ملتقى طـالبـات قسـ [ اللغـة الإنجليـزية ] ــم .. [الأرشيف] - ملتقى طلاب وطالبات جامعة الملك فيصل,جامعة الدمام

moon light

2008- 6- 26, 03:45 PM

هاي بنات اللغة الانجليزيه
ولايزعلون منى باقي الاقسام بس الموضوع
خاص بس في بنات اللغة الانجليزيه
فقط بما ان المنتدى مفيد وحلوه فكرته
ليش ما نستفيد من بعض وكل وحدة
تفيد الثانية على حسب المستوى الي هي فيه
يعني كل وحده تكتب هي في اي فرقة
وتعرض مساعدتها للطالبات الي ممكن في نفس الفرقة
وممكن في الفرقة الي قبلها وانا اول وحدة بعرض مساعداتي
عشان تتشجعون انا في الفرقة الثالثة و اي وحدة تبغى مني
مساعدة في اي شي تقول ولايردها الالسانها ok
واتمنى اشوف طالبات اللغة الانجليزيه كلهم هنا بس
عشان نمسح الصوره السئيه الي رسمت لنا عند باقي
الاقسام الكل يقول ان بنات الانجليزي انانيات وكل وحدة
تفكر في مصلحة نفسها وطبعا محد فيكم يرضى انا
نطلع بالصوره هذاي صح ؟:no2:

الصبا

2008- 6- 26, 04:22 PM

فكرتك نايس

واكون سعيده بإنضمامي :g8: معكم

والصبا الفرقه الثانيه انجليزي

English Student

2008- 6- 26, 04:43 PM

فكرتك حلوه اختي

ويسعدني الانضمام

انا في الفرقه الثانيه والحين صرت باقيه

موفقين

moon light

2008- 6- 26, 05:54 PM

الحمدلله في تجاوب بما انكم انتوا ثاني وانا ثالث
بحاول افيدكم قدر المستطاع اطلبوا الي تبغون
بحوث محاضرات انا جاهزه بس في مشكله
صغيره ان محاضرات الترم الاول عندي امسحت
بعد مافرمت جهازي وماعندي الاالترم الثاني فقط
بس ممكن اذا لقينا عضوه ثانيه بالفرقة الثالثة ممكن
تساعدكم بخصوص الترم الاول وانا علي الترم الثاني
انتظر البقيه اين انتم ياطالبات الانجليزي ؟

احساس ورد

2008- 6- 26, 11:45 PM

وانا بعد انظم اليكم

فكره حلوة منكم

احساس ورد فرقه اولى....

wishesssss

2008- 6- 26, 11:56 PM

وانابعد في الفرقه الثانيه والحين صرت باقيه

English Student

2008- 6- 27, 12:53 AM

يعني مثلي :011:

الله يوفق الجميع

أخت أخوها

2008- 6- 27, 04:10 AM

وانا معكم

أخت أخوها :119:

سنه اولى

اي مساعدات انا حاظره

moon light

2008- 6- 27, 02:53 PM

اهلا وسهلا بجميع المنضمين
بجد انكم اثبتوا تعاون بنات القسم
وخلينا نقهر العذال
احساس ورده اهلا وسهلا فيك
يشرفني انظمامك
اخت اخوها هلا وسهلا كمان
فيك وان شاء الله راح نبدا السبت
بس اش تقترحون طريقة التواصل بينا
تحبون تكون عن طريق الخاص او الايميلات
اواي فكره تقترحوها انا جاهزه استنى ردكم ياحلوين

um_amanah

2008- 6- 27, 04:12 PM

سنة ثالثة باقية :bawling:

moon light

2008- 6- 27, 05:18 PM

يلا مو مشكله خيرها في غيرها يسعدني
شوف وحدة بفرقتي وان شاء الله راح نبدا السبت
على فكره انتي اش المواد الي عليكي

بنوتة كيوت

2008- 6- 27, 10:58 PM

انا بعد ابي اكون معاكم

انا سنه ثانيه باقيه

moon light

2008- 6- 28, 12:57 PM

اهلا وسهلا بنوته كيوت
ويشرفني انضمامك
ماتلاحضون ان مافي ولاوحدة من بنات
سنه رابعة دخلت غريبه
طيب انا استفيد من مين ههههه:Cry111::mh19::hahaha_2008:

moon light

2008- 6- 28, 01:06 PM

wishessssssss اهلا وسهلا
فيك معليش سامحيني
اسمك سقط سهوا لا عمدا
والله العظيم
يشرفني انظمامك لمجموعتنا
وماشاء الله اشوف تفاعل من بنات
سنه ثانية اكثر شي ولايهونون الباقيين :d5:

moon light

2008- 6- 28, 01:12 PM

بنات مااحد رد علي
كيف تبغون طريقة التواصل
عشان اليوم ان شاء الله
نبدا
على بركه الله
اي وحدة منكم
تبغى محاضرات
ولابحوث ولا اسماء روايات
مسرحيات السنه الجايه
تقول ابتدا من اليوم
خلي شعارنا السنه هاذي
التميز كل وحده تاخذ اسماء الكتب من الحين عشان تدورها
او ممكن تدورلها افلام لان الافلام دايم تطول
على العموم انحنا جاهزين بالخدمه

الصبا

2008- 6- 28, 05:22 PM

الحمدلله بصير بسنة ثالثه

وبالنسبه للتواصل اشوف ان الرسائل الخاصة

او
الايميلات كويسه واذا احد عنده رأي ثاني يفيدنا

معنويات محطمه

2008- 6- 28, 07:24 PM

وانا كمان بصير سنه ثالثه بعد طلعة روووح

حلو موضوعك اختي وان شاء الله نستفيد من بعض ونفيد

تحياااتي

معنويات محطمه

2008- 6- 28, 07:26 PM

طمـوح

2008- 6- 28, 07:32 PM

السلام عليكم ورحمة الله وبركاته

good idea

مشكوره يالغاليه

وانا سنه ثانيه بروح سنه ثالثه

اتمنى الاستفاده والافاده

ويسعدني انضم معكم:119:

طمـوح

2008- 6- 28, 07:59 PM

طيب بناات القصص والروايات والمسرحيات كل سنه نفسها

يعني ماتتغير المناهج؟؟؟

moon light

2008- 6- 28, 08:32 PM

اهلا وسهلا فيكم يامعنويات محطمه
وطموح يسعدني انظمامكم
خلاص مو مشكله ممكن نرسل لبعض ايميلاتنا
على الخاص ok وبالنسبه للقصص والروايات
نادر ماتتغير كل سنه نفس الشي
ميغيرونها كان ممكن تسالين يوم اختي النتيجة
عن الروايات لان الدكاتره عادي يجاوبون
احنا دايم نسوي كذا احنا وزميلاتي نشوف
الدكاتره الي يدرسونا ونسالهم عادي

طمـوح

2008- 6- 30, 02:35 AM

بنااات ما اشوف فيه تعاون

وينكم بنااات؟؟

um_amanah

2008- 6- 30, 10:53 AM

السلام عليكم ورحمة الله وبركاته
راح أحط أسماء الكتب المطلوبة لسنة ثالثة إلي بقيت فيها مع أنها سهله (نثر ،ترجمة) وفيهم المسرح (عقدتي الأبدية الي ماراضية أبدا أنجح فيه (الله يستر هذا الترم ) الحمد الله

النقد بنات لو موقع الأستاذه نجلاء فتح راح تعرفوا تجاوبوا الأسئلة بسهوله

النثر تطلب منكم تدورا مقال من الأنترنت يعني سهل بس تحفظوا المقال ويمكن تجيب تعريفات عاد هي وطلباتها

أنا الحين راح أكتب لكم
كتب المسرح
وقبل ما أكتبها الأستاذة تبغي الكلام إلي مكتوب بالملزمة هي طبعا تأشر مع بنات الانتظام إذا شريتي الملزمة لخصيها وترجميها ودوري الملاحظات منها وأكيد يمكن تتغير استاذة المادة يعني ممكن تكون مش وفية
She Stoops To Conquer
By Oliver Goldsmith

The Rivals
By Richard Brinsley Sheridan

النثر سهل زي ما قلت وهو
Jane Eyre
Oliver twist
على فكره العام ما لحقنا على Oliver twist

الترجمة ذاكريها وحاولي ما تستهين فيها ذاكريها زين
راح اعطيكم بعدين اسماء المواقع الي تشرح بعض من المكتوب فوق

يا الله بالتوفيق

الصبا

2008- 6- 30, 11:32 AM

um-amanah

الله يجزاك خير

وبالنسبه للباقيات انصحهم يراجعوا الكلية خصوصا سنه ثانيه

لان صديقتي الترم الاول حملت مادتين والترم الثاني ثلاث وراجعت الكلية قالوا تمتحنين مواد الترم الاول واذا نجحتي فيها تطلعين ثالث

وعندي سؤال

الترم الاول اشرت الدكتوره حفصة اسئله للمقالي وجابت منها وما ادري المحمول بتجيب من نفس التأشير لاني حاملة النثر؟؟

ياليت اللي تعرف تفيدني

Smile of life

2008- 6- 30, 11:40 AM

Hello Girls

I would like to participate with you all

I am Fourth year,, if any one needs help, I am willing to do so.

Moonlight,,, thanks for your effort in this topic

Good luck to all:119:

moon light

2008- 6- 30, 02:05 PM

يسعدني ويشرفني انضمامك وباذن الله
كلنا راح نستفيد من بعض بنات سنه ثانية
انا كتبت لكم مواد سنه ثالثة في برنامج
بوربوينت وراح ارسله للبنات الي عندي ايميلاتهم
والي ماعندي يرسلوها لي على الخاص ok
um amanahمشكوره على مجهودك الطيب

English Student

2008- 6- 30, 04:09 PM

um-amanah

الله يجزاك خير

وبالنسبه للباقيات انصحهم يراجعوا الكلية خصوصا سنه ثانيه

لان صديقتي الترم الاول حملت مادتين والترم الثاني ثلاث وراجعت الكلية قالوا تمتحنين مواد الترم الاول واذا نجحتي فيها تطلعين ثالث

طيب انا حامله 3 الترم الاول :Cry111:

يعني اروح اختبر واذا نجحت اطلع سنه ثالثه واذا مانجحت ابقى؟؟؟

ماني فاهمه ناس تقول شي وناس تقول شي ثاني

wishesssss

2008- 6- 30, 08:11 PM

moon light
فكرتك رووووووعة والله ودي اتحمس بس عجزت واوعدك احاول

الاحباط مغطيني احنا يالفرقة الثانية لعية الكلية درسنا نظام جديد ورجعنا للقديم اللي ما تعودنا عليه ورسبنا

والحين مشتبه بمصيرنا ثاني او ثالث ..

الله يوفق الجميع ...

moon light

2008- 6- 30, 08:47 PM

مشكوره حبيبتي
لازم ماتيئسون ابد
هاذي الكليه متعودين عليها كل سنه
بنظام
لازم يكون لكم هدف في الحياة والياس
موحل

wishesssss

2008- 6- 30, 08:57 PM

ههههههههههههههههههههههههههه

الله يعطيك العافية على المواساة :g20:

طمـوح

2008- 6- 30, 09:48 PM

خذوها مني

صديقتي حامله 3 الترم الاول و3 الترم الثانيه وبتمتحن

تأكدو يابناااااااااااات لا تروح عليكم سنه

English Student

2008- 6- 30, 09:56 PM

خذوها مني

صديقتي حامله 3 الترم الاول و3 الترم الثانيه وبتمتحن

تأكدو يابناااااااااااات لا تروح عليكم سنه

متأكده ؟؟؟ :Cry111:

um_amanah

2008- 7- 1, 01:16 AM

متأكدين الي حامله خمسه ما تعيد السنة
الله لا يهينك متأكدة :011: مو أروح وأفشل نفسي يا بنات :Cry111: تراها ما تسوى الفشيلة

moon light

أرسلي لي لا هنتي المسرح والنثر وفقك الله يارب

English Student

2008- 7- 1, 01:56 AM

أختي طموح انتي بأي قسم؟؟

ردي علينا الله لا يهينك

بنت حواء1429

2008- 7- 1, 12:01 PM

انا قسمي درسات اسلامية بس حبيت اساعدكم واحط لكم رابط جدول المحمول والتكميلي والمعتذرات لقسمكم واتمنى تدعون لي ربي يوفقني

http://www.dg-ac.com/college/news1.aspx?AN_ID=454

um_amanah

2008- 7- 1, 12:46 PM

السلام على من أتبع الهدى

نسيت أكمل لكم الشعر يحتاج أنك تذاكري اول بأول وتحطي ملخص لكل قصيدة بعدين راح انزل لكم اسئلة الأمتحان حقت العام
هنا
حتى أسئلة النثر حقت العام راح أحطها لكم هنا راح ادور بالأوراق واشوف يعتمد إذا شفتها راح أحطها إذا ما شفتها ما راح أحطها
وراح أحط اسئلة المسرح والنقد
والنقد لازم تركزي على ان تجاوبي على قد المطلوب والسؤال مش تكتبي كل شيء لأن لو سويتي كده راح ترسبك

عشان تاخذي فكرة عامة عن
النثر
Jane Eyre

روحي هذا الرابط

http://www.sparknotes.com/lit/janeeyre/

وعشان تأخذي فكرة عن
Oliver Twist
روحي هذا الرابط
http://www.sparknotes.com/lit/oliver/

فيه رواية كتبتها وحدة كرد على رواية
Jane Eyre
مش فاكرتها راح اشوف الأوراق وراح أكتبها هنا
أستاذة ليلي جابت صح و خطأ على الرواية الي ترد
وتعريفات وأمثله من الروايه الي درسنها
ومقالين
مقال عن
Jane Eyre
وتأثيرها على الكتاب النساء في ذلك العصر
ومقارنة بين شخصيتين يعني السؤال الثالث سؤال اختياري
هي تقول في موضوع كده
هذا الموضوع راح يجي بالإمتحان

بالنسبة للمسرح
She Stoops to Conquer
http://www.bookrags.com/studyguide-shestoopsconquer/topic.html

The Rivals
http://www.bookrags.com/The_Rivals

حاولوا تطلعوا على
Character+Plot
أستاذة وفيه راح اتجيب لكم خلفية تاريخية عن العصر والكتاب
كلها حفظ وبعضها موجود في الملزمة حقتها و في آخر محاضراتها راح تقول لكم عن المواضيع الي راح تجي وتجي في الأمتحان لكن لازم تكونوا كاتبيها كويس
بالنسبة لشكسبير
Othello
http://www.sparknotes.com/shakespeare/othello

Julius Caesar
http://www.sparknotes.com/shakespeare/juliuscaesar/

تعطيكم ملزمة بعض الأحيان تأشر وبعض الأحيان ما تأشر بس اتوقع أغلب أسئلة الأمتحان تجي منها ذاكروها
وإذا أخذتوا ملازم نجلاء حاولوا تلخصوا الأفكار.تعريفات .طلعوا مقالات .مو تقعدوا ليوم الأمتحان ترى راح تتعذبوا نصيحة اخوية

بالنسبة لملازم نجلاء أنا عندي حقت الترم الثاني بس

وبالتوفيق لكم جميعا

طمـوح

2008- 7- 4, 06:22 PM

مشكوره اختي

طيب كيف طريقة الدكتورات ؟؟

يخلونا نبحث عن الماتيريال او يعطو ملازم ؟؟؟

Impatient

2008- 7- 7, 12:03 AM

هاااي بنووتات.. كيفكم؟؟
في أحد يعرف توصيف المقررات حق سنه رابعه؟؟ أسماء الروايات و الكتب
ياليت اللي تعرف تكتبها لي.. لأنهم شايلينها من موقع الكليه
:love080::love080::love080:

NATASHA

2008- 7- 7, 09:38 PM

طمـوح

2008- 7- 8, 01:32 AM

يعطيك العافيه مونلايت ع الموضوع المفيد

ماقصرتي ..

وانا رايحه سنه ثالثه ..

وتسلمين ام امانه باذن الله بشتري الروايات والمسرحيات واقراهم واحضرهم زين للسنه الجايه ..

وبقرا شوي عن شكسبير ..

تسلمون وماقصرتو ..:love080:

هلا بك اختي

نورتي الموضوع .. اسمحيلي ارحب فيك نيابه عن اختي مون لايت

الله يرجعها لنا بالسلامه

وبالتوفيق لكم جميعا

الانسة صفاء

2008- 7- 8, 02:47 AM

بنات Plzzzzzzzzzzzzzz

اللة يعطيكم العافية
انا توني مخلصة سنة اولى والحمدللة نجحت
ممكن وحدة تقولي وش الروايات والمسرحيات اللي بندرسها سنة ثانية
ينقالي لي بحضر حق السنة الثانية وشد حيلي <<<تلعب على نفسها
وااللة توفق اللي ترد علي:praying:

سفيرة الأحلام

2008- 7- 8, 08:58 PM

وانا كمان بنضم معكم

انا سنه اولى رايحه ثانيه

حلو موضوعك اختي مون لايت

الصبا

2008- 7- 9, 12:11 AM

لسنة ثاني

الترم الاول النثر

Robenson Crusoeقصة

Rasslsوهذي القصة بصورة سطحية

والمسرح
As You Like It

وبصورة سطحيةThe Alchamest

والترم الثاني النثر
pride and Prejudice

والمسرح The Merchant of Veniceلشكسبير وفية للمسرحية فلم بس ماشفته:no2:

وبصورة سطحية Twilfth Night

سعوديه اصيله

2008- 7- 9, 11:48 PM

:g20::g20::فكره روعه انا طالبه في سنه ثانيه بس للأسف باقيه
وانا مستعده لأي شي فيه مصلحت الجميع
وأن شاء الله نفيد ونستفيد

سعوديه

moon light

2008- 7- 11, 09:03 PM

هااااااااااااااااااااااااااااااي
وحشتوني كيفكم بنات
والله لكم وحشه
اول شي ابغا اشكر
طموح على الترحيب في الاعضاء
لما كنت مسافره واشكر um amanahعلى جهودها
وراح ارحب بكل الاعضاء الي انضموا للقروب ان شاء الله

moon light

2008- 7- 11, 09:16 PM

سعودية اصيلة اهلا وسهلا فيكي
نور قروبنا بنضمامك وسعيدين بتواصلك معانا
سفيره الاحلام اشكرك حبيبتي وسعيدة بنضمامك
الانسه صفاء يامرحبا فيك وان شاء الله نستفيد
من بعض ونساعد بعض قدر المستطاع
natasha سعدت بنضمامك والف شكر لكل
المنضمين في الموضوع :d5:

Lo0oly

2008- 7- 12, 02:06 AM

مرررررراحب

انا لولي طالعه لسنه ثالثه

موضوع اقل مايقال عنه خطيييييييييييييييييييير

والفكره اخطر

ويكفي بس انه يبين قد ايش بنات هالقسم متعاونات

ومثل ما انتو وانا ملاحظين ان قسم الانجليزي هو اكثر قسم متعاون وكذاب من قال اناني

اشكر صاحبة الموضوع على هالفكره والنشااااااااط واهنييها صراحه على هالتعاون الكبير منها

انا من الحين اعرض لكم مساعدتي في اي شي يخص سنه ثانيه

واتمنى بعد القى المساعده من بنات ثالث العام

ونفيد بعض اكثررررر

ومشكووووورين كلكم على هالتعاووون الجميل

ملاحظه بسيطه : :Cry111: عدد الباقيات في سنه ثانيه فضيييييييييييييع بشكل مو طبيعي

هل تتوقعون ان الحظ مو معاهم

انا بصراحه اشوف فيه كثير يستحقون ينجحون والقهر لا حملت البنت مواد سهله تسبب انها تعيد سنه كامله بسبتها

مثل العربي :s12:

وفوق هاذا الضعط اللي بيصير على الدكاتره والمعيدات لان مثل ما انتو عارفين ان بنات سنه اولى كلهم طالعين لثاني مافيه باقيات

يعني العدد بيكون كبير نوعا ما

الله يكتب اللي فيه الخير يارب

ويوفق الباقيات واللي نجحو :praying:

والف شكر مره ثانيه لـ moon light على هالتفاعل :d5:

لا عدمنا وجودك غاليتي

بربري

2008- 7- 12, 05:05 PM

واااااو روعه انا طالبه تخرجت من الثانوي وبدخل قسم انجليزي وانشاء الله نفيد بعض:d5:

بربري

2008- 7- 12, 05:12 PM

هاي بناات انا ماشفت اي تفاعل بخصوص المحاضرات والبحووث ويـــــــــنكم:mh19:

moon light

2008- 7- 12, 05:37 PM

لولي مرحبا انا سعيدة لانضمامك
وشكرا على الكلا م الحلو
وطبعا الفكره والله مانجحت الا بااخواتي
العضوات
فكره انو بنات ثاني مضلومات
يمكن معاكي حق وبعدين صدقيني هم
الي راح يخسرون انا اول افكر
ان المواد العامه اخر
مواد يفكرون يرسبون البنات فيها
بس انصدمت بصراحة
على العموم الله يوفق الي نجحوا
ويساعد الي عادوا السنه يارب
وعلى العموم انا سنه ثالثة
وجاهزه لاي شي انتي تبغيه

moon light

2008- 7- 12, 05:41 PM

بربري اهلا وسهلا فيك
انتي اصغر مستركه معانا
لين الحين :119:
بالنسبه للمحاضرا ت احنا
نرسلها لبعض بالخاص او بالايميلات
مانحطها هنا في الموضوع
لان بيكون صعبه شوي
ممكن تتواصلي انتي واي وحدة
من بنات سنه اولى وان شاء الله
ميقصرون معاكي وهاذي اسماء
بنات سنه اولى الي عندي
ومشاركين في القروب
ممكن تتواصلي معاهم
احساس وردة
واخت اخوها
وشكرا لانضكامك مره ثانية

سفيرة الأحلام

2008- 7- 12, 07:30 PM

هااااي

انا رايحه سنه ثالثه

فكرتك حلوووووه اختي

اتمنى نستفيد من بعض

رحبي فيني :222g:

moon light

2008- 7- 12, 08:36 PM

مشكوره حبيبتي
سفيره الاحلام
وانا رحبت فيك قبل كذا
ورحبت بنضمامك لقروبنا
واي شي تبغية انا بالخدمة

الانسة صفاء

2008- 7- 13, 05:46 AM

السلام عليكم بنات
كيفكم ؟
صراحة ماشاءاللة عليكم
ماقصرتوا ابعدتو الشبهة
و بينتو انكم ابعد شيء عن الانانية :g8:
وودي اشكر (الصبا)
و moon light
على تعاونكم وتفاعلكم معي
وانشااللة باحاول اقدم كل ما استطيع لبنات قسمي الحبيب :066:
ENGLISH DEPARTMENT]

ريمية

2008- 7- 15, 11:56 PM

هااااي بناااااات

لو سمحتوا لو سمحتواااا ساعدووني

انا تو متخرجه من ثالث ثانويه ونسبتي حلوه الحمدلله وناويه ادخل قسم انجليزي بالكليه بس كثير خوفوني منه
ويقولون صعب صعب وناس يقولون لا انهم سهلوه وصار اسهل من قبل والله اني محتاره وخايفه :Cry111: بليييز وش تنصحوني فيه بما انكم بنات القسم نفسه ؟؟؟؟؟.............

ولو سمحتوا اذا تعرفون متى يبدا التسجيل بالكليه جاوبوني ؟؟؟

انتظر ردودكم
يعطيكم العافيه

اختكم:
ريمية

moon light

2008- 7- 16, 02:43 AM

الانسه صفاء لاشكر على واجب
وبنات قسم اللغة الانجليزيه قدها وقدود
ان شاء الله :d5:

moon light

2008- 7- 16, 02:47 AM

حبيبتي ريميه مافي شي صعب في
الدنيا اذا انتي حابه القسم
اتوكلي على الله وادخلية ولايهمك
كلام الناس اهم شي مصلحتك
انا ماانكر ان القسم صعب بس
مو الصعب الي الواحد مايقدر ينجح فية
بالعكس الحين بالنظام الجديد اتوقع صار
اسهل والله اعلم انتي استخيري وصدقيني
الله ماراح يجيب الا الي فيه الخير التسجيل ماعندي
خبر بس انا سمعت انه السبت والله اعلم

بنوتة كيوت

2008- 7- 17, 02:35 AM

moon light ممكن ترسلين ايميلك على الخاص

او كيف تحبين نتواصل ؟

بربري

2008- 7- 21, 01:50 PM

مرحبااا ان بربري وهذا ايميلي wesaam_966@hotmail.com
وانا ارحب بجميع الأستفسارات ومشكوووووووره ياعمري
بس على فكره يقولون فيه امتحان لياقه مهنيه قبل ماتدخلين اي قسم في جامعه فيصل بليييز اذا عندكم خلفيه عطوني خبر ع الأيميل
:praying:

NATASHA

2008- 7- 22, 12:23 AM

الف شكر لك أختي طموح على ترحيبك

والحمدالله على سلامتك اختي موون لايت

وانا لاحظت ان كذا بنت رايحات سنه ثالثه

وياريت اي وحده كانت بثالث وعندها محاضرات واشياء ممكن نستفيد منها تقولي

واذا حابه ممكن نتواصل عن طريق الايميل

واختي ريميه

ماراح ازيد على كلام اختي موون لايت بشي ماشاءالله عليها كفت ووفت

والله يوفقك
بالتوفيق للجميع

moon light

2008- 7- 22, 12:44 AM

natasha حبيبتي انا راح ارسلك ايميلي على
الخاص واذا تبغين اي محاضرات انا جاهزه

dl3

2008- 7- 22, 03:42 AM

مرحبا بناااات

كيفكم؟؟؟

انا من تخرجت من كلية المجتمع حاااااسب ودخلت معكم

لان اختي سجلت انقليزي وان شاءالله يقبلووونها

وابي استفيد من اي شي ينفعها لانها سجلت وهي ماااودها وانا خااايفه عليها

لان مافيه قسم حلو للأدبي الا هووو

وتحياااتي لكم وارجو ترحبون فيني:praying:

moon light

2008- 7- 22, 05:41 PM

اهلا وسهلا دلع فيكي وفي اختك
اتشرف بنضمامكم للقروب
وليش اختك خايفة اذا ماتحب القسم ماينفع
تسجل فية وضيع سنين عمرها على شي هي
ماتحبه ولا تبغاه وعلى العموم احنا نرحب بجميع الاعضاء
معانا في القروب واذا محتاجة اي معلومات ماعندنا مانع
القروب فيه بنات من سنه اولي لين رابع وفي بنات مستجدات
كمان وحياكم الله معانا :g8:

dl3

2008- 7- 22, 10:31 PM

يسلموووووووووووووووو يااااضوء القمر

:d5:
بس تنقبل اختي تلقوووني مسنتره معكم

لاني متخرجه وفااااضيه لا وظااايف ولا شي:g11:

زهرة87

2008- 7- 23, 04:39 AM

مرحبا بنات انا باروح سنه ثالثة وبصراحة ما أدري ويش المواد الجديدة ؟وإذا ممكن أحد يعطيني أسماء الكتب بأكون شاكرة..............شكراً :c8:

مهره اتعبت عسافها

2008- 7- 25, 01:47 PM

السلاام اخباركم

انا سجلت انجليزي مع اني مو فاهمة فية شي:s11:

بس احبة:066:

هل توقعون بيكون سهل لي:Cry111:

ويعطيكم العاافية:119::119:

أخت أخوها

2008- 8- 13, 08:39 PM

معذبه
انا كنت مثلج

سجــــلت وماااكانت لغتي فيه قوويه مررره يعني تمشي الحـــال

وصحيــح صــرت باااقيه سنه :Cry111:

بس الحمد لله تجاوزتها وطالعـه ثانيه الحين

بس يبي له متاابعه ودراسه اول باول

والحمد لله الحين تحسنت لغتي :lllolll:

إذا بتسجلين حاااولي انكـ تحبين القسم اكثر علشاان ترتفع معنووياتك ويحفزكـ على الدرااسه

:119:

وربـي يوفقش حبيبتي

peace

2008- 8- 14, 01:02 AM

بليز بنات حابة أعرف أسماء الروايات المطلوبة سنة أولى الترم الأول.... ياليت وحدة تفيدني ولها مني جزيل الشكر:119:

C a t h r e n

2008- 8- 15, 06:55 PM

Hi girls:222g:
>>>متحمسة:lllolll:

أنا خريجة ثانوي علمي.. ..:cheese:
وأحب الإنجليزي..:love080:

أنا سمعت انو الدراسة ..كلها أدب و حفظ ..:011:
بس ربي يسهل ان شاءالله..:praying:

وأن شالله أفيد وأستفيد من بنات دفعتي..
:119:

يسلموو
moon light
عالفوكرة الحلوة..
:066:

تقبلي مروري..

C a t h r e n

ميس تركي

2008- 8- 15, 07:16 PM

بتوقيق شاء الله يارب انا ميس تركي متخرجة من ثانوية الله يوفقكم نشاء الله على كل الخير........:g20:

Extravaganza

2008- 8- 15, 08:03 PM

مرحبــــــــــــــاااا بنــــــــــــــاااتــ

اتشرف بالانضماام لكم ..:222g:

على فكره انا خريجه ثاانوي وقدمت على هالقسم وقبلوووني واتمنى اني استفيييد منكم ..

سمعت انه صعب بس ان شااء الله بمسااعدااتكم يسهل علي :praying:

ومشكوووره اختي moon light ع الفكرره الروووعهـ

ولي باااك اذا بدت الدرااسهـ :cheese:

moon light

2008- 8- 16, 03:22 AM

اهلا وسهلا بكل الاعضاء الي انضموا معانا
وان شاء الله نستفيد من بعض cathren مشكوره حبيبتي
انا ماسويت شي والله يوفقك وextravaganza مشكوره
اختي وانتي اروع

وهـ بس

2008- 8- 16, 11:45 AM

بنات انا لغتي مو لذيك الدرجه

بس حلمي تكون عندي هالشهاده

بس يقولون صعب ومحد ينجح فيه بالسهوله

طيب

هو صار نظام جامعه الحين يقولون صح؟

يعني اسهل من اول؟

يارب يكون سهل علي وعليكم

ابيكم تحمسوني

لاني توني

وتعطوني فكره عنه

فديتكم الله يخليكم

وهل في بنات دخلو مايعرفون شي وتحسنت لغتهم؟

تكفون ابيكم تحمسوني اكثر وتشجعوني من جد احس اني ضايعه

عسولة الشرقية

2008- 8- 17, 12:23 AM

ها1111111111111111111111ي بنات

انا جييييييييييييت <--------------- مسويه عمرها قاطه الميانه يقال

ههههههههه

السلام عليكم ورحمه الله وبركاته

انا الله يسلمكم طالبه اول مره اطب الكليه وما انقبلت الا انجليزي :mh001:

وكنت مستا11111111111نسه واجد واحس وانا رايحه للكليه اني صرت كبيره:cheese:

حتى الشيبان الي يغازلون عند الاشاره احس مغازلهم غير احسهم يغازلون وحده كبيره الحين مو بزر منخشه بعبايه

<-------- مهب صاحيه:cheese:

المهم دخلت الكليه ورحت افحط بالساحه ابي اوصل لباب كليه الاداب

وما امداني دخلت الا وجهي يصير كذا :000:

همن كذا:c8:

همن كذا :s11:

وقعدت بهذا الاحساس الى ان سجلت وخلصت تسجيلي الساعه 1 الظهر مع العلم اني جايه الساعه 8 وربع

وبعد ما استوعبت اني انقبلت انجلش بالكليه الخايسه

:017:

:bngo12:

:bawling:

الا تجيني بنت تقولي هاه بشري ايش انقبلتي

قلت انجليزي

يا1111111111111111111حظك انا كنت ابي انجليزي ولا قبلوني الا دراسات وانا مدري وشو

وجتني الثانيه تسال برضوا نفس الشي

وكل وحده تشكيلي همها

انا ما اقول الا :o3: الحين صارلي سنه اتذمر وبالاخير طلعت الكليه كلها تحسدني على الي انا بوه

اثرنا انا وانتوا كشخه وانا مدري:g2:

وه بس اومير اني استانس واكشخ عليهم :hahaha_2008:

ههههههههههههههههههههههه عموما سوري على الاطاله

بس ما لقيت احد اقرق على راسه غيركم

ان شاء الله تقبلوني عضوه بينكم

واغششكم واجباتي واتغششوني واجباتكم<--------- بدت المصلحجيه :lllolll:

:mh35:

وعلى سؤالك اختي وه بس يوم تقولين هل فيه ناس لغتهم ضعيفه وتحسنت

انا اختي ما شاء الله عليها متخرجه من قسم الانجليزي لكن عندها سنوات عادتها وتقول انه كان معها بنات بالثانويه

ما عندهم ما عند جدتي بالانجليزي لكنهم شدوا حيلهم اكثر منها وطقوها دفاره وتخرجوا قبلها

ماشاء الله عليهم ربي يهنيهم ان شاء الله

وجعلنا مثلهم يا رب

لي رجعه بنات واتمنى محد انزعج من اطالتي :119:

وهـ بس

2008- 8- 17, 06:24 AM

حياك أختي

الحمدلله ارتحت شوي

عسى الله يوفقك

ويسهل علينا دربنا

بس الكليه صحيح صارت نظام جامعه؟

اللي تقدر تفيدني ياليت توضح لي

رنومه..

2008- 8- 17, 06:59 AM

شوووكرن أختي مون لايت على الفكره..:119:.

أنا توني متخرجه وقبلوني انجلش ودي أغير اشرايك؟!:011:

كثير يقولون أنه صعب وماتطلعين ابشي بعد ولازم تكونين تعرفين انجلش من قبل عشان تمشين فيه...:000:

أنا كنت أبيه من أول واللي زاد أصراري عليه مدرسة النجلش حقتي شجعتني وبقوه أني أدخله.:119:.

moon light

2008- 8- 25, 02:16 AM

حبيبتي لا شكر على واجب
القسم حلو وشيق لمحبين الادب الانجليزي
وحلو الواحد يتعرف على ثقافات جديدة
وترى ان كنت زيك الي حببني في القسم
هو مدرسه الانجليزي الي
درستني في الثانوي بالعكس احمدي
ربك انك انقبلتي في القسم
وشدي حيلك والله يوفقك يارب

رنومه..

2008- 8- 25, 10:50 AM

مشكوره مون طمنتيني...
الله يساعدنا يارب...

عسولة الشرقية

2008- 8- 26, 12:37 AM

ولكمووووووووووووووووو رنوومه

بانور القسم انا وياك وسويت انجل <------ جمعتلي شله من الحين:cheese:

peace

2008- 8- 31, 09:22 PM

مشكوورة اختي moon lightعلى الفكرة:119:>> دعواتي لك بالتوفيق

انا طالبة مستجدة وياليت وحدة من البنات اللي طالعين سنة ثانية تعلمني اسماء الروايات المطلوبة سنة اولى عشان احاول اقراها قبل بداية السنة<<حتى لو روايه وحدة:c8:
ولها مني جزيل الشكر:119:

ThE lEgEnD

2008- 9- 1, 10:49 PM

ياصبايا وش سالفة الفرق هاذي
:mh19::mh19::mh19:

J A M I L A H

2008- 9- 2, 12:49 AM

السلام عليكم ورحمة الله وبركاته ...

يا أحلى صبايا مبـــــــــروك عليــــــكم شهر الطاعه

وعسانــــــــا فيه من المقبوليـــــــن

من قلبي أهنيكم على تعاونكم ماشاء الله تبارك الله

بجد أثبتوا للكل إنكم متعـــــــــاونــــــــات

أشكركم وأشكر الحلوه موووون صاحبت الفكره

ماشاء الله مبدعه حتى في أفكارك ..

وبصراحه موضوع يستحق التثبيت ... لأن الكل مستفيد

وأتمنى من بنات الأقسام الثانيه يستفيدو من فكرة مبدعتنا مووون

عشان يصير ملتقى كلية الآداب نشيط ومتعاون بعضواته

لاعدمناكم ان شاء الله ولا عدمنا طلتكم وتعاونكم

__ __ __ __ __ __ __ __ __

للاخوات المستجدات >> أولاً ألف مليون مبروك _ لا تخافون أوتترددون

القسم ممتع شيق مره (بس يبيله جهد ومذاكره مو كشخه وبس خخخخخ )

وكثييييير بنات من أقسام ثانيه يتمنون مقعدكم >> يعني حنا بنعمه

ولا تنحرجون من لغتكم إذا كانت متواضعه !! حنا داخلين هالقسم عشان نتعلمها ونطورها

مو مشكله نغلط مره ننحرج مررررات >>مثلي<< كذا بنتعلم

أهم شي تحبين القسم خلااااااااااااااااص توكلي ع الله بعد ما تستخيرينه

وأخيرا بعد نصايح التيتا تـــفـــاؤل ... اللي تعرض مساعدتها عليكم
وتقولكم :: أنا نجحت من أولى وطالعه لثانيه

اللي تبي أي شي لا يردها إلا رساله ع الخاص

وأنتوا يا صبايا ثانيه الله الله فينا ..:119:

C a t h r e n

2008- 9- 3, 06:49 PM

ياصبايا وش سالفة الفرق هاذي
:mh19::mh19::mh19:

يعني السنة الدراسية..

زي لما كنا بالمدرسة..
سنة أولى..سنة ثانية..

بالكلية يقولون:
فرقة أولى .. فرقة ثانية..
:119:

ThE lEgEnD

2008- 9- 3, 10:33 PM

اهااااا
يعطيك العافيه نورتيني

عسولة الشرقية

2008- 9- 5, 08:23 AM

مشكوووووووووووووره تفااؤل

ما اتقصرين

J A M I L A H

2008- 9- 9, 01:21 AM

العفووووووووووووووووو

عسوولتنا .:love080:. ان شاء الله تستفيدين

زهرة ونداها

2008- 9- 10, 02:43 PM

هاي بنوتات:love080::love080: أنا انقبلت مثلكم قسم اللغه الانجليزيه
وانا احب اللغات:love080::love080: تو ماتش والقط الشئ وهو طاير
وسبق ورحت معهد الافق لما كنت في ثانوي لين وصلت للمستوى الخامس
بس شكلي الحين نسيت كل شئ :c8:
بس حبيت اتأكد الوظيفه مضمونه بعد اتخرج ؟؟؟
او يحتاج أكمل ماجستير؟؟:love080: ترى ماعندي مانع اكمل ادراسه واتعب على نفسي شوي

english gairl

2008- 9- 17, 11:52 AM

ماشاء الله ماشاءالله ايش هالتعاون والله تبشرون بالخيــر
يعني لماا اضيع بالكليــه فيــه من يقول لي سوي كذا ورحي هنا

المهـــــم
انـــا بعد بنت من بنـــات قسمكم اقبلــــوني لغه انجليزيه وانا مومتحمسه كثيــر لدراستــه رغم اني احب اقرا رويات وهذي الاشياء
شي اخر
بصراحــه انا لغتي مو ذاك الزود يعني لو توديني امريكا بالحالي اضيع فيها
خالتــي تقول انه زين بس يبغى لي اجتهد من نفسي
يعني اروح دورات وادرس القرامر لان اهم مايركزون على هذا .... الخ
ولا ماراح تمشين واذا مشيتي ماراح تطلعين بلغه قويه
صراحــه كلامها خوفــني مادري شسوي

هذرت عليكم كثير بس ابغى احد يرفع يريحني

wej88

2008- 9- 19, 12:47 AM

بنات الله يرضى عليكم بنات اولى اللى ناجحين لثاني مناهجكم باولى وش كانت قولوا لي اياها بالضبط
وهل انتوا عالنظام الجديد والا القديم
سمعت انهم حولوكم عالنظام الجديد بعدين رجعوا للنظام القديم

علموني لاني ادرس بالرياض وممكن انقل عندكم بس انا طالعة لثاني على النظام الجديد واخاف يكون نظامكم قديم ويرجعوني لاولي..

اللى تساعدني الله يوفقها يارب ماتتخيلون قد ايش الموضوع مشغلني..:s3:

بنات كمان سمعت كثير يذمون الدكتورات عندكم وهئية التدريس عطوني رايكم وارجوا يكون الصدق مو بس علشانه قسمك ترفعين فيه:praying:

فلفله

2008- 9- 19, 04:55 AM

الســــــــــــــــلام عليكم..

هلا صبايا..شو اخباركم ؟

انا صديقتي انقبلت معاكم..وهي مو عارفه ولا شي متى الدوام
ومن متى الى متى .. وكيف اللبس..

فأتمنى تخبروني..ولكم كل الشكر:praying:

عسولة الشرقية

2008- 9- 19, 09:47 AM

فلفله الدوام راح يكون بتاريخ 11-10-1429هـ

وبالكليه القديمه

واللبس تنوره سودا واي بلوزه ثلاثه ارباع كم او كم طويل ويفضل ما عليها وجوه او كتابه بالانجليزي

وما تكون طبعا شفافه او فتحه الصدر كبيره

وخليها اتجيب معها 200 ريال اول يوم علشان تشتري خزنه (لوكر)

وتطلع مع البنات من الكليه القديمه الي الكليه الزرقا مشي فيه ممشى داخل طبعا

وبس اتمنى اني افدتك

Little Angel

2008- 9- 19, 01:54 PM

بنااااااااااات أنا اللي أعرفه انهم سمحوا لنا نلبس تنورة جينز أزرق ........
ليكون صارت ممنوعة وانا ما عندي خبررر !!!!!!!!!!!

فلفله

2008- 9- 20, 01:16 AM

مشكورة عسولة الشرقية..
الله يعطيك العافيه..

عسولة الشرقية

2008- 9- 20, 03:34 AM

ليتل انجل الجينز مسموح لكن البسي اسود اول يوم افضل يعني

ThE lEgEnD

2008- 9- 21, 02:39 AM

يسلمووووووووو

miss mesho

2008- 9- 22, 02:43 AM

السلام عليكم
هاااي صبايا
انا توني مقبوله بقسمكم يعني ززي مايقولون ( فريش )
وانا عندي اسئله ياليت تجاوبوني عليها
صحيح يقولون انهم حولو الانجليزي الى لغات بدال الادب ؟؟
وياليت تكتبون الرويات اللي راح ناخذهاا ؟؟
وشكراا مقدماا

عسولة الشرقية

2008- 9- 22, 02:42 PM

حولوا الانجليزي الى لغات مو اداب:064:

حبيبتي رددي معي

يالييييييييييييييييييييييييييييييييييييييييييييييي يييييييييييييييييييييييييييييييييييييييييييييييييي ييييييل مطولك

لو وشو ماراح يحولونه .... السنه اللي فاتت درسوا ادب فما اتوقع يحولونه

مع انه لو كان لغات كان بيصير ام الفله :lllolll:

وعلى الروايات انا يوم سالت عنهم قالولي تدرسين الروايه بالترم الثاني مو الاول

لان بالترم الاول قصص قصيره بس

اتمنى اكون افدتك يا قلبي:119:

:love080:

miss mesho

2008- 9- 23, 08:16 AM

مشكوووره ياقلبي

wej88

2008- 9- 24, 05:02 PM

بنات الله يعافيكم ما احد رد على سؤالي فوق
بلييييييييييييز ابغى اجابه ضروري..

على الاقل بنات اللى طالعين ثاني يجاوبوني وش درستوا باولى
وهل كان نظام القديم والا الجديد

J A M I L A H

2008- 9- 28, 01:43 AM

حبيبتي Wej 88 هلا وسهلا فيك ..

شوفي لك وحده بالسنه اللي قبلك واطلبي منها المساعده بحيث تختارون لكم طريقه تتواصلون فيها أو بالرسائل الخاصه ..

يعني يضيع جهد البنات إذا حطوا كل اجتهاداتهم هنا ..

ورداً ع سؤالك النظام بس بسنه وحده صار لغه وعلى سنتنا رجعوه أدب ولا راح يغيرونه على هالسنوات

لو اعرفواني اعشقواني

2008- 9- 28, 02:09 AM

فكرتكم مرة حلوة:g4:

قيثارة الغرام

2008- 9- 28, 03:26 AM

هلاا اناا طالبه بسنه اوولى قسم انجليزي سعيده بأنظمامي لكم ^__^

J A M I L A H

2008- 10- 7, 02:22 AM

أجمل أحساس .. قيثارة الغرام

أهلا فيكم أسعدنا تواجدكم ..

أن شا الله تستفيدوا ..

بالتوفيق لكم ..

J A M I L A H

2008- 10- 7, 02:24 AM

بنااااااااااااااااااااات

وينـــــــــــــــــــــــــــكم ؟؟!

نبي تفاعل أكثر

باقي أقل من أسبــــــــــــوع

english gairl

2008- 10- 7, 03:46 PM

صحيح يــــــا بنات ليه القسم بارد كـذا :bngo12::017:

خلونا نتعاااااااون وكل وحـــده تفيـــــــد الثانيه
ونسوي نفس الحركــه اللي ســووها البنـــــات السنه اللي فاتت

واتمنى من الاخوات الكبـــــــار
بعرفونـــــا بالمواااااد يعني هذي الماده عن ايش تتكلم وزي كذاا :o3:

تحياتي

الجرح العطيب

2008- 10- 9, 10:34 AM

اهليييييين بنات
وانا بعد مستجدة بانجلش
وسعيدة بانضمامي لكم
واتمنى تقبلوني زميلة لكم
في هذا الملتقى الرائع
وشكرا على هاذي الفكرة العظيمة
وان شاء الله نفيد ونستفيد
تحيااااااااتي:119:

شانتال

2008- 10- 9, 10:41 AM

:d5::d5: راااائع
وانا كمان طالعه سنه 3 اتمنى تقبلوني صديقه لكم
وانا مستعده للخدمة سنه 1و2<<وثانكيو على الموضوع

J A M I L A H

2008- 10- 9, 10:07 PM

الجرح العطيب .. شانتال

أهلا فيكم والله يحييكم ..

والفكره بتحلى أكثر لما نتفاعل ونتعاون أكثر ..

ان شا الله تستفيدوا وتفيدوا ...

وااااو شانتال .. رائع أول مشاركه لك بالملتقى معنا هنا

وبالتوفيق لكم ..

EnglishServices

2008- 10- 11, 12:25 AM

مرحبا
وعام دراسي موفق للجميع

sarsor

2008- 10- 11, 02:50 AM

مرااااحب يالربع

أٌقول أحد بيداوم تمورو ؟؟؟

ترى مالي خلق اروح :017:

english gairl

2008- 10- 11, 03:43 AM

اي المستجـــــــــدات اغلبهــم بداوموووووووووووون

واانا من ظمنهم

وانصحك تجين

noona

2008- 10- 11, 03:49 AM

هاااااي يا حلوين

شلونكم؟؟؟؟؟؟؟؟؟؟؟

واخيرا وبعد اجاااازه طويله رجعنا والحمد لله:mh001:<<<<<<<<<<<<< والله النوم يجنننننننننننن هههههههههههه

انا ولله الحمد ناجحة من سنة ثانيه ورايحه لثالثة:d5:>>>>>> والله وكبرت وقربت اتخرج:lllolll:

المهم حبيت اقولكم اني جاهزه لاي سؤال او طلب:066:

وكمان ابي وحده من طالبات رابعه تساعدني بالمحاضرات وغيرهااا وترسلها ع ايميلي ..ممكن:praying::praying:؟؟؟؟؟؟؟
وشكراَ

تمنياتي لكم بسنة دراسية ممتعة في احلى قسم

sarsor

2008- 10- 11, 04:03 AM

أهلييين انجلش غيرل

أحس اليوم مارح يكونفي شي

حدهم محاضره بالمسرح :p

وانا اصلا تعبانه شوي اليوم

بخليها ليوم الاحد

:011:

سفيرة الأحلام

2008- 10- 11, 03:41 PM

تنصحوني ادلوم بكره؟

EnglishServices

2008- 10- 11, 04:28 PM

ها بنات كيفكم مع اول يوم؟
كيف كان؟

sarsor

2008- 10- 11, 05:02 PM

انا مقدر افيدكم بشي

لان حالي حالكم

كنت مكبره المخده وقاعده بالبيت

هجه ودجه

2008- 10- 11, 05:11 PM

السلام عليكم
ممكن ادخل معكم في النقاااااااااش

هجه ودجه

2008- 10- 11, 05:12 PM

ترى ماصارشيء بس احنا قسم الرياضيات عطونا الجداول وفي اقسام عطوهم جداولهم...

sarsor

2008- 10- 11, 05:41 PM

خوووشي في النقاش حياك

والحمدلله اني قعدت بالبيت اليوم

لاحقين ع الجدول بكرا ولا بعده

english gairl

2008- 10- 11, 07:32 PM

كـــــل عــام وانتو بخير يا حلـــــوات

ســـؤال هل نزلووو جداولنــــــــا اليـــــــــــوم ؟

واذا نزلووو وين ومــتى لاني اليوم ما شفت شي

EnglishServices

2008- 10- 12, 12:05 AM

موفقين--بس ممكن اعرف ايش موادكم؟

C a t h r e n

2008- 10- 12, 07:23 PM

ســـؤال هل نزلووو جداولنــــــــا اليـــــــــــوم ؟

واذا نزلووو وين ومــتى لاني اليوم ما شفت شي

ايه نزلت من السبت..

تلقينها بقسم الإنجليزي اول ما تدخلين بتلاقين يسارك درج اطلعيه..

بتلاقين قدامك من اليمين معلقة لوحة زجاج كبيــرة داخلها الجدول..

^_^

chOcOolaTe

2008- 10- 12, 07:51 PM

مرحبااااااااااا بنات ...حابه انضم معكم....

حابه اسألكم ...
انا كنت العام باقية بثانيه وطبعا لظروفي اجلت السنه ...وهذا انا هالسنه راح ارجع اكمل...بس ما ادري كيف بيكون وضعي هل على النظام القديم او نظام الجامعه...لللعلم لو اني مكمله العام كان صرت هالسنه ثالثه.... بلييييييييييز قولولي هاه من عندها علم بها الموضوع او مر عليها حاله مشابهه بحالتي....لاني الى الان مارحت للكليه....

بلللللللللللللليز لا تطنوشوني ابيكم متفا علين مثل ما اعرفكم...:Cry111:

english gairl

2008- 10- 12, 09:10 PM

خيتوو كاثرين

شفته هذاا بس مشكلتــــه ما يتوافق مع نظام البانر

شوكلت انصحك تروحين الكليه وتســأليــــــن
لان الكــل مو عارف شي
حتى الكليــه كل اشوي لهم كلام شكل

فراولة بالعسل

2008- 10- 12, 09:14 PM

السلام عليكم يابنات

انا انشاالله رايحة سنة ثانية وحابة أفيد البنات المستجدات

مواد النصف الاول

نثر prose ومافيه كتاب معين ملزمة او حسب الدكتورة

مسرح drama اسم الكتاب twenty four one act plays

شعر poetry الكتاب sound and sense

مهارات دراسية study skills

ترجمة مقال محادثة فهم صوتيات معمل
قواعد

المواد العامة عربي ومادة اسلامية والنصف الثاني نفس الشي مع تغير محتوى الكتب والدكاترة

وبسسسسسس ادعولي وسووري لو نسيت حاجة:g4:

english gairl

2008- 10- 12, 09:22 PM

مشكـــــوره ماقصرتي

أخت أخوها

2008- 10- 12, 11:52 PM

هلا وغلااا فيكم الغااااليات

ويش اخباااااار علللووووم رجعنا بعد اجااازه وسفره حلوووه

بنااات سنه ثااانيه مااعطوونكم اسمااء الكتب ...؟

الجرح العطيب

2008- 10- 13, 03:57 AM

مستجداااااااااااااااااااااااات انجلش

انا رحت الكلية اليوم ولقيت اعلان

يقوووووووول...

فيه ملزمة مادة المقال والفهم تشترونها من مكتبة التصوير بالكلية

في موعد اقصاه يوم الاربعااااااء 15/10

والحااااااضر يعلم الغاااااااايب

لارا

2008- 10- 13, 06:34 PM

topazo

2008- 10- 13, 08:09 PM

بنات سوري بس عندي سؤال اختي سنه ثانيه انجلش بس باقيه هالسنه يعني سنه ثانيه ماراحت ثالث

الجداول نزلت في اعلان منزلينه ؟

وفي معادلات او اشياء سووها للباقيات؟

والله اني احسن منها خايفه على مستقبلها وهي ولا همها:bngo12:

نفس حالة اختك اخاف يحوسوناااااا خاصه ان حنا صرنا

عالنظام السخيف بانر ومدري ايش

كل شوي لهم قرار

بليز اللي عنده خبر عن اي شي بالنسبه لباقيات سنه ثانيه يخبرنا

يارب يسر لنااااا:Cry111:

اخت ضاري

2008- 10- 13, 10:58 PM

مشكوريـــــــــــــــــــــــن يا بناااااااااااات

moon light

2008- 10- 15, 02:33 AM

السلام عليكم ورحمة الله وبركاتة
بصراحة انا كنت مسافره شهرين
ولما رجعت انبهرت من الشي الي
صار في موضوعي التعاون االي
شفته منكم بصراحة اعجبني
وشجعني انا نبدا مع بعض
سنه جديدة كلها تفاؤل وبالمناسبه
احب اشكر الاخت تفاؤل على
المجهود الرائع الي قامت فيه
واشكرها كمان على تثبيت الموضوع
اشكر جميع المنضمات الى قروبنا
واتمنى من جميع العضوات
كل وحدة تسجل هي اي مستوى
عشان عمليه التنسيق مع الطالبات
وان شاء الله كلنا نستفيد من بعض
وان شاء الله اول مايكمل القروب
راح انزل اسماء جميع العضوات
وكل وحده ومستواها عشان نفيد بعض
واخيرا اشكر لكم حسن تعاونكم

سعوديه اصيله

2008- 10- 15, 02:42 AM

حلو خيتو صديقتي وعزيزتي مون لايت

موضوع روعه والأروع انه انتي الي كاتبته

اختك

سعوديه

ليالي الشتاء

2008- 10- 15, 04:29 AM

انا ليالي الشتاء الفرقه الثانيه
اتمنى ان ينتفع كل من بالاخر

لارا

2008- 10- 15, 12:53 PM

مساء الخير بنات انجلش:119:

عندي لكم خبر اللي لهم صديقات بالقسم وبعاد عنهم بينبسطون:cheese:
عرفته من ناس سنه ثانيه انجليزي باقيات
والخبر يقول
احتمال يكونون بسكشن بلحالهم لأن نظامهم غير عن الجدد<<<شدعوى فيهم مرض معدي:lllolll::hahaha_2008:

بيدرسون موضوعهم وبيبين كل شي قريبا<<<حركات يدرسونكم :cheese:
بس والله احسن لكم تصيرون مع صديقاتكم ماتترجونهم ينقلونكم ومزاجهم مرات يرضون ومرات لا :lllolll:
وسبيشل ياحركات لكم سكشن خاص:cheese:

والخبر هذا مثل ماقالت من صديقات لي وتبلغوا فيه من دكتوره صافيه <<بس مدري صافيه ايش لأني مو انجليزي بصراحه الظاهر لها حل وربط بالقسم:mh19:

على العموم بيتاكد كل شي السبت:mh19:

سفيرة الأحلام

2008- 10- 15, 07:29 PM

السلاااام بنات

مين سنه ثانيه باقيه؟؟؟

:Cry111: ابي اعرف الجدول كيف ؟ ومين الدكاتره؟

لاني مسافره الحين وماداومت الاسبوع اللي راح

chOcOolaTe

2008- 10- 15, 08:24 PM

سفيرة الأحلام

2008- 10- 15, 10:47 PM

chOcOolaTe

هلااا بك اختي......

انتي 2 باقيييه؟؟؟؟؟ الاستاذه صافيه صارت رئيسة الكنترول؟؟ غيرو دكتوره علياء؟؟؟؟

المدرج الخامس من اخذ جدوله عشان نعرف السبت ايش عندنا؟؟؟

والدكتورات مييييييييييين يدرسنا؟؟؟

أخت أخوها

2008- 10- 15, 10:53 PM

سفيره

ليش جدوولكم البااقياات يختلف عن المستجداات ..؟

سفيرة الأحلام

2008- 10- 15, 11:02 PM

مدري حبيبتي اسمعهم يقولون حنا معزولين عنكم

الظاهر صرنا وباء :011:

noona

2008- 10- 15, 11:08 PM

:119:لو سمحتوا يا حلوووووين

انا سنة ثالثة واسمي بحرف النون يعني تقريبا في المدرج الاخير

اذا فيه احد يعرف جدولنا والدكتورات اللي بيدرسونا ياليت يرد بأسرع وقت ممكن

وشكرا

أخت أخوها

2008- 10- 15, 11:41 PM

اوووووه

مااطلعت الفرقه الثالثه

:119:

ان شااء البنووتات يردون عليك خيتووو

Fair devil

2008- 10- 16, 01:43 AM

هاااااااااي انا بشاير سعيد وبيدلعوني بيشو .. سنة ثالثة ( هع مدري شلون وصلت لها :cheese: )

الموهمممم :d5:

أنا أحب أتعرف على بنات بكليتي مو شرط بقسي بس :g2:

بس اللي تبي تقابلني تعطيني خر فبل لاهنتواا عشااان >> :g4: << لووووول كلي تبن بسس :lllolll:

Fair devil

2008- 10- 16, 01:45 AM

نونا ردد ياليت ما اطولك ..

تخيلي رحت للسكرتيرة أقولها أنا سنة ثالثه و ين الأسماء عشااان المحاضرات

توقي وش قالت ؟؟؟؟؟

تقولي احظري بالتخميييين !!!! بالذمممه هذااا نظاااااام ؟؟؟؟؟؟؟ :Cry111:

و بعدين بكلللل بساااطه يحطووون ( غيااااااااااب :017: ) :mh001:

amora88

2008- 10- 16, 06:48 AM

:119:لو سمحتوا يا حلوووووين

انا سنة ثالثة واسمي بحرف النون يعني تقريبا في المدرج الاخير

اذا فيه احد يعرف جدولنا والدكتورات اللي بيدرسونا ياليت يرد بأسرع وقت ممكن

وشكرا

هلا والله خيـتتوووو

اللي عرفته من الدكاتره

د نجلاء نقد

د نعيمه ترجمــه

د حصه شعـــر

د وفيه درامـــا

الباقي مدري عنهم ان شاء الله البنات يفيدونا :g8:

english gairl

2008- 10- 16, 12:55 PM

مرحبااااااااااااااااااا بنات...
الاخت لارا صادقة الباقياات لهم سكشن لوحدهم وهو المدرج الخامس....
والاستاذه صافيه هي الي بلغتني بنفسها... وهي رئيسة الكنترول لقسم الا نجليزي....

لحضـــــه
السكشــن الخامس لاي سنــــه اولى؟؟

انا اعرف وحده في سنه اولى وسكشنها الخامس

Fair devil

2008- 10- 16, 02:42 PM

أنا سمعت نفس هالحكي .. ان الربيتر لهم سكشن بالحالهم

أخت أخوها

2008- 10- 16, 07:28 PM

لحـــالهم ..؟؟

طيب وكيف جدوولكم اجــل..؟

احساس ورد

2008- 10- 17, 02:09 AM

بنات راح انزل لكم جدول الفرقه اولى

انتظروني

احساس ورد

2008- 10- 17, 02:23 AM

جدول يوم السبت...

اليوم المدرج رقم المدرج 8-8.50 8.50-9.45 9.45-10.15 رقم المدرج 10.15-11 11-12 12-12.30 رقم المدرج 12.30-1.15 1.15-2

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــ
1 43-44 محادثة مسرح >> Break 43-44 > مسرح د. إبراهيم >> > الشناوي صلاة 36-37 ثقافة إسلاميه> > د. محمد الأسود م4
2 39-40 صوتيات مسرح >> Break 39-40م4 > مسرح د. إبراهيم >> > الشناوي صلاة 39-40 ثقافة إسلاميه> > د. محمد الأسود م4
3 73 - محادثة م. خديجة Break - - 79 صوتيات ع.أريج صلاة 43-44 ثقافة إسلاميه> > د. محمد الأسود م4
4 78 - - Break 78 ترجمة >>> > ع. منى صلاة م4 ثقافة إسلاميه> > د. محمد الأسود م4
5 85 مهارات دراسية >> > ع. منى Break 79 صوتيات ع. أريج 45 محادثة م. خديجة صلاة - ثقافة إسلاميه> > د. محمد الأسود م4

jessica

2008- 10- 17, 07:43 AM

هلووو قايز

أنا بالسكشن الخامس

و مستجدهـ مو باقيه

:119:

سر الجاذبية

2008- 10- 17, 08:49 PM

هاي يا احلى بنووتات

انا مستجده,,سنه اولى بالسكشن الاول

مييين معاي ترفع ايدهاا <<برااا بس :hahaha_2008:

الله يوفقكم ياعسولات قولوا اميييييييييييييين

:d7:

whisperlips

2008- 10- 17, 11:25 PM

بناااات

من معها جدول سنه 3 الباقايات للاعاده؟؟؟؟

اتمنى احد يفيدني

زينة الحلوة

2008- 10- 18, 02:00 PM

مرحبا بنات

من تدري متى اختبار تاريخ اللغة الترم الاول للي عندهم مواد محمولة من سنة رابعة

ان سمعت ان راح يكون خلال هالاسبوعين اللي عندها علم بليز تفيدنا

واللي تساعدني والله اني راح ادعي لها بلييييييز

قيثاره

2008- 10- 18, 03:59 PM

بنات انا سنة ثالثة انجليزي الي عندها الجدول للمدرج الاخير تفيدني لاني مارحت الكلية.وهل طبقوا نظام البنر او ماطبقوه ارجو الرد

لارا

2008- 10- 18, 05:39 PM

قيثاره انا اعرف بنات انجليزي سنه ثانيه لكنهم باقيات

بقوا على النظام القديم ولهم سكشن خاص فيهم

بس المستجدات والله ماعندي فكره عنهم او عن قسم انجليزي<<<تاريخ لأني

أخت أخوها

2008- 10- 18, 10:03 PM

بنااااااات

ابي اسالكم عن دكتوورتين

وحده اسمهـا لميااااء دخلت علينا اليوووم

احسها حبيبه بس مدري عن الشررح

والثاانيه ليلى بس مو ليلى بااطووق

مدري احسها جااافه وتصعب المااده

مدري والله انا احساااسي يقوولي تسذا:017:

وش راايكم انتم اللي جربتووهم

أخت أخوها

2008- 10- 18, 10:05 PM

jessica

دوووبه

انا كنت معاااكـ بس الحين انقلوونا للمجموعه الرااابعه

طمـوح

2008- 10- 19, 02:10 AM

هاااااااااااي بناااااااات

كيفكون

كل عام وانتو بخير

بغيت اسماء الكتب

لسنه ثالثه :000:

وابي نصايح كمان حاسه انه صعب

jessica

2008- 10- 19, 03:31 AM

ويييي يانحاستي أأنا

أنتي أكيد اسمك بحرف اللام ..}

أنا لوّحدي بالسكشن

وماعرف أحد ..}

>=>> تبي تسكر خاطركم :cheese:

amora88

2008- 10- 19, 04:10 AM

السلام اخت اخوها

انتبهي قد ماتقدرين من لميا :Cry111: :s12:

اما ليلى اذا كانت ليلى باطوق او ليلى العقيلي فيااااااااااااااااااااااااحظك ويااااااااااااابختك وان شاء الله ناجحه وبتقدير مايقل عن جيد واذا حضرتي معها واجتهدتي تعطيك درجات بدون نحاسه بصراحه ليلى العقيلي مافي مثلها بالكليه اثنين الله يوفقها يارب

حكايا الورد

2008- 10- 19, 04:12 AM

ويييي يانحاستي أأنا

أنتي أكيد اسمك بحرف اللام ..}

أنا لوّحدي بالسكشن

وماعرف أحد ..}

>=>> تبي تسكر خاطركم :cheese:

أنـــآ بعد سنـه أولى في السكشن الخامس :119: .،

أخت أخوها

2008- 10- 19, 01:24 PM

طلعت بتعطينا منيره المهااشير مو ليلى العقيلي غيروا راايهم

ولمياااء اشفيها

وش عيووبها ..؟

moon light

2008- 10- 19, 01:40 PM

حتى احنا في سنة رابعة بدرسنا
لمياء حضارة اللة يستر يقولون اسئلتها
صعبة بس شرحها جنان والله يعلم

moon light

2008- 10- 19, 01:48 PM

بنات انا صرت كاتبة اسماء جميع الاعضاء اللي
مشاركين في القروب بس يريت نطلع اسم
للقروب عشان يصير مميز زي الاعضاء
الي فيه ابغى تشاركوني الراي واي
طالبة تريد الانضمام تكتب اي
فرقة عشان الاربعاء ان شاء الله
انزل نكات الطالبات والفرقة
وبعدين اي طالبة تريد مساعدة تطلبها
من الطالبة مباشرة انتظر الردود
بخصوص اسم القروب
وبالتوفيق للجميع:d5::praying:

jessica

2008- 10- 19, 02:51 PM

مون لايت

لاتنسين أسمي :D

اليوم دخلت علينا ..}

وحدهـ أووسمها موونى

شكلها حبيّبه وشرحهآ زين ..}

asolah

2008- 10- 19, 03:48 PM

بنات أنا اليوم رحت أبي أحول رفضو
خايفه من الإنجليزي،أنا مو ميح في الإنجليزي بس اتوتر معرف أتكلم الله لا يوريكم أتاتا وافافا وماأحفظ مفردات كتير بس في القرامر أفهم
بنات هو صعب والا اقدر امشي فيه
ساعدوني الله يسهل لكم
محتاااااااره *_*

asolah

2008- 10- 19, 03:52 PM

صحيح أنا بالسكشن الاول
مين معي؟

jessica

2008- 10- 19, 05:12 PM

asolah

أنا منلك فهمي في الانجلش على قدي :cheese:

بس مافكرت أني أحوّل ..}

لأن كل الاقسام الثانيه ماتعجبني

الله يوفقنا يارب :cheese: ..}

زهرة ونداها

2008- 10- 19, 06:09 PM

هاي حكايه الورد انا معك بسكشن الخامس يوم الاحد ما حضرت وش قالوا لكم
:c8:

أخت أخوها

2008- 10- 19, 07:13 PM

زهرة ونداها

اي سنه

سر الجاذبية

2008- 10- 19, 08:29 PM

asolah

حتى انا زيك وش نسووي بعد .. الله يعين ويسهل علينا يارب

انا معاك بالسكشن الاول واذا بغيتي اي شي انا حاضره يابعدي

سي يووو

طمـوح

2008- 10- 20, 12:16 AM

بناااات بسألكم

من وين نجيب افلام المسرحيات والقصص اللي ناخذها؟؟

مون لايت

كل عام وانتي بخير

كيفك ؟ ان شاء الله بخير؟؟

moon light

2008- 10- 20, 01:19 AM

الحمد لله انا بخير انتي كيفك
تسلمين وانتي بصحة وسلامه ياقلبي
بخصوص الافلام قوليلي الي تبغينها
يمكن عندي او اسال البنات
وان شاء الله اقدر افيدك

moon light

2008- 10- 20, 01:21 AM

jessica
اكيد مانسيتك افا
انتي موجودة في القائمة واتشرف
بوجودك حبيبتي

حكايا الورد

2008- 10- 20, 04:17 AM

هاي حكايه الورد انا معك بسكشن الخامس يوم الاحد ما حضرت وش قالوا لكم

أهلين .،
أخذنا مادة القواعد شكلة المنهج بسيط كلها قواعد مآخذينها من قبل .،
عطتنا أسماء ثلاثة كتب لازم تكون عندنا المحاضره الجايه ولا ماراح تدخلنا القاعه ..
1 / fundamentals of english grammar
2/ Translation as problems and solutions
3 / الترجمه الحديثه للصفوف المتوسطه -الجزء الأول >> اللون الأخضر ..

ومادة الفهم قامت تشرح توزيع المنهج والواجب والأنضمه وهيك .. وبس .،

زهرة ونداها

2008- 10- 20, 11:45 AM

اناالمستوى الأول مستجده حرف أسمي مـ
اليوم بعد تكيسلت وما رحت يعطيك العافيه حكايه الورد اليوم وش صار في مجموعتنا إذا في اي شئ جديد ياريت تقولي لي
بس خلاص توبه بكرى لازم اروح الكليه:praying::c8:

jessica

2008- 10- 20, 02:12 PM

ومادة الفهم قامت تشرح توزيع المنهج والواجب والأنضمه وهيك .. وبس

مآآدة الفهم :confused:

متى ؟؟ و كيف . ؟ ؟!! :confused:

ما أذكر أنها دخلت علينآ ..}

لا يكون أهي كآنت بعد لظهر يوم الأحد ؟ ؟

آآولي على ئامتي بلّشنا نخبِّص مِن هلّأ ..ْ}

:xrougi2:

زهرة ونداها

2008- 10- 20, 02:29 PM

jassica
انتي باي ساكشن

jessica

2008- 10- 20, 02:53 PM

أنا بالخآمس ..}

و أنتي ؟؟ :xrougi2:

زهرة ونداها

2008- 10- 20, 03:01 PM

أنا معك بالخامس:o3:
ايش الجديد الي صار اليوم لأني غايبه

jessica

2008- 10- 20, 04:28 PM

هلآ فيك زهره ونداها ..}

اليوم بالصوتيات دخلت علينا أريج

وقالت لنا نجيب كتاب Better English pronunciation

By: J.D.O 'Connor

وّ راح ناخذ منّه الشابتر [ 1 - 2 - 5 ] والبآقي بالسمستر ألجاي انشالله :D

+

ملزمه نجيبها من مركز التصويّر ..}

+

المحاضرهـ الجايه نحضّر مِن الكِتاب صفحه [ 1 - 2 - 6 - 7 - 8 ]

+

وَ بــــس ... :xrougi2:

jessica

2008- 10- 20, 04:31 PM

ومآدري أذا فيه بعد الظهر محاضرهـ أو لا ..}

لأني طلعت

:xrougi2:

يآريت يفيدوّنا اللي ظلو لـّ بعد الساعه 12 ..}

whisperlips

2008- 10- 20, 05:02 PM

كيفكم يااحلوين؟؟؟

بنات من حضرت الاسبوع الي فات محاضره الادب المسرحي

شنو قالت دكتوره وفيه واكيد طلبت منا واجب

اتكلم عن سنه 3

ف احد يقدر يخدمني بليييييييييييييييييييييز

ويعلمني وش قاااالت

مااسئل احد الايقوول ماادري

ياريت حد يسااعدني

أخت أخوها

2008- 10- 20, 07:26 PM

بنـــــــــات اليوو دخلت علينا دكتووره حصه

تدرسنا شعـــر ومن او ل يوم تدخل علينا طلبت بحث

ومدري حسيتها تخووف حبتين اسلووبها:017:

شوو راايكن اللي درستهم ..؟

asolah

2008- 10- 20, 07:49 PM

محاضرة النثر اليوم ملغيه<<
سر الجاذبيه تسلمين قلبي

soce

2008- 10- 20, 10:13 PM

مرحبا بنات
انا سنه ثالثه
حابه اتعرف على بنت من الفرقه الرابعه او ثالث
عشان حابه اسال عن اشياء

whisperlips

2008- 10- 20, 11:33 PM

انا سنه 3 وباقيه للاعاده

اي خدمه ياالغلا انا حاضره

زهرة ونداها

2008- 10- 20, 11:35 PM

شكرا جاسيكا
انا اثلاثاء ان شالله ما اغيب
بس ياريت مايكون زهق

amora88

2008- 10- 21, 04:07 AM

انا سنه 3 وباقيه للاعاده

اي خدمه ياالغلا انا حاضره

هلا وغلا خيتــوو

مشاركاتي ماعدت العشرين مشان هيك مااقدر ارسل برايفت مسج

بالنسبه للمحاضرات انا سئلت وحده وقالت لي مااخذتهم دكتوره وفيه

يعني ان شاء الله مافاتك شي يالغلا

soce

2008- 10- 21, 06:12 AM

بنـــــــــات اليوو دخلت علينا دكتووره حصه

تدرسنا شعـــر ومن او ل يوم تدخل علينا طلبت بحث

ومدري حسيتها تخووف حبتين اسلووبها:017:

شوو راايكن اللي درستهم ..؟

اللي تسال عن الدكتوره حصه الكهلان
العام درستني واتذكر لما سالت بنات الفرق الاعلى خوفوني منها وخلاص حسيت اني بحمل الماده
صار عندي خوف نفسي منها
لكن الحمدالله ذاكرت الماده اول باول ونجحت ولعلمك كانت درجتي في الشهري جداا نازله لكن لما جا النهائي
شديت حيلي بقوه
عشان كيذا اقولك لاتخافين منها ..:119:

soce

2008- 10- 21, 06:14 AM

انا سنه 3 وباقيه للاعاده

اي خدمه ياالغلا انا حاضره

تسلمين اختي
حبيت اسالك عن مادة النقد
جداا متخوفه منها
انتي نجحتي فيها ولا حملتيها
وحبيت اسالك بالنسبه للمدرسات الخصوصيات تنصحيني في مين نجلاء ولا ايمان عفيفي

بنوتة الاحساء

2008- 10- 21, 07:27 AM

:Cry111:السلام عليكم انا طالبه من الاحسا مالله كتب انقبل وقدمت بدمام وانقبلت قسم انجليزي
هل تنصحوني في
واتمنى تفيدوني ن عن جد مااعرف احد وابحياتي مادخلت الكليه بليز:011::011:
اول سنه انشاءالله يوم السبت
بعد تفكير عميقـ

بليز الي مثل حالتي ولا جديده تقولي
انتظر ردكم
بليز

amora88

2008- 10- 21, 07:56 AM

بنوته استخيري حبيبتي

والخيره فيما اختاره الله

بالنسبه للقســم تراه روعه مره حلوو والدراسه ممتعه

بالتوفيق ياقلبي

whisperlips

2008- 10- 21, 01:00 PM

تسلمين اختي
حبيت اسالك عن مادة النقد
جداا متخوفه منها
انتي نجحتي فيها ولا حملتيها
وحبيت اسالك بالنسبه للمدرسات الخصوصيات تنصحيني في مين نجلاء ولا ايمان عفيفي

امممممممم

لا ماعديتها :( :( :(

دكتوره نجلاء دقيقه مره ف الاسئله

بس الماده بشكل عام مو صعبه

اممممممممممم

نجلاء حلو شغله لكن الاخطاء الاملائيه مو طبيعيه وبالنسبه لا ايماان

ماجربته

بالتوفيق

whisperlips

2008- 10- 21, 01:02 PM

بنوتة الاحساء

2008- 10- 21, 02:19 PM

مشكورين حبايبي ماتقصرون
:119:
ارتحت لكم

NATASHA

2008- 10- 21, 04:00 PM

whisperlips
قلبو دامك سنه ثالثه ان شاءالله نفيد بعض

حبيت اسالك عن النقد كيف احضر له واجهز نفسي للمحاضره الجايه ؟؟

انا مره احاتي النقد

والشعر درستك حصه العام ولا ؟؟ وعندك اوراق له وملخصات من العام ؟؟

وبالنسبه للمسرح انا مو عارفه احضر له واذاكره زين لو اسالتني المحاضره الجايه مدري كيف اجاوب

عندك انتي محاضرات العام وملخصات ولا ..

لو عندك الله يعافيك ترسلينهم لي اذا ماعليك كلافه وانا عندي محاضرات ممكن ارسلها لك

بس ارسلي لي ايميلك وعلى مااعتقد اني اضفتك اول الصيف ولا ؟؟ << معليه تراني مضيعه

بالتوفيق صبايا

jessica

2008- 10- 21, 06:29 PM

:cheese:

:cheese:

:cheese:

سفيرة الأحلام

2008- 10- 21, 08:06 PM

بنااات سنه ثانيه باقياااات

وش درستو؟؟؟؟

زهرة ونداها

2008- 10- 21, 09:13 PM

بصراحه محاضره ماده اشعر تنعس
مادري يمكن اعيب فيني فطرت وجاني انوم
وكلها احباط
من يوافقني براي انا سنه اولى اساكشن اخامس :011:

مرجوجه بس كيوت

2008- 10- 21, 11:43 PM

وانا بعد انضم لكم ...
الفرقه الاولى ...:119:

مرجوجه بس كيوت

2008- 10- 21, 11:45 PM

ايه صح زهره معك حق احيانا المحاظره تجيب النوم ...

سكشن فور ...:g8:

زينة الحلوة

2008- 10- 22, 02:42 PM

moon light

sorry لاني توي اليوم شفت رسالتك ومشكورة على تعاونك بس ماقدر ت ارد عليك بالخاص لان مشاركاتي قليلة

عالعموم انا عندي محاضرات اللعام الماضي في ملفات وورد يعني مو كلها بس المواد المهمة مثل المواد الادبية وتاريخ اللغة واللغويات اذا حابة ارسلي لي ايميلك على الخاص

وربي يوفقك وتكون هذي اخر سنة لك بالكلية

بالنسبة لاختباري في طالبة سألت لي واختباري يوم السبت ادعوي لي ان الله يوفقني وانجح

asolah

2008- 10- 23, 08:34 PM

بنات ابي مدرسه تدرسني كل المواد بالدمام تكفون اللي تعرف وحده شرحها تمام وفاهمه عنظام الكليه يقولي ضروري

moon light

2008- 10- 24, 04:58 AM

زينة الحلوة حبيبتي معذورة
واللة يوفقك يارب وتنجحين في كل
المواد الي عليكي وتتخرجين
ان شاء الله اذا عندك المحاضرات
حقت العام ياريت ترسلينهم
لي وبكون شاكرة لكي وعلى
تعاونك وبالتوفيق

moon light

2008- 10- 24, 05:03 AM

بنات هذي اسماء كل البنات الي
مشاركين في القروب كل وحدة
والفرقة الي هي فيها
واتمنى ان السنة هذي تكون
غير بالنسبة للجميع
واتمنى من كل طالبة مشاركة
في القروب ماتقصر اتجاه
زميلاتها باي معلومة
او مساعدة ولكم جزيل
الشكر والعرفان والله لا يحرمنا
الاجر يارب بنات احتسبوا الاجر
في كل مساعدة تساعدونها
للبنات والله يوفقكم يارب
وان شاء الله قسم اللغة الانجليزية
يكون دايم مثال للتعاون

moon light

2008- 10- 24, 05:28 AM

بنات هذي الاسماء
اذا نسيت وحدة تقولي
او اذا خطئت في معلومات
وحدة من البنات تقولي
كل ابن ادم خطاء
ببدا ببنات سنة رابعة وهكذا
طبعا احنا اكبر منكم:mh35:[/COLOR]
الفرقة الرابعة

moon light
smile of life
um _amanah

[الفرقة الثالثة]

صبا
معنويات محطمة
طموح
شانتال
بشاير سعيد
قيثارة
noona
amora88
whisperlips

الفرقة الثانية

سعودية اصيلة
ليالي الشتاء
بنوتة كيوت
enghlish student
wishesssss
اخت اخوها
تفاؤل
سفيرة الاحلام
chocoolate
topazo
فراولة بالعسل

[الفرقة الاولى :d5::praying:

:
الجرح العطيب
miss mesho
wej88
زهرة ونداها
enghlish girl
فلفلة
رنومة
peace
jessica
سر الجاذبية
حكايا الورد
بربري

asolah

2008- 10- 24, 12:03 PM

:Cry111: بنات ليه مارديتو علي بخصوص المدرسه معقوله ماتعرفون

moon light

2008- 10- 24, 05:28 PM

اي مدرسة يمكن اقدر افيدك

مرجوجه بس كيوت

2008- 10- 24, 05:42 PM

moon light انا بعد معكم بالفرقه الاولى ...:119:

asolah

2008- 10- 24, 07:27 PM

حياتي مون أنا ابي مدرسه لكل المواد بالدمام،،،

Fair devil

2008- 10- 25, 02:37 PM

هاي أنا بشاير سنة ثالث سكشن A

رأي إن :

شوفي حبيباتي .. أنا أقولكم :mh19:

أنا سنة ثالث .. كلل شي يعتمد على الدكتورة .. ممكن يكون الـ Grammar أصعب من الـ poetry أو الـ prose

يعني مثلا مثلا أنا يدرسوني هالسنة كللل الدكاترة الصعبين ( وفية - نجلا - حفصة - حصة - نعيمه - اميمة ) ماعدا لميا

المبارك تدرس سنة ثانية .. شدوا حيلكم بالمواد الادبية و اعرفوا كل دكتورة وش تحب .. حفصة تحب دششش الكلاااام

تحب كلاااام كثيييير .. أي معلومة عندكم اكتبوها بالتفصييييل .. نعيمة تجي بالتمييلح معها .. أميمة لا مفر من أسئلتها

غير تقطعون نفسكم بالمذاكره .. حصة :: تحب الشي شبه المختصر لكننن ما تحببب الخرابيش و الاسهم و الكوريكتير

بورقة الامتحان .. أي شي من ذولا ما تقراه على طوووول .. :Cry111:

وفيه و نجلا ما أقدر أفيدكم فيهم لأن توني أجربهم .. و لميا المبارك ما جربتها بس سمعت انها صععععبه اذا تدرسكم

شدي حيلكم معها .. ليلي باطوق عسسسسسسسسسسسل :love080: .. ويمدحون ليلى العقيلي بعد

with my love :lllolll:

emey

2008- 10- 25, 06:16 PM

وانا معكم في الفرقه الثانيه المجموعه الرابعه واللي معي اتمنى انها تخبرني
:119:
اتمنى افيدكم وتفيدوني
اي وحده تبي محاضرات او كتب من عيوني يابنات الفرقه الاولى
واللي تبي مدرسه خصوصيه انا حاضره
مع اني ماانصح بالمدرسات بس السنه الأولى ممكن
لأنو كل شئ جديد عليهم

واتمنى من بنات ثالث يفيدوني

انشاء الله اكون عند حسن الظن:119:

emey

2008- 10- 25, 06:24 PM

بخصوص المدرسه الخصوصيه عندك ايمان عفيفي والهام
يكتبون المحاضرات ويلخصونهامع ترجمة الكلمات الصعبه
اتمنى اني افدتك اذا بقيتي رقمهم او اي شئ انا في الخدمه

asolah

2008- 10- 25, 06:54 PM

مشكورين بنات ،،
شكل بروح لايمان عفيفي

asolah

2008- 10- 25, 06:55 PM

بنات انا يدرسني
تهاني - مقال
خديجه - محادثه<<شكلها عسوله
لبنى - فهم
بتول - قواعد
فوزيه - شعر
أريج - صوتيات
ساره - ترجمه
ازدهار - مهارات
ايش يركزون عليه من اللي درسكم منهم؟

emey

2008- 10- 25, 07:07 PM

تهاني
مررره حبوبه وشرحها روعه ماشاء الله عليهااكتبي معها اللي تكتبه
خديجه
والله مااعرفها الله يوفقكم معها
لبنى
حليله بس ركزي معها لأن الفهم يعتمد على شرحها
بتول
مررره روعه وعليها شرح واسلوب مرره نايس اكتبي معها كل اللي تقوله
فوزيه
من جديابختكم فيها عليها اسلوب وشرح مرره حلو ومفهوم ونفس الشئ اكتبي معها كل شئ
اريج
مااقول الا يابختكم فيها مررره طيوبه وانشاء الله مايحتاج تتعبين نفسك معها
ساره
عطتنا قواعد بس شرحها حلو وهي اللي حببتني بالقواعد مررره نايس بس الترجمه كله حفظ مره حلو ومفيد
ازدهار
شرحها يبيله تركيز وعقل فاضي بدون سرحان ماشاء الله عليها تتكلم بسرعه بس شرحها مفهوم
ماعندكم نثرولا مسرح؟؟؟
ربي يوفقكم ويسهل عليكم وانشاء الله يصير كل شئ عليكم سهل ومفهوم:praying:
اتمنى اكون افدتك:119:

moon light

2008- 10- 25, 08:11 PM

عسولة انا انصحك ماتعتمدي
على المدرسات في كل شي
لانك لو اعتمدتي عليهم
في كل المواد راح تتعودي على
هذي الطريقة وهذي الطريقة
مو حلوة
حاولي تاخذي بس المواد الادبية
والصعبة بس باقي المواد
اعتمدي فيها على
نفسك افضل وحتى المواد الادبية
اذا اخذتي منهم حاولي تكتبي
مع الدكاتره واذا وصلتك اوراق
المدرسات قارني بين الاثين
اقري المكتوب عندك في النوت
وشوفي الي ناقصك وكملي من اوراق المدرسات
وهذي احسن طريقة
وان شاء الله كل ماتروحين سنة جديدة
تحسين انك مو محتاجة اوراقهم
بنات ماتلاحظزن السنة هذي الدكاتره مرة
مشددين على سالفة الاوراق
كل دكتوره تدخل علينا تقول
انا مااحل لااحد يسجل محاضراتي
والي امسك التسجيل عندها
مجلس تاديبي ممكن يوصل لحد الفصل ؟
اتمنى المشاركة من الجميع في الموضوع
مامدى استفادتكي من اوراق المدرسات
وهل تعتمدين عليها كليا؟

NATASHA

2008- 10- 25, 10:00 PM

بنات هذي الاسماء
اذا نسيت وحدة تقولي
او اذا خطئت في معلومات
وحدة من البنات تقولي
كل ابن ادم خطاء
ببدا ببنات سنة رابعة وهكذا
طبعا احنا اكبر منكم:mh35:[/COLOR]

[الفرقة الثالثة]

صبا
معنويات محطمة
طموح
شانتال
بشاير سعيد
قيثارة
noona
amora88
whisperlips

[

افاااااا وانا ويني عنكم :Cry111:

نسيتيني مون لايت <<< :bawling:

بشاير سعيد عرفتك انتي معي بالكلاس :119:

بشاير بسالكعن هوم وورك الترجمه وش تبي بالضبط

يعني اطلع لها اسماء الوكالات العالميه واشهر صحيفه قديه وبس ولا ؟؟

amora88

2008- 10- 26, 12:04 AM

السلام عليكم

كيفكم صبايااااا

يوم الاربعا راحت علي نومه وطوفت محاضرة الدراما :000: والله اني رايحه فيهيا خخخخخخخ

الله يعينا سيكشين B بكرا عندنا ترجمه يعني انواح الزحفااان مع نعيمه واهم حاجه لاتنسون Ok هع هع

حابه اسئل وش صار بمحاضرة الدراما ؟؟؟ لسيكشن B

moon light

2008- 10- 26, 04:54 AM

natasha
سوري حبيبتي على انك
عضو فعال في القروب
بس والله مدري كيف نسيت
اسمك على بالي كتبتة بس
ولا تزعلين كلو الا زعلك بعدل
الموضوع وحط اسمك مشكورة
على التنبيه:g2:

asolah

2008- 10- 26, 02:46 PM

عندنا نثر ومسرح بس ما سألت عنهم <<هع من زود الثقه
تشكرات emey ‎‏ تعبتك معاي

moon light

2008- 10- 27, 05:43 AM

بليييييييييييييييييييييييييييييز
بنات اي وحدة تعرف اي معلومات
عن معهد ايتانا الي قدام كليتنا
اذا هو كويس ولا لا وهل الشهادات
عندهم معتمدة من الوزارة ولا لا
بليز لاطنشوا اي احد يعرف شي يقول
عشان لانتورط سمعت ان الدراسة
فيه مو كويسة بس ابغى اتاكد
منكم بلييييييييييييييييييييز
ساعدوني :Cry111:

NATASHA

2008- 10- 27, 05:04 PM

موون لايت .. عادي قلبوو وتسلمين من جد انتي ذووق

وبالنسبه للمعهد والله ماعندي فكره بس بكره بحاول اسالك البنات وان شاءالله اقدر افيدك

:)

Miss.sun

2008- 10- 27, 11:08 PM

hiii girls

انا سنة ثانية باقية :064: ...
حبيت أشارك معاكم

سيكشن 5

مشكورين على الجهود والمشاركات الفعالة

يا ليت التواصل يكون أكبر عبر ملتقى يخص القسم ككل وكل فرقة لها ملتقى خاص

تحياتي

amora88

2008- 10- 28, 01:46 AM

السلام عليكم

كيفكم يـاحلويييين

اليوم محاضرة الدكتوره حصه الكهلان كانت روووعه ممتعه مع سيكشن B

نقلتنا تقريبا صفحه فممكن بنات اللي كتبت معها كامل تنزله هناااا

شكرا لكم مقدما

um_amanah

2008- 10- 28, 07:57 AM

أهلا
مون لا يت أنا فرقة ثالثة باقية مش في الفرقة الرابعة يعني انا من جروب الفرقة الثالثة إنتساب كيف اشترك بالجروب

مع تمنياتي لكم بالتوفيق جميعا

english gairl

2008- 10- 28, 03:28 PM

سنه اولى

شو انطبــاعكــم على محاظره النثـــر اللي امس "يوم الاثنين" مع الدكتور عبدالجواد

انا صراحه ما فهمت شي ولا لحقت اكتب شييييي
اخر شي طلعت وانا اضحك من زود القــهر لاني ما فهمت شي
وخايفه من هالماده مره الله يستر بس

ساكورا ناجازاكي

2008- 10- 28, 09:51 PM

سلاااااااااااام بنات سنه 3 شفتوا برفيسوره وفيه شنو طالبه منا جلست 6 ساعات ادور بالنت مالقيت

الله يعين عاد تسأل بلأسماء تقول كنا بالمدرسه:119:
وعندنا باكر افكر شو رح تعمل فينا؟؟؟

C a t h r e n

2008- 10- 29, 12:52 AM

سنه اولى
شــو انطبــاعكــم على محاظره النثـــر اللي امس "يوم الاثنين" مع الدكتور عبدالجواد

يوووووه,,

يكبّــر الخط.. يصّـغر الخط..:bngo12:

والبنــات بعد مصخوها:مانشوف , مانسمع , أرجع للتعريف ما أمدانا نكتب....
>>أحس إنه عصب :t1:

ومرررة فوضى..

انا صراحه ما فهمت شي ولا لحقت اكتب شييييي
اخر شي طلعت وانا اضحك من زود القــهر لاني ما فهمت شي
وخايفه من هالماده مره الله يستر بس

H3 H3:cheese:
الحـــال من بعضـــه..
بس لحقت كتبت كم حاجة..

وأكثر شيء قهرني إنو انصرفنا متأخر وضاع اليوم على المحاضرة الإرشادية "....."ولأني بالخبر وصلت البيت على 4 العصر..:bawling:
مو مصدقة إن كل اسبوع بتتكرر هالمعاناة..

وللآن مو مستوعبة طريقة المحاضرات و نظام الكلية..
أحسّ إني ضايعة..
:g2:

الله يكون بعون الجميع

^_^