ساعدوني بخصوص امتحان القبول للماجستير

[golden sands]

السلام عليكم ورحمة الله وبركاته
أنا قدمت على الدراسات العليا بجامعة الدمام وقالوا لي ان امتحان القبول ان شاء الله بيكون بـ 7 من شهر 4
المهم أنا حاولت وسألت اذا كان فيه مراجع لامتحان القبول لان صعب الواحد يرجع يقرأويذاكر كل شي درسه ...
ياليت اي احد عنده خبر ممكن يهمني يقوله الله لايحرمكم الأجر
واللي سبق لهم التجربة لا تحرموننا من تجاربكم وتوصياتكم تعرفون حنا محتاجين اي معلومة سواء عن طريقة الأسئلة او طريقة المذاكرة او اي شي
على فكرة أنا قسم دراسات إسلامية ...
وسؤال أخير بما انني مقدمة على قسم الدراسات هم مشترطين حفظ 3 أجزاء من القرآن عادي أنا أختار الأجزاء ... يعني سواء كانت تبدأ من جزء عم او كانت تبدأ من البقرة ؟؟؟
ومتى راح يكون تسميع القرآن مع امتحان القبول ولا مع المقابلة ولا راح يحدد له يوم ثاني ؟؟؟

ادري أني طولتها بس الله يعافيكم ساعدوني !!

وجزاكم الله خير ،،،

[انــآ]

.




.



هلا والله اختي



انا ما سبق اني دخلت اختبار الماستر لكن دخلت اختبار الاعاده كذا مره


الاختيار يكون شامل لكل المواد الى درستيها من سنه اولى وثانيه وثالثه ورابعه


وتخصصي فيزياء فيكون اختياري اما في تخصصات ثانيه يكون مقالي



وبالعاده الامتحان يكون دقيق لكن مو صعب واذا ذاكرتي بيكون سهل ان شاء الله



فنصيحه منى استغلي هذا الوقت بالمذاكره والتركيز على الاساسيات


نظمي وقتك و نزلي كتب من النت و استغلى كل وقتك بالمذاكره :wink:



على شان تنقبلي وترتاحى لان مو دايم يفتح الماستر وهذا


فرصه حلوه استغليها


ودوي بالنت على نماذج اختبارات الماستر او الاعاده لقسمك ترا اغلب الاسئله تكون


بنفس الطريقه تراها مهمه جدن جدن شوفي عندك ملتقى جامعه الملك سعود


واكثر ي الاستغفار والدعاء وباذن الله تنقبلي



فقط دعائك :wink:

[ملتقى المريخ]

وعليكم السلام ورحمة الله وبركاته
أنا دخلت اختبار ماستر طبعاً تخصصي جغرافيااا والاختبار كان مقالي اربعة أسئلة وتختاري ثلاثة أسئلة ، والأسئلة شاملة من سنة أولى إلى سنة رابعة .
مع أجمل المنى لك بالنجاح والتوفيق

[فنت الدنيا مهما علت]

ياليت أحد يفيدنا أكثر
أنا بعد قسم دراسات إسلامية
وأخترت >>> تفسير وعلوم قرآن
إنتي وش أخترتي ؟؟

[من بين البشر]

السلام عليكم انا تخصصي جغرافيا دخلت العام إختبار ماجستير الاسئلة من المواد الي درسناها بالبكالوريس4اسئلة مقالي نختار 3وفي مادة البحث درسناها سنة رابع جا منها سؤالين ومادخلت المقابلة لانهم مادقوا علي وبالمقابلة يسئلونك عن التخصص الي تبين تكملين فية ماجستير .................................................. ................................موفقات بأذن الله .

[golden sands]

السلام عليكم ورحمة الله وبركاته

الله يعطيكم العافية ومشكورين عالرد .. أخواتي

الله يعين أنا هذاني أحاول ..

من جد الامتحان ممكن يكون مقالي ؟؟؟!!!!!!
سلامات 4 سنين ندرس مواد عجب ويالله نلحق عليها بوقتها وبيجون باسبوعين يقولون امتحان فيهن كلهن و لا مقالي بعد !!!!

معليش أعزائي المسئولين هذا مو امتحان الطالبات هذا تعجيز الطالبات ومحاولة تقليص العدد ...

عموماً نحاول ونتوكل على الله ونشوف ..

أنا أخترت تخصص الفقه وأصوله ... والله ييسر للجميع ..

بالنسبة لنماذج الامتحانات اذا فيه أحد عنده خبرة عنهم أو يعرف من وين أحصلهم ياليت يساعدني ....

والله لا يحرمكم الأجر ..

[بوح من شعور]

الله يوفقك وييسر أمرك أنا لغة عربية ومثلك نفسي أعرف ليه حددنا تخصصنا هل لأن أسئلة الاختبار على التخصص والله جد حرام نذاكر من أولى إلى رابع من جد يالله نلحق وما يكفي أسبوعين أبي أعرف لو محدد لنا تخصصنا أسهل والله
الله يوفقنا يااااااااااااااارررررب ويوفقك وشدي حيلك وركزي على تخصصك أو برنامجك إلي اخترتيه ما تدرين يمكن يحسبون على اسئلته أكبر درجة أو يمكن يجي منه أكثر شي
والله ولي التوفيق :106:

[golden sands]

هلا اختي بوح من شعور ..
ادري الحال من بعضه .. ياليت يكون بالتخصص بس .. كان افتكينا ..

الله يعين من جد احس الايام تطير وحنا مو قاعدين ننجز شي ...

يارب تيسر لنا ياكريم

الله يوفق الجميع

[فنت الدنيا مهما علت]

يا أخوات بالنسبة لحفظ 3 أجزاء من القرآن

سألتهم اليوم قالوا لي إنتي تختاري 3 أجزاء ع كيفك وتحفظينها ويسمعونها لنا بالمقابلة

أما مراجع الإمتحان فمافيه أمل يقولون ما فيه مراجع محددة

موفقات بإذن الله

[طفلة البحر]

وانا كمان سجلت ماجستير عربي
وسألتهم قالولي ان الاختبار شامل
يعني اطلعي على الاشياء المهمة رؤؤس اقلام
بس بسألكم
الحين نختبر بعدين المقبولين يدقون عليهم ولا كيف؟
وكم الساعه راح يكون الاختبار؟

[golden sands]

اهلين يا بنات

وش اخباركم

زين اجل طلع التسميع بعد الامتحان احسن عشان نروق على مراجعه حفظنا ..

ايه يا اختي طفلة البحر الناجحات بالامتحان يدقون عليهم ويخلونهم يجون للمقابلة

اما بالنسبة لوقت الامتحان ..ما قالوا .. بس أكيد لازم تجين من بدري حتى لو كان الامتحان متأخر ,.,,يعني على 7 ونص تكونين هناك افضل.. هو يوم واحد اضغطي على نفسك وتعالي وبعدين يمكن تقعدين تراجعين مع البنات اشياء مهمة ..

سبحان الله يمكن ما تعرفين مكان القاعات او شي .. وعشان تضمنين ما يسوون حركات استهبال يخلون الامتحان بدري وبعدين يقولون انتي اللي فوتّي الامتحان ويروح عليك ..

اتمنى اني افدتكم ..وانا لو جاني اي خبر بكتب لكم هنا ..

*** على فكرة انا سألت قالوا امتحان الدراسات مقالي .... للاسف بس مدري هم يستهبلون ولا من جد لان

عددنا هائل معقولة بيصححون لنا كلنا ولا بس يقولون مقالي عشان نذاكر واذا رحنا طلع آلي !!

الله اعلم بس شدوا حيلكم وركزوا على التعاريف والاشياء المهمة ..

الله يكون بعوننا ..

[shooosh]

الله يكتب اللي في الخير للكل ..

ودي ارفع معنوياتكم .. بس كلي ثقه بإن الواسطه حتلعب دور كبير

ولايخفاكم ان المعيدات بيقدمون عالامتحان اليوم اللي رحت اقدم اوراقي فيه يمكن ٣ معيدات مقدمين اوراقهم قبلي

يعني المنافسه جدا صعبه لان المعيدات لهم اولويه ويكذبون لو يقولو كلام غيره

ما اعرف كم مقعد فاتحين في كل برنامج .. وكل تخصص المتقدمات فيه عددهم كبير غير معيدات الاقسام

فالوضع مره سيء .. :bawling:

[miss-fooshi]

الحين وين راح يكون الامتحان ؟؟ وش يعني اقسام تعليميه انا مقدمه ماستر انقلش ومن برى الشرقيه بعيييييييييييييييد بليز افيدوني

[ملتقى المريخ]

الأقسام التعليمية إذا كان تخصصك انجليزي يكون الاختبار في قسم اللغة الأنجليزية ،كل تخصص يختبرون في نفس القسم .
مع أجمل المنى لك بالتوفيق والقبول .

[طفلة البحر]

الله يعييييييييييين

بروح بدري احتيااااااااااطن للظرووووووووف

الله يساعدنا وويوفق الجميع

يارب

[shooosh]

خلونا نبحث عن أسئلة الاختبارات اللي فاتت ونكتبها عشان نفيد ونستفيد ..

اذا في احد يعرف طريقة الأسئله السابقه في اي تخصص خل يكتبها ..

وخلونا نبحث ونجمعها ..

[miss-fooshi]

بخصوص الانقلش كلمتهم اليوم وقالوا الامتحان كله مقالي ومو بالتخصص لا عاااااااااااااااام يشمل الادب واللغه والترجمه :24_asmilies-com: !!! مدته ثلاث ساعات

ما ادري ليش مو اختيار متعدد وليش مو بالتخصص بس ؟؟

بسعود الامتحان كان اختيار متعدد ومقالي بس هنا لا كله مقالي

الله يسهل

[golden sands]

اهلين بنات
حاولت ادور اسئلة من الاختبارات السابقة بس للأسف مالقيت شي ...الا نماذج حقت جامعات برا مثل فلسطين يعني .. ما أظن انها راح تفيدنا بشي ...

تكفون اللي عندها اي خبر تقول لنا ..

ادعوا لنا يابنات ...

[طفلة البحر]

بنات الحين كلكم من الدمام

ماحد من الاحساء؟

[يوونا]

اذا ممكن بنات اللي تخصصكم انجليزي ايش شروط الماجستير يعني المعدل يكون كم واذا في شروط ثانيه ياليت تذكرونها

[shooosh]

ولا انا دورت ومالقيت :(

مدري اذا في احد دخل اختبار المعيدات اللي قبل ويذكر اسئلتهم ياليت يكتبها لنا ..

[اليوم]

اذا ممكن بنات اللي تخصصكم انجليزي ايش شروط الماجستير يعني المعدل يكون كم واذا في شروط ثانيه ياليت تذكرونها

المعدل جيدجدا وبعض البرامج تقبل جيد
وتوصيتين من دكاترة سبق تدريسهم لك