لدينا حالة وفاة..هل استطيع تقديم عذر عن الاختبار؟؟

[أم ياسين]

السلام عليكم
أنا لله وأنا إليه راجعون ببالغ الحزن والأسى تلقينا مساء امس خبر وفاة جدتي رحمها الله وطبعا وبسبب هذا الظرف لن استطيع الحضور الى الاختبار فهل يمكنني تقديم اعتذار عن الاختبار؟
واذا قبلوا مني هذا العذر هل احمل المادة ام يكون لي اختبار فقط؟
جزاكم الله جميعا كل خير

[البريئة2]

عظم الله اجركم ورحم الله موتاكم وموتى المسلمون
مادري والله

[نوغا]

الله يرحمها ياارب ان ششاء الله يفيدونك

[إبتسم للدنيا]

الله يرحمها

[zanan]

عظم الله أجركم واحسن الله عزائكم

[ولهت عليك]

عظم الله اجرك

[سفير الشرقية]

احسن الله عزاؤكم . الله يرحمها ويغفر لها . ويسكنها فسيح جناته .

[Noura *]

عظم الله اجركم آلله يرحمها ويغفرلها يارب :icon9:
اخر الاحزان ان شاء الله :106:

للاسف ماعندي خبر اذا يعيدون لك او لا
ان شاء الله يجي احد يفيدك :love080:

[سعد العسكر]

عظم الله اجرك ورحم متوفيكم


والله ماعندي خبر يالغاليه

[ليناا]

اسال الله ان يتغمدها برحمته ويغفر لها
ويجعل قبرها روضة من رياض الجنة

[سمو الإحساس]

عظم الله اجرك اختي أم ياسين وغفر لجدتك واسكنها فسيح جناته

اتأكدي واذا ماردوا حاولي تجين على نفسك ساعتين تحضرين الاختبار عشان ما يحسب لك غياب وماندري وش الاجراءات المترتبه على الغياب خصوصا اذا حسبوه بدون عذر ،،

موقف صعب بصراحه
والله يكون بعونك يارب ،،

[No Coment]

صديقتي توفى والدهـا .. يوم الخميس ..

ارسلت لنجآر واتصلت علي مصــلح للاسف محد يرد ..

ارسلنا فاكـس ..

وعضم الله اجرك يارب والله يرحمه ويغفر له

[سعد الشمري]

الله يرحمها يارب

[انتساب e]

الله يغفر لها ويرحمها

[رغودة]

عظم الله أجرك أختي ..حاولي تضغطين على نفسك هالساعتين...تختبري فيها.
أختي قبل شهر منتظمة بجامعةأخرى ولما توفى جدي وكان عندهااختبارات غابت ثالث العزا يوافق يوم السبت ..احضرت عذر ((افادة من المستشفى بوفاه جدي لديهم))ولكن للاسف رفضت العميدة عذرها وحرمتها الامتحان ..فما ادري عن نظامنا هنا بالجامعة...ارسلي لهم فاكس وان شاء الله يفيدونك.

[المراجل]

عظم الله اجرك ام ياسمين
الله يسكنها الجنه

بودي لو تتصلي ع ادارة الجامعه وتستفسري من هناك افضل

[أم ياسين]

السلام عليكم
اشكركم اخواني اخواتي فردا فردا والله يطول اعماركم جميعا ولا يحرمكم من حبايبكم امين رب العالمين
والله يوفقكم وفالكم يااارب
المشكلة ان مكان العزاء بعيد عن مقر الاختبار لو كان قريب كان ظغطت على حالي ورحت الاختبار بس للاسف مافيه مواصلات
ان شاء الله احاول اتصل على الدكتور النجار وان شاء الله خير
و ياليت اللي عنده اي خبر او معلومة عن الاعتذار لا يبخل علينا فيها
وجزاكم الله خيرا جميعا

[OK6779]

عظم الله اجركم وان شاء الله مثواها الجنه
وبالنسبه للعذر انا غبت عن اختبار ثلاث مواد الي هي علم الاجتماع والتذوق الادبي والتحرير العربي
لاني كنت مريضه وكلمت الجامعه ما ادري مين رد علي قالي لازم اتجيبي ورقه من المستشفى
ودخليها بعد نهاية الامتحانات بايقونه موجوده بالخدمات الطلابيه وهي الاعتذار عن تقديم الامتحانات
لكن الحين مغلقه وتفتح بعد الامتحانات قالي المواد تنزلي بالمستوى الثاني لكن رجعت احاول اكلمهم
عشان اتاكد ولا رقم من ارقامهم ردو علي
وهاذا الي عندي ان شاء الله اكون فدتك

[أم ياسين]

اقتباس:
المشاركة الأصلية كتبت بواسطة OK6779 http://www.ckfu.org/vb/ram1-imp4d.com/buttons/viewpost.gif (http://www.ckfu.org/vb/showthread.php?p=2474575#post2474575)
عظم الله اجركم وان شاء الله مثواها الجنه
وبالنسبه للعذر انا غبت عن اختبار ثلاث مواد الي هي علم الاجتماع والتذوق الادبي والتحرير العربي
لاني كنت مريضه وكلمت الجامعه ما ادري مين رد علي قالي لازم اتجيبي ورقه من المستشفى
ودخليها بعد نهاية الامتحانات بايقونه موجوده بالخدمات الطلابيه وهي الاعتذار عن تقديم الامتحانات
لكن الحين مغلقه وتفتح بعد الامتحانات قالي المواد تنزلي بالمستوى الثاني لكن رجعت احاول اكلمهم
عشان اتاكد ولا رقم من ارقامهم ردو علي
وهاذا الي عندي ان شاء الله اكون فدتك



الله يطول عمركم ومشكورة اختي في مزان اعمالك
لكن المهم هل احنا نكون حاملين للمواد يعني سلم رسوم مرة ثانية وطبعا يتاثر المعدل بذلك؟
ام فقط تاجيل للامتحان؟
شاكرة للكل حسن التعاون

[OK6779]

والله يا اختي ما اعرف عشان كذا حاولت اتصل مره ثانيه ما قدرت اصيدهم
لكن اتوقع اذا اقبلو العذر ما ياخذون فلوس