أيها الزمــــــلاء ... ارسال المستندات عن طريق البريد الممــتـــــــــاز .. لاحد يفتي من عنده !!

[محترف]

أيها الزمــــــلاء والزميــــلات ...
بخصوص ارسال المستندات عن طريق البريد الممــتـــــــــاز .. رجاءً لاحد يفتي من عنده !!

تعقيبا على موضوع الأخ العضو / جاك سبارو
http://www.ckfu.org/vb/t148329.html

بخصوص الإرسال عن طريق البريد العادي .. وغيرة من الزملاء الذي كتبوا بعض المواضيع لا صحة لها ومواضيع الإرسال بخمسة ريالات ..

نفيدكم بأن هناك اتفاقية مبرمة بين جامعة الملك فيصل والبريد الممتاز
بحيث يقوم الطالب بإرسال بياناته إلى الجامعة مجـــــــــاناً و بدون أي رسوم

لذلك .. لمن يرغب بإرسال بياناته .. بإمكانه الذهاب لأي مكتب للبريد السعودي في جميع مدن المملكة العربية السعودية ويسلمهم أوراقه .. وهم بدورهم راح يعطونه وصل إستلام

ماعليك الا انك تروح بأوراقك وتقول لهم انك طالب في جامعة الملك فيصل وبترسل اوراقك
فقط لا غير

واللي يبي يتأكد هذا رقم مؤسسة البريد السعودي ( التي يندرج تحتها البريد الممتاز )
على الرقم الموحد 920005700

وعليه تم التنبيه

اخوكم/ محترف

[C£âSSIC,َ‘َُ]

طيب آخوي بموقع الجامعه مكتوب عن طريق البريد المستعجل صح ولا لآ
~
يعني نروح للبريد السعودي وهو يدبر الآمور

تشكرآت للتوضيح آخوي ...

[جنتل الملتقى]

:d5::d5::d5:

[محترف]

الجامعة .. مع احترامي لهم فيهم شوي دلاخة .. لازالو على العهد القديم
كان اسم البريد الممتاز .. البريد المستعجل

علشان كذا كاتبين البريد المستعجل


طبعا هم جزاهم الله خير .. شغالين على انه يكون الإرسال مرة واحدة فقط ( علشان مايخسرون فلوس الإرسال في كل مرة )


يعني يكون الإرسال للشهادات للمستجدين فقط
وبعدها بيكون السداد الكتروني وليس هناك حاجة بأن ترسل في كل مره

لكن الله اعلم متى يجهزون .. بس يتضح لي انهم شغالين .. كما هو موجود في الموقع الخاص بالجامعة

[Messi الجامعه]

طبعا انا ما ارسلت ولكن
.
.
.

على حسب ما فهمت ان مجانا فقط للطلاب المستجدين اللي هي ايصال البنك + وثائق بالبريد الممتاز

اما مستوى ثاني وثالث لا وانما يحتاج لدفع رسوم بالبريد المسجل او الممتاز



اتمنى تصحح معلومتي اذا خطأ واللي ارسل وجرب يقولنا

وشكراا لك

تقبل مروري

[محترف]

كان نفس السؤال يدور في بالي يا ميسي

فاتصلت انا على الرقم الموحد تبع البريد السعودي وأفادوني بأنه مافيه شي محدد لمستوى الطلاب ..
انت بالنسبة لنا طالب بترسل مستنداتك للجامعة فقط .. والأتفاقية ماكانت تحدد انه مستجدين فقط

والرقم ارفقته في الموضوع اذا حاب تتأكد منهم أكثر

تحياتي لك

[محترف]

ايه صحيح ..

انبه على انه لازم الواحد ياخذ صورة من وصل السداد تبع البنك .. ( يمكن تضيع ويجحدونك حقين الجامعة ويقولون ماجتنا )
فـ بدل ماتروح تطالب البنك بصورة من السداد .. خذ صورة وريح عمرك

[فرحة التخرج]

:d5:

[Messi الجامعه]

خخخخخخخخخخخ دقيت على البريد الممتاز 920001144

يقولون حنا جهة مرسله اي استفسارات تواصلوا مع الجامعه بخصوص المستويات

بس يقول بالممتاز ترسلها




وانا اقول لكم
ولزيادة الثقه اكثر ارسلو الوصل الكترونيا اظمن لكم


شكرااا اخوي المحترف على الموضوع

[محترف]

وافضيحتاه .. مايعرفون الاتفاقية .. ماعليك منه
شكل اللي رد حق شركة مركز الاتصال الجديدة ههههههه

[محترف]

بعدين كيف مسك معك الخط ؟؟ يعطيني الطريقة خاطئة ؟؟

[Messi الجامعه]

وافضيحتاه .. مايعرفون الاتفاقية .. ماعليك منه
شكل اللي رد حق شركة مركز الاتصال الجديدة ههههههه
:hahahahahah::hahahahahah:

[Messi الجامعه]

بعدين كيف مسك معك الخط ؟؟ يعطيني الطريقة خاطئة ؟؟


غريبه على نفس الرقم اللي حطيته انا ؟؟؟؟

[قلبي فداك]

مساااااء الخييير :love080:
معك حق :d5::d5:يعطيك العافية
انا ارسلت اوراقي بالبريد الممتاز واخذوا 30 ريال ههههههه :lllolll:
وقالوا انشااء الله بكرة يوصل :000:

[محترف]

اتصلت من ثابت والا جوال ؟

بعدين انا حطيت رقم البريد السعودي 920005700 ماحطيت الرقم الخاص بخدمة البريد الممتاز الي انت حطيته

[محترف]

مساااااء الخييير :love080:
معك حق :d5::d5:يعطيك العافية
انا ارسلت اوراقي بالبريد الممتاز واخذوا 30 ريال ههههههه :lllolll:
وقالوا انشااء الله بكرة يوصل :000:



30 ريال ؟؟ تكفى لا تقهرني من جدك انت ؟؟

وين اي مكتب .. اي مدينة ؟؟

[حالمة بالجنان]

http://m002.maktoob.com/alfrasha/ups/u/26720/31303/392670.gif

[Messi الجامعه]

اتصلت من ثابت والا جوال ؟

بعدين انا حطيت رقم البريد السعودي 920005700 ماحطيت الرقم الخاص بخدمة البريد الممتاز الي انت حطيته


من جوال وردت على حرمه بعد تشتغل بالبريد الممتاز
انت حاط رقم البريد السعودي بس انا حطيت رقم البريد الممتاز


انا المحترف وش رايك تروح بكره وتقول لنا تجربتك خخخخخ على الهواء مباشره

[محترف]

اووووه داوموا البنات اجل

[محترف]

لكن ارجع اكرر .. الإرسال مجاناً

[Messi الجامعه]

اووووه داوموا البنات اجل
المحترف وش رايك تروح بكره وتقول لنا تجربتك خخخخخ على الهواء مباشره


البريد الممتاز اخبر انه يقفل الساعه 8 مساء

[قلبي فداك]

30 ريال ؟؟ تكفى لا تقهرني من جدك انت ؟؟

وين اي مكتب .. اي مدينة ؟؟

اناااااااااااااااا بنت :lllolll: اوكي ماعلينا
والله من جدي اخذوا 30 ريال البريد الممتاز
وراز وجة معطيني فاتورة ههههههههههههههههه :hahahahahah:
اناااا بالظهران :wink:

[Miss Lambert]

ليه بعد ما ارسلناها:017:
بس يلله ما هيب كاسرة الظهر حنا دافعين في الحالتين
بس رجاء لا حد يحط شي الا وهو متاكد من الكلام

تحياتي:biggrin:

[محترف]

تأكيدا للموضوع
بكرة .. ابرسل وصل السداد عن طريقهم
وبنشوف العلم الأكيد على الهواء مباشرة :53:


مع اني متأكد 101% انه مجانا ً

[محترف]

اتصلت على الرقم اللي انت حطيته يا ميسي

ردت علي الأخت الموظفه لديهم .. وتقول بأنه بإمكان أي شخص أن يرسل مستنداته مجانا لجامعة الملك فيصل من أي مكتب بريدي بالمملكة

وعطتني الطامة الكبرة
تقووووول
بكرة
الأربعاء
هو أخر يوم لإرسال المستندات من خلال البريد الممتاز

...


متى أخر مهلة للسداد ؟؟

[محترف]

بنت الظهران .. قلبي فداك ..

ترا المكتب اللي رحتي لهم سرقوك 30 ريال عدا ونقدا :41jg:
ارجعي كفخيهم

[Messi الجامعه]

اتصلت على الرقم اللي انت حطيته يا ميسي

ردت علي الأخت الموظفه لديهم .. وتقول بأنه بإمكان أي شخص أن يرسل مستنداته مجانا لجامعة الملك فيصل من أي مكتب بريدي بالمملكة

وعطتني الطامة الكبرة
تقووووول
بكرة
الأربعاء
هو أخر يوم لإرسال المستندات من خلال البريد الممتاز

...


متى أخر مهلة للسداد ؟؟


ههههههههههههههههههههههههههههه والله انهم طوووووووووووووط

هي تقول مستندات بس حنا بس وصل سداد من البنك
المهم اخر وقت للسداد هو 1/4/1432هــ

ننتظرك :tongue:

[محترف]

ليه بعد ما ارسلناها:017:
بس يلله ما هيب كاسرة الظهر حنا دافعين في الحالتين
بس رجاء لا حد يحط شي الا وهو متاكد من الكلام

تحياتي:biggrin:

للأسف يا مس لامبارت
الجامعة ماوضحت للطلاب انه فيه اتفاقية مع البريد السعودي
وانه بإمكان الطالب إرسالها مجانا من خلال البريد الممتاز

انا لاحظت انه جامعة الإمام تركز على هالموضوع وتأكد على الطالب بإنه يرسلها مجانا من خلال البريد الممتاز

جامعتنا شكلهم مايبون احد يدري علشان مايخسرون تكاليف الإرسال ( طماعين ربعنا )

[محترف]

ههههههههههههههههههههههههههههه والله انهم طوووووووووووووط

هي تقول مستندات بس حنا وصل
المهم اخر وقت للسداد هو 1/4/1432هــ

ننتظرك :tongue:




سوف آتي لك بالخبر اليقين إن شاء الله

[قلبي فداك]

بنت الظهران .. قلبي فداك ..

ترا المكتب اللي رحتي لهم سرقوك 30 ريال عدا ونقدا :41jg:
ارجعي كفخيهم


:064: خيرهااااااا بغيرهاااااااا يالمحترف
:017::017::017:

[امون السعودية]

الزبدة نرسل ع طريق البريد الممتاز وانتهت السالفه..:oao:

[Messi الجامعه]

سوف آتي لك بالخبر اليقين إن شاء الله

:d5:

[محترف]

الزبدة نرسل ع طريق البريد الممتاز وانتهت السالفه..:oao:

الزبدة بتسيح يا أمون اذا كان على كلامهم في مركز الاتصال .. انه موعد استخدام البريد الممتاز ينتهي بكرة الأربعاء

[امون السعودية]

انا اللي اعرفة انه 4.1 اخرشي للتسديد شكل اللي ردت عليك مصدعه بقققوة وماعندي نية للسداد الا اخر الشهر عشان الراتب:oao: وش نسوي ربك يعين

[محترف]

انا اللي اعرفة انه 4.1 اخرشي للتسديد شكل اللي ردت عليك مصدعه بقققوة وماعندي نية للسداد الا اخر الشهر عشان الراتب:oao: وش نسوي ربك يعين



سألتها على أي أساس ينتهي بكرة ؟؟
سكتت .. انصدمت من سؤالي

وقالت لي :
أمامي في الكومبيوتر ( النظام حقهم ) مكتوب تنبيه .. انه ينتهي يوم غد الأربعاء

[امون السعودية]

ماعلييييك منهااا حنااا نمشي ع نظام الجامعة الموقرة اش تنزل الجامعة من نظام نقول وبكل امانه سمعا وطاعة غير كذااا لاااا

[محترف]

امونة هههههههههههههههه نمشي على نظام الجامعة

حرام عليك .. الجامعة لازالت في البداية وأنواع التخبط

فـأكيد انهم زودوا البريد السعودي بتاريخ الانتهاء ونسوا الجدول

[امون السعودية]

طيب انت الان بتتاكد ولاشلووون عشان نعرف اللي لنا واللي علينااا

[محترف]

بإذن الله غدا صباحا بمرهم واجيب لكم العلم
فرعهم الرئيسي قدام دوامي

[f6oom 3bood]

أشغلونآ ألله لآيشغلنا إلا بطاعته
ألحين وين نرسلهم ممتاز ولآ عاديً !؟

وشكراً أخ محترف :biggrin:

[امون السعودية]

مشكووووووووور اخوي :d5:

[ابوإيــاد]

وهذا الكلام الحلووو

تشكرات خيووووو

[مــي]

وانا بعد سددت اليوم ب30 ريال وقال لي لانه مستعجل !!:000:
والسمستر الي راح بعد سددت بنفس الشي وقالو لي اول ترم بس لما نرسل ملفاتنا هو الي بالمجان :(269):

[رشةعطر]

الله يعطيك العافيه خلصنا من التسجيل وحوسته جينا لسداد وحوسته
ربي يسهلها ان شاء الله :119:

[عذب(m)السجايا]

اقول نبي الكلام الاكيد بالممتاز والا بالعادي الارسال ؟وفيه رسوم والا مجاناً ؟

لو اني اتوقع انها ماهي حلا كل ترم بنرسل مجاناً ههههههه

[الجارح2020]

الله يعطيكم العافية اتوقع اذا فيه مع التسديد رسوم مراسلة راح يكون مجاناً واذا ما فيه بيكون بفلوس اتمنى اخوي محترف يجيب بكره الخبر اليقين

[عقدألماس]

:d5::d5::d5::d5::d5::d5::d5:
سلمت الأنامل الله يبارك فيك

[محترف]

للأسف ( طلع ماعندي سالفة )

طبعا كله من حقين مركز الاتصال الموحد اللي عطوني معلومة تختلف عن الفرع الرئيسي للبريد السعودي
الأرسال المجاني لمرسلي الشهادات فقط ( المستجدين ) وفقا للي مسجل عندهم في النظام
ثانيا .. الإرسال المجاني للطلبة المستجدين ينتهي اليوم .. مع العلم بإنه انتهى ا لاسبوع الماضي لكن مددوه اسبوع

[ياقوته]

يالقهر كل شي فلوس x فلوس :017: ايش هالجامعه ماتوفر لمنسوبيها سبل الرفاهيه :000:

رسائل يدزوها لنا بفلوسنا رسائل ندزها لهم بفلوسسنا والله طرطره خخخخخخخخخخخخخخخخ

[جاك سبارو]

أخوي الفاضل المحترف ..
أرجو منك عدم إتهامي بالإفتاء وأنني لا أعرف ماذا أقول ..لأني أوضحت مصادري في نفس الموضوع وقلت بأنني من أحد منسوبي البريد السعودي ولم أقل شيء أنا لا أعلم عنه وإنما أردت الفائــدة لأخواني الطلاب مع العلم بأن البريد الممتاز المستفيد إن قاموا بإرسالهـا عن طريقهم ولكني آثرت بإبلاغ الطلاب ليعلموا أن بإمكانهم إرسال النموذج عن طريق البريد المسجل والذي يبلغ قيمتـه خمسة ريالات فقط ..

أيضاً ذكرت في موضوعي بأن هذه المعلومات لطلاب المستـوى الثانـي فما فوق وأما طلاب المستــوى الأول فيكون مجاناً عن طريق البريد الممتـاز ..

للإيضاح أكثر أنا من موظفين البريد الممتـاز أيضاً ..
وهنا من الطلبة من قام بإرسالها بالبريد الممتاز بمبلغ ثلاثون ريالاً من داخل المنطقة الشرقية وخمسون ريالاً لمن كان خارج المنطقـة ..

وهنا أيضاً من قام بإرسال أوراقه عن طريق البريد المسجــل بخمسة ريالات

لذا أرجو عدم الإندفاع في إتهام الغيـر وتقديم الإعتذار أو حذف هذا الموضوع من أساسه لعدم صحتـه ولإتهامي فيه بأسلوب وكأنني جئت بخبـر أريد فيه الضرر بأخواني الطــلاب ..

شكراً ..

[لاكوست]

الرجاء التأكد من مصادر الأخبار قبل نقلها للجميع

شاكرومقدر لكـ اخي المحترف حرصكـ وأهتمامكـ لنقل الأخبار لنا

تحياتي لكـ

بعد أذنكـ يغلق الموضوع عشان ماأحد يعتمد عليه