الانتساب المطور - التعليم عن بعد

[نجلاء بنت محمد]

السلام عليكم ورحمة الله وبركاته
/

طبعاً كلنا الحين معاناة في اتخاذ القرار لما ينزل التصويت
وكل المواضيع للأمانه اللي قرتيها والردود اللي شفتها كلام و اراء شخصيه بحته ،

صحيح ان الدكتور/ النجار ماقصر في التفاعل معنا ،،
لكن هذا مايعني ان ابن آدم مثالي لدرجة عدم الخطأ
بالتالي لايمكن يكون الدكتور او غيره احرص من الشخص على مصلحة نفسه

لذلك المفروض اننا نستشير ناس من اصحاب الشأن يعني ناس مسؤولين في قطاعات مختلفه
سواء شركات او دوائر حكومية
او حتى جامعات اجنبيه للي علاقات هناك من طلبه او دكاترة ،،
وبكذا يكون القرار عقلاني وبقناعه تامه ،،

لذلك أتمنى مااحد يرد ويقول مو فاهم ومدري .... الخ
،،

حبيت اقول هالكلام بعد استشارة لناس لهم علاقات ممتازة في وزارة الإعلام
وكان التأييد وبدون نقاش على ( الانتساب المطور )

وجاري العمل حالياً على استشارة لناس لهم علاقات بجامعات اجنبيه
وراح اكتب النتيجه في ردودي على هالموضوع يعني اللي يبي يتابع الردود وبيعرف لأني وقتها ماراح اقدر اعدل عالموضوع ،،
/


واللي ابي اقوله من خبره أن الانتساب المطور افضل ليه ؟
لأنو التعليم عن بعد يشمل اشياء كثيره وغير محبذه عند الشركات وعند اكمال الدراسه
مثل : اختبارك وانت متكي في غرفتك !!
معقوله شركه او اي دائرة او اي جامعة راح تقبلك وانت مختبر في غرفتك ؟؟
هذا هو المتعارف عليه في التعليم عن بعد بنسبة تفوق 90%
وإذا اختبرت في مكتب فهو مكتب غير معتمد عن باقي الجامعات اصلاً
يعني مكتب تجاري بحت ..
وهذي المكاتب تبيعك شهادة التعليم عن بعد بتراب الفلوس لو تبي ماستر باعوك
وهذي حقيقه اخذتها حرفياً من شخص مسؤول عن مكتب من هالنوعيه
لكن كان للأمانه مايبيع الشهاده لكن ذم التعليم عن بعد ببعض الجامعات بسبب ان المكاتب اللي تبيع شهادتها كثيره ،،

يعني لو اخذت شهادتي بمسمى تعليم عن بعد
وجاء واحد ماخذ شهاده من جامعة مثلاً نقول الجامعه الأمريكيه في لندن
بشهادة تعليم عن بعد
انا وياه بنكون واحد في نظر 95% من الشركات والدوائر والجامعات اللي ممكن نكمل فيها الماستر ،،

وللناس اللي ماتهمها لا وظيفه ولا تكملة دراسه بس يبون الشهاده لشيء في خاطرهم
ينطبق عليهم الكلام ،،
نظرة الناس بتكون انك واللي شاري الشهاده واحد ونظرتك لنفسك بتحس بإحباط
عالأقل هذي وجهة نظري الخاصه ... قبل اتخاذ القرار النهائي

/

صحيح الكلام اللي فوق كثير لكن حبيت افيدكم وافيد نفسي
في اتخاذ قرار يكون جماعي في مصلحتنا بدون انانية من احد
وخاصه ان الحق معنا في حال رفضنا للتعليم عن بعد ،،


أتمنى في اقرب وقت اجيب لكم رأي صاحب العلاقات مع الجامعات برا
:106:
/

ملاحظه : ياليت الردود اللي ماندري ... الخ مانشوفها في الموضوع
عشان نوصل لنتيجه وحده ،، مع احترامي لأصحابها .
أتمنى القى ردود واضحه ومنطقيه او ردود فيها اراء واستشارات من ناس مسؤولين في اي قطاع او جامعه برا .


بالتوفيق للجميع ،،

[ولد الحفر]

السلام عليكم ورحمة الله وبركاته

بالبداية أحب أشكرك على هالموضوع وتبيين وجهة نظرك الجيده

بعد سماع جميع الأراء عن هالموضوع [ أنا مع الرأي بأفضلية الأنتساب المطور ] للأسباب اللي ذكرتيها وأبسطها

شهادة تدرسها وانت بالبيت وتختبر وانت بالبيت وتجيك الشهادة لين البيت .. هل من المعقول أن يعترف بها أحد !!


وبالنسبه ان الدكتور النجار سيطرح الموضوع للتصويت أعتقد مو من حقه يغير مسمى شهادتنا حتى لو الأغلبيه وافق على التغيير .. ولو مجموعه بسيطه تعترض بيحق لها لان بعض الطلاب مادخل الجامعة الا لان مسماها ومضمون الدراسه انتساب مطور فلا الدكتور النجار ولا احد بالجامعة اعتقد من حقه يستطيع تغيير مسمى شهادتنا غصب عنا !! :(107):

على فكره اسمك ذكرن بـ حور رحمها الله :icon9:

[جريح الصمت]

الكلام هذا ايام ما كان التعليم عن بعد غير معتمد بالمملكه
كان فيه مكاتب تبيع شهادات وانت متكي ع قولتكم

اما الان اعتمد بمرسوم ملكي ووضع له اليه معينه

وتوجه الدوله احلال التعليم عن بعد محل الانتساب لان التعليم عن بعد فيه تفاعل وشبيه بالانتظام


وعبال ما نتحرج وناخذ وثيقه من جامعه سعوديه معترف فيها رح يكون تغيرت الفكره لان الاليه تغيرت

ومعلومه حتى الانتظام خارج المملكه فيه جامعات غير معترف فيها

الان نتكلم عن نوع من التعليم معتمد بمرسوم ملكي ومعترف فيه

ما نتكلم عن مكاتب بيع الشهادات

[بو الياس]

مو من حق الدكتور تغيير المسمى

وذالك لمبدئ القانون أو التشريع السعودي

في حال صدور لائحة جديدة .. تطبق من تاريخ النشر للقانون الجديد

يعني القانون القديم ساري .. على من درسوا قبل صدور القانون الجديد

لو غير المسمى ( سوف ارفع قضيه على اعلى مستوى )

لا نريد تغير المسى .. الي يبي يغير يغير بكيفه

أحنى على النظام القديم خلونا علية

وشكرآ

[سواريس]

مايهــم كله مثل بعـــض .,,

[الباراتون]

حالياً الموضح بشهادة التعريف من جامعة الملك فيصل :
التعليم المطور للإنتساب
بلا : التعليم عن بعد الذي له سمعه سيئة عند الكثير

[’’خالد الهذلي‘‘]

آآآآآآآآآآآء

دراسة --> شهادة --> نترقى في العمل
وممكن .. نكمل الدراسات العليا
= نفس الطبخة بلا تعايم عن بعد بلا منازل

تحبوون البربرة والموضوع بسيط .

[ǺĽ ẕeeห]

يسعدلي اياك خيو جريح كلامك عين العقل "

ياجماعه استهدو بالله الشهاده معتمده مدري شفيكم من تشوفون كلام ع طول تسون سالفه "

اتصلتو ع العميد ؟؟ كلمتوه ؟؟ سألتوه ؟؟

دام ماصار هالشي خلاص انا اقولكم وخليكم ع كلامي وخذو مني الاجابه الشااافيه "

هالشهاده معتمده " لا تخافون ""

[ولد حبيل]

تهب الرياح
ماتشتهي السفن
شهادة وبسسس
ياتر هل الشهادة معتمدة فب الدول المتقدمة

[test5]

وعليكم السلام

عدد الجامعات الخارجية المعتمدة بالمئات وتقبل مسمى الانتساب المطور, واذا تطبق مسمى التعليم عن بعد تحولة المئات الى جامعات تنعد على اصابع اليد

ثم تقولين
وجاري العمل حالياً على استشارة لناس لهم علاقات بجامعات اجنبيه

الله يرحم اهلك لا تنكبين عفش الطلبة بناس مالهم علاقة مباشرة بجميع الجامعات الموصى بها بالتعليم العالي, ممكن يفتيك بجامعة او اثنين اما جميع الجامعات فما راح يقدر, انتبهي لا تسوين شيء وبعدها تدعي الناس عليك

فيه جهة حكومية اسمها وزارة التعليم العالي هي المسؤولة عن التصريح بذلك اما ناس راعين خبرة وعلاقات بجامعات خارجية هذا ما يأكل عيش


واتمنى تشوفون الموضوع التالي وتقرونه بالكامل بتمعن :
السماح بدراسة الماجستير عن بعد بالجامعات السعودية (http://www.ckfu.org/vb/t138394.html)

[R m z]

أسخف شي لا جاك احد يقول معترف فيها بالسعوديه !!

مدري تحتار تضحك ولا تبكي ! ،

/

من خبره عملية ، كـ موظفه بجهاز حكومي ، لو تقدم للوظيفه شخص مرشح مؤهله الاكاديمي دبلوم مثلاً ،

و أخر بكالوريوس عن بعد ، بالتأكيد الدبلوم له الافضليه ..

/

لان عن بعد زي ما قالت صاحبة الموضوع بالضبببببببببببط نظرتهم له ، متكي و يختبر بغرفته !

يعني هل من المعقول بتقعد تشرح و تقول انا اختبر اخر السنه و احل واجبات و مشاركه و و و و؟!

لا طبعا ...


/

الثانويه العامه و ربي انها اصرف من تعلم عن بعد ؟

اساسا المسمى فاشل ، يعني حتى استحي اقول لأحد انا شهادتي عن بعد ؟

قمة الاحباااااااااااااااااط ، ولا ازيد عن كلامك شي اكثر من اللي قلته " ارجع أقول من خبرتي في العمل بجهاز حكومي " يعني مو من راسي ,

وعلى الله العوض

[’’خالد الهذلي‘‘]

أحنا مابيحيبنا ريوَس الا " الفلاحيص " هذولي



فلاحيص .. مفرده فلحوصة : وهو الشخص المتفلت ويدعي الحذاقة ومستواه جيد نوعاً ما لكن غالباً يجيب العيد .

[Ola]

شهاده التعليم عن بعد لايوجد فيها مصداقيه
لان فيها اختبارات فصليه تقدر فيها تجيب لك مدرس خصوصي وتدفعله 200 ريال ويختبر عنك
اما الانتساب المطور اكثر مصداقيه لانه يعتمد على الطالب100%
و اعيد و اكرر معترف فيها داخلياً و خارجياً
و حنا سجلنا في فيصل عشاااااااانه انتساب ولا كانت فيه جامعات تقدم تعليم عن بعد لكن تركناها
لا تكونون انانيين لاتكونون انانيين وفكرروا شوي تجدون ان كل الافضل انتساب مطور ولا فرق

[نجلاء بنت محمد]

السلام عليكم ورحمة الله وبركاته

بالبداية أحب أشكرك على هالموضوع وتبيين وجهة نظرك الجيده

بعد سماع جميع الأراء عن هالموضوع [ أنا مع الرأي بأفضلية الأنتساب المطور ] للأسباب اللي ذكرتيها وأبسطها

شهادة تدرسها وانت بالبيت وتختبر وانت بالبيت وتجيك الشهادة لين البيت .. هل من المعقول أن يعترف بها أحد !!


وبالنسبه ان الدكتور النجار سيطرح الموضوع للتصويت أعتقد مو من حقه يغير مسمى شهادتنا حتى لو الأغلبيه وافق على التغيير .. ولو مجموعه بسيطه تعترض بيحق لها لان بعض الطلاب مادخل الجامعة الا لان مسماها ومضمون الدراسه انتساب مطور فلا الدكتور النجار ولا احد بالجامعة اعتقد من حقه يستطيع تغيير مسمى شهادتنا غصب عنا !! :(107):

على فكره اسمك ذكرن بـ حور رحمها الله :icon9:

حياك ،،
لا ترى للأمانه أنا ماشفت ولا كلمه ولا اي شيء ضد الدكتور وانه بيجبرنا على المسمى اصلاً .

مدري منهي او وش هي حور للأمانه .. لكن الله يرحمها ..
:106:

[نجلاء بنت محمد]

الكلام هذا ايام ما كان التعليم عن بعد غير معتمد بالمملكه
كان فيه مكاتب تبيع شهادات وانت متكي ع قولتكم

اما الان اعتمد بمرسوم ملكي ووضع له اليه معينه

وتوجه الدوله احلال التعليم عن بعد محل الانتساب لان التعليم عن بعد فيه تفاعل وشبيه بالانتظام


وعبال ما نتحرج وناخذ وثيقه من جامعه سعوديه معترف فيها رح يكون تغيرت الفكره لان الاليه تغيرت

ومعلومه حتى الانتظام خارج المملكه فيه جامعات غير معترف فيها

الان نتكلم عن نوع من التعليم معتمد بمرسوم ملكي ومعترف فيه

ما نتكلم عن مكاتب بيع الشهادات
حياك ،،
مو كل مكان ولا كل شخص راح يتفهم هالشيء وخاصه في مجتمعنا
يعني لايمكن ان القطاعات بمختلف مسمياتها راح تتقبل اسم الشهاده من اول سنه ولا حتى بعد 5 سنوات
إذا التقنيه وهي التقنيه كل مادخل شيء جديد للسعودية قامت الدنيا ولا قعدت ونجلس سنين عشان العالم تعترف انها تقنيه مفيده ولاعاد فيه غنى عنها ..
تبي مسمى الشهاده مجرد ماتعتمده الوزارة يمشي مثل الانتساب ؟
اعتقد مستحيل قبل سنوات وبخجل بعد ..

النقطه الثانيه وزارة التعليم العالي طال عمرها ماتعترف في شهادات قويه جداً من جامعات تقدم شهادات تعليم عن بعد ولها حتى مقرات في بريطانيا وامريكا .. تبي هالدول تعترف في شهادتنا وهي تعليم عن بعد او هالجامعات تعترف فيها .. < للي طموحه اكبر من مجرد شهادة بكالريوس ..

وبالنسبه للجامعات اللي برا مو معترف فيها عندنا من ردى الوزارة مو من الجامعه
واكبر دليل ان الجامعه اللي مالهم طرف فيها ولا ربح مايعترفون فيها
ولنا في الجامعه العربيه وباقي الجامعات في الغربيه دليل ..

الف شكر لتواجدك ،،
:106:

[نجلاء بنت محمد]

يسعدلي اياك خيو جريح كلامك عين العقل "

ياجماعه استهدو بالله الشهاده معتمده مدري شفيكم من تشوفون كلام ع طول تسون سالفه "

اتصلتو ع العميد ؟؟ كلمتوه ؟؟ سألتوه ؟؟

دام ماصار هالشي خلاص انا اقولكم وخليكم ع كلامي وخذو مني الاجابه الشااافيه "

هالشهاده معتمده " لا تخافون ""
حياك الله يااسطورتنا :cheese: ،،

آخر شخص بأخذ رايه هو العميد الصراحه ولاعندي نيه ..
طبعاً الموضوع وجهات نظر احترمها كلها ..
لكن ماراح استشير صاحب الشأن لأني ابي شيء انا اقتنع فيه ..

أنا كلامي يابعدي مو معتمده او لا انا تفكيري من كل الجهات وظايف في كل القطاعات او اكمال ماستر هنا او برا قوة الشهاده .. حتى انا قدام نفسي ماعندي استعداد اتعب وانحرج من مسمى الشهاده او انقهر من بعض الناس اللي بياخذها بفلوسه حتى لو من جامعه ثانيه ..
مجرد انا وياه راح نتفق في مسمى الشهاده مشكله ..

وخاصه ان كلام الوزاره متناقض يذمون الجامعات القويه اللي تقدم هالتعليم .. ويجون يرفعون اسهم هالتعليم في جامعات السعوديه ؟؟
اما انهم يكذبون وان الجامعات الاجنبيه ممتازه شهادتها .. او انهم يكذبون علينا في تغيير المسمى هنا ونتوهق ..

وترى الدول اللي تعاني من بطاله كل مازادت نسبتها يحاولون يقللون من قوة التعليم والشهادات وتخريج ناس مؤهلين يعني زيادة تعقيد في التعليم اكثر ..

وعلى فكره انا لاذميت الدكتور ولا شيء
بالعكس كلامي انو نبحث عن الافضل من استشارات ناس لهم علاقات بأي قطاع .. مو علاقة واحد بموظف وبس ..

:love080:

[نجلاء بنت محمد]

وعليكم السلام

عدد الجامعات الخارجية المعتمدة بالمئات وتقبل مسمى الانتساب المطور, واذا تطبق مسمى التعليم عن بعد تحولة المئات الى جامعات تنعد على اصابع اليد

ثم تقولين


الله يرحم اهلك لا تنكبين عفش الطلبة بناس مالهم علاقة مباشرة بجميع الجامعات الموصى بها بالتعليم العالي, ممكن يفتيك بجامعة او اثنين اما جميع الجامعات فما راح يقدر, انتبهي لا تسوين شيء وبعدها تدعي الناس عليك

فيه جهة حكومية اسمها وزارة التعليم العالي هي المسؤولة عن التصريح بذلك اما ناس راعين خبرة وعلاقات بجامعات خارجية هذا ما يأكل عيش


واتمنى تشوفون الموضوع التالي وتقرونه بالكامل بتمعن :
السماح بدراسة الماجستير عن بعد بالجامعات السعودية (http://www.ckfu.org/vb/t138394.html)
حياك ،،
الواضح في كلامي اني بحثت عن مصلحة الجميع وانا اولهم
ماقلت صوتوا كذا ولا تصوتون وطلبت العالم اللي ماعندها خبر من مصادر قويه اني ماالقى لها ردود تكتفي بوجهة نظر خاصه بدون اراء او مبررات منطقيه !!!
وجاي تقول لاتنكبين عفش الطلبه ؟؟؟
بعدين لما تسأل شخص له علاقه بوزارة التعليم او شخص لها مكتب معتمد مع جامعات برا .. هذولي بيكونون يعرفون جامعه ولا ثنتين في نظرك !!!!

وزارة التعليم العالي اوصخ من تعاملها وتعاليها ونصبها مافيه إذا انت تشوف الوزارة شيء عظيم وجبار .. هذي وجهة نظرك انت .. واكيد بحترمها ولا بفكر انك بعد بتنكب الطلاب والطالبات بتأييدك لهم : ) ..

وإذا دعوا علي على قولتك .. ماكنت ظالمه عشان تكون دعاوي مظلومين
لايلام المرء بعد اجتهاده وماطقيت احد على يده وقلت صوت على اللي اقول وبس ..
كل شخص حر نفسه .. ولو انا افكر بنفسي كان احتفظت بكل شيء لنفسي وقررت ..

:106:

[نجلاء بنت محمد]

أسخف شي لا جاك احد يقول معترف فيها بالسعوديه !!

مدري تحتار تضحك ولا تبكي ! ،

/

من خبره عملية ، كـ موظفه بجهاز حكومي ، لو تقدم للوظيفه شخص مرشح مؤهله الاكاديمي دبلوم مثلاً ،

و أخر بكالوريوس عن بعد ، بالتأكيد الدبلوم له الافضليه ..

/

لان عن بعد زي ما قالت صاحبة الموضوع بالضبببببببببببط نظرتهم له ، متكي و يختبر بغرفته !

يعني هل من المعقول بتقعد تشرح و تقول انا اختبر اخر السنه و احل واجبات و مشاركه و و و و؟!

لا طبعا ...


/

الثانويه العامه و ربي انها اصرف من تعلم عن بعد ؟

اساسا المسمى فاشل ، يعني حتى استحي اقول لأحد انا شهادتي عن بعد ؟

قمة الاحباااااااااااااااااط ، ولا ازيد عن كلامك شي اكثر من اللي قلته " ارجع أقول من خبرتي في العمل بجهاز حكومي " يعني مو من راسي ,

وعلى الله العوض
حياك ،،

بالضبط هذا اللي قصدته ابي ناس مثل رأيك حتى لو كانت وجهة النظر مختلفه مايهمني
هذا هو الواقع للأسف ، وعلى فكره كنت بدرس في جامعة كويسه ببريطانيا عن طريق التعليم عن بعد لكن الوضع ماساعد والحمد لله انها ماتمت ..
لأن بعد كذا الاراء اللي توفرت لي كانت معارضه وبشده لأن الموضوع من منطقي أن اختبر حتى لو في الرياض بمقر او مكتب معتمد من الجامعه نفسها
ماراح القى اي قبول في اي مكان للشهاده وراح تصير عكسيه علي .

:106:

[نجلاء بنت محمد]

أحنا مابيحيبنا ريوَس الا " الفلاحيص " هذولي



فلاحيص .. مفرده فلحوصة : وهو الشخص المتفلت ويدعي الحذاقة ومستواه جيد نوعاً ما لكن غالباً يجيب العيد .
حياك ،،
ولو اني مدري من تقصد لكن اتمنى مااكون انا . :(269):

[نجلاء بنت محمد]

شهاده التعليم عن بعد لايوجد فيها مصداقيه
لان فيها اختبارات فصليه تقدر فيها تجيب لك مدرس خصوصي وتدفعله 200 ريال ويختبر عنك
اما الانتساب المطور اكثر مصداقيه لانه يعتمد على الطالب100%
و اعيد و اكرر معترف فيها داخلياً و خارجياً
و حنا سجلنا في فيصل عشاااااااانه انتساب ولا كانت فيه جامعات تقدم تعليم عن بعد لكن تركناها
لا تكونون انانيين لاتكونون انانيين وفكرروا شوي تجدون ان كل الافضل انتساب مطور ولا فرق
حياك ،،

صحيح واقدر بعد اخذ ماستر عن بعد بس وش بيثبت اني تعبت عليه ؟
وش يثبت اني انا وفلان من الناس ماشرينا الشهاده .. حتى لو انا تعبت فيها الناس بتشوف النظره العامه ..
مثل بعض جامعات مصر على انها معتمده الا ان فيه ناس كثير تنظر لها نظرة دونية لأن بعض الطلاب شروا الشهادات إلى الدكتوراه ..

:106:

[نجلاء بنت محمد]

مساكم الله بالخير جميعاً/

سألت شخص له مكتب معتمد هنا من جامعات اجنبيه وله علاقات بجامعات بمختلف الدول
تشعب الكلام عن موضوع الانتساب لكن الأكيد انه ركز على ان الانتساب افضل من التعليم عن بعد
وتفرع الكلام لجامعات البحرين اللي تعطيك شهادة انتظام .. بس هذا امر ثانوي ماراح اخوض فيه .. :biggrin:

اتوصل لشيء ان الطرفين اللي استعنت فيهم اكدوا على ان الانتساب افضل بمراحل
وخاصه في ظل التغير البطيء عندنا في النظرة للتعليم عن بعد
مقارنة بأوروبا وامريكا ..
/

اخيراً اعتذر على كثرة الاقتباسات حاولت اني استخدم الاقتباس المتعدد ولا ضبط ابد :(177):

[ابوخالدالدوسري]

لكل واحد وجهة نظر ونقدرها ونحترمها
وأرى التعليم عن بعد هو المسمى الصحيح وذلك للآتي :
1)التعليم عن بعد صدر بمرسوم ملكي كريم .
2)جميع الجامعات سواءً في الداخل أو الخارج توجهها إلى التعليم عن بعد ومن المحتمل أن نراه في التعليم الذي أدنى من الجامعات إذا الله أحيانا.
3)الذين يرون أن التعليم عن بعد أن الشخص يختبر في بيته أو الشهادة شراها فتلك مقولة أكل عليها الدهر وشرب مع إحترامي لمن تفوه بها.
ولكم جميعاً كامل التقدير والأحترام

[جنتل الملتقى]

الله يهدامكم الشهاده معتمده ياجماعه وش فيكم


ولا ليش مسجلين بالجامعه من البدايه

[Ola]

مساكم الله بالخير جميعاً/

سألت شخص له مكتب معتمد هنا من جامعات اجنبيه وله علاقات بجامعات بمختلف الدول
تشعب الكلام عن موضوع الانتساب لكن الأكيد انه ركز على ان الانتساب افضل من التعليم عن بعد
وتفرع الكلام لجامعات البحرين اللي تعطيك شهادة انتظام .. بس هذا امر ثانوي ماراح اخوض فيه .. :biggrin:

اتوصل لشيء ان الطرفين اللي استعنت فيهم اكدوا على ان الانتساب افضل بمراحل
وخاصه في ظل التغير البطيء عندنا في النظرة للتعليم عن بعد
مقارنة بأوروبا وامريكا ..
/

اخيراً اعتذر على كثرة الاقتباسات حاولت اني استخدم الاقتباس المتعدد ولا ضبط ابد :(177):



واللــــــــه اني من قبل ماتاكدين عارفه وشو الجواب :(269):
ياناس درينا انه معترف فيها بالسعوديه ........ طيب السؤال الاهم والمهم لدى الغالبيه .......هل هي معترف فيها خارجياً؟؟؟؟؟؟ اذا نعم فالمشكله حلت
لكن الجواب الصحيح هو لا لان السعودية و غالبيه الدول لاتعترف بمسمى شهاده تعليم عن بعد
شكرا لك نجلالالالاء
ولاتخلون المساله عناااااااد ترى هذا مو من صالح الف شخص ....هذا لمصلحه الجميع لمن يريدون التوظيف او الابتعاث للخارج او الدراسه في السعوديه
مليييت وانا اعيد نفس الكلالالالالام:biggrin:

[Ola]

الله يهدامكم الشهاده معتمده ياجماعه وش فيكم


ولا ليش مسجلين بالجامعه من البدايه

كانت لدي حريه الاختيار بين الجامعات لكن اخترت فيصل لانه تقدم برناااااااامج انتساب مطور وهذا واضح للجميع

[test5]

حياك الله مرة اخرى
اقرئي ردي التالي وبتكون على اهم جزئيه وهي الفكرة اللي كنت احاول اوصلها لك

بعدين لما تسأل شخص له علاقه بوزارة التعليم او شخص لها مكتب معتمد مع جامعات برا .. هذولي بيكونون يعرفون جامعه ولا ثنتين في نظرك !!!!
وزارة التعليم العالي اوصخ من تعاملها وتعاليها ونصبها مافيه إذا انت تشوف الوزارة شيء عظيم وجبار .. هذي وجهة نظرك انت .. واكيد بحترمها ولا بفكر انك بعد بتنكب الطلاب والطالبات بتأييدك لهم : ) ..




الله يجزاك بالخير هنا مربط الفرس, راح اسايرك في الكلام حتى اوصل لك فكرة ردي السابق, والحمد لله بانك كتبتيها بيدك الوزارة مافي انصب منها وانا مؤيدك على هذا بحكم تجارب مريرة معهم

بكرة اذا الله احيانا واياك والطلبة على خير وتخرجنا على خير
وطلبنا ابتعاث خارجي وشهاداتنا مسماها تعليم عن بعد ولمن جينا نشوف الجامعات بدل ما كانت بالمئات حصلنها تنعد على اصابع اليد, طبعا شيء طبيعي بروح للوزارة اتفاهم معهم
وصلت للوزارة, ودخلت على المسؤول سلام عليكم يا جماعة الخير شهادتي تعليم عن بعد وراسلت الجامعات وقالوا شف لك جامعة ثانية تقبلك احنا ما نبي تعليم عن بعد

المسؤول: طيب رح للجامعات اللي تقبل مسمى شهادتك
test5 : بس انا قبل اربع سنوات وحدة ردت علي بالمنتدى وقالت ان لها مسؤول عندكم وقال ما عندكم مشكلة تنقبلون بالخارج

المسؤول: طيب عطني اسم المسؤول اللي صرح لكم على النت.
test5 : والله ما اعرفه بس وحدها الله يجزاها بالخير اتصلت عليه

المسؤول : طيب هل الوزارة اصدرت تصريح رسمي على موقعها او خطاب ارسل الى الجامعات وقالت بان مسمى التعليم عن بعد يقبل بجميع الجامعات الموصى بها بالخارج؟
test5 : لا والله ما شفنا شيء ولا سمعنا

المسؤول : طيب سلملي على البدنقان والقانون لا يحمي ال......
test5 : يابوي هذه نجلاء بنت محمد تعرف واحد واصل عندكم والرجال صرح لها على التلفون بان المسمى معتمد
المسؤول : انت تفهم او ما تفهم :(269):

بالله عليك انا وش اسوي في هذه الحاله؟ وين احصلك فيه عشان امغطك :71:

عرفتي ليه قلت لك ردي السابق لان الوزارة طالما ما صرحت بنفسها فليه اكلف نفسي واخذ كلامي من النت مع تقديري لشخصك

طيب اسألك بالله ليه لمن صرحت الوزارة وقالت المسمى هذا معتمد داخلياً ما كلفت نفسها واضافة كلمة خارجياً؟ مع انها كلمة وحدة ولا راح تكلفهم شيء

انتي اللي تسوينه والله تشكرين عليه لحرصك بينما في الواقع يعتبر كلامك تخدير وانتي تعتقدين بانك تحسنين صنعا
يعني بالبلدي جيتي تكحلينها ........
وزي ما قلت الوزارة تعاملها بالنصب واللف والدوران فلازم نمشي معها زي ما تتعامل معنا بالاشياء الرسمية

واما سالفة المكتب المعتمد اللي اتصلتي عليه او راح تتصلي فهو اصلا ياخذ القرارات من الوزارة يعني هو تابع وليس بمتبوع

واخيراً اتمنى تمرين على هذا الموضوع بالكامل >> http://www.ckfu.org/vb/t138394.html << وتقرأين ردي رقم 31 وبعدها راح تتضح لك الصورة اكثر ان شاء الله


لو انا من النجار كان استغل هذه الفرصة واظهر بمظهر المنقذ للجميع وارسل للوزارة واسألهم هل مسمى التعليم عن بعد معتمد خارجياً بجميع الجامعات الموصى بها ام لا؟؟

لو حد فيكم يقدر يوصلها للنجار عن طريق منتدى الجامعة الرسمي يكون سوا فينا خير, حتى اذا طلب التصويت نعرف نقرر, ولا ندخل على عماها

[جريح الصمت]

حياك الله مرة اخرى
اقرئي ردي التالي وبتكون على اهم جزئيه وهي الفكرة اللي كنت احاول اوصلها لك




الله يجزاك بالخير هنا مربط الفرس, راح اسايرك في الكلام حتى اوصل لك فكرة ردي السابق, والحمد لله بانك كتبتيها بيدك الوزارة مافي انصب منها وانا مؤيدك على هذا بحكم تجارب مريرة معهم

بكرة اذا الله احيانا واياك والطلبة على خير وتخرجنا على خير
وطلبنا ابتعاث خارجي وشهاداتنا مسماها تعليم عن بعد ولمن جينا نشوف الجامعات بدل ما كانت بالمئات حصلنها تنعد على اصابع اليد, طبعا شيء طبيعي بروح للوزارة اتفاهم معهم
وصلت للوزارة, ودخلت على المسؤول سلام عليكم يا جماعة الخير شهادتي تعليم عن بعد وراسلت الجامعات وقالوا شف لك جامعة ثانية تقبلك احنا ما نبي تعليم عن بعد

المسؤول: طيب رح للجامعات اللي تقبل مسمى شهادتك
test5 : بس انا قبل اربع سنوات وحدة ردت علي بالمنتدى وقالت ان لها مسؤول عندكم وقال ما عندكم مشكلة تنقبلون بالخارج

المسؤول: طيب عطني اسم المسؤول اللي صرح لكم على النت.
test5 : والله ما اعرفه بس وحدها الله يجزاها بالخير اتصلت عليه

المسؤول : طيب هل الوزارة اصدرت تصريح رسمي على موقعها او خطاب ارسل الى الجامعات وقالت بان مسمى التعليم عن بعد يقبل بجميع الجامعات الموصى بها بالخارج؟
test5 : لا والله ما شفنا شيء ولا سمعنا

المسؤول : طيب سلملي على البدنقان والقانون لا يحمي ال......
test5 : يابوي هذه نجلاء بنت محمد تعرف واحد واصل عندكم والرجال صرح لها على التلفون بان المسمى معتمد
المسؤول : انت تفهم او ما تفهم :(269):

بالله عليك انا وش اسوي في هذه الحاله؟ وين احصلك فيه عشان امغطك :71:

عرفتي ليه قلت لك ردي السابق لان الوزارة طالما ما صرحت بنفسها فليه اكلف نفسي واخذ كلامي من النت مع تقديري لشخصك

طيب اسألك بالله ليه لمن صرحت الوزارة وقالت المسمى هذا معتمد داخلياً ما كلفت نفسها واضافة كلمة خارجياً؟ مع انها كلمة وحدة ولا راح تكلفهم شيء

انتي اللي تسوينه والله تشكرين عليه لحرصك بينما في الواقع يعتبر كلامك تخدير وانتي تعتقدين بانك تحسنين صنعا
يعني بالبلدي جيتي تكحلينها ........
وزي ما قلت الوزارة تعاملها بالنصب واللف والدوران فلازم نمشي معها زي ما تتعامل معنا بالاشياء الرسمية

واما سالفة المكتب المعتمد اللي اتصلتي عليه او راح تتصلي فهو اصلا ياخذ القرارات من الوزارة يعني هو تابع وليس بمتبوع

واخيراً اتمنى تمرين على هذا الموضوع بالكامل >> http://www.ckfu.org/vb/t138394.html << وتقرأين ردي رقم 31 وبعدها راح تتضح لك الصورة اكثر ان شاء الله


لو انا من النجار كان استغل هذه الفرصة واظهر بمظهر المنقذ للجميع وارسل للوزارة واسألهم هل مسمى التعليم عن بعد معتمد خارجياً بجميع الجامعات الموصى بها ام لا؟؟

لو حد فيكم يقدر يوصلها للنجار عن طريق منتدى الجامعة الرسمي يكون سوا فينا خير, حتى اذا طلب التصويت نعرف نقرر, ولا ندخل على عماها



بعلق ع نقطه من كلامك واسال سؤال

اول شي الوزاره ما تقدر تقول معتمد خارجيا لان مو من صلاحياتها لانها وزارة التعليم بالسعوديه فقط والاعتماد الخارجي يتغير من وقت لوقت
ولو لاحظت فيه دايم اضافت جامعات وحذف اخري من قائمة الجامعات المعترف بشهاداتها بالسعوديه

السؤال
هل الوزاره اصدرت تصريح رسمي ع موقعها ان الانتساب المطور معتمد خاجيا؟؟؟

[test5]

بعلق ع نقطه من كلامك واسال سؤال
اول شي الوزاره ما تقدر تقول معتمد خارجيا لان مو من صلاحياتها لانها وزارة التعليم بالسعوديه فقط والاعتماد الخارجي يتغير من وقت لوقت
ولو لاحظت فيه دايم اضافت جامعات وحذف اخري من قائمة الجامعات المعترف بشهاداتها بالسعوديه
السؤال
هل الوزاره اصدرت تصريح رسمي ع موقعها ان الانتساب المطور معتمد خاجيا؟؟؟

ابدأ بالاجابة على السؤال ثم بعده على التعليق, لان التعليق يناقض سؤالك

اولاً وبكل صراحة اهنئك على السؤال المباشر واللي يحاول ينسف فكرة معينة, تابع معي الى الاخير واتمنى تقرأ كلامي بتفكير وتعمق

الجواب كالتالي:
لا يوجد حسب علمي, ولكن فيه اثباتات بان هناك من سافر بشهادة الانتساب والجميع عارف وانت اولهم بان الانساب يقدر يواصل بالخارج .... حلو الكلام, نستهدي بالله كذا وكمل معي قراءة الرد لانه مرتبط معه
سؤال/ ليه السعودية ترفض الاعتراف بمسمى التعليم عن بعد من الشهادات الخارجية؟
انا راح اجاوبك لان بالخارج مفهومهم انك تدرس بالبيت وتختبر من البيت, فلمن نراسل الخارج بمسمى تعليم عن بعد ويشوفها الخواجه راح يتبادر في ذهنه ان العبد لله متكي في بيتهم وبراد الشاهي جمبه وجالس يحل ورجل على رجل,, فاللي اقوله واعيد واكرره اكثر من مره ان الوزارة تخاطب الجامعات الموصى بها وتقولهم يا جماعة الخير ترا احنا عندنا مسمى جديد وهو التعليم عند بعد, واياني واياكم تعتقدون ان هذه الشهادة ذات مسمى التعليم عن بعد نفس مفهوم تعليمكم عن بعد ابو اختبارات منزليه.

الشيء الاخر لا ننسى باننا راح نكون اول دفعة تتخرج بهذا المسمى المشؤوم والله العالم وش بيصير وقتها لو ما شفنا اي تصريح على المسمى الان وحتى لا نكون حقل تجارب او تسجل بتاريخ عميد دون ان نضمن مستقبلنا بعد الله عزوجل

وزي ما قلت فوق, هذه فرصة للنجار والله جته على طبق من ذهب انها تسجل في تاريخه بانه اول عميد على مستوى الجامعات السعودية يخرج دفعة بمسمى التعليم عن بعد بس شرط,انه يطلب تصريح من الوزارة بعد ما تقوم الوزارة مشكوراً بالتفاهم مع الجامعات الخارجية الموصى بها

والان مع تعليقك اللي يناقض فكرة سؤالك:

بعلق ع نقطه من كلامك واسال سؤال
اول شي الوزاره ما تقدر تقول معتمد خارجيا لان مو من صلاحياتها لانها وزارة التعليم بالسعوديه فقط والاعتماد الخارجي يتغير من وقت لوقت

الله ينور عليك, دام ان الوزارة ما تقدر تراسل جميع الجامعات الموصى بها وتخاطبهم بانهم اعتمدوا مسمى التعليم عن بعد اجل هناك خلل, وهو واضح كوضوح الشمس وهو ان السعودية لا تعترف بالشهادات الخارجية ذات مسمى التعليم عن بعد فمن باب اولى هم يمتنعون ويرفضون مسمى شهادتك, وإلا لو كانت معتمدة لصرحوا كمثل تصريحهم الاول بانها معتمده داخلياً وخارجياً,,,,

السؤال اللي يطرح نفسه الان
مين المستفيد من هذا التغيير؟ ولصالح من؟ وليه هذا الوقت بالذات؟


ولو لاحظت فيه دايم اضافت جامعات وحذف اخري من قائمة الجامعات المعترف بشهاداتها بالسعوديه

نعم صحيح , بعضها بسبب تكدس الطلبة او سحب ترخيص الاعتماد من قبل التعليم العالي الموجود بتلك الدولة الخ من المسببات
يا رجال خلهم الان يخاطبون الجامعات الخارجية بان المسمى غير اللي عندكم وبعدها يعدلون ويحذفون براحتهم طول الاربع سنوات القادمة

همسة الى المطبلين ومن لا يعرف مصلحة نفسه: ترا كرسي المنصب زي الحلاق , واللبيب بالاشارة يفهم

وياليت قومي يعلمون ان اللي نطالب فيه تراه من مصلحتكم جميع, دام ان الانتساب معترف فيه داخلياً وتقدر تسافر خارجياً واما التعليم عن بعد فهو مجهول المصير

[جريح الصمت]

مشكور اخوي ع الرد

ابدأ بالاجابة على السؤال ثم بعده على التعليق, لان التعليق يناقض سؤالك
لكن مافيه تناقض بين السؤال والتعليق
لان التعليق يشمل حتى الاتنظام وكل دوله حره بامورها الداخليه ومافيه دوله تفرض شروطها
الجواب كالتالي:
لا يوجد حسب علمي, ولكن فيه اثباتات بان هناك من سافر بشهادة الانتساب والجميع عارف وانت اولهم بان الانساب يقدر يواصل بالخارج

لو لاحظت كان سؤالي عن الانتساب المطور وليس الانتساب فقط

[خالدوسري]

مو من حق الدكتور تغيير المسمى

وذالك لمبدئ القانون أو التشريع السعودي

في حال صدور لائحة جديدة .. تطبق من تاريخ النشر للقانون الجديد

يعني القانون القديم ساري .. على من درسوا قبل صدور القانون الجديد

لو غير المسمى ( سوف ارفع قضيه على اعلى مستوى )

لا نريد تغير المسى .. الي يبي يغير يغير بكيفه

أحنى على النظام القديم خلونا علية

وشكرآ



صحيح ليس للجامعة الحق في تغيير المسمى

ومن حق الطلاب في رفع قضية لدى ديوان المضالم (المحكمة الإدارية)

لآن القرار صدر بعد قبولنا في البرنامج ويمكن للجامعة تطبيقة للذين بعدنا

وهنا نرى أن الدكتور النجار لجئ إلى طلب الاستبيان وهذا مخالف للنظام المعمول به بالمملكة

وعليه فأن ليس له الحق وللجامعة في تغيير مسمى الانتساب المطور إلى التعليم عن بعد

وكما نعلم أن جامعة الملك عبدالعزيز لديها 3 انواع من الانتساب أم الانتساب التقليدي

و الانتساب المدفوع والتعليم عن بعد

وعليه فأن قررت الجامعة تعديل المسمى إلى التعليم عن بعد فأي طالب أو طالبة ممن يرغب في عدم تعديل مسمى إلى مسمى التعليم عن بعد أن يرفع قضية لو كان وحده هو المعارض ضد الجامعة عن غيره أو كذلك مجموعة طلابة بطلب عدم التغيير

والله الموفق

[test5]

حياك الله مرة اخرى

في العادة ما احب ارد على الفرعيات حتى لا نتشتت عن الاساسيات ولكن زي ما يقولوا الشوام كرمال عيونك ^_^

لكن مافيه تناقض بين السؤال والتعليق

اقصد فيها بانك حاولت تشكك بان الانتساب المطور غير معترف به بالخارج ( وعندنا خير دليل بان الانتساب العادي ماشيه اموره والعالم تبتعث بمسماه), ولمن قلت بانه يناقض سؤالك اقصد فيه, بان تعليقك يصدم سؤالك بمعنى ان التعليم عن بعد غير معترف به طالما اردت بان تشكك بالانتساب المطور, ونتعامل مع واقع وليست مع مصالح شخصيه <-- تراني ما اقصدك فيها حتى لا تنقز بحلقي :tongue:, وهم عارفين انفسهم

لان التعليق يشمل حتى الاتنظام وكل دوله حره بامورها الداخليه ومافيه دوله تفرض شروطها
فجوابي هو موجود فوق + السؤال المطروح تحته, دامنا ماشين على مسمى الانتساب المطور وانه معتمد داخلياً وبالجامعات الخارجية فليه التخريب؟,وعندك الخوف من مسمى التعليم عن بعد اللي مصيره مجهول زي ما ذكرت لك

فلمن نقول مسمى الانتساب المطور معتمد داخلياً وخارجياً فهذا حق مشروع لجميع الطلبة الباحثين عن اكمال مسيرتهم التعليمية, ولمن نقول ان مسمى التعليم عن بعد معتمد داخلياً لا خارجياً ( فهنا فيه مشكلة وانانية لمن يطالب به )


لو لاحظت كان سؤالي عن الانتساب المطور وليس الانتساب فقط

زيد اخو عبيد, وانا عارف انك سائل عن المطور ولا تخاف من هذه النقطة, الخوف من مسمى التحطيم عن بعد واللي الى الان ما شفنا اي رد من اي مسؤول, علما بان دبابيسهم واجد بالمنتدى :smile:

اخيراً وهي للجميع:
اللي راح يفكر بكلامي شوي راح يعرف وين الصح من الخطأ وبعدها نقوله عقلك في راسك وتعرف خلاصك ......

[فارس740]

^^

أتفــق معك :d5:

[GIЯᄂ]

مو من حق الدكتور تغيير المسمى

وذالك لمبدئ القانون أو التشريع السعودي

في حال صدور لائحة جديدة .. تطبق من تاريخ النشر للقانون الجديد

يعني القانون القديم ساري .. على من درسوا قبل صدور القانون الجديد

لو غير المسمى ( سوف ارفع قضيه على اعلى مستوى )

لا نريد تغير المسى .. الي يبي يغير يغير بكيفه

أحنى على النظام القديم خلونا علية

وشكرآ

صآدق مآيصير يغير وحنآ مقبولين ع آسآس آنتسآب..

وآللي بيغير مثل مآقلت يغير محد بيقوله شي

بس لآيخرب ع بآقي آلطلآب ..

ورآح آنسخي ردي آللي كتبته في موضوع ممآثل


آلمشكله لآصآر مآهو معتمد لآدآخليآ ولا خآرجيآ



تعليم عن بعد غير معترف فيه

ولآ تبون تصيرون مثل المعلمين آللي مآرضوآ يشغلونهم آلآ بقدرآت !

وجآبوآ قرآر من آلملك والخدمه آلمدنيه مآقبلتهم ...!

لآتضيعون بين وزآرة آلتعليم وديوآن آلخدمه آلمدنيه ترآكم رآح تتورطون ..

بعدين آلمعلمين يقبلونهم آنتسآب بشرط آنهم يدرسون سنه شهآده تربويه ..

يعني آلآنتسآب هو آللي معترف فيه ..

يآليت آللي مآعندهم خلفيه عن هذآ آلشي مآيخربون ع بآقي آلطلآب


ترى بتنسآلون عنهم يوم آلقيآمه لآ ضيعتوهم ورآكم بكلآم مو متآكدين منه ..

[Ola]

المشكله ان الغالبيه على بالهم ان شهاده تعليم عن بعد واو مادروا انها ماتسوى ريال خارج السعودية:icon9:

[نجلاء بنت محمد]

مساكم الله بالخير/

سعدت كثير بالنقاش اللي صار في غيابي
هذا هو اللي كنت ابحث عنه اكثر من ردود " مدري - واتوقع ... الخ "

واحترم وجهات النظر اللي اختلفت معي اكثر من اللي اتفقت
لأن طرحكم ونقاشكم كان راقي جداً :106:
/

test5

فهمت قصدك يابعدي ..
لكن في شيء مافهمته او كأني فهمته غلط
انا كلامي انو " الانتساب المطور " أفضل من التعليم عن بعد
كمسمى ..
وحسيت انك فاهم كلامي العكس !!
ولا انا اتوهم ؟ :(107):
/

الف شكر للجميع
وبما ان الردود وافيه جداً ماعندي رد الصراحه
:106:

[test5]

انا عارف مقصدك ومعك فيها من ناحية المسمى :smile:

[Beba]

لكل واحد وجهة نظر ونقدرها ونحترمها
وأرى التعليم عن بعد هو المسمى الصحيح وذلك للآتي :
1)التعليم عن بعد صدر بمرسوم ملكي كريم .
2)جميع الجامعات سواءً في الداخل أو الخارج توجهها إلى التعليم عن بعد ومن المحتمل أن نراه في التعليم الذي أدنى من الجامعات إذا الله أحيانا.
3)الذين يرون أن التعليم عن بعد أن الشخص يختبر في بيته أو الشهادة شراها فتلك مقولة أكل عليها الدهر وشرب مع إحترامي لمن تفوه بها.
ولكم جميعاً كامل التقدير والأحترام


:(204):

[دلـــو]

حطو قناة السعوديه

يتناقشون بموضوع التعليم عن بعد

الظاهر دروا بكثرة الاراء حول هالموضوع وسووا هالمقابله مع مدير التعليم عن بعد :hahahahahah:

[Ola]

حطو قناة السعوديه

يتناقشون بموضوع التعليم عن بعد

الظاهر دروا بكثرة الاراء حول هالموضوع وسووا هالمقابله مع مدير التعليم عن بعد :hahahahahah:

للاسف مافادنا بشي :(269):
كل اللي قاله انه عن طريقه الدراسه و المشاريع ماستفدنا بشي:hahahahahah: