لماذا الشعب السعودي اكثر دول العالم اجازه

[[® Hani ®]]

السلام عليكم:
بما ان يوم السبت اجازه رسميه
حبيت اطرح هذا الموضوع لما رائيته من الفرحه العارمه والرسائل والتهانئ بهذه الاجازه
وهي يوم واحد بس ماهو شعوركم لو كانت اسبوع مثلا.
تفضلو الموضوع...

اليوم حبيت اجيب لكم مقارنه بين اجازتنا مع اجازات دول العالم وشوفوا الفرق ههههههههه


هل تعلم أن اليابانيين أكثر شعوب العالم المتقدم حرماناً من العطلات ..

إذ لا يتعدى متوسط إجازاتهم تسعة أيام في العام

بينما الفرنسيون هما أصحاب النصيب الأكبر من العطلات

بمتوسط يبلغ 34.5 يوم سنوياً.

وتمنح الولايات المتحدة العاملين ثاني أقل عدد من العطلات سنوياً

بمتوسط 17 يوماً يأخذ معظم العاملين منها 14 يوماً ..

ويمنح النيوزيلنديون 19.5 يوم سنوياً يستهلكون منها نحو 17

بينما يستخدم الأستراليون 16.5 يوم تقريباً من إجمالي العطلات وعددها 20 يوماً.

مساكين يا اليابانيين

صدق أنكم شعب محروم من الراحه

تهجولون في ذا الدنيا لا راحه ولا نوم ولا فلة حجاج

علشان تقدمون إختراعات تفيد الإنسانيه

همن بتموتون واللي ما اسلم منكم بيخلد في النار

وخلوا الإنسانيه وسوني ومتسوبيشي وتويوتا تنفعكم

اقول خلوكم مثلنا بس

والله يا الإنسانيه ما قامت ولا قعدت عندنا

فالين ام الحياة.. إجازات ونوم وتسدح وتبطح ولله الحمد والمنـّه

شوفونا أيام السنه 365 وإجازتنا 355 يوم

الموظفين ..شهر أجازه نظاميه و10 أيام إضطراريه

و3 شهور تروح ما بين إجازاة وفاة والديه وعمانه وعماته وخواله وخالاته

وامهاته من الرضاع وابوانه من الرضاعه وأصدقاه من الرضاع

الموظف السعودي هو الوحيد في العالم اللي تتوفى له 12 جده و12 جد في السنه..

ومنها شهرين إستئذانات من المدير علشان يجدد الرخصه والإستماره

ويضيف ولده في دفتر العائله ويسجل ولده الثاني في المدرسه

ويطلع ولده الثالث من مرورالناصريه ..

و55 يوم يطلع من الدوام يبلغ الشرطه عن شغالته المنحاشه

و3 شهور إجازات مرضيه منها شهر ونص في السنه

إجازات خلع أسنان .. تماسيح مهوب موظفين

وبعدين مدري وش ذا الأسنان اللي يخلعونها وتنبت ..

تصدقون يا جماعه ان بعضهم يكون باقي عليه ويتقاعد سنتين

ويجيب إجازه مرضيه بسبب خلع ضرس عقل

واللي موقع الإجازه طبيب نساء وولاده

والطلاب والطالبات إجازات الصيف 3 شهور

ومعها مكرمه من أهالي الطلاب نص شهر

وإجازة حج 20 يوم

معها مكرمه 10 أيام من أهالي الطلاب والطالبات

و10 أيام إجازة نص سنه

ومعها 15 يوم مكرمه من أهالي الطلاب والطالبات

وإجازة ربيع ومعها 15 يوم مكرمه من أهالي الطلاب والطالبات

وإجازات أمطار وإجازات غبار

وغيابات بسبب الأنفلونزات

وغيابات للطلاب بسبب هزايم فرقهم ..

واللي مسكوه المرور وخلوه يفك أنوار الزينون

وعلم ابوه ولعن جدفه ..وتعبت نفسيته

وغيابات للطالبات بسبب ان بطونهم توجعهم

وغياب لأن نفسياتهم تعبانهم ..

وأسباب تعب نفسيات البنات متعدده

اللي قصت شعرها وطلع وع

واللي محد عطاها وجه على البي بي

واللي طلعت لها حبة شباب في خشمها

وقاعده طول الليل تراقب ذا الحبه لين تعبت نفسيتها ..

ميسي مهيب حبة شباب

الزبده أن الطلاب ما يصفى لهم من دراسة الـ8 شهور إلا 18 يوم

اما المدرسات والموظفات فحدث يا اها بس ولا حرج

إجازات مثل الإجازات الرسميه للطلاب والطالبات

واضيفوا لها إجازات مرضيه أثناء الحمل

وإجازات نفاس ممكن توصل لـ 3 شهور

عشان كذا ذا المدرسات هم أكثر من يحمل ويولد

بزعمها إنها بتكثر أمة الإسلام وهي تبي تتبطح وتتسدّح

طبعاً إضافه للإجازات المرضيه بأنواعها

المدرسه تراجع كل التخصصات الطبيه علشان تجيب منهم إجازه

أسنان وأنف وأذن وباطنيه وبوليه وجلديه ونساء وولاده

وعظام وإصابات ملاعب

وإجازه علشان فيها ضيقه وشاكه إنها منظوله

على طاري الضيقه ..

قسم لو للرقاة الشرعيين صلاحيات منح إجازات مرضيه

ان ما تلقون مداوم في مدارس البنات إلا البواب والفرّاشه و5 طالبات دافورات

نرجع لمحور حديثنا ..

وغياب بعض أيام الأربعاء لإنها بتروح لزواج

ولازم تمسك سرا عند الكوافيره من الضحى

وإجازه مرضيه بعض أيام السبت لأنها كانت عازمتن حمولتها وتعبت

مع ان حمولتها كانوا عندها يوم الأربعاء ..

الحين الشغاله هي اللي تتعب والمدرسه هي اللي تاخذ إجازه!!!

انا اقترح إقتراح بيفيد الإنسانيه

وهو اننا نتناسب إحنا واليابانيين

نتزوج منهم ويتزوجون منا

نعطيهم مما أعطانا الله من زود العيون

ويعطونا مما أعطاهم الله من زود العقول

نعطيهم مما أعطانا الله من الحرص على المظهر

ويعطونا مما أعطاهم الله من الحرص على الجوهر

وبكذا بننتج للإنسانيه نسل يحبه قلبها..

والله يا إنها بتنبسط فينا ذا الإنسانيه

هاه !!

لا لا

هونت عن إقتراحي

اخاف ان تأثيرنا يكون اقوى

في الفهاوه والدلاخه والرفاله والرباده

وتأثيرهم يكون أقوى في صغر العيون وحب الجوهر

وتطلع عندنا سلاله تحوم التسبد

همن عاد تقعد بها الإنسانيه ..

دلاخه وعيونن نقوب ..

ولا مظهر ولا جوهر ولا سوني ولا متسوبيشي

ولا حتى تويوتا يارس قيير عادي



اتمنى تعجبكم
تحياتي لكم : احلى تمساح

[ghzal]

ههههههههههههههههههههههههههههههه

اقترآآحكـ مفيد للانسآآآنيه بس يخووف شوووي مثل مآآ انت قلت

ربي يعطيكـ الف عآآفيه

[*شمري وأحبني*]

لماذا الشعب السعودي اكثر دول العالم إجازة ؟؟
لأننا اكثر شعب نستاهل
تحياتي:106:

[ام مشمش]

يسلم الملك ع الاجازات

الله يطول عمره

ويرجعه لنا بالصحه والسلامه


هو كريم ونحنا نستاهل

[حكايه سحاب]

:hahahahahah:

[طموحي في ذاتي]

هههههههههههههههههههههههههههههه :hahahahahah: عورني بطني احلى تمساح والله عندك حس فكاهه وطريقة سرد راااائعه >> متعوب عليها
زين انك هونت عن اقتراحك ههههههه
صراحه الغياب عشان تحضر عرس ياكثرهاااااا ههههههههههههههه مانقصت ماشاءالله ولا نسيت شئ

يعطيك العافية

[توتاتي]

الفهاوه والدلاخه والرفاله والرباده


ههههههههههههههههههههههههههههههه
يوووووووووووووووووووووووووووووووووووووووو
وووووووووووووووووووووووووووووووووووووووو
ووووووووووووووووووووووووووووووووووووووووووووه

ياااااااليييييييييييييييييييييييييييييل كلااااامك
طويل الله يهداااااك >>محد قااالج تقريييينة

بعدين قووول الحمد لله غيرك
((زي مااا قلت)) مااا يلاااقي اجااااازة
ياااخي ولله انكم غريبين ومااا يعجبكم شي !!!

لو انهم مووو معطينناا اجااازه كاان قلتووو
عنبووو حتى يوووم رجع الملك للسعووودية ماااا عطووونااا اجااازة ؟؟
ويووم عطوووكم تسألووون ليييش !! :(269):

بس ولله كلاااااام حلوووووو ..يااا احلى كروكوداااايل

[بنت الجبيل.]

هههههههههههههههههههههههههههههه
عليك طرح
من جد حنا ترى نحب الرااااحه و الاجااااااااازت
بس حلووووه
تاخذ اجااازه لانها بتروح زواااااج او حمولتهاا جووها
قسم لو للرقاة الشرعيين صلاحيات منح إجازات مرضيه

ان ما تلقون مداوم في مدارس البنات إلا البواب والفرّاشه و5 طالبات دافوراته
ههههههههههه
من جد

[هـمـس التميمي]

لووووووووووووووووووووووووووووووووووووووووووووووووو وووووووووووووووووووووووووووول


بس

لو تقارن الجهد المبذول والانتاجيه بالدول اللي برا

واحنا

راح تلقى اهم طبعا فعشان كذا ماياخذون اجازات كثيره


اما احنا غيير


:000:

[باسل 2020]

:d5::(204)::53: :hahahahahah:

:71: :53: :hahahahahah:


:hahahahahah:
:d5: :hahahahahah: :d5:
:53: :53:

:71: :(204):

[ولد أبهآ]

:(269): بكششششش

لي شهرين ابي رخصه اسبووع فقط مااعطووني يالي تقوول كل ايامنا اجازات ورخص :mad:
ابي اشووف امي وابوي واسلم عليهم فقط مو ضرس عقل ولا ولاده يعني لاتكبرها وهي صغيره :017:
شكلك عاطل وتحسب الناس كلها مثلك ع كيف كيفك الدنيا :(284):

كل واحد وله ضروفه لاتلوومه لو فرحه بيووم اجازه :mh318:
ومن ناحيتي والله مو فرحاان باليوم ولاله اي معني عني
سوى انه من الملك الله يطوول ف عمره فقط وانه رجع سالم فقط
اما اني مابداوم وش الفايده يوم جالس ف المنطقه جالس والله لابروح ولا بجي ف يوم واحد :bawling:

اما الطلاب معك حق ف اجازاتهم ويستاهلون اذا تبي الصدق :119:


مشكووور عالطرررح الجمييل:017:
ويعطييك العافيه :41jg: :41jg:
:hahahahahah: :mh35:

[القادم أحلا]

:hahahahahah:

[رغد الشرقية]

لماذا الشعب السعودي اكثر دول العالم اجازه ؟؟

لانه اغبى شعب لقيته الى الأن :tongue:

[ولد أبهآ]

لماذا الشعب السعودي اكثر دول العالم اجازه ؟؟

لانه اغبى شعب لقيته الى الأن :tongue:


مسويه رغد يبانيه ع غفله :hahahahahah::hahahahahah:
:(284):

[بنت الجبيل.]

لماذا الشعب السعودي اكثر دول العالم اجازه ؟؟

لانه اغبى شعب لقيته الى الأن :tongue:


ههههههههه
ليه ان شالله وانت ايش؟؟

[عزف الجروح]

:71::71::hahahahahah::hahahahahah::71::71::hahahah ahah::hahahahahah:

[وزيرة]

يقولك في اليابان إذا طولوا الإجازات يطلع الشعب يحتج !!
من عذر عقول ماشاء الله !!

[مُلهمــــة]

لماذا الشعب السعودي اكثر دول العالم اجازه ؟؟

لانه اغبى شعب لقيته الى الأن :tongue:

انت تمثلـــــــــي نفسك....................ولاتمثلي شعبك للاســـــــــــف

نحن شعــــــب مسلم عــــــــــــربي........فاين انتـــــــــــــي من هذا

نـــــــــــــــــــــــــــــــاس غــــــــــــــــــــــــــــــريبة

[بنت الأسلام]

ينقل القسم الخاص فية

[{ نُ }..]

لماذا الشعب السعودي اكثر دول العالم اجازه ؟؟

لانه اغبى شعب لقيته الى الأن :tongue:



كلامك هاذا ماله داعي ويليت تعتذرين عليه

[{ نُ }..]

والاجازة لان هاذا الشي الوحيد الي يقدرون يكافئونا فيه

[sharQwiah]

هههههههههههههههه

حرام عليك الاجازات عندنا
قليله يوم المفروض
تكون اسبوع

الله يوفقك ويجزاك خير الي حط الاجازه

[البريئة2]

:d5::d5:

رائع

[[® Hani ®]]

شكرا لكم على المرور الله يعطيكم العافيه.



رغد الشرقيه يؤسفني ردك والشعب السعودي ليس كما وصفتيه فهو اسمى من ذالك.

[مطمئنه]

سبحان الله

لاتنتقدو البنت

هذي ثقافه للاسف منتشره

وماحد شوه سمعة السعوديين كثر السعوديين نفسهم

يعني كل يوم طالع لنا واحد للاسف سعودي يكيل انواع المدايح بالشعوب ويذم شعبه ومجتمعه

حتى اصبحت فكره عامه

وينسى انه بذلك لايسيئ لنفسه فقط ويزدريها بل ويهين مجتمع بكامله

مجتمع يحوى علماء اجلاء لم يوجد في اي بقعه من بقاع العالم مثلهم

مجتمع غالبيتهم منارات للاسلام شرقا وغربا

شعب كرامته قد حفظها لهم دينهم الذي ارتضوه شرعا ومنهجا لهم

شعب لو عد النوابغ في العالم وعد نوابغ السعوديه لكانت النسبه لكان لهم نسبة راجحه

نعترف ان لك مجتمع شواذ ولايخلو مجتمع السعوديه من طائفه من الشواذ

الذين بالغو في اظهار تفاهاتهم للعالم حتى ششوهو صورتنا بين الشعوب

لكن لانكون نحن من يطعن في خاصرته بخنجر الاعداء

[رغد الشرقية]

شكرا لكم على المرور الله يعطيكم العافيه.



رغد الشرقيه يؤسفني ردك والشعب السعودي ليس كما وصفتيه فهو اسمى من ذالك.
لو الشعب السعودي اسمى من ذالك كان ماراحت فلوسنا للغرب واحنى في امس الحاجه لها
للاسف هذه النظريه اللي يرونا فيها حكومتنا الرشيده وانا اوافقهم على النظريه شغب من اغبى الشعوب وين حقوقنا كمواطنين ...؟؟

تصدق تؤمن بلله اعرف كويتيه عمرها الأن 50 سنه وعايشه في السعوديه ومتزوجه من سعوديه من مدة
وابوها في الكويت متوفي يمشي لها راتب شهري من الشؤون من الكويت منذُ اكثر من 35سنة لاحظ متزوجه وعندها عيال مايحتاج اتكلم

روح شوف قطر والأمارات كيف مرفهين..؟؟

انا مااكره بلادي بلعكس بلادي وان جارت علي تبقى عزيزه على قلبي بس ياليتها تحس فيني وتحبني زي ماانااحبها

[~Queen~]

:hahahahahah:

[روحي هو$$]

الحمدلله احنا في نعمة قولوا الحمدلله

[روحي هو$$]

اغبى شعب ليه خير ان شاء الله الحمدلله احنا في نعمة وخير وعايشين بوطن الكل يحبه وهو السعودية سعوديييييييين ونفتخر والحمدلله على سلامة مليكنا الغالي

[ẤĽSЙΪфRẪΉ]

<<<<<<<<<<<<فااااااااااااااااا :hahahahahah::hahahahahah: طـ:hahahahahah:ــسسسسسسس :hahahahahah::hahahahahah:سسسسسسسسسسسه دحك
اه ياكراعيني
الله يسعدك على هالفجره
الزبده انت................>>>>>>>>>تسذا :hahahahahah:

[ẤĽSЙΪфRẪΉ]

مطمئنه الله يزيدك اطمئنااان :(204):
عسانا مانكون ماديين بس والعافيه اهم شي :(204):

دمتى حبيبتي :106:

[تركي2011]

:hahahahahah::hahahahahah::hahahahahah:

[مُلهمــــة]

لو الشعب السعودي اسمى من ذالك كان ماراحت فلوسنا للغرب واحنى في امس الحاجه لها
للاسف هذه النظريه اللي يرونا فيها حكومتنا الرشيده وانا اوافقهم على النظريه شغب من اغبى الشعوب وين حقوقنا كمواطنين ...؟؟

تصدق تؤمن بلله اعرف كويتيه عمرها الأن 50 سنه وعايشه في السعوديه ومتزوجه من سعوديه من مدة
وابوها في الكويت متوفي يمشي لها راتب شهري من الشؤون من الكويت منذُ اكثر من 35سنة لاحظ متزوجه وعندها عيال مايحتاج اتكلم

روح شوف قطر والأمارات كيف مرفهين..؟؟

انا مااكره بلادي بلعكس بلادي وان جارت علي تبقى عزيزه على قلبي بس ياليتها تحس فيني وتحبني زي ماانااحبها


الظـــــــــــــــاهر انت مصره على اهانـــــــــــــه نفســــــــــك فيا سبحـــــان الله

"سعــــــــــــــودي والفــــــؤاد اخضر وعيون دمـــــــــــي تشهد التوحيـــــــــــد"