ماذا أفعل الآن .. ظهر لي الجدول الدراسي

[زيزوم]

السلام عليكم ،،

يا إخوان ويا أخوات أنا الى الآن ضااايع ،،

دخلت على الخدمات الطلابية // طباعة الجدول الدراسي

وبعدين ... ؟

هل أنا كذا ماشي صح ؟ والا فعلاً ضااايع .. ؟!!

..

ما أدري من وين ابدأ .... أفيدوني ،،

كيف أذاكر ؟ ومتى الإختبارات ؟ ووين الملخصات ؟ ... إلخ

زيزوووم

:sdfgdsf:

[جنتل الملتقى]

اخوي انت ماشي صح وماعليك لسى باقي على الاختبارات 3 شهور بس انت استهدي بالله

والاخوان هنا ماراح يقصرون معاك

اذا انت من اهل الشرقيه الملخصات عندكم هناك

واذا من اهل الرياض في اكثر من مكتبه

بس مادري المستوى الاول اتوقع تحصله عند مكتبة الصعب او ريشة الوراق \


بالتوفيق انشالله

[ابوي نبض قلبي]

صح عليك اخوي

الحين روح للمحاضرات المسجله وشوفها وذاكرها اول بااول

وبالنسبه للمواد

الاقتصاد الجزئي<<الكتاب المذاكره منه

القانون <<بيحدد لكم الدكتور نص من الكتاب ونص من المحتوى

الاداره <<المحتوى يغنيك بالمذاكره

الرياضيات <<تكفي المحاضرات المسجله تابعها وحل معاه

المحاسبه 1<<من ملخص ابو موزه شامل اعتمد عليه بالاضافه اشتري الكتاب لانه مهم بيحل معكم الدكتور الاسئله منه



وتذكر انه للحصول على 30 علامه كامله وهي نظام مسوينه الجامعه يعطونه للطالبات والطلاب وال 70 لورقه الاختبار بس طبعا بعد ماتسوي خطوات بسيطه وهي

1 المحاضرات المسجله اللي موجوده عندك بالبلاك ياانك تحملها وتشوفها بجهازك او تشوفها على البلاك

+تحميل المحتوى الموجود عندك وبكذا تآخذ 10 درجات

2 المحاضرات المباشره اذا اعلنو عنها ونزل جدولها تحضرها بوقتها واذا فاتتتك راح ينزلوها عندك بالبلاك ويكتفي بتحميلك لها وبتآخذ نفس الدرجه وهي 10 درجات

3 حلك للواجبات وهو واجبين بينزله لك الدكتور بالبلاك وتحله لهم وطبعا بيعلنو عنه واذا حليتهم صح بتآخذ 10 درجات

وبس:biggrin:

[ندى سعد]

مشكووووووووووووورين على الافااااااااااااااااده والتعاااااااااااااااااااون

[سعيد العيسى]

من الان ابداء ذاكر:017::017::017:
ذاكرا اول باول لخص لنفسك انت
والافضل تحط جدول متابعة المحاضرات المسجلة والمكتوبة لكل مادة
بيني وبينك تابع تسجيل الجوال مع المكتوبة وافتح ملف وورد ولخص على راحتك لانو ما ادري وش مستواك السابق ممكن تكون فاهم ادارة والا رياضيات عشان كذا لا تعتمد على ملخصات الاخوان كثير
وعندك اسئلة نموذجية للاختبارات يفضل تحلها قبل الاختبار بفترة عشان تتأكد انك اوكية:d5::d5:
تحصلها اما في المواضيع السابقة قبل شهر ونص تقريبا ما قصرو الربع حطوا اسئلة اختبارات للستويات السابقة ومن الجامعات الاخرى والا اذا قربت الاختبارات شطف تلقاها موجودة:oao::oao:
بالتوفيق