون تصير بالضبط :oao:

واذا بقدم ... اقدم بوثيقة الكلية صح مو الثانوي ؟ ...

في الانــتـــظار ...


أهلاً فيك ..

هلا فيك و بعودتك .. نورتي الحته .. :mh001:

....

بالأول .. إنتِ يا زآئرة ما راح تدرسين بكلوريوس .. فقط بتدرسين دبلوم تربوي ..

يعني سنة و تآخذين الدبلوم ..

أما المعادلة الي يبون يدرسون من جديد بكالوريس في أحد تخصصات الجامعة ..

...

بشرح لك أكثر .. و لا يهمك

فرضاً زائرة قررت تدرس شيء غير تخصصها ... مثلاً تقنية معلومات .. أو حاسب أو إدارة أعمال

هنا لازم تقدمي بشهادة الثانوية لأجل تبدين من جديد و تفحطين بالجامعة من جديد

يعني بتدرسي أربع سنوات .. لكن لأنك عندك شهادة بيآخذون شهادتك الجامعية .. و بيشوفون المواد الي درستيها .. طبعاً في مواد تتوافق معها [ من غير مواد التخصص ]

مواد إجبارية و إختيارية بالجامعة تتعادل لك مواد بمقدار 18 ساعة ..

يعني إنتِ بعد ما تدخلي الجامعة يتطلب منك تدرسي 18 ساعة هي مش من مواد التخصص .. و لأنك عندك بكالوريس راح يعفونك من هـالـ 18 ساعة

......

عموماً إنتِ يا زائرة مالك علاقة بهذا الموضوع لأنك بتقدمي ع الدبلوم التربوي و هالشيء ماله دخل بالمعادلة ..

و أكيد لما تقدمي راح تقدمي بشهادة الجامعة .. لأنك تبي تكلمي دبلوم تربوي

فكيف يعرفوا إنك متخرجة إذا بتقدمي بالثانوية .. :(284):

......

أتمنى الشيء كان واضح ..

و إدعي لي بكرة عندي إختبار :bawling:

[L,v]

بداية فترة تسجيل المقررات الدراسية

السبت

5 إلى 2011/2/16

2-13 ربيع الأول 1432

....

مخلصة الكلية ..؟ و إذا لا .. كم ساعة إجتزتي ..؟

إذا مخلصة يعادلون لكـ بمقدار 18 ساعة دراسية ..

^^

إذا مخلصة عدد ساعات معينة فهم يعادلون لك بس لو كانت كثيرة أكيد

...

بالنهاية أنا شنب .. :064:






سوووري :tongue:



طيب انا مفصوووله :Cry111:



بس بأمانه انا ابغى ادرس فيهااا وخاايفه لان كثير من الي اعرفهم مايمدحونهاااا ويقوولون مو معترف فيهاااا



وشي ثاااني واذا كتب الله ودرست فيهاااا وش تنصحني في اي تخصص علماً اني كنت ادرس تاريخ

وانا في الانجليزي :(177): يعني اطق طق فيه :cheese:




بليز انتظرك

[مرآة ذاته ..]

حتى لو مفصولة ..

جيبي لهم المواد الي درستيها إخذي سجلك من الجامعة الي إنفصلت و بيعدوا لك الساعات ..

.............

و الله ما أبي أنصحك على شيء ماهو من مويلك ..

فمثلاً .. تقنية المعلومات أو الحاسب تتطلب برمجة و حوسبة و لغة إنجليزية بسبب المنهج بريطاني ..

فإذا إنتِ مالك بالبرمجة صعب أنصحك فيها ..

أو إدارة الأعمال تتطلب إنجليزية ..

فصعب أنصحك بشيء إنتِ ما تستهويه .. شوفي مويلك و حددي تخصصك ...

و إذا إنتِ مو قد الإنجليزي ..

سجلي في فيصل إنتساب .. : )

[ابلة توتة]

لو سمحتي اختي حبيت سال انا معلمة ومتخرجة قسم لغة انجليزية وحابة اكمل ماستر بس المشكلة ان تقديري جيد فلازم ادرس دبلوم عالي علشان اعدل وانقبل ماستر بس حبيت اسال اذا عندكم بالجامعة دبلوم عالي غير التربية لاني دارسة تربوي واذا مافي يصير ادرسة وانا قد درست تربوي ولا دراسة التربوي في البكالوريس غير دراسة دبلوم تربوي العالي بالله ردي على الله يخليك ويجازيك الجنه

[L,v]

:Cry111: وربي احتـــــرت يـــــارب سهل امووري

[مرآة ذاته ..]

لو سمحتي اختي حبيت سال انا معلمة ومتخرجة قسم لغة انجليزية وحابة اكمل ماستر بس المشكلة ان تقديري جيد فلازم ادرس دبلوم عالي علشان اعدل وانقبل ماستر بس حبيت اسال اذا عندكم بالجامعة دبلوم عالي غير التربية لاني دارسة تربوي واذا مافي يصير ادرسة وانا قد درست تربوي ولا دراسة التربوي في البكالوريس غير دراسة دبلوم تربوي العالي بالله ردي على الله يخليك ويجازيك الجنه


أهلاً فيك أبلتنا ..


تقدم كلية التربية ثلاثة درجات دبلوم عالي تتراوح فيما بين٩٠ - ١٢٠ نقطة،
أي ما يعادل ٢٤ - ٣٢ ساعة معتمدة، تمنح درجة الدبلوم العالي و تؤدي في مجملها إلى قبول ميسر في برنامج الماجستير.


http://arabou.edu.sa/images/points.jpg دبلوم كلية في مرحلة ما بعد التعليم .
http://arabou.edu.sa/images/points.jpg دبلوم كلية في مرحلة ما بعد التعليم الخاص - اضطرابات السلوك والانطواء على الذات .
http://arabou.edu.sa/images/points.jpg دبلوم كلية في مرحلة ما بعد التعليم الخاص - التخلف العقلي .

[مرآة ذاته ..]

:cry111: وربي احتـــــرت يـــــارب سهل امووري

في وشو محتارة ..!!

هل عندك خياريـــن ..؟!

إذا عندك خيارين إطرحيهم يمكن أساعدك ..!!

و إذا ما عندك غير هالخيار فلا تترددين .. ترى كفاية إنك بتدرسين و طلب العلم بذاته خطوة مباركة

^^

[زائرة مهتمة]

أهلاً فيك ..

هلا فيك و بعودتك .. نورتي الحته .. :mh001:

....

بالأول .. إنتِ يا زآئرة ما راح تدرسين بكلوريوس .. فقط بتدرسين دبلوم تربوي ..

يعني سنة و تآخذين الدبلوم ..

أما المعادلة الي يبون يدرسون من جديد بكالوريس في أحد تخصصات الجامعة ..

...

بشرح لك أكثر .. و لا يهمك

فرضاً زائرة قررت تدرس شيء غير تخصصها ... مثلاً تقنية معلومات .. أو حاسب أو إدارة أعمال

هنا لازم تقدمي بشهادة الثانوية لأجل تبدين من جديد و تفحطين بالجامعة من جديد

يعني بتدرسي أربع سنوات .. لكن لأنك عندك شهادة بيآخذون شهادتك الجامعية .. و بيشوفون المواد الي درستيها .. طبعاً في مواد تتوافق معها [ من غير مواد التخصص ]

مواد إجبارية و إختيارية بالجامعة تتعادل لك مواد بمقدار 18 ساعة ..

يعني إنتِ بعد ما تدخلي الجامعة يتطلب منك تدرسي 18 ساعة هي مش من مواد التخصص .. و لأنك عندك بكالوريس راح يعفونك من هـالـ 18 ساعة

......

عموماً إنتِ يا زائرة مالك علاقة بهذا الموضوع لأنك بتقدمي ع الدبلوم التربوي و هالشيء ماله دخل بالمعادلة ..

و أكيد لما تقدمي راح تقدمي بشهادة الجامعة .. لأنك تبي تكلمي دبلوم تربوي

فكيف يعرفوا إنك متخرجة إذا بتقدمي بالثانوية .. :(284):

......

أتمنى الشيء كان واضح ..

و إدعي لي بكرة عندي إختبار :bawling:



مشكور يخوي وماقصرت .. عساك عالقوة دوووم

كفيت ووفيت ... موفقين يارب ..

>> بس لاتتوقع اني خلصت اسئلة خخخخخ راح ارجعلك لو خطر في بالي سؤال ثاني ..:(269):

دعواتي لك بالتوفيق والنجاح في حياتك العلمية والعملية ...

[ابلة توتة]

تقدم كلية التربية ثلاثة درجات دبلوم عالي تتراوح فيما بين٩٠ - ١٢٠ نقطة،
أي ما يعادل ٢٤ - ٣٢ ساعة معتمدة، تمنح درجة الدبلوم العالي و تؤدي في مجملها إلى قبول ميسر في برنامج الماجستير.


http://arabou.edu.sa/images/points.jpg دبلوم كلية في مرحلة ما بعد التعليم .
http://arabou.edu.sa/images/points.jpg دبلوم كلية في مرحلة ما بعد التعليم الخاص - اضطرابات السلوك والانطواء على الذات .
http://arabou.edu.sa/images/points.jpg دبلوم كلية في مرحلة ما بعد التعليم الخاص - التخلف

طيب حبيبتي كلها هادي الدبلومات معتمدة؟وكم تتوقعين سعرها بالمجمل؟ومتى يبدا التسجيل شاكرة لك حسن تعاونك وجوزيت الجنة

[L,v]

طــيب التسجيل متى ..


وانا كنت ادرس تاااريخ :Cry111:


ياربي والله محتااره ادرس وشو .
ودي بتخصص اتعب عليه بس يكووون حلو وقوووي:mh12:

[مرآة ذاته ..]

مشكور يخوي وماقصرت .. عساك عالقوة دوووم

كفيت ووفيت ... موفقين يارب ..

>> بس لاتتوقع اني خلصت اسئلة خخخخخ راح ارجعلك لو خطر في بالي سؤال ثاني ..:(269):

دعواتي لك بالتوفيق والنجاح في حياتك العلمية والعملية ...

بخ ـدمتكم .. بأي وقت

: )

......

يوفق الجميع ..

[مرآة ذاته ..]

تقدم كلية التربية ثلاثة درجات دبلوم عالي تتراوح فيما بين٩٠ - ١٢٠ نقطة،
أي ما يعادل ٢٤ - ٣٢ ساعة معتمدة، تمنح درجة الدبلوم العالي و تؤدي في مجملها إلى قبول ميسر في برنامج الماجستير.


http://arabou.edu.sa/images/points.jpg دبلوم كلية في مرحلة ما بعد التعليم .
http://arabou.edu.sa/images/points.jpg دبلوم كلية في مرحلة ما بعد التعليم الخاص - اضطرابات السلوك والانطواء على الذات .
http://arabou.edu.sa/images/points.jpg دبلوم كلية في مرحلة ما بعد التعليم الخاص - التخلف

طيب حبيبتي كلها هادي الدبلومات معتمدة؟وكم تتوقعين سعرها بالمجمل؟ومتى يبدا التسجيل شاكرة لك حسن تعاونك وجوزيت الجنة


معذرة بس أنا ولد .. :064:

.....

الدبلوم التربوي معتمد .. و لو رجعتي للصفحة الأولى و الثانية من هالموضوع بتلقين التفاصيل

راح يكلفك تقريباً 9 آلاف ريال ..

التسجيل .. ذكرته سابقاً

5 إلى 2011/2/16

2-13 ربيع الأول 1432

[مرآة ذاته ..]

طــيب التسجيل متى ..


وانا كنت ادرس تاااريخ :cry111:


ياربي والله محتااره ادرس وشو .
ودي بتخصص اتعب عليه بس يكووون حلو وقوووي:mh12:

التسجيل بعون الله ..


5 إلى 2011/2/16

2-13 ربيع الأول 1432

...

Itc ... المتوفر بالجامعة جداً قوي .. وممتاز في سوق العمل

بس هل ترغبين للحاسوب و البرمجة و التقنية بشكل عام ؟؟

[ابلة توتة]

اسفة مانتبهت بس عموما مشكور يعطيك العافية

[مرآة ذاته ..]

اسفة مانتبهت بس عموما مشكور يعطيك العافية

و لو وش هالكلام ،،،

[مرآة ذاته ..]

تعلن الجامعة العربية المفتوحة
فرع المملكة العربية السعودية


عن بدء القبول
للفصل الدراسي الثاني
للعام الجامعي 2010/2011 – 1431/1432هـ
يوم السبت 2 ربيع الأول 1432هـ الموافق 5 فبراير 2011م.
في مقر الفرع الرئيس بالرياض ومكتب الدمام الإقليمي
للبرامج التالية:
1.بكالوريوس اللغة الإنجليزية وآدابها.
2.بكالوريوس تقنية المعلومات والحاسب الآلي.
3.بكالوريوس إدارة الأعمال (إقتصاد ، أنظمة إدارية).
4.الدبلوم العام في التربية.
5.دبلوم التربية الخاصة.
6.بكالوريوس التربية الخاصة.

•ملاحظة: تعبئة إستمارة القبول في موقع الجامعة على الانترنت www.arabou.edu.sa (http://www.arabou.edu.sa)
إبتداءً من 29/1/2011م.
•الأوراق المطلوبة: صورة من الشهادة الثانوية + صورة الهوية + الأصل للمطابقة لكل منهما + عدد (2) صورة فوتغرافية + إستمارة طلب القبول بعد تعبئتها.
•بالنسبة للدبلوم التربوي: إحضار صورة الشهادة الجامعية + الأصل للمطابقة


تبدأ الدراسة يوم 16/3/1432هـ الموافق 19/2/2011م


للاسفسار : الاتصال من الساعة 9:00 صباحاً وحتى الساعة 4:00 مساءً على الأرقام التالية :
الرياض : هاتف رقم (01 2742277) - الجوال (0555248429)
الــدمــام : هاتف رقم (0506444930) - الجوال (0500049082)

[ليآليـ}..]

ربي يوفق الجميع :119:

[مرآة ذاته ..]

.. جميعاً ..

و لا تنسون أي إستفسار أنا حاظر ،،

[االصمت حكمه]

السلام عليكم مساكم الله بالخير:smile:


كم سنه ندرس الجامعه العربيه؟

[جوري نجد]

على حسب المواد اللي تاخذينها بالسمستر
وعدد الساعات اللي عليها

[مرآة ذاته ..]

السلام عليكم مساكم الله بالخير:smile:


كم سنه ندرس الجامعه العربيه؟

إذا تمشي على خطة الجامعة تخلصيها في أربع سنوات ..

:106:

[رنيــــم]

مسسآآء الخيير ..,

حآآبه استفسر انا عنديَ دبلوم حآآسب تقنية برمجة سنتين من العآلميه
هل ممكن آكمل وآخذ بكآلوريس وإذا آقدر كم سنه وآتخررج !!
وكم تكلفة الرسوم !!


وشكرآآ مقدمآ :106: ..,

[مرآة ذاته ..]

أهلاً فيك أختي ..

..

إذا عندك دبلوم .. راح تتعادل لك 18 ساعة دراسية ..

أي بمقدار ترم دراسي أو أكثر ..


يعني لو جديتي على نفسك تآخذين الباكلوريس في ثلاث سنوات ونص ..

و لو ما ضغطتي نفسك نقول في أربع سنوات ..

...

الرسوم الدراسية تعتمد على عدد الساعات .. و تعتمد على المادة و عدد ساعات


بس كمعدل راح تدفعين خمسة آلاف [ ليس دقيق الحساب فربما يزيد بقليل ] في الترم الواحد لأجل تتخرجي في أربع سنوات ..

موفقين


فمثلاً المادة لي بـ 8 ساعات أغلى من المادة الي ب

[رنيــــم]

^
^

وشش ذآآآ مو معقـوول يعنيَ آآدررس من جديد 4 سنوآآت :icon9: !!

آبيَ آكمل درآستي مو آدررس من جديد حرآآآم وش هالنظآآم :bawling:

عموِوِمـآ يعطيك العآإفيه ع الرد ..= )

[مرآة ذاته ..]

أختي ..

هذا نظام أي جامعة موب بس العربية المفتوحة ..

ما راح تتعادل لك أكثر من 18 ساعة ..

إلا إذا كان الدبلوم من نفس الجامعة فيختلف الوضع

[MLAAK]

لو سمحتو ايش التخصصات الادبية الموجودة !!
واقدر اخلص ب 3 سنوات !! فيهَ صيفيَ اوَ لآَ !!!
ايش التخصصات اللي تدرس بالعربي ؟؟

[مرآة ذاته ..]

أهلاً

..

الأقسام الأدبية ..

قسم اللغه الإنجليزية

http://arabou.edu.sa/images/points.jpg بكالوريوس الآداب في اللغة الإنجليزية وآدابها (http://arabou.edu.sa/ar/undergraduateprg.php#)
http://arabou.edu.sa/images/points.jpg بكالوريوس الآداب في اللغة الإنجليزية مع الأعمال (http://arabou.edu.sa/ar/undergraduateprg.php#)


قسم التربية
http://arabou.edu.sa/images/points.jpg بكالريوس التعليم الابتدائي (http://arabou.edu.sa/ar/undergraduateprg.php#)
http://arabou.edu.sa/images/points.jpg بكالوريوس التربية الخاصة - التخلف العقلي (http://arabou.edu.sa/ar/undergraduateprg.php#)

[MLAAK]

طيب يعني اذا انا ادبي مااقدر اتخصص الا هذي التخصصات !!!
وصحيح الجامعة ماصارت تقبل الا فوق 25 سنة !!!!!!!!!!!!

[مرآة ذاته ..]

لا عادي تتخصصين في تخصصات آي تي و بزنز ..

تقدري تدخلينهم ..

...

الجامعة أصدرت هالقرار .. لكن بإمكانك التقديم لأنهم يقبلون بعد النظر

يعني قدمي لو كنتِ أقل من الـ 25 و راح يتصلون فيك بعد ما يقبلونك

بس التقديم مالك إلا السنة القادمة

[MLAAK]

جامعه وفوق ال 25 وش يحسون فيه بالله :biggrin: !!!؟؟؟؟؟؟؟ يعني كل اللي يدرسون بالجامعه فوق ال 25 وكبار :icon9::icon9::icon9: !!!!!!!!!!!!!
طيب سؤال < ياكثر اسئلتس :biggrin:
معترف فيها هي اولا
تعرفون احد تخرج منهاااااا وو توظف وظيفة كويسة !!!
بديت اغير رايي :icon9: مع اني مرة متحمسة ادرسسس بزنس بس سالفة ال 25 سنه ماعجبتني ابد :biggrin: :icon9:
حتى لو انقبلت بصير بين كبار فوق ال 25 :bawling: !! قوية :biggrin:

[جوري نجد]

هههههههههه
لا عادي في صغار لا تخافين
اي معترف فيها بديوان الخدمه المدنيه
واللي اعرفه ولد عمي تخرج منها وتوظف بس تخرج من الفرع اللي بالكويت وتوظف هناك يعني هني ما قبلوه لانه درس بالفرع اللي هناك بس اذا درستي بالفرع اللي هنا معترف فيها

[MLAAK]

شششككرآ يااقممر :biggrin:

[مرآة ذاته ..]

جامعه وفوق ال 25 وش يحسون فيه بالله :biggrin: !!!؟؟؟؟؟؟؟ يعني كل اللي يدرسون بالجامعه فوق ال 25 وكبار :icon9::icon9::icon9: !!!!!!!!!!!!!
طيب سؤال < ياكثر اسئلتس :biggrin:
معترف فيها هي اولا
تعرفون احد تخرج منهاااااا وو توظف وظيفة كويسة !!!
بديت اغير رايي :icon9: مع اني مرة متحمسة ادرسسس بزنس بس سالفة ال 25 سنه ماعجبتني ابد :biggrin: :icon9:
حتى لو انقبلت بصير بين كبار فوق ال 25 :bawling: !! قوية :biggrin:


أهلاً فيك

هههههههههههههههههههه

لا مو الكل 25 .. أنا دخلت و عمري مش 25 ..

القرآر أصدر العام الماضي كل الطالبات و الطلاب صغنونات .. :biggrin:

تو القرآر العام الماضي و بعدين يقبلون أقل هالأوقات بس مش ع العلن

...

معترف في التخصصات الرئيسية موجودة ع موقع وزارة التعليم العالي

حطيته بأول صفحة ..

و يالله عجلي نبي نشوفك معنا في الجامعة :(284):

<<< يسوي دعاية و ياخذ نسبة :lllolll:

[MLAAK]

ههههههههههههههههههههههههه
بديت تقنعني :biggrin: < ابد موب مقلقني الا الكلاس يكون كله حريم كبار مين اصادق بالله :biggrin: ههههههههههههه
طيب للامانه دراستهم صعبة او سهله انا عارفة انو مافي شيء سهل بس يمششون او لا :biggrin:
يعني ماهم زي كلية الاداب اعوذ بالله اسهل ماعندهم يحطون ال F :icon9::biggrin: !!!!
قسم اني متوهقة ومادري وين اروح ماسوت فينا خير جامعة الدمام :biggrin:
مافي امل اقدر اقدم الحين ؟؟!! :biggrin:
وشكرا اخوي تعبتك معي الله يوووووووفقك يارب وتحملني شوي لان ماعندي اي خلفيية عن الجامعه :106::icon9:

[مرآة ذاته ..]

أهلين فيك ..

تخيلي نفسك و الي يمك معها ولدها الصغير .. وآآآء .. وآآآء .. :bawling:

يرحم والديك مو لذي الدرجة ..

يعني فيها من مختلف الأعمار .. بس يغلب عليها الفئة 23 و أقل ..

أما عندنا بفرع الطلاب الأغلبية يشتغلون و عمال .. http://www.ckfu.org/vb/images/shrqwea/%28284%29.gif

.....

الدراسة صعبة .. ما بجاملك :53:

بس للأمانة الي يذاكر يعدي بالـ A ،، الجامعة دراستها بالإنجليزي

و كل من يتقنها راح يمشي كويس ..

و للمعلومية الجامعة نظامها شوي مختلف عن أي جامعة

يعني في لأعمال السنة 50 درجة ... و 50 ع الفاينل ..

أعمال السنة في واجبات تقديمها خلال السمستر بناءً عليها بتحصلي على 20 درجة

و الواجبات تكون بالعادة دسمة على حسب المادة ..

و في 30 درجة على الكويزات .. http://www.ckfu.org/vb/images/shrqwea/%28204%29.gif


...

الدراسة في الجامعة حلوة و ممتعة .. و إنتوا طالبات وش عندكم غير إنكم بالبيت جالسات

قهوة و شبسات و شوكلاته .. و نوم

يعني لو شوي من هالجلسة ع المذاكرة تمشي فيها زي العسل

....

بالنسبة للتقديم لا مش ممكن لازم تنتظرين للسنة القادمة .. إنتهت فترة التسجيل

:064:

لحقي على نفسك سجلي ترى إذا تخرجت ما بساعدك

الحين بقدم لك عرض إني بساعدك .. بعدين بتخسري خدماتي

هههههههههه

المفروض يعطوني نسبة الجامعة ما باقي إلا أبوس رجليك لأجل تسجلي :hahahahahah:

[MLAAK]

هههههههههههههههههههههههه آمآ معهاَ ولدهاَ الصغيرَ :biggrin: لا مايهمني بسَ جدَ عشان احب الجامعة لازمَ صداقاتَ وتسذا واذا كانو كلهم فوق ال 25 بتورط :biggrin: " امزح معليشَ ماعلينا من ذا الموضوع " :biggrin:
انا الحمدالله كويسة بالانجليزيَ بسَ مو توووووووب بسئلك انت دخلت وكيف انجليزيتك :mh318: ؟؟ يعني اتوقع انيَ مع الدراسة اقدر اطور نفسسي فيه اكثر
!! فيه اختبار تحديد مستوىَ او شيءَ !! نظامهم بالدرجات نفس كليتي السابقة مافي اختلاف
يارب تتخرجَ ب معدلَ عععاليَ وتقديرَ مووونتاز :biggrin:

[مرآة ذاته ..]

بالعكس أنا أأيدك في هالموضوع ،،

لأن بإختصار راح تحتاجين تكوني قروبات في بعض المواد ..

أي تقدمون عمل جماعي .. مثل البروجكت الصغير أو التقارير الصغيرة ..

فأكيد هالشيء لابد منه إنك تشوفي لك زملاء تناسبك ..

بس هم في نفس الوقت ذوات الخبرة مطلوبين .. الي عندهم باع في العمل أو في الشركات ..

لأن راح تستفيدين منهم في تنظيم أعمالكم ..

عموماً .. لا تحاتين على هالموضوع الطالبات في سنك كثار جداً ..

....

تمام .. كونك كويسة باللغة هالشيء بيساعدك كثير ..

بالنسبة لي دخلت الجامعة و ما كانت لغتي مرة مرة .. يعني كنت زوين في اللغة .. بس مش توب

و الحمد لله مشيت تمام ..

عموماً راح يكون في إختبار تحديد مستوى و بناءً عليه بيحطونك بليفل معين في الإنجليزي

و ما راح تقدري تبدأين دراسة فعلية إلا لما تعدي لفل معين ..

يعني في في الجامعة

el97 , el98 , el99 , el111 , el112

طبعاً الي يعتمدون في الجامعة أي بيسجلونهم لك في الترانسكربت هم

el111 , el112

أما البقية يسمونهم دوارات مكثفة .. يعني لما ما تجيبي في إختبار تحديد المستوى الدرجة الي تأهلك إلى el111

بيحطونك بناءً على درجتك في أحد الكورسات الي تحتها .. يمكن 97 أو 98 أو 99

طبعاً على حسب درجتك كل ما كانت أرفع رحتي إلى ليفل أرفع ..

فلو على طول بإختبار تحديد المستوى جبتي درجة حلوة و دخلتي في الـ el111 تقدري تدخلي في المواد و تدرسي المواد المعتمدة بالجامعة ..

طبعاً لو إنجليزيتك عدل .. يمكن ما تدرسي و لا مادة حتى الـ el112 يعدونك ..

بس عاد يبون درجة كوووويسة ..

طولت عليك .. بس إن شاء الله كل شيء واضح ..

....

الله يسمع منك .. دعواتك ما بقى إلا القليل ..

و إذا تخرجت بالتقدير الي أبيه .. لكن مني علبة جواهر فاضية :hahahahahah:

[MLAAK]

شككككككَرآَ كثيرَ لكَ واللهَ ساعدتنيَ كثيرَ ومآحنسسآكَ منَ دعوآتيَ :love080::love080:
ان شاءالله اولَ مايفتحَ التسجيلَ بسسسجلَ :love080::biggrin: فيه تسجيل ل الصيف !!!؟؟
انا محتارة بينها وبين الانتساب المطورَ بس حابه العربية اكثر :biggrin::love080: بس ماادريَ اي احسنَ شهادةَ !! لاني بصراحة مابي اتعب نفسي عع الفاضيَ :icon9::bawling:الفَ شكر واذا دخلت الجامعة وعجبتني :biggrin: لك مني علبة ((ماكنتووووووووشَ )) فاضيةَ :hahahahahah:

[مرآة ذاته ..]

ولو واجبنا ..

الصيف أكيد فيه .. لكن ما أظن راح يفتحونه للجدد .. مثل كل سنة ما يُفتح للجدد ..

فإنتظري بداية العام الدراسي الجديد .. إلا إذا حصل تغير و صار في تسجيل بالصيف راح أخبرك ..

....

فيصل إنتساب إنتي قلتيها .. شهادتها تختلف كثير عن الجامعة العربية المفتوحة

أولاً الجامعة العربية المفتوحة ليست إنتساب .. لأن أغلب الشركات ما تعد لشهادة الإنتساب قيمة كبيرة ..

شيء ثاني .. الجامعة العربية شهادتها إنجليزية فرق عن فيصل عربية ..

و المعروف الآن الأكاديمي الدارس باللغة الإنجليزية هو المطلوب .. عند كل الشركات ..

بالإضافة إلى أن الجامعة العربية المفتوحة عند تخرجك راح تحصلي على شهادة من الجامعة البريطانية بالإضافة إلى الشهادة من السعودية [ شهادة الجامعة العربية ]

يعني عندك شهادتين .. :biggrin:

....


مشكورة ع العلبة .. إنتِ كريمة و أنا أستاهل هاليومين الفراغ بفلوس ترى

كل فراغ بالعلبة بربع :hahahahahah:

[MLAAK]

واااو والله طمنتني كثثثييييرررَ لان يقولون شهادة فيصل معترف فيييييهاااا اكييد وثقققة مو زي العربية يمكن يجحدونك باي لحظة ويقولون لك مين قال لك معترف فيها :biggrin: ف كنت محتارة بينهم ماارا مع اني مااحب الانتساب ابد احب انا احضر واسئل وكل شيء :biggrin:
شكرررا والله :love080:
اعتذر على كثرة اسئلتي بس مالقيت اجابة من احد ثاااااااانكس الوت فور ايفففففففري ثينق :love080: واذا سمعت عن شيء صيفي خبرني :icon9::icon9:
:106: شمها ورجعها هههههههههه:biggrin:

[مرآة ذاته ..]

شوفي فيصل إلى الآن ما خرجت أي دفعة في الإنتساب ..

و ما تقدري تحكمي عليها إلى الآن ..

بينما العربية خرجت دفعات كثير و بعضهم توظفوا و بعضهم أخذوا ترقيات لأنهم موظفين أوردي ..

شيء لازم تعرفيــنة .. إن الجامعة لازم تدفعي فيها أكثر من فيصل في الإنتساب ..

لأن مناهجها متطورة كثير و منهجها خاص بالجامعة يعني المتيريلز كلها خاصة بالجامعة

مش تشتريها من جرير أو أي كلام .. لا منهج بريطاني خاص بالجامعة

^^

....

لا تقولي هالكلام .. حاضرين بأي وقت و لا تستحين أنا موجود بأي وقت

بعدين جيت برجعها بس للأسف الوردهـ جيت بشمها دخلت بخشمي كلها ..

معقولة إلى هالحد خشمي كبير ..

ما أدري كانك تبيها بعد الي صار أو لا ..؟

:hahahahahah:

[MLAAK]

طيب سؤالَ نسيت اسئله (( والله لو احلف اني اكثر وحدة سئلت ب هالموضوع )) :biggrin:
وشسمه الحينَ تقريبأَ الجامعةَ كمَ رسومهاَ !! :biggrin: ابغى بالسنةَ شيءَ تقريبي :tongue: ادري انو عع حسب الساعات بس نفرض 12 ساعه بالسمستر !
اما الورده هههههههههههههههههههههه لآً شكرا بروزها وخلها ذكرى :hahahahahah::hahahahahah::hahahahahah::hahahahaha h:

[مرآة ذاته ..]

بالعكس أستانس لما تسألين .. :106:

ع الأقل أحس إني مهم .. <<< خلوهـ :53:

بالنسبة للرسوم مثل ما قلتي على حسب الساعات .. حتى لو قلنا 12 ساعة ما نقدر نحسبها

لأن الجامعة بها ثلاثة أنواع من المواد ..

مواد إجبارية:

كل التخصصات تدرسها .. و تكون عبارة عن إنجليزي و مواد تعليم ذاتي و مادتين عربي و مواد تعليم بدائيات البرمجة [ HTML ] و التعامل عن طريق الإنترنت

مواد إختيارية:

عدة مواد تختاري منها الي تحبينه بكيفك يعني بمقدار 18 ساعة

مواد التخصص:

مواد التخصص الي إنتِ إخترتية ..

...

طيب المواد الإجبارية و الإختيارية تختلف أسعارها عن مواد التخصص ..

يعني ثلاث ساعات من مادة إختيارية أو إجبارية أقل تكلفة من 3 ساعات من مادة تخصص ..

...

بس عموماً لو أخذتي 12 ساعة كل ترم راح يكلفك تقريباً 3500 إلى 4000

..

مو أكيد بس أنا كتقدير مني

بس أنا أكثر شيء طلع معي 5500 و أقل .. لأني طبعاً نزلت بين الـ 16 ساعة إلى 19 ساعة

...

مشكلتي ما معي غير برواز واحد و هالبرواز إستخدمته لما كنت أشم عطر

:bawling:

[MLAAK]

كويس سععععرهآآآ والله توقعتها زي محمد بن فهد تطق ال 55 الف !!! :biggrin:
وبعدين وين الناس ليه مافيه بالقسم الا انا :biggrin: احس اني داخلة مكان مهجور قسمن :biggrin::bawling:
برواز استخدمته لما كنت تشم عطر :(107): ودي افهم وشلون بس :biggrin: هههههههههههههه
يلا شكرا كثيرررر << اروح قبل لايتحول الموضوع " شاتينج " :tongue:

[مرآة ذاته ..]

لا سعرها معقول و مش مبالغ فيه ..

...

هالقسم الردود فيه تجي بالتقطير ..

مثل ما صار للورده صار للعطر .. و إستخدمت البرواز .. و هو الوحيد

:33_asmilies-com:

[MLAAK]

ههههههههههههههههههههه يعني شميت العطر ودخل زي مادخلت الوردة والله ب ذي الحالة الظاهر عمليات التجميل حلال << برا لو سمحتتتتتتتتتي :biggrin: " الرد قاااابل للحذف والتحرير :biggrin: ""
ايه اشوا اجل احييت القسم شويات :biggrin: عقبال مايجون الباقييين ويحييونه حاله حال الاقسام الثانية حسيته ميت قسمن :icon9::biggrin:
الجامعة هي اللي عند دوار التميمي للفيمل وو الميل مع بعض !!! ولا كل واحد بمبنى !@
اما لو كانت مبنى ثاني ف الظاهر بكنسلها انا عاجبني موقعها ماحب المشاوير :(284):
يلا اعتذررر عن البثارة وكثرة الاسئلة وان شاءالله اذا ربي اراد ارجع هنا اذا صار بوه تسجيل صيفي خلوكم بالقرب والله لو ادخل ومافيه احد بتورطونيي وبحقد عليكم :biggrin::biggrin:
:love080:

[مرآة ذاته ..]

بالضبط .. هذا الي صار و توهقت فيه العطر شاريه جديد :53:

....

بالعكس إنتِ بتواجدك هنا سويتي حماس للقسم ..

عاد لا تخلي كل يوم دخلي و سوي فيه حركة خبرك ... جامعتك المستقبلية :71:

يس الجامعة هي بزاتها الي يم دوار التميمي .. للنفرات و النفرين :hahahahahah:

شكلك بتجي مشي من بيتكم :lllolll:

...........

أنا بالصيف لازم آخذ صيف لأجل أسوي خير في نفسي :bawling:

إن شاء الله لين الله أبقانا على خير بجي هنا بطرح التفاصيل

بس إدعي لي مو تنسيني

ما أظن هالشيء بيكلفك شيء

هونا ما نبيي لا علبة ماكنتوش فاضية و لا وردهـ مخيسة .. و لا عطر مبروز :bawling:

كل الي نبيه دعواتك .. :106:

[MLAAK]

ههههههههههههههههه
اكيد مابيكلفني شيء
الله يوفقك يااااااااااااااارب ويسهل عليك ووو تتخرج باعلى المعدلات ووتتوظف وكل شيء زين :biggrin:
وماقصرت وبيض الله وجهك :106:
يلآَ سلام :106:

[مرآة ذاته ..]

و لك مثله إن شاء الله ،،

شكراً كثير لدعوتك ..

: )

نورتي القســم .. و نتمنى تنويرك القسم بين الحين و الآخر :106:

[MLAAK]

بشرو ياجامعتي المستقبلية :biggrin:
ماعندكم اجازة :hahahahahah::hahahahahah::hahahahahah:

[مرآة ذاته ..]

لا ما به إجازة .. :bawling:

...

أشم ريحة شماته ..!!

:(177):

....

ملاك ..

تدرسين إنتِ ؟

و شنو التخصصك و وين بالضبط ؟

و كيف دراستك ..!!

[MLAAK]

هلآإَ واللهَ
اناَ ب جامعةَ الدمامَ (( كليةَ الادآبَ ))
مآتخصصتَ للحينَ سنةَ تحضيريةَ :tongue:
وبسحب ملفي منهم قريبا ان شاءالله :biggrin:
-
ابدً مو شماته بسَ جامعة البرنس محمد بن فهد اجازة قلت يمكن زيهم :biggrin::biggrin::biggrin::biggrin:

[مرآة ذاته ..]

آها ..

شيء حلو .. المشكلة كل تخصصات كلية الآدآب ما لها مستقبل وظيفي ..

....

خلال الصيف حاولي تقدمين في الجامعات و لو ما حصل لك تخصص تطمحين له وقتها سوي الي براسك ..

لو كانت نسبتك بالقياس مش حلوة حاولي تعيديه خلال هالفترة ..

و إن شاء الله تنالين مناكـ :106:

......

آهآ .. بس ليه هي غير عن الكل ..؟

وزارة التعليم العالي قالت الكل يداوم .. ليه هيّ تخالف ..:41jg:

[MLAAK]

يعني قصدك اخلي اخر الحلول الجامعة العربية !!
المشكلة جامعة الدمام غسلت يدي منها بالمويا والصصابون وماودي ارجع لها :biggrin: لاني لو بسجل مرة ثانية بطيح ثاني في الادااااااااب :biggrin: وبيني بينك معي انذارات منها ظلما وعدواااانا :bawling:
والتخصصات الثانية اللي ممكن يقبلوني فيها تسسويق ++ محاسبة بتعب نفسي وبانطق بالبيت اما تسويق !! :biggrin: ويبغالها القدرات فوق ال 80 وانا للاسف نهاية ال 70 :icon9: ومدري الظاهر فاتني تسجيل القدرات الجديد ,,,
sooo مافي خيارات بالدمام غير التسويق المحاسبة الادااااااااااب اللي دخلتها وانا كارهتهاا من اعماااااااق قلبيي :icon9::biggrin:

[مرآة ذاته ..]

بكل بساطة خليها خيار متأخر لأنك بتدفعي لها ..

بينما الجامعات الثانية راح تدفع لك .. إلا إذا هالشيء ما يعني لك شيء

...

القدرات به إختبار ثاني بعد فترة . حتى لو فاتك الأول سجلي بالثاني ما ضرك شيء

بعدين الآداب ما بها تخصص إدارة أعمال ؟

لأني أخبر جامعة الدمام فيها إدارة أعمال .. أو أكاونتنق

...

إنتِ تطمحين في شنو ؟

ليه ما تطمحي في علم نفس .. مدري شنو في تخصص خاص بالنفس و عليه حضور في السوق

أو تغذية أو رياض أطفال .. <<< مدري إذا جبتهم صح

و عندك بعد التربية الخاصة

هالأمور ما تستهويك ؟؟

[MLAAK]

آلآدآبَ
مافيها الا هذي التخصصصات
دراسات اسلامية - جغرافيا - تاريخ - لغة عربية - انجليزي وفتحو الحين مكتبات ويقولون التخصصص فاااااااااااشل وماله مستقبل بالعربي هذا اللي تخرجو منه من جامعةالملك سعود وباقي الجامعات :tongue:
التخصصات الموجودة اكل منها الزمان وشرب :biggrin: طبعا الانجليزي والمكتبات محد يدخله الا اللي معدلاتهم تووووووووب ف ياتاريخ ياجغرافيا اعوذ بالله مهما تذاكر بالاداب مايعطونك حقك صراحة ووالدكاترة الدرجات موحدة عندهم خخخ والله اشوف نتيجتي ونتيجة صديقاتي كلنا زي بعض :tongue:
مافي شيء من اللي قلته
موجود رياض اطفال بالجبييل التربية الخاصة للاسف اببد اببد مااحبيته :icon9:
اما سالفة يدفعون لي او ادفع لهم خخخخخخ ماهمتني الله واكبر يامكافئتهم اللي تنزل شهريا :biggrin::biggrin::biggrin::biggrin: + كلية المجتمع اللي فيها التخصصات الثانية الادبية مالهم مكافئة :biggrin:
وبيني وبينك لو اقدر اروح الرياض ف ابروح وانا مغمضة :biggrin: بس للاسف :icon9::biggrin:
وان شاءالله بسجل قدرات واششششوف :icon9:
مدري ماودهم يفتحون عندنا جامعات غير جامعة الدمام اذا تورط الواحد وين يروح بالله :biggrin:

[مرآة ذاته ..]

غريبة ..

لأن الرياض بها تخصصات أكثر و أشمل .. الدمام وش ناقصها لتصغر من قيمة طالباتها ؟

بالنسبة للجامعات معروف عنها .. دايم يصير ظلم في جوانب معينة مش بس في جامعة الدمام ..

....

هذا الي قلته لك لو ما تهمك شيء ثاني .. ع الأقل تخليها لمصاريفك العادية ..

صحيح هي ما راح تسوي شيء بس اسم عندك دخل شهري

:biggrin:

.....

هذا الي كنت بقوله لك ليه ما توجهتي للرياض أو جدة .. بس كنت متوقع في أمر منعك من ذلك ..

سجلي قدرات موب خسرانة شيء ..

أما الجامعة يفتحونها فحلمك خلاص الدمام و بطلعة الروح إعتمدت ..

فنقول الحمد لله على كل حال ...

بالنسبة لي اتمنى أنك لو بتدخلي العربية تدخلي قسم آي تي

لأني أشوفه قسم مرغوب و ممتع و تحسي فعلاً إنك درستي شيء مفيد

:(204):

ما أحسرك بس أنا مويلي بهذا المجال يمكن أحس بالمتعة فيه

ما أدري عنك ..:106:

[MLAAK]

هههههه انا احبه برضو ودخلت الاداب عع اساس قالو بيفتحون حاسب ووقسم تقنية معلومات وادارة وعلم اجتماع وماشفنا شيء :biggrin:
مع ان اخذنا المادة بالتحضيري وجبت فيها درجة تزززززززززنن تخيل ندرس تحضيري كل سمستر 9 مواد والمواد ذي مالها علاقة ابد بالتخصصات درسنا ادارة ودرسنا تقنية ودرسنا علم اجتماع عع الفاضي مرة الوضععع باااااااااد :icon9:
الرياض + جدة والله حلمي :biggrin: بس للاسف محد شجعني وسالفة السكن ذي لحالها غير مرغوب فيها من الجميع :hahahahahah:
الله يعييييييين بس :biggrin:

[مرآة ذاته ..]

إنتِ سنة تحضيرية ..

يمكن مع السنة الجديدة يفتحون التخصصات ..

واصلي و حاولي تجيبين درجات حلوة ..

يمكن يفتحون هالتخصصات ..

....

لأن بالعادة تكون كذا سنة تمهيدية و إن شاء الله التخصصات بالطريق ..:biggrin:

كويس أجل دام الشيء فيه ميول متأكد راح تبدعين ..

حلو الواحد يلقى نفسه يبرمج و يفتهم في أمور الكومبيوتر و التقنية بشكل عام ..

....

صحيح بعد الأمور خصوصاً كونك بنت بتكون مقيدة فيها .. :bawling:

و الله يعينك .. تحملي لين الله يفرجها لك


:(204):

[MLAAK]

لالا ياشاطر :biggrin: انا المفروض سنه ثانيةومعدية التحضيري بس وشسمه ذا ماخلوني اتخصص :mh318: لاني ماجبت المعدل اللي يبونه وكيذا :mh318: << الله من الفلاحة والله :biggrin: المشكلة ماحملت مواد كثير ابدددددددد مايجون حتى 3 :biggrin:
خلاص عاد بلاش احراجات :hahahahahah:
-
الله يسسرها :icon9::bawling:
-
يلا استازن :biggrin: قسمن فشلة احد يدخل يستفسر ويشوفني مسنترة اسوووولف :biggrin::biggrin: << مشكلة الفضاوة :biggrin:

[مرآة ذاته ..]

أوكي .. يعني معقولة بيأخرونك على ثلاث مواد ..

يعني سنة كاملة تدرسين فقط ثلاث مواد ؟

شيء غبي مع إحترامي للكلية ..

....

إن شاء الله ... بس ما تحسي نفسك مستهينة بالمبالغ الي بتصرفيها ع الجامعة ..؟

ترى بتطلع عليك دراستك كاملة بأكثر من 50 ألف

ما أدري بوضعك المادي .. بس كونك طالبة مش مثلنا يعني فكل شيء ع ظهر الوالد .. الله يخليه لكم

:biggrin:

.....

ما فيها شيء وش سويتي إنتِ ؟

المنتدى ما وضع إلا لمثل هالأمور .. نبني بعضنا و نكون مجتمع إلكتروني متعاون

و هالشيء ما فيه أي خلل أو مخالفة للمنتدى ..

ما وجودنا هنا إلا لأجل نتعاون و نساعد بعض .. و بالعمس أنا جالس أتعلم من تجربتك

مثل ما إنتِ تتعلمي من تجاربي ..



:106:

[MLAAK]

اي والله السمستر اللي راح مادرست الا مادة بس اللي حاملتها وحاولت ونزلت لي مواد ععامة من سنة 2 " مادتين "
اداوم وسالفة عع 3 مواد :biggrin: !!!
اما سالفة تكاليف الجامعة ف بقول لك شيء :biggrin: ,,
بصراحة انا طول ماادرست من الابتدائي الى الثانوي مادخلت مدرسة حكومية,, ف بتوقف عع الجامعة يعني !!! :000:
وبصراحة ماحسيتها مرة اوفر سعر العربية مرة معقووووووول مدرستي سابقا :biggrin: اغلى منها :tongue:
ولاتفهم ردي فشخرة او شيء رجاءن :mh318::biggrin:

[مرآة ذاته ..]

طيب قولي من أول ..

وينك عنا من زمان .. أجل عندك سلف ؟ :33_asmilies-com:

....

أجل وش الي مخليك تتأخري كل هالوقت و تقعدي بجامعة و تخصص ماله معنى ..

من الأول ليه ما دخلتي جامعة أهليه و ريحتي حالك ..

عموماً الجامعة العربية بتناسبك كثير

خصوصاً إن دوامها خفيف و يمديك كونك رازهـ وجهك بالبيت 24 ساعة تعطي المواد حقها و تذاكري

موب مثلنا .. و صدقيني راح تبدعين و تجيبي درجات كويسة ..

لأن الي يهتم لو بالقليل يبدع فيها

:(204):

أسعار الجامعة حلوة .. بس مع بداية السنة الجديدة راح ترتفع بحسب قرار مجلس إدارة الجامعة

بس الإرتفاع راح يكون بقدار تقريباً 10%

موب متأكد بس أتوقع كذا ..

سمعي شسمه ..

دامك ما عندك مواد كثيره هالترم ليه ما تدخلي معهد تدرسي لغة إنجليزية تقوي نفسك ..

هالشيء بينفعك كثير سواء في الجامعة العربية أو غيرها

[MLAAK]

لا انا قلت لو ماقبلوني بدخل اهلية بس انقبلت :biggrin:
انت تشتغل ماااشاءالله !! حلو اهم شيء تضمن الوظيفه :biggrin:
والمعهدد مفكرة فيه تعرف معاهد ممتازة ماهو "" مش حالك "" !!؟؟؟

[مرآة ذاته ..]

بس التخصص مو خوش حتى لو قبلوك شنو الفايدة ؟

...

هيه أشتغل الحمد لله .. مجال هندسي

..

شوفي أنا لو بنصحك بنصحك تآخذين التوفل .. صحيح مو سهلة

بس و الله الواحد يبي هالشيء لأنه مهم في حياتنا

أنا أفكر أشوف لي معهد آخذ منه التوفل ..

إختي قالت لي بمعهد .. بس نسيت اسمه ..!!

نايمة الحين و إلا كان خبرتك ..

بس الي أبي أوضحه فكري بالتوفل مش بإنجليزية حيا الله

[MLAAK]

صح صح :biggrin:
بسئل عن المعاهد الكووويسة وبسجل ان شاءءالله :106:

[مرآة ذاته ..]

,, الله يوفقك

إذا أختيها لا تنسين تبروزيها :hahahahahah:

[MLAAK]

خخخخخخخخخخخخخخخخخخخخخخخخخخخخخخخخخخخ :biggrin:

[مرآة ذاته ..]

أختيها = أخذتيها


:mh12:

[MLAAK]

فهمتها وهي طايرة ماشاءالله علي مايحتاج ترجمة :biggrin:

[مرآة ذاته ..]

أجل عليك حساب ردي الي فوق .. تعبت و أنا أكتبه

=(

[MLAAK]

بالله !! :biggrin:
وكم الحساب !!؟ << مسوية كاشَ :biggrin::hahahahahah:

[مرآة ذاته ..]

:biggrin:

الحساب يوم الحساب ... تعبت و خلصت ماكو مجال للمناقشــة ..

شسمه لقيتين معهد كويس ؟

إذا عرفتي خبريني لأني ودي أدخل معهد يعطيني التوفل ..

أختي قالت لي معهد بس بالخبر .. و حقيقة ما حبيت .. الخبر زحمة و مشوار كل يوم قاط وجهي هناك

:hahahahahah:

[MLAAK]

ايه والله سئلت وفعلن كلهم بالخبر الدمام مافيها شيءَ ك العادة :icon9:
فيه المعهد البريطاني اتوقع مدحو لي اياااه وويل ستريت "" لسا مادري فيه بنات او لا بسسئل "" هو قريب من الراششد
وشسمه ايش المعهد اللي قالت لك اختك عنه :119:
ايه صح معهد البسام بالدمام !!!

[مرآة ذاته ..]

أهلاً فيك ..

كلهم بالخبر يعني ..؟

المشكلة الخبر فيها تعديلات كثيرة و الشوارع تصير زحمة ..

:bawling:

...

نسيت اسم المعهد الي قالت فيه .. لأني سمعت بالخبر هملته :000:

البسام مدري عنه ،، شلون سمعته ؟؟؟

[MLAAK]

كويس ويمدحونه :biggrin:
اسئل عنه :smile:

[مرآة ذاته ..]

إن شاء الله بسأل و بشوف ..

بس عندهـ دورات للتوفل و إلا تدرجات معينة [ Levels ]

أنا ما أبي هالتدرجات .. أبي يوصلني للتوفل ..

مانا بفاضي أتدرج .. و أجلس مدري كم لأجل آخذ الشهادة

[توكلت على خالقي]

التسجيل للسنة القادمة متى ؟.
وش المطلوب بالضبط ؟ والاوراق ؟
وكم يوم وكم ساعة بالاسبوع ؟ تخصصي دراسات اسلامية


الله يعطيك حتى يرضيك

[so soon]

التسجيل للسنة القادمة متى ؟.
وش المطلوب بالضبط ؟ والاوراق ؟
وكم يوم وكم ساعة بالاسبوع ؟


الله يعطيك حتى يرضيك


نفس سؤالي


متى التسجيل للسنه الجايه ؟ فرع الدمام؟

[GDOOR]

انا ابغى اسجل بالجامعه العربيه المفتوحه وسمعة انه سعرها 50 الف بس تختلف من تخصص لاخر بس اللي ابغى اعرفه ها 50 الف للسنه الوحده اوللخمس سنوات يعني لوكانت للخمس السنوات ادفع في السنه 10 الف صح ولا :Cry111: وانا عمري 18 بيقبلوني ولا لا

[جوري نجد]

اي التكلفه من 10 الى 12 بالسنه تقريبا حسب المواد اللي تاخذ
بس السنوات كلها من 45 الى 50
بالنسبه للعمر العام قالوا ان القبول فوق 25 سنه
بس صار فيه استثناءات لعدد محدد من الطلاب اقبلوهم وهم اقل من 25 سنه

[GDOOR]

اي التكلفه من 10 الى 12 بالسنه تقريبا حسب المواد اللي تاخذ
بس السنوات كلها من 45 الى 50
بالنسبه للعمر العام قالوا ان القبول فوق 25 سنه
بس صار فيه استثناءات لعدد محدد من الطلاب اقبلوهم وهم اقل من 25 سنه

مشكوره حياتي والله يوفقش

[جوري نجد]

العفو
الله يوفق الجميع

[طموح جامعية]

السلام عليكم ورحمة الله وبركاته

آسفة على الإزعاج ..

عندي استفسار .. واحدة من قريباتي تبي تسجل في الجامعة العربية ( بكالوريوس تعليم ابتدائي)
هل معتمد ؟

طريقة دراستهم لهذا القسم باللغة العربية أم باللغة الإنجليزية ؟

الله يعافيك .. هل تنصيحها تدخل هذا القسم أم لأ ؟

[جوري نجد]

ما سمعت عن تخصص بكالوريوس تعليم ابتدائي
في تربيه خاصه وباقي التخصصات كلها اداريه
والتربيه الخاصه هي الوحيده دراستها بالعربي

[طموح جامعية]

جزاك الله خيراً
الله يوفقك

[شذى الليالي]

زوج اختي درس الثانويه العامه بالمراسله واسم شهادته دبلومه امريكيه
والان يبي يسجل في المفتوحه
هل ينقبل
ومتى يبدا التسجيل ومتى ينتهي

موفقين يارب

[جوري نجد]

مدري بس خل يقدم
التسجيل يبدأ 19 _10

[شذاووي]

التسجيل بدأ ولا بعده ..؟
وكيف طريقة التقديم ..؟

[روان الغلا]

بنات انا ابي اسجل بالجامعه العربيه المفتوحه
بس كيف التسجيل اروح لهم ولا كيف وين مكانهم بالراكه والا الدمام ..؟؟

وعادي ياخذون اي عمر سمعت ياخذون فوق 25..؟؟
وياخذون نسبه الثانوي والقدرات والتحصيلي ولا مايطلبونها ..؟

[لاانا]

السلام عليكم
انا متخرجة من الثانوي هذي السنة
هل يقبلوني الجامعه ولالا ؟؟؟
والتسجيل مفتوح ولالا ؟؟؟ فية تسجييل ترم ثاني ؟؟
وكيف طيقه التقديم ؟؟

[sara a7md]

مممممممممممم

واللي تبغى تسجل وماتدري وش السالفه :icon9:
كيف انزل مواد كيف اختارها !!!!!

^ محددد يسأل اسئلة غبيه شوي :bawling:

[حسنا]

السلام عليكم ..

صباحكم \ مسسسائكم .. طههر http://www.ckfu.org/vb/images/icons/icon21.gif

حابه ادرس في الجامعه العربيه فرع الدمام
بس محتاره لان لغتي الانجليزيه ضعيفه :(177):
حبيت اسال لو درست كورس انجليزي عندهم من الصفر كم سنه بقعد تقريبا
وكيف الجامعه بشكل عام تنصحوني فيها :mh12:
بدخل تخصص اداره اعمال (انظمه اداريه ) :(204):
ماقدرت ادخل جامعه الدمام او حتى فيصل لاني اجنبيه :Cry111:
املي كببير بالله .. ثم هذي الجامعه :wink:


جزاكم الله الف خير:119:

[βЯŌŋŻ]

فيه دبلوم تربية خاصة ولا لا ..؟!

وأبي اعرف اذا بس فرع البحرين اللي اقدر اكمل فيه ماجستير او لا ..؟

[غريبة المشاعر]

السلام عليكم
انا متخرجة من الثانوي هذي السنة
هل يقبلوني الجامعه ولالا ؟؟؟
والتسجيل مفتوح ولالا ؟؟؟ فية تسجييل ترم ثاني ؟؟
وكيف طيقه التقديم ؟؟

اهلين أختي لانا بدأ التسجيل في الجامعه للترم الثاني
وان شاء الله يقبلوك اني تخصص تربيه خاصه والحمد لله قبلوني
قدمت في فرع الدمام وطريقه التقديم تدخلي على موقع الجامعه وتروحي لخانه الألتحاق
وتدخلي وتعبي البيانات وتطبعيها وتوديها للجامعه وبعدين يردون عليك إذا انقبلتي والا لا
واذا انقبلتي يتصلو عليك ويعطونك موعد وتجيبي فيه اوراقك المطلوبه والمبلغ وبعدين فيه اختبار تحديد المستوى بس عربي وهذا الأختبار يساعدك ويهيهك لدراسه مواعد اللغه العربيه هذا طبعا للتربيه الخاصه اما التخصصات الاخرى يكون الاختبار انجليزي وعربي ولازم تجيبي فوق 25 من 30 وإذا جبتي اقل تدرسي مواد يمقن 4 بالانجليزي ويكونو واسعارهم نار
ويالله الا بتدخل تربيه خاصه صعوبات تعلم بفرع الدمام تقول ليي علشان نتعرف على بعض ونصير قروب متعاومنين مع بعض
وبالتوفيق للجميع يارب ^___^ :smile:

[غريبة المشاعر]

التسجيل بدأ ولا بعده ..؟


وكيف طريقة التقديم ..؟


اهلين أختي التقديم في الجامعه بدأ من يوم الأحد 7 / 2 /1433________ 1/2 / 2012
تروحي موقع الجامعه وتروحي لخانه الالتحاق دخلي واكتبي المطلوب من البيانات
واطبعيها وديها للفرع الا انتي تبي تدرسي فيه وبعدها إذا انقبلتي بيتصلو عليك
وبقول لك جيبي الأوراق المطلوبه في اليوم الفلاني وديهم مع المبلغ تودعيه في الحساب حق الجامعه ساب الأمريكي 225 وبعدها اخدي الايصال وديه مع الأوراق وخلاص بكون خلصتي الإجراءات حقت القبول وبعدها بحددو يوم ونجي نختبر اختبار تحديد المستوى والله يوفقكم وترفعو راس الوالد والوالده بالشهاده والله يوفق الجميع يارب ^__^

[غريبة المشاعر]

بنات انا ابي اسجل بالجامعه العربيه المفتوحه
بس كيف التسجيل اروح لهم ولا كيف وين مكانهم بالراكه والا الدمام ..؟؟

وعادي ياخذون اي عمر سمعت ياخذون فوق 25..؟؟
وياخذون نسبه الثانوي والقدرات والتحصيلي ولا مايطلبونها ..؟

أهلين خيتو روان ترى التسجيل في الجامعه بدأ من يوم الأحد 7/2/1433
والتسجيل في النت ولما تخلصي من التسجيل تودي لهم ورقه الطلب ومكانهم
عند دوار أسواق التميمي بالدمام ولاتخافي ان شاء الله بيقبلوك ادا قدمتي هالترم
وياخدون بس نسبه الثانويه اما القدرات والتحصيلي مايطلبونها
والله يوفقك يارب ونشوفك معانا في قسم التربيه الخاصه
ولاتنسيني من الدعاء ^__^ :smile:

[مالي وطن]

عندهم دبلوم لغه انجليزيه؟ وبكم رسومهم اجمالآ مو على عدد الساعات
اذا مافيه
طيب بكم البكالوريوس لغه ؟
والله يعين
طيب الامير ماقد عطاكم مكرمه مثلا لسنه من السنوات:mh318: لأني سمعت عن رسومها نار جدا:000:>>!!*

[غريبة المشاعر]

عندهم دبلوم لغه انجليزيه؟ وبكم رسومهم اجمالآ مو على عدد الساعات
اذا مافيه
طيب بكم البكالوريوس لغه ؟
والله يعين
طيب الامير ماقد عطاكم مكرمه مثلا لسنه من السنوات:mh318: لأني سمعت عن رسومها نار جدا:000:>>!!*

لا خيتو ماعندهم دبلوم لغه انجليزيه عندهم دبلوم تربوي ورسومهم مايتحدد كل ماده ليها سعرها الخاص والبكلريوس يختلف فيه قبل اختبار تحديد المستوى واذا ماجبتي الدرجه المطلوبه طبعا تدرسي 5 مواد انجليزي واسعارها نار اما ادا تريدي تربيه خاصه اليوم حسبت موادها والكتب تقريبا تكلفك 32 آلف كامل الاربع سنوات اما التخصصات الثانيه تكلفك اكثر اسعارها فوق الألف اما التربيه اسعارها كلهم ب618 بس مادتين ب224 ومادتين ب428 وبس مادة اخر مستوى وهو المستوى الثامن للتطبيق 2060 فيعني الاسعار معقوله مو زي التخصصات الثانيه ويارب الله يسمع منك من بؤك للسماء ان شاء الله يعطينا مكرمه ويبقى علينا بعدين بس اسعار المواصلات اذا صارت المكرمه وان شاء الله موفقه لكل خير يارب ^__^ :smile:

[موني نايس]

مساء الخير
بغيت اسئل انا بسجل بدبلوم التربية العامة للترم الثاني اللي فهمتة اني لازم اسجل الكتروني
وادفع مبلغ 250 هل صحيح هالكلام او اسجل الكتروني فقط وبعدين اراجع فرع الجامعة ؟
وهل فاتني التسجيل للترم الثاني ؟

[موني نايس]

استفسار ثاني
كيف تسجيل الدبلوم التربوي بالجامعة المفتوحه ؟؟؟
لاني
فتحت صفحة التسجيل وحصلت الدبلوم العام في التربية
لكن بجزء المؤهل مافيه جامعي بس ثانوي علمي وادبي

[شذاووي]

سؤال ..::

هل مازال التسجيل مفتوووووح ..؟؟

و أقدر أسسجل دبلوم في إدارة الأعمال .. او شئ من هالتخصصات ..؟؟

وكم قيمة الرسوووم في الدبلوم .. ؟

[غريبة المشاعر]

سؤال ..::


هل مازال التسجيل مفتوووووح ..؟؟

و أقدر أسسجل دبلوم في إدارة الأعمال .. او شئ من هالتخصصات ..؟؟


وكم قيمة الرسوووم في الدبلوم .. ؟



سلام اختي سوري التسجيل اتوقع انتهى لان هالاسبوع فتره اختبار تحديد المستوى
واسبوع الجاي تسجيل المواد لمده اسبوعين وبعدها تبدأ الدراسه وفي الجامعه لايوجد دبلوم الى تخصص اداره اعمال فقط دبلوم التربوي العام ودبلوم التربيه الخاصه
واذا تريدي بكلريوس اداره اعمال موجود عندنا في الجامعه وقيمه الدراسه يختلف
لان طريقه حساب السعر للترم
مثلا اني تخصص تربيه خاصه
618 سعر الماده + 113 سعر الكتاب + 311 قيمه التسجيل = 1042 لسعر ماده وحده
طبعا في مواد تكون سعرها بالف وشوي يختلف من ماده لمده في القيمه
وبالتوفيق لك وللجميع يارب
وان شاء الله موفقه لكل خير ^__^ :smile:

[Jorjen]

في تسجيل لين الاربعاء

[غريبة المشاعر]

ايه في تسجيل خيتو بإمكانك التقديم هالاسبوع
وان شاء الله موفقه لك خير يارب
ونسألكم الدعاء ^__^ :smile:

[شذاووي]

لو سمحتو .. أبغى رقم الجامعه فر ع البنات - الدمام ..؟؟ ضروووري

ويعطيكم ربي ألف عافيه ..

[Um ola]

مرحباا

اني عندي استفسار عن دبلوم التربية العام

اني حاليا طالبه في كلية العلوم سنه رابعه وهالترم تخرجي

عندي كم سؤال ياريت لو احصل لهم جووواب :060:

اولا : هل فرع الدمام للجامعه العربية المفتوحه فيه دبلوم التربية العام لو بس في الأحساء ؟؟ :Cry111:

طيب متى يبتدي التسجيل للسنة الجديدة ؟؟ :sm1:

ورسوم التسجيل كم ؟؟

وعدد أيام الدراسة كم يوم ؟؟

وبس لا هنتي :wink: :106:

[جوري نجد]

التسجيل السنه الجايه يحددون تاريخ
وعدد ايام الدوام حسب المواد اللي تاخذين ممكن يومين ممكن يوم ممكن اسبوع واسبوع لا
واتوقع فرع الدمام فيه تربيه خاصه بس

[Jorjen]

مرحباا


اني عندي استفسار عن دبلوم التربية العام


اني حاليا طالبه في كلية العلوم سنه رابعه وهالترم تخرجي


عندي كم سؤال ياريت لو احصل لهم جووواب :060:


اولا : هل فرع الدمام للجامعه العربية المفتوحه فيه دبلوم التربية العام لو بس في الأحساء ؟؟ :cry111:
مدري بس اتوقع انو فيه


طيب متى يبتدي التسجيل للسنة الجديدة ؟؟ :sm1:
ان شااء الله يفيدونك لني هم بسجل لسنه الجديد



ورسوم التسجيل كم ؟؟


ع حسب المواد لترم بس مجموع الدراسه 45 او 40


وعدد أيام الدراسة كم يوم ؟؟
3 ايام بالاسبوع



وبس لا هنتي :wink: :106:






وبس ان شاء الله فدتك




بس هم عندي سؤال ::


لني شفت المبنآ حقهم بالاحساء بس ماشفت اللي بالدمام


براااايكم مين الافضل < لنو بصراحه يهمني راااحتي ؟!

[ام رهوفه]

مرحبا
انا خريجه من جامعة الملك فيصل تخصص كيمياء غير تربويه
ابي اسجل بالجامعه العربيه دبلوم تربيه خاصه
بس عندي كذا سؤال ايش الفروع الموجوده في الاحساء بالنسبه لدبلوم التربيه الخاصه :icon120:
وكم رسومها وطريقة التسجيل فيها وهل في احد موجود في هالموضوع تربيه خاصه لان احس اني ضايعة وعندي اسئلة كثيره :Cry111:

[غريبة المشاعر]

مرحبا
انا خريجه من جامعة الملك فيصل تخصص كيمياء غير تربويه
ابي اسجل بالجامعه العربيه دبلوم تربيه خاصه
بس عندي كذا سؤال ايش الفروع الموجوده في الاحساء بالنسبه لدبلوم التربيه الخاصه :icon120:
وكم رسومها وطريقة التسجيل فيها وهل في احد موجود في هالموضوع تربيه خاصه لان احس اني ضايعة وعندي اسئلة كثيره :cry111:

سلام أختي أم رهوفه دامك دارسه تخصص كيمياء والشهادة غير تربويه بإمكانك
الدراسه في الجامعه دبلوم تربيه عام مو تربيه خاص لأن فيه فرق بينهم
دبلوم التربيه العام لمده سنه تدرسيه علشان تحصلي على شهادة تربويه
أما دبلوم التربيه الخاصه هدا كنك تدرسي من جده وجديد تدرسي غير عن تخصصك
وادا حابه تدرسي تربيه خاصه عندك دبلوم وبكلريوس والدبلوم ماتختاري مسار تدرسي بشكل عام اما البكلريوس تختاري اعاقه سمعيه او بصريه او صعوبات تعلم او تخلف عقلي وفرع الاحساء فيه جميع الاقسام من دبلوم وبكلريوس وادا بتدخلي دبلوم اكيد السعر اقل بكون 25 ألف اما البكلريوس يوصل الى 40 ألف وطريقه التسجيل تسجلي طلب التحاق وتطبعي الورقه وتوديه الى فرع الجامعه الا بتدرسي فيه وبعدين بيعطوك موعد تجيبي فيه الأوراق المطلوبه ان شاء اتضح الك الشرح
ولاتحاتي ولاشيء اي استفسار عن الجامعه انا في خدمتك
ولاتنسيني من دعائكم ..

[ام رهوفه]

طيب انا سمعت انوو.عادي والاحسن اني اخذ دبلوم التربيه الخاصه حتى في التؤظيف يكون افضل من التربيه العامهطيب المبلع 12000 ومدتها سنه للكل دبلوم تربيه خاصه وتربيه عامه

[غريبة المشاعر]

اهلين اختي ام رهوفه ايه بامكانك دراسه دبلوم تربية خاصه
بس 12 الف هذا سعر دبلوم التربيه العام تدرسي سنه وكل ترم تدفعي 6 الاف
اما الدبلوم التربيه الخاصه تدرسي سنتين وسعره تقريبا يوصل 25 الف وتتوظفي بسرعه ادا جبتي معدل 2.75 من 4
الديوان تقبل اوراقك وتوظفك بسرعه وان شاء الله موفقه لكل خير يارب ..

[ام رهوفه]

فديتكك خيتووو مشكوره واذا تذكرت شيء راح ارجعع :biggrin:

[Um ola]

الحين في دبلوم تربية عام في فرع الدمام أو لا ؟؟

:Cry111:أرجو الرد

[همس الليالي@]

السلااااام

كيفكم عساكم بخير ؟؟

انا توني جديده بينكم حبيت استفسر منكم بعض الشغلات

لاني ناويه اسجل في الجامعه بكالوريس التربيه للتعليم الابتدائي ان شاء الله

انا حاصلة على الثانوية العامة من 7 سنوات أدبي :24_asmilies-com:

هل فيه نظام انتساب ؟

أنا هسه في السعودية فهل أقدر بعد سنتين أكمل في فرع الاردن؟

ياريت اللي عنده معلومات يكتب لي كل شي عنها :sm5:

:rose::rose::rose:

[جوري نجد]

صراحه مدري عن الانتساب بس بالغالب ما في
تقدرين تكملين برا بس الكورسات اللي تاخذينها برا غير معترف فيها هني
يعني في حال تبين تتوظفين هنا
ولد عمي خذاها من الكويت وما قدر يشتغل فيها هنا

[M!ss Kemo]

سلام

حبيت اسال وش التخصصات الموجودة

وهل الشهادة معترفة من وزارة التعليم العالي وفيها منح من الوزارة اولا لهذي السنة


وهل يشترطو نسب معينة للثانوي او القدرات والتحصيلي

[# توم]

اي اعرف في تعليم عن بعد او لا

ولو في بدا التسجيل

وابي الرابط >< اذا في اصلا خخخخ

[غريبة المشاعر]

فتح القبول بالجامعة العربية المفتوحة السبت المقبل


http://1.1.1.4/bmi/a2.sphotos.ak.fbcdn.net/hphotos-ak-ash3/s480x480/551136_429378473767818_1345760824_n.jpg (http://www.facebook.com/photo.php?fbid=429378473767818&set=a.209756599063341.48828.209750749063926&type=1&relevant_count=1&ref=nf)


علنت الجامعة العربية المفتوحة بالمملكة عن بدء القبول (المبكر) للفصل الدراسي الأول للعام الجامعي 1433/1434هـ، وذلك في كل من الرياض وجدة والدمام والأحساء والمدينة وحائل وذلك في برامج اللغة الإنجليزية وآدابها، وتقنية المعلومات والحاسب الآلي، وإدارة الأعمال (أنظمة إدارية)، والتربية الخاصة، والدبلوم العام في التربية. ودعت الجامعة العربية الراغبين في التقديم تعبئة استمارة القبول بموقع الجامعة على شبكة الإنترنت، وذلك ابتداء من يوم السبت المقبل 9 رمضان.
يذكر أن الدراسة في الجامعة تبدأ السبت الموافق 13 ذو القعدة 1433هـ الموافق 29/9/2012م، وللاستفسار الاتصال على الرقم الموحد 90000268 من الساعة 10 صباحاً إلى 3 عصراً.

[Doudi]

السلام عليكم





حبيت استفسر عن الفئة العمرية المتاح لها التسجيل في الجامعه ؟
هل صحيح (+25)؟!!:(177):





وهل يمكن التحويل من الجامعة العربية الى جامعة الدمام بمعادلة المواد ؟!!:Looking_anim:

[غريبة المشاعر]

السلام عليكم






حبيت استفسر عن الفئة العمرية المتاح لها التسجيل في الجامعه ؟
هل صحيح (+25)؟!!:(177):






وهل يمكن التحويل من الجامعة العربية الى جامعة الدمام بمعادلة المواد ؟!!:looking_anim:



السلام عليكم أختي الخبر مو صحيح الفئات العمريه جميعا متاحه في الجامعه
أهم شيء يكون عندك شهاده الثانويه وتقبلك جامعتنا
ولايوجد في جامعتنا معادله المواد يمقنك الاعفاء من دراسه بعض المواد الاختياريه
بشهادات معينه فقط وبالتوفيق الك يارب وتنجحين وتتخرجين وترفعين راس الاهل والحبايب بالمعدل عالي يارب العالمين ..

[يارب ساعدني 2]

أنا قدمت التقديم الاكتروني أش الاوراق مطلوبها:Cry111:

[ريـ الفلا ـم]

السلام عليكم

اول مره ادخل هنـآ مع انـي صـآر لي بالمنتدى اكثر من 5 سنوـآت :biggrin:

المهم انـآ الترم الجـآي بدرس في جـآمعتكم ( دبلوم تربيـه )

ولاحظت في الخطـه مـآده مهارات استخدام الحاسب والانترنت .. وانـآ دارسه ذي المـآده بالكـآلوريوس مـآده مقدمة الحاسب والاتصـآل :biggrin: نظري وعملـي وجيبه فيهـآ بي بلس .. ودارسة دورة 3 شهور استخدام الحاسب بالاعمـآل المكتبيه نفس محتوى يلي درسته بالكليـه نظري وعملي وجايبه درجة زينه وشهـآدة موثوقه من المؤسسه العامه للتدريب المهني والتقني .. انـآ مـآبي ادرسسه مره ثالثه بعد بالدبلوم لاعت كبدي منهـآ .. يقدرون يلغون لـي المـآده ؟

اوبقولون لا ما يصير ودراسة اجبـآري ومن هـل الكلام عشـآن ياخذون دراهمـي :060: ؟!

ثاني شي ابي قـآئمة الاسعـآر الاخيـره .. ابي اضبط وضعـي من الحين :biggrin: ~

ثالث شغله / شخبـآركم مع حـآفز .. هل يقطعونه اذا درست لان ما دخلت الدبلوم الا بعد دريهمـآت حـآفز نبي نستفيد منه :biggrin: ؟

[A]

السلام عليكم

عادتا الى اي نسبه يوقفون القبول لطالبات الادبي :sm5:

[ريـ الفلا ـم]

ايـه يقبلون الا تخصص الحـآسب يبون علمـي

عـآدي اي نسبه ~

وتخصص ادارة اعمـآل بالانجليزي الدراسـه :biggrin:

[غريبة المشاعر]

أي استفسار عن الجامعه نحن في الخدمه بس هاليومين الدخول الى المنتدى قليل
بسبب اختبارات الفصل الصيفي الاسبوع القادم وبالتوفيق للجميع يارب ..

[ريـ الفلا ـم]

^

زين انـآ سألت :53:

الله يوفقك ~

[..شمعة حياتي..]

انا سجلت في الجامعه تربيه خاصه ..

حابه اسأل عن ساعات الدوام ... وكيف اللبس في الجامعه .. عشان اروح السوق واجهز :biggrin:

[غريبة المشاعر]

انا سجلت في الجامعه تربيه خاصه ..

حابه اسأل عن ساعات الدوام ... وكيف اللبس في الجامعه .. عشان اروح السوق واجهز :biggrin:

يختلف في فترتين فترة صباحي ومسائي وانتي وقت تسجيلك للمواد بتشوفي الاوقات المتوفره واختاري الوقت الا يناسبك الصبح او العصر واللبس عادي الك حريه اهم شيء لبس ساتر بالعبايه او تلبسي تبوره وقميص بنطلون وبلوزة انتيالك حريه اللبس انا افضل ادا عندك عبايه كتف ضلي بها لان استر ماتدري بكرى ناشرينك في الواتس اب فاافضل بالعبايه وانتي الك حريه الاختيار
والله يوفقك وتنجحين وتتخرجين بمعدل عالي واي استفسار اخر عن الجامعه انا في خدمتك ..

[ريم محمد mm]

انا اعرف اعها مش معترففيها
:Cry111:

[عهوووود]

آممممممم انا تووني سجلت فيها وان شاء الله أنقبل

واخترت حآآسب الله يعين بس أبي اعرف الحاسب دراسته بالعربي او e:(107):

[غريبة المشاعر]

السلام عليكم أختي عهود جميع تخصصات الجامعه العربيه المفتوحه بالانجليزي ماعدا التربيه الخاصه
والدبلوم التربوي العام وان شاء الله بتنقبلي في الجامعه والله يوفقك فيها وتنجحين وتتخرجين بمعدل عالي يارب العالمين ..

[Doudi]

انا سجلت الكتروني بس يعني لسى ماوديت لهم اوراقي وحاطه بالتسجيل الالكتروني اداره
هل ممكن احول لتربية خاصه :(107):

[orjowan]

آنآ بكره بروح بسسجل بس آول اسجل عن طريق النت ولا كيف ؟ :(107):

[Doudi]

:119:طبعااً اختي لازم تسجلين تسجيل الكتروني وبعدها تروحين تودين الاوراق المطلوبه ادخلي على موقع الجامعه وبيطلع لك التسجيل الالكتروني

[عهوووود]

يب انا بعد كيذا اول سجلت عن طريق النموذج اللي حاطينه ورسلته

بس لسه مارححت أودي أوراقي

وبخصوص انك تبين تغير التخصوص ترى تقدرين تغيرينه لما ترووحين تقدمين عندههم

[غريبة المشاعر]

بالتوفيق لكم ان شاء الله وتنجحون وتتخرجون بمعدل عالي
واي استفسار اخر انا في خدمتكم

[مرآة ذاته ..]

السلام عليكم ..

في البداية أعتذر على عدم دخولي و تأخري في الرد و أشكر كل من ساهم بالرد على إستفساراتكم ..

و ذلك لإنشغالي بآخر سنة مشروع و بلاويه [ و أخيراً تخرجت ]

و أي إستفسار أنا بخدمتكم

[عواشه]

بنات اقدر اسجل دبلوم تربيه عام الحين او فاتني خلاص
الي عندها رقم الجامعه ترسله لي بليز :004:

[غريبة المشاعر]

بنات اقدر اسجل دبلوم تربيه عام الحين او فاتني خلاص
الي عندها رقم الجامعه ترسله لي بليز :004:


هلا غناتي عواشه انتهت فترت التسجيل في الجامعه والان فترة تسجيل المواد
وسنبدأ الدراسه الاسبوع القادم وادا تريدي تسجلي دبلوم تربوي اول مايبدا التسجيل للسمستر الثاني علطول سجلي لان العدد محدود لطالبات الدبلوم التربيه العام وبالتوفيق لك وللجميع يارب
واي استفسار اخر نحن في الخدمه ..

[منار السعيدي]

خدمات مجانية – حلول واجبات الجامعة العربية المفتوحة
لجميع تخصصات الجامعة ولجميع فروع الجامعة
حلول واجبات – مشاريع تخرج – ملخصات هامة
www.aoua.comli.com (http://www.aoua.comli.com/)
www.aoua.123.st (http://www.aoua.123.st/)
Mobile: 00963 966252485 or 00963 933925248
mustafaalbeda@hotmail.com (mustafabidda@hotmail.com)
mustafaalbeda@gmail.com (mustafaalbeda@gmail.com)
حلول مضمونة وغير مكررة وغير متشابهة لجميع واجبات الجامعة
متوفرمدرسين ومدرسات لجميع المواد والتخصصات
KSA-Kuwait-Bahrain-Oman-Jordon-Lebanon-Egypt

قسم خاص لواجبا ت التربية لجميع التخصصات ولجميع المستويات
وقسم خاص لمشاريع التخرج – خطوة خطوة

[كبرياء القصيد]

عندي سؤال ،،


الحين لو خذيت بكالريوس ادارة اعمال في العربيه ,
هل اقدر اكمل ماستر في جامعة الملك فيصل او الدمام .. ؟


وإذا ايه , وش شروطهم ؟



لآ هنت

[كبريآئي روآيه]

ياخواتي

كيف الدراسه في الجامعه مممتعه ولا مرهقه ،؟

وهل الدكاتره تعاونهم كويس؟
ومتى يبدا التسجيل للترم الثاني؟

وايش احسن تخصص؟

[محمد الحماد]

السلام عليكم ,, شكراً لمن وضع هذا الموضوع الرائع

لدي استفسار انا متخرج من الثانوي عام 1430هـ وتخصصي ادبي وعمري الان 22 سنة

واريد الالتحاق بالجامعة فهل اقبل فيها ام لا ؟
اضافة ماهي التخصصات المتاحة لتخصصي ( ادبي ) ؟
وهل من الممكن أختار تخصص علمي وأنا تخصص أدبي ؟
ومتى موعد التسجيل المقبل ؟

وشكراً لكم مقدماً :29:

[y.kamel]

السلام عليكم ورحمه الله وبركاته

انا خريجه دبلوم علوم حاسب الي ,,

وابي اكمل على الحاسب حتى احصل على درجة البكاليورس ,,

فاابي اعرف ايش الخطوات المطلوبه للتقديم على الجامعه ؟

وهل يوجد معادله للمواد او تكون دراستي من اول وجديد ؟

وهل الشهاده متعمده والا لا ؟

وكم الرسوم للتسجيل ؟

ونظام الدراسة فيه من ناحيه المحاضرات علما اني موظفة فاابي اعرف هالشي ؟

افيدوني رحم الله والديكم ,,

[loloo7]

السلام عليكم ,,

حابة اسجل دبلوم تربوي بالترم الثاني :16:

ودي اعرف كيف التسجيل ؟ ومتى اسجل ؟

وعندي استفسارات كثيرة ..

لكن بعد االقى جواب على سؤالي :40:

وشكرااا جزيلا مقدماا على فتح المجال وتسهيل امور الطلاب والطالبات :27:

..

اتمنى القى بنت خبيرة بالجامعة واتفاهم معه بالواتس اب عن كل امور دراسة الدبلوم التربوي بالجامعة العربية المفتوحه :29:

[Ω♥ بعثرهـ ♥Ω]

^
^
وأنــآ بعد مثلك .. حآبه أتفآهم معآهآ عن طريق الوآتس أو البي بي
لأني نآدرآ مآأقدر ادخل هون ..
:36:

[حنايا الروح2]

هل يلززززززززززززم ع الطلابه صوووره شخصيه عند التسجيل:7:

[شوية أمل]

اهلييين بنات اني وحده دارسة دبلوم تقنية برمجه حاسب وابي اكمل بكالريوس هلي الجامعه فيها تطوير الشهاده لو لا...????

وكم الرسوم يكون فيها ....؟؟؟

وكيف طريقة التسجيل ...؟؟؟

وهل بتكون الدراسة عن بعد لو انتظام ...؟؟؟

وهل مضمونة الشهادة لتوظيف ....؟؟؟


وهل في احد يرد على أسئلتييي لو لا .......:8:

وبث

[RASLEN]

بنات متى يبدا التسجيل طيب للسنه الجديده :39:

[حوررري]

انا بعد ودي اعرف متى التسجيل لدبلوم التربوي ؟
وكيف راح تكون الية القبول .
وكم الر:10:

[التركية]

ياجماعة اش التخصصات الموجودة في فرع المدينة افيدوني الله يخلليكم

[التركية]

ياجماعة ليش ماتردووووو ردووو الله يرضى عليكم

[F!x]

talhaj@arabou.edu.sa

طلال حسن أحمد الحاج

مسؤلين القبول والتسجيل ممكن يفيدونك
...... وكذلك

g.mutwakel@arabou.edu.sa
غزل متوكل فالح حجاج

............................................

أعتقد إن تخصصاتهم موحده في جميع الفروع .....

[F!x]

- تقنية المعلومات والحاسوب.

- ادارة الاعمال (أنظمة ادارية).

- ادارة الاعمال (اقتصاد).

- اللغة الانجليزية وادابها.

[snowwihte]

السلام عليكم
اذا ممكن بغيت اعرف متى اقدر اسجل بالدبلوم التربوي ؟؟يعني متى يبدأ في هذا الترم ؟
وويش الاشياء المطلوبه اثناء التسجيل ؟وكيف يكون الدفع وتسليم الاوراق ؟
علماً اني طالبه متخرجه من جامعة الدمام وحالياً وثيقة التخرج فيها اخطاء وتصحيح الاخطاء قالو لنا مع بداية الدوام في شوال
يعني هل اقدر اسجل بالوثيقه اللي عندي ولما يسلمونا الوثيقه المعدله نجي نبدلها ؟؟
او ويش الحل الى هالمشكله وانا مو حابه يضيع علي ترم علشان خطأ مالنا ذنب فيه :24:

[MS.VIP]

القبول والتسجيل يبدا في 9/15 ميلادي والدفع يكون اما عن طريق سداد وانتي تفعلين جدولك من البيت او تدفعين بالبنك وتروحين الجامعه تعطينهم الوصل الاصفر ويفعلون لك الجدول وتستلمين الكتب بس هذي اخر مرحله بعد القبول واختبارات تحديد المستوى ..

[zalmrhabi]

انا ادرس فالجامعه متى تسجيل المواد والدوام

[sarooo]

عندي كم استفسار
وين مكان الجامعه في الخبر او الدمام ياليت الوصف بالضبط
كيف اعرف اني مقبوله وكم المده بين التسجيل والقبول

[ms amal]

موقعها حي الزهور عند الدوار بشارع المك عبدالعزيز مقابل التميمي
الأحد خذي أوراقك وروحي وقبلها سوي طلب التحاق من البيت أو سويه عندهم بالجامعه وبس

[ms amal]

تسجيل الأحد والدوام 29/9

[متفائلة دوماً]

سمعت انه قيه تسجيل عن طريق المنح وراح يبدأ التسجيل يوم الاحد تاريخ 9 ذوالقعده هل هذا الخبر صحيح ؟

طيب ويش الخطوات ؟

التسجيل من النت او في الجامعه وشلون الطريقه واذا اروح ويش اودي معي بالضبط ؟

واذا فيه مبلغ كم المبلغ ؟

[ms amal]

جاوبتك بموضوع ثاني

[mlook12]

لو سمحتوا ابي مواقع موثوقه لحل الواجبات

[يافرج]

هل يوجد تسجيل الترم الثاني؟ و السنه الاولئ بكم؟

[Amina Saleh]

أقدر أسجل بهالترم ؟
وكم أدفع للترم أبغى أحول من الدمام واكمل مساري بالعربيه بالمستوى الثاني .. ونفس القسم ادارة اعمال
+ افيدوني بلييز

[loloo7]

كيف ادخل نظام المودل ؟؟؟؟؟

[ميرهان]

السلام عليكم اخواني

انا حابة احول من جامعة فيصل الى جامعتكم ايش تنصحوني ؟؟ وكيف نظام معادلة المواد؟؟ وكم مادة او كم ساعة تقدرون تخلصون في الفصل الدراسي الواحد؟؟ عندكم صيفي او لا ؟؟


الحضور كم مرة بالاسبوع ؟؟ مسائي ولا صباحي؟؟ الدكاترة كويسين ولا عادي؟؟

وكم تقريبا التكلفة الكاملة للدراسة بالسنة الواحدة وهل في منح للطلاب المحتاجين؟

[آبو يـــزن]

ابعد عنها صعبه موت انا لي سنتين فيها وصعبه جدا وتتخرج بعد 7 سنين اذا كنت دافور نصيحه ابلعد عنها وروح لمنتدي الجامعه العربيه المفتوحه وتحصل فضايحهم

[Gooody]

الحين ذي الجامعه فيها ماستر عن بعد

[lahfa]

السلام عليكم


ودي اسالكم عن نظام الجامعه

انا عندي دبلوم ادارة اعمال تخصص تسويق
هل اقدر اكمل بكالريوس بالجامعه ؟

وكم ممكن تكون رسوم الدراسه ؟

وهل الدراسه بالعربي او الانجلش ؟

وهل الشهاده معتمده او لا ؟

[rana4]

متى الماجسيتر ؟؟؟

[yuchi]

السلام عليكم
وش التخصصات المتوفره للبنات بفرع الدمام

[Noory199]

السلام عليكم

حابه استفسر هل يوجد ماجستير موازي للبنات ؟؟
وكم الرسوم للماجستير للبنات
وايش التخصصات الموجوده ؟؟

[Noory199]

ليش محد يرد :(

[واجبات وبحوث]

لايوجد ماجستير بالجامعه

[كدووي]

مافتحو الماجستير انا كلمتهم يوم رحا قالو فيه؟