ليت كل القلوب اللي تحب بجنون

[الأميره النائمه]

ليت كل القلوب اللي تحب بجنون ..
تعرف إن المحبه جنه في هجير ..

كل دمعه عزيزه لأجل غالي تهوون ..
لأجل شوف الحبايب كل قاسي يسير ..

لي حبيب أحبه والمحبة فنون ..
كل ما اذكر غرامه من غرامه أطير ..

ماعشقته رياح ولا عشقته سكون ..
نسمه داعبتني تمتزج مع عبير

فوحها من غرامه تحتويني بهون ..
كيف مايحتويني حب قلب كبير ..

إن زعلت وتراخت هامتي والمتون ..
مد كفه وطبطب قال لي : مايصير ..

ابتسامه محبه وارتعاشه جفون ..
ترسم الكون فرحه من هنا للأخير ..

عن شتاتي بلاد وعن همومي حصون ..
صرت فارس بلاده والأمير الأسير ..

قلت له لاتغيب وقال لي كيف أكون ..
قلت عطني يدينك حس قلب كسير ..

خايف الحلم يفنى بين هم وظنون ..
وخايف اليأس يحفر قبر حلم صغير ..

وخايف الدمع يصحى من مهاد العيون ..
وخايف اصحى وأشاهد واقعي والمصير ..

ضمني حيل أنا محتاج صدر حنون ..
مدري وش صار فيني بس ماني بخير ؟؟

منقوولـ،،

[وجــــــود ..}]

مشكورة الاميرة النائمة وسلمت يداك على النقل :119:

[عبير]

الأميرة النائمة

تسلمي خيتو ع النقل

قصيدة في قمة الروعة

الله يعطيك العافية

و إن شاء الله دوم نشوفك موجودة

عندنا بقصايدك الحلوة

تحياتي لك

:d5:

[الأميره النائمه]

مشكورين روح فتاه وعبير على الرد والله يعافيك
وكله من ذوقكم

[حياة]

بسمه تعالى

اشكرك على حسن ابداعاتك
وعلى شفافية احرفك فوق سطور حياتك




تقبلي مروري

[جنون الحب]

الأميرة النائمة

ناعمه انتى يا اميرتي..

طرح رااقي وذوق رفيع في الاختيار..

لكِ مني اكليــــل من الورد:love080:

[الموت البطيء]

ضمني حيل أنا محتاج صدر حنون ..
مدري وش صار فيني بس ماني بخير ؟؟

قصيده مميزه

الله يحفظك
تشكرين الاميره النائمه على طرحك

[غسق]

فصيدة من ذهب على طبق من فضة

أنا ايضاً

أسرني هذا البيت المذهب الرائع

ضمني حيل أنا محتاج صدر حنون ..
مدري وش صار فيني بس ماني بخير ؟؟

شكرا لك
:love080:
اميرتنا
:222g:
سلام.