شيكوا على مراكز الاختبارات .. تراها تغيرت

[ماجد بن سواد]

السلام عليكم و رحمة الله و بركاته

فقط من باب الفائدة و تنبيه الأخوة الزملاء ، حيث أني لم أجد موضوع يتكلم عن هذا الأمر فأحببت طرحه للمساعدة و إن كان مكرر فأرجو حذفه ..

مواقع مراكز الاختبارات تم تغييرها بالنسبة لكثير من طلاب و طالبات الرياض .. لذا يرجى من الجميع الدخول للخدمات الطلابية و التأكد من مواقعهم و لا يتوهق بأن يروح لمكان خاطيء بناء على معلومات أخذها من جامعتنا العزيزة التي تغير في كل شيء على مزاجها و لا عليها من الطلاب دروا والا لا ...

أنا كان مقري في ثانوية عبدالرحمن بن مهدي و صارت الآن في مدارس التربية النموذحية ( اللي اختبرنا فيها الترم اللي راح ) ،، أحد الزملاء في تخصص الإدارة كان معي في نفس المقر و تغير مقرهم إلى مكان آخر في مخرج 9 ..

لذا يرجى الانتباه و دمتم

[منت فاهــم]

بارك الله فيك والله يجزاك خير......
بالنسبه لي ماتغير مكان اختباري
وانت احتمال بسبب ازدياد عدد الطلاب المنتسبين الترم هذا يمكن تم اختيار اماكن اخرى لأداء الامتحانات وقد تكون لأسباب اخرى الله اعلم بها

بالتوفيق اخوي والجميع ان شاءالله

[Reem.AB]

انا كنت بنزل موضوع وتعيجزت

ابي اقول عن التخلف في عرض موقع مركز الاختبار


اول شيء كاتبين اكاديمية الفيصلية الدوليه
واشوى ان الرقم صحيح دقيت وسالت قالوا ان الاختبارات عندهم
وانهم اكاديمية الفيصل العالمية


وبعدين حاطين كروكي زي وجيههم زي قلته لا فيه اتجاهات ولا يحزنون

وش هالغباء ؟
:017:


المشكله انه بالشماااااااااال يعني اللي ساكن بالجنوب يخيس بالطريق
ويتهزء مليون تهزيئه وهو بالطريق


وش يضرهم لو حطوه بحي وسط قريب للي بالشمال واللي بالجنوب

قسم بالله شيء يجيب المرض ما يكفينا هم الاختبار نشيل هم الطريق بعد

:mad:

[مبتسمة]

حتى انا نفس الي الله يستر واختباري بكرة :(

[(m7)]

جزاااااااك الله خيرررررر على التبييييييييه

والله لولا الله ثم انت ماااااااعرفت انه تغير
توني مشيكه من بعد موضوووعك هذااا الحييييييييييين لقيته متغيرررررررررر
والله مشكووووووووووووور مادري لولا موضوعك شكان بسوي

عاد انا قطريه مادل شيييييي ميح واول ماحدد مكان الاختبار اللي قبل هذا قبل كم يوم
رحت ادور المكان عشان اتطمن وادل المكان قبل الامتحان

والحين رجعونا مكانا العام شهالخنبقه


ومرررررررررررررره ثانيه ومليون مره ومره اشكرررررررررررررك من كل قلبي

واسال الله العلي القدير ان يوفقك ويفتح لك الخير من وين ماتوجه وجهك الطيب

والله يوفقك بدراستك ودنياك واخرتك ويجزاك الجنه

[ماجد بن سواد]

شكرا للجميع على المرور و الله يكتب الخير للجميع ..

أختي m7 شكرا لدعواتك و بدوري أقول ولك بالمثل ، الله يوفقك و يسهل دربك ويبلغك ما تتمنين و فوق ما تتمنين ..

[ضاري الشمال]

جزاكـ الله خيرررررررررررررررر

[صدى غرامكـ]

يسلموو اخوي بالتوفيق

[a7la]

جزالكـ الله خير بالتوفيق للجميع

[=_=]

الله يجزاك خير
ياخي جامعتنا فيها شويه تخلف وش يضرها لو ارسلت sms لجوالات الطلبة للأشياء المهمة مثل جامعة الامام

عاد انا نطلوني في النسيم وانا من البديعه يعني اروح الاختبار من طريق خريص وقت طلعه الموظفين يعني الواحد يخيس في زحمة الرياض ساعة ساعتين ويروح الاختبار النفسية زي الزفت ..

المفروض دام فيه 4 مراكز اختبار حطو كل مركز في جهة معينه شمال جنوب شرق غرب ويخلون الطلبة تختار المكان القريب منها مو تصير كل المراكز في شمال وشرق الرياض واحنا ياحقين غرب وجنوب الرياض ماكلين هوا في الزحمة واستعداد للمشوار بساعتين

الله يعين بس :017: :mad:

[ابو محمدالذيابي]

يازين الخرج حددوا الثانويه اللي بجنب بيتنا يعني مشي من دقيقتين الي خمس دقايق

[مدير اعمال]

خير ، انا ساكن في غرناطه .. ومحددين لي القاعه اللي فـ الريان ؟؟

المشكله انا كاتب في المعلومات الشخصية : الحي

الله يعين بس . :hhheeeart4: