معهد Berlitz ...!!

[كيفي]

هآآي ..

صباحكم/ مسائكم ورد

كيفكم ؟؟

حبيب استفسر عن معهد Berlitz بشكل عام

والي فهمته انه له فروع بعدة مناطق وله فرع بالأحساء

وموقعه فين وبس ؟؟

ماله موقع الكتروني ولا معلومات ولا شئ

تعبت وانا ابحث في قوقل عن معلومات عنه بس من غير فايده

حابه تفيدوني الي عنده فكره عن المعهد

وكيف برامجهم للصيف ودورات الانجليزي ..؟؟

وطبعا المبالغ عندهم كيف بأختصار ابي معلومات شامله عن هالمعهد

ياليت تفيدوني ..


في انتظار ردودكم ..!!

[كيفي]

يآآاهوو الموضوع من امس نازل ومااحد فكر يرد علي

:bngo12::017:

بليز :sdfgdsf:

[كيفي]

اخذ شهرين الموضوع ومااحد فكر يرد

طيب قولوا ان ماعندكم معلومات احسن من ولا رد

بنتظر كثير ؟؟؟

[بقايا امل]

اهلين حبوبه
بالنسبه للمعهد هذا يمدحون فرعه الي بالرياض بس غااااااااااااااااااااااالي جدا والكادر التعليمي اجانب واذا تبين موقعه بالاحساء فهو على طريق قطر بعد الرئاسه العامه للبنات , اممممم وشنو بعد فيه برامج صيفيه للاطفال بس مثل ماقلت لك اسعارهم ناااااااااار وبس
بالتوفيق

[طالبة تمريض]

في الجامعة العربية المفتوحة فرعهم

[! Hope]

حالياً أنقلـو لمكان جديد

تحصلينه ببرج الملحم بشارع ثريات

ومثل ماقالوآ دوراتهم غاليه

يعني صديقتي خذت دوره شهـر خمس أيام بالاسبوع بـ ألفين وست ميه ريال على ماأعتقد

بس يمدحون تعليمهم وعندهم برامج حلوه للاطفال

والمدرسين كلهم ناطقين بلغتهم الام الـ E

تقدرين تروحين لهم بمكانهم الجديد [ الي بالجامعه العربيه المفتوحه هذا قديم ونقلوآ ]

وتستفسرين أكثــر



موفقه إن شاءالله

أإن أقدتك أدعي بالتوفيق والله يسهل أموري :c8:

[فتاه طموحه]

حبيبتي حتى انا مفكرة ادرس فيه واخذ معهم مستويات

بس شكله مثل مااقالو الاخوات نار >>>> يعني بفلس :Cry111:

انا مستواي حلو في الانجلش بس الله يستر

اتصل فيهم ومااقالو لي الاسعار قالو لي تعالي نعمل لك تيست تحديد المستوى

وهذا موقعهم وياليت اللي عندها معلومات تفيدنا

http://berlitz-saudi.com/

موفقه يالغلا

[moon and sun]

هلا..
أنا أدرس في بيرلتز
موقعه في شارع الثريات برج الملحم الدورS
بالنسبه للإداره ياكلون الناس بلسانهم بالبدايه ..انا الصراحه استفدت من L1وl2لان المدرسه رائعه لكن للاسف صارت ماتدرس في بيرلتز..المستوى الواحد دراسته ب3400ريال..الدراسه 5 أيام والخميس والجمعه إجازه..و3 و4 مااستفدت منه لان المدرسات شرحهم مو حلو كله كلمات مايسوون لنا ولا يعطونا محادثات عكس 1و2..ولازم تدفعين لهم المبلغ كله وبعض الاحيان ياخذون الفلوس قبل مايفتح Lبشهر اوشهر ونص..أتمنى أني أفدتك..للإحاطه اللي تبقى تدرس عدل تدورلها معهد2كويس

فهمتي ولا لا مهما قلتيلهم ان المدرسه او طريقه التدريس مو زينه مايسمعولك..

[Dr.. BshoOoRy]

طيب يالاخوات اذا على قولتكمم معهد بيرلتز مايههتكم إلا بالفلوس وبس

وش احسن المعاهد في الاحساء اقدر اسجل فيها

[jojoksa]

أنا كنت ناويه أدرس في بيرلتز اللي بشارع الجامعه جنب الرئاسه رحت لهم وعملت تيست وقالت لي لازم تبتدين من المستوى الأول <<طبعاً الكل بيقولون لهم هالجواب

وقالت لي 3400 تقريبا شهر ونص او شهر ما حددت لي كم بالضبط
وقالت لي على حسب الدراسه تبين فرديه بس انتي والتيشر ( المعلمه ) بعشر آلاف الشهر
تبين مع وحده بس والمدرسه ثالثتكم تقريبا قالت ب5 آلاف شهر طبعاً

أما تبين مع قروب مجموعه بنات ب3400

المبنى جداً راقي والمعلمات اللي فيه كلهم كنديات وبريطانيات وتعامل الرسبشن راقي <<اكيد عشان يشفطون منك دراهم

ودراستهم في عصريه وفي صباحيه على حسب اللي تبغين

بس اللي يدرسون فيه قليييل ينعدون ع الأصابع

طبعاً أنا ما سجلت كنت متحمسه في البدايه بس قلت ما أبغى أستعجل
يمكن أشوف معهد أفضل منه ومو مهم السعر بس صحيح بيلتز محد يتكلم فيه كثير



:

[فيونكهـ فوشيهـ]

انا درست بمعهد بيرلتز مستوى 2 >بدون مااسوي اختبار مستوى
قلت لهم ابغي 2 او ماني دارسه قالوا اوكي >> ويااهم عليهم لسان حلوووو ويغرونك بس اللي فيهم ماعندهم مصداقيه ابدا يعني يقولون اقساط ندفع مقدم يعني بالبدايه 500 مشان التسجيل وبعدها 500 >> يصير الف مشان نستلم الكتاب هذا اتفاقنا بس بعد الدراسه بااسبوع قالوا لازم المبلغ كامل او مافي كتب شفتوا كيف الكذب
والكلاس يقولون محدود العدد وبادروا بالحجز وفي الاخير بنص الشهر يجون بنات يدرسون يعني ايزي اهم شي الفلووس والكلاس يصير زحمه وكل مازاد عدد البنات قل الاستيعاب > وبعض المدرسات يعطون محادثات وبعضهم ولا تكتبين معها شي ولاتعطيك محادثه ليه عشان تطلبين محادثه وتزيدين 500

بس للامانه انا استفدت شووي لاني كنت ولاشئ

[فراوله زرقاء]

انا الصراحة جربتة L1

وان شاء الله ناوية اكمل بإذن الله

بس ابي اعرف مين المدرسة الزينة وشرحها يدخل من نسمة هوه من حلجها هههههه :hahahahahah:

جد يقهروني على المبلغ الي ياخذونة صارت جامعة الملك فيصل وتخذين بقر و تيوس ارخص ههههههه هذا ام النكتة الصراحة :lllolll:



واذا فيه معهد احسن منة ويتعامل مع المحادثات دلوني عنة بليززز ابي رددد بإسرع وقت

[لحن الزهور]

اب بصراحه ابي اعرف اكثر

طيب وش رايكم في البرتش كونسل؟؟

حلوووو ولا احسن بير لتز؟؟

[نادره2]

الحق ينقال المعهد اكثر من رائع انا درست مستويين وناويه الثالث
بالعكس المدرسات ممتازات وعليهم متابعه قويه الاداريات وراهم هههههه حتي المدرسه وهي معني تتابع خطوه بخطوه وبنص الدوره يعطونا تقييم عن مستوانا واذا علينا اي اخطاء عشان نلحق نصلحا
بس اللي يغيب مايستفيد وهذا السبب اللي في اول يوم دخلت علينا المرشده ونبهتنا له وفعلا اللي غاب تعثر
انتوا عارفين انه ماخذ المركز الاول لتعليم اللغات بالمملكه
نصيحتي الغالي سعره فيه لاتضيعين وقتك علي خرابيط
بيرلتز وبس:d5:

[ديمه ناصر]

ابي اسال معهد بيرلتز بس حق لغات ولا في تخصصات ثانيه .. لان انا ابي ادرس تاسيس رياضيات وموعارفه لي معهد يدرس رياضيات بالخبر :sm1: .. سااعدووني بليييز:icon120: