أحتاج نصيحتكم .. فلا تبخلوا علي بها

[منطلقة بـ طموحي]

السلام عليكم ورحمة الله وبركاته

أعزائي (متخصصي/متخصصات) قسم اللغة العربية ، و(طلاب/طالبات) كلية التربية عموماً

تحية طيبة تحمل لكم كل الود

وبعد :
<<<اندمجت مع الفصحى:lllolll:

بقول لكم قصتي وأبيكم تنصحوني
خصوصاً الي درسوا لغة عربية و على وشك تخرج

أنا تخرجت من الثانوية العامة بمعدل 97%
ودخلت الجامعة وانقبلت في قسم رياض أطفال
أول ماطلع قبولي في القسم حسيت اني مو مرتاحة أبد
واكتئبت وكرهت القسم وحتى كرهت الجامعة
<<<طبعا هالكلام بدون ماأدرس فيه>>>
رغم اني قبل كنت مقتنعة فيه
وجلست أفكر فترة واستخرت كثير
وبعدها قررت وحولت على قسم اللغة العربية
ارتحت كثير للقسم وحسيته يناسب ميولي
<<< انا ميولي أدبية وأحب أكتب وأستمتع بتذوق الأدب >>>
طبعاً حولت على طول _خلال أسبوعين _ يعني ماضاع علي وقت
وارتحت نفسياً وحبيت الجامعة بعد ماكنت ماأطيقها

الحين خلصت فصل كامل في اللغة العربية
ونتيجتي فيه مرة عالية
لكن في هالفترة جايني إحباط من كثر مايقولون لي ان ماله مستقبل
والأفضل تروحين قسم مستقبله مضمون حتى لو ماحبيتيه

انا بصراحة أقدر أحول على طول لو بغيت ولأي قسم
والكل يقول لي حولي تربية خاصة
لكن في داخلي مو حابة القسم ..
أحس اني عايشة صراع داخلي
صوت يقول لي:أهم شي ضمان الوظيفة، اسمعي النصيحة ..وحولي دامك للحين مادرستي كثير بالقسم
وصوت يقول لي : أهم شي ترتاحين بالقسم .. وعالوظايف الرزق على الله .. وإذا لك رزق بتاخذينه


المهم : أدري طولت عليكم كثير
بس بسألكم بأماااااااانة لو كنتوا مكاني وش بتسوون ؟
أنا ماأعرفكم ولا تعرفوني .. لكن يعلم الله اني حبيت المنتدى وكل أعضائه
فـ ياليت كل شخص يحط نفسه مكاني
ويقول لي أيش الأفضل
تكفون انصحوني ترى والله العظيم محتاجة لنصيحتكم

وأعتذر مرة أخرى على الإطالة

[فتوش =)]

مرحبــا حبيبتي :) ..
نصيحتــي لك وبكل صرآحهـ تكمليــن في قسمك ,, بما أنك حابة القسم ومرتاحة له الحمدلله ومالك بكلام ناس لآيودي
ولآيجيب ,, !
الانســان اذا مادرس شي راغب فيه ومرتاح لهـ عمره ماراح ينجح ,, ولـو نجح ماراح يحس بالسعـادة مثل الانسـان الناجح
في قسم يحبهـ وكان طموحه من البداية ,, !
استقري في قسمك ولاتشتتيـن نفسكـ خلآص ,, كملي مشـوارك دامك الحمدلله متفوقة ومـاشيهـ ,,
واذا ع الـوظايف على قولتك الرزق من الله ولـو تبيـن تتوظفيـن صدقيني بتلقين وظيفة باذن الله ,,
>> هذي جليلة توظفت Pp=
كملي في قسمك ولآتوقفيـن عند البكالوريا وبس كملي مـاستر وعقبال مانشوفكـ أحلى دكتـورة في قسمك ,, ^^"

هذا رأيي وبكل صــرآحهـــ ’’
بس انتي استخيري واستشيـري وربي يوفقكـ ان شاءاللهـ :g8:

[*"الحالمة"*]

أهم شي ترتاحين بالقسم .. وعالوظايف الرزق على الله .. وإذا لك رزق بتاخذينه

أنا مع الطرف هذا :cheese:
*
والله مثل ماقالت فتوش أهم شي انتي حابة القســــمـ,.
واذا مسألة وظايف ولا اي شي..
اذا كنتي متفوقة دائماً -ان شاء الله- راح تلقين الوظايف بسهــووولة,.
على الأقل مـ ع ـيدة بالـ ج ـامعة حالك حــال غيركـ :lllolll:
*
.
الله يوووووفقكـ ياستي وماعليك من كــلامـ الناس,.

*"مع خالص محبتي"*

[منطلقة بـ طموحي]

.:. فتوش .:.

والله ردك أسعدني
الله يعطيك العافية
انا أساسا هذا هدفي .. أتمنى أكمل دراسات عليا
خصوصاً ان معدلي عالي وإن شاء الله بحافظ عليه
بس انا كل الي خايفة منه اني لو تخرجت وماحصلت لي لا دراسات عليا ولا وظيفة ... بوقتها بتحسف اني ماحولت لقسم ثاني من البداية

.:. الحالمة .:.
تسلمين عالمرور
والله فرحتيني
وكلامك على راسي
على الأقل مـ ع ـيدة بالـ ج ـامعة حالك حــال غيركـ
ههههههههه انا لو أضمن اني بكون معيدة أكيد بكمل

جزاكمـ الله خير
والله أسعدتني ردودكم .. والله يوفقكم للخير والصلاح دائماً

وشكراً لكل الي دخلوا وبخلوا علي بالرد "والي بيدخلون وبيبخلون بعد" .. شكراً جزيلا:011::011:

[حسين يوسف]

اختي الكريمة
اهلاً بك

ما راح يكون كلامي أكثر من الأخوات اللي قالوه
لكن لو أنا مكانك ما راح أحول ابداً لأني حاب قسمي حيييل

وأنا بعد صارت لي نفس الحدث في أول سمستر لي في الجامعة
لكن غيرك في شي انو حصل لي وظيفة في شركة ارامكو وأنا مخير بين قسمي المفضل قسم اللغة الأنجليزية

كثير عارضوني قالوا وظيفة وراتب زين ومستقبل بتبنية بسهوله
فكان ردي مستحييل أترك تخصصي المحبب لي
وبعد حصل لي قسم التربية الخاصة لكن ما عجبني نهائياً
لذا قلت خلك على مجنونك لا يجيك اللي أجن منه >>> مثل سمعته من أمي :cheese:

أتمنى اني افدتك بقصتي

[منطلقة بـ طموحي]

.:. حسين يوسف .:.
أسعدني ردك واستفدت منه والله
<<<فرحت ان في ناس عاشوا الاحساس الي تعيشه خخخ
جزاك الله خيرا .. ماقصرت

خلك على مجنونك لا يجيك اللي أجن منه <<< عجبها المثل:hahaha_2008: