سؤال بسيط مع خدمه صغيره

[وردة الأحساء]

عندي سؤال وياكثر اسئلتي

ابقى خدمه صغيره حيل ابقى واحد دافور او وحده دافوره يدخل هنا ويكتب وش اللي يسوي بهالدراسه يكتب كل شي شلون يحل الواجب شلون يذاكر

عشان ابقى اصير شاطره انا بس موب عارفه شلون ابقى اعرف وش يسوو هالشطار وش اللي يذاكرو وش اللي يسوو

ردو عليي بليز يعني ابقى واحد شاطر يكتب لي وش يسوي عشان اصير زيه

موب عارفه وش اسوي توني مستوى اول

[Dima]

يعني مو انا اطلع احسن :24_asmilies-com:
موفقة

[وردة الأحساء]

شدعوه مارديتوو عليي انا بحاجتكم

[@alnader@]

حالي من حالك ياوردة


اتمنى احد يفيدنا

[heart_1409]

ياجماعة حد يفهمنا شسالفه :24_asmilies-com:

[وردة الأحساء]

ردوووو على الموضوع الناس للناس والكل بالله يعني ردوووووو عشان نستفيد ابقى اعرف انا اللحين وش المطلوب مني تعبت والله تعبت

نفسيتي اصبحت زفت

[Lubna]

اللي عليكم تدخلون البلاك بورد فيه موضوع مثبت شرح لكيفيه الدخول للبلاك بورد

لازم تسمعون المحاضرات عن طريق تحميلها أو مشاهدتها بالبلاك بورد و نفس الشي بالنسبة لمحتوى المقرر

بعدين انصحكم انكم لما تشوفون المحاضرات تكون الملزمه معاكم و تتبعون مع الدكتور أثناء الشرح و الاشياء اللي تشوفنها مهمه او محتاجه توضيح أكثر تسجلونها

الاعتماد كله على المحاضرات و المحتوى أما الملخصات اللي هي عباره عن مجهود شخصي للاخوة و الاخوات هذي تعتبر مراجعه عامه بعد المذاكره

الواجبات الحاليه ما اتوقع انها هي المطلوبه منا >> كنت بسأل عنها بس للأسف ادق على الجامعه خطهم مشغوووووول

الواجبات سهل انكم تحلونها لما تدخلون على الواجبات بتلقون الواجب متاح ادخلوا على الواجب بتفتح لكم صفحه عبارة عن اسئلة و خيارات

تحطون العلامة بجانب الاجابة الصحيحه و بعدها تسوون حفظ للحل ( المهم تأكدوا أنه صحيح ) و بعد كذا تسوون حفظ و إرســال

بعد كذا بيطلع لكم صفحة في نهايتها على اليسار بالطرف فيه كلمة موافق اضغطوا عليها بيطلع لكم كم اخذتوا بدرجة الواجب


موفقين

[Lubna]

ممكن تذكرين لي اسماء الدكاترة اللي بيدرسونكم ؟؟

[لوران]

ممكن تساعدوني عشان انا تعب من التطنيش بليز ردو علي

[لوران]

اذا بتردون علي بقول موضوعي

[al_asmy]

معليش اعذروني على المداخله
المشرفة لبنا قلتي
بعدين انصحكم انكم لما تشوفون المحاضرات تكون الملزمه معاكم
بصراحة ما اعرف الملزمة ههههه وشكرا

[P e a c e]

المشكلة إنج مسمية اللي يرد دافور
يعني اللي يبي يرد معناه يمدح نفسه
علشان كدة الطلاب مترددين,


على كل حال أنا راح أكتب تجربتي من باب الخدمة مو من باب مدح النفس

وحدة من الأشياء اللي كنت أسويها, كنت أنزل المحاضرة بالصوت وأنزلها بالجوال, وبعدين أسمع المحاضرة مرة ومرتين وأنا برى البيت, في السوق مع الأهل, في السيارة.

والشي الثاني أطبع المحتوى على ورق وأقراه أكثر من مرة قبل لا أسمع المحاضرة وبعد ما أسمعها.

بالإضافة إلى الملخصات اللي راح تلقينها في هذا المنتدى, بس بالنسبة للملخصات اللي يسوونها الأعضاء, يبي لك تنتبهين لأن بعضها فيها أخطاء.:064:

وواحد من الأساليب الحلوة إنج تمسكي لك وحدة من خواتج والا اخوانج أو صديقاتج وتجلسي تشرحي لها المادة, من تجربة شرح المادة واحد من طرق اللي تخلي المعلومة تركز في مخ اللي يشرح قبل اللي ينشرح له. وإذا ما أحد عطاج وجه مالج الا المراية :biggrin:

[Lubna]

وش سالفتكم الكل مختبص و متنرفز ترا تو الناس يبيله وقت لين بتعدل النظام يعني خلال كم يوم اكيد بيكون كل شي مضبوووط

بس انتم هدو اعصابكم مو مستاهله هذا كلها :000:

و اللي عنده أي سؤال فيه موضوع مثبت لأسئلتكم و بيتم الرد عليكم بإذن الله

[Lubna]

معليش اعذروني على المداخله
المشرفة لبنا قلتي
بعدين انصحكم انكم لما تشوفون المحاضرات تكون الملزمه معاكم
بصراحة ما اعرف الملزمة ههههه وشكرا




الملزمه ( محتوى المقرر ) بعد طباعته بيكون ملزمه لان ماراح تحتاجون الكتب

و فيه بالمنتدى محتوى المقرر محول الى Word افضل من الباور بوينت عشان كذا اتشحدكم تقولون لي اسماء الدكاترة اللي بيرسونكم :000:

[وردة الأحساء]

عبد العزيز عبد العزيز الحليبي=التحرير العربي

عبد الحكيم المطر=الصحه واللياقه

غسان النايفه= اللغه الانجليزيه العامه


محمد العقيل=العقيده الاسلاميه والمذاهب

جزاء المصاروة=النحو التطبيقي

احمد محمد الجمعان=مبادئ علم الاجتماع

محمد العنزي=تقنية المعلومات

والف شكر على اهتمامك لموضوعي يالغاليه

بس والله بجد احس اني ابقى اعرف وش اسوي

ابقى اتشيطر هع

[وردة الأحساء]

اي صح نسيت اسئل من وين اجيب الملازم

[لوران]

ياناس ردوعلي انا ابغى اعرف كيف انشط المواد حرام عليكم ردو

[al_asmy]

الملزمه ( محتوى المقرر ) بعد طباعته بيكون ملزمه لان ماراح تحتاجون الكتب

و فيه بالمنتدى محتوى المقرر محول الى Word افضل من الباور بوينت عشان كذا اتشحدكم تقولون لي اسماء الدكاترة اللي بيرسونكم :000:

الف شكر لك