السماح للموظفين بأداء الاختبارات براتب ..

[Pink_Dream]

السلام عليكم و رحمة الله و بركاته

يعطيكم العافيه

حابه اسأل

اذا فيه نص واضح و صريح يذكر انه يحق للموظف في فترة الاختبارات يعطي اجازة براتب

لان مديرتي بالمدرسة الخاصه اعطتني اجازه بدون راتب تقريبا فترة الاسبوعين بدون راتب !!

لمن لديه اي نص من وزارة العمل ياليت مايبخل علينا فيه ,,

و هل المدارس الخاصه تدخل بضمن وزارة العمل ام وزارة التربية و لها احكام خاصه !!

http://www.mol.gov.sa/ar/Pages/OrganizeWork.aspx?m=3


:love080:
:(204):

و يعطيكم العافيه ..


:: لكم تقديري ::

[P e a c e]

غريبة
أنا وكل زملائي اللي يدرسون سواء الثانوية أو الجامعة ياخذون إجازة براتب بناء على خطاب الجامعة اللي فيه الإفادة بوجود امتحانات
بس أحاول أجيب المادة اللي تنص على هذا الشي في أقرب فرصة

[.Ck]

مدرسة خاصة تعوضي الله

[Pink_Dream]

رضوآن ..

و الله ياليت تجيب النص و أكون لك من الشاكرين :106:

Ck

مافيه شي يضيع عند الله ,, خلك متفائل :(204):

[ابو ديم]

اختي قبل ما تبدين بالدراسه في الجامعه قدمتي خطاب للمدرسه وقبلو بأنك تدرسين في الجامعه ؟؟

اذا كانو قابلين فأجباري عليهم دفع الراتب

ام اذا ماعندهم علم فعوضك على الله ...

[ابوحمزة]

الموطف الحكومي يعطى اسبوعين لاداء الاختبارات براتب
اما الموظف القطاع الخاص فما عندي علم

[P e a c e]

رضوآن ..

و الله ياليت تجيب النص و أكون لك من الشاكرين :106:

Ck

مافيه شي يضيع عند الله ,, خلك متفائل :(204):




في نظام مجلس التعليم العالي ما في شي بهالخصوص, أتوقع تكون في نظام الخدمة المدنية, لا يزال البحث جاريا.:oao:

[P e a c e]

الحقيقة لقيت عدة آراء ما أدري ويش الصح. المهم هذي الأشياء اللي شفتها:

قانون العمل السعودي الجديد (موجود بالمرفقات):
المادة الخامسة عشرة بعد المئة:
للعامل المنتسب إلى مؤسسة تعليمية الحق في إجازة بأجر كامل لتأدية الامتحان عن أيام الامتحان الفعلية, أما إذا كان الامتحان عن سنة معادة فيكون للعامل الحق في إجازة دون أجر لأداء الامتحان. ولصاحب العمل أن يطلب من العامل الوثائق المؤيدة لطلب الإجازة وكذلك ما يدل على أدائه الامتحان. وعلى العامل أن يتقدم بطلب الإجازة قبل موعدها بخمسة عشر يوما على الأقل. ويحرم العامل من أجر هذه الإجازة إذا ثبت أنه لم يؤد الامتحان, مع عدم الإخلال بالمساءلة التأديبية.

وبعدين دخلت على هذا الرابط:
http://www.alrassedu.gov.sa/index/forum/showthread.php?t=10024
الكلام فيه غير.

جار البحث لمزيد من التأكيد.:(107):

[P e a c e]

سبحان الله, دورت في مواقع واجد, وبعدين تطلع الإجابة في منتدانا؟:(204):

تفضلي هذا الموضوع:
http://www.ckfu.org/vb/t104814.html

[Pink_Dream]

ابو ديم ..

أول ماقدمت قلت للمديره انو انا ادرس بالانتساب .. :(204):




ابو حمزه

اشكرك ع المرور :smile:



رضوان

الله يعطيك العافيه و ربي خجلتني مشكوور على المساعده :mh318:..

نردها لك باذن الله

و يسلمووو ماقصرت :106:



و بالتوفيق للجميع ..



*
*
*

[عبدالله ع العنزي]

هو في قرار من مجلس الوزراء وشي صريح جدا
ولكن في ناس يرفضون يطبقونة

انا موظف في احد المستشفيات تبع وزارة الصحه ولكنهم يرفضون إعطاء الموظف اجازة علشان الاختبارات

اقدمها من رصيدي ويقدرون يرفضون الاجازة وتروح عليك الاختبارات

الكل يمشي على مزاجه

[Pink_Dream]

مشكله :(177):


المفروض هالقرار يعمم و يطبق الزامي في جميع الدوائر الحكوميه و القطاعات الخاصه .

لان الدراسه من حق كل مواطن

و بالعكس تعينه بوظيفته وتكسبه اطلاع و ثقافه اكبر ..



منفلوط

شاكره لك مرورك

[ماجد العتيبي]

الخدمة المدنية موجود تعميم بخصوص السماح للموظفين بالدراسة في الجهات الحكومية
اما الجهات التعليمية الخاصة والشركات ماأعلم

[Pink_Dream]

ماجد العتيبي ..

شآكرة لك مرورك العطر

و بالتوفيق للجميع ..