ندااااااء للمسؤولين عن كلية التقنيه أرجو الرد

[شموخي ماتطولونه]

السلام عليكم ورحمة الله وبركاته,,

أخواني الله يعافيكم أبي أحد يرد علي ضروري بالنسبه لكلية التقنيه للبنات هل صحيح المشروع راح يتم أو إشاعه وإذا كان راح يتم ممكن أحد يفيدني كيف راح يكون التقديم على الوظيفه في كلية التقنيه للبنات الله يعلم أنا بحاجتها ومؤهلي يساعدني بس أبقى أحد يدلني عالطريق الصحيح وأرجو الرد من قبل شخص متأكد من الخبر اللي راح يقوله ,,وشكرا

[شموخي ماتطولونه]

ياجماعه الله يعافيكم أحد يرد علي ماني عارفه كيف بيكون التقديم أحد يفيدني لو يسأل الأساتذه اللي عندكم أكيد راح يخبرونكم كيف طريقة التقديم ووين؟ والله بأكون ممنونه وله دعوه بظهر الغيب,, وشكرا

[ђżņ]

عليكم السلام ورحمة الله وبركاته

التقديم يا إختي راح يكون عن طريق موقع المؤسسه العامه

والان لا يوجد تقديم . على الاقـل لـ 6 شهور مقبله

إحتمال مع بدايه عام 1433 هـ

عموما إذا فتح التقديم لكليه التقنيه للبنات

بتحصلين الخبر مثبت هنا في هذا القسم

وبمنتديات إخرى

مثل : عاصمه الربيع .. او منتديات حفر الباطن الرسميه

موفقه إن شاء الله ,,"

[لا تكتم انفاسي]

مثل ما قال اخوووي بيكون في بدايه السنه الجديد ان شاء الله

اسال الله التوفيق للجميع

[شموخي ماتطولونه]

مشكوووورين الله يسعدكم وييوفقكم عالرد بس ماعليش أخواني أبقى أعرف أي مؤسسه المقصوده بكلام أخوي اللي قالي بالمؤسسه العامه وشكرا

[ђżņ]

العفو يا إختي

أبقى أعرف أي مؤسسه المقصوده بكلام أخوي اللي قالي بالمؤسسه العامه وشكرا

المقصود المؤسسة العامة للتدريب التقني والمهني

وهذا الرابط

http://www.tvtc.gov.sa

وإذا التقديم على رابط أخر

بيكون هناك خبر بوقت بدء التسجيل والتعليمات وطريقة التسجيل ... إلى آخرهـ

.

حاليا مافيه اي تسجيل لان مبنى كليه التقنيه ( للبنات ) لم ينتهي بعد

وقبل بدء التسجيل بيكون الخبر موجود بأكثر المنتديات

تمنياتي لكِ بالتوفيق ,,"

[شموخي ماتطولونه]

شكرا جزيلا أخوي الله يوفقك وينولك اللي فبالك...

[عزيز الحربي]

والتسجيل إن شاء الله بتاريخ 18/9

وماقصرت الست منيرة العلولا:mh001:

بالتوفيج:119:

[شموخي ماتطولونه]

أخوي عزيز مشكووووور عالمعلومه وعسى الله يوفقك بس ماعليش أبقى أسأل من وين عرفت بالخبر انا دخلت عالرابط اللي عطوني هنا ومالقيت أي معلومه تدل على أن انتهاء المبنى قريب وثاني شي ممكن توضحلي انت تقصد تسجيل الطالبات اللي راح ينتسبون للكليه أو تسجيل الاساتذه لان تسجيل الطالبات اكيد قبله راح يتم الإنتهاء من ترشيح الأستاذات ممكن تفهمني اكثر ايش قصدك ومشكووووور اخوي غلبتك معي بس والله ماحد قادر يفيدني اكثر منكم,, تحياتي

[شموخي ماتطولونه]

ايه نسيت مين منيره العلولا ماتشرفت بمعرفتها ذي؟ :(107):

[ђżņ]

ايه نسيت مين منيره العلولا ماتشرفت بمعرفتها ذي؟ :(107):



الدكتورة منيرة بنت سليمان العلولا - نائب المحافظ للتدريب التقني للبنات

[ђżņ]

أخوي عزيز مشكووووور عالمعلومه وعسى الله يوفقك بس ماعليش أبقى أسأل من وين عرفت بالخبر انا دخلت عالرابط اللي عطوني هنا ومالقيت أي معلومه تدل على أن انتهاء المبنى قريب وثاني شي ممكن توضحلي انت تقصد تسجيل الطالبات اللي راح ينتسبون للكليه أو تسجيل الاساتذه لان تسجيل الطالبات اكيد قبله راح يتم الإنتهاء من ترشيح الأستاذات ممكن تفهمني اكثر ايش قصدك ومشكووووور اخوي غلبتك معي بس والله ماحد قادر يفيدني اكثر منكم,, تحياتي


علشان توضح لكِ الصوره يا إختي

إلى الان لايوجد تصريح رسمي بموعد بدء التدريب بـ كليه التقنيه للبنات بحفرالباطن

لا أحد يعلم بوقت بدء التدريب

وحتى لو أحد يعلم بوقت بدء التدريب

فلم يتم التصريح بذلك

إذن ممكن الخبر صحيح وممكن الخبر غير صحيح

كلها تكهنات

مثلا : أنا أتوقع بدء التدريب مع بداية عام 1433 هــ

وممكن أن يكون أقرب

لم ينزل اي خبر رسمي بخصوص هالامـر لــ يومنا هذا

مجرد توضيح

بالتوفيق للجميع ,,"

[شموخي ماتطولونه]

مشكوووووور اخوي الله يسهل امورك وأمور الجميع يارب وإذا ممكن أحد من الموجودين في هالمنتدى يقدر يسأل عميد كليتكم أكيد عنده خبر إذا كانت افتتاح المبنى قريب او لا وإذا ممكن تسألونه كيف يتم التقديم على الوظايف فيه وايش التخصصات المطلوبه؟؟ وشكرا لكل من حاول يفيدني ادري طولت عليكم بس والله مالقيت أحد يرد علي بخصوص هالكليه بالذات أمرها غاااامض,, تحياتي

[ђżņ]

مشكوووووور اخوي الله يسهل امورك وأمور الجميع يارب

العفو يا إختي ماسوينا شي

وإذا ممكن أحد من الموجودين في هالمنتدى يقدر يسأل عميد كليتكم أكيد عنده خبر

مافيه أحد يعلم عن موعد فتح الكليه لا العميد ولا غيره

يمكن العمال الي يشتغلون بالمبنى يعرفون .. والعميد مايعرف

من هنا لـ 6 شهور قدام مافيه تسجيل نهائيا

لان باقي شهر واحد وينتهي هـــ الترم ويبتدي الترم الاخير

وينتهي قبل الاجازه الصيفيه

اذا فيه تسجيل بيكون بعد بمنتصف الاجازه الصيفيه

تقريبا بشهر رمضان

موفقه إن شاء الله

[ђżņ]

ادري طولت عليكم

لا طولتي ولا شي

اي سؤال عندك إسأليه هـنا أو إفتحي موضوع جديد وإسألي

وإن شاء الله بنفيدك

[شموخي ماتطولونه]

مشكوووووووور أخوي من كل قلبي أدعيلك عسى الله يوفقك وينولك اللي فبالك ويسدد خطاك

[عزيز الحربي]

مشكله بعض الاخوان يقول لم يتم تصريح بتاريخ <~ ليش يعني جايبيين شي من عندنا؟!

اعرف اثنين بلمؤسسة بالرياض يقوولون التاريخ صحيح 18/9

يااختي ماعليج اذا لج نصييب بتاخذينه وللاامانه انا عارف معاناتكم ياببنات الديره لكن شنسوي مابليد حيله عسى الله يوفقكم جميعا يارب:hhheeeart4:

[ђżņ]

مشكله بعض الاخوان يقول لم يتم تصريح بتاريخ <~ ليش يعني جايبيين شي من عندنا؟!

اعرف اثنين بلمؤسسة بالرياض يقوولون التاريخ صحيح 18/9

يااختي ماعليج اذا لج نصييب بتاخذينه وللاامانه انا عارف معاناتكم ياببنات الديره لكن شنسوي مابليد حيله عسى الله يوفقكم جميعا يارب:hhheeeart4:

http://www.hafralbatin.com/showthread.php?t=112301



انا اعرف مليون واحد بالمؤسسه بالرياض يقولون تبي تفتح بعد 100 سنه

وش رأيك ..؟

لما أقول أنا مافيه تصريح رسمي بـ موعد بدء التدريب بكليه التقنيه بحفرالباطن للبنات

فـ انا اقصد مافيه تصريح رسمي

أترجمها لك ..؟

ياعزيزي مافيه تصريح رسمي

يعني كلامك غير مؤكد

والكلام الي سمعته على قولتك غير مؤكد

بمعنى ثاني : لاتتكلم من فراق

عطنا تصريح رسمي .. ويعطيك العافيه

غير كذا لاتحدد تاريخ من رأسك أو من رأس غيرك

[شموخي ماتطولونه]

مشكورين أخواني وسواء فيه تصريح أو مافيه أكيد راح نشيك عالموقع اللي عطيتوني إياه والله يعطيكم العافيه عالمعلومات سواء صحيحه أو لا يكفينا شرف مساعدتكم,, تحياتي

[شموخي ماتطولونه]

وانا اللي ودي اعرفه تاريخ تقديم الموظفات مش الطالبات اللي راح يدرسون وايش التخصصات المرغوبه
أي واحد يقرأ موضوعي وعنده خلفيه لايقصر معانا فضلا وليس أمرا

[لا تكتم انفاسي]

انا اليوم سمعت من مصدر موثوق بالكليه

ان كليه البنات راح تفتح بدايه العام الجديد ان شاء الله

وفيها 5 تخصصات

الي عرفته منهم 3

1_ دعم فني
2_ برمجيات
3_ خياطه او تصميم الخياطه

اسال الله التوفيق للجميع

[شموخي ماتطولونه]

الله يعطيج العافيه ويوفق الجميع يااارررب

[لا تكتم انفاسي]

الله يعافيج اختي

انا رجل وليست امراء

حياج الله

والتوفيق للجميع

[شموخي ماتطولونه]

العفو أخوي ماقصدي ومشكوووور عالرد الله يجعلها فميزان حسناتك,, تحياتي