المستوى الثالث يدخلون مشكورين

[أبو غدير]

السلام عليكم ورحمة الله وبركاته،،،
إخواني أنا مستوى أول لغة انجليزية
ومعدل في الثانوية 98.83 أدبي
وأبغى أستفسر من الأخوة اللي في المستوى الثالث عن الانجليزي...هل هو صعب أم سهل ..؟وكيفية الدراسة.........والتطبيق.......؟
بالله لاتبخلون علينا لأننا أخوانكم في المستوى الأول خايفين من الصعوبة
ولكم مني الدعاء
وشكر خاص للأخت البريئة2 وأرجو منها إبداء نصائحها

[طالب vip]

والله اذا انت تحب الانجليزي ماتوقع رح تكون عندك صعوبه فيه

مازلنا في المستوى الثالث اللي راح مو صعب ممكن الشاطر اللي مثلك ينجح

عاد الجاي الله اعلم

[البريئة2]

انت مستوى اول يعني توك مسجل ؟ ولا جربت دراسة ترم ؟
لانه الطريقة نفسها بس بتكون مواد تخصص
لا ان شاء الله سهل خصوصا اذا كان عندك خلفية ولو بسيطة في اللغة الانجليزية يعني احنا مستوى ثالثة تونا نتخصص والمواد هي عبارة اكثرها وليس كلها عبارة عن مراجعة لماسبق وان درسنا وسوف تاخذون موادا انجليزية عامة خلال المستوى الاول والثاني
احنا في المستوى الثالث كان عندنا مادة استماع واستيعاب هذي شوي مختلفة لانها تعتمد على سماعك للكلمات وفهمك لكنها سهلة وفي الامتحان بتسمع السؤال وبتجاوب والمادتين الثانيتين عبارة عن قرمر
القراءات والمطالعات ما اخذتها انا وهي من مواد التخصص ياليت الاخوان يفيدونك
يعني بالجملة اخذنا 4 مواد انجليزية بالاضافة الى بعض المواد الاخرى العامة
والانجليزي هي انشاء وتعبير هذي شوي قرامر شوي الكلمات ومعناها
استماع واستيعاب
تركيب لغوي وهذي قرامر
وقراءات ومطالعات

بالنسبة للكتب نعم فيه كتاب لكل مادة لكن انا ماشتريت لانه سرعان ماتوفر على النت والاخوان ما قصروا رفعوا الكتب كلها على ملف pdf انا كنت خايفة اني اضطر اتكلف واشتري الكتاب بس الحمدلله
والكتب سهلة ماتخوف يعني لا تحسب انها كبيرة ومتينة لا عادية نفس حق المستوى الاول والثاني طريقتها ونفس التمارين والقطعة وكذا

[ام ريماس]

ماشاء الله نسبتك حلوه ليه مادخلت منتظم؟؟؟ لايكون بسبب التحصيلي حسبي الله على هالنظام البايخ
الله يوفقك ويوفقنا ان شاء الله

[sway]

اخوي سههههههههله باذن الله
توكل على الله واجتهد وبالتوفيق ان شاء الله

[بدويه]

أنا أقول توكل على الله...

شاور عقلك وقدراتك وقول أنا لها.. <<< حرب هذي :cheese:

وكلام أخواني ماعليه قصور

بس دخلت حبيت أشجعك بالتوفيق إن شاء الله

[أبو غدير]

شكرا جزيلا أخواني وأخواتي الأعزاء
وأنا خلصت من الترم الأول إن شاء الله وبقى مادة وحدة فقط
ومادلت منتظم لأن عندي التزامات أسرية
وشكر خاص للاخت البريئة2 على هذا الشرح الوافي
بارك الله فيكم

[ولد الشمال]

اعتبر اللغه الأنجليزيه عدوك وسنرى من ينتصر على الثاني
ثق ثقه تامه اذا كانت الأستعدادات كبيره فأنك من سينتصر

اذا وقفت في طريقه بعض العثرات فلا تستسلم وضع في حسابك بأنك اذا كنت قادر على النهوض فستصل الى ما تريد تحياتي اخوي وبالتوفيق

[دلوعة أخوها]

ان شاء الله مافيه صعوبات القسم ممتع للي حاب يتعلم

اهم شي الرغبه موجوه

الله يوفقك :smile:

[أبو عمااااد]

من كانت له بداية محرقة كانت له نهاية مشرقه
توكل على الله واستعن بالله إن شاء الله تكون الأمور سهلة :(204)::(204)::(204):