المساعد الشخصي الرقمي

مشاهدة النسخة كاملة : الله يخلي لكم والديكم ويجزيكم الجنه افيدوني

حــــزن
2006- 10- 28, 02:42 PM
السلام عليكم ورحمه الله وبركاته

لوسحتو عندي استفسار بخصوص 3 اشياء

اولأ متى يبدأ التقديم للترم الثاني

ثانيأ انا ابغى ادخل قسم من أقسام كليه العلوم الأداريه اي تخصص كان

مع العلم بأني ادبي ونسبتي 92 لكني سمعت ان مايقبلون طالبات ادبي بالعلوم الأداريه

ثالثا ابغى اعرف ايش هي تخصصات العلوم الأداريه الموجوده بالجامعه وهل صحيح انهم يعطون فقط دبلوم مايعطون

بكالوريوس بكليه العلوم الأداريه فقط

والله يوفقكم من كل قلبي لأني محتاااااره وضااااايعه

اختكم حــــــــــزن
بـــو أحــمــد
2006- 10- 28, 04:42 PM
و عليكم السلام و رحمة الله و بركاته

في البداية أهلاً و سهلاً بكِ أختي حــــزن في الملتقى الأكاديمي
و إن شاء الله تفيدين و تستفيدين


اولأ متى يبدأ التقديم للترم الثاني
في الترم الثاني ما فيه تقديم إلا لكلية الدراسات التطبيقية و خدمة المجتمع ... و هي كلية أهلية لمدة سنتين ( البرنامج التأهيلي ) ... و إذا جاب الطالب أو الطالبة معدل 2.75 من 5 .. يقدّر يكمّل بكالوريوس لمدة سنتين مجاناً !
و إلى الآن ما فيه أي خبر عن التقديم للفصل الثاني !


ثانيأ انا ابغى ادخل قسم من أقسام كليه العلوم الأداريه اي تخصص كان

مع العلم بأني ادبي ونسبتي 92 لكني سمعت ان مايقبلون طالبات ادبي بالعلوم الأداريه
نسبتك جداً ممتازة ...
ما شاء الله

ما عندي فكرة عن قبول طالبات الأدبي في كلية العلوم الإدارية .. و إذا أحد الأخوان او الأخوات عنده خلفية عن هذا الشئ ... يتفضل ...
بس اوعدك إذا ما صار شئ بكرة أستفسر لك ..
و رايح أعقب مرة ثانية ...

ثالثا ابغى اعرف ايش هي تخصصات العلوم الأداريه الموجوده بالجامعه وهل صحيح انهم يعطون فقط دبلوم مايعطون
طبعاً هم بعطون بكالوريوس مو دبلوم ..
و لمزيد من المعلومات .. أضغطي على الرابط التالي :
http://www.kfus.org/vb/showthread.php?t=16


إن شاء الله أفدتك أختي حــــزن
و سامحينا على القصور ...
بـــو أحــمــد
2006- 10- 29, 12:58 PM
السلام عليكم و رحمة الله و بركاته

أختي حــــزن
اليوم الأحد قابلت الدكتور محمد الفريدان - وكيل عميد القبول و التسجيل -
و صرح لي بأن ليس هناك تسجيل مباشرةً للطالبات في كلية العلوم الإدارية و التخطيط
بل هناك إنتقال للطالبات ممن درسن البرنامج الـتأهيلي لكلية الدرسات التطبيقية و خدمة المجتمع و حصلن على المعدل المطلوب ( 2.75 من 5 ) ..
ثم يكملن لمرحلة البكالوريوس في كلية العلوم الإدارية ...



أيضاً قابلت الدكتور عدنان الملحم - عميد كلية الدراسات التطبيقية و خدمة المجتمع
و قال لي بأن التسجيل في الكلية سيبدأ مع نهاية الفصل الدراسي الأول ... أي في شهر محرم القادم إن شاء الله

تابعي معنا مستجدات الأمور على صفحات الملتقى ... و بالتحديد ملتقى الطلاب المستجدين و خريجي الثانوية العامة ..
حــــزن
2006- 10- 29, 03:02 PM
مشكور اخوي الله يعطيط الف الف عااااافيه


ولايحرمنا منك بهالمنتدى

افهم من كلامك ان الترم الثاني الدراسه بفلوس بس وشكرا لك اخوي
بـــو أحــمــد
2006- 10- 29, 05:55 PM
حــــزن
العفو أختي ...

أيوااا مثل ما قلتي ..
الدراسة بفلوس و التسجيل بس في كلية الدراسات التطبيقية و خدمة المجتمع .
المنادي
2006- 11- 15, 03:48 PM
السلام عليكم ورحمه الله وبركاته

اختكم حــــــــــزن

وعليكم السلام ورحمة الله وبركاتة



اولأ متى يبدأ التقديم للترم الثاني



التقديم بالنسبة للترم الثاني هاذي للكلية اللي بفلوس ألا وهي كلية الدراسات التطبيقية
والتسجيل يبدأ في كلية خدمة المجتمع بعد ماتطلع نتائج الأختبار الفصل الأول وتسليمهم النتائج بالأنترنت


ثانيأ انا ابغى ادخل قسم من أقسام كليه العلوم الأداريه اي تخصص كان

مع العلم بأني ادبي ونسبتي 92 لكني سمعت ان مايقبلون طالبات ادبي بالعلوم الأداريه

اختكم حــــــــــزن

الكلية ماتقبل أدبي

ولكن كلية خدمة المجتمع تقبل أدبي وتقدرين تكملين في كلية العلوم الأدارية إذا أجتزتي المعدل المطلوب والسنتين المطلوبة




ثالثا ابغى اعرف ايش هي تخصصات العلوم الأداريه الموجوده بالجامعه وهل صحيح انهم يعطون فقط دبلوم مايعطون

بكالوريوس بكليه العلوم الأداريه فقط



هاذي كليتنا اللي تعطي دبلوم وإذا أجتزتي المعدل المطلوب تكملين مع كلية الأدارة
محتاره
2007- 1- 20, 07:54 PM
طيب وش الفرق بين الكليتين؟؟؟
بـــو أحــمــد
2007- 1- 20, 10:13 PM
أختي محتاره

كلية الدراسات التطبيقية و خدمة المجتمع كلية أهلية ... يعني الدراسة فيها بفلوس

أما كلية العلوم الإدارية فهي كلية غير أهلية .. حالها حال بقية الكليات
بس ما تقبل طالبات من بداية المشوار او تخرجهن من الثانوية العامة ...
تقبل الطالبات ألي درسن سنتين في كلية الدراسات التطبيقية و خدمة المجتمع و خلصن البرنامج التأهيلي ... و حصلن على معدل 2.75 من 5 و أكثر و بعدين يكملن و يحصلن درجة البكالوريوس

أو الطالبات الي خلصن الدبلوم في كلية الدراسات التطبيقية و خدمة المجتمع و حصلن على معدل 3.75 من 5 و أكثر