انا ادارة اعمال مستوى اول وفي خاطري تربيه خاصه اش رايكم ؟؟؟ [الأرشيف] - ملتقى طلاب وطالبات جامعة الملك فيصل,جامعة الدمام

الفارس المميز

2011- 1- 31, 02:59 AM

السلام عليكم ورحمة الله وبركاته

اعزائي الزملاء في ادارة الاعمال مرت علينا خلال هذا الترم العديد من الاحداث التي عايشناها سويا
ووجدنا بعضنا كاخوه واخوات اجتمعوا على خير وتفرقوا على خير
اجدني احدكم وكأنني اعرفكم من سنين عديده
وعاشرتكم واستأنست بكم فاشتاق لكم كل حين , للامانه انا افتح منتدى الطلاب تخصص ادارة الاعمال كل مااشتقت لكم احس اني جزء نسيج متواصل هو انتم وانا والبقيه

انا من احساسي بتواصل الجميع مع بعض احببت والله ان استشيركم وكلي سمع وادراك لما ستشيرون به عليّ والله الموفق

انا ياجماعه بيني وبين نفسي احس اني ادرس في تخصص ادارة الاعمال لهدف غير واضح حقيقة , لايوجد مستقبل واضح مهني او حتى في مجال عملي الحكومي الحالي اللي اعرفه انه مجال التخصص في الوظائف المتاحه في البنوك والشركات وهذي انا لااسعى للالتحاق بها صراحة

اش رايكم وكل من يملك الرأي والمشوره يدلي به
انا افكر انتقل الى تخصص التربيه الخاصه احس اني ممكن لما اتخرج التحق بوزارة التربيه والتعليم يعني مدرس بعد مااخذ دبلوم تربيه بعد التخرج

زبدة الكلام اللي يعرف مستقبل واضح لتخصص ادارة الاعمال يعطينا المتاح على الحقيقه والتجريد والعلم وليس التخمين

واللي عنده فكره عن التربيه الخاصه وامكانيه العمل في مجال التدريس فيها للمنتسب بعد التخرج يعطينا مالديه من معلومات

اشكر كل من سيتكرم علي بالمشاركه في هذا الموضوع
انا محتار
وافكر من اكثرم ن 3 اشهر سابقه
والان
اضع مالدي من هواجس بينكم علها تستكن الى رأي مقنع

شاكرا ومقدرا ...

L U X U R Y

2011- 1- 31, 03:06 AM

صحيح المستقبل بيدك وَ آنت أدرى بقدرآتك ,
لكن من وجهة نظري آنو التربية مستقبلهآ وين وَ الإدآرة وين !
أحس الإدآرة كَ مستقبل [ أقوى ] بغض النظر عن مجآلآت العمل فيهآ ,

طيب آنت حددت لك هدف لمآ تتخصص تربية خآصة , آمش على هذآ الهدف لحد مآتوصل له [:106:]
وآترك الإدآرة اللي تشوف آنهآ مآرآح تحقق لك أهدآفك ,

تعليق بسيط مختصر حبيت أعلق فيه ,
وَ لقبية الأعضآء وجهآت نظر مختلفة أتمنى يفيدونك فيهآ ,

موفق يَ رب [:106:]

,

soso82

2011- 1- 31, 03:18 AM

وعليكم السلام ورحمة الله وبركاته،،

مثل ما قالت أختي ترف التربية بجهه والإدارة بجهه تانية
جميل انك محدد هدف تبغى توصله وبما انك بأول الطريق يعني ما قطعت شوط كبير في قسم الإدارة يمديك تحول
وإذا هذي رغبتك ربي يوفقك ويحقق لك اللي تبغاه يارب..:106:

الفارس المميز

2011- 1- 31, 03:27 AM

انا رغباتي شي ومشورتكم شي ثاني انا احب اسمع واحب اشوف تطلعات الطلبه اللي في مثل وضعي كلنا نسعى نكون مثاليين لكن على الطبيعه احنا نسعى بمعنى نبحث عن الامثل لنا والافضل وكلكم خير وبركه

انا مافضلت التربيه على الاداره ولا فضلت الادارة على التربيه
انا اسأل فهمكم وعلمكم وخبراتكم
اش مستقبل كل وحده منهم
خلونا من القدرات والمواهب اللي يحتاجها الشخص

صدقوني افتخر بمشاركتم معي في هذا الموضوع ,,,

Lilac

2011- 1- 31, 03:37 AM

أخوي أولا وأخيرا القرار بيدك

::

لما تدخل تخصص معين ما تشوف مستقبل التخصص شوف قدراتك انت في هالتخصص

من كلامك فهمت انك مستوى اول في الادارة وطبعا اخذت فكرة عن المواد

انت شايف نفسك قادر عليها ؟!!

لانه القدرة شي والمستقبل شي آخر [ لازم نشوف احنا نقدر نحقق المطلوب أو لا ]

ياما ناس عندهم موهبة الرسم ابدعوا وحققوا مستقبل أبهر من اللي تخرج طبيب او مهندس

مع العلم انه الطب والهندسة معروف انه لها مستقبل .. ودائما الرسام يواجه النقد وخاصة في مجتمعنا لكن القدرات تختلف

[ المعذرة خرجت عن الموضوع بس عشان اوضح لك وجهة نظري ]

على العموم الإدارة مجالاتها بعد التخرج أكثر من التربية الخاصة

موفق ،،

Aisheea

2011- 1- 31, 03:56 AM

انا مافضلت التربيه على الاداره ولا فضلت الادارة على التربيه
انا اسأل فهمكم وعلمكم وخبراتكم
اش مستقبل كل وحده منهم
خلونا من القدرات والمواهب اللي يحتاجها الشخص

الاجابه على هذا السؤال صعبه

ممكن اقولك اداره و في ناس تخرجت منها و تورطت و اشتغلت بعيد عن مجالها

و ممكن اقولك تربيه و تطلع نفس النتيجه

المستقبل بيد الله و مكان مايريد لك الخير بتلاقيه

انت استخير الله وماتخيب

طالب غريب

2011- 1- 31, 08:41 AM

الفارس المميز سجل معك واحد نفس الحال

مثلي انا افكر اذا اخذت الشهاده افصل من عملي وروح ادور وضيفه بالشهاده

ǺĽ ẕeeห

2011- 1- 31, 09:06 AM

اخي الكريم "

كلن وله رغباته وميوله وقدراته بشي معين "

ليه تبي تحول ؟؟

مع ان هالتخصص الي هو - اداره اعمال - اتوقع انه افيد للرجال اكثر من البنات في مجال التوظيف

اما التربيه الخاصه فهو العكس "

اسعدتني كلماتك " وكتابتك للموضوع وحبك لمشاركه الجميع وابداء الرآي "

كلنا بنقولك وجهات نظرنا لكن ؟؟

القرار الاول والاخير بيدك "

انا بقولك نصيحه وشوف تتقبلها ولا لأ "

تخصص اداره اعمال مرغوب ومطلوب بشكل كبير بمجالات التوظيف والترقيه للموظفين الي يشتغلون بشركات "

حتى لو ماكنت تشتغل " بيفيدك هالشي "

مره سألت وحده من صديقات امي مديره بنك هي "

قلت وش التخصصات الي تقبلونها

قالت ( بكالوريوس - محاسبه - سكرتاريه - حاسب - اداره اعمال )

وفي وظائف اخرى بشركات وساعات في - اعمال حره - وغيرها وغيرها

لا درست اداره اتوقع بتنتفع اكثر ب هالمجالات الي ذكرتها "

لو درست تربيه حلوو بس احس هالتخصص لنا احنا اكثر ( البنات )

اغلب الي مسجلين اداره ( رجال ) يشتغلون بشركات متزوجين معيلين اوو خلصو الثانوي وعلى طول سجلو اوو درسو بجامعه وطلعو من سمعوو ان في تخصص اداره - انتساب - وجو يسجلون

كثييييييييييييير كانو تربيه - انجليزي - آداب >> وحولوو لاداره اعمال اول ما انفتح هالقسم

ليه ؟؟

لان الوظائف الشاغره حاليآآ تدعم وترغِّب بتواجد هالتخصص باحد موظفيهااا "

انا ماا بأتكلم لك ع الوظايف وبس

في اشياء اخرى لا درست بكالويوس اداره اعمال بتنفعك فيها كثير هو اولها التوظيف طبعا ( لكن في مطلبات اخرى )

منها " اذا حاب تفتح لك مشروع خاص فيك "

تكون عارف الي لك ووش الي عليك في مواد كثير بتنزل لنا بالسمسترات الجايه فيها فاائده في الحياه وفي العمل "

ماراح اكثر كلام عليك وبأترك مجال للاعضاء يعبرون عن رآيهم لك بشكل اكبر " وتشوف الاجابه الي تريحك"

بس "" لاتحول ""

هذه وجهة نظري يالغالي ان تقبلتها اوك " وان ماتقلبتها على عيني وعلى راسي " :wink:

بتبقى اخ عزيز وغالي علينا كلناا "

مستشار

2011- 1- 31, 10:42 AM

انا ماراح اكثر كلام وياكـ وبعطيكـ نصيحتي

بكالوريوس اداره اعمــــال + دورات لغه انجليزيه الين تاخذ التوفل

كذا بيكـــون الـــ cv روعهـ وراح تكون فرصكـ قويه

انا الان ادرس اداره ومجالي شركه بتروكيمياويات وادري انه الدراسه بالعربي وهاذي نقطه سلبيه

لكن في نفس الوقت عندي دورات لغه انجليزيه لتطوير اللغه والوعد التوفل ان شاء الله :(204):

فبكذا بتحقق طموحكـ باذنــــ الله

هذا رائي :wink:

الفارس المميز

2011- 1- 31, 05:08 PM

الاخوه والاخوات الافاضل ... اسعدني نجمكم الحاضر ,و آنســـني تجمعكم هنا تلقون بكلماتكم كالهدايا الثمينه

(بالنسبه للردود انا فصفصتها رد رد وبدأت ازيح الغموض شوي شوي اللي يحاصرني من بداية الترم , ماهي مشكله عندي اواصل في سبيل تحقيق هدف طويل المدى حتى النهايه مهما كانت العوائق , وهي عندي متعة التحدي , ولكن المشكله الكبرى هي اني اواصل واتعب واستمر بنفس التعب في تخصص لم يتضح لي انا شخصيا حظوظه المستقبليه , "لكن"انا ماادري اذا شركات كبرى مثل سابك أو ارامكو وماشبابهها تقبل البكالوريوس انتساب ادارة اعمال مع اتقان للغه الانجليزيه
اذا احد يقدر يتأكد او يعرف احد ويسأله يكون ماقصر معنا

الشكر موصول الى الجميع وبعذوبة مشاركتهم

آية النور

2011- 2- 1, 05:49 AM

ياناس ,
اللي تدرس ادارة اعمال , تقدر تصير مديرة مدرسة ؟

حلمي :(204):

white Berry

2011- 2- 1, 02:25 PM

اخي الكريم "

كلن وله رغباته وميوله وقدراته بشي معين "

ليه تبي تحول ؟؟

مع ان هالتخصص الي هو - اداره اعمال - اتوقع انه افيد للرجال اكثر من البنات في مجال التوظيف

اما التربيه الخاصه فهو العكس "

اسعدتني كلماتك " وكتابتك للموضوع وحبك لمشاركه الجميع وابداء الرآي "

كلنا بنقولك وجهات نظرنا لكن ؟؟

القرار الاول والاخير بيدك "

انا بقولك نصيحه وشوف تتقبلها ولا لأ "

تخصص اداره اعمال مرغوب ومطلوب بشكل كبير بمجالات التوظيف والترقيه للموظفين الي يشتغلون بشركات "

حتى لو ماكنت تشتغل " بيفيدك هالشي "

مره سألت وحده من صديقات امي مديره بنك هي "

قلت وش التخصصات الي تقبلونها

قالت ( بكالوريوس - محاسبه - سكرتاريه - حاسب - اداره اعمال )

وفي وظائف اخرى بشركات وساعات في - اعمال حره - وغيرها وغيرها

لا درست اداره اتوقع بتنتفع اكثر ب هالمجالات الي ذكرتها "

لو درست تربيه حلوو بس احس هالتخصص لنا احنا اكثر ( البنات )

اغلب الي مسجلين اداره ( رجال ) يشتغلون بشركات متزوجين معيلين اوو خلصو الثانوي وعلى طول سجلو اوو درسو بجامعه وطلعو من سمعوو ان في تخصص اداره - انتساب - وجو يسجلون

كثييييييييييييير كانو تربيه - انجليزي - آداب >> وحولوو لاداره اعمال اول ما انفتح هالقسم

ليه ؟؟

لان الوظائف الشاغره حاليآآ تدعم وترغِّب بتواجد هالتخصص باحد موظفيهااا "

انا ماا بأتكلم لك ع الوظايف وبس

في اشياء اخرى لا درست بكالويوس اداره اعمال بتنفعك فيها كثير هو اولها التوظيف طبعا ( لكن في مطلبات اخرى )

منها " اذا حاب تفتح لك مشروع خاص فيك "

تكون عارف الي لك ووش الي عليك في مواد كثير بتنزل لنا بالسمسترات الجايه فيها فاائده في الحياه وفي العمل "

ماراح اكثر كلام عليك وبأترك مجال للاعضاء يعبرون عن رآيهم لك بشكل اكبر " وتشوف الاجابه الي تريحك"

بس "" لاتحول ""

هذه وجهة نظري يالغالي ان تقبلتها اوك " وان ماتقلبتها على عيني وعلى راسي " :wink:

بتبقى اخ عزيز وغالي علينا كلناا "

:(204)::(204)::(204)::(204)::(204)::(204):

كلام عين العقل وماتوقعت انه جاء من بنت ماتعرف بالتوظيف والشركات
انا موظف شركة اخوي وكل كلمة قالتها لك دفئ صح بخصوص التربيه يخليك
في مجال التدريس فقط واشوف انه البنات يصلح لهم اكثر.

تخصص أدارة الأعمال يخليك بغض النظر عن الشهادة تعرف تفكر صح
في مجال الاداره والمحاسبة والأقتصاد وكلها مرشح ترتقي اعلى
المناصب مستقبلاً .

تحيااااااااااااتي

راكان الشعلان

2011- 2- 1, 03:39 PM

:(204)::(204)::(204)::(204)::(204)::(204):

كلام عين العقل وماتوقعت انه جاء من بنت ماتعرف بالتوظيف والشركات
انا موظف شركة اخوي وكل كلمة قالتها لك دفئ صح بخصوص التربيه يخليك
في مجال التدريس فقط واشوف انه البنات يصلح لهم اكثر.

وماتوقعت انه جاء من ((( بنت ))) ما تعرف بالتوظيف والشركات؟؟؟؟؟؟

لا تعليق :cool:

مريم خالد

2011- 2- 1, 04:07 PM

:(204)::(204)::(204)::(204)::(204)::(204):

كلام عين العقل وماتوقعت انه جاء من بنت ماتعرف بالتوظيف والشركات

لا توقع :119: وتوقع شي اكثر نسويه وماقدرتوا تسووونه

آية النور

2011- 2- 1, 04:45 PM

ول عليكم , مافي احد يجاوب ع سؤالي ؟؟

محمد الحسني

2011- 2- 1, 04:50 PM

وجهة نظري خذ ما يفيدك في مجال عملك ..

و اذا كنت هاوي تخصص .. فابحر به .. و لا تتردد ..

مريم خالد

2011- 2- 1, 05:35 PM

ول عليكم , مافي احد يجاوب ع سؤالي ؟؟

الجواب بكل سهول ي روح ماما

اول شي تصيرين مدرسه
ثم مساعده ثم مديره
ثم موجهه

يعني دخلي تخصص عربي دين اي شي يدخل في التدريس
بعدين تصيرين مديره مدرسه

وصل ولا اشرح اكثر :(269):

الفارس المميز

2011- 2- 2, 03:53 AM

ريلاكس ياحبايبي

الهداوه طراوه

اشكر دفئ المشاعر بشكل خاص على النصيحه الحقيقيه والدفق الصادق من الكلمات , والكل ارسل له رسائل حب وتقدير على هذا التفاعل والمشاركه

اسأل الله ان يوفقني واياكم

آية النور

2011- 2- 2, 07:04 AM

لاحووول
انا داخلة ادارة اعمال عبالي بصير مديرة مدرسة :biggrin:
طيب مو مشكلة اتخصص في مبادئ الأدارة .. وأصير مديرة مدرسة :lllolll:

يصير؟؟ شكرا مريم