تجربة في حياتي.. [الأرشيف] - الصفحة 2 - ملتقى طلاب وطالبات جامعة الملك فيصل,جامعة الدمام

الصفحات : 1 [2]

سنتين وتعدي

2008- 12- 31, 12:30 AM

بنت ابوها دامك موجودة اثرينا بتجربتك :119:

غسق

2008- 12- 31, 12:32 AM

سنتين ..

تجربة مرة المذاق ،، كالعلقم و ربما أمر من ذلك ..

الفقد _ تجربه عصيبة لوحدها _ فما بالك إذا كان المفقود قريب لقلبك و جليس مجلسك ،،

لا نمتلك في النهاية سوى الدعاء لهم ، بالمغفرة و الرضوان ،،
و الدعاء لأنفسنا بحسن الختام ،،

أخي تواجدك أكثر من رائع ، و تجربتك مستفاد منها بإذن الله ،،
شاكرة لك تلبيتك و إجابتك ،،

ممكن سؤال << أموت و اعرف شنو أصل لهجتك ياخي غريبة شوي ... :cheese: مو ؟؟

نسيت أمراً مهماً :
أن تختار عضو من بعدك ..
عد لتختار ...

بالتوفيق جميعاً ،،

سنتين وتعدي

2008- 12- 31, 12:40 AM

غسق

2008- 12- 31, 12:44 AM

مو قصد خيوو ..
بس في المغربية تقصد المغرب ، و في بكرة تقصد الصباح بكير ،،
:cheese:
كل حاجة واضحة ، عذراً منك ..

شكراً لأختيارك ..

بنت ابوها
:love080:
فديتك لكِ حرية الأختيار ...

بنت أبوها

2008- 12- 31, 12:56 AM

سنتين وتعدي

تجربه صعبه

ومثل ماقلت

هم السابقون ونحن الاحقون

::

الله يرحمه ويغمد روحه الجنه

::

وإذا ع الاختيار اسمحلي

أتمنى تختار عضو غيري إذا سمحت

لانه ماتسعفني الذاكره بـ أي تجربه حالياً

:s11:

سنتين وتعدي

2008- 12- 31, 12:58 AM

المغربيه =المغرب
بكرة =غدا

عادي اختي خذي راحتك لا عذر ولا شي

دنيتي قلبك

2008- 12- 31, 07:30 AM

تجربة قاااسية ...

الفراق مر ...

وخصوصاً فراق الموت ...

لا عودة بعده ...

الله يصبرك يااخوي ...

وكلنا لاحقينه ... لامفر ...

امممم

غسوقتي دوبتي لهجته عاادية مثل لهجتي :cheese: صح يا شدوونه:lllolll:

ملكه بكلمتي

2008- 12- 31, 01:15 PM

سنتين وتعدي

تجربه صعبه ومريره

الله يرحمه ويعوضك ع خساارته خير أن شاء الله

*************************

بأنتظااار من تختاار

القلب النابض

2008- 12- 31, 02:11 PM

تجربة صعبه
الله يصبرك يا اخووي

بانتظار من تختار

ايميل فاضي

2008- 12- 31, 02:27 PM

سنتين...

تجربه حزينه

خصوصا امس كنت معه وبكرهـ يقولونـ ميتـ

لاحول ولاقوة الابالله...

سنتين وتعدي

2008- 12- 31, 04:50 PM

بنت ابوها ,دنيتي قلبك ,ملكه بكلمتي ,القلب النابض ,طالبه طموحه
مشكورين الله يعطيكم العافيه

اختي القلب تفضلي بتجربتك الله يعافيك

محمد القحطاني

2008- 12- 31, 05:00 PM

شف هالشي حصل لي وبعد رحنا ننام واليوم الثاني قالو ميت
والله اسبوعين مارحت للكليه ولارحت لاي مكان كنا نروح فيه سوااء
قدره والله يرحم جميع موتى المسلمين يااارب

القلب النابض

2008- 12- 31, 05:08 PM

اسمحلي اخووي
الذااكرة ما تسعفني بتجربة ان شااء الله
المرات الجااية تكوون احسن

تفضل اختار غيري :119:

سنتين وتعدي

2008- 12- 31, 05:09 PM

شف هالشي حصل لي وبعد رحنا ننام واليوم الثاني قالو ميت
والله اسبوعين مارحت للكليه ولارحت لاي مكان كنا نروح فيه سوااء
قدره والله يرحم جميع موتى المسلمين يااارب

اخوي محمد حياك الله
والله اخوي هذا موت الفجاءة كثر مرة في الفترة الاخيرة
وهذا الشي من علامات الساعه الصغرى

والله يرحمنا برحمته ويلحقنا بالانبياء والصالحين في جنات النعيم

سنتين وتعدي

2008- 12- 31, 05:09 PM

اوكي اي احد ممكن يتفضل ويحط تجربته

محمد القحطاني

2008- 12- 31, 07:39 PM

حد لاهنت ربي يعافيك

غسق

2009- 1- 2, 04:01 PM

اتمنى تحديد عضو لسرد التجربة الجديدة ،،
سنتين سأكون شاكرة لك عودتك إلى هنا ..
لتحديد اسم العضو ..

~|| A

2009- 1- 2, 04:49 PM

غسوقتي دوبتي لهجته عاادية مثل لهجتي :cheese: صح يا شدوونه:lllolll:

:hahaha_2008:

:hahaha_2008:

اييييه صح والنعم فيييك وفي لهجتك :119:

فدييييييت اهل الجنوووب كلهم من اولهم الى اخرهم :love080:

غسق

2009- 1- 2, 04:57 PM

يا حليلهم أهل الجنوب ،،
:lllolll:

~|| A

2009- 1- 2, 05:03 PM

يا حليلهم أهل الجنوب ،،
:lllolll:

فدييييييييييتك والله :love080:

انتي من وييييييييييين :mh19:

غسق

2009- 1- 2, 05:05 PM

فديتك أنا .. تشرفت بك ،،
أنا من الشرقية .. الأحساء ..
:119:

~|| A

2009- 1- 2, 05:09 PM

فديتك أنا .. تشرفت بك ،،
أنا من الشرقية .. الأحساء ..
:119:

يااااحبي للاحساااء واهلهااا :love080:

عندي وحده بقاااعتي حسااويه بس عسل فديتهاااا :love080:

ياااويلنااا من دندوووووووون بتذبحنااا :000:

سنتين وتعدي

2009- 1- 2, 07:37 PM

طيب انا حددت مرتين وكلهم اعتذروا لكن مو مشكله

ممكن الاخت شدونهـــ واذا ماتقدر او قد اختيرت من قبل الرجاء انها تختار اي واحد

ولكم الشكر .....,

القلب النابض

2009- 1- 2, 07:44 PM

شديين تعالي سدحي تجربتك
:119:

~|| A

2009- 1- 2, 07:48 PM

طيب انا حددت مرتين وكلهم اعتذروا لكن مو مشكله

ممكن الاخت شدونهـــ واذا ماتقدر او قد اختيرت من قبل الرجاء انها تختار اي واحد

ولكم الشكر .....,

:hahaha_2008: :hahaha_2008: :hahaha_2008:

حااالتك صعببببببه كل ماااخترت اعتذرووو الصبااياا :cheese:

اممم انا والله كتبت تجربتي وخلاص خلصت بس ولا يهمك بختاااار عضووووو :g8:

بختااااااااااااار توتهـ بنفسجيييييييييه وان شاااء الله ماااتعتذر :praying: :praying:

توتة بنفسجية

2009- 1- 2, 09:45 PM

مـــن عنونــي تآمرين ..بس تجربه
لو تبين روايه حطيت هع

ابدأ
أحــيم أحــيم

أذكر يوم من الأيااام
توها السااالفهـ صايره الاسبوع اللي راااح
كنت بالأكادمية وأسولف مع صاحباتي
وكاانت وحده من الربع تسولف لنا عن قصة جوالها اللي نسته اليوم
عند باب بيتهم
المهم راح الوقت وطلعنا وخلاص بنرجع للبيوووت
احم أنا عااد مليت وأنا انتظر لين اوصل للبيت الطريق طويل اكثر من نص ساعه ثلث ساعه تقريباً المهم
عاد قلت بدق عليها بسولف معاها في الطريق
طبعاص ادري انها بهالوقت توها ما وصلت للبيت طريقها مثل طريقي طويل
قلت اواسيها وتواسيني هع هع
المهم دقيت و ماردت ودقيت وماردت ودقيت وردت على طووول انا بدووون مقدماااات
يالخبله وبنك عن الجوال يالكمخه صار لي ساعه ادق عليك ما تردين .
إلا أسمعها تقول لي أنــا مــو مريــم أنــا أختها <<نفس صوت مريم الخبله والمشكله مريم كلا تقول لي كذا تبي تسوي مقلب يعني
المهم قمت اقول بلا عبط مريم الخطه بايخه وكل مره تسويها
قالت والله العظيم مو مريم
قلت اوووف منش بلا سخااافه انا ملانه ابي اسولف إلا تقول لي انا اختها
قلت والله حلفي
قالت وقسم بالله
هي اليوم نست جوالها في البيت
××!! أنا تذكــرت هي قالت لنا اليوم أنهااا نست جوالها وافشيلتاااهـ !!××
قلت لها اي صح ..أ..أنا آآآسفهـ عالإزعاااج قالت لي لا عاادي عادي قلت لها اوك انا بكلمها بعدين باي قالت باااي
أنا عصبت وتفشلت
قلت السالفه لمريم وهي ميته ضحك عليّ
قالت احسن عشاان تتأدبين ولا تستقبليني بالخبله
تدرون الفتاااة هذي رووعهـ لدرجة اني مسميتها في الجوال (( أوف كورس خبله ))
يعني احس خلاص اسمها خبله
فتفشلت يوم ردت اختها واتكلم بكل ثقه على انها الخبله

يناااس انا صرت ما ارد إلا لمى اسمع صوت اللي اكلمها عدل
حتى وحده ثانيه من الربع تقول لي شفيك يعني ماتتكلمين إلا لمى انا اتكلم اول قلت اي تعقدت خلاص
هع هع
أدري بالسااالفه تضحك وبايخه
أجل امس مدري الفجر
مت من الخووف يوم افتح احد المواضيع بقسم الاكادمية الدولية للعلــ... ألخ
تخيلو ا عنوان الموضوع هــو ___>>

فتحت أدور على البنت بين الورود الجميله وابحث في تعمق
أشوي وقسم بالله والزق عيوني بالشاشه

وفجأه الاقي اللي تخرع
ما مداني اطالع فيها قسم بالله سكرت الابتوب وحذفه
والقهر انو الاناره مقصر عليها الضوء خفيف
حسيت بقلبي حقيقي قاعد يرقص يبي يطلع
و بغيت اصيح
بس لقيت نفسي نكته وانا على طول سكرت الابتوب لاني جد حسيت اني بمووت خلااص
وتذكرت اللي ماتت بسبب مقلب في المنتدى
والحمدلله جات هالمره سليمه خخخ
ورحت قلت لصاحبتي عن السالفه في المسن
إلا تضحك علي ضحك
قلت لها لو مو خايفه عليك كااان رويتك الموضوع
قالت لي ابي اشوفه
قلت لها بيعي روحك اول عشان ما تخاافي بعدين
قالت ابي اشوفها قلت لها
متاكده قالت اي
قلت طيب ويوم شافته إلا تقول لي
طلع قلبي من مكااانه خفت من جد
بعدها كل ما نفتح سالفه غير انا ارجع من الخووف
راسلت ابو احمد على ساس ينقل الموضوع وقلت لو ينحذف افضل هع <<كنت غبيه
لاني وانا اتصفح الملتقى كل اشوي احسها بتطلع بوجهي
عاااد يوم شفت حتى أبو أحمد ضحك عليّ قلت لازم اروح اجلس واحد من اخواني عشان اشوف الموضوع
رحت جلست اخوي من عز نومه
قلت له ابي اشوف شي تعالي معاااي اخاااااف
قال لي امشي يالله بسرعه
يوم شفتها لصقت في اخوي قال لي الحمد لله والشكر بايخه ذي
قلت له شفتها قال اي طالعي عاديه
قلت له وقسم بالله لو يصير فيني شي بذبحك
قال لي كيفك وش عليّ منك انتي خوافه
قمت بشويشوي ادور وجهي لشاشه لين شفتها مسكت ثوب اخوي بقوة بغى ينشق هع هع
قال لي بس خلااص انتهت السالفه ارتحتي
هذا اللي مجلستني عشاانه قلت له( اصرف نفسي) لا قال شنو اجل قلت له ابي اسوي لي اندومي واخاف اروح المطبخ لحالي هههه
وراح بعدها نااام
والله صار اخوي الصغير يضحك علي خخخخ
الحين شبه اني محرمه افتح موضوع من هالنووووع دور وما دور
أدري هذرتي زااايده ربي يعينكم
يالله انا ابي شدونه تقول لي موقف صار لها محرج او غذا مالقت يضحك

غسق

2009- 1- 3, 07:29 AM

توتة ..
تواجد مرح ، أضفى للموضوع كثير من الفكاهة ،،
أنتبهي من المواضبع المبهمة حتى لا تتعرضي لمثل تلك الصدمة ،،
و أما الخبلة ،، حكاية جناااان :119:
الله يخليكم لبعض ..

تشرفنا عزيزتي :love080: و لكن عودي ..
لأختيار عضو بعدكِ

دنيتي قلبك

2009- 1- 3, 08:43 AM

توته ...
رائعة ياقلبي بكل الأماااكن ...
توتتي البنفسجية ...
صاحبة التميز ...
فراشتنا الرائعة ...
والله وطلعتي خوااااافة أجل اصبري اصبري أنا وحده تحب الأكشن والرعب بجننك :hahaha_2008:

توتة بنفسجية

2009- 1- 3, 04:30 PM

تسلموووون يالغلااا
انا خلاص صرت اتوقع كل شي
من اي موضوع
وبعدين حراااااااام يا دنيتي إذا بتجننيني
أنا ما سويت لك شي <<برآآئهـ
طيب انا قلت ابي شدونه
وإذا ما تقدر
دنيتي
http://m002.maktoob.com/alfrasha/up/7799132221030096921.gif

~|| A

2009- 1- 3, 04:44 PM

توووووتهـ

ماااشاااء الله عليييييك :119:

استجبتي لطلبببي بسرعــــــــــهـ ولا رديتيني :c8:

فديـــــــــــــــتك والله يااااقمــــــــــــر :love080:

اممممم اناااا كتبت تجربه ودندوووون كتبت تجربه واذاااا مااعليك امر يااااقلبي اختاااري عضوووو لم يسبق له المشااااركه بتجربته عشاااان نشوووووف ونستفيييد من تجااارب الاعضااااء الاخروووون >>>> :hahaha_2008: كلامي مكســــــر كأني هنديييييه :hahaha_2008: :hahaha_2008:

ياااااااحبي لك :119:

القلب النابض

2009- 1- 3, 04:47 PM

هههههههههههههههههه

توته ربي يعاافيك الحمد لله كانت مغاايرة هالمرة فرفشة
غيرنا موجة المووت والحزن
بانتظار من سيظفي علينا تجربته لنستمتع :119:

توتة بنفسجية

2009- 1- 4, 02:37 AM

ههههههههههه
تسلمووون والله
هذا من طيبكم
امممم أختااار منووو
أممممممممم
صعب الأختيار<<أختبار على غفلهـ
((الحقيقه))
:)

القلب النابض

2009- 1- 4, 08:54 AM

بانتظاررك لتشرفينا :119:

غسق

2009- 1- 4, 09:36 AM

سنكون بالانتظار
:119:

المدربه حصه الزعبي

2009- 1- 4, 02:50 PM

السلام عليكم ورحمة الله وبركاته..
لكي كل الشكر غاليتي توتة بنفسجية
على اختيارك لي
ولي الشرف غاليتي غسق
على المشاركه في موضوعك
انا بقولكم سالفه يمكن تكون تجربه
حيث اني لم امر في اي تجربه
ولكن ربما مااكتبه سوف يفيد كثير من الاخوات
الذين كانو يعانون مثل ماانا كنت اعاني
************************************************** ****************
السالفه اني كنت غير شخصيتي التي انا فيها الان
كنت انسانه متشأمه الدرجه كبيره
ولا احب ان اختلاط في اي انسان في الدنيا
يعني كنت بعيده عن الله قليل" مع اني كنت ملتزمه الا ان كان ايماني في الله قليل وكنت اتشائم من كل شي
ولا اتوكل على الله في اي شي
كنت امل من الدعاء استغفر الله
وكنت اقوال انا ادعي ربي ولا يستجاب لي وغيري يستجاب له
كنت في غباء كبير
وكنت انطوى على حالي
وابتعد عن الناس والدنيا كلها
وكانت معاملتي لي غيري غير جيده كنت دام عصبيه واتملل من كل شي
حتى وصلة الدرجة الغباء الحقيقي
واصبحت افكر في امور خطيره قد تضر نفسي
وفكرت في مغادرة الحياة
شفتو كيف كان الشيطان شاطر في انه لعب علي
وطالب مني اتخالص من الحياة
لم استيقض منه الى عندما سخر الله لي احد الاخوات
عرفتها من منتدى
وكنت كل مااقوال لها شي عن الحياة
والملل الذي اشعر به
و عن الاحالته التي امربه
كانت تقوال لي استغفري
اكثري من الاستغفار
وكانت تقوال لي مقواله
انا اعتبرها الان حكمه لي في حياتي
وهياء (أذا تقدم الانسان بثقه نحو أحلامه فأنه سوف يجرب نجأحا"ليس لهو وصف في أوقأتن كثير )
وقامة هذي الاخت في توجيهي الاتحاق في دورة التطوير الذات
والان انا في احسن حال
والتحقت في اكثر من دوره واصبحت امتلك 7 دورة
واما الاستغفار هو صديقي اينما اكون
لا يفارق لساني
وقراءة عدة كتب ساعدتني في تغير شخصيتي و محبة الحياة من جديد
وهذي الكتب هي
* كتاب التغيير ( بقلم سيندى هاينز)
*كتاب حياة من أجل الحب ( هنادي زيدان)
عدألى نفسك واجعل الآخرين يحبونك
* كتاب قانون الجذب (مايكل جيه .. لوسيير )
الحصوال على المزيد مما تريد والقليل مما لاتريد
* كتاب افاق بلا حدود ( الدكتور محمد التكريتي)
* وكتب جيب صغيره ( البرمجة اللغويه العصبية ..تسوية الصراعات .. النجاح الشخصي )
وكانت هذي الاخت سبب في تجديد حياتي وتغيرها بعد الله عز وجل
وكانت حياتي الاماضيه تجربه وذهبت في حالها
واصبحت شخصيه تحب العلم والتعلم
والحمدالله على كل حال
والكم مني كل الشكر وتقدير
وعلمو ان الله مع العبد اين كان
وانا في الاستغفار تستطيع تحقيق كل شي
وفي محبتك الاخرين تحقق السعادة
وتكون صداقات رائعه
ودمتم
وان شالله اكون سطرت الكم تجربه من حياتي حيث لااملك سوء هذي التجربه:d5::d5::d5::d5:

واترك اختيار الاشخصيه التي بعدي لختي
غسق

بنت أبوها

2009- 1- 4, 08:10 PM

الحقيقه

تجربتك صعبه

بس الحمد لله اللي ربي سخر لك

الانسانه اللي يحبها

ومافيه مثل الاستغفار

::

بالنسبه لي اكره التشاؤم

وأحاول قدر مااقدر

احفظ امثال ومقوالات فيها

فرح ووناسه وتفاؤل بنفس الوقت

علشان ربي يعطيني اللي نفسي فيه

لان رب العالمين قال :

( أنا عند ظن عبدي إن خيراً فخير وإن شر فـشر )

::

تجربتك نهايتها حلوه

والحمد لله اللي اتجهتي للطريق الصح

ومافيه احد منا مامر بطريق يميله لنا الشيطان

الحقيقه

ربي يحفظك ويحميك

ويزيدك خير وخير

::

بنت أبوها

2009- 1- 4, 08:12 PM

توتة بنفسجية

2009- 1- 4, 11:03 PM

توتة بنفسجية

2009- 1- 4, 11:06 PM

توته بنفسجيه

ماعليه توني اقرأ تجربتك

والله ضحكت من قلبي

:hahaha_2008: :hahaha_2008: :hahaha_2008:

تجاربك كلها حلوووووهـ

فيها فرفشهـ

واكتشفنا برضوو انك خوااااااااااااافهـ :lllolll:

وأنتظري اكشنات دندوووش
http://sl.glitter-graphics.net/pub/1152/1152988f1e4jul50e.gif
دوووووووم هالضحكه يارب
وعيونك الحلوه
__ _ __ _ __
اهئ اهئ حرااام عليكم
وش ناوين عليه انتي وندوووش
اخااف تذبحوني
http://sl.glitter-graphics.net/pub/1152/1152988f1e4jul50e.gif

غسق

2009- 1- 5, 06:32 AM

الحقيقة ..
كان لتجربتكِ وقعٌ مميز . لأول مرة يحط برحالهِ على هذه الصفحات ،،
أنا اعتبرها شجاعة منكِ الأعتراف بذلك ،،
لكنكِ بحق رائعة في تخطيها و تجاوزها .. و التغلب على طباعكِ ..
اتمنى لكِ كل الخير و التوفيق بإذن الرب ،،
و شاكرة لكِ تلبيتكِ و تواجدكِ بيننا ،،
شكراً جزيلاً لكِ ،،

بما أنني مخولة للأختيار من قبلكِ .. سأعود بالاختيار قريباً ،،
تحياتي:119:

المدربه حصه الزعبي

2009- 1- 5, 06:32 PM

هلا غاليتي
هذي تجربتي والكن الان اعتبرها ماضي قد ذهب في حاله
ونسيته ونشغالت في حياتي الجديده
حياة طالب العلم ونشره بين الاخوه والاخوات
والله يعطيكم العافيه
ومشكوووووووووووورين
ودمتم:d5:

غسق

2009- 1- 5, 08:21 PM

العفو فديتك
ولو .. تمونين ،،
ياهلا فيك ..
نتشرف باستدعاء القلم المبدع / طفلة من زمن آخر ،،
تتحفنا بإحدى تجاربها ..
:119:

توتة بنفسجية

2009- 1- 5, 08:47 PM

http://www.9o9i.com/download/23348b48ba6d3c40.gif

نحــن في إنتظار قلمها

http://www.9o9i.com/download/23348b48ba6d3c40.gif

طفله من زمن آخر

2009- 1- 6, 01:52 AM

أهلا عزيزاتي .. أعزائــي

أحرجتـوني جدا باختيــاركـم لي ..

لي عوده أعدكم بعد ساعـات أو يزيدون ..

و ذلك بسبب الإختبــارات ..

دمتـم رمزا للرقـي:119:

ايميل فاضي

2009- 1- 6, 01:31 PM

بالانتظااركـ.....

توتة بنفسجية

2009- 1- 6, 01:46 PM

http://www.alnoornet.net/ourfile/sayda/alnoor39.gif

نحن في الأنتظار
وربي يوفقكـ ويسهل

الأختبارات

تحياتي توتة بنفسجية
http://www.alnoornet.net/ourfile/sayda/alnoor38.gif

بنت أبوها

2009- 1- 6, 02:01 PM

بـ أنتظار طفله من زمن اخر

:: .. ::

المدربه حصه الزعبي

2009- 1- 6, 02:47 PM

بنتظارك غاليتي:g26:

دنيتي قلبك

2009- 1- 7, 12:45 PM

طفلة عزيزتي ...

أين أنتِ؟؟

هجرتي كل الاماكن !!

عودي كما عهدتك ...

ممرضه 2008

2009- 1- 7, 06:02 PM

والله حركااات عجبني الموضوع

القلب النابض

2009- 1- 7, 06:31 PM

الحقيقة
تجربتك بدايتها صعبه
والحمد لله تخطيتي اسوار التشااؤم
بانتظار طفله

غسق

2009- 1- 8, 07:05 AM

طفلة من زمن آخر ،،
طال الغياب عزيزتي .. لا نزال بالإنتظار ..
:119:

ملكه بكلمتي

2009- 1- 8, 10:30 AM

بأنتظااارك طفله من زمن آخر

ممرضه 2008

2009- 1- 8, 12:37 PM

اكتب عنك غاليتي طفله <<<<<نفسها تكتب تجربتها

طفله من زمن آخر

2009- 1- 8, 05:06 PM

مســاء الـخـيــر ,,

عـذرا على التــأخيــر ..,

لـي عـوده بعـد دقــائــق بإذن اللهـ:119:

طفله من زمن آخر

2009- 1- 8, 05:31 PM

الـسـلام علـيـكـم و رحمـة الله و بركــاتــهـ ..,

أعتـذر مـرة أخـرى على تــأخري .. و لكـن الـظروف كـان لهـا النصيب الأكبـر من الأسبــاب ..

عـزيـزاتي / أعـزائــي ..,

لم أشــاء أن أكتب تجـربـة في حيـاتـي ( لمـجرد الكتـابـه ) أو التـسـليـه و قضـاء وقت ..

بـل أردت أن أكتب شيئـا ربمـا يكـون حـجـةً لـي يوم القيـامـه ..

ولآخـذ منهــا العبـره و أتعظ قبـل أن يتـعض بهـا القـاريء

صـدقـوني .. فـقـد كـانت من أصعب و أمـرُ تجربـة قـد عشتــهــا ..

لأنهـا المـرة الأولى في حيــاتــي التي أفقد فيهـا عزيزاً الى الأبــد .,,

لا أريــد الإطــالــهـ ..

و اليـكــم تجربتــي التـي عشتهــا .. و لكـن على لســان ابن .. خالتـي .رحمها الله .!

( عـشـت هذه المـأســاة .. بكـل تفاصيـلهــا ) ..,

الموت حق على الكبير والصغير ولكن ان ترى اعز انسان يموت امامك كل يوم الف مره شي لايصدقه عقل ولايحتمله انسان الا من ثبته الله لقد ماتت الغاليه اكسجين الحياه امي ماتت بمرض فتاك من اخطر انواع السرطان السرطان المسخي الفتاك سرطان ثلاثي سرطان الغده الدرقيه ثم الرئتين ثم الدماغ
لقد احترق قلبي بين الضلوع أمي ماتت وان طفت كل الشموع ماتت امي وتركتني كأني طفل يتيم... الدموع الي من عيني تحرق الخدود ....والقلب ينزف ماله علاج
.............................. ..............................

امي كانت حنونة علينا كثير كل يوم تتصل علينا بالهاتف تجلسنا للمدارس ولصلاة الفجر والجمعه وتتصل بالليل
تسأل عنا وعن أخبارنا تحب الصغير والكبير قلبها ارض خضرا
كل من يجلس معها يأنس سبحان الله كان فيها ميزه صعبة لا توجد إلا في القليل من الناس ما تعرف الكره حتى ولو ظلمها احد تسامح حتى لو يأكلون حقها إذا قلنا لها يمه أفلان ظلمك قالت الله موجود
وإذا قلنا يمه خذوا حقك قالت وسخ دنيا
دايم تصلي وتقيم الليل كل ليلة وتداوم على سورة الملك ولا تحب تكلف على احد ولا تحب احد يخدمها ولاتشتكي لأحد حتى يوم شد عليها الألم نسألها يمه شلونك قالت الحمد لله ...
..............................

مرض الوالد وتحدرت علينا ابوب الحزن ) عام الحزن(
من أربع شهور ابوى مرض الله يشفيه وكانت اهيا اللي ترعاه لان ابوى رافض احد يخدمه غيرها وكان . يقضى حاجته أكرمكم الله على فراشة واهي الي تنظفه والله ما كانت تشكي منة ولا من ريحته كانت صابره محتسبة لانها كانت تحس بالوالد ولانه ادخل خلال ثلاث شهور العنايه المركز ثلاث مرات واخرتها سبحان الله خرج الاطباء من غرفة العنايه اشبه بالمعزين الكل يقول لم تبقى الا رحمة رب العالمين وركبو عليه جهاز التنفس الصناعي ودخل شبه غيبوبه خمسة ايام حتى تحسنت حاله عشان كذا كانت رحمها الله رحمة واسعه تحس فيه غير كذا عشرة عمر على الحلوه والمره
المراد كان فيها ورم صغير فوق الغدة الدرقية من اربع سنوات ومن كثر ما كانت تخدم ابوى وتقضي حاجتة كبر الورم بشكل مخيف حتى الأطباء استغربوا كيف يكبر خلال شهرواحد بهذا الحجم لقد نشط الورم بشكل مفجع
بعدها أمي شدة عليها الآلام وديناها المستشفى ونوموها وعلى طول سوو أشعه طبقيه ويالي هول ماراو حصلوا الورم انتشر في الراس والرئتين ....
أول أسبوع في المستشفي كانت تتالم .مرة صداع .مرة الم في الصدر وكانت تقيم الليل رغم الألم الأسبوع الثاني زاد الألم وأخواتي وزوجتي الله يجزيهن خير الجزاء ولا لهن فضل على امهن كانو ينتناوب على أمي كل كم يوم تجي وحده
..............................................

فلما رايت حال الوالده كتبت هذه الكلمات البسيطه آه يايمه

آه واويلاه كيف بابدأقصيدي وانظم القوافي = الفكر حاير والقلم عيا في يديه
آه واويلاه من شدة احزاني و همومي = ابوي عليل وامي حالتها عصيه
آه يابوي مدري وين مسيرتنا الاقداري = المقدر مقدر وحالتكم عصيبه
آه يابوي كيف بتصبر فرقي امي = لله المشتكى ومالنا غيره دعيه
يابوي من حالكم شاب شعر رأسي = ما ارتجى الا من الله المثوبه والعطيه
آه يايمه الحزن كله سكن قلبي = لي في كل ثانيه حياه شقيه
وهمومي يايمه مستقره في حشى قلبي = اطرحتني من كل الجهات السويه
يايمه لو صبرت الجبال على حمل البراكيني = انا ما صبرت على فرقكاك دقيقه و ثانيه
دموعي تحدرت كما حمم بركاني = يوم سمعت الخبر قلت انا جاتني المنيه
كيف بصبر وصوتك الفجر يصحيني = كيف بصبر وصوتك يصحيني لصلاة الجمعه الهنيه
لا ذكرت حنانك هاجت عليه همومي = انتي الحنان كله وماله غيرك عطيه
ولاذكرت لعبتي وانا في طفولتي = اصيح بعالي الصوت يارب ترحم امي العطيه
يايمه بيتك بكي على فرقكاك واسمع له ونيني = سجادتك وغرفتك يشهدون عل تسبيحك لرب البريه
يايمه سامحيني على تفريطي وتقصيري = مالي غيرك يفتح لي الجنان العليه
فديت رجولك الثنتين ياحشى جوفي = فديتك ثم فديتك ثم فديت روحك يابنت المريه
يايمه والله لولا الحيا وجسمك النحيلي = كان عد لطفولتي وجلست في احظانك الدافيه

.............................................
.................

خلال هذه الفترة ثلاثة اسابيع وأمي تنام على جنب واحد لان الورم انتشر وصار في الراس ما تتخيلون الألم الي تشعر فيه كنا كل يوم نبكي عليها بحرقة لاننا كل يوم كنا نشوفها تموت وتحيا،
قرر لها الاطباء العلاج بالاشعاع اولا ثم الكيماوي لمحاصرة الورم قدر المستطاع ولكن امي كانت لاتعلم بنوع الورم لان الاطباء كانو حريصين كل الحرص على انها ماتعرف شو نوع الورم اللي معها خوفا على نفسيتها
،تشاورت كثيرا مع الاطباء فقررو على ان يبدؤ بالعلاج السبت 28\6\2008م حضر الاطباء وقالو لها سوف نعملك اشعه تخفف عنك ضيق النفس اللي تشعرين فيه ،وبعد خروج الاطباء قالت ياولدي وشي الاشعه اللي فيها علاج فقلت لها اذا انتي خايفه استخيري الله وفعلا صلت الاستخاره
ويوم السبت جاء الطبيب وذكر انا هناك عطل في جهاز الاشعه وتم تأجيل الموعد ليوم الاحد حمدت الله امي،ونامت وكنا نظنها نايمه ولكنها دخلت في شبه غيبوبه وحضر الطبيب اليوم الثاني فراها لاتتحرك وحاول يجلسها فقلنا له على حالها من خمس ساعات لاترد على احد بس تكبر وتصلي ......
.من هنا دخلت رحلت الصراع مع المرض وكان ذلك في الأسبوع الثالث أمي صارت تاخذ النفس بصعوبة بالغة والله نشغل مروحة ونهف عليها بالكرتون.........
والمكيف بارد حتى نتجمد من البرد ..وأمي مليانه عرق كنا نقرا عليها القران بدون انقطاع ونتصدق كل يوم وكان الدكتور يستغرب يقول أمكم هذي شلون تتنفس طول هذي الفترة لانها حسب الاشعه كما ذكر الاطباء ورايتها بعيني لايوجد 1سم سليم في الرئة والاطباء بين مصدق ومكذب لان النفس بالجهاز ممتاز
طبعا هذا بفضل الله عليها ثم القران والصدقات واعتقادها بكلام سيد المرسلين الحبيب صلى الله عليه وسلم بشأن حليب الابل والوزر ( البول) كنا نعطيها يوميا مايقارب 120 مل من الوزر اما الحليب فكانت تشربه باستمرار لكن امر الله كان نافذ لامحاله غير ذلك لم نبدء بالحليب والوزر الا بعد اكتشاف المرض
المراد

يااخوان الورم على الرقبة كان حجمه9سم *7سم وكان مسوي اختناق على الرقبه من ثلاث جهات وكانت تجد صعوبه جدا جدا في البلع ...وهذا الاختناق بس الاسبوع الثالث من مكوثها في المستشفي في أخر الأسبوع أمي اختنقت كثير وقالت لي احد الاخوات نادي أخوك بسرعة لان أمي كانت تحبني كثيرا الله يرحمها ونادي أخوانك كلهم
اتصلت اختي وكانت تبكي ومنهارة وجيت انا الا امي غيبت قعدت ابكي واقبلها واقول لها يمه سامحيني يمه إنا احبك يمممممممممممممممممممممممه غيبت امي خمس ساعات والله كنت اذا قربت من اذنها وقلت لا اله إلا الله ترفع إصبعها وهي مغيبة جاو خواني المغرب حاولوا يصحونها والدموع تملا العيون والآهات تملا المكان يمه يمه ردي يمه قومي وسط ذهول الجميع امي تكبر وتصلي وهي مغيبة والله ثم صحت يمه وش اتسوين قالت أصلي ..............

بعدها صحت ترد بس ما تحس بأحد إذا قرينا الأذكار رددت إذا هللنا هللت وبعدها بيوم تغيب وتصحا وصلت مرة ثانية وهي مغيبة ما تحس إلا إذا كلمناها يمه انا فلان حركت يدها حركة خفيفة في صباح الجمعة
كانت أختي عندها قالت لها نادي أخوك واتصلت علي وجيت مسرعا.. لما وصلت قالت له أمي بموت أنصدمت
وقفت مكاني وقلت لها يمه إن شاء الله بطيبين وكان وقت صلاة الجمعه بدت الخطب في المساجد
قلت لها يمه بروح اصلي سكتت قلت شوفي ماراح اطلعي لي تسمحيني لي والا ماراح اطلع
اشرت بيدها بالخروج قبلت راسها وبعد الصلاة رجعت لها وجدت خواتي جالسين يبكون طبعا انا ماقلت لاخواتي
انا امي قالت بموت اليوم ، قالت امي ابي دكتور نادوه بسرعة نادينا الممرضة وجات وشافت الضغط قالت زين ثم شافت النفس وشفته انا ضنيت الجهاز خربان صلحت الجهاز الممرضة تبي تتأكد طلع الجهاز سليم النفس 70 ومفروض 100 الكل صرخ يمه يمه الممرضات يركضون يغيرون جهاز التنفس النفس صار 40 والبكاء شد وسبحان الله رجع 80 في لحظات وصار العصر والأمور على ما هي والكل ماسك القران ويقرا كنا تسعة الكل يقرا وينفخ عليها وهي مغمضة وتقول تعبت تعبت ويوم جا المغرب صار النفس 60

في ها لحظة قرات عليها الأذكار كلها وكانت تردد وراي وهي في سكرات الموت
وفي حاله ما يعلمها إلا الله وكان الكل يقراالقران ويبكي مثل الطفل الي خذوه من حضن أمه
ويوم صارت الساعة 8 العشا سمعتها الأذان من الموبيل ورددت ورا الأذان كله وقرت دعاء الاذان
و بغمظه عين والله الذى لا الة الاهو صار النفس صفر وهو مفروض ينقص بالتدريج صار صفر
( الساعة 8 فتحت عينها بشكل غير طبيعي وقفت بسرع على رأسها قامت اختي الكبيره تقرأ عليها سورة يس اعتلى في الغرفه الصراخ وجات لحظة الوداع المريره الكل يصيح ،
حاولت اهدى من روعهم ولكن الفراق صعب الممرضه بكت فمابالكم بابنائها اختي صرخت يمممممممممممممه يمههههههه لا تهدينا وتروحين وطاحت على الرض انا شعرت باالدنيا تدور وصرخت اختي الاخري يييييييمه يمهههههه لاااااااااااا وطاحت على الارض الكل يبكي الكل يتألم وبعد ساعه جات الممرضة وصبت عليها ماي
ولبستها الكفن ويالها من لاحظات والله الذي لااله غيره تغير وجه امي المنتفخ المتألم الى وجه راضي والله ورب السموات والارض امي تبسمت ونور وجهها لا اله الا الله وظهرت اسنانها وبعد ربع ساعة من موتها
والله رفعت السبابة بشكل مرتفع وصرخت الله اكبر الله اكبر امكم تضحك وترفع السبابه
غسلت خواتي امي والله وهي تضحك والسبابة مرفوعة رافعه الكفن والوجه مضيئا اختفت تلك التجاعيد
، وبعد ماانزلتها للقبر مع اخي وبن خالتي رايت عجبا بعد ما كشفت الغطا عن وجهه قلت سبــــــــــــــــــــــــــــــــحان الله ســـــــــــــــــــــــبحان الله سبــــــــــــــــــــــــــــــــــــــــــــــــ ـحان الله وخرجت من القبر ابكي افرح
كدت ان اصاب بالجنون كأن نور خرج من وجهها وابتسامه غير والله غير اللي شفناهه في المغسله الضروس كانت واضحه لسان حالها يقوق عجلو بدفني
هنيئا لكككككككي يااماه هنيئا لك امااااااااااااااااااه

.................................................. ..........

هذه الابيات كتبتها اثناء مرض الوالده في اخر ربعة ايام لانني رايت في المنام ان كبشا واقفا فعرفت بقرب اجل الوالده

جهزوا لى الكفن واقروا عليه سورة ياسين = يا حسرتي يامحمد فجأتني المنيه وانا في السبعين
الموت يا محمد له كرب كما وصف سيد المرسلين = والكرب يامحمد نزل بي وكثرو لي المصلين
ولاغديت للمغسل رشو عليه المسك والعنبر والرياحين = ولانزلت في قبري قولو على سنة خاتم النبيين
ولا راحو المشيعين لاتنسوني بدعاء سيد المرسلين = عسى الله يامحمد يثبتني عند سؤال الملكين
ولاصرت في لحدي لاتنسوني من الزياره في كل يومين = ويامحمد بوصيك وصيه عساها تنفعني ليوم الدين
الله الله الله ثم الله الله الله بوالدكم سيد الطيبين = واكثروا لي من الدعاء والصدقه كما وصانا خاتم النبيين
ابشرى يايمه بسعدك ونامي نوم العروسين = ابشرى والله بكثر الاعمال الصالحه ولا بناسين
يايمه لو تشوفين اعداد المصلين والمعزين = لقلتي الله اكبر الله اكبر تبارك الله احسن الخالقين
يايمه نثـرت على قبرك دموعي من القلب الحزين = ذقت الحـزن وهم يحملونك فوق نعـشِ الميتين
يايمه كل يوم انادى واقول بعد ساعه ترجعين = وطال الزمن ولاانتي جايه ولابقى لنا الا الذكرالحزين
وتحدرعلينا الحزن باب ورا باب ونحن صابرين = راحت اللي ظلها علينا ممدود وغيثها صباب مبين
اعطتنا من حنانها وفاضت روحها لرب العالمين = كل يحبها ومحد ذكرها بسوء عساها في عليين

محمد مهنا المنصوري

* رحمك الله يـا أغلـى النــاس .. رحمك الله يامن كنت لنــا كـل شـيء ..,

المدربه حصه الزعبي

2009- 1- 8, 06:32 PM

يالله من تجربه والله نزالت دموعي وانا اقراءها:Cry111:
تجربه قويه حيل حيل
الله يرحم خالتك
ويعظم اجرك
واسأل الله الكم الصبر والاجر بركم فيها
واسال الله الشفى المرضى المسلمين اجمعين

ايميل فاضي

2009- 1- 8, 08:38 PM

تجربه حزينه...:Cry111:

وفيها مايستفاد ايضاً...

الله يعطيكـ العافيه...

القلب النابض

2009- 1- 8, 10:30 PM

تجربة مريرة
نزلت دممووعي
الله يحفظ امي من كل سوووء وجميع الامهات
والله الفراق صعب
الله يصبركم

بانتظار من تختارين بعدك:119:

بنت أبوها

2009- 1- 8, 11:10 PM

والله بكيتيني :Cry111:

الله يرحمها ويغمد روحها الجنه

تجربه مريره وصعبه

يارب أحفظ امي من كل سوء

وامهات المسلمين كلهمـ

:011:

طفله من زمن آخر

2009- 1- 9, 12:40 AM

اللهــم آمـيــــــــــن ..

شكـرا لكـم جميعــاً

بصراحه ما اعرف مين اللي شارك بهالموضوع بالضبط ..

و لكن اختــار دنيتي قلبـك:119:

غسق

2009- 1- 9, 07:41 AM

الـسـلام علـيـكـم و رحمـة الله و بركــاتــهـ ..,
و عليكم السلام و الرحمهـ ، صباحك خير ..

أعتـذر مـرة أخـرى على تــأخري .. و لكـن الـظروف كـان لهـا النصيب الأكبـر من الأسبــاب ..
لا حاجة للإعتذار ، حصل خير ،،

عـزيـزاتي / أعـزائــي ..,

لم أشــاء أن أكتب تجـربـة في حيـاتـي ( لمـجرد الكتـابـه ) أو التـسـليـه و قضـاء وقت ..

التجارب عندما تعرض هنا ، لا تكون بمقام التسلية ، و لا بمقام مجرد القراءة ، كثير مما تقدم كان لتجاربهم وقعٌ خاص و مميز ..

و متيقنة بأن لتجربتك نصيبٌ من ذلك :119: ،

///

إنا لله و إنا إليه راجعون ..
حكاية مؤلمة جداً .. و التعايش معها صعب ..
حمى الله كل الأمهات ،

طفلة ..
لتواجدكِ جمال ، و لتلبيتك الشكر ..
كل الشكر لتواجدكِ ..
:119:

و الآن بانتظار دنيتي ،،

دنيتي قلبك

2009- 1- 12, 06:32 PM

طفلة عزيزتي أبكيتني ...

رحم الله خالتك وأسكنها فسيح جناته ...

وصبر أبنائها على فراقها ...

أعتذر عن كتاباتي لأنني سبق وكتبت ولا يوجد ببالي أي شيء

سأختار امممم أبي أحد جديد

ختار واايت روووز

ترآنيمـ الروح..}

2009- 1- 12, 07:29 PM

:c8:

دنيتــــي أحرجتينــي بأختياركـ لي,,,

لـــي عـــودهـ,,,

ترآنيمـ الروح..}

2009- 1- 13, 02:14 PM

أشكـــــــركـ أختي دنيتي قلبكـ
على اختياركـ لي,,,

ياكثـــــر التجارب اللي مريت فيهم:cheese:

بس أصعــب تجربه مريت فيها بحياتي

هــي وفـــاة أختي اللــهـ يرحمها ويغفرلها,,

كانت كل شي بحياتي,, كنت أحبها مررره ومتعلقه فيها
كانت امي واختي وصديقتي ودنيتي كلها,, كنت أحبها أكثر من أمي
لأنها كانت تهتم في اكثر من امي كانت تدلعني وتلبي كل طلباتي
لكـــــــــــــن جى اليوم اللي فقدتها واندمرت حياتي بعدها:bawling:
رحنا يوم نتمشى وكنا مبسوطين وهي كانت تحس بأنه اخر يوم
لها بالحياه واحنا كنا نقول لها تفائلي بخير وان شاءالله مايحصل شي,,
المهم بعد ماتمشينا واحنا راجعين بالطريق صار علينا حادث وانقلب
الصالون 3قلابات واختي طلعت من السياره وكان بحضنها بنت اختي عمرها
شهر و20يوم وماحصلناهم الا تحت السياره بنت اختي توفت وقتها واختي
كانت تتألم وكلها جروح واخوي على الشارع متكسر والدم ينزف منه وامي طلعت
تطلع بنت اختي من تحت السياره وانا واختي الكبيره بالسياره ماقدرنا نطلع لأن ابواب
السياره عيت تنفنح بعد الحادث بعد فتره جوا الأسعاف وتجمعوا الناس وفتحوا لنا
الابواب وطلعناورحت عند اختي وشفتها تتألم وقمت أصرخ وابكي مرره واخذوها
على المستشفى وحنا وراهم اول ماوصلت المستشفى توفت على طول
شفتها تحتضر قدام عيني وصرخت وكنت اقولها تكفين لاتموتين وتخليني
لحالي تكفين انا مالي غيرك لاتخليني ,,تجمعوا الدكاتره وحاولوا ينقذوها لكن قدر الله
وماشاءفعل,, توفـــــــــــت:bawling: وياليتني توفيت معها,,
راحــت وخلتني بهالدنيا ضايعه,, فقدتها وتجرعت المرااااااار بعدفراقها
تمنيت ترجع لو لحظه ,, من بعد وفاتها لحد الأن ماعمري حسيت بالسعاده,,
والراحه ,,
اللــــــــه يـــــــــرحمها ويغفرلها ويدخلها فسيــــح جناتهـ,,,,
هذهـ أصعب تجربه مريت بها في حياتي,,,

دنيتي قلبك

2009- 1- 13, 02:21 PM

الله يرحمها ويغفر لها إن شاء الله ...

تجربتك جداً صعبة ...

عزيزتي .. أطلبيلها الرحمة ...

وأدعيلها دموعك مابتنفعها أبداً ...

***

عودي لأختيار العضو/هـ الجديد

ترآنيمـ الروح..}

2009- 1- 13, 02:51 PM

جعــــــلكـ ماتفقدي غالي عليك دندووونهـ,,,

اللــــــــهـ يرحمها ويغفرلها,,,:praying:

أختــــــــار,,,

دمع حبي ولادمعــي,,,

القلب النابض

2009- 1- 13, 03:40 PM

تجربة مريرة
الله يرحمها ويسكنها فسيح الجنات
ويصبرك عزيزتي
المتني تجربتك

دمع حبي ولآ دمعي

2009- 1- 13, 06:31 PM

شكرا لإختيارك لي عزيزتي وايت روز

سبق لي كتابه تجربه وليس لدي شيئ لأكتبه الأن ..

أعتذر عن الكتابه الأن فوقتي ضيق ..

اسفه حياتي روز ان شاالله المره الجايه أكتب .. نفسيتي ماتساعد هالمره ..

أ

ღMs.Kღ

2009- 1- 13, 06:41 PM

طفله من زمـــن اخر

تجربتكم جداً مريرررره:Cry111::Cry111::Cry111:

والله يرحمها .. ويرحم جميع امه محمد

الله يلهمكم الصبر والسلوان:Cry111:

white rose

قصتك جداًً مريرهـ:bawling:

اللهمك الله الصبر والسلوان

وان شاء الله ماتفقدي حبيب

<== تقبلي مروري:119:

ٍShy Moon

2009- 1- 13, 06:44 PM

خيتووووووووووووووووووو
"روووووووووووووووووووووووووز"
فديت قلبك ورووووووووووووحك يالغاليهـ
الله يرحم إختك ويغفرلها,أدعي لها يختي بالرحمه
الله يصبرك:praying:

ترآنيمـ الروح..}

2009- 1- 13, 09:23 PM

القلب النابض,, m s k ,, شاي مووون,,

تسلمـــــــون وجعلــكم ماتفقدوووون غالي عليــكم,,,
اللهم آميـــــــــــــــن,,,

خيتـــــــووو دمـــــــــع,,,
قبلت اعتذارك,,
الله يوفقكـ قلبو ويعينكـ,,,,

القلب النابض

2009- 1- 13, 09:51 PM

اذا احترتي عزيزتي روز فيمن تختاارين
انا افضل ان تختااري ممرضة 2008 لان سبق لها انها ابدت موافقتها
في عرض تجربتها لكن ما من مرشح
تفضلي بالترشيح لها والامر يعود لك اذا اردتي ترشيح اسم اخر

ترآنيمـ الروح..}

2009- 1- 13, 10:47 PM

فديتـــكـ نبـــض والله كنت محتارهـ,,,:cheese:
أختـــــــار ممــرضـــه 2008,,,

ممرضه 2008

2009- 1- 13, 11:13 PM

لي عودة قريبا
احرجتوني

ايميل فاضي

2009- 1- 13, 11:13 PM

الله يرحمها ويغفر لها إن شاء الله ...

تجربتك حزينه ..

عساها تكونـ اخر الاحزان..

بالانتظار ممرضه 2008

القلب النابض

2009- 1- 14, 04:34 AM

رووزه لا دااعي للشكر
بانتظارك ممرضة
لا تتاخري >>>والا ستدفعين غرامة تاخير
:119:

ممرضه 2008

2009- 1- 14, 07:46 PM

بسم الله الرحمن الرحيم
السلام عليكم ورحمة الله وبركاته
تحيه طيبه مني لكم
كيف حالكم <<<<اخلصي واكتبي وبلا هدره

الحياة مثل ماتعرفون مليئه بالاحزان واالافراح
راح ابدا لكم قصتي مع صديقتي المقربه التي دام عمر هذه الصداقه 9سنوات
راح تكون قصتي قصيره جدا
اول ماتعرفت ع صديقتي كنت في ثاني متوسط ولما انتقلنا الى مرحلة ثالث متوسط انتقل ابيها الى رحمة الله وكنت معها في حزنها
ولكن القدر ايضا شاء ان ياخذ شخص اخر من عائلتها وهو اخيها كان شاب في القرن الثاني من العمر وايضا انتقل الى رحمة الله
وكنت ايضا معها في حزنها
لكن شاء القدر ان يفرقنا نحن
اخر شي حدث توفت جدتها في هدي السنه ولم اكون جنبها فحزنت حزنا بل قاطعتني من بدايه شهر دي الحجه
ورافضه بان تكلمني لكن انا عندي ظروفي ودراسه
حاولت اقدم لها اعذاري لكن لم تقبل اي عذر من اعذاري
ويوم من الايام رسلت لي مسج وقالت لي اعتبري هده الصداقه التى دامت 9سنوات منتهيه من الان
في رايكم احبتي ماذا افعل وانا واثقه تماما انها تعزني
وكل ماحاولت ان اكلمها ع الجوال ماترفع وتتهرب مني
وااخر مسج رسلته قالت لي انا صريحه معك ابتعدي عني
ماذا رايكم ماذا اااعمل:Cry111:

ممرضه 2008

2009- 1- 14, 07:47 PM

راح اكتب العضو الي بعدي بعد ماتردون هههههه <<كانك ظريفه

غسق

2009- 1- 15, 07:08 AM

اعزائي..
روز
،
ممرضهـ
اعذروا تقصيري و لي عودة ،،
:119::love080:

القلب النابض

2009- 1- 15, 07:21 AM

ممرضة ليتها تعذرك حقا فالظرووف احيانا
تشغل الانسان بما لا يريد
الصدااقه تضحيه وتقدير
لا ادري بما انصحك انت صديقتها وتعرفين مفاتيحها
حاولي والله معك :119:

ممرضه 2008

2009- 1- 15, 09:35 AM

ممرضة ليتها تعذرك حقا فالظرووف احيانا
تشغل الانسان بما لا يريد
الصدااقه تضحيه وتقدير
لا ادري بما انصحك انت صديقتها وتعرفين مفاتيحها
حاولي والله معك :119:

شكرلك اخي ع الرد
والله انشغلت ووقتها كان عندي فترة اختبارات وقلت في نفسي بس اخلص اختبارات بزورها في منزلها
لكنها سبقتني برسالتها :Cry111:

STUART LITTLE

2009- 1- 15, 03:58 PM

الله يعينك ممرضه بس حاولي تكلمينهاااا حاولي ترسلين لهااا مسجاات مهمااا سوت لازم تقرأ مسجاتكـ ..

وتقدر ظروفكـ .. على العموم

ان شاء الله ترجع صداقتكمـ زي اول واحسن ..

بالتوفيق لكـ ممرضه ..

تحياتي لكـ

غسق

2009- 1- 15, 04:14 PM

توفـــــــــــت:bawling: وياليتني توفيت معها,,
روز
استغفري ربك ،،
أنتٍ انسانة مؤمنة بالله ، و بالقدر ..
افرحي لها و هي عروس بالجنان بين الحور مسكنها ،،
ادعي لها بالغفران ، و اهدي لها ثواب الفاتحة كلما ذكرتها ،،

راحــت وخلتني بهالدنيا ضايعه,, فقدتها وتجرعت المرااااااار بعدفراقها
تمنيت ترجع لو لحظه ,, من بعد وفاتها لحد الأن ماعمري حسيت بالسعاده,,
والراحه ,,

عزيزتي ..
تيقني بأنها معكِ أينما كنتِ ،،
تلاافق سكانتكِ و حركاتكِ ،، لا تبتئسي ..

تواجدكِ بمتصفحي ..
اكسبني فخراً .. و روعه ،،
شكراً جزيلاً لكِ :119::love080:

غسق

2009- 1- 15, 04:30 PM

ممرضهـ

صدقيني إن كانت صادقة المشاعر معكِ فستتقبل عذرك ,,
خاصة أنكِ وقفتِ بجانبها في كثير من المواقف ,,
و إن كانت ترفض لتبين لكِ فقدها لكِ و منزلتكِ عندها فحاولي شرح ظروفكِ لها بكل السبل ،،
و إن لم تقتنع حينها .. اوكلي امركِ لله حتى تعود لكِ بنفسها ،،

شرفني تواجدكِ ..
و بانتظاركِ لأختيار عضو من بعدك ..

اهلا بك
:119:

STUART LITTLE

2009- 1- 16, 11:01 PM

من جد قهر محد يرد ليه ابي اعرف ..مابيكلف الرد شي ..مابياخذ منكم فلووووس ..:mh19:

غسق

2009- 1- 17, 09:21 AM

شدعوه ليه ماحد رد
والله زعلتوني
طيب لاتردوا
وانا بعد مابحط العضو الي بعدي

عزيزتي ..
شرفني تواجدكِ بمتصفحي ..
و لكن ..
ارجو منكِ العودة لإختيار عضو من بعدكِ ..
و إن كان على مشكلتكِ ارجو منكِ وضعها بموضوع خاص بها ثم طرحها بملتقى ( افتح قلبك )
ليراها الجميع و يتم الرد ..

شاكرة لكِ حضوركِ .. :119:

غسق

2009- 1- 17, 09:27 AM

من جد قهر محد يرد ليه ابي اعرف ..مابيكلف الرد شي ..مابياخذ منكم فلووووس ..:mh19:

أخي ..
اهدأ قليلاً ..
أنتَ تطالب بنفس ماتطلبه ممرضة 2008 ..
و هو ..
أن يتم الرد عليها بعشر ردووود .. و هذا مطلب لا اضمن لكم تحققه ..
من الأعضاء هنا من يدخل يتصفح و يخرج فلا تستطيع اجباره على الرد ،
و منهم من لا يعبر من هنا قط ..
و هذا المطلب يتسبب بتوقف الموضوع .. ألستُ محقة بذلك ؟؟

اتمنى منكم التجاوب ..
:119:

شرفتني متابعتك خيووو ..

دنيتي قلبك

2009- 1- 17, 11:38 AM

ممرضة ...
كل شخص هنا يكتب تجربة مرة واحده فقط...
لذلك يسقط عنك أختيار العضو ... حسب النظام طبعاً
وتختار عوضاً عنك صاحبة الموضوع ...

انتهى .....

إذا كنتِ تريدين إستشارة أحد في موضوعك

ضعيه في قسم افتح قلبك ...

غسق

2009- 1- 17, 11:46 AM

لا تعليق ..

ارجو ان يشرفنا الأخ / قلب الأسد ...
ليتحفنا بإحدى تجاربه ..

شاكرة لك تواجدك ..
:119:

ممرضه 2008

2009- 1- 18, 12:17 AM

والله كاني تهزئت
والمفروض انا الي اختار العضو
بس شكرا لكم
ماقصرتو
واتمنى اني ماكنت ثقيله عليكم
وانا كتبت تجربه واحده فقط
واختارو العضو الي تبونه
تحياتي

STUART LITTLE

2009- 1- 18, 09:22 PM

صراحه غريبين انتواا الحين الواحد يشكي حالته تردون عليه بهم اكثر من الهم اللي فيه ..

على العموم

هذاا رايكم ويحترم لكن المفروض ..تقدرون

وجيبواا عضو يدخل الموضوع ويعطينااا تجربته مو من الصبح للحين ماشفنااااهـ ..:s12:

غسق

2009- 1- 19, 04:53 PM

والله كاني تهزئت
والمفروض انا الي اختار العضو
بس شكرا لكم
ماقصرتو
واتمنى اني ماكنت ثقيله عليكم
وانا كتبت تجربه واحده فقط
واختارو العضو الي تبونه
تحياتي
عزيزتي ..
وجودكِ شرفٌ لنا ...
و فخرُ يحف بنا لتلبيتكِ الدعوة ..
ثقي بأنه لولا تميزكِ لما تم اختياركِ ..
لكنكِ اشترطتِ شرطاً صعباً أنا صاحبة الموضوع لا استطيع ضمانه لكِ ..
عموماً شرفني تواجدكِ ...

غسق

2009- 1- 19, 06:24 PM

STUART LITTLE
أخي العزيز ..
لطالما شرفني تواجدك الجميل ..
و متابعتكَ الدائمة ..
و لكنني لم أتوقع منك هذا الرد ...
عموماً أنا اتشرف بتواجدك و لا الوم تصرفكَ لأنك تنشد المساعدة للأخت ممرضة ..
لكن انتبه .. لقد تم عرض الحلول عليها في اكثر من رد ..
و اولهم ردي ..

ممرضهـ

صدقيني إن كانت صادقة المشاعر معكِ فستتقبل عذرك ,,
خاصة أنكِ وقفتِ بجانبها في كثير من المواقف ,,
و إن كانت ترفض لتبين لكِ فقدها لكِ و منزلتكِ عندها فحاولي شرح ظروفكِ لها بكل السبل ،،
و إن لم تقتنع حينها .. اوكلي امركِ لله حتى تعود لكِ بنفسها ،،

و ذلك ,,
عندما اشرنا عليها وضع الموضوع بملتقى _ افتح قلبك _
فذلك لمصلحتها في استغلال الموضوع الذي سيلقى مشاهدات اكثر مما لو كان محصوراً هنا ..

شرفني تواجدكما و اتمنى عدم اخذ رأي بمأخذ آخر
العذر :119:

غسق

2009- 1- 19, 06:27 PM

سيتم ارسال استدعاء آخر للأخ / قلب الأسد ..
:119:

ممرضه 2008

2009- 1- 20, 01:49 AM

سيتم ارسال استدعاء آخر للأخ / قلب الأسد ..
:119:

لحظه مو من الذوق انا المفروض اختار العضو
والله حتى العضو كانه من زمان نتنظره ولا شرف

STUART LITTLE

2009- 1- 20, 01:58 AM

ونعم الاختيار ....له يومين ماشرف اخوناااا في الله ..

ارسلوا له استدعاء ليكون صار فيه شي لاسمح الله ..من الاختيار ..

القلب النابض

2009- 1- 21, 05:25 AM

ومن الذووق ايضا اان ننتظره حتى نرى
ان كان يستطيع ان يسرد تجربته
او تتفضل صااحبة الموضوع
باختيار اخر :119:

احلام مدفونة

2009- 1- 22, 01:19 PM

مشكورين على الموضوع الرائع :d5:

إضاءات

2009- 1- 22, 05:51 PM

وش فيكم سويتوا ساااالفة على هالاختيار !!!!!!!!

أيضا من الذوق إننا نحترم الناس بموضووووعهم ولا نجبرهم على شيء هم مالهم دخل فيه

ونرجع نعلللللق ومانتركهم بحاالهم

وأنت اللي ماطلتي باختيارك

في حاجة اسمها إضافة موضوع جديد

ننتظركـ قلب الأسد بفااااارغ صبرنـــا لنرى ماااسيخرج منك:119:

STUART LITTLE

2009- 1- 22, 06:55 PM

ننتظر قلب الاسد ..ليخبرناا عن احد تجاربهـ ..:119:

غسق

2009- 1- 23, 01:14 AM

يبدو أن انشغالاً ما يمنع قلب الأسد من التواجد هنا ..

عموماً

سيتم إلقاء الضوء على تجربة لعضو آخر ..

هو ..

STUART LITTLE

يشرفنا تواجدك أخي الكريم ...

STUART LITTLE

2009- 1- 23, 01:44 AM

بسم اللهـ الرحمن الرحيمـ ..اولآ ..

اتشرف في التواجد في متصفحكـ غسق ..واشكر لك اختياركـ لي ..::

عندي تجارب واجد ..لكن هاذي التجربه هي الوحيدهـ اللي مانسيتهااا لنهاااا تتعلق بأختي ..

السالفهـ ومافيهاااا ...

كان في يوم من الايام ..طالع اناا وخالتي واختي ..حديقه جمب البيت ..

طبعااا رحنااا فيهااا عشان اختي زهقانه وطلعنااهااا اناا وخالتي ...المهم ..

رحناا للحديقه وتونسناا وضحكنااا ..جاء وقت الروحهـ للبيت ..

طبعاا الحديقهـ شارعين عن بيتنااا ..

جيناا بنقطع الشارع ..ولاهيتناا السوالف اناا وخالتي واختي قاعده جمبي ..متمسكه فيني ..:Cry111:

واحن:Cry111:اا في السوالف شوي واشوف اختي تنقز من الرصيف على الشارع ..وتجيهااا سياره ..من نوع سوبر بان الانواع القديمه ..وتصدمهاا قدام عيني اناا وخالتي ..

في ذيكـ اللحظه ..ماني عارف شسوي ..منصدم ومستغرب متفاجئ ..كل شي قدام عيني صاير ..

اشوف اختي تدور على الارض ..مصدومهـ ..

طبعآآ وقفت الشوارع ..يشوفون شصاير ..

اخونااا راعي السوبر هرب ..من الخوف ..

واختي قاعده تصارع الحياهـ ..

اخذهااا واحد من المارهـ على الطريق وانااا رحت معاهـ ..للمستشفى طبعآآ ابوي مايدري بالموضوع ..

رحناا المستشفى قالوا مين المسؤؤل عن المرريضهـ ..قلت اناا قالوا وين ابوكـ ؟؟؟

وقتهااا احس الدنياا قفلت فيني ..

شقول لأبوي الحين وش اسوي ..قلت لخالتي تقولهـ ..

المهم جاء ابوي ..

اختي في العنايه الفائقه ..

بين الحياه والموت ..والكل يبكي من عنده ..

جاء الخبر ..مفاده ..

اختكـ ماتت ..بسبب نزيف حاااد ..

قعدناا نبكي لين قلناا آآآمين ..:bawling:

وابوي ماقصر فيني طقني طق سنه بساعهـ ..والاهل يهدونهـ ومافي امل ..امي من جهه وابوي من جهه ..

طبعآآ محد ناام ذيك الليله ..وانااا ابكي للحين على اختي لني سبب موتهاا ..ماتهنت بطفولتهاا وشبابها..راحت بغمضه عين ..:Cry111:

هاذي تجربتي ..واتمنى محد يصير لهـ مثلهااا ..وااللهـ يحفظ جميع اطفالناا واهالينااا لنااا ..

اللهـ يرحمهاااا ..ويسامحني على غلطتي ..

تحياتي للجميع ..:Cry111:

غسق

2009- 1- 23, 02:00 AM

لنا الشرف بتواجدك ..

تجربتك مؤلمة جداً ..
لكن ..
لا يمكنك إيلام نفسك ، هذا قدر و مكتوب ..
ثم لا تعلمون ..
ربما أراد الله أن يستبدلها حياةً أخير من حياتها أو حتى مستقبلها ،،

اعلم بأنه ..
لا يمكن لأحد أن يلوم نفسه على مثل هذه الأمور ..
فأنت لم تزج بأختك ناحية الموت ،او تشجعها على ذلك ..

عموماً ..
ثق بأن ما قدره الله علينا سنراه رأي العين بالعين ،

شرفنا تواجدك
و شكراً جزيلاً على تلبيتك ،،
:119:

:no2:
عد لتختار عضوا آخر من بعدك ..

STUART LITTLE

2009- 1- 23, 02:40 AM

يعيطك الف عافيه غسق .. على الكلام الرائع ..

كل شي بيد اللهـ ...

على العموم ..

اممممممممم بختار ..

محمد القحطاني ياليت ..يتحفناا بأحد تجاربهـ ..:119:

غسق

2009- 1- 23, 03:05 AM

العفو ..

محمد القحطاني سبق له أن شارك بتجربته ..
لكن إن أراد إضافة اخرى فلا مانع ..
و إن أراد الانسحاب براحته ..
ثم عليك اختيار عضو آخر ..
:bye:

محمد القحطاني

2009- 1- 23, 03:11 AM

اعذرونا اكيد الكل يدري انه من يوم السبت اختبارات
فاعذروني لانه الواحد يكفيه الي فيه فيه ذكريات مضحكه ماقدر فزييحه مابطرحها ابد

غسق

2009- 1- 23, 03:18 AM

طيب ..
سوف نتوقف عن الموضوع ..
إلى أن تنتهي الإختبارات بإذن الله ،،
ثم نبدأ مرة أخرى بتجربة الأخ محمد ...

:119:

غسق

2009- 1- 23, 04:12 AM

خبر عاجل ..
قلب الأسد ،
لم يصله أي استدعاء على الرسائل الخاصة ربما لوجود بعض الخلل في خيارات العضو ..
لكن ..
بما أنه علم الآن بذلك ..
فأنا سأمنحه حق العودة و المشاركة بشرط أن يكون محمد القحطاني العضو المختار من قبل STUART LITTLE .. لطرح تجربته

ننتظر تجربتك أخي قلب الأسد ..
بكل شغف و من بعد طول انتظار ،،،

قلب الاسد

2009- 1- 23, 06:13 AM

بسم الله الرحمن الرحيم

اولا اشكر صاحبة الموضوع (( غسق )) على الموضوع الرائع .. واتأسف على تأخري في الرد على الموضوع
بالنسبة لتجربتي فتجاربي واجد محتار وش اختار .. فيها الزين وفيها الشين ..

بعد ولادة الوالده بتوأم بنات بفتره قصيره وفي اوج الفرحه بالتوأم , كنا جالسين بغرفة الوالده وكانت تحكيلنا عن الجنه وعن وصف الجنه وعن شكلها وعن نعيمها , وكنت اشوف بعيونها شوقها لها , كانت تتكلم وهي فرحانه ... بعد ماكملت كلامها قامت تقول لي انا واخواني واحنا جالسين بسريرها جنبها عن ألم في رقبتها مرات يجي ومرات يروح ... وبعد فتره من الكلام هذا اشتد عليها الألم وصار يلازمها ... قرر الوالد يوديها للمستشفى (( وياليته ماوداها )) . سوولها تحليل وطلع عندها (( سرطان )) الله يكفينا ويكفي الجميع شره .. طبعا محد يدري الا ناس محددين وهم الوالد وخالتي وخالي وبس ... بعد فتره صارت تتنوم في المستشفى لمده اطول واخر زياره رحت فيها لها في المستشفى ماعرفتني برغم انها جالسه تنادي باسمي وانا جنبها ... مرت الايام وجا يوم من الايام قرر الوالد يوديها لمستشفى بجده .. وقرر انه يسافر (( بــــر )) وفعلا تم الترتيب للسفر ووضع للوالده فراش في المرتبه الخلفيه وكان المرافقين في السفر هم خالي وعمتي الكبيره .. قبل مايمشون كان اخر كلمة سمعتها منها هي اسمي .. انطلقوا للسفر وكانت الامور على خير مايرام ووصلوا الين الميقات وقرر الوالد انه ياخذ فيها عمره قبل لايروح للمستشفى وفعلا تجهزوا وعزموا النيه .. ركبوا للسياره وكانت عمتي تشرب الوالده ماء .. تحركوا بالسياره ووقفوا بالسياره في المحطه المجاوره للميقات نزل الوالد يشتري اغراض ورجع للسياره طبيعي .. شوي وتصيح عمتي وتنادي باسم الوالده تبيها تقوم وجالسه تنادي عليها وتنادي وابوي وخالي يقولون لها اشفيك .. ويناظر الوالد بوجه الوالده ويلاقيه نوووور ورافعه اصبعها وعلى وجهها رسمة ابتسامه خفيفه .. ذكر الله وترحم عليها وعمتي تبكي وتصيح باسمها وخالي مصدوم مو مصدق ... شغل الوالد السياره ومشى فيها متوجه على مكه وصلوا مكه وصلوا عليها بالحرام ودفنوها بمكه .. الحمدلله على كل حال ,,, وقتها وصل الخبر لخوالي الباقين ولعماتي وجوا للبيت وكنا نتعشى وكانت جدتي ام امي ساكنه معنا .. دخلت عمتي وكان وجهها مرررره شحيب .. شافتنا نسولف ونضحك ونرحب فيها وسكتت ماقالت شي وبعدها بشوي جاا خالي ودخلته للمجلس وسمعته يتكلم مع جدي ويقول (( احسن الله عزاكم وعظم الله اجركم )) .. وقتها كنت شايل بيدي صحن وكان فيه الشاهي والفناجيل .. اول ماسمعته ماحسيت بنفسي طاح الصحن من يدي ودخلت للمجلس وتقدمت الين وصلت عند خالي واسمعه يقول الله يتغمد روحها الجنه .. وقتها انعميت ومادري وش صار لكن من كلام خالي لي بعدين .. يقول مسكتني وشديتني وقومتني من محلي وتصارخ تقلي (( انت وش تقول )) طبعا ماتذكر لكن هذا كلامه .. بعد ماقلت له الكلام هذا طحت من طولي على الارض واختي الكبيره حتى هي اغمي عليها وشلوني انا واختي للمستشفى واعطونا اكسجين اختي صحت بعد ست ساعات وانا باقي وجلست بالمستشفى يوم ونص الين صحيت وياليتني ماصحيت .. طبعا ماتذكر زين ايام ماكنت بالمستشفى بس يقولون لي اني صحيت وكنت ساكت واللي يكلمني مارد عليه وطلعوني من المستشفى ورحنا للبيت ورجعت لغرفتي وقفلت الباب على نفسي ونمت كانوا يدقون علي الباب مافتحه الين كسروه .. وكنت اقوم اكل وارجع انام ولا كنت ادري عن شي وجلست على الوضع هذا لمدة اسبوع او اكثر الين رجعت طبيعي .. من بعدها الصمت صار طبع فيني من دون مادري .. وبعد فتره من وفاة الوالده وعلى الصيفيه واول يوم عطله كانوا البنات التوأم اعمارهم 2 سنتين تقريبا .. وكانت اختي الكبيره تجهز خواتي وتلبسهم لان كنا ناويين نطلع نتمشا ولبست واحده واخذتها وشليتها على يدي وطلعت فيها برا وكان فيه ولد الجيران شكله شوي يخوف هههههههه وخافت منه اختي الصغيره وقمت اركض فيها ابي ابعد منه طبعا كله مزح .. وركضت الين وصلت لبيت جارنا كان توه يبني بيتهم وكان فيه خزان ماء جالسين يحفرون فيه وكان عمقه يقارب 5 الى 6 متر وكان وسط الحفره اصياخ حدايد المهم مريت من جنب الحفره وكان الوقت على المغربيه .. وحسيت زي واحد يدفني على الحفره وممكن تكون تهيؤات .. وتفلت اختي الصغيره من يدي وتطيح ناحية الحفرة وانا حاولت امسكها لكن فلتت من يدي ولاحظت انها متجهه ناحية اصياخ الحديد .. وقتها ,, حسيت الوقت يمشي ببطئ حسيت كل شي بطئ .. وسبحان الله استرجعت ذاكرتي مع اختي في لحظات معينه .. وبدون ماحس بنفسي قفزت وراها ومسكت فنيلتها وشديتها ناحيتي ووجهت ظهري ناحية الحفره واختي ضميتها على صدري .... والحمدلله على كل حال .. سبحان اللي نجانا باعجوبه .. طبعا وقتها اغمي علي ثواني وصحيت وشفت اختي تبكي وقمت وجلست واقلها فيك شي ؟؟ جاك شي ؟؟ وهي تبكي .. جيت ابي اتفقدها بس حسيت يدي توجعني شوي وناظرت جهت يدي اليسرى ولقيت يدي مقطوعه من عند المعصم مو ماسكها الا جلده .. وجوا عيال الجيران يبون ينقذوني قلت لهم اول خذوا اختي ودوها البيت بعدين يصير خير .. وفعلا ودوني المستشفى وكان التقييم (( كسر مضاعف )) وجلست بالمستشفى من اول يوم بالعطله الين نهاية الاجازة (( ثلاث شهور )) الحمدلله تعافيت بس قهرررررررر .. طبعا وقتها الوالد تزوج من واحده ثانيه عشان ترعانا .. وبدل ماترعانا الله يجزاها بالخير ويهديها .. حولت حياتنا جحيم .. الله يسامحها ... وللحكايه تكمله لكن على كذا باقصلكم قصة حياتي هههههههههه

اعذروني على الاطاله وان شاء الله اني اكون وفيت شوي من الاجابه .. مع فائق احترامي وتقديري لجميع الاعضاء .. وتقبلوا مروري .

غسق

2009- 1- 23, 06:31 AM

يالله .. أيام مرة و صعبهـ ..
لا تبتئس كثيراً .. الحياة تعشق إيلامنا احياناً ..
فتجدها تسرق بعض احبابنا .. و تنوي على سرق ذكرياتهم منا بكل لؤم ..

و لكن ...
الحمدلله الذي أنعم على والدتك بتواجدها في بيت الله الحرام بعد وفاتها ...
و الحمد لله على نجاة اختك مما وقعت فيه ..
و من ثم نجاتك ،،

شرفنا تواجدك ..
و بالتأكيد مرورك مقبول ..
أهلاً بك ، و شكراص عالى التلبية ...

التجربة القادمة .. لـ محمد القحطاني ،،
من بعد انقضاء فترة الإختبارات ،،

تحياتي للجميع
:119:

دنيتي قلبك

2009- 1- 23, 07:20 AM

قلب الأسد ...
عظم الله أجرك في أمك وغفر لها ... لن ينفعها إلا دعائك ...
والحمد لله على سلامتك أنت وأختك الكتكوتة ...
والله يخليهم لك ...
ويسامح الوالد وزوجته ...
المهم أنك كبرت ونجحت وبتعتمد على نفسك ...
والله يوفقك في حياتك ...

القلب النابض

2009- 1- 23, 07:29 PM

اخووي تجربتك جدا مؤلمة
احدااث كثيرة مرت عليك
ولكن صبرت
والله ينولك ما اردت
شكرا لك

أميره بشموخي

2009- 1- 23, 08:11 PM

يالله
من جد تجربه مؤلمه
بس هذي هي الحياه..
الحمد لله على كل حال..
الله يرحم امك ويغفر لها ويجمعك فيها بالجنه مع كل احبابكم..
لازم نكون اقوياء ونتحمل امواج الحياه اللي ياكثرها..
وعلى فكره
لا تنسى اخوي ان فيه امور لاتنقطع عن الميت منها الدعاء له والصدقه الجاريه..
وفقك الله لما يحبه ويرضاه ورزقك من حيث لا تحتسب...

STUART LITTLE

2009- 1- 27, 06:48 PM

اخوي الغالي ..اتمنى انكـ تجاوزت هاذي المرحله ..اعتمد على نفسك ..واللهـ يوفقكـ ..

واللهـ يرحمهاا ويدخلهااا فسيح جنانهـ ..

تحياتي لكـ ..

ترآنيمـ الروح..}

2009- 1- 27, 06:53 PM

:Cry111:

يالله
من جد تجربه مؤلمه
بس هذي هي الحياه..
الحمد لله على كل حال..
الله يرحم امك ويغفر لها ويجمعك فيها بالجنه مع كل احبابكم..
والحمد لله على سلامتك أنت وأختك ...
والله يخليهم لك ...:praying:

قلب الاسد

2009- 2- 6, 09:39 AM

اشكر الجميع جزيل الشكر على دعائكم وعلى نصائحكم ..

والله يوفقكم ويسعدكم ويجزاكم بالخير .. دمتم بخير

القلب النابض

2009- 2- 11, 02:00 PM

من القاادم
لطرح تجربته
:119:

محمد القحطاني

2009- 2- 14, 04:51 AM

اذكر انه طلبت تاجيل طرح احد تجاربي وسوف باذن الله اكتب احدها غداً
اعذروني النووم بيفقع ابو عيوني

STUART LITTLE

2009- 2- 14, 04:53 AM

ننتظرهاا غدآآآ بفارق الصبر .. :119:

غسق

2009- 2- 14, 11:40 AM

:119:
بالإنتظار ]...

القلب النابض

2009- 2- 14, 07:46 PM

بانتظاارك محمد

STUART LITTLE

2009- 2- 16, 09:32 PM

بو حميد .. وين تجربتكـ .. :000:

~|| A

2009- 2- 16, 09:35 PM

:hahaha_2008:

الله يهديه بس ,,

شكله مو نااوي يكتب شي ,,

ذااابحه الكسل .. :cheese:

محمد القحطاني

2009- 2- 16, 10:24 PM

دنيتي من يشرشحني بو تركي يمون ويكسر الصحون بعد
تجربتي

ايام صغري كنت واحد كل يووم هوشه كنت بمعنى داشر بجد عربجي بما تحمله الكلمة من معاني
التوقيف حفظت كل الي فيه من كثر مادخل
كل يوم ياطاعن واحد يافالق راس واحد يامكسر سيارة يامهدد واحد كنت واعوذ بالله من اصحاب الشر احد يقول لي ثلث الثلاثه كم قلبتها هوشه

ربي حماني برئيس القسم واحد من الجماعة عميد كل شي يطلعني منه وخاصه المشاكل مع الاجانب يسككته بكم ريال وتنتهي السالفه يعني تنحل بالقسم
لدرجه هو يحلها بدون يدرون هلي الله يذكره بالخير بو بندر
تدرون وش كانو يلقوبي بالحاره محمد ابليس من قو المشاكل
كنت مدمن التوقيف
ياكنت اطرد ورى المشاكل في حناحين الطير > هاذي كلمة امي للي يدور للشي دواره

الصلاة الحمد لله ماكنت افوتها

بالمدرسه كل يوم هوشه مع المدرسين
كنت عربجي والشماغ على الكتف

اذكر مره هندي مسكين الله لايرعد هاذيك الايام
مر ولا اعجبني قلت تعال واصكه كف والا هو يطيح المسكين باقي اذكر دمعته والله ربي ردها لي بس بعد سنه سبحان الي يمهل ولايهمل صكني واحد كف نزلت دمعتي
هاذي قصتي كنت بقوول قصه اخرى بس فضلت هاذي لانه هاذيك خااصه شوووي

بس كان فيني الدخان وطقته لو تذبحوني ماخذها لانها كنت اقول لو فيها مرجله مايسبقني رجال
> الفضيحه بجلاجل :hahaha_2008:
لكن الواحد مهما كان لازم يمر بمراحل زي كذا وبالاخير الواحد بيعقل

~|| A

2009- 2- 16, 10:29 PM

الحمدلله ان ربي هداااك ورجعك لطريق الصواااب ,,:119:

STUART LITTLE

2009- 2- 17, 01:25 PM

هههههههههههههههههههههههه الله يرج عدوكـ ضحكت يوم تقول صكني كف نزلت دمعتي ..ههههه :hahaha_2008:

الحمد لله على رجوعكـ للحق والى طريق الصواب ..

صراحهـ تجربهـ حلوه لازم الانسان ياكل مثلهاا ..

تحياتي لكـ ياقميل ..

محمد القحطاني

2009- 2- 17, 03:44 PM

ان شاء الله تاكل مثله>>:mh35::mh35:
ياخوك المشكلة هاك الكف رجع بشي الله لايعيد هذيك الايام
وصل للطعن كنت باخذ فيها شهر سجن غير الي معي كلن بياخذ قضيه ربك ستر بالعميد بو بندر الله يحفظه
بالفتره الاخيره كلش ابوي يقلون بنذبحك قلت تم بس ابوي لايدري كله خوف عليه من السكر عنده سكر واخاف يصير شي
سبب رجعتي بعد الله خوفي على ابوي من الفشله وثاني شي من ارتفاع السكر
الي بعدي يختاره بو تركي او غسق

سنتين وتعدي

2009- 2- 17, 03:54 PM

افا ابو حميد من هالنمونه انت ------------- باافصلها معك خلاص لاتعرفني ولا اعرفك

:mh35::mh35::mh35::mh35:

ايه ابو حميد هي مرحلة العربجه وووو"المهايط" لازم منها بس بيني وبينك طلعت رجال مو زي جيل هالوقت مخكرة ودلع وحركااااات بايخه ترفع الضغط الا من رحم ربي

STUART LITTLE

2009- 2- 17, 03:55 PM

ههههه احمد ربكـ طالع منهاا ..

الاختيار عند غسق ..

غسق

2009- 2- 17, 04:11 PM

بإسم اللهـ .. هذا محمد القحطاني << مش ممكن ،
أمرٌ لا يصدق ،
:s12:

حياتك رهيبة ، ماتوقعتك كذا .. توقعتك هادئ و مؤدب .
أما سالفة العربجة حاجة عجيبة ،
و إلا طراااق الهندي مسكين :bawling:، يالدوووب ماترحم بس أكلتهـ :hahaha_2008:،،
<< من جد هنا مسكت بطني من الضحك، يقطع شرك يابو حميد ..

عقبال بو تركي بمثل هالموقف << نذااالة :000: ،

شكراً جزيلاً محمد على تواجدك المرح ، و الحمدللهـ أصحاب الملتقى أبعاد عن بعض و إلا الله الساتر لو كانوا معك بمكان .. :hahaha_2008:

تشرفنا بقدومك خيووو ..

:119:

محمد القحطاني

2009- 2- 17, 04:36 PM

بو تركي هاذي فايدتي منك شفت شلون بو فيصل وغسق قلبو علي
مالي شغل انت من ورطني مو قلت لك بغيرون الفكره عني يالنذل اوريك:017:
الله يستر دنيتي لاتدري بتمسكها علي :hahaha_2008:
الكف دعوة المسكين دعى علي بس ماراح كفي هبى
حياكم جميع منو بعدي غسق اختاري الي بعدي ممكن لم يسبق لهم الحديث عن تجاربهم

محمد القحطاني

2009- 2- 17, 05:27 PM

طيب اختار اختي الحالمه مدري قبل تم اختيارها

غسق

2009- 2- 18, 03:45 PM

لا .. لم يتم أختيارها ،
و لنا شرف تواجدها ،

سنكون بالإنتظار :g26: ]،،

محمد القحطاني

2009- 2- 18, 03:56 PM

طيب لاهنتي ارسلي لها فضلا امرا

غسق

2009- 2- 18, 04:34 PM

ارسلتُ لها ، اطمئن خيووو .. :119:

غسق

2009- 3- 5, 09:08 PM

يبدو أن الحالمة لم تستطع التواجد ، ارجو منك العودة أخ محمد لإختيار عضو آخر ،

محمد القحطاني

2009- 3- 6, 11:00 PM

اول شي اعتذر لتاخري لكن المشاغل هي السبب
ثانيا اختار
اخوي ازرق بامريكا الله يسلمه

غسق

2009- 3- 7, 01:07 AM

توقعتُ اختيارك ، << صدف ..

بانتظاركَ أخي العزيز _ ازرق في امريكا _ تتحفنا بإحدى روائعك ،
:g26:

غسق

2009- 3- 7, 01:37 AM

للأسف الشديد ..
ازرق في امريكا ، يعتذر عن الحضور لظروفهـ ...
نتمنى عودتهـ بوفت آخر ،

محمد عُد للأختيار ،
عذراً على الأزعاج ،

محمد القحطاني

2009- 3- 7, 01:42 AM

حياك طيب وش رايكم بالغلا نشوف وش يصير معها
مافيه ازعاج

غسق

2009- 3- 7, 01:50 AM

بانتظار الغلا ،

:g26:

الغلا

2009- 3- 7, 02:50 AM

هههههههههههههه

والله مدري شنو الي يضحك بس فيني ضحكه ههههه

ببدا اول شي ب ((نو كووومنت))

عشان في ناس ينتظرون يقرون هالكلمه بردودي فاختصر عليهم وابدا فيها

ههههه

<<فيها شي:o3:

لا بس توني ماخذه شآآور

<<نعيما:119:

>>ينعم بحالكم

يعني الحين المطلوب مني اقول تجربه في حياتي:cheese:

اهااا اهااا

والله انا حياتي كل ابوها وامها>>باقي الجد الله يعافيج

ولا تزعلون وجدها بعد تجااارب:cheese:

من جد يعني بحط مواضيع للتجارب الي مريت فيها بحياتي وانتو اختارو:cheese:

<<وبعدييين اخلصي:017:
:mh35: :mh35:
امزززززح خلااااص

ههههههههههههه

والله مدري شجااايني ع الضحك:hahaha_2008:

طيب من جد الوقت غلط فيني النوم ومابالي شي:mh19:

<<اقول اطلعي برا بس كل ذا وبالاخير بتنحاااش

لا خلااااص لاتدفووون:bawling:

بقولكم تجربتي مع اممممممممممممممم

بقول تجربه صارت لي هالسيمستر مو بعيده قبل كم اسبوع حول شهر تقريبا

هذا الي طرا ع بالي لانها اقرب شي مهم صار لي:000:

ولو ذكرت تجربه منها فايده لي عوده ان شاءالله:119: ((متعوب ع لي>>> عوده)) لوووووووووووول

هذا سلمكم الله سولاافتي =سالفتي تبدا من بداية الامتحانات الي فاتت
اولا انا قبل اي امتحانات متعوده ادرس :066:ع الاقل حتى لو شيئ مايذكر بس اسم اني درست عن تانيب الضمير:000:
بس الامتحانات الي فاتت مادري شجاني ماكان لي خلق ادرس كللللش :000:من جد وومن عم نو كومنت
بدت الاختبارات سلمكم الله
اول يوم عدا ولله الحمد ثاني يوم عدا ولله الحمد ثالت يوم عصلق بس بعد ولله الحمد:cheese:
كان علينا قانون وقبله يوم اوف بس والله انه كثير
<<<مين قالج ماتدرسين قبل الامتحانات:cheese:
كيييفي:017:
والله طول الله عمركم مامداني اخلص المنهج لاني مادرست الا بيوم واحد ماستفدت من اليوم الي قبله
<<من الفلاحه الزاايده والله:103:
المهم قررربب يصير الصبح>>قولي قسم
قسمين:011:
ومامداني اخلص بقى 3 محاضرات تقريبا:000:
قلت هي خاربه خاربه واصك امها نومه:cheese:
>>والله اول مرع اسويها انام وباقي لي شي واجد
بس شسووي غصبا عني حسيت ماتسوى:g8:
<<بتتصطر
ههههههه
المهم صحيت عادي رحت بالطريق بس راجعت ولاتعبت نفسي حتى اني اقرا الي مادرسته مجرد قراءه
قلت لكم احب اذا سويت شي اسويه صح ولا من الاساس ما اسويه
<<من الفلاحه والله!!!المهم عادي دخلت الامتحان بدعت طلعت نقصت بس 10 درجات نعععمه والله اني ذكيه
عاد تجيكم السولافه

يــــــــتــــــــــبـــع....}}}}

الغلا

2009- 3- 7, 02:52 AM

تــــــــــــــآآآآآبـــــــــــــع....}}}}

يوم طلعنا من الامتحان واذ بي ارى صقيقتي الي اتفقت معاها نذآآكر نفففس الشي تصيح ومنهاره
<<وتروح اختكم بالله تبي تكفخ صقيقتها بدون ماتفكر تسألها ليش تصيحين:017: :017:
>>مسويه فاهمه:o3:
<<ومناك عمرها مافهمت شي كله غبائها يفشلها
<<كله تقول شنو يعني :000:شتقصدون :000:مافهمت:000:
المووووهم واذ بصقيقتي تبكي:Cry111: وتبكي :Cry111:واقول لها مابك؟
>>شفيييييييييييييج ياحظي كل ذا عشان الاختبار شقلنا حنا ماتفقنا ترا كله اختبار
<<ومناك صقيقتها ودها تكفخها

خلاص بيبدا الجد

سكتت صقيقتي شوي

قالو لي البنات الي كانوا واقفين صديقتنا فلانه ابوها اليوم صبح توفى

وانا والله العظيم وقتها خنقت امي العبره سكت انسطلت والله مو سكت

قلت تمزحوووون:000:

لا مو من جدكم تمزحون صح:Cry111:

البنت حييييييل صديقتنا وقريبه مننا وابوها الله يرحمه كان بصحه وعافيه ولايشتكي من شيئ

بس قضآآآء الله وقدر

الحمدلله ع كل حال

والله يصبرها ان شاء الله

قولوا آآآمين:praying: :praying: :praying:

من جد انصدمنا والله ووقتها كان الخبر صدمه وموقف ما انساه بحياتي

ومن يومها وحنا نروح للبنت كل يوم تقريبا وكان باقي ع الامتحانات اسبوع ع ماتخلص

من جد عرفت شنو يعني انك توقف مع خوي عمرك:011:

والله ماهمتنا الامتحانات وكنا نروح لها كل يوم بس اليوم الي يصير من بكره الامتحان اهلنا ماكانو يخلوننا نروح:Cry111:

بس والله وقتها حسيت الف احساس مع بعض ميكس يعني

<<شايفه الموضوع يستحمل ظرافه انتي ويا ذا الوجه:017:

<<قولي الاحاسيس بدون ظرافه مايجي يعني!!!:017:

لا لا يجي خلاااص لاتدفون:c8:

((من جد حسيت الدنيا ماتسوى ابد والواحد باي لحظه ممكن يمووت))

وان اذا الواحد ماوقف مع صديقه بوقت ضيقته صدقوني صديقه ماراح يقدره بعدها

واترك لكم الاحسآآآآس

:g26:[/CENTER]

الغلا

2009- 3- 7, 02:57 AM

عندي سؤاااال للي يفهمها

كم نو كومنت كتبت:cheese: :cheese: :cheese:

من جد نووووووكومنت

هههههههههههههه

لحد يعد ترا امززززززززززززح

لووووووووووول

<<ماتنطز ع احد ابد:hahaha_2008:

:mh35: :mh35:

محمد القحطاني

2009- 3- 7, 02:59 AM

ههههههههه
الله يرحم والدها ونعم الاخوه بجد لانه الصديق وقت الضيق حفظك الله
هههه نو كومنت :017:

دنيتي قلبك

2009- 3- 7, 09:10 AM

بو حميد ,,,

والله أكثر من مرة أجي أقرأص سالفتك وأفطس ضحك خخخ أدري أنك عربجي منذو مبطي :cheese: بااين من الحفريات اللي بخشتك

,,,

الغلا ,,

فديتك يا صقيقتي النيوو ,,, الله يعطيك العافية ,,

ويرحم أبو صديقتك ويسكنه الجنه إن شاء الله

محمد القحطاني

2009- 3- 7, 08:48 PM

حفريات :sdfgdsf:ليه شوارع جده خخخخخخخخخخخخخخخ > راح يدور جهازه مالقى اي صورة وشلون شافت خشتي قلت يمكن اخترقت جهازي :017:
الغلا ارجعي حفظك الله اوختاري من بعدك واتمنى من كل قلبي انه يكون دنيتي علشان اضحك عليها حتى لو حزينه > يبي يردها لها خخخخخخ:hahaha_2008:

STUART LITTLE

2009- 3- 7, 08:54 PM

الله يرحمه ويدخله فسيح جنانه .. الواحد مايدري متى يموت .. كل شي مقدر وكتوب ..

بس بصراحه رفعتي ضغطي في البدايه كل شوي اقول متى بتقول السالفه .. بس اخرتهاا قريتهاا ..ههه :cheese:

الغلا

2009- 3- 8, 10:37 AM

هههههههههههه

احمد ربك كنت ماراح اكتبها

لووووووووول

نووو كوومنت:hahaha_2008:

الغلا

2009- 3- 8, 10:39 AM

ههههههههههههه

لعيونك دنيتي انتي الي بعدي ننتظر خيتو

غسق

2009- 3- 8, 06:56 PM

فعلاً تجربة مرة .. ربط الله على قلبها بالصبر ..
الأب ( نعمة عظيمة ) ..
حفظ الله الجميع ،،

تشرفنا بوجدكِ عزيزتي و لكنكِ خرجتِ دون اختيار عضومن بعدكِ ...

عودي .. و اختاري ..
:119:

الغلا

2009- 3- 8, 07:34 PM

غسق لاتدفين :017: :017: :017:

اخترت دنيتي وارسلت لها وقتها ع الخاص التأخير منها مو مني:017:

غسق

2009- 3- 8, 07:43 PM

إذاً بإنتظار دنيتي قلبك ..

كان المفترض أن تضعي الشخصية المختارة _ هنا _

:g26:

الغلا

2009- 3- 8, 07:48 PM

وضعتها هنا يا اخيه انظري للمشاركه السابقه لمشاركتك

وسوف تجدين انني وضعت

انا افهم جيدا بالانظمه فلا تعصبي علي مرتن ثانيه ياحبيلتس بس انتي والفصحى:cheese:

الغلا

2009- 3- 8, 07:50 PM

ههههههههههههه

لعيونك دنيتي انتي الي بعدي ننتظر خيتو

انظري لقد اخترت من قبل

<<بتتلفع

محمد القحطاني

2009- 3- 9, 12:00 AM

حصل خير واتمنى من دنيتي ان تضع لنا موقفها وتجربتها يوم الامس بخصوص المخالفات بالكليه>> يبي يضحك عليها خخخخخخ لا بجد نبي نستفيد من تجربتك للجيل المسجل للترم الجاي ويعرفون الانظمه

دنيتي قلبك

2009- 3- 9, 07:52 AM

احم احم بدايةً السلام عليكم ورحمة الله وبركاته ,,

ثانياً أنا متأكدة أن هذي مؤامرة من شخص ارسل وصااياه مع صقيقتي الجامعية أنها تكفخني بس وهـ من جمااالي وذرابتي مااقدرت تقااوم و علمتني عن الخطط الجهنمية << لا زال التفكير جاري للأنتقاام هع

ثالثاً ترى ماعندي ماعند جدتي اللي باستراالياا وتجاربي مدري ماظنتي جربت شيء ونفع بحيااتي غير قص الشعر يطلع يزنن علي <<< ماخذ عقلي القص خااطري أحلق شعرااتي الحلوين خخخخ

رابعاً خلاااص لحد يعصب بحط كل شيء سويتهـ من هباال وأكشن وحركاات زاحفة وتنتمي لعالم المجانين هنااا لأنني مكتئبة وحاالتي زفت والله أني حاابسة دمووعي اهئ اهئ انوااع الملل بالجاامعة الحمد لله في نت يعني من السبت بتلقووني بالبريك فيذااا  << تفكير الأبتدااائي اهئ اهئ

امممم شتبوون أقووول أممم بسوولف عن الدوااام لي يومين مدااومة بحط تجربتي << غصب بسميها تجربة ,,

السبت ,,, 7/3/2009م طبعاً مانمت الجمعة غير ساعتين تقريباً وجاني أرق مو طبيعي وماخليت بلاطة في بيتنا إلا ومشيت عليهااا ( والله من الدجة ) و صحوا اللي ببيتنا كلهم الفجر صلينا وخلااص صحصحوا العرب وانا لقاافة معهم مع أن محاضرتي 12 بس خبركم اللي أول مرة يتحمس ويجيه حالة من الدفاارة والتنااحة بنفس الوقت المهم ( نااوية أطوولها هع ) ,,,

ويفضى البيت 7:30 وماافي إلا أنا وافتح الملتقى والمسن واسوولف مع شدين الفااضية اللي مقررة تسحب ع الكولج واهذر واهذر على غير سنع طبعاً واقرر بالغلط ارووح اتجهز يبيلي سااعتين ونص ويووم خلصت ( أنا جووالي كاميرا والشريحة جديدة وماعجبني الرقم وقلت برجعها محل عمي كيــفي محد له شغل ) ,,,

واخذ جوال أخووي وعلى اسااس أن فيه رصيد و السااعة عشر أخذ الموباايل وأدق على أبوو الشباب داادي طبعاً وإلا يطلع الرصيد ( زيــرو ) واخووي الذكي ماقالي يقوول ماسألتي و ما أعرف شسوي قلت عااتي مامي دقت ثلاث مرات بتدق المرة الرابعة بقولها كلميه وماادقت واحتست حووسة مابعدهاا شيء ...

وأتسدح بسرير أخووي واحووس دروجهم وألقى ثلاااث جوالااات قلت بس جااني الفرج ..

واشغلها بدوون شراايح واللي رقم سري ومدري وش السااالفة قلت بشووف الصادر يمكن ألقى هذاك الرقم اللي يدقون على حساب داادي وماالقيته لأن الشراايح سواا واللي معي موباايلي ( جزال اخوي ) وهـ بس وأفصل النت واقعد مسنترة عند التلفوون وتنحت من الأرق اللي مدري وش يبي في الحياااة وجاااااات 11 و19 دقيقة اهئ اهئ ماابااقي شيء على أول محااضرة شسوووي يااربي 12 تبدأ وما أبي غيااب من أولهااا ولا يحطوني في باالهم وبس جاات الفكرة ( انادي شغالتنا أقوولها ياامرة ماعندتس بطاقة اتصاال قالت فيه بس رياال وااحد),,

قلت هذاا المطلووب واجي أدق ويقوول شركة الاتصالات السعودية سلاام ترحب بكم ... إلا يقوول طووط طووط يعني انتظاار واقطع وارد يطلع داادي يقوول وينتس ليش مادقيتي ليكوون ناايمة قلت أنت اللي وينك ولدك الذكي نكبني ماعنده رصيد ,, قالي كاان دقيتي من الشريحة الجديدة وخلااص افتحيها واستخدميها قلت في جيبك يااحظي ( يعني كل شيء ضدي اهئ اهئ ) ويقوول تجهزي يالدلخة واطلعي ,,

وعلى الطريق فيه حاادث كالعاادة بطريق الدمااام عند سنتر بووينت ماايحتااج الكل يعرف أبوو الحوسة هناااك وانااا من القلق و التعب اللي فيني خلااص ببكي ( بس خاايفة ع الكحل يخرب هع ) ودادي يضحك ويقوول يابنت من يوومتس تتأخرين ماتجين إلا الحصة الثاانية قلت ذاا بالثاانوي ( خبرة في التأخير و النحشة وهـ بس فديتني زااحفة منذو الصغر ) وأدخل الجاامعة وأقابل بنت معي من الثانوي وأدق ع الغلا على ما أظن اصبح إذا ماني غلطانه وأقولها أنا لاابسة (.. 9 بتعرفيني قااعده ع العشب قالت تعاالي وأجي وتدق وأفتح أرد إلى بنت فااطسة ضحك جنبي وأسلم عليهاا وتقوول ( ترى فيه أحد موصويني أكفخج تحداج منو << أقلدتك وش رأيك فيني هع ) ( على طوول طرى على باالي اللي قالها بس قلت مااا أدري أستحيت أقوول ولا تقولي الأسم خخخخ قعدنا نضحك نص سااعة وحشيناا فيكم فرداً فرداً وأنواااع الهسترة وهـ بس فديتها رهيبـة مثلي طبعاً ,,,

وطسينا وخلصت المحااضرة الأولى ,, وحلووة وجاات الثاانية وعدت المهم أرووح البيت السااعة 4 ونص تقريباً و أغمى علي أقصد نمت وما أحس بنفسي وقمت 8:30 تقريباً وأصلي المغرب والعشااء وفيني نوووم بس ماقدرت أحس أني تعباانة وقالت لي مامي ارتااحي وجهك متغير وانا جوعااانة وارووح أفطر وأتغدى مع بعض  وأقعد ع السرير اتقلب لييييييين 2:30 ,,,

وقمت الفجر صليت وداومت سبع ونص وكالعادة حادث ع الطريق بس محاضرتي الساعة 9:30 ويوم أووصل يقوولن لبقي ع اليمين بلووزتك قصيرة ( نص كم ) وتجيني الصيحة ليييييه محد قالي ومالت ع النظام وع اللي اخترع النظاام قالوا مالنا شغل حتى لو مستجدة انطري المرشدة ذي مدري شسمها والمهم استنى لييييييين 8:20 اهئ اهئ تخيلووا اناااا أحسن وحده بالدنياا اتشرشح كذااا ( نصاابة أكل علك و أسوولف بالجوااال طبعاً كاميرااا ) ومريت ع الزفت ووقعت تعهد وعطتني بلووزة واتهااوش معهاا قلت خلااص وقعت تعهد مانيب لابسة أبد وتقوول لاا تلبسين غصب ( وأنا أي أحد يعاندني أجيب العيد وأخرب أبو أبو السالفة ) وأعصب وأخذها وأطلع وهي تقول تعالي ألبسي وأطس أفطر انواااع الروااقة مع وحده أعرفها من الثاانوي ,, ونجوناا من الجواااال ويووم أضيع المحاااضرة تجي وحده الله يأخذ عمرهااااااا وتشوفني أكلم وربي مو بااين وضاايعة عن المحاضرة غيروا مكانها وتشيل الجوال وتمشي ودايركت أمشي ورااهااا وأوقع تعهد ثاني ويصادر الجوال بعد ماكلمت دادي وقلت تعاال اربع ويضحك ويقول تستااهلين ( هذاه وهو اللي قاايل لي خذيه عاتي ) المهم وأصدع ووجهي يصير أصفــــر وتجي الزفت اللي عطتني البلووزة تقوول خلاااااص حولها فصل من الجامعة الله لا يوفقها بحيااتها ( هذا وأنا شكلي محترمة وهادية وما رديت عليهم وكانت حلووة معااي بس طلعت الحيووانهـ اللي تهااوش منااك تدرسني إدارة أعماال وقالوا البناات عز الله سقطتي من الحين وأنا أحلف أن صااار ونقصتني أني أشووت الماادة ولا أبووه أبووهااا بعد << ترى مو صقيقة الغلا اللي قالت لي بتسقطين هع )

وأطس بعد حوسة ودووخة بالمبااني و تحت ذا الشمس اهئ اهئ بعــــــــــيد والله بعـــــــيد ليش ماتجي الدكتوورة لمبناانااا خيررر ,,,

وأركب السياارة وأبدأ بموجة الدمووع ( أنا مو من عاداتي أبداً أبكي ما أحب أنول دموعي ) والدعااوي اللي غريبة عجيبة من ابتكااري طبعاً وحقوق السب محفووظة اللي يبي منهاا يقوول بخمسين الدعووة ترااها شيك وأخر ستاايل )

ددي ( خااف علي يحسب صاار لي شيء وبعدهاا فهم أني بس مهسترة و حالتي حالة ) يهدي فيني ويقوول عااتي ماعليك منهم برووح وأحووسهم أبشري بس خلااص انطمي وأنا أبد أبي أسكت بس مو قادرة أحس أني خلااص أنفجرت مو كفااية قعدت ساعتين برووحي بالكافتيريا لو ما دقت علي الغلا كان انتحرت ولا مت وحده من الثنتين .. أووصل البيت بعد ماسكت شووي بس أشوف أمي وابدأ من جديد وأجي فيذا وألقااكم تحشووني فيني وأنا طبعاً حالتي حاااالهـ وأرد بالمسن عليكم وأنااام ع الطااالة اهئ اهئ والله ما أتذكر شلون كل اللي أذكره أني كنت هنااا وبعدهاا ع السرير وصحيت 9 عشاان العشاااء وأفطر وأتغدى وأتعشى وأجي أفتح الوورد وأكتب لكم مأساااااااتي آآآآآآآآآهـ كل اللي أبيه منكم أنكم تطلعوون مايستفااد من القصة ..<< بيتغير نظاام التجارب إلى يومياااات مأسااوية ,,, تخيلوا أنا اللي طوول عمري ممشية مدرسة فيهاا أكثر من ألف طالبة على مزااجي وما خذه راحتي ( بأدب طبعاً وماطلعت عن النظام بقوة بس مكيااج ومناكير وشووز ملوون ونحشاات من الحصص على خفيف بستأذااان << بسم الله علي هع ) يجي أحد ويفرض علي شيء بأسلووب سيء مو محترم لو كلمتني بأدب بستحي وبسكت أماا تجي تناافخ وكأنها جامعة أبووهاا لاا ذي قووية هذا وأنا دارسة بفلووسي وسوت كذا أجل لو حكومي كان شسووت الخاايسة ,, حسبي الله ونعم الوكيل وأقوولها كتبت تعهد قبل نص سااعة تقوول عاتي مرة ثاانية الله لا يوفقها بحيااتها ولا يهنيها جعلهاا .. اللي مانيب كااتبة لأني خلاص قلت ,,,

ازعجتكم إذا تبوون تحذفون أحذفوا عاتي المهم أني كتبت الي بخاطري ,,, أختاروا اللي تبوون ولا أقوول كل واحد منكم يكتب شيء يالله بسرعه حركواا أصاابعكم ... الكيبوورد غبر من زمان ماكتبتوا ..
إذا تبون أكتب مرة ثالثة بعد عاتي ماعندي مشكلة << الموضوع موضوع غسووقتي كيفي أنا وهي وااحد هع واللي مايبي يقرأ لا يقرأ

رجاءً لحد يواسيني ولا تتشموتوون والله أني أضحك على نفسي واستهبل ولا أنا أنــــــــتهـــــيت وأفكر جدياً أترك وأقدم على أراامكوا وطبعاً ما أعرف أحد بعد بس خاطري أتووظف هناااك << شووف الطمووح بس ...

خلاص خلاص بوقف كل شووي أكتب زياادة ,,
الساعة الحين 2: 27 فجراً بأخذ حبوب للزكاام لأنهاا تنوووم أبي أناااااااااااااااااااااااااااااااااااااااااام مع اني مو مزكمة بس عاتي ( لو تدري مامي تذبحني دايم تهاوشني ) بكرة محاضرتي من 12إلى 1 بس  ونااسة ترى ماراجعت عذراً على الأخطااء اللي بتلقوونها ,, دعواكم لا تدعوني علي أدري طولتها بس كيفي أنتوا اخترتوني

دنيتي قلبك

2009- 3- 9, 07:53 AM

خخخخخخ محمد تووني أشووف ردك سبحاان الله :cheese:

سنتين وتعدي

2009- 3- 9, 10:46 AM

ههههههههههههههههههه
لسه فاكر كان زمان كان زمان لسه فاكر

وينك ووين الثانويه يابنيه الله يعينك بس على عمرك :cheese:

دنيتي قلبك

2009- 3- 9, 10:58 AM

هههههههههههههه وتغني بعد من زين الصووت

مو على كيفهم والله نفسيتي زفت ما أحب اللي يناافخ يكلمني باحتراام أمشي اووك يعااند أعلمه وشلوون العناااااد :cheese:

أهم شيء وش رأيك ينفع أكتب روااياااات :c8:

سنتين وتعدي

2009- 3- 9, 11:01 AM

ايه ماشاء الله عليك حسيت اني عايش المعاناه معك حبه بحبه حتى من الحماس اعطوني تعهد ووقعته:cheese:--------->يتشمت

دنيتي قلبك

2009- 3- 9, 11:04 AM

لا تخليني أدعي عليك :bawling: أكرهكـم كلكم محد حااس فيني وربي طوول الوقت بالجاامعة أحس أني مااسكة دمووعي :Cry111:

سنتين وتعدي

2009- 3- 9, 11:18 AM

وش دعوى بس منقهر منتس كل ذا في اول يوم تسوينه يالظالمه :017::017:

شوي شوي وفري التعهدات الى وقت الحاجه

دنيتي قلبك

2009- 3- 9, 11:23 AM

مو أوول يووم :bawling: ثااني يووم :cheese:

تقوول الزفت الله يعينك شكل هاليووم ضدك

والله على كثر رجتي بالثاانوي والمتووسط والدجة والهووشااات:c8: ماعمري كتبت تعهد وكذا فجأة اكتب تعهدين :Cry111:

شكلهااا متهااوشة مع زووجها وحطت حرتهاا فيني معاااي بناااااات كثير يبكوون وانا مدري وش السالفة بس دادي حلف يأخذ حقي أنا دندون مو حي الله :g20:

سنتين وتعدي

2009- 3- 9, 11:37 AM

خلاص انا بااكلمهم لك يمسحون هالتعهدات...اعرف نص المشرفات عندكم

وافتحي صفحه جديده --------->ياقدييييييييييييييييييييييييييم

STUART LITTLE

2009- 3- 9, 02:22 PM

قلبتوا الموضوع ماسنجر ياويلكم من غسق اول ماتشوف هالردود المسطره هناا ..هههههههههههههههههههه

اقول اسدحي تجربتك بس .. :cheese:

الغلا

2009- 3- 9, 04:30 PM

فديييييييييييييييييييييت خشتج صقيقتي ع هالتجربه

تجنن وربي

<<ما كأنها تعرفها

لووووووووووووول

لا من جد من جد من جد يعطيج العافيه

ولا تقلديني ع الجيم هااا طيب طيب

نوو كومنت

مالت:cheese:

ياحبي لج ولكلامج وتعهداتج بس

غسق

2009- 3- 9, 05:08 PM

لحظة لحظة بصيح معك ..:bawling:

<< ذكرتيني بأيام التسجيل ماطلع اسمي بالدفعة الأولى و إلا نرووح أنا و ثنتين من الربع << تجمعنا نفس المشكلة ، تخيلي تقول و هي تصارخ تعالوا الأربعاء بدون ماتعرف السالفة << يلعن ابو الأدب المفرقع ، قسماً بآيات ربي ودي عطيتها طرااق يخليها تستوعب أن هذي جامعة فيصل مو جامعة أبوها .. خل تستريح و تصحى من غفوتها ..
و أروح لك ذيك السيارة ( الكامري << وش دخل المهم ، و يسألني اخووي و هو متفائل شنو صار إلا انفجر بوجهه من الصياح ، و انواع السب الـ.. الـ.. الـ... تصارخ علي أنا ابووي و امي مايسوونها بوجهي من تكوون و أنواع العياااط ، إلا و ينزل و يتفاهم و يحل المشكلة .. <<< خخـ ذكريات :119:

وهـ وهـ وهـ .. دندونتي حيااتي .. كل هذا صار لك ؟
:s12:

حساافهـ ماني بيمك ، كان اكفخ اللي ...
المهم ..
الموضوع موضوعك ، ملكك ، متى مابغيتي تدخلين ..
حبيبتي بختار عنك ..

الأخ وراد ..
من رواد القسم الأدبي ، اتمنى وجودك هنا ، تتحفنا بإحدى تجاربك الرائعهـ ..
:g26:

دمع حبي ولآ دمعي

2009- 3- 9, 06:15 PM

:hahaha_2008: :hahaha_2008: :hahaha_2008: :hahaha_2008:

دندونـهـ الله يرج ابليستس كل هذآ صار بيومـ وآحد

جد مآيستحون على وجهمـ وش رايتس تجيبين لي معتس وآسطهـ يرجعون جوآلي ياجعلهمـ البلااااااء :017:

المهمـ .. تجربتس تضحكـ بقوووووهـ :cheese: وتهبل نفستس يافديتس بس :love080:

بنت أبوها

2009- 3- 9, 06:33 PM

تخيلوا أنا اللي طوول عمري ممشية مدرسة فيهاا أكثر من ألف طالبة على مزااجي وما خذه راحتي ( بأدب طبعاً وماطلعت عن النظام بقوة بس مكيااج ومناكير وشووز ملوون ونحشاات من الحصص على خفيف بستأذااان << بسم الله علي هع )

وأطس بعد حوسة ودووخة بالمبااني و تحت ذا الشمس اهئ اهئ بعــــــــــيد والله بعـــــــيد ليش ماتجي الدكتوورة لمبناانااا خيررر ,,,

<<أموت على خير , معصبه :hahaha_2008: :hahaha_2008:

أبشري بس خلااص انطمي وأنا أبد أبي أسكت بس مو قادرة أحس أني خلااص أنفجرت

:hahaha_2008: :hahaha_2008:

والله على كثر رجتي بالثاانوي والمتووسط والدجة والهووشااات:c8: ماعمري كتبت تعهد وكذا فجأة اكتب تعهدين :Cry111:

شكلهااا متهااوشة مع زووجها وحطت حرتهاا فيني معاااي بناااااات كثير يبكوون وانا مدري وش السالفة

ههههههههههههههههههه

ههههههههههههههههههههههههههههه

ههههههههههههههههههههههههههههههههههه

دندوون يالمجنونه يقطع سوالفك :hahaha_2008: :hahaha_2008:

والله كسبتي فيني آجر من زمان ماضحكت

خخخخخخخخخ :hahaha_2008: :hahaha_2008:

ياربي

:hahaha_2008: :hahaha_2008:

وحسبي الله عليهم اللي خيسوو عليك يومك :cheese:

أنتي دندوون مو حيا الله

~|| A

2009- 3- 9, 06:37 PM

ياااااااويلي .. :s12:

والله انهم ماايستحوون كذا يسوون فيك ..:017: >>> لو نااديتيني كان خليت جدتي تعلمهم الادب ..:cheese:

امااا مخالفاات اللبس ترا عادي كلنا كتبنا مخالفاات .. :cheese: >>> تكلمي عن نفسك لو سمحتي :hahaha_2008:

الله يكووون بعوون الجميع وان شااء الله نعدي السمتسر هذا ع خيير يااارب وبدوون مخالفات ولا مشااكل ..:praying:

والله تجربتك رهيببه واستفدت منها كثيييييير ..

واهمهاا اني مااجيب جوال كااميراا معي ..:cheese:

ღMs.Kღ

2009- 3- 9, 07:02 PM

والدعااوي اللي غريبة عجيبة من ابتكااري طبعاً وحقوق السب محفووظة اللي يبي منهاا يقوول بخمسين الدعووة ترااها شيك وأخر ستاايل

:hahaha_2008:

اتحفينا .. :cheese:

شدندن..
والله تجربتك رهيببه واستفدت منها كثيييييير ..

واهمهاا اني مااجيب جوال كااميراا معي ..

<<<<اهم شي :hahaha_2008:

يسلمووو دندونه ع التجربه المفيده ..

<=== تقبلوا مروريhttp://www.zhor-al7b.com/up//uploads/images/zhor-al7b1b9831e209.gif

وراد

2009- 3- 9, 08:31 PM

غسق

شكراً على الدعوه

المواقف كثيره بس راح اذكر اهم موقف بالنسبه لي

واتمنى تستفيدون منه .

قبل حوالي 5 اشهر

ترشحت من احدى شركات الادويه لحضور مؤتمر علمي في

احدى الدول العربيه (مصر)

كانت اول مره اسافر الى هذا البلد

المهم

بعد وصولي الى الفندق

اجتمعت مع احد النضمين واخذت منه جدول المحاضرات اليومي

وكانت مده المؤتمر 4 ايام

المهم

بعد اخذ قسط من الراحه خرجت من الفندق
خرجت اتمشى

ركبت مع سيارة اجره واخذ يسألني ,
من فين ياباشا

قلت من السعوديه

منور ياباشا

اهلا

المهم عرف اني اول مره اجي الى مصر

لاني اسأله عن الاهرامات و عن الاماكن السياحيه

المهم

اخبرته بسبب قدومي وسألته عن مكان انعقاد الدوره
اعطيته العنوان اللي معي ,قال آه دا في المكان الفلاني
وكان في بالي اني راح اخليه يجي كل يوم للفندق يوديني الى المؤتمر

اتفقت معه يجيني بكره بدري

فعلاً جا واخذني وقعد يلف فيني ساعه

وانا ياغافلين لكم الله

المهم وصلت متأخر شوي

خلصت المحاضره والشيخ واقف يحتريني

اخذني للفندق
حاسبته بـ 40 جنيه

واقلت في بالي والله انه اجودي ورخيص

واعدته في المسا يوديني اتمشى وافرفر في ام الدنيا

المهم ولحسن الحظ كنت في بهو الفندق جاني مندوب شركة الادويه الراعي للمؤتمر

وكان مصري وعلاقتي معه جيده

سألني عن سبب تأخري عن المحاضره

جاوبته بكل ثقه

لا تسألني اسأل نفسك

حاجزين لنا في هالفندق

ومكان المؤتمر في اخر القاهره

ليش ما تحطونه في نفس الفندق او على الاقل في مكان قريب منا

تعجب مني وقال : عاوز اقرب من كدا , المسافه بين الفندق ومكان المؤتمر 4 كيلو

اخبرته باللي حصل معي وكيف المخلص سوق الليموزين مسرع في توصيلي

ضحك وقال انت عرفتو منين يقصد السواق

ابتسمت وقلت بصوت واطي (من الشارع)

قال دا بينصب عليك عاوز يلهف منك فلوس

المهم

جا السواق بإبتسامته العريضه
عاوز تروح فين ياباشا
قلت اليوم ما اقدر بس بكره لا تنسى موعدنا

جا من بكره بدري
ركبت معه قال نفس المكان ياباشا

قلت لا رح من هنا واخذت اوصفله الين وصلنا للمكان

نزلت وقلت وش رايك قريب المكان ولا

ضحك وقال عاوزين نسترزق احنا غلابا وبقري على كومت لحم

المهم

قلت حساب مافيه ولا عاد اشوف رقعت وجهك يانصاب.:017:

اتمنى ان لا احد يقع ضحية نصب مثلي :000:

عذراً على الاطاله

:mh19:
بما انني من رواد ملتقى الشعر

سأدعو احد من لهم بصمه في الملتقى

ورد شاركينا في تجربه من حياتك

غسق

2009- 3- 9, 08:51 PM

مصائب قوم عند قوم فوائد ..
لا تبتئس أخي وراد .. الحياة لا زالت تدرسنا ، و لكنها ترفض تسليمنا وثائق التخرج ،
شرفنا وجودك ،

:g26:

بانتظار صاحبة القلم الرائع ..
ورد ..

:g26:

محمد القحطاني

2009- 3- 10, 11:58 AM

هع هع ياني ضحكت ضحك بعمر جدتي نوره ماضحكته
بس تمنيت انه الغلا طبقت وصيتي اف ودي انها طقتك او صنك بطراق وهربت ورى احد الحارسات الوحشات خخخخ
اتخيل وانتي ماتقدرين وتبين تردين الطراق مابترتاحين لين تردينه خخخخخخخخخخخخخخخخخخ
كل مادخل فيذا افطس ضحك واطلع كرشي يعورني ولا اقدر ارد الله حسبي عليك ولا اتخيل شكلك بالبلوزه حق الكليه احس انك تصلحين لدعاية لشامبو > لادموع بعد اليوم خخخخخخخخخخخخخ:hahaha_2008:
وارد ذكرتني بسالفه حصلت لواحد اعرفه الرجل راح مصر المهم لما وصلو للقهوة طلبو شاهي قال العامل بشوب او بدون الرجل قالو وش الفرق قال الي بدون بجنيه والي بشوب بجنهين قال طيب حط لي الي بشوب
طبعا المصري اخذ الكوب وصب الشاهي من ارتفاع وطلع شوب قال وش هذا قال بشوب شوفو شلون النصب بس يرفع البراد ويصب يطلع شوب ويرفع بالسعر هههههههههههههه

ورد.،.

2009- 3- 22, 05:04 PM

مشتآآآآآآآآآآآآآآآآآقهـ لكم موووووووووووووت

:bawling:

و آعذروني .. :c8: ع التآخير

كآن جهآزي عطلآن من اسبوعين :Cry111:

و تو اليوم صلح :cheese:

فقلت اول شغله اسويها

آشآرك بهذآ آلموضوع

:cheese:

و يـ ع ـطيك ـآلف ع ـآآفيهـ وراد

ع آختيآرك لي

:119:

ورد.،.

2009- 3- 22, 11:18 PM

بسم الرحمن الرحيم

كآني رديت .. :119:

بصرآآحه تعبت ادور بحيآتي تجربه ]|تستاهل الذكر|[

.؛

و مآ حصلت ..!!.. :c8:

آظن لآني من النوع آللي يطنش لمآ يكون بمشكله

يعني شعآآري >> طنش تعش و تنتعش :cheese:

فمعظم تجآربي للفله مآ في شغله آفيدكم فيهآ آفاده آللي هي

يعني ما آقدر إلا آني آضحككم علي << هه ههه هه

آحس معظم تجآربي طفوليه :g2:

رآآح آذكر لكم كم موقف لي في طفولتي :119:

تثبت لكم آني كنت عآيشه حيآتي ولاني شآيله آية هم << هه ههه

:cheese:

(1)

كآن عمري بين الـ 5 و 6 سنوات

فكنت دجاجه = آصحى مع صيحة الديك .. اذا مش قبل :mh19:

و الآهل ما يصحون الآ بالـ 9 و فوق

فكنت آمل من الوحدهـ .، و آجوووع

فبدون تفكير آتوجه لغرفة آبوي .. :cheese:

و آخذ لي كم فلس = مش آقل من 50 ريال سعودي :cheese:

و آطلع من البيت و البرآءة مآليه وجهي << هه ههه :cheese:

من البرآءهـ .. كنت آقفل الباب و أنا طالعه :hahaha_2008:

و آروح ع البقاله .. و آشتري لي بآلـ 50

2 آيس كريم .. و .. بس :cheese:

و من الكرم الزآيد مآ آخذ بآقي الفلوس

و آرجع البيت .. و آنا عآرفه آن مآ في حد يفتح لي الباب .؛ :no2:

لآن الكل نآيم ..

فمآ آتعب نفسي و آدق بآب آو جرس :cheese:

آجلس ع الدرج و آكل بالآيس كريمآت

و آنا متأمله آن آمي مسيرها بتصحى

و بتدور علي و ماراح تحصلني

فبتطلع الشارع = بينفتح لي الباب :cheese:

و زي مآ أنا كنت متأمله صآر :119:

و كنت آستقبل آهلي بآبتسآمتي البريئه << ههه هه

الحلو بالموقف .. آنه يتكرر يوميا ً

:hahaha_2008:

يعني آبوي كل يوم يخسر 50 ريال ع الفآضي

هه هه هه هه هه

(2)

هذآ الموقف آكتبه و آنا فآطسه ضحك على برآءتي= ثوآلتي :hahaha_2008:

كنت تقريبا ً بنفس العمر آللي ذكرته منى شوي

يعني لسه مآ سجلت بالمدرسه :cheese:

فكآن آبوي يآخذني معه بالسيآره

عشآن نجيب آخوي "الله يرحمه" من مدرسته

و كآنت سوآقة آبوي بآإآردهـ آلف :c8:

آنا كنت آتحملهآ في روحتنآ للمدرسه

بس لمآ نآخذ آخوي من المدرسه= في ردتنآ

يكون نفذ مني آلصبر :089: .. فبكل بسآطه ..

آرمي نفسي من نآفذة السيآرهـ

و آرجع للبيت مشي << آسرع لي :hahaha_2008:

هه هههه هه ههه

..!~!..

على فكرهـ في فآءدهـ من هآلموقفين و الآخير بالذآت

و الفآءدهـ هي ..

عش حيآتك لآن الله سبحآنه هو الحآفظ

لا أنت ولا آهلك اللي بيحفظونك

..

آدري آني طولتهآآ .. و بقوووهـ بعد :c8:

بس مو هذآ المهم .. المهم آنكم تستمتعون معي :119:

.؛

و آختآر بعدي ..

آختي الطموووحه

:119:

وراد

2009- 3- 22, 11:28 PM

ورد

منوره المنتدى

وموقف غايه في الروعه والبرائه

والله يرحم اخوك ويسكنه فسيح جناته

++c

2009- 3- 22, 11:31 PM

ههههههههههههههههههه

ورد تجنن طفووولتك .. حلو الواحد يعيش يوومه ببساطه

بس عاد مو يرمي نفسه من ناافذه السياره ...:cheese:

ورد.،.

2009- 3- 23, 01:05 AM

ورد

منوره المنتدى

وموقف غايه في الروعه والبرائه

والله يرحم اخوك ويسكنه فسيح جناته

النور نورك

و هذآ من ذوقك و طيب آصلك

:119:

ورد.،.

2009- 3- 23, 01:07 AM

ههههههههههههههههههه

ورد تجنن طفووولتك .. حلو الواحد يعيش يوومه ببساطه

بس عاد مو يرمي نفسه من ناافذه السياره ...:cheese:

:c8:

المهم آني إلى الآن عآيشه

:hahaha_2008:

غسق

2009- 3- 23, 03:54 PM

و أخيراً ,و حظينا بوجودكِ يا ورد ...
مسائكِ ورد .

براءة تحطم قساوة الزمن ، رائعه جداً جداً ...
شكراً جزيلاً لإضمامكِ إلينا هنا !
لنا الشرف و كل الشرف ،
:g26:

بانتظار الطموحة تتحفنا بإحدى تجاربها ,
:g26:

ورد.،.

2009- 3- 23, 04:02 PM

خخخخخخخخ ورد حيااك
الله يحيكِ و يبقيكِ :119:

الله يااعسووله وين الناااس وحشتيني

:c8: تسلميـ ليـ :c8: و آنتوا وحشتوني موووت :c8:

يااني ضحكت لين دمعت عيووني ولا تروحين البقااالة خخخخ :hahaha_2008:

تووووحفة ,,,
دوووم الضحكهـ يا قلبي :cheese:

والله يرحم أخووك ويسكنه جناته ,,,
و يرحم موتى المسلمين و الملمات آجمعين

أسعدتيني بتواجدك ...

و آنا آكثر :119:

وبانتظار الطمووحة ,,

:119:

:119:

ورد.،.

2009- 3- 23, 04:18 PM

الطموووحـــه

2009- 3- 24, 02:38 PM

الغاليــــــــــــــــة:
غســــــــــــــــق..اشكرك على دعوتك الكريمه
وموضوعك الجميــــــــــل..كجمال روحك ونقائهااااا
..
يشرفني ان أكون بينكم ويسعدني تواجدكم
وكل الشكر لأختي الغاليه ..ورد..
على اختيارك لي ..
الله يسعدكم ولايحرمني منكم ..
...

دائمآ الأنسان معرض لتجارب الحياه
فيتعلم من أخطائه وتجاربه الفاشله
...

تجاربي ومواقفي كثيره ..
ولكن اكثرها في مرحلة الطفووووووووله
وماأروعهاااااا من مواقف..
..
:cheese:
طولت عليكم بكلاااام ماله طعمه
:hahaha_2008:

كنت في الصف الخامس الأبتدائي ..صدق شكلي
برااااااءه..لكن الشراسه تلعب دوووور
:119:

في يوم من الأيااااام جتني اختي الصغيره
تصيـــــــ:Cry111:ح!!

كانت في الصف الثالث الأبتدائي ..انا هنا
ماتحملت المنظر:017:

فقلت لهاااا من عليك فقالت وحده طقتني
وطلعت الوحده بنت معلمه معروووفه ..
هذا دستورها تطق البنااااات وتنحااااااش
لأمهااااا (واسطه)..

اذا امك معلمه تطقين خلق الله !!
المهم ..
جاء نهاية الدواااام ..وأنا مخططه براسي اني ماروح للبيت
الا وأنا طااااااااااقتهااااااا:103:

بدأت المعركه في ساحه الملاهي كانت رايحه للمبنى
الثاني بتطلع هي وأمهاااا ..
فجيت عندها وجلست اتكلم معاهاااا بأسلوب
وطلع الأسلوووب مانفع !!

فقمت بشد شعرها ومن ثم الطرااااق
وكان بجبي رمل نااااعم لزينه ..
وأخذته واكب على وجهها وماسمعت الا الصراااااخ
واااااااااااا:bawling:واااااااااااااااااااااا

اناهنا ..^^حطيت رجلي للبيت

وكنت خاااااايفه لليوم الثاني ..أخاف من أمهااا
المعلمه ..:000:
ومن حسن حظي دخلت المدرسه بكل ثقه ولا كني
عملت جريمه:cheese:..
الا البنت تطالعني كذا :000:
يعني عقلت والا يومكم هذا ماعلمت امهاااا!!
بس كانت تجربه حلوووووه ..فزعت لأختي المسكينه

...

اسفه على الأطاله واتمنى انه يعجبكم ..
أختااااار أختي ..
سناعيس شمر

غسق

2009- 4- 2, 01:06 AM

صباحكِ / مسائكِ ورد .

الطمووحهـ
براءة تحطم قساوة الزمن ، رائعه جداً ...
شكراً جزيلاً لإضمامكِ إلينا هنا !
لنا الشرف و كل الشرف ،
:g26:

بانتظار سناعيس شمر تتحفنا بإحدى تجاربها ,

سناعيس شمر

2009- 4- 3, 06:10 PM

الطموووحه اشكرك من كل قلبي أنك أخترتيني..
غسق شكرا على الدعوة..
تجاربي بالحياة كثيره يمكن لاني أحب المغامره بكل شي...

أقسى تجربه خضتها في حياتي يوم كنت بالمتوسط صحيح إني إجتماعيه ودايما مكاني أخر الفصل علشان السوالف والهذره
كانت وحده تجلس قدامي هاديه بعكس كل البنات اللي بجنبها أنا علاقتي معاها بسيطه لكن علاقة البنت هذي مع صديقتي اللي بجنبي حييل ..
ومع الايام البنت صارت دايما تسأل عني وعطتني أهتمام غيرطبيعي ودايما تجلس وتسولف معي عن نفسها وأهلها وأكتشفت إن البنت عايشه وسط عايله شبه متفككه الاب متزوج من اثنين والبيت ضيق وحالتهم حاله واحد من أخوانها متشدد بالدين والباقي الله أعلم بحالهم في اللي مايدل المسجد وغيره المتوسط بالدين
المهم أنا من طبعي إني أحب الوناسه وما أحب أسمع الشكاوي اللي تضيق الخلق أعيش يومي ولا أفكر بالامس ومشاكلي بالحياة ما أفكر أصلا بحلها أرمي كل شي ورى ظهري وامشي وأنسى اللي فات ... (وطبعا أنا أحب شي اسمه علم النفس قلت لنفسي يابنت خليني أصير دكتوره وتفلسف عليها)
ودايما البنت تناديني وتفضفض اللي بقلبها وأنا قلبي يحترق على الطلعه برا الفصل بس عشان علم النفس يهون كل شي ..
المهم أختصر عليكم بيوم من الايام وأنا أقرا الجريده وبالتحديد الصفحه الطبيه ( صحيح إني كنت مثقفه) أعتقد كان الموضوع عن الاكتئاب والانفصام في الشخصيه وكانت أعراض المرض كلها موجوده بالبنت وبعد تفكير بالموضوع سويت بحث شامل عن المرض
وكتب أعراض المرض بكتابي الجغرافيا وعلاجه وكل اللي يتعلق بالمرض:150:...

وإذا جلست معاها بحصه الجغرافيا أقول تحسين بكذا وتحسين بكذا وكانت تقولي أيه احس....
وطبعا البنت ماتدري أني أغش الاعراض من كتابي وكنت أقوله توكلي على الله وتبعي كل اللي أقوله لك...
كنت أقولها عن السلوكيات والاشياء اللي تطلعها من المرض طبعا السلوكيات أنا خذيتها من أحسن الاطباء النفسيين والحمدالله إنها كانت واثقه فيني وتسوي الاشياء اللي كنت أقولها..

والله بفتره قصيره وقبل لاينتهي الترم إلا البنت تغيرت وصارت وحده ثانيه إجتماعيه وصارت وحده من المزعجات بالحصه من كثر سوالفها وضحكهاحتى إن المعلمات يقولن إني خربت البنت وأستمرت علاقتي مع البنت الى الثانوي...
لكن إلى الان ما عترفت لها إني كنت أغش من الكتاب ولا أعترفت لها بطبيعه مرضها وكانت تدعي دائما إني أدخل علم نفس لاني كنت أحب هالتخصص...

بس للاسف دخلت لغه عربيه وما أقول غير قدر الله وماشاء فعل:Cry111:
والله كل ماتذكر البنت تكسر بخاطري المسكينه والله إني تندمت على كل اللي سويته أحس إني كنت شريره وأحيانا أقول بالعكس أنا طلعتها من الحاله اللي كانت فيها وإلى الان ماأدري اللي سويته صح أو خطا... وعذرن على لاطاله

وأتمنى أشوف مشاركه لتهزني الذكرى...

غسق

2009- 4- 7, 08:12 PM

مساء الخير ..

أولاً / تشرفت بحضوركِ هنا ، سنعوسه، ..
ثانياَ /تجربتكِ تنم عن قدرة تختزنيها بأعماقكِ ، و هيَ متمثلة في مساعدة الآخرين و الخوض في كنه الأشياء ..

ثالثاً / ماقمتِ به يعتبر شجاعةً منكِ ، و لا صلة له بالغش ، احياناً نضطرُ إلى مد يد العون دون الإفصاح عن السبب ، و هنا تكمن روعة الموقف ..
رابعاً / تجربتكِ رائعة و جديرة بالذكر الجزيل ..
شرفني حضوركِ ، أهلاً بكِ ، و اعذري تقصيري و تأخري بسبب انشغالي بأمور الدراسة ..

كوني بخير ..
:g26:

جاري استدعاء تهزني الذكرى

القلب النابض

2009- 4- 7, 08:23 PM

حسك بالمسولية ومحااولة
اكتشاف شخصية صديقتك
واخراجها مما كانت فيه لا يعتبر اثما تعاقبين عليه

تجربتك مفييده
شكرا سنااعيس

تهزني الذكرى

2009- 4- 11, 12:38 AM

اسفه ع التأخير
عندي مشكله في الشبكه:c8:

اولا موضوع روعه بروعه غسق واشكرك ع الدعوه
ثانيا اشكر سناعيس شمر أنك أخترتيني....

ولي عــــــــــــــوده

غسق

2009- 4- 18, 02:29 PM

نتظر عودتكِ !
:g26:

UnItEd CoLoRs

2009- 5- 1, 03:27 AM

السلام ع ـليكم ورحمة النور وبركاآته ..
لاتع ـليق يليق
شكراً مبدع ـتناآ { غسق ~
تسلم أناملك
أحلا وأقوى تحيه / لكل من اتحفنا بتجاآربه ..
ع ـشت مع ـكم ألواآن المشاآع ـر
سبحاآن الله رووح اخويه تسري في بوحكم ~
الله يع ـطيكم الع ـاآفيه
ألف شكر ~
أختكم / UnItEdCoLoRs

وبإنتظاآرك ع ـزيزتي تهزني الذكرى

:g26:

عيون قائد

2009- 10- 2, 05:08 AM

يعطيك الف عافيــــــــــــــــــه

تايكوندو

2009- 11- 1, 02:28 AM

الموضوع جدا را ئع شكرا على أبداعاتكم البارزه

fatma

2010- 2- 13, 05:10 PM

اف وانا ماحد اختارني اف اف اف

fatma

2010- 2- 13, 09:32 PM

اف ماحد اختارني اف اف اف

اخر مراسيله

2010- 6- 5, 08:38 PM

كلك نظر ياحلو
تحياتي

دونتا

2010- 7- 15, 01:17 AM

ااا غسق

دونتا

2010- 7- 15, 01:19 AM

مرحبااااااااااااااااااا غسق موضوعك عجيب

ولي عوده في نفس الموضوووووووووووووووووع

يسلمووووووووموفق بإذن الله ... لك مني أجمل تحية .

RoOo Zan

2010- 12- 7, 03:09 PM

ليش الموضوع دا كدا .. :icon9:

مراد الصقر

2011- 1- 27, 09:26 AM

http://up3.m5zn.com/photo/2009/5/20/07/r1c524jnh.gif/gif (http://vb.6rb.com/redirector.php?url=http%3A%2F%2Fup3.m5zn.com)