ملتقى كل بنات التخصص ل mis و business

[soh cah toa]

السلام عليكم ورحمة الله وبركاته
اولا بما انه بنات التخصص احسهم ضايعين بهالمنتدى
:(269): قلت نسويلنا ملتقى هنا

هالموضوع ودي احطه لكل بنت تبي تسأل او تستفسر عن اي ماده من مواد التخصص
او عن مس معينه

او اي خبر جديد يخص التخصصين ذول


خلنا نساعد بعض شوي ونفيد بعضنا

أي ماده تبون تسألون للي درسوها كيف طريقتها ووش هي عنه يعني وصف

او عن طريقة المسات بالامتحانات

تفضلوا هنا

بالنسبه لي راح احط لكم أسئلة المجلس الطلابي عندنا بالنسبه لهذول التخصصين

... يتبع

[جـُلـّنار]

مشكوره اختي الكريمه..
:d5:
هذا الشي لازم يصير..
حلو نفيد بعض..

انا ان شالله بتخصص بزنس..

بس عندي تسآؤلات عنه..

يعني وزودها علينا النظام الجديد:icon9:

اللي يخلينا نتخصص وإحنا بريب:Cry111:

[soh cah toa]

العفو اختي جلنار

اي صدقتي هالشي لزوم نسويه من زمان :119:
تسلمين لي على الرد :wink:

احسكم كاسرين خاطري يالبريب احسكم ضايعين حددكم:sdfgdsf:

:tongue: اشوا افتكيت من البريب من زمان

يب اسألوا كل ا لي خاطركم فيه عن اي شي يدور بمخوخكم



وان شاء الله نجاوب كل تسائلاتكم ونفيدكم

[soh cah toa]

جميع الأسئلة وأجوبتها المطروحة من قبل الطالبات في تخصصي البزنس وال mis التي تمت مقابلة مع عميدة الجامعة د.مللك ناجي , و وكيلة شؤوون الطالبات الأستاذة.نورة البالود في الأسبوع الرابع عشرفي يوم الثلاثاء, الموافق 4/1/2011
تخصص أدراة الأعمال
1/ هل مشروع التخرج الذي يعمله الطالبات السنة الأخيرة سيلقى أي اهتمام من الإدارة حيث تجاربهن السابقة مع المشاريع السابقة لم تكن جيدة؟
لم يصل لنا أي طلب رسمي من الإدراة العليا لرفع المشاريع نهائياً

2/ نحن طالبات السنة الرابعة ونريد رفع خطاب من قبل الجامعة لشركات مثل أرامكو وسابك لفترة التدريب من بداية السنة, نرجو منكم التعاون معهم؟
نحن بحثنا ولم نجد كفاءة منهم

تخصص نظم معلومات الأدرايةmanagement information system
1- بعض الأستاذة لا زالوا يجرون الإختبارات القصيرة في فترات البريك الأولى والثاني , نريد منكم تنبيههم وفق ماتم علية مع د.علي العسيري على أن لاتجرى الأختبارات في أوقات راحة الطالبات .؟
السبب الوحيد الذي دعى بعض الأساتذة على اجرائهم الإختبارات في هذه الأوقات هو تعارض الوقت والمكان , ونحن نحاول على إصلاح ذلك , ولكن هناك خبر سار ( من الترم الجاي أن شالله سوف تنلغي جميع البريكات ), وفقاً و أتباعاً لأنظمة الجامعات
2/ هل فية نظام جامعي يلزم الأستاذة في تحديد المنهج أو طريقة وضع الأختبارات تلتزم بها , أم راجع إلى الأستاذة نفسها؟
لا أنما يرجع على حسب الأستاذة المادة نفسها بوضع في بداية الترم Syllabuses للتوضيح للطالبات


.. منقول للفائدة

:wink: ان شاء الله يطبقون كل الي قالوه

[جـُلـّنار]

اقولك شي..
:(269):

ما فهمت اسئله البزنس هذي
وش قصدهم؟؟

يعني ما فيه تدريب تعاوني؟؟ والا :(107):
لا تضحكين علي..
:g2:

بس.. مافهمت..وضحي لي هالسؤالين..
:g2:

[soh cah toa]

:biggrin: لا هذي أسئلة البزنس لطالبات السنة الأخيره الي بيتخرجون

لأنه قبل قالو لهم انه انتم الي تدورون الشركات الي تبون تتدربون فيها >> يعني بس ماكانوا يدرون شو مصيرهم

بس حاليا تطمني وفروا لهم والحمدالله اقبلوا بنات للتدريب بأرامكوا طبعا بس للبنات الي خلصوا كل المواد :(204):

[جـُلـّنار]

مشكوره اختي الله يعطيــــــــــــك الف عافيه:tongue:

[soh cah toa]

العفو الله يعافيييج من كل شر


بنات اي سؤال عن مواد شي تفضلوا ؟؟
او طريقة مس معينه

[ترف ~]

يعطيكـ العافيه حبيبتي ~

كم مآدهـ راح ندرسها بالبزنز ان شاء الله ؟؟

[soh cah toa]

اختي ترف
بال degree plan الي عند اسمج من الخدمات الإلكترونية تلاقيين جدولين
الجدول الأول فييه المواد الافتراضيه)complusory courses) وعددها 40 ماده
والجدول الثاني وهي المواد الاختياريةelective cources) تختارين منهم مادتين بس تدرسينهم

يعني المجموع 42 ماده في ال 4 سنوات ونص
والسمستر الأخير راح يكون بس تدريب
الي كاتبينه بالجدول الاول Training

ووووووووبث:biggrin:

[ترف ~]

مشكوره أختي :love080:

[soh cah toa]

تصحييح لردي الي قبل

للبزنس المجموع 42 ماده في ال 3 سنوات ونص الي بعد التحضيري
:mh318: سوري مانتبهت لهالغلط



العفوو اختي ويسلموو على مرورج

[feda]

السلام عليكم

انا طالبه محوله للكليه لقسم mis

لو سمحتوا ممكن الخطه الدراسيه لتخصص لاني ما لقيتها بالموقع

شكرا مقدما

[soh cah toa]

اهلا feda

كان ودي اعطيج الخطة الدراسية لكن للأسف ماحتفظت فيها كنت دايم اشوفها من الاسم


:wink:لكن تطمني راح ينزلونها قريب فلا تحاتين ، يمكن ينزلونها يا الأربعاء أو السبت


وراح تشوفينها

[نجد بنت المجد]

هلا بنات اخباركم؟
أبسألكم عن مس اسمها نومقيرا..كيف أخلاقها وشرحها؟؟..
راح تعطينا هالسمستر computer application
والله يوفق الجميع:love080:

[apple~]

مساء الخير

بنات بغيت أسأل عن مادة industrial psycology

شلون شرح dr mercy

ومحتوى الماده ومدى صعوبتها ياليت أحد يشرح لي :119:

[حتشبسوت]

السلام عليكم و رحمة الله و بركاته

موضوع جا بوقته تمااام

أنا حابه اسأل عن مادتين بالـ Business اللي هم :

Human Resource Management و Business Communication

اشلون طبيعة هالمواد و هل هم صعبات مثلاً لو خذتهم مع بعض و زيادة عليهم مادة او مادتين حفظ ؟؟

و شكراا ..

[soh cah toa]

هلا بنات اخباركم؟
أبسألكم عن مس اسمها نومقيرا..كيف أخلاقها وشرحها؟؟..
راح تعطينا هالسمستر computer application
والله يوفق الجميع:love080:

يب اخذت الماده ذي وخلصتها
الماده ذي حلوه ومهضومه اكثر مايتكلم عنه عن برنامج ال access وعن برنامج ثاني بث نسيته

قصدج
nomaqira
هي قد درستني ماده ثانيه مادة ماكرو بس
بس عن شرحها واخلاقها مررره حلووو وشرحها منظم
بس الاسايمنت الي كانت تعطينا اياه شوييه يبيله
لكن كويزاتها حلويين

بس أمانة ماجربتها ب computer application


يعني اخذيها وانتي مرتاحه تراها أحسن من hasniza >>الي كانت تدرسنا قبل

[soh cah toa]

اما باقي المواد اعذروني لأني انا تخصص mis وماعندي اي خلفية عنها

ان شاء الله الخوات الي بتخصص بزنس يفيدونكم

بالتوفيق جميعا

[نجد بنت المجد]

يب اخذت الماده ذي وخلصتها
الماده ذي حلوه ومهضومه اكثر مايتكلم عنه عن برنامج ال access وعن برنامج ثاني بث نسيته

قصدج
nomaqira
هي قد درستني ماده ثانيه مادة ماكرو بس
بس عن شرحها واخلاقها مررره حلووو وشرحها منظم
بس الاسايمنت الي كانت تعطينا اياه شوييه يبيله
لكن كويزاتها حلويين

بس أمانة ماجربتها ب computer application


يعني اخذيها وانتي مرتاحه تراها أحسن من hasniza >>الي كانت تدرسنا قبل


معليش سوري صرت مخربطة انا ووجهي:000:
فعلا hasniza تدرسني computer application و nomaqira تدرسنيmicroeconomics
مشكورة حبيبتي عالإفادة:love080:

[نجد بنت المجد]

السلام عليكم

انا طالبه محوله للكليه لقسم mis

لو سمحتوا ممكن الخطه الدراسيه لتخصص لاني ما لقيتها بالموقع

شكرا مقدما

الخطة عندي بس نسخة ورقية..ان شاءالله بكرا ارفعها وأحطها لك هنا:119:

[نجد بنت المجد]

الخطة الدراسية لتخصص الـMIS

http://img228.imageshack.us/img228/5858/imgnewgn.jpg



http://img696.imageshack.us/img696/2461/img0002newxf.jpg

وعذرا على ميلان الصورة حاولت اعدلها ماعرفت:017:

[soh cah toa]

العفو اختي بنت المنجد

وشكرا على الخطة الدراسية :(204):

ان شاء الله هالموضوع يصير فيه تفاعل وتعاون بين بنات التخصص يارب

[ღ بيآإدر ღ]

مشكوره حبيبت قلبي على الخطه بس بيني وبينك مافهمت ولا شي :icon9:

اذا ماعليكم امر ابي توضيح للخطه :smile:

ومشكوره ياصاحبت االموضوع على الفكرة الخطيره

[soh cah toa]

العفو اختي بيادر

راح اشرحها لج خطوه خطوه

اول عمود على اليسار فيه ارقام صح

عندج مثلا 11
كل المواد الي بجنبهم هذا الرقم 11 يعني هذول المواد الي راح تاخذينهم بالسمستر الأول

طيب الرقم الي بعده 12
كل المواد الي بجنبهم هذا الرقم 12 يعني هذول المواد الي راح تاخذينهم بالسمستر الثاني

...... وهكذا الى ان تنتهين


طيب فيه جدولين

الجدول الأول هو complusory courses يعني مواد اجباريه يعني تاخذينها تاخذينها
والجدول الثاني elective courses راح تاخذين منها مادتين بس من هالجدول كله

طيب نجي للعمود الثاني من اليسار
تلاقين اكواد هذي الاكواد اختصار لاسم المادة الي جنبها
GS يرمز للمواد العامه يعني كل التخصصات ياخذون هذي المواد
BUS يرمز انه المواد المشار اليها مادة لتخصص البزنس ( في بعض المواد نشترك مع تخصص البزنس )
MIS يرمز انه المواد المشار اليها مادة لتخصص ال MIS
MATH-ENGLISH طبعا مواد اساسية
CS يرمز انه المواد المشار اليها مادة لتخصص الحاسب(في بعض المواد نشترك مع تخصص الحاسب)

[soh cah toa]

والعمود الاول على اليمين الي اسمه prerequist
يعني الماده المطلوبه اخذها قبل الماده

مثلا لو بقتيي تضيفين مادة principle of MIS ماتقدرين تاخذينها الا اذا اخذتي CS002 وهذا الكود يعني آي تي 2 الي اخذتوه بالتحضيري



فهمتوا علييي ؟؟؟؟؟؟؟

[soh cah toa]

وبضييف بعد معلومه
والمادة الأخيرة الي بالجدول الأول

هي

Field Training/Senior Project

هذي مو ماده هذي تعني تدرييب وهو بالسمستر الأخير زي ماتشوفون

[feda]

نجد مشكوره الله يعافيك

\

بنات عندي كم سؤال بما اني جديده عالقسم والكليه كلها :)

ايش تصنيفكم للمواد من ناحيه الصعوبه ؟ وهي تعتمد عالحفظ اكثر من الفهم ولا كيف ؟
المعدل بالكليه من ٥ او ٤ ؟

واخر سؤال تحسون مواد التخصص ممتعه يعني الواحد يتحمس مع الشرح وكدا ؟ ولا ممله ؟


وشكرا

[soh cah toa]

\

بنات عندي كم سؤال بما اني جديده عالقسم والكليه كلها :)

ايش تصنيفكم للمواد من ناحيه الصعوبه ؟ وهي تعتمد عالحفظ اكثر من الفهم ولا كيف ؟
المعدل بالكليه من ٥ او ٤ ؟

واخر سؤال تحسون مواد التخصص ممتعه يعني الواحد يتحمس مع الشرح وكدا ؟ ولا ممله ؟


وشكرا

بالنسبة لي احس كل المواد نفس درجة الصعوبه
بس بالنسبة لي عندي مواد الفهم احسن واهضم من مواد الحفظ بكثير
لأنه الحفظ تتعبين وانتي تذاكرين فيه اول بأول
اما بالنسبه اذا تعتمد على الحفظ اكثر او الفهم؟
على حسب التخصص الي انتي فيه
مثلا mis نصه فهم ونصه حفظ
و bus اغلبه حفظ وجزء منه فهم

المعدل من 4 أو 5؟
المعدل عندنا من 4 يحسبونه
D=1
D+=1.5
C=2
C+=2.5
B=3
B+=3.5
A=3.75
A+=4

واخر سؤال مواد التخصص ممتعه يعني الواحد يتحمس مع الشرح وكدا أو ممله ؟

هو بصراحه يعتمد على المدرسه اذا كانت شرحها اوكي تصير الحصه حماس :lllolll:
اما اذا كانت الماده كلها دسمه وحفظ والمس ماش تصير الحصه تجيب النوم :biggrin:



ارجو اني افدتج

بالتوفيق:cool:

[feda]

مررره شكرا

يمكن اطل بكرا لاني باخد جدولي فبسال عن المسات الي راح يدرسوني

الله يسهل يارب

[soh cah toa]

مررره شكرا

يمكن اطل بكرا لاني باخد جدولي فبسال عن المسات الي راح يدرسوني

الله يسهل يارب

عفوا اختي حياج طلي :biggrin:

اميين

[جـُلـّنار]

اختي soh cah toa
ابي اسالك عن الفرق بين الBus & MIS
يعني خزفني كلامك شوي ان البزنس اغلبه حفظ
وانا مو شاطره بهالشي..

ومن جهه ثانيه مااحب الحاسب
عشان كذا مادخلت نظم

[soh cah toa]

الفرق انه

البزنس فيه كم مادة فهم بس مو زي ال mis
فيه شوية ماث واحصائيات(مستويين) ومايكرو وماكرو وآكاونتنق(3 مستويات)
والباقي مواد حفظ


ال mis
فيه مواد فهم زي ال bus بالضبط بس الزايد عليه مواد الحاسب وعددهم 5 تقريبا ومواد الحاسب فهم
والباقي حفظ

(يعني مواد الفهم اكثر بشوي من البزنس)

ان شاء الله فهمتي علي
بالتوفيق

[me_8]

مرحباا

عندي سؤال ،، الحين البزنس بعد ما تخصص هل بيخيرونا بشي معين ؟

زي تسويق ، محاسبه ، اداره ماليه


و لا بنتخرج بتخصص بزنس عام بدون تخصص معين ؟

[soh cah toa]

مرحباا

عندي سؤال ،، الحين البزنس بعد ما تخصص هل بيخيرونا بشي معين ؟

زي تسويق ، محاسبه ، اداره ماليه


و لا بنتخرج بتخصص بزنس عام بدون تخصص معين ؟

لا تخصص بزنس عام بدون تخصص معين، لأنه هذا التخصص يشمل كل شي

بالتوفيق:(204):

[جـُلـّنار]

الفرق انه

البزنس فيه كم مادة فهم بس مو زي ال mis
فيه شوية ماث واحصائيات(مستويين) ومايكرو وماكرو وآكاونتنق(3 مستويات)
والباقي مواد حفظ


ال mis
فيه مواد فهم زي ال bus بالضبط بس الزايد عليه مواد الحاسب وعددهم 5 تقريبا ومواد الحاسب فهم
والباقي حفظ

(يعني مواد الفهم اكثر بشوي من البزنس)

ان شاء الله فهمتي علي
بالتوفيق


الله يعطيكـ الف عافيهـ:119:..

اتأسف شكلي بتعبكـ معاي..:mh318:
بس..بغيت اسألكـ عن طبيعه التدريب التعاوني لهالتخصصين..
يعني يتشابهون؟؟
هل التدريب ميداني؟ مكتبي؟
وهل الوظيفه مختلفه بينهم؟
:(107):

[soh cah toa]

الله يعافييج اختي جلنار

لا لاتعبتيني ولا شي :119:

كان وديي افييدج بشي بس هالمره والله ما أدري شو طريقة التدريب لأني بعدي مو سنيور:000:



اتمنى انه بنات السنيور يفيدونك بهالموضوع


... بالتوفيق

[feda]

مررررحبا

بنات الله يعافيكم الي خلصت من كتاب
math for mangenent I

وعادي تعيره , انا ابيه لان الكتاب خلص من الجامعه وراح ارجعه لها باخر الترم ان شاء الله


الي عندها ترسل لي رساله خاصه

اكون لها شااكره

[الريـــم]

سؤال لقسم نظم المعلومات الاداريه MIS

انا تحضيري الان ادرس ماث 2 وانقلش 2 واي تي 2 وفيزكس وكمستري .... وقسمي mis

هل احتاج ادرس الفيزكس والكمستري او لا في التحضيري ؟

وهل يوجد بالخطه الدراسيه لهذا القسم فيزكس وكمستري ؟ يعني بندرسه بعدين بالتخصص او لا ؟
:106:

[اميرة الذووق]

مرحبااااا
احب اشكرك ع هالموضوووع المفييييد
وحبيت اقووول للاخت feda

انه عندي كتاب math for mangenent I

اذا مالقت تبلغني لاني ماحتاجه

[feda]

^
ايييي الله يعافيك ما لقيت والله :(

بتسوين خير فيني
..

اقدر اقابلك بالكليه بكرا مثلا ؟!

او تحطينه بالمكتبه ايش رايك ؟!

[أفشان]

هاي بنات بليز اللي عندها كتاب mathematical statistics مره محتاجته :(