الله يعافيكم على اي اساس اسجل المقرارات ماني عارفه

[um lenda]

مرحبا

معليش سؤالي احسه شوي أبله بس من جد معرف

أنا الحين على اي أساس اختار عدد المواد .............اقدر انزل 4 مواد لو ابغى لان وقت الاختبارات الجاي جداااااااااااااااااااااااا حرج بالنسبه لي واحتمال اني ماقدر ادخل بس ربي يكتب الي فيه الخير

وحده قالت لي لما احسب معدلي من موقع الجامعه يطلع معاه عدد الساعات الي لازم اخذها
وطلع لي 15 ساعه ............هل معناته لازم اخذ ال 15 ساعه كلها والا اقدر اخذ اقل فهموني تكفون لان بكره تسجيل المواد زي منتوا عارفين ولا ابغى اتوهق ومشكورررررين مقدما

[test5]

امممم موضوعك شائك ومعقد نفسياً :71:, ولا يحله إلا العميد النجار, اتصلي عليه افضل شيء

[ كافة المستويات ] : ### والان رقم جوال النجار داخل الموضوع ### (http://www.ckfu.org/vb/t144969.html)

[um lenda]

من جد؟؟؟ صعب للدرجه ذي هههههههه ع العموم يعطيك العافيه:(269):

[جبرني الشوق]

ياالغاليه وش الصعب راح اوضح لك كل شي


انتي 15 ساعه يعني معدلك تحت 2 ونصف ..انصحك تأخذي 5 مواد كله اي 15 ساعه عشان المستوى الجاي 7 مواد برضو لاتفكري في الترم ذا قكري في الترم الجاي بعد

ايوه تقدري تأخي 4 مواد حتى 3 مواد ..بس الترم الجاي بكون مره ضغظ عليك .....ادرس الوضع بتفكير عميق والله يوفقك

اي سؤال او خدمه انا حاظر:106:

[يالله سلم سلم]

اول حاجه اصلا مافيه شي اسمه صعب او مستحيل للي همته عاليه

لان اي يشخص هدفه النجاح والتفوق مايعرف كلمه اسمها مستحيل او صعب او عقده لانها اشياء تافهه

اول شي يالغاليه دام معدلك يسمح لك بـ 15 ساعه عندك ثلاث اختيارات:

الاول هو انك تختارين من المواد المستوى الاول معا مواد من المستوى الثاني

الثاني انك تركزي على المواد الي راسبه فيها من المستوى الاول دون اضافه من مواد المستوى الثاني

الثالث هو انك تختارين مواد فقط من المستوى الثاني ..

اما بالنسبه للمواد المستوى الثاني فانصحك تاخذي :

العقيده < ماده سهله وكلها تتكلم عن اشياء دارسينها من قبل . (ساعتين)

الصحه والياقه< ماده سهله تتكلم عن صحة الانسان والرياضه وزي كذا يعني اشياء بديهيه (ساعتين)

تقنية معلومات< من خلال ماقرة رد المستوى الي قبلنا انها سهله وحلوه (3 ساعات)

محاسبة2< تكمله للماحسبه1 وكذالك يقولون عنها سهله جدا (3ساعات)

الاقتصاد الكلي (3ساعات) > اول استبدلها بـ( الرياضيات) < بس المستوى الثالث مايمدحون شرح الدكتور

طبعن قيسي كلامي هاذا على انك ناويه ترفعين المعدل لانها مواد اسهل بكثير من مواد المستوى الاول

او اختاري منها الي ترغبين اضافه على المواد المستوى الاول ولك حرية الاختيار وفكري اكثر بالمعدل

لانه هو الي راح ينفعك عند التخرج سوى اذا اردتي ان تكملي دراسات عليا او الوظيفه ...

[um lenda]

يعطيكم الف عافيه مو قصة صعب او سهل بالعكس لو على كيفي كان نزلت المواد كلها

بس سبب اني بختصر المواد لان الاختبارات تصادف وقت ولادتي يعني بينها كم يوم وصعب علي جدااااا

بس فهمت ويعطيكم العافيه

[يالله سلم سلم]

شوفي انتي احسبي ولاتك اذا كانت وقت الاختبارات وعارفه نفسك انك مراح تقدرين تختبرين

او حتى تذاكرين قبل الاختبارات ماعندك حل غير انك تحذفي الترم هاذا وتدرسين الترم الجاي

اسال الله ان يرزق بـ المولود الصالح وان يسهل عليك امورك..

مووفقه

[um lenda]

شوفي انتي احسبي ولاتك اذا كانت وقت الاختبارات وعارفه نفسك انك مراح تقدرين تختبرين

او حتى تذاكرين قبل الاختبارات ماعندك حل غير انك تحذفي الترم هاذا وتدرسين الترم الجاي

اسال الله ان يرزق بـ المولود الصالح وان يسهل عليك امورك..

مووفقه


مستحيييل اكنسل ترم باخذ كم ماده امشي حالي فيها الاختبارات نهاية شهر 6 وولادتي من نص شهر 6 وورى :icon9:

والف شكر عالدعوه الحلوووووه يسلمووو