ظلم القدرات والتحصيلي .. عبر عن رأيك..!! [الأرشيف] - ملتقى طلاب وطالبات جامعة الملك فيصل,جامعة الدمام

thaier

2008- 7- 16, 01:45 PM

إذا انتو تقلو كذا وش اقول انا .. اللي بغى التحصيلي يدمر حياتي ..

كنت مريض بالاختبار ولا حليت قسمين .. بس ربك ستر .. وعيدت 77 ..

لحد آلحين انا اشك انوو النسبة مب لي لشخص اخر ..

ههههههههههههههههههههه

بس والله ظلم .. لو ما كنت مريض .. كنت وريتكم وش اسوي فيه التحصيلي الزفت ..

والله يا ليتهم يعذرون .. ولا يقدرون .. ولا اقدر اعيد الاختبار .. لاني كنت ابي اجيب نسبه اعلى ابي ادخل طب ..

إذا حد يقدر يفيدني ؟ .. هل اقدر ارفع خطاب ولا يسون لي استثناء ..

مع اني عندي الاوراق اللي تثبت اني دخلت الستشفى بعد الاختبار مباشره ... ولمدة 3 ايام ..

تحياتي اخوكم
thaie

ro0ose

2008- 7- 16, 01:56 PM

الحال من بعضه والشكوى لله:Cry111:

نسبتي في ثاني ثانوي 100

ونسبتي العامة مع ثالث ثانوي= 99

والتحصيلي عندي 78

والقدرات 77

ظلممممم والله تعبت سنين على فاضي:Cry111:

FarOo7a

2008- 7- 16, 02:32 PM

والله ظلم

وسخاافه

مالهم داعي يعني ايش ما يبون احد يدخل جامعات

تعبت وجبت 98.5

كرفت كرف مو صاحي :s3:

وآخر شي بالقدرات

78.5

والتحصيل

73.6

مع اني حاله

بس مااقول الا حسبي الله عليهم

:no2:

ياويل حالي

2008- 7- 16, 05:53 PM

والله من جد حرام الكرف الي في ثاني وثالث عشان 99.31

والتحصيلي 87>>>>>>>>>>>>>>>بسم الله علي بدعت فيه:lllolll:

والقدرات 69

ولا والقهر ياخذون من الثانويه 30% واالزفت القدرات 70%طبعا تحصيل وقدرات

ولا من شدة ظلمهم للبنات ان ما في اعادة مثل الاولاد

هم اصلا بيوصلون رساله للبنات اجلسوووووووووووووووووووووا بالبيت للنفخ والطبخ والكنس باختصااااااااااار
وماقصروا وصلت رسالتهم:017::bngo12:

الله ع الظالم بس حطمووووووووووووووووووووووووووا احلامناااااااااااااااااااا :Cry111:

دندونة18

2008- 7- 16, 05:59 PM

لا حد يتكلم عن القدرات وانا موجوده

ظلم ظلم ظلم

من جد حطموووووووووووني والسبب هالقدرات

نسبتي حلوووة وكنت ابغى ادخل طب

بس ماجبت بالتحصيلي

حكايا الورد

2008- 7- 16, 06:27 PM

أهلـــين .,

الحمد لله .,

صحيح ظلمنا الأختبار بس خلاص وش نسوي كل شي صار .,

أنا الثانويه 89,84
القدرات 88,2
التحصيلي 81,2

في الأخير تصير 85,89

أن شاء الله أدخل بها التخصص الي أبيه >> أنجلش :119:.,

موفقيــن جميعاً .,

الريـمـ

2008- 7- 17, 03:32 AM

احنا بنات النظام المطور (نظام مقررات)

ظلمنا في الاختبار التحصيلي
لأنهم جابوا النا أسئله مادرسناها مثل النحو والبلاغه وهالشكل سعنس

فأغلب بنات المطور فحطوووووووو فالتحصيلي
المفروض يحسب لنا حسبا غير من قبل الجامعه

وأساس قبل لاندخل المدرسه كان من ايجابيات النظام ان طلابه وطالباته مايختبرون قدراات وبعدين انّكبنا

الله حسيبهمــ

مـ حـ مـ د

2008- 7- 17, 11:29 AM

شقول انا عن حالي يعني نسبتي في الثانويه 92

والقدرات نسبتي مره طايحه 66 :Cry111:

والتحصيلي بعد طاحت 64 :Cry111:

يعني طول السنه مذاكره ودراسه وتقييم من المدرسين واخر شي اختبارات ونجيب نسبه فوق 90% وتالي كذا

انا نسبتي الموزونه ما بتعدي 75 % والجامعات ما يبون الا 80 % مو هذا ظلم يعتبر طول السنه مذاكره وتعب

واخر شي اختبارين يدمرون حياة الطالب او الطالبه وطموحاتهم .......... اي الواحد ما يقول الا حسبي الله ونعم الوكيل

غلا الروح

2008- 7- 17, 03:19 PM

سعوديه عسوله

2008- 7- 17, 03:51 PM

آ ه ه

أنا نفسي اعرف ايش يستيفدون ..

أنا شكلي بهاجر وبدرس برا <<كثري منها

والله الحين جامعة الملك فيصل كل يوم خبر بالجريده وبيسوون ويسوون واخر شي خرطي اللي يسأل عن القبول في الجامعه يقولون انو اقسام ادارة الاعمال ونظم معلومات وهالطقه(يقولون بغض النظر عن علمي وادبي هاذي التخصصات سنتين بفلوس)

طيب وشوله نقطع اعمارنا بالاختبارات وندرس اجل نتكي ومانفتح شي وآخر شي ندفع فلوس وخلاص

قسم بالله شي يقهر:Cry111:

hmto

2008- 7- 17, 04:28 PM

انا ما اقووول غير الله يكووون في عوووون كل الطلاب والطالبات

انا متخرج من الثانويه علمي حصلت على نسبة الثانويه 98.96 %

وقدرات كانت 74

والتحصيلي كان 70

حسبي على من كاان السبب :Cry111::bawling:

وولد عمي جاب في الثانويه العامه علمي 97.22 %

وجاب في القدرات 75

وفي التحصيلي 64

:bngo12::bngo12:<<<<من القهر

وكيف ما تبغون الظلم يجينى :Cry111::Cry111::Cry111:

hmto

2008- 7- 17, 04:31 PM

ما اقول الا حسبي الله ونعم الوكيل حالتي مثل حالتكم وازيد

طموحنا وصل القمر بس بلحظه وحده وصل لقاع الارض بعد ايش بعد ماتعبنا ودرسنا واجتهدنا الين ماوصلنا القمر
يجي القياس ويطيحنا بغمضة عين :Cry111:

توكلنا على الله

انا في الثانويه جبت 92,60
والقدرات 63,9
والتحصيلي 72,7

ويارب يقبلوني في التخصص اللي ابيه
والله اني تحطمت بدرجه ماتتصورون

الله العالم في الحال
:Cry111:

ياهوه في القدرات والتحصيلي ما فيها فواصل

:hahaha_2008::hahaha_2008::hahaha_2008:

كااااااااااااااااااااااااااااااااااااااااااااااااا اااااااااااااااااااي

هااااااااااااااااااااااااااااااااااااااااااااااااا ااااااااااااااااااه

اذا وحده تبغى تكذب تفكر كيف تكون الخطه حقت الكذبه

اكفشششششششششششش:mh001:

حظا اوفر:d5:

حكايا الورد

2008- 7- 17, 06:03 PM

hmto

>>>>>> من قال مافيه فواصل

أجل هنا وش نقول :119:
http://www.r-mbd3.com/vb/uploaded/1877_01216307135.png (http://www.r-mbd3.com/vb)

وعـذراً على التدخل ..:119:

د.نوره

2008- 7- 17, 06:49 PM

هو الاولاد ما فيه فواصل

بس البنات فيه

بالتوفيق للجميع :119:

سعوديه عسوله

2008- 7- 18, 02:27 AM

اقول ترا السالفه فيها فوااصل..
والفواصل تسوي عمايل..

فيها حياة او موت..

:222g:

نـور

2008- 7- 18, 05:08 AM

قبل كل شئ الحمد لله ع كل حال

وتقولون ظلم .. فهو ظلم واجرام ونصب بعد !

اذا بنفكر بالمسأله بجد .. احسبوها ..

كل طالبه تدفه 100 ريال عشان تقدم ع اختبار .. < وهذا غير اللي دفعوا 200 ريال !!

وحنا كم طالبه بالممكله .. وكم طالب ..!!

صديقتي حسبتها جت 500 مليووون ( 500000000 )

العدد كبير جداً ..

وغير المراكز اللي مدري وش سالفة ابو امها من جد .. على 950 ريال .. يدربونك في اسبوع !!

وشوفو الكم الهائل اللي دخلها !

مبلغ زي هذا واكثر .. وش يبغون فيه .. يبنون مدارس .. يطورون علم .. يقدمون شئ ينفعنا ويفرح الطلاب ..

يبنون جامعات .. !!

وبالاأخير

المسأله مسأله حظ .. !

الاختبار محييييييييير في الاجابات بشكل كبير .. وغير كذا جتنا اشياء ما كنا دارسينها << بحكم ان دراستي بالثانويه كانت نظام مطور غير عن نظام الثانويه العامه !

وما نقول غير حسبي الله ونعم الووكيل ..

الحين كل شئ خرب ..
كل شئ لازم ينعاد ترتيبه والتفكير فيه ..!

والله يقدم لنا اللي فيه خير وصالح .. =)

مـ حـ مـ د

2008- 7- 18, 04:48 PM

الله يعنينا على الظلم الي يطولنا حتى في التعليم حقنا ... بصراحه انا شفت ان وزارة التعليم السنه هذي خلتنا بين قوسين

( حقل تجارب ) يعني يجربون علينا كل شي يشوفون ينفع ولا له يلغون مركزية إلية الاختبارات ويحطون أعلى النسب في القدرات

والتحصيلي والثانويه صارت شي موووب مهم ابد طيب الثانويه اهي الي الطالب و الطالبه يدرسون فيها طول السنه ما خبري

ان احد يدرس قدرات طول السنه ... يستثنى التحصيلي بحكم المواد الي دورسة في الثانويه العامه .. لكن هل من العدل

ان تقاس بالقدرات بشكل مساوي للثانويه العامه ما يصير هذا ابد ابد وبعدين مافي غير السعوديه اهي الي تطبق هذي الخطه

ما اشوف الدول المتقدمه في التعليم تسوي كذا وهذا حنا نبعثهم الى الخارج نخليهم عندنا اذا تعليمنا كذا ... انا مووب جالس انزل من قيمة تعليمنا ابد بس انا معارض الى اسس الموضوعه الي تخلي الطالب او الطالبه يكملون تعليم في الدوله نفسها ...

لكن لا صوووت ولا احد يسمع الي ينادي بأعلى صوووت ارحموووونا يالمسؤلين من تجاربكم علينا كفايه خلو التعليم يطور بشكل منطقي وعدل فيه مهوووو بلازم التدخل في كل صغيره وكبيره ............ تحياتي لكم الله يوفقنا سوا قبلونا هنا او بره :119:

Angle

2008- 7- 18, 08:00 PM

:Cry111:

اني اوافقكم بالرأي اخواني واخواتي فعلا" ظلم ان الوحدهـ تتعب في الثانويه العامهـ وتجيب نسبه عاليه فوق 90 وبعدين بالاخير

يجي امتحان القدرات والتحصيلي ويحطم كل شي ..

اني كنت حاطه في بالي أدرس طب وبالاخير كل احلامي تتحطم وبكل سهولهـ :Cry111:

ماأقول الا حسبي اللهـ ونعم الوكيل عليهمـ ..

انشاء الله الجامعه تقبلنا واذا ماقبلتنا مالينا الا القعدهـ بالبيت بعد 12 سنهـ من الاجتهاد ..

فعلا" ظلم .. :011:

الله يوفق الجميع انشاء اللهـ ..:g8:

اسيل N

2008- 7- 19, 06:53 AM

انا ودي ادخل جامعة بس خايفة نسبتي مايقبلونها يارب مدري وش اسوي :bawling::bawling::bawling: لية كذا يحطمونا ويخلونا نتنازل عن طموحنا وامالنا مقهورررررررررررة راسيل N

حُلم

2008- 7- 19, 10:54 AM

ياجماعه لا تيأسوا
وخلوا أيمانكم بالله قوي
الله كريم
وترى بعضكم حسيت أنهم جايبين زين بالتحصيلي والقدرات
يعني في السبعين يعتبر زين

الله يوفقكم ويوفقني معاكم
وكل واحد يروح التخصص الي يبي
وترى التفاؤل يمدحوه كثير:119:

بريق الاحساس

2008- 7- 19, 04:29 PM

كلامك صح اجل شتقولون للي نسبتها في التحصيلي والقدرات 60 و 59 :bngo12: اسئلتهم صعبه حيل ويلعبون فيها لعب وعلى سؤال دقيه وحدة وهاذا اذا عديتي سؤال وانتي ماشفتيه حليتي ماكن سؤال ثاني بالغلط ..:mh19:

يا بنات خلوها على والله بهالقدرات يبون الجامعات فاضيه او بس بنت علان هم الي يدخلون خلونا ساكتين احسن:no2: الله يوفقكم ويفقنا كلللنا

Compunet

2008- 7- 19, 05:08 PM

ايه والله ظلم احس انه تحطييييم مش طبيعي :Cry111:
/

\

/

الله يوفقكـم

الريـمـ

2008- 7- 19, 05:12 PM

ليه ماحد يسمع صوتنا ولا يرد على شكوانا ليييييييييييييييييييييه

اللهـ حسيبهمـ

براءة الطفوله

2008- 7- 28, 08:13 AM

ياهوه في القدرات والتحصيلي ما فيها فواصل

:hahaha_2008::hahaha_2008::hahaha_2008:

كااااااااااااااااااااااااااااااااااااااااااااااااا اااااااااااااااااااي

هااااااااااااااااااااااااااااااااااااااااااااااااا ااااااااااااااااااه

اذا وحده تبغى تكذب تفكر كيف تكون الخطه حقت الكذبه

اكفشششششششششششش:mh001:

حظا اوفر:d5:

وش هالاسلوب :017:

من قال مافيه فواصل حنا يالبنات فيه

انظر رد 16

علي أديب

2008- 7- 28, 09:01 AM

ثانويه >> 92.95%
قدرات >> 83
تحصيلي >> 70

المركبه بالفيصل 80.7

بعد الطب والهندسه

>> اخرتها أسجل علوم تطبيقيه ومو ضامن انها تقبلني ولا لا :bawling:

مراوي

2008- 7- 30, 02:32 AM

جمااااااااااااااعه بصراحه وبدون زعل هو ظلم لللي شغلهم يحفظ الكتااااب بوقت وينساااااه بعد الاختبار
وبدووووون كذب كان الاختبار حيييييييييييييييل سهل والخلل مو في السلووووك الخللل جوى الدماااغ
والله ياجماااعة الخير من قبل الظلم وحده ماتعرفف كوعها من بوووعها تحفظ الكتاب وتجي ترميييه بورقة الاختبار
وتدخل مجااااال يااااي
ووحده
جدا جدا جدا
ذكيه ونسبتها متواااضعه بس مو بذاك الزود التواااضع تجلس بالبيت
الحين اللي يحفظووون الكتب ويرووحون يرموها بالورقه يبانون
واللي مداااااارسهم يغششوهم كمان يبااانون
واسفه
بس بجد تتكلمون كأن الاسئله كااانت من المريخ
مع العلم الاسئله كااانت حيل بسيطه وتبي تركيز ومخ نظيف
وبس
:g20:

%شيخة الزينات%

2008- 7- 30, 02:53 AM

والله مساكين تدرسون 12 سنه من حياتكم واخر شي تروح نص نسبتكم

و تدخلون شي ماتبونه لاهو من ثوبكم ولا انتو من ثوبه :011:

بس الحمد الله انهم الغو هالاختبار من محافظه حفر الباطن كان دجينا من زمان:Cry111:

بس ظلم هذامن مو اول قرار ننظلم فيه انا ضيعت من عمري سنه المفروض انا الحين ثانيه جامعه

بس بسبب قرار منع التحويل من قسم لقسم راحت علي السنه:Cry111:

تخيلو حتى لو كان بنفس الكليه وما ألغوه الا بعد بدايه الفصل الدراسي الثاني :000:

يعني منو بيحول الفصل الثاني:017:

:s12: انشالله نتوفق بحياتنا يارب :praying: وندخل االاقسام اللي نبيها :s12:

تقبلو تحياتي جميعا....

:love080:

sarsor

2008- 7- 31, 04:11 AM

مراوي كلامك صحيح ميه بالميه

بالعكس وجود اختبار القدرات رح يفيد كثير مع الغاء مركزية اختبارات الثانويه العامه

لان طلاب المدارس الاهليه لو مافيه قدرات

اهما اللي بيمشون والحكوميه الله يعوظهم خير

بالعكس كذا عدل

ومثل ماقالت مراوي يبي له مخ نظيف

مو الي تذاكر وحل بورقة الاختبار وخلااص

وأسئلة التحصيلي جدا سهله

والقدرات عاد هذي كل واحد ومخه

اللي فعلا واجهتهم مشكله أهم اللي درسو بالمطور الله يعينهم

ويعيننا احنا كمان

مدري ليش حاسه اني هالسنه بتطول أجازتي الصيفيه :Cry111:

devil girl

2008- 7- 31, 05:36 PM

ان شاء الله في السنوات الجاية راح يقدروا البنات يعيدوا الاختبار مثل الاولاد

بس ياريت تتوقف العنصرية بين الاولاد و البنات بالنسب

الطالبات يبونهم 99 والاولاد عادي لو يجيبوا 95 ...!!!؟:mh19:

بس الي فات مات ومانقدر نسوي شي :s11:

انوار

2008- 8- 3, 01:55 PM

بالنسبة الى اختبار القدرات صحيح فيه اشياء سهله
بس فيها كمان اشياء صعبة
واللي نزل من نسب البنات هو الخوف انه اول ستة ويتاخد عليهم يعني دفعتنا فار التجارب كل شي جربوه علينا
بس الواحد مايقول الا الحمد لله

إثار

2008- 8- 3, 11:04 PM

يا جماعة هدوا شوي ,,

أنا مع الأعضاء اللي يأيدون منهجية أختبار القياس,,
بـ[ الاختبار التحصيلي] هم بتأكدون ان الطالب ألم بمذاكرة المنهج كله وعلى الوجه االلي يُفترض به
و بـ [القدرات ] يقيسون ذكاء الطالب و قدرته على الاستنتاج بسرعة وبديهه

وكلامهم في نسبة كبيــــرة من الصحة ؛>> وماخفي أعظم

بالنسبة لي شفت الهوايل ..أنواع الغش والواسطات( فيتامين واو ) و التحيز لفئات معينة من الطالبات اللي كانوا معاي
غير المدارس الأهلية اللي ياخذون درجاتهم بالـ mony >> طبعاً مو كلهم

لكن كمان الموضوع فيه ظلم
ع الأقل تكون النسب بالتعادل 50% الثانوية \ 50% ع القياس

لأنهم حطموا طموح طلاب وطالبات كثير ,,
غير اللي كانو متخرجين من السنوات السابقة وما كان الحظ حليفهم

لكن كونوا متأكدين انه كل شخص ما بياخذ غير حقه
و ان شاء الله ربنا ما يضيع تعب أحد
و لا أعتراض على قضاء الله :)

عزيزتي devil girl
الموضوع مافيه عنصرية ولا شي ..
من جهتي أشوف ان الاولاد ضروري يدرسون على شان يتوظفون
لان الولد صعبة يظل بعدين من غير شغل
تخيلي أنك درستي وتوظفتي ولما تزوجتي صار نصيبك شخص ما عنده شغل لأن نسبته مو مثلك تأهله ان يتوظف
>> يعني دراسة الأولاد أهم من البنات
وبعدين لاتنسين ان الاولاد أسلوب حياتهم يختلف عن البنات
كل شخص عنده أهتمامات و أشياء تشغل له وقته وأحس البنات متفرغين للدراسة أكثر من الأولاد
فـ من الطبيعي انه نسبهم أكثر من الاولاد

اتمنى من الله انه يوفقكم كلكم ويسهل عليكم :)

,,
,

البرنس

2008- 8- 4, 09:09 AM

انا من المؤيدين لإختبار القدرات وإختبار التحصيلي

بس انا ضد توزيع النسبه الموزونه لكل جامعه

فمثلا جامعة الملك فهد للبترول والمعادن قد قسمت النسبه الموزونه على :
50%لإختبار الاتحصيلي و 30% لإختبار القدرات 20%للثانويه
وجامعة الملك فيصل والملك سعود قد قسمت النسب على :
40%لإختبار التحصيلي و 30% لإختبار القدرات و 30%للثانويه
بصراحه ظلم كبييييييييييير وضع النصيب الكبير على اختبار التحصيلي

وهذا ان دل فإنه يدل على دم ثقتهم بالثانويه العامه والتخبط الكبير الحاصل من قبل وزارة التعليم

على الاقل جامعة الحدود الشماليه ربما لانها جامعه جديده قد وضعت النسبه الموزونه على :
25%لإختبار التحصيلي 25%لإختبار القدرات 50%للثانويه
هذا توزيع عادل نوعاً ما

انا من خريجي العام الماضي وانا الان اتابع نتائج الخريجي وأوضاع القبول

بصراحه وجدت تخبط بشكل مو طبيعي

وطبعا مساكين خريجي العام الماضي لايوجد لهم مكان في القبول اقولها وانا اثق بذلك وقد تابعت احد اصدقائي وهو يتنقل من جامعه لأخرى ولم يجد من يريده .

طبعا والوزارة مستحيل تقول انها خطوتها كانت خاطئه

في الختام ما اقول الا :
"الشكوى لغير الله مذله"

انسانهـ

2008- 8- 4, 12:40 PM

حسبي الله على التحصيلي هذا هو الي خرب الدنيا كلها ..:Cry111:

يعني انا نسبتي تنزل من 96 الى 78 عشان اختبار واحد الي هو التحصيلي والله ظلممممم..

بس وش نقول هذا حظنا وقدرنا ..:bawling:

ونعم بالله ..^^

FatoFati

2008- 8- 5, 01:43 AM

المشكله مو في القدرات والتحصيلي

المشكلة في التخلف في الجامعات وعددها !!

انـــا للـــــــــه !

خطاك ضيع غلاكـ

2008- 8- 5, 01:18 PM

بصراحه ظلمونا نسبنا قويه وماننقبل وينقبلون اللي عندهم _____

طبعا فاهمين

حرام عليهم راح يضيع مستقبلنا على حساب ناس اهملت من البدايه واجت بالاخير تطلب واسطه عشان تدخل

ولا نسب القدرات والتحصيلي هذي مدري ليه حطوها عشااان يقثوونا الله يرويهم باعز ماعنهم

نمرود ين

2008- 8- 5, 01:52 PM

طبعا الإختبار مهو ظلم ولا أحد يظلم حظه

الإختبار في قمة العدالة

لأنه وبكل صراحة فيه ناس يسكنون القرى وما يفهمون شي وأخذو 100 بالميه والسبب إن أهله هم اللي يدرسون بالمدرسة

الشي الثاني إن لو نزلت نسبة التحصيلي فأكيد الكل بينزل يعني مهو عليك وحدك وكذا بينزلون نسب القبول

وين الظلم

العميد

2008- 8- 5, 03:10 PM

Guodaloby

2008- 8- 5, 07:48 PM

الاختبار التحصيلي والقدرات كفكرة ........ ممتازة ومنصفة للجميع
لكن المشكلة في تنظيم المركز >>مركز قياس<< للبنات كان سي لابعد الحدود
الوقت الفاصل بين اختبار الثانوية والمركز كان فقط 5 ايام صعب جدا الاستعداد له بعد عناء الثانوية وخاصةاذا كانت المدرسة الثانوية قاسية على طالبتها في فرض القوانين
وايضاء لم يتم اخبار الطالبات بمصداقية خبر اختبارقياس الا في وقت متاخر اي بعد بداية السنة الدراسية لثالث ثانوي بشهور
>> نظام جديد يطبق على الطالبات يجب ان يكون له استعداد افضل <<
الظلم الوحيد فيه هو ان الطلاب لهم فرص كثيرة على عكس الطالبات فرصة واحدة فقط

نمرود ين

2008- 8- 5, 10:11 PM

صدقتي العيال يحق لهم أكثر من إختبار قدرات

وصدقيني اللي ما إختبر قدرات غير مرة وحدة لازم أو نقول الأكثرية درجاتهم طايحة

غمـوـوـوض

2008- 8- 7, 12:32 PM

آآآآآآآآآآآآآآه

تشكوون هموومكم وانا هنا

:Cry111:

شقوول وش اخلى يارب

ماقصرتوا

بس جد العيال

كل شيئ مرفهين فيه

لهم الحق بإعادة الاختبار وغير كذا يختارون العلامه الارفع

والقياس والتحصيلى كل واحد على حدا

وياخذون من المدرسه 70% والقياس والقدرات 40%

يعنى ياناس وش نقووول ويش

:Cry111:

:bngo12: العن ابو ذا الحظ

ياناس ويش هالتفرقه

انا بأسس جمعية المساواه بين المرأه والرجل:017:
خلاص حنا تدمرنا

ياانااس تعب

وبعدين النسبه المركبه 69,9

ياناس انا وين اصرفها

:Cry111:

:bngo12:<<--بترفع شكوى

:000:

البشوشة .B.A

2008- 8- 7, 08:36 PM

يا عيال الحلال القدرات الله يلعن خشته دمرنا
انا نسبتي المركبه كانت 85 يعني حييل حلوه
بس في النهايه اكتشفت ان الجامعه الخبله تبي للصيدله 87 لنا:Cry111:
بس للأولاد طويلين العمر عكس النسبه 78 سبحاان الله
سبحان الله بوركت هالجامعه المفرقه بوركت :d5:
يالا انشا الله ننقبل في الاحسن ( هه اكذب على روحي مدري من وين الاحسن ! :119:)

نمرود ين

2008- 8- 7, 10:21 PM

ما فيه ظلم في أي إختبار الظلم فقط عند البنات القدرات لأن لايسمح لهم بأكثر من إختبار مثل العيال

أما بإختبار التحصيلي فلا يوجد ظلم أبدا لأن الأولاد والبنات كلهم إختبار واحد

في خاطري..!!

2008- 8- 7, 10:33 PM

انا مع وجود اختبار القدرات والتحصيلي

لكن ضد النسبه المحتسبه
يعني بسجل في الكليات الصحيه
من الظلم تعب سنتين يساوي 30%

انا نسبتي 99.44
ونسبتي المركبه 83.95

بس كان بالامكان افضل مما كان لأختبار القياس
فترة الاستعداد قصيره
غير كذا غلطت غلطة عمري يوم دخلت دورة لأختبار القدرات والتحصيل قبل الاختبار
وفرصتنا كبنات وحده والرهبه اللي عشناها اثرت على النتائج
قدر الله وماشاء فعل

انصح طلاب السنه القادمه يستعدون من وقت ولايضعون كل جهدهم على اختبار الثانويه
طبعا اذا ما استمر الوضع على ماهو عليه

سجلت بالعلوم الطبيه طبعا ما انقبلت
اترجا قبولي اذا في دفعه ثانيه
ابيها تنزل ثلاث نسب يارب:119:

واذا الله ما كتبها مالنا الا ندرس على حسابنا:000:

الله يوفق الجميع:119:

وردة المحبة

2008- 8- 8, 01:35 AM

أهلين اخي نمرود ين

لا بصراحة ظلم الاختبار

القدرات والتحصيلي سواء

يعني القدرات اوكي مشينااه

لكن التحصيلي ظلم مرة نتعب عمرنا ونفهم كل شئ على طول السنوات بس مشكلتنا النسيان اللي عندنا من حقنا ننسى لانه

كل المعلومات اللي نأخذها مانستخدمها في امور حياتنا بس في المدرسة والمدرسة كل سنة منهج

وثاني شئ انا وحدة مااعرف احد من اللي يختبرون من الاولاد

وصديقاتي عندهم اخوان مختبرين من قبل(يعني من سنة _من سنتين) ومعلمينهم شلون الاختبار التحصيلي وقايلين لهم ترى كله يجيبون نفس كذا ويحبون هالسؤال

وقوانين ثاني ثانوي عاارفينهم ومعلمينهم اشوي غير احنا رحنا على الله (مو كللللش لكن ذاكرنا لكن صعب استرجاع القوانين وحفظها من جديد وخصوصا الفيزياء)

والبنات بعد نفسهم في الاختبار

طبعا يومين (الثلاثاء -الاربعاء)

اللي اختبروا الاربعاء استفادوا كثير من الثلاثاء

انا اختبرت الثلاثاء واحس كل صديقاتي اتصلوا علي وعلمتهم بكل شئ وخصوصا الفيزياء والرياضيات وقلت لهم ركزوا على هالقوانين وعلمتهم بكل شئ والكيمياء قلت لهم شنو ركزوا عليه وغير القدرات

وفي نفس القاعة ونفس الاختبار تدرون في اكثر من نموذج

بعضهم النماذج مركزين على مناهج ثالث ثانوي وقليل ثاني وثالث>>>طبعا فرصتهم في الدرجات افضل

وبعض النماذج وطبعا انا منهم مناهج ثاني ثانوي اكثر من ثالث قليل اشوف منهج ثانوي>>وذوولي مساكين

طبعا شلون عرفت لما طلعنا من الاختبار قلنا احنا البنات شلون الاسئلة وكل وحدة تقول اسئلتها واكتشفنا انه بعض الاوراق مركزين على ثالث وبعضهم على ثاني

يعني بصرااحة هالاختبار ظلم في ظلم

وعلى فكرة انا في اولى ثانوي نقصت 6درجات فقط

في ثااني نقص 2فقط

وفي ثالث الفصل الاول 100 والفصل الثاني نقصت 3درجات فقط وطبعا درجة من ها3درجات كانت في الانجليزي فقرة مانتبهت لها ابدا ونقصت

يعني نسبتي مرررررررررة حلوة ومستوااي احلى من النسب اللي انا جايبتهم

وفي النهااية تطلع نتيجتي في الاختبار القدراتوالتحصيلي 85معقولة يعني

يعني 85مستواااي لا ... هي حلوة كلهم قالوا لي بس بصراحة مو مستواااي ...:Cry111:

وفي النهااية اسجل طب بعد ولا يقبلوني امنية حيااااتي ..وتعب عمري وسنواتي ..بس على هالاختبار مستواي انحط مستوااي

وتقول مو ظلم ........

عالعمو مشكوور وانا احترم وجهة نظرك....لكن الوااحد يفكر في التعب اياام الدراسة مانطلع ولا نروح ولا نجي كله مذاكرة ومجتهدين... على الدرجة نقوم نبكي ونسوي ساالفة بس عشاان نجيب نسبة وندخل اللي نبيه وفي النهاية على الثانوية فقط 30بالمئة معقولة

يالله بعد شنقول هو قدر ومكتوب ..وفي وجهة نظري الاسباب لهم دوور

عطر الكون

2008- 8- 13, 05:48 PM

وش نقـــــــــــــــــول أكثـــــر من

حسبي اللـــهـ ونعمـ الوكيـــــــــــل

:bawling:

قايدة الغزلان

2008- 8- 13, 06:19 PM

بصراحه انا اشوفه شي عدل

صحيح اههو تعب سنتين على 30 بالميه

بس بما انه الاسئله بتكوون من المدرسه مو وزاره فهذا شي سهل

المعلمه بتعرفي على شنو تركز وشنو بتجيب لكن الوزاره ماتعرفي ... اساسا التنافس على الطب قوووي واللكل نسبه قووويه

انا الحمدلله انقبلت صيدله وكانت اخر نسبه تم الوقف عليها نسبتي احمد ربي مليووون مرره على القبووول
يعني نسبتي مال المدرسه مو ذاك الزود كانت 96.23 بس الحمدلله جبت في القدرات والتحصيلي حلوو

التحصيلي كان مرررره حلوو وسهل ماكان صعب بس صحيح يبي له تذكير بالمعلومات

انا دخلت دوره حق التحصيليسويت استرجاع للمعلومات كان مدتها سبوعين قبل الدراسه وعطونا حق كل ماده ملخص وغير الاسلئه الي حلينها مع بعض والحمدلله الله ماضيع تعبي

ويالله
وعقبال قبوول الى مانقبلوا

معليش

2008- 8- 16, 06:05 PM

أنا للحين ابي ادخل ثالث تو

لاكن أشوف اللي أكبر مني يصيحون من القدرات و التحصيلي

بالله لكل من جربت هذا الاختبار

ممكن تعطيني أي معلومة عنه وكيف الاسئلة وكيف الاختبار

كيف الاسئله بشكل عام عن كل شي

ممكن بلييييييييييييييييييييز

:Cry111::Cry111::Cry111::Cry111::Cry111:

منحوسة

2008- 8- 16, 09:31 PM

كلنا بالهوا سوا

لعبوا فينا بالإختبار ودوخونا وحاسونا ....

..............و.............

آخر شي قاعدين بالبيت للسنة الثانية على التوالي

حسبي ربي علي اللي كان السبب
:Cry111:

أحلامي كانت طب ....

تحولت و تقلصت وصارت تمريض.....

و تحولت و تقلصت ثاني مرةو صارت تربية
:s3:

:s3:

و آخر شي صفيت على ربة منزل

ما طار طير وارتفع .......إلا كما طار وقع

الزهرة الحزينه

2008- 8- 17, 08:13 AM

ظلم

لانعبوا حالكم

المتعذبه بالحب

2008- 8- 17, 01:33 PM

:Cry111:

حرااااااااااااااام والله حرام مفروض يسووون لنا زي الاولاد

فرصتين اقل شي

الله يسامحهم قعدونا فالبيت

اينشتاين

2008- 8- 19, 08:29 PM

لالا لاتقلون كذا خلونا متفألين بليز نبيكم ترفعون معنويتنا
انا خايف لانوا انا باقي لي سنه واتخرج بس الخوف من ذا القدرات الله يستر منهم مانعرف لل اختبارات لابدايه او نهايه

كاترين

2008- 8- 20, 03:28 AM

ياجماعة الخير قولولي انا حطيت رغبة1و2و3 كاتالي رياضيا ت طب وحاسب....وطبعا انا ماحطيت رياضيات حبا فيها بس الصفحة الاولة مارضت تفتح الابعدين وماكن شي عاجبني من الخيرات الباقية فحطيتة.....ولللااسف لان نسبة الرياضيات نازلة قبولوني فيها :o3:......ومادري وش السوات يقولو ن ثبتي وفبدايت السنة جربي حولي:bawling:...ابصراحة هالجازة نار ..وشكلي ماني معيدة لاني جبت العيد:s3:.وبصراحة صرت افكر انا اذا ماصار لي تحويل على حاسب على الاقل ولا الرياضيات راح اسحب ملفي..وانتضر السنة الجاية وش ..رايكم انتظر ولا خلاص انتحر:Cry111:....مرة متلخبطة اموري ماني قادرة اوقف من كبر الصدمة وصرت افضل النوم علشان: كل شي فية مسموح:o3:.بس منجد حسبي اللة عليهم الحقوني في النوم .....وصرت اشرب نسكافية....علشان ما انام.....تهقون راح يقبلون دفعتنا السنة الجاية ..يقولون الي تدرس سنة والسنة الي بعدها تبقى تسجل مايقبلونها ...قولولي صدق ولا:t1:

العشق

2008- 8- 20, 04:27 AM

تبين نصيحتي يا قلبي ان تتوكلين على الله وتدخلين الرياضيات :119:

احسن ماضيع عليك الفرصه

والي اعرفه ان الحاسب نسبه الي يبونها عااااااااليه غير انك بعدين راح تعيدين اختبار القياس من جديد الانهم ماراح يعتمدون على

الاختبارك الاولي :no2:

واذاتصعبت عليك الماده جيبيلك مدرسه خاصه للبيت :g8:

تقبلي مروري "العشق"

محتاارهـ

2008- 8- 20, 06:29 AM

قهر قهر
وربي حرااام الي يسونه فينا
مايبونا ندخل الجمعات
يعني الدرسه هذا كلها رحت مثل شربت الموي
واللللللللللللله انا شكل نهايتي الحين من القهر

جامعيه ولكن

2008- 8- 24, 05:11 PM

حسبي الله ونعم الوكيل ايه والله ضلم وكل شي تقدرون تقولونها اتعب سنتين واخر شي اختبار كم ساعه يححدد المصير بس ماقول الا حسبييييييييييييييييييييييييييييييييييييييييييييييي يييييييييي الله الله ونعم الوككككككككككككككككككككككككييييل على كل من سعى لتحطيم طموحنا :Cry111:

البحر الهادئ

2008- 8- 25, 12:36 AM

:Cry111::Cry111::Cry111:حسبي الله عليهم حسابا يكافيهم

نور الولاية6

2008- 8- 25, 12:45 AM

تعب السنين ذي كللللها ضااع :011:
لا وقالو أن النسبة وحدة
طلعت ثنتين:no2:
قهرر قهررررررر

Regina

2008- 8- 25, 09:46 PM

يعني بنتذكر الاشياء الي اخذنهاا في اول وثاني ثانوي .... وهاذي المواد خلالالاص المفروض ما يختبرونا فيها
لان احنا اختبرنا فيها واثبتنا جدارتنا يوم نجحنا فيها لييييييييييييه تعيدون وتعطونا اشياء ذكرنها ونجحنا فيها ... ومرت السنين وتبون نتذكر؟؟؟؟؟؟؟؟؟؟؟؟؟

انا ما اذكر وش اكلت من قبل اسبوع .....

على العموم الله يخلف عليكم

atlan

2008- 8- 26, 09:16 PM

شـــــــــــكراً لـــــــــــــك

روزا

2008- 8- 27, 05:06 PM

اكبر ظلم شفته في حياتي

نسبتي الثانوية 99.36
والقدرات 59
والتحصيلي 67

آآآآآآآآآآآآآه تعب سنتين ع الفاضي

ولا دخلت في اللي ابغيه :Cry111:

عايض القحطاني

2008- 8- 31, 12:43 AM

لا لا انا مع التحصيلي والقدرات .
داري بتقولون ليه ؟ هاذا واحد جاب درجه زينه وبيخرب علينا ؟

بس لو تفكرون فيها تطلع صح لان صرنا نفرق بين اللي تخرج بالحفظ واللي تخرج بالفهم يعني فيه ناس تحفظ ليلة الاختبار وتجي تكتب اللي حفظته وهي ماتدري وش حفظت وهذا مبدا خاطئ .
يعني يجيك واحد ماخذ 99 وهي نسبه جاته من الاعتكاف والمذاكره ولو ترجع لمخه في الاصل تلقاه اغبى الاغبياء

(وجهة نظر مهندس كهروميكانيكي لا اكثر ولا اقل )

البرنس

2008- 8- 31, 12:50 AM

نور البتول

2008- 8- 31, 02:34 AM

ما أقول اله
حسبي الله ونعم الوكيل على كل ظالم
وصدق من قال : الجمرة ما تحرق اله رجول واطيها
الله يعين على كل حال

°°•.فِدَاء أمِي.•°°

2008- 8- 31, 05:04 PM

حسبي الله ونعم الوكيل
:bawling::bawling::bawling::bawling:
والله تعبنا موت وفي الاخير يجي التحصيلي يخرب كل شي:o3:
:Cry111::Cry111:
طيب انا اقول لكم وش ذنب البنات اللي مثلاً يكونون مريضين فتره ومايقدمون زين والسنه اللي بعدها يصيرون بخير بيلحقهم التراكمي وبيموتون قهر وبيفقدون الأمل في كل شي

يااااااااااااااريت يرجع كل شي مثل قبل لأن هالقرار حطمنا تحطيييييييييييم:Cry111::Cry111::Cry111:

احساس ملاك

2008- 8- 31, 08:01 PM

اي والله موبس حطمنا الا مرضنااا والله اني الى الحين ماانقبلت في مكان يعني وش هالحاله عليهم
وااااااااجد احنا مظلومين:Cry111:

عيون عليا

2008- 9- 2, 11:12 PM

والله من جد ظلم :bawling:

حرام عليهم

يعني بالبدايه دمرونا بهالإختبارات الدوريه :017:

يا شيخه حتى صرنا ما نهتم إذا كان عندنا اختبار لأن كل يو اختبار كل يوم كل يوم :bngo12:

وحاسبين لنا نسبه موزونه جعل الموازين تتقلب على كل ظالم

وما كفاهم قالو لأ :017:
لا زم ما نخلي احد يدخل جامعه

ابلشونا بهالقياس

حسبي الله ونعم الوكيل :Cry111:

واحة الموت

2008- 9- 3, 05:08 AM

الله يعينكم ياقلبي والله معاناتكم كسرت خاطري :Cry111:
اهو من ناحية ظلم ظلم بس الظلم أنا أشوفه من ناحية توزيع درجات النسبة الموزنه
الله يساعدكم ويعاطيكم كل اللي في بالكم

اسير الليل

2008- 9- 3, 05:57 AM

انا صار علي حادث في ثاني نانوي وغبت عن المدرسه الترم الثاني كله ومع تساعد المدرسين الله يجزاهم خيرصارت نسبتي نسبتي 99.83وفي المعدل التراكمي 99.42 والقياس81 والتحصيلي 61 ونزل التحصيلي نسبتي من 99 إلى 74 .......طيب انا ما زعلت ليش سوا فيني التحصيلي كذا بس ليه يسون لي الإختبار هذا وانا فصل كامل كنت شبه فاقد للوعي ............ يعني اختي توكلي على الله وربك مو مخليك اللحين انا طالب مستجد في كلية الجبيل الصناعيه الحمد لله..............

عيون عليا

2008- 9- 3, 03:45 PM

هو ياليته كذا وبس

حتى لما تكرمو علينا وحطولنا دفعات تنزل عشان القبول

كل دفعه تنزل يرفعون النسبه الموزونه :bawling:

طيب ليه؟؟
مو حرام :017:

لو يرجعون ويفكرون

النسب ماصارت نازله إلا من تحت راسهم :bngo12:

هم اللي مسويين لنا فيها نسبة ثاني ونسبة ثالث وتحصيلي وقدرات ومدري ايش؟؟ :017:
لا والنهايه ايش؟؟
30بالميه بس من الثانويه العامه

بعد كل هالتعب بس 30 :bngo12:

والله حراااااااام

بحركتهم هذي اظلمو ناس كثير :Cry111:

LO LO

2008- 9- 3, 04:14 PM

تكفوووون لاتذكرووني بالقدرات

كاااان يووووم مرعب احس ان القاعه كلهم يحلون وانا والوحيده اللي ماتعرف تحل

بس ربي ستر ووفقني وجبت نسبه عاليه في التحصيلي

بس صرااااحه ظلم

كيف نسبه الثانويه على سنتين ياخذون منها بس 30% من جدهم يتكلمووون انا الى اللحين مو مصدقه

توقعت ان الثانويه عليها 70% والقدرات والتحصيلي 30%

بس الوضع تخرربط

فهد الأسمـــري

2008- 9- 7, 03:04 AM

:cheese::cheese::cheese:
انا نسبتي ثانوية 92 ومادخلني الطب الا ااقدرات والتحصيلي ......... الحمدلله جبت درجات عاليه فيهم

الحس المرهف ~

2008- 9- 7, 03:38 AM

حسبي الله ونعم الوكيل ..

حرام .. نسبنا الثانوي حلووه ومتخرجين ممتاز في الآخير نجلس في البيت ~

الله عليهم ..و جامعه الفيصل ×ظلم لا مثيل له×

الله يجبر بخاطرنــا .. ويفقنــاا :Cry111:

ftooomah

2008- 9- 8, 12:21 AM

ايه والله ظلم ثم ظلم ثم ظلم
حسبي الله ونعم الوكيل ...حسبي الله ونعم الوكيل
الحين احنا نجلس في البيت وش نسوي
وين احلامنا الي كنا نحلمها من صغرنا
انا والله ماقلت شي يوم ماطلع الي شي في الدفعه الاولى ..
لان كان عندي امل انهم يقبلوني في الدفع الجايه
بس يعني الظلم عيني عينك ...يروحوا يرفعوا السنب الموزنه
على شاان بس نجلس في البيت
انا لازم اسكت ..لان اذا ماسكت اخااف اروح في داهيه ..
لان حامله عليهم في فلبي كثير كثير :bngo12:

مس كابتشينو

2008- 9- 8, 03:51 AM

انا إلي اشوفه ان هذي السنه بالذات هي إلي شددو فيها وخبصو الطالبات لأن في الاعوام إلي راحت كانو الطالبات امورهم ماشيه ميه ميه

الحين حطو هالقدرات والتحصيلي وعدمو الدنيا اول كنا وش زيننا الحين اعوذ بالله يستنذلون علينا وينصبون والله كل الدعوه مسخره في مسخره لا بارك الله في العدو:017:

والله يكون في عون الجميع

العميد

2008- 9- 8, 05:23 AM

قمة العدل ...................
الاختبار التحصيلي و اختبار القدرات اسئلة سهلة هذا واحنا (بنين) ...............
اختبار القدرات وش يبي له ؟؟؟؟؟ يبيله واحد :يفكر، يستنتج،يحلل،........و يستعد للاختبار بس ....
الاختبار التحصيلي وش يبي له ؟؟؟؟؟؟؟يبيله واحد مذاكر المواد العلمية بشكل جيد من سنين الثانوية(أول+ثاني+ثالث)..بس
و أنا أضمن لأي واحد انه راح ياخذ درجات ممتازة .......
أنا حصلت على درجات لا بأس بها في (التحصيلي والقدرات)بفضل الله ثم جهودي استعديت بشكل جيد للاختبارين و حصلت على درجات لا بأس فيها وأنا متأكد لو استعديت بشكل أكثر كان حصلت على درجات أفضل.....

تحياتي...........
لا زلت مصر على رأيي الاختبارين سهلين ما في ظلم و لا شي ...
يمكن يكون الظلم في طريقة حساب النسبة الموزونة من وجهة نظري يعني مثلاً جامعة الملك فهد 50(%تحصيلي+30%قدرات +20%ثانوية)..؟؟؟!!!!!!!
أنا أشوف ان لو يوحدون طريقة حساب النسب الموزونة لجميع الجامعات أفضل و أن تكون مثلاً( 35%تحصيلي+35%ثانوية+30قدرات)
و جهة نظر فقط لا غير.....

دمعة متجمدة

2008- 9- 8, 07:27 AM

هوه من جهة ان عدد المقاعد مو كافية ومفروض يزيد عدد المقبولين دا شي صحيح

بس القدرات والتحصيلي مو ظلم من قال كده فكروا فيها واوزنوها بعقولكم :no2: شوفوا كيف :

خلونا من القدرات الي عليها 30% تعتمد ع طريقة تفكيرك وسرعة البديهة عندك

الشهادة الثانوية عليها 30% ،، التحصيلي عبارة عن تجميع المعلومات في الثانوية من اول وثاني وثالث عليها 40%

يعني كأن المرحلة الثانوية ككل عليها 70%:mh19:صح؟

فالطالب او الطالبة الي حصل على معدل فوق 91 في الثانوية بجدارته واحط تحتها الف خط تحت بجدارته بدون مساعده من مدرسيه اوراق الخ....... ،،، اكيد 100% ان تعبته طوال هالثلاث سنوات مابضيع وببين في التحصيلي بجيب براحة فوق 85 اذا كان تعبان على نفسه صح:g8:

مثل الأخ الي رد في صفحة من الصفحات نسبته 92 مع كده دخل طب مبين انه انسان مجتهد وبذل جهد :d5:

فعدم قبولك ببسبب قلة المقاعد الي حددتها الجامعة للمقبولين ومفروض تآخذ عدد أكبر من الطلاب /الطالبات مو بسبب ظلم اختبار الرام ،،

واذا انتو كتبتوا ان ما يحتاج يتعب نفسه الطالب ويجيب 99 فالاخير ما بينقبل بتحبطوا الي بيروحوا سنة ثالث من البداية ما بذكروا ودا حرام:s11:

هذي وجه نظري الشخصية وانتون براحتكم و الي واجهوا ظروف في ثانوي وبسببهم نزلت نسبتهم في التحصيلي تأكدوا تماما ان الله ما بينساكم وخلوا ايمانكم به قوي واذا سكرت الجامعة في وجهكم باب ربي ان شاء الله يفتح لكم الف باب بس توكلوا على الله وبالتوفيق للجميع
:praying:

مس كابتشينو

2008- 9- 9, 01:11 AM

ومن إيجايات النظام إلي حطوه انه يبين قدرات الطالبه

فمثلا طالبه دارسه بمدرسه خاصه جابت نسب خل نقول مثلا 99 وهذا طبعا من التغشيش والمساعده

إلي تخلي الطالبه بكل سهوله تجيب هالنسبه فعند مرورها بإختبار القدرات تبان على حقيقتها وتبان خيبتها وانها مو فالحه

فخل ذيك الساعه تدور لها احد يغششها:hahaha_2008:

اما لما تكون طالبه بمدرسه حكوميه وتجيب نسبه الثانويه 80 من جهدها ومن دون غش ويجي وقت إختبار القدرات تبان معدل ذكائها

بهالإختبار وبس سلامتكم اختكم مس كوبتشينو ابي اعدل الاسم بس موراضي إلي تعرف تقولي الله لايهينكم

ريمـا

2008- 9- 9, 02:44 AM

اااااااااااااااااااااااه واااااااااااااااااااااااااااااااه والف اه ادموعنا كانت غاليه بس

بس من اللي يصير في القدرات والتحصيلي واللعب في النسب والله بكينا وبكينا لما نشفت ادموعنا واتجرحت اجفون عنينا

ااااااااااااااااااااه فيني حره بس الله يعيييييييين:Cry111::066::s12::bawling:

سلطووون

2008- 9- 18, 05:24 PM

بسم الله الرحمن الرحيم
السلام عليكم ورحمة الله وبركاته
اما بعد

انا راح اعلق على الموضوع برد قد يكون قاسي للبعض فارجو منكم تقبله بصدر رحب

اختبار القدرات والتحصيلي اختبارات ممتازة لانها تبين مستوى الطالب الحقيقي ولكن من خلال مشاهدتي لبعض درجات الاخوان والاخوات تبين لي انهم هم من يلامون وليس مركز القياس ولا الجامعات

وبالعامية انتم ماخذين الثانوية على انها مضمونة في الدرجات وخصوصا بعض المدارس اللي تضحك على الطلاب وتوهمهم بمستويات وهمية خيالية

بعض الاخوان والاخوات في الردود السابقة لا يستحقون الا الجلوس في بيوتهم لانهم اخذوا الدارسة استهتار وضيعوا ثقة اهاليهم فيهم وضحكوا على انفسهم قبلها وبصراحة لا الوم البعض منهم لانهم وقعوا ضحية التعليم العام سواء من واسطات او من مدارس او من درجات وهمية

فمثلا احد الاشخاص ولا اقصد احد هنا اخذ في الثانوية العامة 90% وشلون ما يقدر يجيب درجات في التحصيلي اذا اصلا كان الاختبار التحصيلي يعتمد على الثانوية العامة بشكل كبير

واختبار القدرات العامة اكبر دليل على مستوى الطالب لانه يقيس مستوى تفكيره بعدة طرق علمية فاللي يجيب درجة تعبانه فيه ينام في بيت اهله احسن

بالنسبة للجامعات التي وضعت عليهم نسب تقارب 70% واكثر جامعات عريقة تريد طلاب يبنوا مستقبل المملكة وليس طلاب عاهات عليها وبعض الجامعات الجديدة التي اعطت الثانوية العامة 50% فهي جامعات جديدة وليست بالمستوى المطلوب وتحتاج الى الوقت حتى تساير النظام التعليمي

وفي النهاية اذكر كلام لرئيس مركز القياس على قناة الاخبارية قبل كم شهر يقول فيها
الطالب الذي يأخذ 80% فاكثر من اختبار القدرات العامة 70% فاكثر من الاختبار التحصيلي وهو فقط الجدير بالدارسة بجامعات المملكة

ومشكورين على المرور واتمنى ان اكون قد اوصلت الرسالة بدون زعل
والسلام عليكم ورحمة الله وبركاته

ღMs.Kღ

2008- 9- 18, 05:37 PM

سلطوون

انا معاك بالي قلته ومؤيده اختبارات القياس بس بشرط تكون اكثر من مارا زي الاولاد وبس هذا الظلم الوحيد ان الادولاد لهم اكثر من فرصه واحنا لا انتم عندكم كل اختبار لوحده ما احنا كلهم مع بعض وفي يوم واحد واول مارا وبس

يعني ياريت لو يساوونا معاكم يالفرص

عيون عليا

2008- 9- 20, 06:07 AM

انا اشوف الشباب موافقين لفكرة القدرات والتحصيلي

والبنات معارضات !!

عارفين ليه ؟؟:mh19:

انا راح اقولكم

فهد - العميد - سلطوون

الولد يختبر مره ومرتين وثلاث واربع .... الخ

وياخذ الأحسن درجه فيهم

يعني ماعند الأولاد مشكله

يدفع ويختبر من جديد

اما البنت تختبر مره وحده

مافي غيرهاااا

وطبيعي بتكون الأسئله سهله عند الأولاد

اللي مجرب اكثر من مره غير عن اللي اول مره وخلاص

Dr. Hadded

2008- 9- 20, 07:47 AM

بالعكس
مجرد اختبار القدرات اللي نخبتر فيه أكثر من مرة
اختبار التحصيلي مرة واحدة فقط
و أنا مع حزب التأييد لاختبار القدرات و التحصيلي
و أنا مع سلطوون في كل حرف قاله

عيون عليا

2008- 9- 20, 10:48 AM

دكتور حديد

احنا لما جينا نختبر

عطونا دفتر فيه اسئلة القدرات والتحصيلي مع بعض

يعني التحصيلي والقدرات في دفتر واحد

مو مثلكم كلا على حده

Dr. Hadded

2008- 9- 20, 01:19 PM

همممم .
مع ذلك أنت مو وحدك اللي اختبرت مرة واحدة كل البنات اختبروا مرة واحدة .
يعني إذا كنت أفضل منهم ستظهرين في النتيجة .
طبعاً أنا لا أنفي إنّ اختبار القدرات فيه حظ إلا فيه حظ . ( و أنا أقول ما هو حظ إنما توفيق من الله )
و أيضاً لا أنفي إنّ اختبار القدرات لم يضع مقاييس جيدة للإختبار حيث إنهم يختبرون سرعة البديهة فقط و ليس الذكاء .
فربما يقوم ذكي بحل مسألة معقدة في يوم يعجز عن حلها من يحرز 100% في القدرات .
و مع ذلك أنا أؤيد بشدة بقاء القدرات و التحصيلي لأنه بدونهما سنعود إلى قضية الواسطات في القبول في الجامعات بشكل أكبر بكثير مما هي عليه الآن .
ما أتوقع إنش تريدين تشوفين وحدة جايبة 70% داخلة طب ( مع إنّ هذا موجود الحين إلا أنه ليس بكثرة )
و إنت اللي جايبة 90% و ما فوق قاعدة في البيت .( الله لا يقدر )
ترى اختباري التحصيلي و القدرات مفيدين لكن يحتاجوا إلى بعض التعديلات .
و إن أردتم أن تصبحوا كالأولاد في اختبار القدرات لم لا تتطالبوا في الجرائد
إكتبوا تقرير في جريدة كجريدة اليوم إلخ ........
وما أقول إلا الله يعين

عيون عليا

2008- 9- 21, 02:49 AM

همممم .
مع ذلك أنت مو وحدك اللي اختبرت مرة واحدة كل البنات اختبروا مرة واحدة .
يعني إذا كنت أفضل منهم ستظهرين في النتيجة .

انا ما اتكلم عن نفسي
انا اتكلم عن البنات بشكل عام
وبعدين انا ماقلت اني حصلت على نتيجه غير مرضيه في الأختبار
الحمد لله نتيجتي دخلتني الكليه وخلصنا

وانا ماعارضت فكرة القدرات والتحصيلي
لا بالعكس
انا اعارض الظلم فيه فقط

لما ياخذون من نسبة الثانويه العامه ومن تعب سنتين فقط 30 % هذا يعتبر ظلم
لأن مثل ما انو في طلاب في مدارس اهليه وتجيهم الدرجات بدون تعب
كمان في طلاب في مدارس حكوميه ومايحصلون على الدرجات إلا بطلعة الروح
وفي من ينظلم بعد من قبل المدرسين وهذا الشي انا اتكلم فيه عن تجربه
وإذا اشتكينا لاحياة لمن تنادي

ترى اختباري التحصيلي و القدرات مفيدين لكن يحتاجوا إلى بعض التعديلات .

انا هذا اللي اقصده ( يحتاجون إلى تعديلات )

إن أردتم أن تصبحوا كالأولاد في اختبار القدرات لم لا تتطالبوا في الجرائد
إكتبوا تقرير في جريدة كجريدة اليوم إلخ ........

واحنا وشقاعدين نسوي ؟؟

انت ماتشوف الجرائد في فترة مانزل القرار وفترة الاختبارات وبعد الاختبارات ماتشوف مشاكل البنات اللي في الجرائد . احنا مو مقصرين

أريج الورد

2008- 9- 21, 04:09 AM

اممممممممم

أنا بصراحة مع اختبار القدرات و التحصيلي

لأن برأيي أن مو كل اللي أخذوا 100 % انهم فاهمين المنهج او قدراتهم أحسن من الباقي ...

يعني تلاقي ناس عندهم نظام المذاكرة ( حفظ فنجح ) أو بالأحرى ( حفظ فأخذ 100 % )

مع ذلك يحتاج هالنظام إلى تعديلات مثل ما قلتوا ....

و إلى المساواة بين البنات و الأولاد بعد ....

و نسبة الثانوية بصراحة حرام بس 30 % ... يعني المفروض أقل شي ياخذوا منها 50 %
:119:

Dr. Hadded

2008- 9- 21, 07:45 AM

لا ترى أشوف نسبة الثانوية عليها واجد 30% المفروض تصير زي جامعة البترول
على التحصيلي 50% و على الثانوية 20% و على القدرات 30%
أو أقل لأن الثانوية ما ليها قيمة ( هذا رأي خاص بي )
لأن التحصيلي متمم للثانوية ( يعني إذا صحيح كنت مجتهد في ثانوي بتجيب عدل في التحصيلي مو محصل الدرجة بالواو )

عيون عليا

2008- 9- 21, 12:51 PM

دكتور حديد

زين انهم ما يسألونك إذا جاو ينزلون قراراتهم

لأن لو بيمشون على رأيك الخاص بك وبياخذون فقط 20% من الثانويه العامه

الطلاب والطالبات بيروحون فيهااااااااا << هههههههه

ومثل مافي درجات تجي بالواو
بعد في درجات تطير في السما من الظلم

بنوته مستجده

2008- 9- 21, 11:54 PM

انا عن نفسي ذاكرت في القدرات والتحصيلي لين ما قلت بس :bngo12:

وعلى البنات بماأن ما في توعويه كونها اول سنه يتطبق هالامور :no2:

نصهم مساكين موشئ فيه وراحت نسب مره حلوه في الدمام ولا اقسام مودالك الزود والي تغرب يعني الكل عانى يااختي :011:

واذا علي انا الله راحم بحالي وشديدة على نفسي مره :017:

خاصت الامتحانات وما ميش الا انا في البيت اذاكر وارجع كتب صارليي ثلاث سنين ما فتحتتها :Cry111::066:

على العموم خيتو هونيها وتهون ويكون ابرك ما يكون ..........:g8:

احلى دكتورة

2008- 9- 23, 02:23 AM

شوفو لا التحصيل ولا القدرات الي راح يحققلنا الي نبغاه
انتوا ادعوا الله وخلوا املكم فيه ادعوا وصلوا اذكروه كل يوم وتصدقوا كتير ان الله على كل شيء قدير يرزق من يشاء من غير حساب
اكيد لو عملتوا كد ا من كل قلبكم ووثقتوا في الله واجتهدتوا كمان ربي ماراح يخيبكم ويعوضكم...............

عايض القحطاني

2008- 9- 23, 04:05 AM

انا مع التحصيلي والقدرات وهي الفاصل بين الطلاب

تخلينا نعرف الذكي من الغبي وانا مااشوف فيها اي مشكله

يعني اذا صارت نسبتك نازله فلاتلقى اللوم على غيرك فهو تحصيلك انت

وهذا الاختبار يثبت قواك العقليه فالق اللوم على عقليتك اللي مادخلتك التخصص اللي تبي
لان التخصص يبي ناس قدراتهم وتحصيلهم العلمي مرتفع

عضوه محذوفه

2008- 9- 25, 12:48 AM

وانا مع الاخوات بعد

يعني

الي يذاكر بجيب والي مومذاكر خليه يطق الطوفه بعد

امتحان موامتحان ليش كل البنات ديك الليله حاطين ايدهم على خدهم

وينتظروا ديك المسلسلات من واحد الى الثاني طيب ما خلصتوا ذاكروا الامتحان

قالوا شنوا قالوا ما نعرف كيف ولا نبي

انا عن نفسي هذا لي شفته في محيطي وماني متأسفه على اشطر الطالبات الي ما حظر وا له وانفلتوا في الدمام

لان ببساطه ما ذاكروا

يعني اصطبرت سنتين وانا على المجموع التراكمي
وسبوعين على الامتحلنات ما اقدر اصبر سبوع او اثني احظر لهم

انا اول ما دريت انه فيه امتحان قدرات وتحصيلي

اخذت اول شى دوره
وامتحنوني نفس الامتحان بس الاسئله غير طبعاً
يعني مهدت
هذا بس فس الرام وان
انا الثاني

جبت الي كتب اول وثاني وثالث من معارفي الي في السنوات الي قبلي
مجرد قريت لا اكثر ولا اقل لاني طوال هالسنوات اذاكر وسهل اني استرجع هذا الشى في الاختياري

وبرايكم اذا بذلتوا شوي في القدرات والتحصيلي ما بتجيبوا خلو الحظ على جنب
بس كل شئ يجي بتعب في نظري وما في شئ ايجي بلوشي

والقدرات والتحصيلي ابداً مو الظلم الظلم انك طوال سنين اتذاكر والي جنبك الله وكيلك امها تجي تاخذ ها من المدرسه علشان
ترعى الغنم

واذا المعلمه رسبتها جابتك ديك القبيله
ويامه قاتل او مقتول

ما يسوى

على الي يذاكروا ناس تكرف وناس حطاه ايدها على خدها

مومعاكي ابداً انا مع التحصيلي

minds eye

2008- 9- 25, 11:44 PM

انا مع اختبار القدرات والتحصيلي
لان مثل هالاختبارات وخصوصا التحصيلي
يوضح الطالب اللي يدرس من حب ويحتفظ بالمعلومات والطالب اللي يدرس بس عشان الدرجات وبعد ها ينسى كل اللي درسه والطالب اللي ماله علاقة بالدراسة خير شر لا من ناحية الدرجات ولا الاستفادة من المعلومات
الطالب الحقيقي هو اللي يحب و يدرس عشان على الاقل يستفيد من المعلومات اللي درسها وهذا الهدف كافي لبقاء معلوماته مثبتة في رأسه
اما اللي يدرس بس عشان الدرجات وماهمه العلم او انه اكتسب معلومات فهاذى بالتأكيد لن ينجح بالامتحان

ونصيحتي للدفعات القادمة
التسجيل في احد الدورات للإستعداد لأمتحان القدرات والتحصيلي وخصوصا القدرات لأن اسئلة القدرات فيها صيغ وانواع تحتاج للتدريب
كتاب رام 1 و رام 2
وملزمة رائز
اما عن التسجيل في رائز للتحصيلي سمعت عن كثير ماينصحون فيه لانهم بيعطونكم ملزمة وبيحلونها معااكم بس ب3 ايام
والسعر ماذكر بس اكيد غالي
يعني اللي نصحووني بس اشتري الملزمة منهم وانا اراجعها بنفسي
وارجعو للكتب الدراسية وذاكرو المعلومات الاساسية واللي تحسونها مهمة قبل الاختبار بأسبوع تقريبا
ولا تنسون ثقتكم بأنفسكم واملكم وتوكلو على الله العلي القدير
وبالتوفيق :119:

Senorita

2008- 9- 29, 04:10 PM

اوكي التحصيلي هو الي يثبت مين مذاكر من قلب ومين لأ

لكن القدرات؟؟

بالنسبه للبنات اول مره يختبرونه وانا كان اغلب اسئلتي قدرات وورا بعض ومافي وقت يكفي واشياء يبيلها تفكير مو على طول تطلع الاجابه

مفروض على الاقل يحطون اكثر من فرصه اختبار القدرات للبنات مثلهم مثل الاولاد الي يقدر يختبر من 2 ثانوي مرتين بالسنه
يعني هالسنه الطلاب ان لهم 4 فرص

والسنوات الماضيه اول ماطبقوه كان للطالب فرصتين

ويختارون افضل نتيجه

علشان كذا لو تلاحظون الطلاب درجاتهم بالقدرات جدا مرتفعه لان لهم اكثر من فرصه واختبارهم يكون منفصل عن اختبار التحصيلي

بس الطالبه مالها الا فرصه وحده ومدموج مع اختبار التحصيلي

كذا حتى لو الطالبه مذاكره وذكيه بترتبك وتخبص لان مافي وقت ويكون المخ مهيأ على شي

صراحه ظلمونا هالسنه

وانا عن نفسي دخلت دورة بسايتك((دورة ركائز)) كانت بس حق التحصيل

كانت تقريبا بـ 1000 ريال

والقدرات مالقيت الا قبل الاختبار بيوم واحد و3 ساعات بـ 300 ريال

ولا استفدت من القدرات بشي ابد ابد يعني فلوس عالفاضي

ودورت برائز قالوا للبنات مافي

ومو كل واحد ووحده يقدرون يدفعوه هالمصاريف

وحرام يعني تصير دراستهم كلها راحت كذا علشان اختبار واحد

مررره ظلم وخاصة على البنات هالسنه بنات شادين حيلهم من اول مادخلت المدرسه جت على اختبار واحد خرب عليهم كل شي

4 ساعات متواصله ومعلومات مختلفه

هذا شي يشتت التركيز

بنت الثانوية

2008- 10- 2, 12:01 AM

مـــــااقول الا حسبي الله ونعم الوكيل ع الي طلع ذا القرار
والله المفروض ان يسهلون لنا عشان يستفيدون منا بالمستقبل ..
الله يستر منه ويارب سهل ولا تعسر اميـــــــن...:Cry111:
انــــــاشد القـــلوب الرحيمة منوزارة التربية والتعليم ان يلغون هالقرار ولا بدعي عليهم ليل نهاااار <<مشروع طرارة :011:

ambitious girl

2008- 10- 2, 09:49 PM

:Cry111::Cry111:يحطممممممممممممممممممممممممممممممم ممم أحلامنا التي حلمنا بها منذ نعومة اظفارنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بنت الخبر@

2008- 10- 3, 12:06 AM

احم اشوف اكثرم يشتكي من القدرات والتحصيلي

كنت اهتم بالمذكراه اخذت في ثاني ممتاز

ولمن رحت ثالث وعرف ياخذون من النسبه 30 بالمئه
دجيت دجه اخذت راحتي بقوه لا مذاكره ولا شي

واهتميت بالقدرات >>>> اعتمت على حظي

معني كان الامل دخول الجامعه معدوم الي يشوفني بالمدرسه محد بيصدق اني دحلت جامعه
بس الحمدالله

نصيحه لا حد يشد حيله بالدراسه :064:

طامح للمستقبل

2009- 1- 1, 11:50 PM

حســبي ربــي
:s3:

فراشة الليل

2009- 1- 3, 12:34 AM

حسبي الله ونعم الوكيل فيهم
:praying::praying::praying::praying:
الصراااحة ظلم بعد التعب والقهر يسوون قدرات

وناااس ماتعبت ولا حست بالتعب بواسطتهم يدخلون

باردة أم مبردة واللي تعبو نفسهم وقلبهم أنقطع
:bawling::bawling::bawling:
مايبونهم الله أكبر عليهم ويجازيهم
:bawling::bawling::bawling::bawling::bawling:
الله ينتقم منكم ياقادر ياااكريم:praying::praying:
تحيااتي,,
..فراشة الليل..

(rose)

2009- 1- 14, 09:29 PM

عن جد ظلم وش اللي يصير
يعني الدراسه ماتسوى في هالزمن لان
درجة سنتين تجمعينهم ويساونها
باختبار القدرات اللي ما ياخذ الا عدة ساعات
اصلا من جا اختبار القدرات صارت
الطالبات ماتحب تذاكر
بس ماقول الا الشكوى لله
:Cry111:

منصورة

2009- 1- 15, 06:30 PM

اضم صوتي لصوتكم

صرااحة ظلم يعني لو عندكم واسطة امش بس
تخيلوا واحد مستشااار يقول وحدة مسجلة بالبعثات منغير اختباار القبول بس لها واسطة على انها اختبرت القدرات والتحصيلي وجابت نسبة عالية استغفر الله

إضاءات

2009- 1- 15, 07:31 PM

لي عودة

لأضع مافي جعبتي لكم

إضاءات

2009- 1- 16, 07:36 AM

أود أن أقسم حديثي إلى بنود هي كالآتي:

1-فكرة القدرات كفكرة هي راااائعة وجيدة جدا..بل هي ترتقي بالطالب

2-الخلل كان في تطبيق هذه الفكرة وتتلخص أخطاؤهم من وجهة نظري بـ:

أ:كان هنالك أسبوع فقط للاطلاع والاسترجاع بعد اختبارات نهائية "((الزبدة محد بيذاكر)) ولو حاول محاولته فاشلة سيغطي 3 مواد عالأكثر قراءة فقط

ب:تقسيم النسبة المركبة على القدرات والتحصيلي والثانوية غير منصف (50%ثانوي25^قدرات 25%تحصيلي بحيث يكون لملا ثاني وثالث 25%)

ج:محاولات إعادة الاختبار للطالبات غير موجودة كما لدى الأولاد ع الأقل مرتين حتى لو لم يكن هنالك وقت كبير بين الزمنين مع يقيني بأن الدرجة لن تتغير كثيرا لكن هو لعدم رمي اللوم عليهم طبعا إلا لمن ستحااول جاهدة الاطلاع على كتب وحلها

د:وقت دخولنا لجامعات لم يكن فيه نسب بدائية تحددلنا امكانية القبول في قسم معين
مثلا
فلانة من الناس حصلت على 79؟%موزونة
ووضعت رفباتها كالتالي:
طب تصميم حاسب
طبعا لم تقبل هنا لاألومها لن تكن تعلم النسب المطلوبة
لكن حينما طلبوا تغيير الرغبات لمن كانت رغباته مستحيلة كهذه "عندت" ولم تغير فهي من جنت ع نفسها
ثم تأتي وتعترض فلانة نسبتها 65قبلت نعم قبلت وبدون واسطة لكن هذا لأنها اختارت قسم يناسب نسبتها
لا أنكر وجود الواسطات لكن تيقنوا أن في كل مكان توجد الواسطات وحتى بين الناس في تعاملاااتهم

فياحبيبااااااااااااتي دعوا البكاء ع اللبن المسكوب واعملن للقادم "وكل طالبة تحمد ربه غالاقل ماجربوا عليهم وحنا كنا قبلكم فتاخذون دروس مننا والنت صار مليان نماذج مو مثلنا"

**قمر**

2009- 1- 22, 09:22 AM

يارب يستر شكلي مفحطه هالسنه ..
تكفون لاتخوفوني...
الله يعينك وربي يعوضكم بخير ان شاء الله..

حورmiss

2011- 9- 16, 07:28 AM

ايه صح ا:mh35:

w9al.n

2011- 9- 20, 12:29 PM

القدرات والتحصليي تنفع للي عندهم معلمين جيدين
مو إحنا تغيب نص الترم وتجي يوم تدرسك فصلين ب 3 حصص
وتقول المراجعه تلاقونها ب المكتبه الفلانيه ,
أجي أنا من عندي أجيبلي مدرسه خصوصية
تدرسنني وتعيد من أول واحصصل نسبه عدله
آخر شي يجئ هذا القدرات والتحصيلي يخرب علي
مو عدل أبد يدرسونا
وصايرين حقل تجارب أحننا !!
أتمننى يلغونه السنه هاذي نفس م سمعنا !!
والحين نظام المقررات ل سنه أولى عندنا يطبق ف مدرستنا !!
وشوف المدرسسات بس ..

حسبنا الله ونعم الوكيل

المهدويه

2011- 9- 20, 01:16 PM

حسبي الله عليهم
ابقي اعرف منو الي مخترع
القدر ات والله ظلللللللللللللللللللللللللللللللللللللللللم:bawlin g:

orochimaruSama

2011- 9- 22, 11:53 AM

حسبي الله على الظالمين

سووووس

2011- 9- 22, 05:05 PM

اييه جد حسسبي الله عليهم
يروح اجتهادنا وتعبنا طول السسسنه بهالاختبار

الأمال الكبرى

2011- 9- 22, 06:05 PM

القدرات كفٌكره ممتازه
لآتجيُ انسانهُ صراحه ماتدري عن الاختبار اساسا لآ استعدت له ولآ شيء وتعتمد على انه " حظ "
وبالنهاية تجي وتقول ضيع مستقبليُ :(

انا ترا طالبه مثلكمُ وحاسه فيكمُ أككككيد
لكن استعدوا من آلآن < اييييييه الان تخيلوا انكم تستعدوا للقدرات اكثر من 3 شهور كم راح تكون درجتكم
جدا عاليه بالاختبار لانكم استعيدتوا

اسبوع بعد الاختبارات النهائية مايكفي اساسا هالاسبوع المفروض يكون للمراجعه الي ذاكرنه للقدراتُ

ذاكروا من الان اشتروا كتب - ملخصات - ادخلوا دورات - دورا الاسئلة السنوات الماضيه خدوهم واستعدوا

لآ توقفوا .. استعدوا واجتهدوا

وربي مابيضيع تعب آحد , بعدها اختبار ابو 5 ساعات مدري كم مستحيل يضيع مستقبلكم
وتفائلوا بالخير تجدوه :mh318:

منال الحارثي

2011- 9- 23, 02:40 AM

سلام عليكم
صباح/ مساء الخير
بصراحة جذبني الموضوع وسجلت وحبيت اوضح رايي
"في رأيي" ان القدرات ليست ظلم وإنما وضع لتحديد مستوى ثقافة الطالب فمثلا في المدراس الأهلية تعتمد بعد الله على الملخصات ومن ثم تكون ثقافة الطالب جدا ضئيلة مقصورة على بضع ورقات و معلومات محفظوة دون فهم فعند دخول الطالب إلى الجامعة فإنه يتفاجئ بعدد الكتب وكمية المعلومات فيؤدي ذلك إلى مكوثه في الجامعة ضعف السنوات التي يتطلبها تخصصه هذا والله أعلم
وأنصح كل من يقدم على القدرات أن يجهز نفسه :
1) شراء كتاب دليل الطالب لاختارات قدارات عليه شعار قياس ((تجدونه في جرير مايزيد عن 30 ريال ويجي معه CD))
2) الدخول على موقع قياس بين الحين والآخر وتصفح الاختبارات التجريبية والاطلاع على آخر الاخبار وهذا الرابط http://www.qiyas.org
3) في دورات بس بصراحة انا ما اقتنعت فيها لانه استنزاف اموال دون الاستفادة الكاملة لكن انا ما أعمم بس البعض
اسفة على الإطالة:biggrin:

ريم الزعيم

2011- 9- 28, 06:10 AM

بصرآآحه القدرات ظلم
لانه...نسبتنه إلى بالثانويه حلووه حييل
وتكون بالقدرات زفت
ماكوا فايده
بماانه نجهز له قبله من 3شهور او اكثر والاسئلة تختلف
اللهم انه يعلمونه كيفية طرق الاسئله فقط
جلست سنه بالبيت بس علشان القدرات
والله حراام ندخل بفلووس والجامعات موجوده
وانا حلمي ماابيه يتحطم:Cry111::Cry111::Cry111::Cry111::Cry111::Cry1 11::Cry111::Cry111:

Dr. Apo

2011- 10- 7, 06:21 PM

كيف تحسب النسبه مع القدرات والتحصيلي؟؟

ابي الطريقه؟؟؟؟

الطريقة تختلف من جامعة لجامعة ومن تخصص لتخصص ومن وظيفة لوظيفة

يعني باختصار انه مافي طريقة معينة لكن بالغالب تكون مثل كذا

40% ثانوي
30% تحصيلي
30% قدرات

ونصيحه لكل شخص انه يدخل الاختبار من ثاني ثانوي واذا حاب ياخذها كتجربة تكون من اولى ثانوي برضو

بالتوفيق للجميع

Dr. Apo

2011- 10- 7, 06:29 PM