تسجيل الدخول

مشاهدة النسخة كاملة : قبل الغرام وقبل.....؟؟؟؟؟


موهوووب1
2008- 5- 28, 10:01 AM
قبل الغرام و قبل ما اصير اغليكاعاهدك مااقول غير آمر وسم

قبل الغرام وقبل مااصير .. مغليك
أعاهدك مااقول : غير ..( آمر وسمْ )



حتى لو إنك قلت : برحل .. وأخليك
بقول لك : تامر على ماتبي .. تمْ


رايح أكون إنسان .. يفهم مباديك
أشاركك بالضحك .. والحزن .. والهمْ



مهتم بكْ .. وأغلي بعد من .. يخاويك
ومن لايهمك ماني ب فيه .. مهتمْ



بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ



وإنْ جاك نوم .. رموش عيني .. تغطيك
غمض عيونك وسط عيني وثم .. نمْ



وان قلت لي وش كبر حبي بخافيك ؟؟
أقول أحبك .. بس .. مدري أنا كمْ !!



أبيك تسرقني .. لروعة مراسيك
وأموت بك موتة غريق ٍ .. وسط يمْ



أبيك تدرك يوم انا جيت أماشيك
قصدي تكون أقرب من .. الخال والعمْ



قصدي تبعثرني .. اليا مر طاريك
وأحنْ لك .. وأجيك .. ملهوف ل اللمْ



قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ



أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ



لكن ..!! لو إنك قلت : برحل وأخليك!!
بقول لك أبشر .. على ماتبي .. تمْ


وسلامتالجميع

عبير
2008- 5- 28, 01:56 PM
يعطيك العافية

ع القصيدة

الحلوة

تسلم

بانتظار جديدك

تحياتي لك

جنون الحب
2008- 5- 29, 12:46 AM
وان قلت لي وش كبر حبي بخافيك ؟؟
أقول أحبك .. بس .. مدري أنا كمْ !!


احلى غرام يكون..

موهووووب

رائع احساس الحرف معزوف با الغرام..
وجميله معبره الكلمات با الحب..
لك الياسمين مني..

ولك ارق التحيات واعذبها..

موهوووب1
2008- 5- 30, 01:25 PM
يكفيني بس ذوقك واحساسك الراقي..الف شكر جنون الحب

غسق
2008- 5- 31, 02:30 AM
موهوب

جمال القصيدة ومضمونها لايضاهى بثمن

رائعة هي كلماتك استطاعت ان تنفذ للقلب بلا أستئذان

شكرا لك

سلام.