استفسار عن كلية العلوم الإدارية والتخطيط ..

[غلا الدنيا]

هااايو ..

ادري اني طفشتكم من كثر الاستفسارات بس مو بيدي واللهـ ..

تعروفون اول مره اتخرج من ثالث ثانوي << حلفي عااد :mh35:

اممم..

ابغى اعرف اكثر عن هذي الكليه شكلها حلووهـ ..

يوم قريت الشرووط شفت انها تقبل قسسم ادبي يعني فيه اتحمال 40% اني ادخلها ..

بس هل هي موجوده بالاحساء ..؟!

وموجوده بالاحساء قسسسم بنات ..؟!

وش اقسامها ؟؟

كم النسب الي تقبلها يعني كم قبلت السنه الماضيه ؟؟


بليييز ساعدوني لو سمحتم ..

والله يوفقكم كلكم ان شاء الله ..

[غلا الدنيا]

؟؟

مأحد يعرف اذا الكليه هذي موجوده بالاحساء بنات ولا لا ؟؟

ياربي انا من وين بعرف !!

[براءة الطفوله]

حتى انا ودي اعرف ياليت الي عنده معلومات يفيدنا




وودي اعرف بعد التخصصات كلها علميه ولا فيها للادبي وفيها للعلمي؟؟؟؟؟

[غلا الدنيا]

انا مثلكـ ..

لا أحد معطينا وجهـ ..

[طالبة الجغرافيا]

الموضوع مهم ياليت نلقى من يرد عليه

[|..الندى..|]

كلية العلوم الإدارية والتخطيط ..
تخص الطلاب فقط
:119:

في كلية الدراسات التطبيقية وخدمة المجتمع
فيها نفس التخصصات وفي الأأحساء والدمام
لما تنتهي من الدبلوم فيكي تكملي بكالريوس

الدراسة فيها برسوم


المهم هذي الكلية مافيها نسب محددة للقبول

الأقسام الموجودة هي..
محاسبة - تسويق - الحاسب الألي ونظم معلومات إدارية .
جميعهم في الأحساء والدمام

أما قسم السكرتارية الطبية في الدمام فقط
:t1:

أتمنى أفدت
وأي إسفسار ثاني نحن في الخدمة

بالتوفيق للجميع
:g8:

[دلع الشرقية]

السلام عليكم
لو سمحتم بغيت اسال كلية العلوم الادارية والتخيطيط موجوده بالدمام 0طالبات0
هل الدراسة سهله
افضل الاقساااااااااااااااااام
ظروري بليييييييييييييييييييييييييييز

[|..الندى..|]

العلوم الادارية والتخيطيط موجوده بالدمام 0طالبات

لا لايوجد أختي

:119:

[عناد الجروح]

يعطيك العافيه اختي على هالمعلومات
طيب
انا عندي سؤال يسدح نفسه....
الحين تخصص نظم معلومات اداريه..لازم اكون جايبه نسبه زينه والا عاادي اي نسبه؟؟
واذا كانت لازم نسبه زيينه ياليت لو توضحين كم النسبه المطلوبه لدراسه هذا التخصص....الله لا يهينك

[M3ATB]

بسم الله



عسى بس ما اكون ابطيت ..

المهم


انا طالب في كلية العلوم الادارية والتخطيط ...


اول شئ .... يقول المثل ..(( كل فتاة بأبيها معجبه )) واذا بتسألوني عن كليتي اكيد بقلكم زينه وحلوه وممتازه ...:lllolll:


وثاني شئ ...


بالنسبه للطالبات فما يوجد الا في الدمام ... (( ياحضكم )) ....
والموجوده في الاحساء للطلاب فقط ...

طبعا هذي الكليه ... مابقلكم سهله ولا صعبه .. لانه مو مقياس ... المواد كلها تعتمد على مدى قابلية الطالب او الطالبه لها ...


مثلا ::


الفصل هذا عندي مادة ... بالنسبه لي صعبه .. ولغيري سهله ...

وهناك شئ اخر ...


لالنسبه لقسم نظم المعلومات الادارية ... مغلق للصيانه <<< امزح :hahaha_2008: :mh35:

لا بس معلقين صورته ومتطلباته ... ولا يغيناه قالوا مافيه بعدين نفتحه ...


يعني التخصصات المتوفره عندنا يالطلاب مدري عن الطالبات ..


المحاسبة >> تخصصي
التسويق
الماليه



وتقريبا كل وحده فيها تعتمد على جانب .. الفهم والحفظ

التسويق حفظ في حفظ يعني اذا ما تحبين الحفظ ابعدي عنها ولا يتجيك سكته دماغيه


والمحاسبه .. تخصص بالنسبه لي دقيق ويحتاج ناس تحب الفلوووس وتحب المحاسبه والتسجيل والحسابات ..

لانها تقريبا مثل الرياضيات ويمكن اصعب شوي... بالعربي ... تبي ناس عقلها نضييف وهااديه وتذاكر اول بأول ..


طبعا مش لأني دافور وادرس اول بأول .. ولكني اخترت هذا التخصص ... لاني تمنيت القانون .. ولكن حسافه ماتوفر .. فقلت ادخل المحاسبه. :011:



الدراسه بوجه عام ... بين الصعوبه وفوق المتوسط .. على حسب الدكتور .. بالنسبه لي ...
ويمكن بالنسبه لك سهله




واخيرا نصيحه من أخ :::


لا تدخلين كلية مجرد تخمين او حدس .. انتبهي انتبهي انتبهي ...


شفي ميولك وش يبي وتخصصي عليه ....

واذا ما تيسر لك لا سمح الله.. شوفي التخصص الاقرب لميولك ...


انا هذي النصيحه جاتني من شخص عزيز علي قبل اتخرج من التوجيهي ... وفعلا مشيت عليها والحمدلله راضي رضا تام ...


كنت ابي هندسه:Cry111: ولكن ام قبلت الا اداره وفعلا هذا مجالي والحمدلله ...:mh001:





____


مدري احس الكلام مركب فوق بعضه .. يعني مافي ترتيب .. المهم انا كاتبها سريع سريع ... واي خدمات ... كلنا تحت الطلب ... :119:

[*ام شهد*]

السلام عليكم

انا قريت الردود ولقيت في تناقض

الندى تقول
كلية العلوم الإدارية والتخطيط ..
تخص الطلاب فقط

M3ATBبقول

بالنسبه للطالبات فما يوجد الا في الدمام ... (( ياحضكم )) ....يقصد
كلية العلوم الإدارية والتخطيط

السؤال الحين :
هل يوجد قسم للبنات بالدمام في كلية العلوم الاداريه والتخطيط ؟واين تقع بالضبط؟

واذا فيه بكم الرسوم ؟

والله يجزاكم خير

[أميرة الإحساس]

اهليين

الي فهمته

ان الحسا فيه بس للأولاد

والدمام فيه للبنــات

واذا فتحتي جامعة الملك فيصل تلقيي نفسه

http://www.kfu.edu.sa/ad%2D1429/balanced_rates.asp

شوفي هذا

بس السؤال الحين

الي في الدمام برسوم للبنات يعني

انا وديي أشتغل في بنك

والحين فيه مجال تعديل الرغبات شكلي بحط محاسبه

[&جوري&]

كم الرسوم؟؟؟؟؟؟