تسجيل الدخول

مشاهدة النسخة كاملة : ناجح بجميع المواد ومادة القانون صفر بدون درجه ، معقول ؟

Abo Mona
2011- 2- 3, 04:20 PM
السلام عليكم ورحمة الله وبركاتة ..

الف مبروك للناجحين ، واللي حملوا مواد الله
يسهل عليهم ويعوضونها ان شاء الله بالترم الثاني ...
ولايتحطمون ويفقدون الامل .. مااحد احسن من حد ..
(انا نصف مطحطم من مشكلتي) :icon9:

اخواني اخواتي ،،
النتائج ظهرت ولله الحمد اني عديت جميع المواد ،، لكن في شيء غريب بمادة القانون
ارجوكم تفيدوني لاني من امس وانا اهوجس بنتيجة مادة
( القــانون)

درجة المشاركه 30 ودرجة الامتاحن 0 والمجموع = 30 والتقدير F



انا مب عارف كيف صاير الموضوع ؟؟ احد يفيدني وجزاكم الله خير ..
اما بالنسبة لبقية المواد كل شيء طبيعي والدرجات موجوده


تمنياتي لكم بالتوفيق والنجاح ..







اخوكم

ابومنى،:119:
haaadee
2011- 2- 3, 04:25 PM
فيه ناس مثلك

تاكد من الجامعه

اتوقع ان الوضع راح يتعدل

عموما الف مبرووك
яαησσѕнα
2011- 2- 3, 04:27 PM
اكييد لخبطه صايرة ..تأكد من الجامعه نفسها ..والله ييسر لك اموورك..
....
Abo Mona
2011- 2- 3, 04:31 PM
الله يبارك بـ اعماركم .. وانا ابارك لكم ايضا نجاحكم ..

لكن ماهي الطريقه الامثل لحل مثل هذه المشكله اقصد الكارثه ..

فاانا لم اتذوق طعم التباريك والتهاني مع وجود هذه المصيبه من الجامعه

ابغى الطريقه اللي اتقدم فيها لعرض مشكلتي على الاداره ؟

والله يعطيكم العافيه
Abo Mona
2011- 2- 3, 05:43 PM
احد يتكرم ويعطينا الاجابه الشافيه لهذه المشكله .. :icon9:
سيدة الأسئلهـ
2011- 2- 3, 05:45 PM
لازم تكلمهم وااضح انه خطا او يمكن ماصححوا ورقتك للقانون

طيب شوف أيقونة اثبات حضور الاختبار بالخدمات

وش مكتوب عند القانون حاضر؟
Abo Mona
2011- 2- 3, 05:51 PM
لازم تكلمهم وااضح انه خطا او يمكن ماصححوا ورقتك للقانون

طيب شوف أيقونة اثبات حضور الاختبار بالخدمات

وش مكتوب عند القانون حاضر؟


هلا والله بسيده ..

مكتوب حآضر ..

اكلمهم !!.. وهم اصلا يردون على احد عشان تتفاهمي مع احد منهم
ماخليت رقم مااتصلت به .. ومازلت احاول الاتصال مرارا
ReemoOo
2011- 2- 3, 05:53 PM
مثل ماقالت آختي سيده شوف ايقونة اثبات حضورك للإختبار

لاتشيل هم آتوقع خطأ من الجامعه

الله يوفقك ياااارب
وردة الجوووري
2011- 2- 3, 05:53 PM
كثير مثلك .. يا انك تكلمهم .. او ترفع تظلم لما تتفعل الايقونة .. اوتصبر شوي يمكن يعدلونه
abaadiat
2011- 2- 3, 06:03 PM
اخوي انا نفس مشكلتك واليوم كلمت الاستاذ مصلح وقالي انا وتقريبا سبعين واحد نفس حالتي .....وطبعا قالي ان الغلط مني انا سواء كان بالتضليل رقم الجامعي او الاسم

عموما اللي اخذت من كلامه ان المسأله يبيلها شويه وقت وانشاء الله تتعدل
Abo Mona
2011- 2- 3, 06:08 PM
مثل ماقالت آختي سيده شوف ايقونة اثبات حضورك للإختبار

لاتشيل هم آتوقع خطأ من الجامعه

الله يوفقك ياااارب

الله يوفق الجميع .. اختي ريمو ..
مسجل حآضر بالاختبار بالخدمات الطلابيه .. يعني مصححه الورقه ع الجهاز !!

كثير مثلك .. يا انك تكلمهم .. او ترفع تظلم لما تتفعل الايقونة .. اوتصبر شوي يمكن يعدلونه

انا ماعندي اي مشكله ، اسوي اي شيء بس اعرف ليش متسجله صفر
انا حاليا في اجازه بكره ارجع للدوام ومابيكون عندي وقت مع هالجامعه
اني اطارد وراهم :icon9:
انا باانتظار تفعيل ايقونة خطاب التظلم ..

الله المستعان ,, ياريت لو حاطين راسب ودرجه الاختبار .. كان اهون من اني اشوفها صفر

الله يعطيك العافيه ، ويسهل اموركم ،
Abo Mona
2011- 2- 3, 06:17 PM
اللحين الدرجات ليه صايره تختلف عن فترة الصباح ؟؟؟؟؟؟؟؟؟؟؟؟؟

فتحت الخدمات الطلابية ولقيت درجاتي تختلف عن درجات الفترة الصباح ؟؟؟؟؟؟؟؟؟؟؟؟؟
منقصين درجات ومزودين درجات ببعض المواد ؟؟ :(107):
وش معنى هالكلام ؟؟

لكن القانون مازال على وضعيته صفر حاف .. :icon9:
ابوروان الهاجري
2011- 2- 3, 06:18 PM
الله يعينك والله
وش هالخربطه عندهم
Abo Mona
2011- 2- 3, 06:29 PM
ياهلا باابو روان ..

يارجل شيء ينرفز صراحه .. عاد تجي خربطه .. لكن في درجات الاختبارات النهائيه
هذه تعتبر فضيحه للجامعه وظلم للطالب ! ..

انا باانتظار رد احد الاخوه عن جامعة عبدالعزيز .. لو الله اراد
احتمال اني احول عليها . نظامها مختلف عن جامعتنا
الهوت
2011- 2- 3, 09:02 PM
نفس الوضع عندي بس انا بمادة مبادئ المحاسبة ناجح بكل المواد بس هذه المادة افسدت فرحتنا

ارسلت لهم مسج عن طريق الخدمات لعل وعسى مع العلم ان الجوالات ما ترد علينا . اتمنى تظهر النتيجة بسرعه والله الانتظار ممل
نبي نسمع :mh001:
Ranoooosh
2011- 2- 3, 11:54 PM
اخوي انا نفس مشكلتك واليوم كلمت الاستاذ مصلح وقالي انا وتقريبا سبعين واحد نفس حالتي .....وطبعا قالي ان الغلط مني انا سواء كان بالتضليل رقم الجامعي او الاسم

عموما اللي اخذت من كلامه ان المسأله يبيلها شويه وقت وانشاء الله تتعدل


اخوي انا الادارة مكتوب صفر ومستحيل يكون غلط بالبيانات لانها اول ماده وكنا حريصين على كل شي وغير ان الي مراقبه علينا كانت حريصه جدا جدا لكن بالنسبه لي اقول احتمل من حوست اول يوم لانه الاغلبيه ماكان محطوط لهم قاعه واطلبو ندخل باااي قاعه اما الاختبارات الثانيه كانت الاسماء موجوده يعني يمكن ورقتي طاارت ولا ضاعت :Cry111:
Abo Mona
2011- 2- 4, 12:04 AM
اخوي انا الادارة مكتوب صفر ومستحيل يكون غلط بالبيانات لانها اول ماده وكنا حريصين على كل شي وغير ان الي مراقبه علينا كانت حريصه جدا جدا لكن بالنسبه لي اقول احتمل من حوست اول يوم لانه الاغلبيه ماكان محطوط لهم قاعه واطلبو ندخل باااي قاعه اما الاختبارات الثانيه كانت الاسماء موجوده يعني يمكن ورقتي طاارت ولا ضاعت :cry111:

توي انتبه لرد اخوي اللي قال ان الغلط من الطالب / هـ .. واعتذر عن ذلك ..
وزي ماقالت اختي .. رنوش ..
انا ممكن اكون نسيت .. بس مااعتقد ذلك .. لاني حريص ع هالشيء .

يالله الخراج من هالجامعه .. :(269):
Ranoooosh
2011- 2- 4, 12:25 AM
الله يعين والله اني مقهوره عشان الادارة طالعه مبسوطه وارسلت رساله شكر للاستاذ ورجعت الاسئله وكان تقريبا غلط علي سولين ولكن للاسف صفر:Cry111:
وليف المشاعر
2011- 2- 4, 12:41 AM
أبو منى ,,,, كلنا بالهوا سوا

الظاهر لسه ما صححوا أوراقنا أنا وأنت ...

أنا ماذقت طعم النجاح صراحة بس حبوا يتعبونا ويتعبون الله يعنهم علي أنا وأنت لازم نتفق ونهجم عليهم هجمه قويه أنا وأنت ولا وش رايك ؟؟
خجولة الاحساس
2011- 2- 4, 04:11 AM
حتى انا ماخذ صف بالاداره ومتاكده اني حليت يعني مومعقوله:icon9:

قلت بنسحب خلاص دام هذي سوالفهم حطموني مرررره:Cry111:
Ranoooosh
2011- 2- 4, 04:37 AM
انا احساسي بالنسبه للي ماخذين صفر ان فيه امل لنا يمكن اورقنا يمين يسار :24_asmilies-com:
ǺĽ ẕeeห
2011- 2- 4, 09:00 AM
يصير خير :119:

بشوف وش سالفه هالقانون الي الكل يشتكي منها "

بكلم الجامعه "

وانت تعدل الوضع عطوني خبر " :love080:

الاغلبيه يشتكون من هالشي "" بشوف شوووو القصه

لان الاكيد ان الغلط منهم هم "

متخفش ياخويآآى دنتآآآ ناجح بس شويات اروح اتفاهم معاهم "

ان عدلوها لك او لاي احد شاف ردي عطوني خبر "

برررب

<<< راحت تشوف وش القصه "
وليف المشاعر
2011- 2- 4, 12:50 PM
أنا أرسلت إيميل اللدكتور الزهراني ... ومدري وش راح يسوي ...

لكن دامها مشكله عامه .... أكيد الغلط منهم ...
Abo Mona
2011- 2- 4, 09:48 PM
عساك ع القوه يادفىء المشآعر ،،


ياريت والله اشوف حل لهذه المشكله ،، وفي غيري ،، كمان
نفس المشكلهـ ،، ونفس الماده ..
مب معقول صفر .. قويه شوي :(269):
لولو 2010
2011- 2- 5, 01:40 AM
اجل انا وش اقوول كل الموواد اصفار
والدرجات ماتغيرت الى الحين
Ranoooosh
2011- 2- 5, 03:01 AM
اجل انا وش اقوول كل الموواد اصفار
والدرجات ماتغيرت الى الحين


جاء رد من الدكتور عبدالله النجار ان السبب يكون غلط بالبيانات مالك الا بكره ترسلين على الفاكس 035896119

وتكتبين المعلومات

الاسم - الرقم الجامعي - المقرر الي فيه صفر - رقم هاتف الاتصال

بالنسبه لي بكره ابي انشب لهم بالفاكس والله يقويك ويقوي الجميع وتنحل مشكلتنا:106: